The Glory of the Gita's Sixth Chapter: King Janashruti and Raikva

Verse 1 (padma.6.180.1)

श्रीभगवानुवाच। षष्ठाध्यायस्य माहात्म्यं प्रवक्ष्यामि वरानने । यदाकर्णयतां नॄणां मुक्तिः करतले स्थिता

śrībhagavānuvāca ṣaṣṭhādhyāyasya māhātmyaṃ pravakṣyāmi varānane yadākarṇayatāṃ nṝṇāṃ muktiḥ karatale sthitā

The Blessed Lord said: I shall now tell the glory of the sixth chapter, O fair-faced one; for men who merely listen to it, liberation stands ready in the very palm of their hand.

Verse 2 (padma.6.180.2)

अस्ति गोदावरी तीरे प्रतिष्ठानं पुरं महत् । पिप्पलेशाभिधानोऽहं यत्रास्मि स्मेरलोचने

asti godāvarī tīre pratiṣṭhānaṃ puraṃ mahat pippaleśābhidhāno'haṃ yatrāsmi smeralocane

On the bank of the Godavari there is a great city called Pratishthana, where I myself abide under the name Pippalesha, O smiling-eyed one.

Verse 3 (padma.6.180.3)

यत्र गोदावरी तीर शीकरैरवशीतलैः । हंसाः पक्षपुटैः कीर्णैर्हरंति यमिनां श्रमम्

yatra godāvarī tīra śīkarairavaśītalaiḥ haṃsāḥ pakṣapuṭaiḥ kīrṇairharaṃti yamināṃ śramam

There, on the bank of the Godavari, swans, scattering cool spray with the beating of their wings, take away the weariness of ascetics.

Verse 4 (padma.6.180.4)

स्फुरत्पद्मावलीकोशपरागसुरभीकृतम् । श्लाघ्यं गोदावरीतोयं येन ते निर्जरा नराः

sphuratpadmāvalīkośaparāgasurabhīkṛtam ślāghyaṃ godāvarītoyaṃ yena te nirjarā narāḥ

The praiseworthy water of the Godavari, made fragrant by the pollen from rows of blossoming lotus-buds, is such that men who bathe in it become as gods, free of decay.

Verse 5 (padma.6.180.5)

धिक्सुधामौषधीशस्य विकृत्क्षयविधायिनीम् । महाराष्ट्रवधूकानां मज्जंतीनां मुनीश्वराः

dhiksudhāmauṣadhīśasya vikṛtkṣayavidhāyinīm mahārāṣṭravadhūkānāṃ majjaṃtīnāṃ munīśvarāḥ

Fie upon the nectar of the moon that causes waning and decay! -- for even the sages, beholding the women of Maharashtra bathing there,

Verse 6 (padma.6.180.6)

स्पृशंति यत्र वक्त्राणि फुल्लपंकजशंकया । यत्रखेलन्महाराष्ट्राः क्वणत्कंकणसुंदराः

spṛśaṃti yatra vaktrāṇi phullapaṃkajaśaṃkayā yatrakhelanmahārāṣṭrāḥ kvaṇatkaṃkaṇasuṃdarāḥ

touch their own faces, mistaking them for full-blown lotuses; where the women of Maharashtra sport, beautiful with tinkling bracelets,

Verse 7 (padma.6.180.7)

हरंति ध्वनयो लीनां मनांस्यपि तपस्विनाम् । अत्युच्चसौधशिखरविहारि वनितामुखम्

haraṃti dhvanayo līnāṃ manāṃsyapi tapasvinām atyuccasaudhaśikharavihāri vanitāmukham

and the very sounds of their bangles steal away even the concentrated minds of ascetics; where the faces of women disporting on the summits of the loftiest palaces,

Verse 8 (padma.6.180.8)

पश्यन्ननुदिनं यत्र क्षीयते मृगलांच्छनः । अत्युच्चसौधवलभी महामणिमरीचिभिः

paśyannanudinaṃ yatra kṣīyate mṛgalāṃcchanaḥ atyuccasaudhavalabhī mahāmaṇimarīcibhiḥ

beheld daily, cause even the moon, marked with the deer, to wane with envy; where the ridges of the loftiest palace-roofs, by the rays of great jewels,

Verse 9 (padma.6.180.9)

चुंब्यंते मुनिगंधर्वैर्दूर्वाचंदनचंचलैः । यस्मिन्नाधूयमानानां पताकानां समीरणैः

cuṃbyaṃte munigaṃdharvairdūrvācaṃdanacaṃcalaiḥ yasminnādhūyamānānāṃ patākānāṃ samīraṇaiḥ

are, as it were, kissed by sages and Gandharvas fickle for durva-grass and sandal; where, by the breezes stirring the fluttering banners,

Verse 10 (padma.6.180.10)

गतश्रमा रवेर्याने भवंति रथवाजिनः । राशीकृतैर्मलयजैरसंख्यातैर्वणिग्गणैः

gataśramā raveryāne bhavaṃti rathavājinaḥ rāśīkṛtairmalayajairasaṃkhyātairvaṇiggaṇaiḥ

even the horses drawing the sun's own chariot become free of fatigue; where, by the countless heaps of sandalwood piled up by throngs of merchants,

Verse 11 (padma.6.180.11)

यस्मिन्नुपलशेषोऽसौ लक्ष्यते मलयाचलः । पुंजीकृतानि दृश्यंते यत्र मुक्ताफलान्यपि

yasminnupalaśeṣo'sau lakṣyate malayācalaḥ puṃjīkṛtāni dṛśyaṃte yatra muktāphalānyapi

the very Malaya mountain seems reduced to a mere heap of stones; where heaps of pearls too are seen gathered together,

Verse 12 (padma.6.180.12)

नगरीदेवता हास्य स्तबका इव सर्वतः । तत्र ज्ञानश्रुतिर्नाम्ना मेदिनीवल्लभोऽभवत्

nagarīdevatā hāsya stabakā iva sarvataḥ tatra jñānaśrutirnāmnā medinīvallabho'bhavat

as though they were, everywhere, mere clusters of the smiling laughter of the city's own presiding goddess. There, a lord of the earth named Janashruti once lived.

Verse 13 (padma.6.180.13)

यस्मिन्नुद्धरति क्षोणीं शेषोऽयं मणिसंनिभां । अपि प्रतापमार्तंडमंडली तीव्रतेजसि

yasminnuddharati kṣoṇīṃ śeṣo'yaṃ maṇisaṃnibhāṃ api pratāpamārtaṃḍamaṃḍalī tīvratejasi

In whose reign this Shesha upheld the earth as though it were a mere jewel, even while the very orb of the sun of his own valor blazed with fierce splendor;

Verse 14 (padma.6.180.14)

नित्यमध्वरधूमेन श्यामलाः कल्पशाखिनः । असाधारणदातृत्वं पश्यंत इव लज्जया

nityamadhvaradhūmena śyāmalāḥ kalpaśākhinaḥ asādhāraṇadātṛtvaṃ paśyaṃta iva lajjayā

in whose reign the wish-fulfilling trees, ever darkened by the smoke of sacrifice, seemed, out of very shame, to behold his unparalleled generosity;

Verse 15 (padma.6.180.15)

यदध्वरपुरोडाश चर्वणास्वादलंपटाः । न तत्यजुः सुपर्वाणः प्रतिष्ठानपुरं मनाक्

yadadhvarapuroḍāśa carvaṇāsvādalaṃpaṭāḥ na tatyajuḥ suparvāṇaḥ pratiṣṭhānapuraṃ manāk

in whose reign the gods themselves, addicted to the taste of chewing the sacrificial cakes at his rites, would not leave the city of Pratishthana even for a moment;

Verse 16 (padma.6.180.16)

यस्यदानांबुधाराभिः प्रतापज्योत्स्नयानिशम् । मखधूमैश्च संपुष्टा ववृषुः समये घनाः

yasyadānāṃbudhārābhiḥ pratāpajyotsnayāniśam makhadhūmaiśca saṃpuṣṭā vavṛṣuḥ samaye ghanāḥ

in whose kingdom the clouds, nourished continually by the streams of his gifts, by the moonlight of his valor, and by the smoke of his sacrifices, rained down at the proper season;

Verse 17 (padma.6.180.17)

स्वल्पमात्रमपि क्वापि न पदं प्रापुरीतयः । नीतयः प्रसरंति स्म यस्मिन्शासति मेदिनीम्

svalpamātramapi kvāpi na padaṃ prāpurītayaḥ nītayaḥ prasaraṃti sma yasminśāsati medinīm

in whose reign calamities gained not even the slightest foothold anywhere, while the very principles of right conduct spread throughout the earth as he ruled it;

Verse 18 (padma.6.180.18)

वापिकूपतडागानां च्छद्मना योऽनुवासरम् । हृदयस्थानि मेदिन्या निधानानि व्यलोकयत्

vāpikūpataḍāgānāṃ cchadmanā yo'nuvāsaram hṛdayasthāni medinyā nidhānāni vyalokayat

who, under the pretext of building wells, tanks, and reservoirs day after day, thereby beheld the very treasures hidden within the heart of the earth.

Verse 19 (padma.6.180.19)

पांडुराभिः पताकाभिः प्रासादो यस्य राजते । वियद्गंगातरंगोघैर्हिमाद्रिरिव सानुमान्

pāṃḍurābhiḥ patākābhiḥ prāsādo yasya rājate viyadgaṃgātaraṃgoghairhimādririva sānumān

His palace, with its white banners, shone like the snowy mountain Himalaya, crowned with the streaming waves of the celestial Ganga.

Verse 20 (padma.6.180.20)

दानैस्तपोभिर्यज्ञैश्च प्रजानां पालनेन च । तुष्टाः स्वर्गौकसस्तस्मै वरं दातुं समागमन्

dānaistapobhiryajñaiśca prajānāṃ pālanena ca tuṣṭāḥ svargaukasastasmai varaṃ dātuṃ samāgaman

Pleased with his gifts, his austerities, his sacrifices, and his protection of his subjects, the dwellers of heaven came together to grant him a boon.

Verse 21 (padma.6.180.21)

ततोंतरिक्षमार्गेण धुन्वानाः पक्षसंहतीः । मृणालधवला देवी देवहंसा विनिर्गताः

tatoṃtarikṣamārgeṇa dhunvānāḥ pakṣasaṃhatīḥ mṛṇāladhavalā devī devahaṃsā vinirgatāḥ

Then, along the path of the sky, shaking their gathered wings, divine swans, white as lotus-fibers, set forth.

Verse 22 (padma.6.180.22)

त्वरया गच्छतां तेषामन्योन्यं तत्र भाषिणाम् । भद्राश्वप्रमुखा द्वित्राः पुरस्तान्निर्ययुर्जवात्

tvarayā gacchatāṃ teṣāmanyonyaṃ tatra bhāṣiṇām bhadrāśvapramukhā dvitrāḥ purastānniryayurjavāt

As they hastened along, speaking to one another, two or three of them, led by one named Bhadrashva, sped forward, out ahead of the rest.

Verse 23 (padma.6.180.23)

सर्वैर्मिलद्भिरूचुस्ते पुरस्ताद्गच्छतो जवात् । कथं वेगेन निर्याता भवंतः पुरतः स्थिताः

sarvairmiladbhirūcuste purastādgacchato javāt kathaṃ vegena niryātā bhavaṃtaḥ purataḥ sthitāḥ

All the others, joining together, said to those who had rushed ahead: 'Why have you sped forth so swiftly, going out in front of the rest?'

Verse 24 (padma.6.180.24)

सर्वैर्मिलित्वा गंतव्यमस्मिन्नध्वनि दुर्गमे । प्रकाशमानं पुरतस्तेजःपुंजं न पश्यथ

sarvairmilitvā gaṃtavyamasminnadhvani durgame prakāśamānaṃ puratastejaḥpuṃjaṃ na paśyatha

'We should all travel together on this difficult path. Do you not see that mass of light shining before us --'

Verse 25 (padma.6.180.25)

ज्ञानश्रुतेर्महीभर्तुः पुण्यमूर्त्तेरतिस्फुटम् । निशम्येति वचः सम्यक्पाश्चात्याना पुरः स्थिताः

jñānaśrutermahībhartuḥ puṇyamūrtteratisphuṭam niśamyeti vacaḥ samyakpāścātyānā puraḥ sthitāḥ

'-- the most evident radiance of Janashruti, lord of the earth, the very embodiment of merit?' Having duly heard these words, those who had rushed ahead, now standing before the others,

Verse 26 (padma.6.180.26)

हंसा हसित्वा सावज्ञमूचुर्वचनमुच्चकैः । रैक्याभिधस्य दुर्द्धर्ष तेजसो ब्रह्मवादिनः

haṃsā hasitvā sāvajñamūcurvacanamuccakaiḥ raikyābhidhasya durddharṣa tejaso brahmavādinaḥ

the swans, laughing scornfully, said aloud these words: 'What, indeed, is this radiance of King Janashruti, in comparison,'

Verse 27 (padma.6.180.27)

किं नु ज्ञानश्रुतेरस्य राज्ञस्तीव्रतरं महः । इति शुश्राव हंसानां गिरो ज्ञानश्रुतिर्नृपः

kiṃ nu jñānaśruterasya rājñastīvrataraṃ mahaḥ iti śuśrāva haṃsānāṃ giro jñānaśrutirnṛpaḥ

'to the unassailable splendor of one named Raikva, a knower of Brahman?' And King Janashruti overheard these words of the swans,

Verse 28 (padma.6.180.28)

अत्युच्चसौधभवनमारुह्य च सुखं स्थितः । ततः सारथिमाहूय भूपालो विस्मयान्वितः

atyuccasaudhabhavanamāruhya ca sukhaṃ sthitaḥ tataḥ sārathimāhūya bhūpālo vismayānvitaḥ

as he sat comfortably, having climbed to the top of his very lofty palace-building. Then, filled with astonishment, the king summoned his charioteer,

Verse 29 (padma.6.180.29)

संदिदेश महात्माऽसौ रैक्य आनीयतामिति । ततोऽवधार्य भूपालवचः पीयूषगर्भितम्

saṃdideśa mahātmā'sau raikya ānīyatāmiti tato'vadhārya bhūpālavacaḥ pīyūṣagarbhitam

and that great-souled king commanded: 'Let Raikva be brought here.' Then, having grasped the king's own word, filled as it was with the essence of nectar,

Verse 30 (padma.6.180.30)

निर्जगाममहो नाम्ना सारथिः प्रथयन्मुदम् । यत्र वाराणसीनाम नगरी मुक्तिदायिनी

nirjagāmamaho nāmnā sārathiḥ prathayanmudam yatra vārāṇasīnāma nagarī muktidāyinī

the charioteer set forth, spreading joy as he went -- first to that city named Varanasi, the bestower of liberation,

Verse 31 (padma.6.180.31)

यत्र विश्वेश्वरो नाम ह्युपदेष्टा जगत्पतिः । ततो गयाभिधे क्षेत्रे यत्र देवो गदाधरः

yatra viśveśvaro nāma hyupadeṣṭā jagatpatiḥ tato gayābhidhe kṣetre yatra devo gadādharaḥ

where the very Lord of the universe, the instructor known as Vishveshvara, dwells; then to the field called Gaya, where the god Gadadhara,

Verse 32 (padma.6.180.32)

उद्धर्तुमखिलान्लोकान्वसत्युत्फुल्ललोचनः । ततो गौरीगुरोः पार्श्वे सर्वैस्तीर्थैरनेकधा

uddhartumakhilānlokānvasatyutphullalocanaḥ tato gaurīguroḥ pārśve sarvaistīrthairanekadhā

his eyes wide with joy, dwells for the deliverance of all worlds; then, beside the guru of Gauri, the Himalaya, through all its various tirthas,

Verse 33 (padma.6.180.33)

पर्यटन्गतवान्यत्र केदारः पापदारणः । यमालोक्य सकृन्मर्त्या मुक्ताः स्युर्नात्र संशयः

paryaṭangatavānyatra kedāraḥ pāpadāraṇaḥ yamālokya sakṛnmartyā muktāḥ syurnātra saṃśayaḥ

wandering, he came to Kedara, the tearer-away of sin, beholding which, mortals, even once, become liberated -- there is no doubt of this.

Verse 34 (padma.6.180.34)

महापापविर्निमुक्ता भुक्त्वा भोगान्यथेप्सितान् । ततो गौडेषु निर्यातो यत्रास्ते पुरुषोत्तमः

mahāpāpavirnimuktā bhuktvā bhogānyathepsitān tato gauḍeṣu niryāto yatrāste puruṣottamaḥ

Freed from every great sin, having enjoyed whatever pleasures they desired, then he set forth into Gauda, where Purushottama dwells,

Verse 35 (padma.6.180.35)

यस्यावलोकनादेव नराः स्वर्लोकगामिनः । ततो द्वारावतीं प्रागान्नगरीं मुक्तिदायिनीम्

yasyāvalokanādeva narāḥ svarlokagāminaḥ tato dvārāvatīṃ prāgānnagarīṃ muktidāyinīm

the mere sight of whom sends men to the world of heaven; then he went on to the city of Dvaravati, the bestower of liberation,

Verse 36 (padma.6.180.36)

यत्रास्ते गोमती तीरे रुक्मिणीवल्लभो हरिः । स्नात्वा च गोमतीतीर्थे पंचकृष्णान्विलोक्य च

yatrāste gomatī tīre rukmiṇīvallabho hariḥ snātvā ca gomatītīrthe paṃcakṛṣṇānvilokya ca

where, on the bank of the Gomati, Hari, the beloved of Rukmini, dwells. Bathing at the Gomati-tirtha, and beholding the five images of Krishna,

Verse 37 (padma.6.180.37)

मर्त्यो मुक्तिमवाप्नोति भुक्त्वा भोगान्यथेप्सितान् । ततः समुद्रमासाद्य सोमनाथं विलोक्य च

martyo muktimavāpnoti bhuktvā bhogānyathepsitān tataḥ samudramāsādya somanāthaṃ vilokya ca

a mortal obtains liberation, having first enjoyed whatever pleasures he desired. Then, having reached the ocean, and beholding Somanatha,

Verse 38 (padma.6.180.38)

भुक्तिमुक्तिप्रदं देवं ततो निरगमन्सुधीः । अवंतिकां पुरीं प्राप्तो भुक्तिमुक्तिप्रदायिनीम्

bhuktimuktipradaṃ devaṃ tato niragamansudhīḥ avaṃtikāṃ purīṃ prāpto bhuktimuktipradāyinīm

the god who bestows both enjoyment and liberation, that wise charioteer then went on and reached the city of Avantika, the bestower of both enjoyment and liberation,

Verse 39 (padma.6.180.39)

यत्रोमया सुखं क्रीडन्महाकालोस्ति शंकरः । अथोंकारं समासाद्य शर्मदं नर्मदातटे । भुक्तिमुक्तिप्रदातारं त्वरया निर्गतस्ततः

yatromayā sukhaṃ krīḍanmahākālosti śaṃkaraḥ athoṃkāraṃ samāsādya śarmadaṃ narmadātaṭe bhuktimuktipradātāraṃ tvarayā nirgatastataḥ

where Shankara dwells as Mahakala, happily sporting with Uma; then, reaching Omkara, the bestower of well-being on the bank of the Narmada, the giver of both enjoyment and liberation, he swiftly set out from there,

Verse 40 (padma.6.180.40)

अश्वमेधकरं नाम्ना नगरं पर्यटंस्ततः । यत्र शार्ङ्गधरः साक्षादास्ते लक्ष्मीपतिः स्वयम्

aśvamedhakaraṃ nāmnā nagaraṃ paryaṭaṃstataḥ yatra śārṅgadharaḥ sākṣādāste lakṣmīpatiḥ svayam

wandering then to a city named Ashvamedhakara, where the bearer of the Sharnga bow, the very Lord of Lakshmi himself, dwells in person,

Verse 41 (padma.6.180.41)

ततो विष्णुगयां प्राप्तः कुण्डं लोणारसंज्ञितम् । यत्र स्नात्वा च पीत्वा च मुच्यते बन्धनान्नरः

tato viṣṇugayāṃ prāptaḥ kuṇḍaṃ loṇārasaṃjñitam yatra snātvā ca pītvā ca mucyate bandhanānnaraḥ

then he reached Vishnu-Gaya, and the pool known as Lonar; bathing there and drinking of its water, a man is freed from every bondage.

Verse 42 (padma.6.180.42)

ततः कोल्हापुरं नाम गतो रुद्रगयां प्रति । आस्ते भगवती यत्र लक्ष्मीर्भक्तिप्रदायिनी

tataḥ kolhāpuraṃ nāma gato rudragayāṃ prati āste bhagavatī yatra lakṣmīrbhaktipradāyinī

Then he went to the city named Kolhapur, toward Rudra-Gaya, where the goddess Lakshmi, the bestower of devotion, dwells.

Verse 43 (padma.6.180.43)

पञ्चनद्यां नरः स्नात्वा महालक्ष्मीं विलोक्य च । भुक्त्वा भोगान्यथाकामं भक्तिं च प्रतिपद्यते

pañcanadyāṃ naraḥ snātvā mahālakṣmīṃ vilokya ca bhuktvā bhogānyathākāmaṃ bhaktiṃ ca pratipadyate

A man, having bathed at Panchanadi, and beholding Mahalakshmi, having enjoyed whatever pleasures he desired, attains true devotion.

Verse 44 (padma.6.180.44)

ततोऽमलगिरिं नाम नगरीं प्रतिपद्य च । नन्दिकेश्वरमारुह्य सोमनाथोऽस्ति यत्र तु

tato'malagiriṃ nāma nagarīṃ pratipadya ca nandikeśvaramāruhya somanātho'sti yatra tu

Then, having reached the city named Amalagiri, and having ascended to Nandikeshvara, where Somanatha dwells,

Verse 45 (padma.6.180.45)

दृष्ट्वा चतुर्भुजं देवं वरदानोद्यतं शिवम् । सोमनाथं नृणां मुक्तिर्भवत्येव न संशयः

dṛṣṭvā caturbhujaṃ devaṃ varadānodyataṃ śivam somanāthaṃ nṛṇāṃ muktirbhavatyeva na saṃśayaḥ

beholding that four-armed god, Shiva, ever ready to grant boons -- through Somanatha, liberation certainly comes to men, there is no doubt.

Verse 46 (padma.6.180.46)

तुङ्गभद्रानदी तीरे दृष्ट्वा हरिहरं ततः । युगेयुगे भुजा यस्य पतन्त्यवनिमण्डले

tuṅgabhadrānadī tīre dṛṣṭvā hariharaṃ tataḥ yugeyuge bhujā yasya patantyavanimaṇḍale

Then, on the bank of the river Tungabhadra, beholding Harihara, whose arm falls to bless the circle of the earth, age after age,

Verse 47 (padma.6.180.47)

यद्विलोक्य नराः सर्वे रम्यं हरिहरं वपुः । भुक्त्वा भोगान्यथाकामं मुच्यन्ते बन्धनान्नराः

yadvilokya narāḥ sarve ramyaṃ hariharaṃ vapuḥ bhuktvā bhogānyathākāmaṃ mucyante bandhanānnarāḥ

beholding which delightful form of Harihara, all men, having enjoyed whatever pleasures they desired, are freed from every bondage,

Verse 48 (padma.6.180.48)

स्वर्गे कल्पशतं स्थित्वा मुक्तसंसारबन्धनाः । ततः स्वामिनमालोक्य लोकानां स्वामिनं विभुम्

svarge kalpaśataṃ sthitvā muktasaṃsārabandhanāḥ tataḥ svāminamālokya lokānāṃ svāminaṃ vibhum

and, having dwelt in heaven for a hundred kalpas, freed from the bonds of worldly existence -- then, having beheld the Lord, the mighty Lord of all worlds,

Verse 49 (padma.6.180.49)

यमालोक्य न पश्यन्ति निरयं जातुचिन्नराः । स्वर्गे कल्पशतं स्थित्वा मुक्तसंसारवासनाः

yamālokya na paśyanti nirayaṃ jātucinnarāḥ svarge kalpaśataṃ sthitvā muktasaṃsāravāsanāḥ

beholding whom, men never again behold hell; and, having dwelt in heaven for a hundred kalpas, their very desire for worldly existence dissolved,

Verse 50 (padma.6.180.50)

मुक्तिं च प्रतिदद्यन्ते नात्र कार्या विचारणा । ततः श्रीशैलमासाद्य सिद्धगन्धर्वसेवितम्

muktiṃ ca pratidadyante nātra kāryā vicāraṇā tataḥ śrīśailamāsādya siddhagandharvasevitam

they are granted liberation -- there is no need for doubt on this. Then, having reached Shrishaila, served by Siddhas and Gandharvas,

Verse 51 (padma.6.180.51)

गिरिजावल्लभो यत्र मल्लिनाथोऽभिधानतः । उद्धर्तुमखिलाँल्लोकान्संसाराम्भोधिमध्यतः

girijāvallabho yatra mallinātho'bhidhānataḥ uddhartumakhilā~llokānsaṃsārāmbhodhimadhyataḥ

where the beloved of Girija dwells, under the name of Mallinatha, for the deliverance of all worlds from the very midst of the ocean of worldly existence --

Verse 52 (padma.6.180.52)

स्वर्गे कल्पशतं स्थित्वा मुक्तसंसारबंधनाः । मुक्तिं च प्रतिपद्यंते नात्र कार्या विचारणा

svarge kalpaśataṃ sthitvā muktasaṃsārabaṃdhanāḥ muktiṃ ca pratipadyaṃte nātra kāryā vicāraṇā

having dwelt in heaven for a hundred kalpas, freed from the bonds of worldly existence, they attain liberation -- there is no need for doubt on this.

Verse 53 (padma.6.180.53)

ततः श्रीशैलमासाद्य सिद्धगंधर्वसेवितम् । गिरिजावल्लभो यत्र मल्लिनाथोऽभिधानतः

tataḥ śrīśailamāsādya siddhagaṃdharvasevitam girijāvallabho yatra mallinātho'bhidhānataḥ

Then, having reached Shrishaila, served by Siddhas and Gandharvas, where the beloved of Girija dwells under the name Mallinatha --

Verse 54 (padma.6.180.54)

उद्धर्तुमखिलाँल्लोकान्संसारांबुधिमध्यतः । कालेकाले परं ज्योतिर्यः संदर्शयते स्वयम्

uddhartumakhilā~llokānsaṃsārāṃbudhimadhyataḥ kālekāle paraṃ jyotiryaḥ saṃdarśayate svayam

for the deliverance of all worlds from the very midst of the ocean of worldly existence, who himself reveals, from age to age, his own supreme light --

Verse 55 (padma.6.180.55)

अवलोकयतां नॄणां यमनुस्मरतामपि । दूरे तिष्ठंति संत्रस्ता दूरं निरययातनाः

avalokayatāṃ nṝṇāṃ yamanusmaratāmapi dūre tiṣṭhaṃti saṃtrastā dūraṃ nirayayātanāḥ

for men who behold him, and even for those who merely remember him, the torments of hell stand far off, terrified, at a great distance.

Verse 56 (padma.6.180.56)

स्वर्गे लोके सुखं भुक्त्वा मुक्तसंसारबंधनाः । मुक्तिं च प्रतिपद्यंते मानवा नात्र संशयः

svarge loke sukhaṃ bhuktvā muktasaṃsārabaṃdhanāḥ muktiṃ ca pratipadyaṃte mānavā nātra saṃśayaḥ

Having enjoyed happiness in the world of heaven, freed from the bonds of worldly existence, men attain liberation -- there is no doubt of this.

Verse 57 (padma.6.180.57)

रामोस्ति सानुजः सार्द्धं जानक्यापि ततो गतः । तत्र स्नात्वा च पीत्वा च मुच्यते नरकाद्ध्रुवम्

rāmosti sānujaḥ sārddhaṃ jānakyāpi tato gataḥ tatra snātvā ca pītvā ca mucyate narakāddhruvam

There Rama dwells, together with his younger brother and with Janaki as well; going there, having bathed and drunk of its water, one is certainly freed from hell,

Verse 58 (padma.6.180.58)

कल्पकोटिशतं भुक्त्वा स्वर्गलोकसुखं नराः । मुक्तसंसारवर्त्मानो मुक्तिं यांति न संशयः

kalpakoṭiśataṃ bhuktvā svargalokasukhaṃ narāḥ muktasaṃsāravartmāno muktiṃ yāṃti na saṃśayaḥ

and, having enjoyed the happiness of heaven for a hundred million kalpas, men, freed from the path of worldly existence, attain liberation -- there is no doubt.

Verse 59 (padma.6.180.59)

ततो निवृत्य आयातः पश्यन्भीमरथी तटे । द्विभुजं विठ्ठलं देवं भुक्तिमुक्तिप्रदायकम्

tato nivṛtya āyātaḥ paśyanbhīmarathī taṭe dvibhujaṃ viṭhṭhalaṃ devaṃ bhuktimuktipradāyakam

Then, turning back, he came to behold, on the bank of the Bhimarathi, the two-armed god Vitthala, the bestower of both enjoyment and liberation,

Verse 60 (padma.6.180.60)

यत्र गोदावरीजन्मस्थानं ब्रह्मगिरिर्महान् । गौतमालयमासाद्य यत्रास्ते त्र्यंबको हरः

yatra godāvarījanmasthānaṃ brahmagirirmahān gautamālayamāsādya yatrāste tryaṃbako haraḥ

and, at the great Brahmagiri, the birthplace of the Godavari, having reached the abode of Gautama, where Hara dwells as Tryambaka,

Verse 61 (padma.6.180.61)

अरुणावरुणयोर्मध्ये यत्र गोदावरी नदी । तत्र स्नात्वा च पीत्वा च ब्रह्महत्या विलीयते

aruṇāvaruṇayormadhye yatra godāvarī nadī tatra snātvā ca pītvā ca brahmahatyā vilīyate

between the Aruna and the Varuna, where the river Godavari flows; bathing there and drinking of its water, the sin of killing a brahmin dissolves away.

Verse 62 (padma.6.180.62)

असंख्यतीर्थसंपन्नं दृष्ट्वा ब्रह्मगिरिं नराः । मुक्तिमेव प्रपद्यंते मुक्ताः संसारदुःखतः

asaṃkhyatīrthasaṃpannaṃ dṛṣṭvā brahmagiriṃ narāḥ muktimeva prapadyaṃte muktāḥ saṃsāraduḥkhataḥ

Beholding Brahmagiri, endowed with countless tirthas, men attain liberation itself, freed from the sorrow of worldly existence.

Verse 63 (padma.6.180.63)

गौतम्युभयतीरस्थ तीर्थान्वेषणकौतुकी । ततो जगाम सूतस्तु मथुरां पापनाशिनीम्

gautamyubhayatīrastha tīrthānveṣaṇakautukī tato jagāma sūtastu mathurāṃ pāpanāśinīm

Eager to seek out the tirthas standing on both banks of the Gautami, the charioteer then went on to Mathura, the destroyer of sin,

Verse 64 (padma.6.180.64)

यत्र स्वायंभुवं देवं भजंति सुरमानवाः । आद्यं भगवतः स्थानं महन्मुक्तिप्रदायकम्

yatra svāyaṃbhuvaṃ devaṃ bhajaṃti suramānavāḥ ādyaṃ bhagavataḥ sthānaṃ mahanmuktipradāyakam

where gods and men alike worship the self-existent god; that first and greatest abode of the Lord, the bestower of liberation,

Verse 65 (padma.6.180.65)

त्रैलोक्येश जनिस्थानं विख्यातं वेदशास्त्रयोः । नानादेवगणैर्जुष्टं द्विजर्षिगणसेवितम्

trailokyeśa janisthānaṃ vikhyātaṃ vedaśāstrayoḥ nānādevagaṇairjuṣṭaṃ dvijarṣigaṇasevitam

the birthplace of the Lord of the three worlds, renowned in the Veda and the scriptures, frequented by the many hosts of gods, served by hosts of twice-born sages,

Verse 66 (padma.6.180.66)

कालिंदीकूलसंशोभि ह्यर्द्धचंद्र प्रभाकृति । सर्वतीर्थनिवासैक पूर्णमानंदसुंदरम्

kāliṃdīkūlasaṃśobhi hyarddhacaṃdra prabhākṛti sarvatīrthanivāsaika pūrṇamānaṃdasuṃdaram

resplendent on the bank of the Kalindi, shaped like a crescent moon, the sole abode of every tirtha, full of beauty and bliss,

Verse 67 (padma.6.180.67)

गोवर्द्धनगिरिप्रख्यं पुण्यद्रुमलतावृतम् । द्विषड्वनं महापुण्यं विश्रांति श्रुतिसारभृत्

govarddhanagiriprakhyaṃ puṇyadrumalatāvṛtam dviṣaḍvanaṃ mahāpuṇyaṃ viśrāṃti śrutisārabhṛt

renowned for Mount Govardhana, enclosed by sacred trees and creepers, its twelve forests of great merit, a place of rest, bearing the very essence of the scriptures.

Verse 68 (padma.6.180.68)

ततः काश्मीरनगरमपश्यत्प्रत्यगुत्तरम् । दृष्ट्वा धर्मधुरं क्षेत्रं कुरुक्षेत्रं समंततः

tataḥ kāśmīranagaramapaśyatpratyaguttaram dṛṣṭvā dharmadhuraṃ kṣetraṃ kurukṣetraṃ samaṃtataḥ

Then he beheld the city of Kashmir toward the west and north; and, having beheld everywhere the field of Kurukshetra, that very axle of dharma,

Verse 69 (padma.6.180.69)

यत्राभ्रंलिहगेहानां पंक्तयः शंखपाण्डुराः । ता जाता धूर्जटेः स्पष्ट अट्टहासदशा इव

yatrābhraṃlihagehānāṃ paṃktayaḥ śaṃkhapāṇḍurāḥ tā jātā dhūrjaṭeḥ spaṣṭa aṭṭahāsadaśā iva

where the rows of sky-scraping houses, white as conch-shells, seemed as though they were the very visible teeth of Dhurjati's laughter,

Verse 70 (padma.6.180.70)

भक्तिप्रसादमालानां सुवर्णकलशैर्वृतम् । स्वः सिंधोः पतितानीव हेमपद्मानि मारुतैः

bhaktiprasādamālānāṃ suvarṇakalaśairvṛtam svaḥ siṃdhoḥ patitānīva hemapadmāni mārutaiḥ

adorned with golden pinnacles crowning garlands born of devotion, as though golden lotuses had fallen there from the celestial Ganges, carried by the winds,

Verse 71 (padma.6.180.71)

यत्र प्रासादशिखरे नीलपट्टपताकिकाः । शैवालवलयाभांति स्वः सिंधोर्लतिका इव

yatra prāsādaśikhare nīlapaṭṭapatākikāḥ śaivālavalayābhāṃti svaḥ siṃdhorlatikā iva

where, on the peaks of the palaces, the small blue-cloth banners shone like rings of moss, like the very creepers of the celestial river,

Verse 72 (padma.6.180.72)

यत्र काश्मीरमाश्रित्य नित्यं वसति भारती । नौचेद्युगपदेवेदं कथं लिखति वाङ्मयम्

yatra kāśmīramāśritya nityaṃ vasati bhāratī naucedyugapadevedaṃ kathaṃ likhati vāṅmayam

where Bharati, Sarasvati, ever dwells, resorting to Kashmir; for otherwise, how could this whole body of literature be written all at once?

Verse 73 (padma.6.180.73)

विश्रामंत्याः सरस्वत्याश्चिरं यत्र मदालसाः । मृणालचंचवो हंसा वाहनानि चरंत्यमी

viśrāmaṃtyāḥ sarasvatyāściraṃ yatra madālasāḥ mṛṇālacaṃcavo haṃsā vāhanāni caraṃtyamī

where, as Sarasvati rests there for long stretches of time, swans, languid with joy, their beaks like lotus-fibers, wander about as her vehicles,

Verse 74 (padma.6.180.74)

कलाविशेषं प्रहिता यत्र बोद्धुं विरंचिना । तारा इव विराजंते हंसा याताः समंततः

kalāviśeṣaṃ prahitā yatra boddhuṃ viraṃcinā tārā iva virājaṃte haṃsā yātāḥ samaṃtataḥ

sent by Brahma himself to learn some special art, shining like stars, these swans, having gone forth in every direction,

Verse 75 (padma.6.180.75)

स्थलपद्मानि दृश्यंते करस्पर्शसुखानि च । शयनाय नितंबिन्या यस्मिन्दानववैरिणा

sthalapadmāni dṛśyaṃte karasparśasukhāni ca śayanāya nitaṃbinyā yasmindānavavairiṇā

where land-lotuses are seen, delightful to the touch of the hand, prepared as a resting-place by the enemy of the danavas for his lady of shapely hips,

Verse 76 (padma.6.180.76)

उपन्यासैर्द्विजातीनां यत्र न श्रूयते स्फुटम् । मूकोऽपि निर्जरो वाचा पदकल्लोलडंबरः

upanyāsairdvijātīnāṃ yatra na śrūyate sphuṭam mūko'pi nirjaro vācā padakallolaḍaṃbaraḥ

where, amid the discourses of the twice-born, the ostentatious flow of words even from a mute immortal is not clearly to be heard,

Verse 77 (padma.6.180.77)

यस्मिन्नध्वरधूमेन व्याप्तं गगनमंडलम् । अपि च क्षालितं मेघैः कालिमानं न मुंचति

yasminnadhvaradhūmena vyāptaṃ gaganamaṃḍalam api ca kṣālitaṃ meghaiḥ kālimānaṃ na muṃcati

where the very vault of the sky, pervaded by the smoke of sacrifice, even though washed by the clouds, does not release its darkness,

Verse 78 (padma.6.180.78)

गलितायाः सुधायास्तु यत्राध्वरमहार्चिषा । लांछितं छद्मनास्थानं दृश्यते तुहिनत्विषि

galitāyāḥ sudhāyāstu yatrādhvaramahārciṣā lāṃchitaṃ chadmanāsthānaṃ dṛśyate tuhinatviṣi

where, from the great flame of the sacrificial fire, the place marked by the trickling of nectar is seen, as though under the guise of moonlight,

Verse 79 (padma.6.180.79)

जन्माभ्यासवशादेव पठंति बटवः स्वयम् । यत्रोपाध्यायसान्निध्यमाश्रित्य सकलाः कलाः

janmābhyāsavaśādeva paṭhaṃti baṭavaḥ svayam yatropādhyāyasānnidhyamāśritya sakalāḥ kalāḥ

where, simply by the force of habit from birth, young students themselves recite the scriptures, and, resorting to the presence of their teacher, learn every art and science,

Verse 80 (padma.6.180.80)

यत्र ब्राह्मणपत्नीनां कंकणध्वनि हुंकृतिः । लुंपत्यनुदिनं भ्राम्यद्भ्रमराणां च गर्जितम्

yatra brāhmaṇapatnīnāṃ kaṃkaṇadhvani huṃkṛtiḥ luṃpatyanudinaṃ bhrāmyadbhramarāṇāṃ ca garjitam

where the tinkling sound of the bangles of brahmins' wives, its very hum, drowns out daily even the droning buzz of wandering bees,

Verse 81 (padma.6.180.81)

यत्र ब्राह्मणपत्नीनां कपोलफलकं मुहुः । स्पृशन्समीरणो मंदं वाति शापभयादिव

yatra brāhmaṇapatnīnāṃ kapolaphalakaṃ muhuḥ spṛśansamīraṇo maṃdaṃ vāti śāpabhayādiva

where the breeze, again and again touching the cheeks of brahmins' wives, blows gently, as though out of fear of a curse,

Verse 82 (padma.6.180.82)

माणिक्येश्वरनामासौ यत्र शीतांशुशेखरः । वसत्यनुदिनं देवो वरदानाय देहिनाम्

māṇikyeśvaranāmāsau yatra śītāṃśuśekharaḥ vasatyanudinaṃ devo varadānāya dehinām

where that god, bearing the cool-rayed moon upon his crest, under the name of Manikyeshvara, dwells daily for the granting of boons to embodied beings,

Verse 83 (padma.6.180.83)

अर्चितो भूपतीन्जित्वा मणिकेशेन चादृतः । माणिक्येश्वर इत्याख्यां तदाप्रभृति यो दधौ

arcito bhūpatīnjitvā maṇikeśena cādṛtaḥ māṇikyeśvara ityākhyāṃ tadāprabhṛti yo dadhau

worshipped, honored by a king Manikesha who, having conquered other kings, from that time bore the very name Manikyeshvara for that god,

Verse 84 (padma.6.180.84)

राज्ञा काश्मीरदेवेश दिग्जयोत्सवकारिणा । असौ सुपूजितो यस्मान्माणिक्यैर्भूरिभूतिभिः

rājñā kāśmīradeveśa digjayotsavakāriṇā asau supūjito yasmānmāṇikyairbhūribhūtibhiḥ

worshipped abundantly with rubies by that king, lord of Kashmir, who celebrated his conquest of every quarter --

Verse 85 (padma.6.180.85)

संसेवमानं तद्वारि छायां शकटिकोपरि । कंडूयमानमंगानि यंता रैक्यमपश्यत

saṃsevamānaṃ tadvāri chāyāṃ śakaṭikopari kaṃḍūyamānamaṃgāni yaṃtā raikyamapaśyata

-- there, resorting to the shade of that water, upon a small cart, scratching his own limbs, the charioteer beheld Raikva.

Verse 86 (padma.6.180.86)

राज्ञापि कथितैस्तैस्तैश्चिह्नैः परिचितं जवात् । प्रणतः सारथी रैक्यं प्रणम्य तमभाषत

rājñāpi kathitaistaistaiścihnaiḥ paricitaṃ javāt praṇataḥ sārathī raikyaṃ praṇamya tamabhāṣata

Recognizing him at once by those very marks the king had described, the charioteer, bowing before Raikva, spoke to him:

Verse 87 (padma.6.180.87)

सारथिरुवाच। कस्मिन्ब्रह्मन्किन्नामासि स्वछंदोऽसि निरंतरम् । किमर्थमत्र विश्रांतः किं च कर्तुं चिकीर्षसि

sārathiruvāca kasminbrahmankinnāmāsi svachaṃdo'si niraṃtaram kimarthamatra viśrāṃtaḥ kiṃ ca kartuṃ cikīrṣasi

The charioteer said: In what place, O brahmin, and by what name, are you known? You ever seem so free and independent. For what reason do you rest here, and what is it you wish to accomplish?

Verse 88 (padma.6.180.88)

इत्याकर्ण्य च तद्वाक्यं परमानंदनिर्भरः । स्मृत्वा सारथिमित्यूचे वयं पूर्णमनोरथाः

ityākarṇya ca tadvākyaṃ paramānaṃdanirbharaḥ smṛtvā sārathimityūce vayaṃ pūrṇamanorathāḥ

Hearing these words, overflowing with the highest bliss, remembering his own state, he said to the charioteer: 'We are already fully content in our own heart's desire.'

Verse 89 (padma.6.180.89)

परं केनापि बहुना परिचर्याविधायिना । भवितव्यं मनोवृत्तिं जानतास्माकमेव हि

paraṃ kenāpi bahunā paricaryāvidhāyinā bhavitavyaṃ manovṛttiṃ jānatāsmākameva hi

'Yet there must be someone, of no small measure, ready to serve us, one who truly knows our own inclination of mind.'

Verse 90 (padma.6.180.90)

हृदयस्थितमादाय रैक्याभिप्रायमादरात् । शनैर्निरगमद्यंता यत्रास्ते वसुधाधिपः

hṛdayasthitamādāya raikyābhiprāyamādarāt śanairniragamadyaṃtā yatrāste vasudhādhipaḥ

Taking to heart, with due respect, Raikva's intention, the charioteer slowly set out for the place where the lord of the earth dwelt.

Verse 91 (padma.6.180.91)

ततः प्रणम्य भूपालं यथावृत्तं न्यवेदयत् । बद्धांजलिपुटो हृष्टः सारथिः स्वामिदर्शनात्

tataḥ praṇamya bhūpālaṃ yathāvṛttaṃ nyavedayat baddhāṃjalipuṭo hṛṣṭaḥ sārathiḥ svāmidarśanāt

Then, bowing before the king, that charioteer, delighted at the sight of his own master, with joined palms related to him exactly what had happened.

Verse 92 (padma.6.180.92)

ततो निशम्य तद्वाक्यं विस्मयस्मेरलोचनः । श्रद्धालुरभवद्भूपो रैक्यसंभावनाविधौ

tato niśamya tadvākyaṃ vismayasmeralocanaḥ śraddhālurabhavadbhūpo raikyasaṃbhāvanāvidhau

Then, hearing those words, the king, his eyes smiling with wonder, became filled with faith regarding the manner of honoring Raikva.

Verse 93 (padma.6.180.93)

आदायाश्वतरीयुग्मयुक्तां शकटिकामगात् । मुक्ताहारदुकूलानि सहस्रं च गवां नृपः

ādāyāśvatarīyugmayuktāṃ śakaṭikāmagāt muktāhāradukūlāni sahasraṃ ca gavāṃ nṛpaḥ

Taking with him a small cart yoked with a pair of mules, and pearl necklaces, and fine silken garments, and a thousand cows, the king set out,

Verse 94 (padma.6.180.94)

गतोऽसौ तत्र यत्रास्ते योगी काश्मीरमंडले । तन्निवेद्य पुरो राजा दंडवत्पतितो भुवि

gato'sau tatra yatrāste yogī kāśmīramaṃḍale tannivedya puro rājā daṃḍavatpatito bhuvi

and went there, to where that yogi dwelt in the region of Kashmir. Presenting these gifts before him, the king fell prostrate upon the ground,

Verse 95 (padma.6.180.95)

आनम्य परया भक्त्या रैक्यो राज्ञे चुकोप ह । रे शूद्र मामकं वृत्तं न जानासि दुरीश्वर

ānamya parayā bhaktyā raikyo rājñe cukopa ha re śūdra māmakaṃ vṛttaṃ na jānāsi durīśvara

bowing with the highest devotion. But Raikva became angry with the king, saying: 'O shudra, wretched lord, you do not know my own way of life!'

Verse 96 (padma.6.180.96)

गृहाण शकटीमेतामुत्थाप्याश्वतरी युताम् । वस्त्राणि मुक्ताहारांश्च गाश्च दोग्ध्रीरपि स्वयम्

gṛhāṇa śakaṭīmetāmutthāpyāśvatarī yutām vastrāṇi muktāhārāṃśca gāśca dogdhrīrapi svayam

'Take back this cart, together with the mules that draw it -- lift it up -- take back your garments, your pearl necklaces, and your milk-cows yourself.'

Verse 97 (padma.6.180.97)

इत्थमाज्ञतवान्भूपो रैक्यस्य भयमादधे । ततः शापभयाद्राजा तत्पदांभोरुहद्वयम्

itthamājñatavānbhūpo raikyasya bhayamādadhe tataḥ śāpabhayādrājā tatpadāṃbhoruhadvayam

Thus commanded, the king was overcome with fear of Raikva. Then, out of fear of his curse, the king, grasping that pair of his lotus feet,

Verse 98 (padma.6.180.98)

गृह्णन्भक्त्या प्रसीदेति ब्रह्मन्नित्यूचिवान्स्वयम्

gṛhṇanbhaktyā prasīdeti brahmannityūcivānsvayam

with devotion, himself said: 'Be gracious, O brahmin.'

Verse 99 (padma.6.180.99)

राजोवाच। भगवंस्तव माहात्म्यमेतदत्युद्भुतं कुतः । प्रसन्नीभूय भगवन्नाख्याहि मम तत्त्वतः

rājovāca bhagavaṃstava māhātmyametadatyudbhutaṃ kutaḥ prasannībhūya bhagavannākhyāhi mama tattvataḥ

The king said: O lord, from where does this most wondrous glory of yours come? Being gracious, O lord, please tell me the truth of it.

Verse 100 (padma.6.180.100)

रैक्य उवाच। गीतानां षष्ठमध्यायं जपामि प्रत्यहं नृप । तेनैव तेजोराशिर्मे सुराणामपि दुःसहः

raikya uvāca gītānāṃ ṣaṣṭhamadhyāyaṃ japāmi pratyahaṃ nṛpa tenaiva tejorāśirme surāṇāmapi duḥsahaḥ

Raikva said: I recite the sixth chapter of the Gita every single day, O king. By that alone, this mass of splendor of mine has become unbearable even to the gods.

Verse 101 (padma.6.180.101)

गीतानां षष्ठमध्यायं रैक्यादभ्यस्य यत्नतः । ज्ञानश्रुतिर्महीपालो मुक्तिमाप ततः सुधीः

gītānāṃ ṣaṣṭhamadhyāyaṃ raikyādabhyasya yatnataḥ jñānaśrutirmahīpālo muktimāpa tataḥ sudhīḥ

Having diligently learned and practiced the sixth chapter of the Gita from Raikva, King Janashruti, that wise ruler of the earth, thereupon attained liberation.

Verse 102 (padma.6.180.102)

रैक्योऽपि सुखमालेभे माणिक्येश्वरसन्निधौ । गीतानां षष्ठमध्यायं जपन्मोक्षप्रदायकम्

raikyo'pi sukhamālebhe māṇikyeśvarasannidhau gītānāṃ ṣaṣṭhamadhyāyaṃ japanmokṣapradāyakam

Raikva too obtained happiness in the very presence of Manikyeshvara, reciting the sixth chapter of the Gita, the bestower of liberation.

Verse 103 (padma.6.180.103)

मरालवेषमास्थाय वरदानार्थमागताः । दिवौकसोऽपि निर्जग्मुः स्वैरं विस्मयकारिताः

marālaveṣamāsthāya varadānārthamāgatāḥ divaukaso'pi nirjagmuḥ svairaṃ vismayakāritāḥ

The dwellers of heaven too, having taken the form of swans, who had come for the sake of granting boons, then departed freely, filled with astonishment.

Verse 104 (padma.6.180.104)

इममध्यायमप्येकं यो जपेत्सततं नरः । सोऽपि तत्पदवीमेति विष्णोरेव न संशयः

imamadhyāyamapyekaṃ yo japetsatataṃ naraḥ so'pi tatpadavīmeti viṣṇoreva na saṃśayaḥ

Whatever man constantly recites even this one single chapter also attains, without doubt, that same station of Vishnu himself.