The Manifestation of Vamana (II)

Verse 1 (padma.6.240.1)

श्रीमहादेव उवाच- अथ वर्षसहस्रांते सर्वलोकमहेश्वरम् । अदितिर्जनयामास वामनं विष्णुमच्युतम् ।

śrīmahādeva uvāca atha varṣasahasrāṁte sarvalokamaheśvaram aditirjanayāmāsa vāmanaṁ viṣṇumacyutam

Shri Mahadeva said: Then, at the end of a thousand years, Aditi gave birth to Vamana, the great Lord of all worlds, the unfailing Vishnu.

Verse 2 (padma.6.240.2)

श्रीवत्सकौस्तुभोरस्कं पूर्णेंदुसदृशद्युतिम् । सुन्दरं पुंडरीकाक्षमतिखर्वतनुं हरिम् ।

śrīvatsakaustubhoraskaṁ pūrṇeṁdusadṛśadyutim sundaraṁ puṁḍarīkākṣamatikharvatanuṁ harim

His chest marked with Shrivatsa and the Kaustubha gem, his splendor like the full moon, beautiful, lotus-eyed, that Hari of very short stature —

Verse 3 (padma.6.240.3)

वटुवेषधरं देवं सर्ववेदांगगोचरम् । मेखलाजिनदण्डादि चिह्नैरंकितमीश्वरम् ।

vaṭuveṣadharaṁ devaṁ sarvavedāṁgagocaram mekhalājinadaṇḍādi cihnairaṁkitamīśvaram

the god wearing the garb of a Brahmin boy-student, versed in every Vedanga, the Lord marked with the sacred girdle, deerskin, staff, and the like.

Verse 4 (padma.6.240.4)

तं दृष्ट्वा देवताः सर्वे शतक्रतुपुरोगमाः । स्तुत्वा महर्षिभिः सार्द्धं नमश्चक्रुर्महौजसम् ।

taṁ dṛṣṭvā devatāḥ sarve śatakratupurogamāḥ stutvā maharṣibhiḥ sārddhaṁ namaścakrurmahaujasam

Seeing him, all the gods with Indra at their head, together with the great sages, praised and bowed to that one of great splendor.

Verse 5 (padma.6.240.5)

ततः प्रसन्नो भगवान्प्रोवाच सुरसत्तमान् । वामन उवाच- किं कर्तव्यं मया चाद्य तद्ब्रवीथ सुरोत्तमाः ।

tataḥ prasanno bhagavānprovāca surasattamān vāmana uvāca kiṁ kartavyaṁ mayā cādya tadbravītha surottamāḥ

Then the pleased Lord spoke to the best of the gods. Vamana said: "What is to be done by me today? Tell me that, O best of gods."

Verse 6 (padma.6.240.6)

श्रीशंकर उवाच-। ततः प्रहृष्टास्त्रिदशास्तमूचुः परमेश्वरम् । देवा ऊचुः । अस्मिन्काले बलेर्यज्ञो वर्त्तते मधुसूदन ।

śrīśaṁkara uvāca tataḥ prahṛṣṭāstridaśāstamūcuḥ parameśvaram devā ūcuḥ asminkāle baleryajño varttate madhusūdana

Shri Shankara said: Then the joyful gods spoke to that Supreme Lord. The gods said: "O Madhusudana, at this time Bali's sacrifice is underway.

Verse 7 (padma.6.240.7)

अप्रत्याख्यानकालोऽयं तस्य दैत्यपतेः प्रभो । याचित्वा त्रिदिवं लोकं तन्नस्त्वं दातुमर्हसि ।

apratyākhyānakālo'yaṁ tasya daityapateḥ prabho yācitvā tridivaṁ lokaṁ tannastvaṁ dātumarhasi

O Lord, this is the time when that lord of daityas cannot refuse any request. Begging from him the heavenly world, you should give it to us."

Verse 8 (padma.6.240.8)

शंकर उवाच- इत्युक्तास्त्रिदशैस्सर्वैराजगाम बलिं हरिः । यागदेशे समासीनमृषिभिस्सार्द्धमष्टभिः ।

śaṁkara uvāca ityuktāstridaśaissarvairājagāma baliṁ hariḥ yāgadeśe samāsīnamṛṣibhissārddhamaṣṭabhiḥ

Shankara said: Thus addressed by all the gods, Hari went to Bali, who was seated in the sacrificial ground together with eight sages.

Verse 9 (padma.6.240.9)

अभ्यागतं तु तं दृष्ट्वा सहसोत्थाय दैत्यराट् । अभ्यागतः स्वयं विष्णुरितिहास समन्वितः ।

abhyāgataṁ tu taṁ dṛṣṭvā sahasotthāya daityarāṭ abhyāgataḥ svayaṁ viṣṇuritihāsa samanvitaḥ

Seeing him arrive as a guest, the king of daityas rose at once, thinking in wonder, "Vishnu himself has come as my guest."

Verse 10 (padma.6.240.10)

पूजयामास विधिना निवेश्य कुसुमासने । प्रणिपत्य नमस्कृत्य प्राह गद्गदया गिरा ।

pūjayāmāsa vidhinā niveśya kusumāsane praṇipatya namaskṛtya prāha gadgadayā girā

He worshipped him duly and seated him on a flower-seat; prostrating and bowing, he spoke in a voice choked with emotion.

Verse 11 (padma.6.240.11)

बलिरुवाच- धन्योऽस्मि कृतकृत्योस्मि सफलं मम जीवितम् । त्वामर्च्चयित्वा विप्रेंद्र किं करोमि तव प्रियम् ।

baliruvāca dhanyo'smi kṛtakṛtyosmi saphalaṁ mama jīvitam tvāmarccayitvā vipreṁdra kiṁ karomi tava priyam

Bali said: "I am blessed, my purpose is accomplished, my life has borne fruit, having worshipped you, O best of Brahmins. What may I do to please you?

Verse 12 (padma.6.240.12)

आगतोऽसि यदर्थं त्वं मामुद्दिश्य द्विजोत्तमः । तत्प्रयच्छामि ते शीघ्रं ब्रूहि वेदविदां वर ।

āgato'si yadarthaṁ tvaṁ māmuddiśya dvijottamaḥ tatprayacchāmi te śīghraṁ brūhi vedavidāṁ vara

Whatever purpose has brought you to me, O foremost of the twice-born, tell me at once — O best among knowers of the Veda, I shall grant it immediately."

Verse 13 (padma.6.240.13)

शंकर उवाच- ततः प्रहृष्टमनसा तमुवाच महीपतिम् । वामन उवाच- शृणु राजेंद्र वक्ष्यामि ममागमनकारणम् ।

śaṁkara uvāca tataḥ prahṛṣṭamanasā tamuvāca mahīpatim vāmana uvāca śṛṇu rājeṁdra vakṣyāmi mamāgamanakāraṇam

Shankara said: Then, with a joyful heart, he spoke to that king. Vamana said: "Listen, O king of kings, I shall tell the reason for my coming.

Verse 14 (padma.6.240.14)

अग्निकुण्डस्य पृथिवीं देहि दैत्यपते मम । मम त्रिविक्रमपदां नान्यदिच्छामि मानद ।

agnikuṇḍasya pṛthivīṁ dehi daityapate mama mama trivikramapadāṁ nānyadicchāmi mānada

Give me, O lord of daityas, ground the size of a fire-pit — I desire only three paces of my own stride, O giver of honor, nothing more.

Verse 15 (padma.6.240.15)

सर्वेषामेव दानानां भूमिदानमनुत्तमम् । यो ददाति महीं राजा विप्रायाकिंचनाय वै ।

sarveṣāmeva dānānāṁ bhūmidānamanuttamam yo dadāti mahīṁ rājā viprāyākiṁcanāya vai

Of all gifts, the gift of land is the most excellent. The king who gives land to a poor Brahmin —

Verse 16 (padma.6.240.16)

अंगुष्ठमात्रामपि वा स भवेत्पृथिवीपतिः । न भूमिदानसदृशं पवित्रमिह विद्यते ।

aṁguṣṭhamātrāmapi vā sa bhavetpṛthivīpatiḥ na bhūmidānasadṛśaṁ pavitramiha vidyate

even a thumb's breadth of it, becomes a lord of the earth. There exists nothing here as purifying as the gift of land.

Verse 17 (padma.6.240.17)

भूमिं यः प्रतिगृह्णाति भूमिं यश्च प्रयच्छति । उभौ तौ पुण्यकर्म्माणौ निधने स्वर्गगामिनौ ।

bhūmiṁ yaḥ pratigṛhṇāti bhūmiṁ yaśca prayacchati ubhau tau puṇyakarmmāṇau nidhane svargagāminau

Both he who receives land and he who gives it are doers of meritorious deeds, and at death both go to heaven.

Verse 18 (padma.6.240.18)

तस्माद्भूमिं महाराज प्रयच्छ त्रिपदीं मम । एतदल्पां महीं दातुं मा विशंक महीपते । जगत्त्रयप्रदानं तन्नाम भूप भविष्यति ।

tasmādbhūmiṁ mahārāja prayaccha tripadīṁ mama etadalpāṁ mahīṁ dātuṁ mā viśaṁka mahīpate jagattrayapradānaṁ tannāma bhūpa bhaviṣyati

Therefore, O great king, give me three paces of land. Do not hesitate, O lord of the earth, to give this small piece — for it shall be equal, O king, to the gift of the three worlds."

Verse 19 (padma.6.240.19)

शंकर उवाच- ततः प्रहृष्टवदनस्तथेत्याह महीपतिः । तस्मै महीप्रदानं तु कर्तुं मेने विधानतः ।

śaṁkara uvāca tataḥ prahṛṣṭavadanastathetyāha mahīpatiḥ tasmai mahīpradānaṁ tu kartuṁ mene vidhānataḥ

Shankara said: Then the king, his face joyful, said, "So be it," and resolved to make the gift of land to him according to due rite.

Verse 20 (padma.6.240.20)

तं दृष्ट्वा दैत्यराजानं तदा तस्य पुरोहितः । उशना ह्यब्रवीद्वाक्यं मा राजन्दीयतां महीम् ।

taṁ dṛṣṭvā daityarājānaṁ tadā tasya purohitaḥ uśanā hyabravīdvākyaṁ mā rājandīyatāṁ mahīm

Seeing the lord of daityas about to do this, his priest, Ushanas Shukra, said: "O king, do not give this land —

Verse 21 (padma.6.240.21)

शुक्र उवाच- एष विष्णुः परेशोऽथ देवैः संप्रार्थितो नृप । वंचयित्वा महीं सर्वां त्वत्तः प्राप्तुमिहागतः ।

śukra uvāca eṣa viṣṇuḥ pareśo'tha devaiḥ saṁprārthito nṛpa vaṁcayitvā mahīṁ sarvāṁ tvattaḥ prāptumihāgataḥ

Shukra said: This is Vishnu, the Supreme Lord, entreated by the gods, O king. He has come here to deceive you and obtain the whole earth from you.

Verse 22 (padma.6.240.22)

तस्मान्मही न दातव्या तस्मै राजन्महात्मने । अन्यमर्थं प्रयच्छस्व वचनान्मम भूपते ।

tasmānmahī na dātavyā tasmai rājanmahātmane anyamarthaṁ prayacchasva vacanānmama bhūpate

Therefore, O king, the land must not be given to that great being. Give some other gift instead, upon my word, O lord of the earth."

Verse 23 (padma.6.240.23)

श्रीशंकर उवाच- ततः प्रहस्य राजासौ तं गुरुं प्राह धैर्य्यतः । बलिरुवाच- प्रीतये वासुदेवस्य सर्वं पुण्यं कृतं मया ।

śrīśaṁkara uvāca tataḥ prahasya rājāsau taṁ guruṁ prāha dhairyyataḥ baliruvāca prītaye vāsudevasya sarvaṁ puṇyaṁ kṛtaṁ mayā

Shri Shankara said: Then, smiling, that king spoke to his teacher with steadfastness. Bali said: "Whatever merit I have earned, I have earned it for Vasudeva's pleasure alone.

Verse 24 (padma.6.240.24)

अद्य धन्योस्म्यहं विष्णुः स्वयमेवागतो यदि । तस्य प्रदेयमेवाद्य जीवितं च महत्सुखम् ।

adya dhanyosmyahaṁ viṣṇuḥ svayamevāgato yadi tasya pradeyamevādya jīvitaṁ ca mahatsukham

If Vishnu himself has come today, then I am indeed blessed. To him should be given today even my very life and my greatest happiness.

Verse 25 (padma.6.240.25)

तस्मादस्मै प्रयच्छामि त्रिलोकीमपि मा चिरम् । श्रीशंकर उवाच- इत्युक्त्वा भूपतिस्तस्य पादौ प्रक्षाल्य भक्तितः ।

tasmādasmai prayacchāmi trilokīmapi mā ciram śrīśaṁkara uvāca ityuktvā bhūpatistasya pādau prakṣālya bhaktitaḥ

Therefore I shall give him even the three worlds, without delay." Shri Shankara said: Having spoken thus, the king washed his feet with devotion,

Verse 26 (padma.6.240.26)

वांच्छितां प्रददौ भूमिं वारिपूर्वं विधानतः । परिणीय नमस्कृत्य दत्वा वै दक्षिणां वसु ।

vāṁcchitāṁ pradadau bhūmiṁ vāripūrvaṁ vidhānataḥ pariṇīya namaskṛtya datvā vai dakṣiṇāṁ vasu

and duly gave the desired land, pouring water to seal the gift. Having circled him, bowed, and given the sacrificial fee —

Verse 27 (padma.6.240.27)

प्रोवाच तं पुनर्विप्रं प्रहृष्टेनांतरात्मना । बलिरुवाच- धन्योस्मि कृतकृत्योस्मि तव दत्वा महीं द्विज ।

provāca taṁ punarvipraṁ prahṛṣṭenāṁtarātmanā baliruvāca dhanyosmi kṛtakṛtyosmi tava datvā mahīṁ dvija

with a joyful heart, he spoke again to that Brahmin. Bali said: "I am blessed, my purpose accomplished, having given you this land, O twice-born one.

Verse 28 (padma.6.240.28)

यथेष्टा तव विप्रेंद्र तद्गृहाण महीमिमाम् । श्रीशंकर उवाच- तमुवाच नृपं विष्णू राजंस्तव समीपतः ।

yatheṣṭā tava vipreṁdra tadgṛhāṇa mahīmimām śrīśaṁkara uvāca tamuvāca nṛpaṁ viṣṇū rājaṁstava samīpataḥ

O best of Brahmins, take as much of this land as you desire." Shri Shankara said: Then Vishnu said to that king: "O king, right before your eyes —

Verse 29 (padma.6.240.29)

मापयामि पदेनाद्य पृथिवीं तव पश्यतः । इत्युक्त्वा खर्वरूपं तद्विहाय परमेश्वरः ।

māpayāmi padenādya pṛthivīṁ tava paśyataḥ ityuktvā kharvarūpaṁ tadvihāya parameśvaraḥ

I shall today measure this earth with my stride." Having said this, that Supreme Lord relinquished his dwarfish form,

Verse 30 (padma.6.240.30)

त्रिविक्रमवपुर्भूत्वा जग्राह पृथिवीमिमाम् । पंचाशत्कोटिविस्तीर्ण ससमुद्र महीधराम् ।

trivikramavapurbhūtvā jagrāha pṛthivīmimām paṁcāśatkoṭivistīrṇa sasamudra mahīdharām

and, taking the form of Trivikrama, grasped this earth — extending fifty crore yojanas, with its mountains and oceans,

Verse 31 (padma.6.240.31)

ससागरां च सद्वीपां सदेवासुरमानुषाम् । पादेनैकेन वपुषो व्यक्रांत मधुसूदनः ।

sasāgarāṁ ca sadvīpāṁ sadevāsuramānuṣām pādenaikena vapuṣo vyakrāṁta madhusūdanaḥ

with its seas, continents, gods, demons, and men — Madhusudana strode over with a single foot of his vast body.

Verse 32 (padma.6.240.32)

उवाच दैत्यराजेंद्र किं करोमीति शाश्वतः । तद्वै त्रिविक्रमं रूपमीश्वरस्य महौजसम् ।

uvāca daityarājeṁdra kiṁ karomīti śāśvataḥ tadvai trivikramaṁ rūpamīśvarasya mahaujasam

That eternal one said: "O king of daityas, what more shall I do?" That most splendid form of Trivikrama, of the Lord's great might —

Verse 33 (padma.6.240.33)

हितार्थमपि देवानामृषीणां च महात्मनाम् । न दृष्टमपि शक्यं स्याद्ब्रह्मणः शंकरस्य च ।

hitārthamapi devānāmṛṣīṇāṁ ca mahātmanām na dṛṣṭamapi śakyaṁ syādbrahmaṇaḥ śaṁkarasya ca

though existing for the welfare of the gods and the great-souled sages, could not even be beheld in full by Brahma or Shankara.

Verse 34 (padma.6.240.34)

तत्पदं पृथिवीं सर्वामाक्रम्य गिरिजे शुभे । अतिरिक्तं समभवच्छतयोजनमायतम् ।

tatpadaṁ pṛthivīṁ sarvāmākramya girije śubhe atiriktaṁ samabhavacchatayojanamāyatam

O auspicious Girija, having covered the whole earth, that foot still extended a hundred yojanas beyond it.

Verse 35 (padma.6.240.35)

दिव्यचक्षुर्ददौ तस्मै दैत्यराज्ञे सनातनः । तस्मै संदर्शयामास स्वकं रूपं जनार्दनम् ।

divyacakṣurdadau tasmai daityarājñe sanātanaḥ tasmai saṁdarśayāmāsa svakaṁ rūpaṁ janārdanam

That eternal Lord gave divine sight to that king of daityas, and Janardana showed him his own universal form.

Verse 36 (padma.6.240.36)

तद्विश्वरूपं देवस्य दृष्ट्वा दैत्येश्वरो बलि । प्रहर्षमतुलं लेभे सानंदाश्रु परिप्लुतः ।

tadviśvarūpaṁ devasya dṛṣṭvā daityeśvaro bali praharṣamatulaṁ lebhe sānaṁdāśru pariplutaḥ

Seeing that universal form of the god, Bali, lord of daityas, felt incomparable joy, overflowing with tears of bliss.

Verse 37 (padma.6.240.37)

दृष्ट्वा देवं नमस्कृत्य स्तुत्वा स्तुतिभिरेव च । प्राह गद्गदया वाचा प्रहृष्टेनांतरात्मना ।

dṛṣṭvā devaṁ namaskṛtya stutvā stutibhireva ca prāha gadgadayā vācā prahṛṣṭenāṁtarātmanā

Seeing the god, bowing to him, praising him with hymns, he spoke, his voice choked with emotion, his inner self overjoyed.

Verse 38 (padma.6.240.38)

बलिरुवाच- धन्योस्मि कृतकृत्योस्मि त्वां दृष्ट्वा परमेश्वरम् । लोकत्रयं त्वमेवैतद्गृहाण परमेश्वर ।

baliruvāca dhanyosmi kṛtakṛtyosmi tvāṁ dṛṣṭvā parameśvaram lokatrayaṁ tvamevaitadgṛhāṇa parameśvara

Bali said: "I am blessed, my purpose accomplished, having beheld you, the Supreme Lord. Take, O Supreme Lord, these three worlds — they are yours."

Verse 39 (padma.6.240.39)

श्रीशंकर उवाच- अथ सर्वेश्वरो विष्णुर्द्वितीयं पदमव्ययम् । ऊर्ध्वं प्रसारयामास ब्रह्मलोकांतमच्युतः ।

śrīśaṁkara uvāca atha sarveśvaro viṣṇurdvitīyaṁ padamavyayam ūrdhvaṁ prasārayāmāsa brahmalokāṁtamacyutaḥ

Shri Shankara said: Then the unfailing Vishnu, Lord of all, stretched his second, imperishable foot upward, up to the world of Brahma.

Verse 40 (padma.6.240.40)

सनक्षत्रग्रहोपेतं सर्वदेवसमावृतम् । पदेन परिपूर्णोऽभूदच्युतस्य शुभानने ।

sanakṣatragrahopetaṁ sarvadevasamāvṛtam padena paripūrṇo'bhūdacyutasya śubhānane

O beautiful-faced one, that world, with its stars and planets, encircled by all the gods, became entirely filled by that unfailing one's foot.

Verse 41 (padma.6.240.41)

ततः पितामहो ब्रह्मचक्रपद्मादिचिह्नितम् । पादं तद्देवदेवस्य हर्षसंकुलचेतसा ।

tataḥ pitāmaho brahmacakrapadmādicihnitam pādaṁ taddevadevasya harṣasaṁkulacetasā

Then the grandsire Brahma, his heart filled with joy, approached that foot of the God of gods, marked with the discus, lotus, and other signs.

Verse 42 (padma.6.240.42)

धन्योस्मीति वदन्ब्रह्मा गृहीत्वा स्वकमंडलुम् । भक्त्या प्रक्षालयामास तत्रसंस्थित वारिणा ।

dhanyosmīti vadanbrahmā gṛhītvā svakamaṁḍalum bhaktyā prakṣālayāmāsa tatrasaṁsthita vāriṇā

Saying "I am blessed," Brahma took his own water-pot and, with devotion, washed that foot with the water it held.

Verse 43 (padma.6.240.43)

अक्षय्यमभवत्तोयं तस्य विष्णोः प्रभावतः । तत्तीर्थं मेरुशिखरे पपात विमलं जलम् ।

akṣayyamabhavattoyaṁ tasya viṣṇoḥ prabhāvataḥ tattīrthaṁ meruśikhare papāta vimalaṁ jalam

By the power of that Vishnu, that water became inexhaustible. That pure, sacred water fell upon the peak of Mount Meru.

Verse 44 (padma.6.240.44)

जगतः पावनार्थं वै चतुर्दिक्षु प्रवाहितम् । सिता चालकनन्दा च चक्षुर्भद्रा यथाक्रमम् ।

jagataḥ pāvanārthaṁ vai caturdikṣu pravāhitam sitā cālakanandā ca cakṣurbhadrā yathākramam

For the purification of the world, it flowed in the four directions, as Sita, Alakananda, Chakshu, and Bhadra, respectively.

Verse 45 (padma.6.240.45)

ततश्चालकनन्दा च मेरोर्दक्षिणतः स्मृता । त्रिधा नाम्ना त्रिपथगा त्रिस्रोता लोकपावनी ।

tataścālakanandā ca merordakṣiṇataḥ smṛtā tridhā nāmnā tripathagā trisrotā lokapāvanī

Among them, Alakananda is remembered as flowing south of Meru — under three names, "who goes by three paths," "of three streams," the purifier of worlds.

Verse 46 (padma.6.240.46)

स्वर्गे मंदाकिनी प्रोक्ता त्वधो भोगवती तथा । मध्ये वेगवती गंगा पावनार्थं नृणां शिवा ।

svarge maṁdākinī proktā tvadho bhogavatī tathā madhye vegavatī gaṁgā pāvanārthaṁ nṛṇāṁ śivā

In heaven she is called Mandakini, in the netherworld Bhogavati, and in the middle, swift-flowing Ganga, auspicious for the purification of men.

Verse 47 (padma.6.240.47)

तां दृष्ट्वा मेरुमध्ये तु प्रस्रवंतीं शुभानने । आत्मनः पावनार्थाय शिरसाहमधारयम् ।

tāṁ dṛṣṭvā merumadhye tu prasravaṁtīṁ śubhānane ātmanaḥ pāvanārthāya śirasāhamadhārayam

O beautiful-faced one, seeing her flowing down through the midst of Meru, for my own purification I bore her upon my head —

Verse 48 (padma.6.240.48)

दिव्यं वर्षसहस्रं तु धृत्वा गंगाजलं शुभम् । शिवत्वमगमं देवि सर्वलोकेषु पूजितः ।

divyaṁ varṣasahasraṁ tu dhṛtvā gaṁgājalaṁ śubham śivatvamagamaṁ devi sarvalokeṣu pūjitaḥ

and, holding that auspicious Ganga water for a thousand divine years, O Goddess, I attained my nature as Shiva, worshipped in every world.

Verse 49 (padma.6.240.49)

यो वहेच्छिरसा गंगातोयं विष्णुपदोद्भवम् । प्राशयेद्वा जगत्पूज्यो भविष्यति न संशयः ।

yo vahecchirasā gaṁgātoyaṁ viṣṇupadodbhavam prāśayedvā jagatpūjyo bhaviṣyati na saṁśayaḥ

Whoever bears upon his head the Ganga water born from Vishnu's foot, or drinks it, shall surely become worthy of the world's worship.

Verse 50 (padma.6.240.50)

गंगागंगेति यो ब्रूयाद्योजनानां शतैरपि । मुच्यते सर्वपापेभ्यो विष्णुलोकं स गच्छति ।

gaṁgāgaṁgeti yo brūyādyojanānāṁ śatairapi mucyate sarvapāpebhyo viṣṇulokaṁ sa gacchati

Whoever says "Ganga, Ganga," even from hundreds of yojanas away, is freed from every sin and goes to the world of Vishnu.

Verse 51 (padma.6.240.51)

ततो भगीरथो राजा गौतमश्च महातपाः । तपसा पूजयित्वा मां गंगार्थं समयाचत ।

tato bhagīratho rājā gautamaśca mahātapāḥ tapasā pūjayitvā māṁ gaṁgārthaṁ samayācata

Then King Bhagiratha, and Gautama of great austerity, worshipped me with penance and entreated me for the sake of the Ganga.

Verse 52 (padma.6.240.52)

सर्वलोकहितार्थाय तां गंगां वैष्णवीं शिवाम् । तयोरहं तामददां प्रीत्या देवि सरिद्वराम् ।

sarvalokahitārthāya tāṁ gaṁgāṁ vaiṣṇavīṁ śivām tayorahaṁ tāmadadāṁ prītyā devi saridvarām

For the welfare of all the worlds, O Goddess, that Vaishnavi, auspicious Ganga — I gave her, out of love, to those two, that foremost of rivers.

Verse 53 (padma.6.240.53)

गौतमेन समानीता गौतमी तेन कीर्त्तिता । भागीरथीति विख्याता तेन राज्ञा वृता यतः ।

gautamena samānītā gautamī tena kīrttitā bhāgīrathīti vikhyātā tena rājñā vṛtā yataḥ

Brought down by Gautama, she is called the Gautami; and, sought by King Bhagiratha, she became renowned as the Bhagirathi.

Verse 54 (padma.6.240.54)

प्रसंगात्ते समाख्यातं गंगाजन्मात्यनुत्तमम् । ततो नारायणः श्रीमान्बलिं दैत्यपतिं प्रभुः ।

prasaṁgātte samākhyātaṁ gaṁgājanmātyanuttamam tato nārāyaṇaḥ śrīmānbaliṁ daityapatiṁ prabhuḥ

In passing, this most excellent account of the Ganga's origin has been told to you. Then the glorious Lord Narayana [returned to] Bali, lord of daityas —

Verse 55 (padma.6.240.55)

रसातलं शुभं लोकं प्रददौ भक्तवत्सलः । सर्वेषां दानवानां तु नागानां यादसामपि ।

rasātalaṁ śubhaṁ lokaṁ pradadau bhaktavatsalaḥ sarveṣāṁ dānavānāṁ tu nāgānāṁ yādasāmapi

and, loving his devotees, granted him the auspicious realm of Rasatala. Over all the danavas, the nagas, and the aquatic beings —

Verse 56 (padma.6.240.56)

राजानं तु बलिं चक्रे यावदाभूतसंप्लवम् । प्रतिगृह्य बलेर्लोकान्बटुवेषेण दैत्यहा ।

rājānaṁ tu baliṁ cakre yāvadābhūtasaṁplavam pratigṛhya balerlokānbaṭuveṣeṇa daityahā

he made Bali king until the dissolution of all beings at the end of the age. Having taken Bali's heavenly realms, that slayer of daityas, in the guise of a Brahmin boy —

Verse 57 (padma.6.240.57)

महेंद्राय ददौ प्रीत्या काश्यपो विष्णुरव्ययः । ततो देवाः सगंधर्वा ऋषयश्च महौजसः ।

maheṁdrāya dadau prītyā kāśyapo viṣṇuravyayaḥ tato devāḥ sagaṁdharvā ṛṣayaśca mahaujasaḥ

that unfailing Vishnu, son of Kashyapa, gave those realms lovingly to Mahendra. Then the gods, together with the Gandharvas and the great sages —

Verse 58 (padma.6.240.58)

तुष्टुवुः स्तुतिभिर्द्दिव्यैः पूजयामासुरच्युतम् । संक्षिप्य तन्महद्रूपं तेषां संदर्शनाय वै ।

tuṣṭuvuḥ stutibhirddivyaiḥ pūjayāmāsuracyutam saṁkṣipya tanmahadrūpaṁ teṣāṁ saṁdarśanāya vai

praised him with divine hymns and worshipped that unfailing one. Having withdrawn that vast form for their sight —

Verse 59 (padma.6.240.59)

संपूज्यमानास्त्रिदशैरंतर्द्धानं ययौ हरिः । इत्थं सुरक्षितः शक्रो विष्णुना प्रभविष्णुना ।

saṁpūjyamānāstridaśairaṁtarddhānaṁ yayau hariḥ itthaṁ surakṣitaḥ śakro viṣṇunā prabhaviṣṇunā

being duly worshipped by the gods, Hari vanished from sight. Thus well-protected by the mighty Vishnu, Indra —

Verse 60 (padma.6.240.60)

त्रैलोक्यं महदैश्वर्य्यमवाप त्रिदिवेश्वरः । एतत्ते सर्वमाख्यातं वामनं वैभवं शुभम् । शेषं यद्वैभवं देवि तद्वक्ष्यामि यथाक्रमात् ।

trailokyaṁ mahadaiśvaryyamavāpa tridiveśvaraḥ etatte sarvamākhyātaṁ vāmanaṁ vaibhavaṁ śubham śeṣaṁ yadvaibhavaṁ devi tadvakṣyāmi yathākramāt

the lord of heaven, regained the great sovereignty of the three worlds. O Goddess, this auspicious glory of Vamana has been told to you in full. Whatever glory remains, O Goddess, I shall tell it in due order.