The Birth of Lakshmi

Verse 1 (padma.6.232.1)

शंकर उवाच- ततः सुरगणाः सर्वे दानवाद्या महाबलाः । उत्पाट्य मंदरं शैलं चिक्षिपुः पयसांनिधौ ।

śaṁkara uvāca tataḥ suragaṇāḥ sarve dānavādyā mahābalāḥ utpāṭya maṁdaraṁ śailaṁ cikṣipuḥ payasāṁnidhau

Shankara said: Then all the hosts of gods, the Danavas and other very powerful ones, uprooted the mountain Mandara and threw it into the ocean of milk.

Verse 2 (padma.6.232.2)

ततो नारायणः श्रीमान्भगवान्भूतभावनः । कूर्मरूपेण तं शैलं दधारामितविक्रमः ।

tato nārāyaṇaḥ śrīmāṁbhagavāṁbhūtabhāvanaḥ kūrmarūpeṇa taṁ śailaṁ dadhārāmitavikramaḥ

Then Narayana, glorious, the god, the origin of all beings, of measureless valor, supported that mountain in the form of a tortoise.

Verse 3 (padma.6.232.3)

अनादिमध्यांतवपुर्विश्वरूपः सनातनः । अधारयद्गिरिवरं संपूज्यो जगदीश्वरः ।

anādimadhyāṁtavapurviśvarūpaḥ sanātanaḥ adhārayadgirivaraṁ saṁpūjyo jagadīśvaraḥ

Without beginning, middle, or end in his body, of universal form, eternal, he, the worshipful lord of the universe, supported the excellent mountain.

Verse 4 (padma.6.232.4)

तथैकेन भुजेनैव ईश्वरः सर्वगोऽव्ययः । ततो देवासुराः सर्वे ममंथुः क्षीरसागरम् ।

tathaikena bhujenaiva īśvaraḥ sarvago'vyayaḥ tato devāsurāḥ sarve mamaṁthuḥ kṣīrasāgaram

And thus, with a single arm, the Lord, all-pervading, imperishable, supported it. Then all the gods and demons churned the ocean of milk,

Verse 5 (padma.6.232.5)

सर्प्पराजेन संवेष्ट्य घर्घरं मंदराचलम् । मथ्यमानेऽथ दुग्धाब्धौ दैवतैः सुमहाबलैः ।

sarpparājena saṁveṣṭya ghargharaṁ maṁdarācalam mathyamāne'tha dugdhābdhau daivataiḥ sumahābalaiḥ

having wound the great serpent-king about Mandara as the churning-rod, while it was being churned by the very mighty celestials, in that ocean of milk.

Verse 6 (padma.6.232.6)

उत्पादनार्थं लक्ष्म्याश्च सर्व एव महर्षयः । उपोष्य नियमं कृत्वा जेपुः श्रीसूक्तमेव च ।

utpādanārthaṁ lakṣṁyāśca sarva eva maharṣayaḥ upoṣya niyamaṁ kṛtvā jepuḥ śrīsūktameva ca

For the purpose of producing Lakshmi, all the great sages, having fasted and observed the vow, recited the Shri-sukta.

Verse 7 (padma.6.232.7)

सहस्रनामपठनं चक्रुर्दिव्या द्विजोत्तमाः । एकादश्यां तु शुद्धायां मथ्यमाने महांबुधौ ।

sahasranāmapaṭhanaṁ cakrurdivyā dvijottamāḥ ekādaśyāṁ tu śuddhāyāṁ mathyamāne mahāṁbudhau

The excellent divine twice-born ones recited the thousand names. On the pure eleventh day, while the great ocean was being churned,

Verse 8 (padma.6.232.8)

उपोष्य ऋषयः सर्वे जप्तं श्रीमंत्रमुत्तमम् । कांक्षमाणाश्च ये जप्तुं लक्ष्मीनारायणं हरिम् ।

upoṣya ṛṣayaḥ sarve japtaṁ śrīmaṁtramuttamam kāṁkṣamāṇāśca ye japtuṁ lakṣmīnārāyaṇaṁ harim

all the sages, having fasted, recited the supreme Shri mantra. Those who wished to recite the mantra of Lakshmi-Narayana Hari —

Verse 9 (padma.6.232.9)

ध्यात्वा समर्च्चयामासुर्द्विजाग्र्या मुनिसत्तमाः । ततस्तस्मिन्मुहूर्ते तु मथ्यमाने महांबुधौ ।

dhyātvā samarccayāmāsurdvijāgryā munisattamāḥ tatastasmiṁmuhūrte tu mathyamāne mahāṁbudhau

— the foremost of the twice-born, the best of sages, meditated and worshipped. Then, at that very moment, while the great ocean was being churned,

Verse 10 (padma.6.232.10)

समभूत्तत्र प्रथमं कालकूटं महाविषम् । महापीडं महाघोरं संवर्ताग्निसमप्रभम् ।

samabhūttatra prathamaṁ kālakūṭaṁ mahāviṣam mahāpīḍaṁ mahāghoraṁ saṁvartāgnisamaprabham

there first arose the Kalakuta, a great poison, of great affliction, most terrible, radiant like the fire of universal destruction.

Verse 11 (padma.6.232.11)

दृष्ट्वा प्रदुद्रुवुः सर्वे भयार्ता देवदानवाः । ततस्तान्विद्रुतान्दृष्ट्वा भयार्त्तान्सुरसत्तमान् ।

dṛṣṭvā pradudruvuḥ sarve bhayārtā devadānavāḥ tatastāṁvidrutāṁdṛṣṭvā bhayārttāṁsurasattamān

Seeing it, all the gods and demons, tormented by fear, fled. Then, seeing them fleeing, the best of the gods, tormented by fear —

Verse 12 (padma.6.232.12)

ततस्तानब्रुवं वाक्यमहं तत्र शुभेक्षणे । भोभो देवगणाः सर्वैर्न भेतव्यं विषं प्रति ।

tatastānabruvaṁ vākyamahaṁ tatra śubhekṣaṇe bhobho devagaṇāḥ sarvairna bhetavyaṁ viṣaṁ prati

— then I spoke this word to them, O fair-eyed one: 'O gods, all of you need not fear this poison.

Verse 13 (padma.6.232.13)

अहमाहारयिष्यामि कालकूटं महाविषम् । इत्युक्तास्ते मया सर्वे देवा इंद्र पुरोगमाः ।

ahamāhārayiṣyāmi kālakūṭaṁ mahāviṣam ityuktāste mayā sarve devā iṁdra purogamāḥ

I shall consume the Kalakuta, the great poison.' Thus addressed by me, all those gods, led by Indra,

Verse 14 (padma.6.232.14)

साधुसाध्विति वाक्यैर्मां तुष्टुवुः प्रणता भृशम् । तद्दृष्ट्वा मेघसंकाशं प्रादुर्भूतं महाविषम् ।

sādhusādhviti vākyairmāṁ tuṣṭuvuḥ praṇatā bhṛśam taddṛṣṭvā meghasaṁkāśaṁ prādurbhūtaṁ mahāviṣam

praised me exceedingly with words of 'Well done, well done,' bowing low. Seeing that cloud-like great poison appear,

Verse 15 (padma.6.232.15)

ध्यात्वा नारायणं देवं हृदये गरुडध्वजम् । उदयादित्यसंकाशं शंखचक्रगदाधरम् ।

dhyātvā nārāyaṇaṁ devaṁ hṛdaye garuḍadhvajam udayādityasaṁkāśaṁ śaṁkhacakragadādharam

having meditated in my heart upon the god Narayana, bearing the banner of Garuda,

Verse 16 (padma.6.232.16)

श्रीभूमिसहितं देवं तप्तकांचनकुण्डलम् । एकाग्रमनसा ध्यात्वा सर्वदुःखहरं प्रभुम् ।

śrībhūmisahitaṁ devaṁ taptakāṁcanakuṁḍalam ekāgramanasā dhyātvā sarvaduḥkhaharaṁ prabhum

radiant like the rising sun, bearer of the conch, discus, and mace, the god together with Shri and Bhumi, wearing molten-gold earrings —

Verse 17 (padma.6.232.17)

नामरूपं महामंत्रं जप्त्वा लक्ष्म्यासमन्वितम् । तद्विषं तु महाघोरमाद्यं सर्वभयंकरम् ।

nāmarūpaṁ mahāmaṁtraṁ japtvā lakṣṁyāsamaṁvitam tadviṣaṁ tu mahāghoramādyaṁ sarvabhayaṁkaram

— having meditated with a one-pointed mind upon that master, the remover of all sorrow, and having recited his name-and-form great mantra, together with Lakshmi, that most terrible, primal, all-fear-inducing poison —

Verse 18 (padma.6.232.18)

नामत्रयप्रभावाच्च विष्णोः सर्वगतस्य वै । विषं तदभवज्जीर्णं लोकसंहारकारकम् ।

nāmatrayaprabhāvācca viṣṇoḥ sarvagatasya vai viṣaṁ tadabhavajjīrṇaṁ lokasaṁhārakārakam

— by the power of the three names of the all-pervading Vishnu, that poison then became digested, the poison which was capable of destroying the world.

Verse 19 (padma.6.232.19)

अच्युतानंत गोविन्द इति नामत्रयं हरेः । यो जपेत्प्रयतोभक्त्या प्रणवाद्यं नमोंतकम् ।

acyutānaṁta goviṁda iti nāmatrayaṁ hareḥ yo japetprayatobhaktyā praṇavādyaṁ namoṁtakam

'Achyuta, Ananta, Govinda' — these three names of Hari — whoever recites them with self-control and devotion, beginning with Om and ending with Namah,

Verse 20 (padma.6.232.20)

तस्य मृत्युभयं नास्ति विषरोगाग्निजं महत् । नामत्रयं महामंत्रं जपेद्यः प्रयतात्मवान् ।

tasya mṛtyubhayaṁ nāsti viṣarogāgnijaṁ mahat nāmatrayaṁ mahāmaṁtraṁ japedyaḥ prayatātmavān

— for him there is no fear of death, of the great affliction born of poison, disease, or fire. Whoever, with a controlled self, recites these three names as a great mantra,

Verse 21 (padma.6.232.21)

कालमृत्युभयं चापि तस्य नास्ति किमन्यतः । इति नामत्रयेणैव पीतं देवि मया विषम् ।

kālamṛtyubhayaṁ cāpi tasya nāsti kimaṁyataḥ iti nāmatrayeṇaiva pītaṁ devi mayā viṣam

has no fear of death or of Time either — what need to speak of anything else? Thus, O goddess, by these three names alone I drank the poison.

Verse 22 (padma.6.232.22)

ततः प्रहृष्टास्त्रिदशास्तुष्टुवुर्मां सुविस्मिताः । मां प्रणम्य पुनर्देवा ममंथुः क्षीरसागरम् । तस्मिन्प्रमथ्यमाने तु मया देवैश्च भामिनि ।

tataḥ prahṛṣṭāstridaśāstuṣṭuvurmāṁ suvismitāḥ māṁ praṇaṁya punardevā mamaṁthuḥ kṣīrasāgaram tasmiṁpramathyamāne tu mayā devaiśca bhāmini

Then the thirty gods, delighted and greatly astonished, praised me. Having bowed to me, the gods again churned the ocean of milk. As it was being churned again by me and the gods, O lovely one,

Verse 23 (padma.6.232.23)

ज्येष्ठा देवी समुत्पन्ना रत्नस्रग्वाससा वृता । उत्पन्ना साऽब्रवीद्देवान्किंकर्त्तव्यं मयेति वै ।

jyeṣṭhā devī samutpaṁnā ratnasragvāsasā vṛtā utpaṁnā sā'bravīddevāṁkiṁkarttavyaṁ mayeti vai

the eldest goddess arose, adorned with jeweled garland and garment. Having arisen, she said to the gods, 'What am I to do?'

Verse 24 (padma.6.232.24)

तामब्रुवंस्तु ते देवीं सर्वदेवगणा भृशम् । देवा ऊचुः । येषां गृहांतरे रम्ये कलहः संप्रवर्त्तते ।

tāmabruvaṁstu te devīṁ sarvadevagaṇā bhṛśam devā ūcuḥ yeṣāṁ gṛhāṁtare raṁye kalahaḥ saṁpravarttate

The gods said to that goddess, urgently: 'Where quarrels break out in a lovely household —

Verse 25 (padma.6.232.25)

तत्ते स्थानं प्रयच्छामो वस तत्राशुभान्विता । परुषं भाषणं नित्यं वदंत्यनृतवादिनः ।

tatte sthānaṁ prayacchāmo vasa tatrāśubhāṁvitā paruṣaṁ bhāṣaṇaṁ nityaṁ vadaṁtyanṛtavādinaḥ

— that place we grant to you; dwell there, joined with misfortune. Where those who speak falsehood constantly use harsh speech,

Verse 26 (padma.6.232.26)

संध्याकाले तु ये पापाः स्वपंति मलचेतसः । तेषां वेश्मनि संतिष्ठ दुःखदारिद्र्यदायिनी ।

saṁdhyākāle tu ye pāpāḥ svapaṁti malacetasaḥ teṣāṁ veśmani saṁtiṣṭha duḥkhadāridryadāyinī

where the sinful, of impure mind, sleep at twilight — in their house dwell, giver of misery and poverty.

Verse 27 (padma.6.232.27)

कपालकेशभस्मास्थि तुषांगारानि यत्र तु । तत्र ते सततं स्थानं भविष्यति न संशयः ।

kapālakeśabhasmāsthi tuṣāṁgārāni yatra tu tatra te satataṁ sthānaṁ bhaviṣyati na saṁśayaḥ

Where there are skulls, hair, ashes, bones, husks, and cinders — there shall be your constant abode, without doubt.

Verse 28 (padma.6.232.28)

यस्यवेश्म कपालास्थि भस्मकेशादि चिह्नितम् । तत्र वसाशुभे नित्यं कलिना सह नित्यशः ।

yasyaveśma kapālāsthi bhasmakeśādi cihnitam tatra vasāśubhe nityaṁ kalinā saha nityaśaḥ

Whoever's house is marked by skulls, bones, ashes, hair and the like — dwell there always, O inauspicious one, ever together with Kali.

Verse 29 (padma.6.232.29)

अकृत्वा पादयोः शौचं यस्त्वाचामति दुर्म्मतिः । तं भजस्व महादेवि कलुषेण भृशं वृतम् ।

akṛtvā pādayoḥ śaucaṁ yastvācāmati durṁmatiḥ taṁ bhajasva mahādevi kaluṣeṇa bhṛśaṁ vṛtam

He who, of evil mind, rinses his mouth without having washed his feet — attach yourself to him, O great goddess, one utterly enveloped in impurity.

Verse 30 (padma.6.232.30)

तुषांगारकपालाश्मवालुका वस्त्र चर्म्मभिः । दंतधावनकर्तारो भविष्यंति नराधमाः ।

tuṣāṁgārakapālāśmavālukā vastra carṁmabhiḥ daṁtadhāvanakartāro bhaviṣyaṁti narādhamāḥ

Those base men who clean their teeth with husk, cinder, potsherd, stone, sand, cloth, or leather — these too are yours.

Verse 31 (padma.6.232.31)

रमस्व कलिना देवि तेषां वेश्मसु नित्यशः । तिलपिष्टं कलंजं च कलिगं शिग्रु गृंजनम् ।

ramasva kalinā devi teṣāṁ veśmasu nityaśaḥ tilapiṣṭaṁ kalaṁjaṁ ca kaligaṁ śigru gṛṁjanam

O goddess, sport with Kali always in their houses. Sesame paste, kalanja, kaliga, drumstick, carrot,

Verse 32 (padma.6.232.32)

छत्राकं विड्वराहं च बिल्वं कोशातकीफलम् । अलाबुं च पलांडुं च ये खादंति नराधमाः । तेषां गेहे ह्यवस्थानं देवी दारिद्र्यदे सदा ।

chatrākaṁ viḍvarāhaṁ ca bilvaṁ kośātakīphalam alābuṁ ca palāṁḍuṁ ca ye khādaṁti narādhamāḥ teṣāṁ gehe hyavasthānaṁ devī dāridryade sadā

mushroom, wild boar-flesh, bilva fruit, luffa fruit, gourd, and onion — those base men who eat these — in their houses shall be your dwelling, O goddess who gives poverty, always.'

Verse 33 (padma.6.232.33)

रुद्र उवाच- इत्यादिश्य सुराः सर्वे ज्येष्ठां च कलिवल्लभाम् । पुनश्च मंथनं चक्रुः क्षीराब्धिं सुसमाहिताः ।

rudra uvāca ityādiśya surāḥ sarve jyeṣṭhāṁ ca kalivallabhām punaśca maṁthanaṁ cakruḥ kṣīrābdhiṁ susamāhitāḥ

Rudra said: Having thus instructed the eldest goddess, beloved of Kali, all the gods, well-composed, again churned the ocean of milk.

Verse 34 (padma.6.232.34)

ततश्च वारुणी देवी समुत्पन्ना शुभानने । अनंतो नागराजोऽथ तां जग्राह सुलोचनाम् ।

tataśca vāruṇī devī samutpaṁnā śubhānane anaṁto nāgarājo'tha tāṁ jagrāha sulocanām

Then, O fair-faced one, the goddess Varuni arose. Then Ananta, the king of serpents, took hold of her, the lovely-eyed one.

Verse 35 (padma.6.232.35)

ततः सुरा समुत्पन्ना सर्वाभरणभूषिता । वैनतेयस्य भार्याभूत्सर्वलक्षणशोभिता ।

tataḥ surā samutpaṁnā sarvābharaṇabhūṣitā vainateyasya bhāryābhūtsarvalakṣaṇaśobhitā

Then another goddess arose, adorned with every ornament; endowed with every auspicious mark, she became the wife of Vainateya.

Verse 36 (padma.6.232.36)

ततोऽप्सरोगणा दिव्या गंधर्वाश्च महौजसः । जज्ञिरे रूपसंपन्ना मधुगायनतत्पराः ।

tato'psarogaṇā divyā gaṁdharvāśca mahaujasaḥ jajṁire rūpasaṁpaṁnā madhugāyanatatparāḥ

Then hosts of divine Apsaras, and Gandharvas of great splendor, endowed with beauty, were born, devoted to sweet singing.

Verse 37 (padma.6.232.37)

ऐरावतस्ततो जज्ञे तथैवोच्चैःश्रवा हयः । धन्वंतरिः पारिजातं सुरभिः सर्वकामधुक् ।

airāvatastato jajṁe tathaivoccaiḥśravā hayaḥ dhaṁvaṁtariḥ pārijātaṁ surabhiḥ sarvakāmadhuk

Then Airavata was born, and likewise the horse Uchchaihshravas; Dhanvantari, the Parijata tree, the cow Surabhi, who yields all desires.

Verse 38 (padma.6.232.38)

एतान्सर्वान्सहस्राक्षो जग्राह प्रीतमानसः । ततः प्रभातसमये द्वादश्यामुदिते रवौ ।

etāṁsarvāṁsahasrākṣo jagrāha prītamānasaḥ tataḥ prabhātasamaye dvādaśyāmudite ravau

All these, the thousand-eyed one, with a delighted mind, took for himself. Then, at dawn, on the twelfth day, when the sun had risen,

Verse 39 (padma.6.232.39)

मथ्यमाने पुनस्तस्मिन्देवैरिंद्र पुरोगमैः । ततः प्रहृष्टवदनैस्तूयमाना महर्षिभिः ।

mathyamāne punastasmiṁdevairiṁdra purogamaiḥ tataḥ prahṛṣṭavadanaistūyamānā maharṣibhiḥ

as it was churned again by the gods, led by Indra, then, praised by the great sages with delighted faces,

Verse 40 (padma.6.232.40)

उत्पन्ना श्रीर्महालक्ष्मी सर्वलोकेश्वरी शुभा । बालार्ककोटिसंकाशा कनकांगदभूषिता ।

utpaṁnā śrīrmahālakṣmī sarvalokeśvarī śubhā bālārkakoṭisaṁkāśā kanakāṁgadabhūṣitā

arose Shri Mahalakshmi, the auspicious mistress of all the worlds, radiant as millions of rising suns, adorned with golden armlets,

Verse 41 (padma.6.232.41)

हेमांबुजसमासीना सर्वलक्षणशोभिता । पद्मपत्त्रविशालाक्षी नीलकुंचितमूर्द्धजा ।

hemāṁbujasamāsīnā sarvalakṣaṇaśobhitā padmapattraviśālākṣī nīlakuṁcitamūrddhajā

seated on a golden lotus, endowed with every auspicious mark, wide-eyed like a lotus petal, her hair dark and curling,

Verse 42 (padma.6.232.42)

दिव्यचंदनलिप्तांगी दित्यपुष्पैरलंकृता । नानारत्नमयैर्दिव्यैः सर्वैराभरणैर्युता ।

divyacaṁdanaliptāṁgī dityapuṣpairalaṁkṛtā nānāratnamayairdivyaiḥ sarvairābharaṇairyutā

her body anointed with divine sandal paste, adorned with divine flowers, furnished with all ornaments made of various divine jewels,

Verse 43 (padma.6.232.43)

तनुमध्या जगद्धात्री पीनोन्नतपयोधरा । चतुर्हस्ता विशालाक्षी पूर्णेंदुसदृशानना ।

tanumadhyā jagaddhātrī pīnoṁnatapayodharā caturhastā viśālākṣī pūrṇeṁdusadṛśānanā

of a slender waist, the nurturer of the universe, with full, raised breasts, four-armed, wide-eyed, her face like the full moon,

Verse 44 (padma.6.232.44)

वसुपात्रं मातुलुंगं स्वर्णपद्मयुगं शुभम् । विभ्राणा हस्तकमलैः सर्वाभरणभूषितैः ।

vasupātraṁ mātuluṁgaṁ svarṇapadmayugaṁ śubham vibhrāṇā hastakamalaiḥ sarvābharaṇabhūṣitaiḥ

holding, in her lotus hands adorned with every ornament, a vessel of treasure, a citron fruit, and a beautiful pair of golden lotuses,

Verse 45 (padma.6.232.45)

अम्लानपंकजां मालां धारयंती ह्युरः स्थले । ददृशुस्तां महादेवीं सर्वलोकहितैषिणीम् ।

aṁlānapaṁkajāṁ mālāṁ dhārayaṁtī hyuraḥ sthale dadṛśustāṁ mahādevīṁ sarvalokahitaiṣiṇīm

wearing an unfading lotus garland upon her breast — they beheld that great goddess, the well-wisher of all the worlds,

Verse 46 (padma.6.232.46)

ईश्वरीं सर्वभूतानां मातरं पद्ममालिनीम् । नारायणीं जगद्धात्रीं नारायणहृदालयाम् ।

īśvarīṁ sarvabhūtānāṁ mātaraṁ padmamālinīm nārāyaṇīṁ jagaddhātrīṁ nārāyaṇahṛdālayām

the mistress of all beings, the mother, garlanded with lotuses, Narayani, the nurturer of the universe, dwelling in Narayana's heart.

Verse 47 (padma.6.232.47)

तां विलोक्य महालक्ष्मीं प्रहृष्टाः सर्वदेवताः । अवादयंतः पटहान् दिविदेवगणा भृशम् ।

tāṁ vilokya mahālakṣmīṁ prahṛṣṭāḥ sarvadevatāḥ avādayaṁtaḥ paṭahān dividevagaṇā bhṛśam

Beholding that Mahalakshmi, all the gods, greatly delighted, the hosts of gods in heaven, sounded their drums exceedingly.

Verse 48 (padma.6.232.48)

ववर्षुः पुष्पवर्षाणि वनदेव्यो निरंतरम् । जगुर्गंधर्वपतयो ननृतुश्चाप्सरोगणाः ।

vavarṣuḥ puṣpavarṣāṇi vanadevyo niraṁtaram jagurgaṁdharvapatayo nanṛtuścāpsarogaṇāḥ

The forest-goddesses rained down showers of flowers continually. The lords of the Gandharvas sang, and the hosts of Apsaras danced.

Verse 49 (padma.6.232.49)

ववुः पुण्यास्तथावाताः सुप्रभोऽभूद्दिवाकरः । जज्वलुश्चाग्नयः शांताः प्रसन्नाश्च दिशो दश ।

vavuḥ puṁyāstathāvātāḥ suprabho'bhūddivākaraḥ jajvaluścāgnayaḥ śāṁtāḥ prasaṁnāśca diśo daśa

Auspicious winds blew, the sun became radiant; the fires blazed calmly, and the ten directions grew clear.

Verse 50 (padma.6.232.50)

अनंतरं शीतरश्मिरुदभूत्क्षीरसागरे । सुधामयूखवान्सोमो मातुर्भ्राता सुखावहः ।

anaṁtaraṁ śītaraśmirudabhūtkṣīrasāgare sudhāmayūkhavāṁsomo māturbhrātā sukhāvahaḥ

Then, thereafter, arose in the ocean of milk the cool-rayed one — Soma, possessed of nectar-rays, the bringer of happiness, brother of the mother,

Verse 51 (padma.6.232.51)

नक्षत्राधिपतिश्चाभूच्चंद्रो वै लोकमातुलः । ततो जाया हरेः पुण्या तुलसी लोकपावनी ।

nakṣatrādhipatiścābhūccaṁdro vai lokamātulaḥ tato jāyā hareḥ puṁyā tulasī lokapāvanī

and became the lord of the constellations — the moon, the maternal uncle of the world. Then Hari's virtuous consort, Tulasi, purifier of the world,

Verse 52 (padma.6.232.52)

समुत्पन्ना जगद्धात्री पूजार्थं शार्ङ्गिणो हरेः । ततः प्रहृष्टमनसः सर्वे देवा दिवौकसः ।

samutpaṁnā jagaddhātrī pūjārthaṁ śārṁgiṇo hareḥ tataḥ prahṛṣṭamanasaḥ sarve devā divaukasaḥ

arose, the nurturer of the universe, for the worship of Hari, the wielder of the Sharnga bow. Then, with delighted minds, all the gods of heaven,

Verse 53 (padma.6.232.53)

तं शैलं पूर्ववत्स्थाप्य परिपूर्णमनोरथाः । समेत्य मातरं सर्वे शिवब्रह्मपुरोगमाः ।

taṁ śailaṁ pūrvavatsthāpya paripūrṇamanorathāḥ sametya mātaraṁ sarve śivabrahmapurogamāḥ

having set that mountain back as before, their desires now fulfilled, all together, led by Shiva and Brahma,

Verse 54 (padma.6.232.54)

स्तुत्वा नामसहस्रेण जेपुः श्रीसूक्तसंहिताः । ततः प्रसन्ना सा देवि सर्वान्देवानुवाच ह ।

stutvā nāmasahasreṇa jepuḥ śrīsūktasaṁhitāḥ tataḥ prasaṁnā sā devi sarvāṁdevānuvāca ha

having praised the mother with the thousand names, recited the Shri-sukta collection. Then that pleased goddess spoke to all the gods.

Verse 55 (padma.6.232.55)

श्रीरुवाच- वरं वृणीध्वं भद्रं वो वरदाहं सुरोत्तमाः । रुद्र उवाच- ऊचुः प्रांजलयो देवाः श्रियं नम्रात्ममूर्तयः ।

śrīruvāca varaṁ vṛṇīdhvaṁ bhadraṁ vo varadāhaṁ surottamāḥ rudra uvāca ūcuḥ prāṁjalayo devāḥ śriyaṁ naṁrātmamūrtayaḥ

Shri said: Choose a boon; blessings upon you; I am the granter of boons, O best of gods. Rudra said: The gods spoke with joined palms, their forms bowed low, to Shri.

Verse 56 (padma.6.232.56)

देवा ऊचुः - प्रसीद कमले देवि सर्वलोकेश्वरप्रिये । विष्णोर्वक्षस्थले देवि भव नित्यानपायिनी ।

devā ūcuḥ prasīda kamale devi sarvalokeśvarapriye viṣṇorvakṣasthale devi bhava nityānapāyinī

The gods said: Be gracious, O goddess Kamala, beloved of the Lord of all worlds. O goddess, remain forever, unfailing, on Vishnu's chest.

Verse 57 (padma.6.232.57)

त्रैलोक्यं पालया देवी नित्या त्वं परमेश्वरी । यदपांगाश्रितं सर्वं जगत्स्थावरजंगमम् ।

trailokyaṁ pālayā devī nityā tvaṁ parameśvarī yadapāṁgāśritaṁ sarvaṁ jagatsthāvarajaṁgamam

Protect the three worlds, O goddess; you are eternal, the Supreme Mistress. All this universe, moving and unmoving, which depends on your sidelong glance —

Verse 58 (padma.6.232.58)

त्वया विलोकिताः सर्वे प्रभवंति दिवौकसः । माता रुद्रादिदेवानामैश्वर्यं त्वत्कटाक्षतः ।

tvayā vilokitāḥ sarve prabhavaṁti divaukasaḥ mātā rudrādidevānāmaiśvaryaṁ tvatkaṭākṣataḥ

— all beheld by you, the celestials flourish. You are the mother of Rudra and the other gods; their lordship comes from your sidelong glance.

Verse 59 (padma.6.232.59)

एतदिच्छामहे देवि जगन्मातर्नमोस्तु ते । रुद्र उवाच- इत्युक्ता दैवतैः सर्वैर्लोकमाता महेश्वरी ।

etadicchāmahe devi jagaṁmātarnamostu te rudra uvāca ityuktā daivataiḥ sarvairlokamātā maheśvarī

This we desire, O goddess; O mother of the universe, salutation to you. Rudra said: Thus addressed by all the celestials, the great mistress, mother of the world—

Verse 60 (padma.6.232.60)

एवमस्त्विति तान्देवान्प्राह नारायणप्रिया । ततो नारायणः श्रीशः शंखचक्रगदाधरः ।

evamastviti tāṁdevāṁprāha nārāyaṇapriyā tato nārāyaṇaḥ śrīśaḥ śaṁkhacakragadādharaḥ

— the beloved of Narayana said 'So be it' to those gods. Then Narayana, the Lord of Shri, bearer of the conch, discus, and mace,

Verse 61 (padma.6.232.61)

तथैवाविरभूद्ब्रह्मा पूर्ववत्क्षीरसागरे । ततः प्रतुष्टुवुर्देवा नमस्कृत्वा जनार्दनम् ।

tathaivāvirabhūdbrahmā pūrvavatkṣīrasāgare tataḥ pratuṣṭuvurdevā namaskṛtvā janārdanam

likewise Brahma appeared as before, in the ocean of milk. Then the gods praised, having bowed to Janardana.

Verse 62 (padma.6.232.62)

ऊचुः प्रांजलयः सर्वे प्रहृष्टवदनाः शुभाः । देवा ऊचुः- गृहाण देवीं सर्व्वेश महिषीं तव वल्लभाम् ।

ūcuḥ prāṁjalayaḥ sarve prahṛṣṭavadanāḥ śubhāḥ devā ūcuḥ gṛhāṇa devīṁ sarvveśa mahiṣīṁ tava vallabhām

All spoke with joined palms, their auspicious faces greatly delighted. The gods said: Accept this goddess, O lord of all, as your queen, your beloved —

Verse 63 (padma.6.232.63)

जगत्संरक्षणार्थाय लक्ष्मीमनपगामिनीम् । रुद्र उवाच- इत्युक्त्वा मुनिभिः सर्वे देवा ब्रह्मपुरोगमाः ।

jagatsaṁrakṣaṇārthāya lakṣmīmanapagāminīm rudra uvāca ityuktvā munibhiḥ sarve devā brahmapurogamāḥ

— Lakshmi, who never departs, for the protection of the universe. Rudra said: Thus addressed, together with the sages, all the gods, led by Brahma —

Verse 64 (padma.6.232.64)

नानारत्नमये दिव्ये पीठे बालार्कसंनिभे । निवेश्य देवीं देवं च आनंदाश्रुपरिप्लुताः ।

nānāratnamaye divye pīṭhe bālārkasaṁnibhe niveśya devīṁ devaṁ ca ānaṁdāśrupariplutāḥ

— having installed the goddess and the god upon a divine seat, made of various jewels, radiant like the young sun, overwhelmed with tears of joy,

Verse 65 (padma.6.232.65)

दिव्याम्बरैर्दिव्यमाल्यैर्नानारत्नविभूषितैः । लक्ष्म्या सह समासीनमर्चयामासुरच्युतम् ।

divyāṁbarairdivyamālyairnānāratnavibhūṣitaiḥ lakṣṁyā saha samāsīnamarcayāmāsuracyutam

— with divine garments, divine garlands, adorned with various jewels, worshipped the imperishable Lord, seated together with Lakshmi.

Verse 66 (padma.6.232.66)

गंधैर्धूपैश्च दीपैश्च नैवेद्यैश्च सुधामयैः । अप्राकृतैः फलैर्दिव्यैरर्चयामासुरीश्वरीम् ।

gaṁdhairdhūpaiśca dīpaiśca naivedyaiśca sudhāmayaiḥ aprākṛtaiḥ phalairdivyairarcayāmāsurīśvarīm

With fragrances, incense, and lamps, and with nectar-like offerings, with unearthly, divine fruits, they worshipped the goddess.

Verse 67 (padma.6.232.67)

अमृतादुत्थिता देवी तुलसी कोमला शुभा । तया श्रीपादयुगलमर्च्चयामासुरंजसा ।

amṛtādutthitā devī tulasī komalā śubhā tayā śrīpādayugalamarccayāmāsuraṁjasā

The tender, auspicious Tulasi, arisen from the nectar — with it they worshipped the pair of Shri's feet, directly.

Verse 68 (padma.6.232.68)

प्रदक्षिणत्रयं कृत्वा नमस्कृत्वा मुहुर्मुहुः । तष्टुवुस्तुतिभिर्द्देवा हर्षपूर्णाश्रुविक्लवाः ।

pradakṣiṇatrayaṁ kṛtvā namaskṛtvā muhurmuhuḥ taṣṭuvustutibhirddevā harṣapūrṇāśruviklavāḥ

Having circumambulated thrice, and having bowed again and again, the gods praised her with hymns, choked with tears of joy.

Verse 69 (padma.6.232.69)

ततः प्रसन्नो भगवान्सर्वदेवेश्वरो हरिः । अभीष्टान्प्रददौ तेभ्यो वरान्देव्या सह प्रभुः ।

tataḥ prasaṁno bhagavāṁsarvadeveśvaro hariḥ abhīṣṭāṁpradadau tebhyo varāṁdevyā saha prabhuḥ

Then the glorious Lord, the lord of all the gods, Hari, pleased, granted, together with the goddess, the desired boons to them.

Verse 70 (padma.6.232.70)

ततः सुहृष्टाः सुरमानुषाद्या लक्ष्मीकटाक्षार्प्पित दृष्टिपूताः । प्रभूतधान्यार्थयुता निरंतरं सुखं परं प्रापुरनामया भृशम् ।

tataḥ suhṛṣṭāḥ suramānuṣādyā lakṣmīkaṭākṣārppita dṛṣṭipūtāḥ prabhūtadhāṁyārthayutā niraṁtaraṁ sukhaṁ paraṁ prāpuranāmayā bhṛśam

Then, greatly delighted, the gods and men and others, purified by the sight bestowed by Lakshmi's glance, endowed with abundant grain and wealth, ever attained the highest, uninterrupted happiness, free from disease.