Nirjala Ekadashi of Jyeshtha Shukla

Verse 1 (padma.6.51.1)

युधिष्ठिर उवाच- अपरायाश्च माहात्म्यं श्रुतं सर्वं जनार्दन । ज्येष्ठस्य शुक्लपक्षे तु स्याद्या तां वद मानद

yudhiṣṭhira uvāca- aparāyāśca māhātmyaṁ śrutaṁ sarvaṁ janārdana jyeṣṭhasya śuklapakṣe tu syādyā tāṁ vada mānada

Yudhishthira said: O Janardana, the entire glory of Apara has now been heard. O bestower of honor, now tell me the Ekadashi that falls in the bright fortnight of Jyeshtha.

Verse 2 (padma.6.51.2)

श्रीकृष्ण उवाच- एनां वक्ष्यति धर्मात्मा व्यासः सत्यवतीसुतः । सर्वशास्त्रार्थतत्त्वज्ञो वेदवेदांगपारगः

śrīkṛṣṇa uvāca- enāṁ vakṣyati dharmātmā vyāsaḥ satyavatīsutaḥ sarvaśāstrārthatattvajño vedavedāṁgapāragaḥ

Sri Krishna said: This shall be told by the righteous Vyasa himself, the son of Satyavati, who knows the essence of all scriptures and is versed in the Vedas and Vedangas.

Verse 3 (padma.6.51.3)

युधिष्ठिर उवाच- श्रुता मे मानवा धर्मा वासिष्ठाश्च श्रुता मया । द्वैपायन यथावत्त्वं वैष्णवान्वक्तुमर्हसि

yudhiṣṭhira uvāca- śrutā me mānavā dharmā vāsiṣṭhāśca śrutā mayā dvaipāyana yathāvattvaṁ vaiṣṇavānvaktumarhasi

Yudhishthira said: O Dvaipayana, I have heard the human dharma and the dharma of Vasishtha; now please tell me the Vaishnava dharma just as it truly is.

Verse 4 (padma.6.51.4)

श्रीवेदव्यास उवाच - श्रुतास्तु मानवा धर्मा वैदिकाश्च श्रुतास्त्वया । कलौ युगे न शक्यंते ते वै कर्तुं नराधिप

śrīvedavyāsa uvāca - śrutāstu mānavā dharmā vaidikāśca śrutāstvayā kalau yuge na śakyaṁte te vai kartuṁ narādhipa

Sri Vedavyasa said: You have heard the human dharma and the Vedic dharma too, but, O king of men, in the Kali age it is not possible to observe all of those.

Verse 5 (padma.6.51.5)

सुखोपायमल्पधनमल्पक्लेशं महाफलम् । पुराणानां च सर्वेषां सारभूतं महामते

sukhopāyamalpadhanamalpakleśaṁ mahāphalam purāṇānāṁ ca sarveṣāṁ sārabhūtaṁ mahāmate

That which is easy to perform, requires little wealth and little hardship yet bestows great fruit, and is the very essence of all the Puranas - that, O great-minded one, I shall tell you.

Verse 6 (padma.6.51.6)

एकादश्यां न भुंजीत पक्षयोरुभयोरपि । द्वादश्यां तु शुचिर्भूत्वा पुष्पैः संपूज्य केशवम्

ekādaśyāṁ na bhuṁjīta pakṣayorubhayorapi dvādaśyāṁ tu śucirbhūtvā puṣpaiḥ saṁpūjya keśavam

On Ekadashi one should not eat, in either fortnight [bright or dark]. On Dvadashi, having become pure and having worshipped Keshava with flowers,

Verse 7 (padma.6.51.7)

अन्नं भुंजीत सत्कृत्य पश्चाद्विप्रपुरःसरम् । सूतकेऽपि न भोक्तव्यं नाशौचे च जनाधिप

annaṁ bhuṁjīta satkṛtya paścādviprapuraḥsaram sūtake'pi na bhoktavyaṁ nāśauce ca janādhipa

one should eat, having first duly honored and fed the brahmins. O lord of men, one should not eat even during birth-impurity or death-impurity.

Verse 8 (padma.6.51.8)

यावज्जीवं व्रतमिदं कर्त्तव्यं पुरुषर्षभ । स्वर्गतिं प्राप्तुमिच्छद्भिरत्र नैवास्ति संशयः

yāvajjīvaṁ vratamidaṁ karttavyaṁ puruṣarṣabha svargatiṁ prāptumicchadbhiratra naivāsti saṁśayaḥ

O bull among men, this vow should be observed for one's whole life. For those who desire to attain heaven, there is no doubt about this.

Verse 9 (padma.6.51.9)

आपपापा दुराचाराः पापिष्ठा धर्मवर्जिताः । एकादश्यां न भुंजाना न ते यांति यमांतिकम्

āpapāpā durācārāḥ pāpiṣṭhā dharmavarjitāḥ ekādaśyāṁ na bhuṁjānā na te yāṁti yamāṁtikam

Even the greatest sinners, the ill-behaved, the most wicked, and those devoid of dharma - if they do not eat on Ekadashi, they do not go into the presence of Yama.

Verse 10 (padma.6.51.10)

इति तद्वचनं श्रुत्वा कंपितोऽश्वत्थपत्रवत् । भीमसेनो महाबाहुर्नत्वोवाच गुरुं प्रति

iti tadvacanaṁ śrutvā kaṁpito'śvatthapatravat bhīmaseno mahābāhurnatvovāca guruṁ prati

Hearing these words, trembling like a leaf of the ashvattha tree, the mighty-armed Bhimasena, bowing to his teacher, spoke thus -

Verse 11 (padma.6.51.11)

भीमसेन उवाच- पितामह महाबुद्धे शृणु मे परमं वचः । युधिष्ठिरश्च कुंती च तथा द्रुपदनंदिनी

bhīmasena uvāca- pitāmaha mahābuddhe śṛṇu me paramaṁ vacaḥ yudhiṣṭhiraśca kuṁtī ca tathā drupadanaṁdinī

Bhimasena said: O grandsire, O one of great wisdom, listen to this most important word of mine. Yudhishthira, Kunti, and Drupada's daughter [Draupadi],

Verse 12 (padma.6.51.12)

अर्जुनो नकुलश्चैव सहदेवस्तथैव च । एकादश्यां न भुंजंति कदाचिदपि सुव्रताः

arjuno nakulaścaiva sahadevastathaiva ca ekādaśyāṁ na bhuṁjaṁti kadācidapi suvratāḥ

Arjuna, Nakula, and Sahadeva as well - all these devoted to their vows never eat on any Ekadashi whatsoever.

Verse 13 (padma.6.51.13)

ते मां ब्रुवंति वै नित्यं मा भुंक्ष्व त्वं वृकोदर । अहं तानब्रुवं तात बुभुक्षा दुःसहा मम

te māṁ bruvaṁti vai nityaṁ mā bhuṁkṣva tvaṁ vṛkodara ahaṁ tānabruvaṁ tāta bubhukṣā duḥsahā mama

They always say to me: 'O Vrikodara, do not eat.' I say to them, O father, that my hunger is unbearable.

Verse 14 (padma.6.51.14)

दानं दास्यामि विधिवत्पूजयिष्यामि केशवम् । भीमसेनवचः श्रुत्वा व्यासो वचनमब्रवीत्

dānaṁ dāsyāmi vidhivatpūjayiṣyāmi keśavam bhīmasenavacaḥ śrutvā vyāso vacanamabravīt

'I shall give gifts according to the rite, I shall worship Keshava [instead].' Hearing Bhimasena's words, Vyasa spoke this reply -

Verse 15 (padma.6.51.15)

व्यास उवाच- यदि स्वर्गमभीष्टं ते नरकं दुष्टमेव च । एकादश्यां न भोक्तव्यं पक्षयोरुभयोरपि

vyāsa uvāca- yadi svargamabhīṣṭaṁ te narakaṁ duṣṭameva ca ekādaśyāṁ na bhoktavyaṁ pakṣayorubhayorapi

Vyasa said: If heaven is what you desire, and the wretched hell is what you wish to avoid, then you must never eat on Ekadashi in either fortnight.

Verse 16 (padma.6.51.16)

भीमसेन उवाच- पितामह महाबुद्धे कथयामि तवाग्रतः । एकभक्ते न शक्नोमि उपवासे कुतः प्रभो

bhīmasena uvāca- pitāmaha mahābuddhe kathayāmi tavāgrataḥ ekabhakte na śaknomi upavāse kutaḥ prabho

Bhimasena said: O grandsire, O one of great wisdom, I speak the truth before you. I cannot even manage a single meal a day - how then, O lord, could I ever manage a full fast?

Verse 17 (padma.6.51.17)

वृकोऽपिनाम यो वह्निः स सदा जठरे मम । अतिवेलं यदाश्नामि तदा समुपशाम्यति

vṛko'pināma yo vahniḥ sa sadā jaṭhare mama ativelaṁ yadāśnāmi tadā samupaśāmyati

That fire called Vrika, which ever burns within my belly, is quieted only when I eat a very great deal.

Verse 18 (padma.6.51.18)

नैकं शक्नोम्यहं कर्तुमुपवासं महामुने । येनैव प्राप्यते स्वर्गस्तत्कर्त्तास्मि यथातथम् । तदेकं वद निश्चित्य येन श्रेयोऽहमाप्नुयाम्

naikaṁ śaknomyahaṁ kartumupavāsaṁ mahāmune yenaiva prāpyate svargastatkarttāsmi yathātatham tadekaṁ vada niścitya yena śreyo'hamāpnuyām

O great sage, I am not capable of observing even a single fast. But whatever it is by which heaven may be attained, that I shall surely perform exactly as told - tell me that one definite means by which I might attain what is best.

Verse 19 (padma.6.51.19)

व्यास उवाच- वृषस्थे मिथुनस्थे वा यदा चैकादशी भवेत् । ज्येष्ठमासे प्रयत्नेन सोपोष्योदकवर्जिता

vyāsa uvāca- vṛṣasthe mithunasthe vā yadā caikādaśī bhavet jyeṣṭhamāse prayatnena sopoṣyodakavarjitā

Vyasa said: When the sun stands in Taurus or Gemini, on the Ekadashi that falls in the month of Jyeshtha, one should fast with great effort, remaining even without water.

Verse 20 (padma.6.51.20)

गंडूषाचमनं वारि वर्जयित्वोदकं बुधः । उपभुंजीत नैवेह व्रतभंगोऽन्यथा भवेत्

gaṁḍūṣācamanaṁ vāri varjayitvodakaṁ budhaḥ upabhuṁjīta naiveha vratabhaṁgo'nyathā bhavet

Save for the sip taken for rinsing the mouth or for the ritual sipping of water, the wise should take no water at all in this vow, otherwise the vow is broken.

Verse 21 (padma.6.51.21)

उदयादुदयं यावद्वर्जयित्वोदकं नरः । श्रूयतां समवाप्नोति द्वादशद्वादशी फलम्

udayādudayaṁ yāvadvarjayitvodakaṁ naraḥ śrūyatāṁ samavāpnoti dvādaśadvādaśī phalam

A man who renounces water from one sunrise to the next - listen - obtains the fruit of twelve Ekadashis.

Verse 22 (padma.6.51.22)

ततः प्रभाते विमले द्वादश्यां स्नानमाचरेत् । जलं सुवर्णं दत्त्वा च द्विजातिभ्यो यथाविधि

tataḥ prabhāte vimale dvādaśyāṁ snānamācaret jalaṁ suvarṇaṁ dattvā ca dvijātibhyo yathāvidhi

Then, on the clear morning of Dvadashi, one should bathe, and having given water and gold to the twice-born according to the rite,

Verse 23 (padma.6.51.23)

भुंजीत कृतकृत्यस्तु ब्राह्मणैः सहितो वशी । एवं कृते च यत्पुण्यं भीमसेन शृणुष्व तत्

bhuṁjīta kṛtakṛtyastu brāhmaṇaiḥ sahito vaśī evaṁ kṛte ca yatpuṇyaṁ bhīmasena śṛṇuṣva tat

the self-controlled person, having thus fulfilled his purpose, should eat together with the brahmins. O Bhimasena, listen now to the merit that comes from performing it thus.

Verse 24 (padma.6.51.24)

संवत्सरे तु याश्चैव एकादश्यो भवंति हि । तासां फलमवाप्नोति ह्यत्र मे नास्ति संशयः

saṁvatsare tu yāścaiva ekādaśyo bhavaṁti hi tāsāṁ phalamavāpnoti hyatra me nāsti saṁśayaḥ

Whatever the fruit of all the Ekadashis that occur in a single year, that fruit is obtained from this one - in this I have no doubt.

Verse 25 (padma.6.51.25)

इति मां केशवः प्राह शंखचक्रगदाधरः । सर्वान्परित्यज्य पुमान्मामेकं शरणं व्रजेत्

iti māṁ keśavaḥ prāha śaṁkhacakragadādharaḥ sarvānparityajya pumānmāmekaṁ śaraṇaṁ vrajet

Keshava himself, bearer of the conch, discus and mace, has told me this - a man should abandon all else and take refuge in me alone.

Verse 26 (padma.6.51.26)

एकादश्यां निराहारस्ततः पापात्प्रमुच्यते । द्रव्यशुद्धिः कलौ नास्ति संस्कारः स्मार्त्त एव च

ekādaśyāṁ nirāhārastataḥ pāpātpramucyate dravyaśuddhiḥ kalau nāsti saṁskāraḥ smārtta eva ca

Remaining without food on Ekadashi, a man is freed from sin. In the Kali age purity of wealth no longer remains, nor do the smarta rites remain pure.

Verse 27 (padma.6.51.27)

वैदिकस्तु कुतश्चापि प्राप्ते दुष्टे कलौ युगे । किं नु ते बहुनोक्तेन वायुपुत्र पुनः पुनः

vaidikastu kutaścāpi prāpte duṣṭe kalau yuge kiṁ nu te bahunoktena vāyuputra punaḥ punaḥ

Then how much less could the Vedic rites be obtained in this wicked Kali age? O son of Vayu, what use is there in saying more - I say this again and again.

Verse 28 (padma.6.51.28)

एकादश्यां न भुंजीत पक्षयोरुभयोरपि । एकादश्यां सिते पक्षे ज्येष्ठेमास्युदकं विना

ekādaśyāṁ na bhuṁjīta pakṣayorubhayorapi ekādaśyāṁ site pakṣe jyeṣṭhemāsyudakaṁ vinā

One should not eat on Ekadashi in either fortnight, and on the Ekadashi of the bright fortnight of Jyeshtha one should remain even without water.

Verse 29 (padma.6.51.29)

पुण्यं फलमवाप्नोति तच्छृणुष्व वृकोदर । संवत्सरे तु या प्रोक्ताः शुक्लः कृष्णा वृकोदर

puṇyaṁ phalamavāpnoti tacchṛṇuṣva vṛkodara saṁvatsare tu yā proktāḥ śuklaḥ kṛṣṇā vṛkodara

Listen to the meritorious fruit that comes from this, O Vrikodara. Whatever bright and dark fortnight Ekadashis are told to occur throughout the year,

Verse 30 (padma.6.51.30)

उपोषिता हि सर्वाः स्युरेकादश्यो न संशयः । धनधान्यप्रदा पुण्या पुत्रारोग्यशुभप्रदा

upoṣitā hi sarvāḥ syurekādaśyo na saṁśayaḥ dhanadhānyapradā puṇyā putrārogyaśubhapradā

the fast of all of them is thereby accomplished - there is no doubt of this. This vow bestows wealth and grain, is meritorious, and grants sons, health, and every good fortune.

Verse 31 (padma.6.51.31)

उपोषिता नरव्याघ्र इति सत्यं ब्रवीमि ते । यमदूता महाकायाः करालाः कृष्णरूपिणः

upoṣitā naravyāghra iti satyaṁ bravīmi te yamadūtā mahākāyāḥ karālāḥ kṛṣṇarūpiṇaḥ

O tiger among men, I tell you truly - to one who fasts on this, the messengers of Yama, of vast form, terrible, dark of hue,

Verse 32 (padma.6.51.32)

दंडपाशधरा रौद्रा नोपसर्पंति तं नरम् । पीतांबरधरा सौम्याश्चक्रहस्ता मनोजवाः

daṁḍapāśadharā raudrā nopasarpaṁti taṁ naram pītāṁbaradharā saumyāścakrahastā manojavāḥ

bearing rod and noose, terrible in form, do not approach that man. Instead, [Vishnu's messengers,] clad in yellow, gentle, bearing the discus, swift as thought,

Verse 33 (padma.6.51.33)

अंतकालेन यंत्येते वैष्णवान्वैष्णवीपुरीम् । तस्मात्सर्वप्रयत्नेन उपोष्योदकवर्जिता

aṁtakālena yaṁtyete vaiṣṇavānvaiṣṇavīpurīm tasmātsarvaprayatnena upoṣyodakavarjitā

lead such Vaishnavas at the time of death to the Vaishnava city [Vaikuntha]. Therefore one should fast with every effort, remaining without water,

Verse 34 (padma.6.51.34)

जलधेनुं तदा दत्त्वा सर्वपापैः प्रमुच्यते । ततस्त्वमस्यां कौंतेय सोपवासोऽर्चनं हरेः

jaladhenuṁ tadā dattvā sarvapāpaiḥ pramucyate tatastvamasyāṁ kauṁteya sopavāso'rcanaṁ hareḥ

and one should give a jaladhenu [a vessel-cow of water], by which one becomes freed from all sin. O son of Kunti, then you too should fast on this Ekadashi and worship Hari,

Verse 35 (padma.6.51.35)

कुरु सर्वप्रयत्नेन सर्वपापप्रशांतये । स्वप्नेन मेऽपराधोस्ति दंतरागतयापि वा

kuru sarvaprayatnena sarvapāpapraśāṁtaye svapnena me'parādhosti daṁtarāgatayāpi vā

perform this with every effort for the pacification of all your sins. [Vow-formula:] 'If in dream, or while cleaning my teeth, any fault has been committed by me,

Verse 36 (padma.6.51.36)

भोक्ष्येपरेऽह्नि देवेश ह्यशनं वासराद्धरेः । इत्युच्चार्य ततो मंत्र उपवासपरो भवेत्

bhokṣyepare'hni deveśa hyaśanaṁ vāsarāddhareḥ ityuccārya tato maṁtra upavāsaparo bhavet

still, O lord of gods, only on the next day, after the fast of Hari's day, shall I eat.' Having uttered this mantra, one should then become intent upon the fast,

Verse 37 (padma.6.51.37)

सर्वपापविनाशाय श्रद्धा दम समन्वितः । मेरुमंदरमात्राघं स्त्रिया पुंसा च यत्कृतम्

sarvapāpavināśāya śraddhā dama samanvitaḥ merumaṁdaramātrāghaṁ striyā puṁsā ca yatkṛtam

for the destruction of all sin, endowed with faith and self-restraint. Whatever sin, even as vast as Mount Meru or Mount Mandara, committed by a woman or a man,

Verse 38 (padma.6.51.38)

सर्वं तद्भस्मतां याति एकादश्याः प्रभावतः । न शक्नुवंति ये दातुं जलधेनुं नराधिप

sarvaṁ tadbhasmatāṁ yāti ekādaśyāḥ prabhāvataḥ na śaknuvaṁti ye dātuṁ jaladhenuṁ narādhipa

all of that is reduced to ashes by the power of this Ekadashi. O king of men, those who are unable to give a jaladhenu,

Verse 39 (padma.6.51.39)

सकांचनः प्रदातव्यो घटको वस्त्रसंयुतः । तोयस्य नियमं योऽस्या कुरुते वै स पुण्यभाक्

sakāṁcanaḥ pradātavyo ghaṭako vastrasaṁyutaḥ toyasya niyamaṁ yo'syā kurute vai sa puṇyabhāk

should give a water-vessel together with gold and cloth. Whoever observes the water-fast of this Ekadashi becomes a sharer in merit.

Verse 40 (padma.6.51.40)

फलं कोटिसुवर्णस्य यामेयामे श्रुतं फलम् । स्नानं दानं जपं होमं यदस्यां कुरुते नरः

phalaṁ koṭisuvarṇasya yāmeyāme śrutaṁ phalam snānaṁ dānaṁ japaṁ homaṁ yadasyāṁ kurute naraḥ

In each of its watches [prahara] the fruit is declared equal to the gift of a crore of gold coins. Whatever bathing, giving, chanting, or fire-offering a man performs on this day,

Verse 41 (padma.6.51.41)

तत्सर्वं चाक्षयं प्राप्तमेतत्कृष्णप्रभाषितम् । किं वापरेण धर्मेण निर्जलैकादशीं विना

tatsarvaṁ cākṣayaṁ prāptametatkṛṣṇaprabhāṣitam kiṁ vāpareṇa dharmeṇa nirjalaikādaśīṁ vinā

all of that is declared, by Krishna's own word, to bear imperishable fruit. What use is any other observance, without Nirjala Ekadashi?

Verse 42 (padma.6.51.42)

उपोष्य सम्यग्विधिवद्वैष्णवं पदमाप्नुयात् । सुवर्णमन्नं वासो वा यदस्यां संप्रदीयते

upoṣya samyagvidhivadvaiṣṇavaṁ padamāpnuyāt suvarṇamannaṁ vāso vā yadasyāṁ saṁpradīyate

By observing this fast properly and according to the rite, a man attains the Vaishnava state. Whatever gold, food, or clothing is given on this day,

Verse 43 (padma.6.51.43)

तदस्य कुरुशार्दूल सर्वं चाप्यक्षयं भवेत् । एकादश्यां दिने योऽन्नं भुंक्ते पापं भुनक्ति सः

tadasya kuruśārdūla sarvaṁ cāpyakṣayaṁ bhavet ekādaśyāṁ dine yo'nnaṁ bhuṁkte pāpaṁ bhunakti saḥ

O tiger of the Kurus, all of that too becomes imperishable. A man who eats food on the day of Ekadashi eats only sin.

Verse 44 (padma.6.51.44)

इहलोके स चांडालो मृतः प्राप्नोति दुर्गतिम् । ये च दास्यंति दानानि द्वादश्यां समुपोषिताः

ihaloke sa cāṁḍālo mṛtaḥ prāpnoti durgatim ye ca dāsyaṁti dānāni dvādaśyāṁ samupoṣitāḥ

In this world he is like an outcaste, and upon death he attains an evil state. Those who, having fasted, give gifts on Dvadashi,

Verse 45 (padma.6.51.45)

ज्येष्ठमासे सिते पक्षे प्राप्स्यंति परमं पदम् । ब्रह्महा मद्यपः स्तेनो गुरुद्वेषी सदानृती

jyeṣṭhamāse site pakṣe prāpsyaṁti paramaṁ padam brahmahā madyapaḥ steno gurudveṣī sadānṛtī

in the bright fortnight of the month of Jyeshtha, attain the supreme state. Even one who has killed a brahmin, drunk liquor, stolen, hated his teacher, or ever spoken falsehood,

Verse 46 (padma.6.51.46)

मुच्यंते पातकैः सर्वैर्निर्जलायैरुपोषिता । विशेषं शृणु कौंतेय निर्जलैकादशी दिने

mucyaṁte pātakaiḥ sarvairnirjalāyairupoṣitā viśeṣaṁ śṛṇu kauṁteya nirjalaikādaśī dine

by fasting on Nirjala Ekadashi becomes freed from all his sins. O son of Kunti, now hear one special matter, concerning the day of Nirjala Ekadashi.

Verse 47 (padma.6.51.47)

यत्कर्त्तव्यं नरैः स्त्रीभिर्दानं श्रद्धासमन्वितैः । जलशायी च संपूज्यो देया धेनुस्तथाम्मयी

yatkarttavyaṁ naraiḥ strībhirdānaṁ śraddhāsamanvitaiḥ jalaśāyī ca saṁpūjyo deyā dhenustathāmmayī

What men and women filled with faith must do is to give gifts; Vishnu, who reclines upon the waters, should be worshipped, and a water-filled cow-vessel should be given.

Verse 48 (padma.6.51.48)

प्रत्यक्षा वा नृपश्रेष्ठ घृतधेनुरथापि वा । दक्षिणाभिः सुपुष्टाभिर्मिष्टान्नैश्च पृथग्विधैः

pratyakṣā vā nṛpaśreṣṭha ghṛtadhenurathāpi vā dakṣiṇābhiḥ supuṣṭābhirmiṣṭānnaiśca pṛthagvidhaiḥ

O best of kings, an actual cow, or one fashioned of ghee, may also be given, and with abundant gifts to the priests and various sweet foods,

Verse 49 (padma.6.51.49)

तोषणीयाः प्रयत्नेन द्विजा धर्मभृतां वर । तुष्टा भवंति वै विप्रास्तैस्तुष्टैर्मोक्षदो हरिः

toṣaṇīyāḥ prayatnena dvijā dharmabhṛtāṁ vara tuṣṭā bhavaṁti vai viprāstaistuṣṭairmokṣado hariḥ

O best of the upholders of dharma, the brahmins should be satisfied with great care. When the brahmins are pleased, by their being pleased Hari grants liberation.

Verse 50 (padma.6.51.50)

आत्मद्रोहः कृतस्तैर्हि यैरेषा न ह्युपोषिता । पापात्मानो दुराचारा मुष्टास्ते नात्र संशयः

ātmadrohaḥ kṛtastairhi yaireṣā na hyupoṣitā pāpātmāno durācārā muṣṭāste nātra saṁśayaḥ

Those who have not observed this fast have surely committed treachery against their own soul. Such sinful and ill-conducted people are indeed cheated - there is no doubt of this.

Verse 51 (padma.6.51.51)

कुलानां शतमागामि अतीतानां तथा शतम् । आत्मना सह तैर्नीतं वासुदेवस्य मंदिरम्

kulānāṁ śatamāgāmi atītānāṁ tathā śatam ātmanā saha tairnītaṁ vāsudevasya maṁdiram

A hundred generations yet to come and a hundred generations already past - along with themselves, those who observe this vow carry all of these to the abode of Vasudeva -

Verse 52 (padma.6.51.52)

शांतैर्दांतैर्दानपरैरर्चयद्भिस्तथा हरिम् । कुर्वद्भिर्जागरं रात्रौ यैरेषा समुपोषिता

śāṁtairdāṁtairdānaparairarcayadbhistathā harim kurvadbhirjāgaraṁ rātrau yaireṣā samupoṣitā

those who, tranquil, self-controlled, devoted to giving, worship Hari and keep the night-vigil, having observed this fast.

Verse 53 (padma.6.51.53)

अन्नं वस्त्रं तथा गावो जलं शय्यासनं शुभम् । कमंडलुं तथा छत्रं दातव्यं निर्जला दिने

annaṁ vastraṁ tathā gāvo jalaṁ śayyāsanaṁ śubham kamaṁḍaluṁ tathā chatraṁ dātavyaṁ nirjalā dine

On the day of Nirjala, food, clothing, cows, water, an auspicious bed and seat,

Verse 54 (padma.6.51.54)

उपानहौ यो ददाति पात्रभूते द्विजोत्तमे । स सौवर्णेन यानेन स्वर्गलोके महीयते

upānahau yo dadāti pātrabhūte dvijottame sa sauvarṇena yānena svargaloke mahīyate

and also a water-pot and umbrella should be given. Whoever gives sandals to a worthy brahmin,

Verse 55 (padma.6.51.55)

यश्चेमां शृणुयाद्भक्त्या यश्चापि परिकीर्तयेत् । उभौ तौ स्वर्गमाप्नोति नात्र कार्या विचारणा

yaścemāṁ śṛṇuyādbhaktyā yaścāpi parikīrtayet ubhau tau svargamāpnoti nātra kāryā vicāraṇā

is honored in the heavenly world, riding upon a chariot made of gold. Whoever hears this with devotion, and whoever proclaims it,

Verse 56 (padma.6.51.56)

यत्फलं संनिहत्यायां राहुग्रस्ते दिवाकरे । कृत्वा श्राद्धं लभेन्मर्त्यस्तदस्याः श्रवणादपि

yatphalaṁ saṁnihatyāyāṁ rāhugraste divākare kṛtvā śrāddhaṁ labhenmartyastadasyāḥ śravaṇādapi

both attain heaven - there is no need for further consideration here. The fruit that a mortal obtains by performing shraddha at the confluence during a solar eclipse,

Verse 57 (padma.6.51.57)

नियमं च प्रकर्त्तव्यं दंतधावनपूर्वकम् । एकादश्यां निराहारो वर्जयिष्यामि वै जलम्

niyamaṁ ca prakarttavyaṁ daṁtadhāvanapūrvakam ekādaśyāṁ nirāhāro varjayiṣyāmi vai jalam

that same fruit is obtained merely by hearing this. This vow should be taken along with the cleaning of the teeth: 'On Ekadashi I shall remain without food, and shall also renounce water,'

Verse 58 (padma.6.51.58)

केशवप्रीणनार्थाय अन्यदाचमनादृते । द्वादश्यां देवदेवेशः पूजनीयस्त्रिविक्रमः

keśavaprīṇanārthāya anyadācamanādṛte dvādaśyāṁ devadeveśaḥ pūjanīyastrivikramaḥ

in order to please Keshava, save for the sipping of water for the ritual rinse. On Dvadashi, the Lord of gods, Trivikrama, should be worshipped,

Verse 59 (padma.6.51.59)

गंधैर्धूपैस्तथा पुष्पैर्वासोभिः प्रियदर्शनैः । पूजयित्वा विधानेन मंत्रमेतमुदीरयेत्

gaṁdhairdhūpaistathā puṣpairvāsobhiḥ priyadarśanaiḥ pūjayitvā vidhānena maṁtrametamudīrayet

with fragrant paste, incense, flowers, and pleasing garments; having worshipped duly, this mantra should be recited -

Verse 60 (padma.6.51.60)

देवदेव हृषीकेश संसारार्णवतारक । उदकुंभप्रदानेन नय मां परमां गतिम्

devadeva hṛṣīkeśa saṁsārārṇavatāraka udakuṁbhapradānena naya māṁ paramāṁ gatim

'O God of gods, O Hrishikesha, O deliverer across the ocean of worldly existence, by the gift of this water-filled vessel, lead me to the supreme state.'

Verse 61 (padma.6.51.61)

ज्येष्ठे मासि तु वै भीम या शुक्लैकादशी शुभा । निर्जला समुपोष्यात्र जलकुंभान्सशर्करान्

jyeṣṭhe māsi tu vai bhīma yā śuklaikādaśī śubhā nirjalā samupoṣyātra jalakuṁbhānsaśarkarān

O Bhima, on that auspicious bright-fortnight Ekadashi of the month of Jyeshtha, having fasted without water, one should give water-pots filled with sugared water,

Verse 62 (padma.6.51.62)

प्रदाय विप्रमुख्येभ्यो मोदते विष्णुसन्निधौ । ततः कुंभाः प्रदातव्या ब्राह्मणानां च भक्तितः

pradāya vipramukhyebhyo modate viṣṇusannidhau tataḥ kuṁbhāḥ pradātavyā brāhmaṇānāṁ ca bhaktitaḥ

to the foremost of brahmins, and thus rejoices in the presence of Vishnu. After that, water-pots should be given to the brahmins with devotion,

Verse 63 (padma.6.51.63)

भोजयित्वा ततो विप्रान्स्वयं भुंजीत तत्परः । एवं यः कुरुते पूर्णां द्वादशीं पापनाशिनीम्

bhojayitvā tato viprānsvayaṁ bhuṁjīta tatparaḥ evaṁ yaḥ kurute pūrṇāṁ dvādaśīṁ pāpanāśinīm

and having fed the brahmins, one should then, with full attention, eat oneself. Whoever thus completes this sin-destroying Dvadashi in full,

Verse 64 (padma.6.51.64)

सर्वपापविनिर्मुक्तो पदं गच्छत्यनामयम् । ततः प्रभृति भीमेन कृता ह्येकादशी शुभा । पांडवद्वादशी नाम्ना लोके ख्याता बभूव ह

sarvapāpavinirmukto padaṁ gacchatyanāmayam tataḥ prabhṛti bhīmena kṛtā hyekādaśī śubhā pāṁḍavadvādaśī nāmnā loke khyātā babhūva ha

becomes freed from every sin and attains the flawless state. From that time onward, this auspicious Ekadashi, observed by Bhima, became renowned in the world by the name Pandava-Dvadashi.