The Creation, the Slaying of Madhu and Kaitabha, and the Marks of a Vaishnava

Verse 1 (padma.7.2.1)

व्यास उवाच- सृष्टेरादौ महाविष्णुः सिसृक्षुः सकलं जगत् । स्रष्टा पाता च संहर्ता त्रिमूर्तिरभवत्स्वयम्

vyāsa uvāca- sṛṣṭerādau mahāviṣṇuḥ sisṛkṣuḥ sakalaṁ jagat sraṣṭā pātā ca saṁhartā trimūrtirabhavatsvayam

Vyasa said: At the beginning of creation, Maha-Vishnu, desiring to bring forth the entire universe, himself became the threefold form — creator, sustainer, and destroyer.

Verse 2 (padma.7.2.2)

सृष्ट्यर्थमस्य जगतः ससर्ज ब्रह्मसंज्ञकम् । दक्षिणां गतआत्मानमात्मना श्रेष्ठपूरुषः

sṛṣṭyarthamasya jagataḥ sasarja brahmasaṁjñakam dakṣiṇāṁ gataātmānamātmanā śreṣṭhapūruṣaḥ

For the sake of creating this world, that supreme Being brought forth from himself, from his own right side, the self called Brahma.

Verse 3 (padma.7.2.3)

ततस्तु पालनार्थाय जगतो जगतीपतिः । विष्णुं ससर्ज वामांशान्निजांशं केशवं मुने

tatastu pālanārthāya jagato jagatīpatiḥ viṣṇuṁ sasarja vāmāṁśānnijāṁśaṁ keśavaṁ mune

Then, O sage, for the sake of sustenance, the Lord of the world brought forth from his left portion his own part, Vishnu named Keshava.

Verse 4 (padma.7.2.4)

अथ संहरणार्थाय जगतो रुद्रमव्ययम् । मुने ससर्ज मध्यांगात्कृतपद्मालयः प्रभुः

atha saṁharaṇārthāya jagato rudramavyayam mune sasarja madhyāṁgātkṛtapadmālayaḥ prabhuḥ

Then, O sage, for the sake of dissolution, that Lord who dwells in the lotus brought forth from his middle limb the imperishable Rudra.

Verse 5 (padma.7.2.5)

रजः सत्वं तमश्चेति पुरुषं त्रिगुणात्मकम् । वदंति केचिद्ब्रह्माणं विष्णुं केचिच्च शंकरम्

rajaḥ satvaṁ tamaśceti puruṣaṁ triguṇātmakam vadaṁti kecidbrahmāṇaṁ viṣṇuṁ kecicca śaṁkaram

That one Being, made of the three qualities — rajas, sattva, and tamas — some call Brahma, some call Vishnu, and some call Shankara.

Verse 6 (padma.7.2.6)

एको विष्णुस्त्रिधा भूत्वा सृजत्यत्ति च पाति च । तस्माद्भेदो न कर्त्तव्यस्त्रिषु लोकेषु सत्तमैः

eko viṣṇustridhā bhūtvā sṛjatyatti ca pāti ca tasmādbhedo na karttavyastriṣu lokeṣu sattamaiḥ

The one Vishnu, becoming threefold, creates, devours, and protects; therefore, O best of ones, no difference should be made among these three throughout the three worlds.

Verse 7 (padma.7.2.7)

आद्या प्रकृतिरेतस्य महाविष्णोः परात्मनः । निदानंभूतविश्वस्य विद्या विद्येति गीयते

ādyā prakṛtiretasya mahāviṣṇoḥ parātmanaḥ nidānaṁbhūtaviśvasya vidyā vidyeti gīyate

The primordial nature of that supreme Self, Maha-Vishnu, which is the original cause of the entire universe, is celebrated by the name Vidya.

Verse 8 (padma.7.2.8)

भावाभावस्वरूपा सा जगद्धेतुः सनातनी । ब्राह्मी लक्ष्मीरम्बिकेति त्रिमूर्तिः सहसाऽभवत्

bhāvābhāvasvarūpā sā jagaddhetuḥ sanātanī brāhmī lakṣmīrambiketi trimūrtiḥ sahasā'bhavat

That eternal power, cause of the world, existing in the form of both being and non-being, at once became threefold as Brahmi, Lakshmi, and Ambika.

Verse 9 (padma.7.2.9)

सृष्टिस्थितिविनाशेषु यां नियोज्य ततो मुने । आद्यां चैवाद्यपुरुषस्तत्रैवांतरधीयत

sṛṣṭisthitivināśeṣu yāṁ niyojya tato mune ādyāṁ caivādyapuruṣastatraivāṁtaradhīyata

O sage, having appointed that primal power to creation, maintenance, and destruction, the primeval Being himself vanished from sight there.

Verse 10 (padma.7.2.10)

यस्याज्ञया ततो ब्रह्मा महाभूतान्ससर्ज ह । पृथिव्याकाशवाय्वंबु वह्नीन्पञ्चसमाधिना

yasyājñayā tato brahmā mahābhūtānsasarja ha pṛthivyākāśavāyvaṁbu vahnīnpañcasamādhinā

By whose command Brahma then, through five stages of concentrated creation, brought forth the great elements — earth, ether, air, water, and fire.

Verse 11 (padma.7.2.11)

भूर्भुवः स्वस्तथा चैव महश्चैव जनस्तथा । तपश्च सत्यमित्यादीन्सृष्टवान्कमलासनः

bhūrbhuvaḥ svastathā caiva mahaścaiva janastathā tapaśca satyamityādīnsṛṣṭavānkamalāsanaḥ

Brahma, seated on the lotus, created the worlds beginning with Bhuh, Bhuvah, Svah, Mahah, Janah, Tapah, and Satya.

Verse 12 (padma.7.2.12)

अतलं सृष्टवान्ब्रह्मा ततोऽधोवितलं द्विज । ततोऽधःसुतलं चैव ततोऽधश्च तलातलम्

atalaṁ sṛṣṭavānbrahmā tato'dhovitalaṁ dvija tato'dhaḥsutalaṁ caiva tato'dhaśca talātalam

O twice-born, Brahma created Atala, and below it Vitala, and below that Sutala, and below that Talatala.

Verse 13 (padma.7.2.13)

महातलमधस्तस्मात्ततोऽधश्च रसातलम् । तस्मादधश्च पातालं लोकानेवं यथाक्रमम्

mahātalamadhastasmāttato'dhaśca rasātalam tasmādadhaśca pātālaṁ lokānevaṁ yathākramam

Below that, Mahatala; below that, Rasatala; and below that, Patala — thus were the nether worlds fashioned in due order.

Verse 14 (padma.7.2.14)

देवतानांनिवासार्थं रत्नसानुं महागिरिम् । सृष्टवान्पृथिवीमध्ये जाम्बूनदसमुज्ज्वलम्

devatānāṁnivāsārthaṁ ratnasānuṁ mahāgirim sṛṣṭavānpṛthivīmadhye jāmbūnadasamujjvalam

For the dwelling of the gods, Brahma created amid the earth a great mountain crowned with jeweled peaks, golden and supremely radiant.

Verse 15 (padma.7.2.15)

मंदरं चरमं चैव त्रिकूटमुदयाचलम् । अन्यांश्च पर्वतांश्चैव सृष्टवान्विविधानपि

maṁdaraṁ caramaṁ caiva trikūṭamudayācalam anyāṁśca parvatāṁścaiva sṛṣṭavānvividhānapi

Mount Mandara, Mount Charama, Trikuta, and Udayachala, and many other mountains besides, he likewise brought into being.

Verse 16 (padma.7.2.16)

लोकालोकस्ततश्चैव तन्मध्ये सप्तसागराः । सप्तद्वीपाश्च विप्रेन्द्र परमेश स्वयंभुवा

lokālokastataścaiva tanmadhye saptasāgarāḥ saptadvīpāśca viprendra parameśa svayaṁbhuvā

Then came the mountain Lokaloka, and amid it the seven oceans and — O great Lord among brahmins — the seven continents, brought forth by the self-born Brahma.

Verse 17 (padma.7.2.17)

जम्बुद्वीपो द्विजश्रेष्ठ द्वीपश्च प्लक्षसंज्ञितः । विज्ञेयो द्विगुणस्तस्माच्छाल्मलो द्विगुणस्ततः

jambudvīpo dvijaśreṣṭha dvīpaśca plakṣasaṁjñitaḥ vijñeyo dviguṇastasmācchālmalo dviguṇastataḥ

O best of the twice-born, there is Jambudvipa, and twice its size, know, is the continent called Plaksha, and twice that again is Shalmala.

Verse 18 (padma.7.2.18)

ते च प्लक्षादयो द्वीपाः सर्वभाग समन्विताः । समस्तगुणसंयुक्ता देवदेवर्षिमूर्तयः

te ca plakṣādayo dvīpāḥ sarvabhāga samanvitāḥ samastaguṇasaṁyuktā devadevarṣimūrtayaḥ

Those continents beginning with Plaksha are furnished with every division, endowed with every quality, and take the very form of gods and celestial seers.

Verse 19 (padma.7.2.19)

सप्तद्वीपा इमे विप्र सप्तसागरवेष्टिताः । तेषां नामानि वक्ष्यामि सागराणां निशामय

saptadvīpā ime vipra saptasāgaraveṣṭitāḥ teṣāṁ nāmāni vakṣyāmi sāgarāṇāṁ niśāmaya

O brahmin, these seven continents are girdled by seven oceans; I shall speak their names — listen with care.

Verse 20 (padma.7.2.20)

लवणेक्षु सुरा सर्पिर्दधिदुग्धजलांतकाः । एते समुद्रा देवर्षे पूर्वस्माच्च परः पराः

lavaṇekṣu surā sarpirdadhidugdhajalāṁtakāḥ ete samudrā devarṣe pūrvasmācca paraḥ parāḥ

Salt, sugarcane-juice, wine, clarified butter, curd, milk, and fresh water — these, O sage among gods, are the oceans, each successive one larger than the last.

Verse 21 (padma.7.2.21)

विज्ञेया द्विगुणाः सर्व आलोकालोकपर्वताः । द्वीपेद्वीपे ततो ब्रह्मा वृक्षगुल्मलतादिकान्

vijñeyā dviguṇāḥ sarva ālokālokaparvatāḥ dvīpedvīpe tato brahmā vṛkṣagulmalatādikān

All the mountains of Lokaloka should be known as each successively double. Then, on every continent, Brahma created trees, shrubs, creepers, and the rest,

Verse 22 (padma.7.2.22)

तिर्यग्योनिगताञ्जन्तून्सृष्टवान्द्विजसत्तम । अथ देवान्मनुष्यांश्च नागान्विद्याधरांस्तथा

tiryagyonigatāñjantūnsṛṣṭavāndvijasattama atha devānmanuṣyāṁśca nāgānvidyādharāṁstathā

and, O best of the twice-born, beings born in animal wombs as well; then gods, men, serpent-folk, and Vidyadharas,

Verse 23 (padma.7.2.23)

क्रमात्ससर्ज पुत्रांश्च ततो दक्षादिकान्मुनीन् । ब्रह्मक्षत्त्रियविट्शूद्रानन्यांश्चैवांत्यजांस्तथा

kramātsasarja putrāṁśca tato dakṣādikānmunīn brahmakṣattriyaviṭśūdrānanyāṁścaivāṁtyajāṁstathā

then, in order, his own sons, then sages beginning with Daksha, and brahmins, kshatriyas, vaishyas, shudras, and the outcaste peoples besides.

Verse 24 (padma.7.2.24)

तेषां च वर्तनादीनि सृष्टवान्स प्रजापतिः । हेमाद्रि दक्षिणं यद्वै विंध्याद्रेरुत्तरं तथा

teṣāṁ ca vartanādīni sṛṣṭavānsa prajāpatiḥ hemādri dakṣiṇaṁ yadvai viṁdhyādreruttaraṁ tathā

That Lord of creatures fashioned also their livelihoods and customs. That tract which lies south of the Golden Mountain (the Himalaya) and north of the Vindhya range —

Verse 25 (padma.7.2.25)

आहुस्तद्भारतं वर्षं शुभाशुभफलप्रदम् । आसाद्य भारते वर्षे ये जन्मनि नरोत्तमाः

āhustadbhārataṁ varṣaṁ śubhāśubhaphalapradam āsādya bhārate varṣe ye janmani narottamāḥ

that they call Bharatavarsha, the land that grants both good and ill fruit. Those excellent men who, having attained birth in Bharatavarsha,

Verse 26 (padma.7.2.26)

धर्मकर्माणि कुर्वंति ते सर्वे केशवोपमाः । कर्मभूमौ कृतं कर्म शुभं वाशुभमेव वा

dharmakarmāṇi kurvaṁti te sarve keśavopamāḥ karmabhūmau kṛtaṁ karma śubhaṁ vāśubhameva vā

perform deeds of dharma — all of them are the very equal of Keshava. Whatever deed, good or ill, is done in this land of action,

Verse 27 (padma.7.2.27)

तत्फलं भुंजते लोको भोगभूमिषु सत्तम । कर्मभूमिं समागत्य यो धर्मकर्मसूद्यतः

tatphalaṁ bhuṁjate loko bhogabhūmiṣu sattama karmabhūmiṁ samāgatya yo dharmakarmasūdyataḥ

its fruit people, O best one, experience in the lands of enjoyment. Whoever, having come to this land of action, remains devoted to deeds of dharma,

Verse 28 (padma.7.2.28)

न च तेन समः कोऽपि त्रिषुलोकेषु विद्यते । तस्य स्यात्सफलं जन्म जीवितं च सुजीवितम्

na ca tena samaḥ ko'pi triṣulokeṣu vidyate tasya syātsaphalaṁ janma jīvitaṁ ca sujīvitam

in the three worlds there is no one equal to him; his birth is fruitful and his life truly well-lived.

Verse 29 (padma.7.2.29)

श्रीनारायणसेवायां मतिर्यस्य न विद्यते । जन्मकोट्यर्जितैः पुण्यैः संसारैकाधिनायके

śrīnārāyaṇasevāyāṁ matiryasya na vidyate janmakoṭyarjitaiḥ puṇyaiḥ saṁsāraikādhināyake

One whose mind is not fixed on the service of Sri Narayana — though he possess merit earned across ten million births — that toward the sole overlord of samsara,

Verse 30 (padma.7.2.30)

नारायणे देवदेवे भक्तिः स्यात्सुदृढा नृणाम् । समस्तसुखदश्चापि स श्लाघ्यो निर्भयोऽपि च

nārāyaṇe devadeve bhaktiḥ syātsudṛḍhā nṛṇām samastasukhadaścāpi sa ślāghyo nirbhayo'pi ca

toward Narayana, God of gods, whoever has such firm devotion is himself the giver of every happiness, worthy of praise, and utterly fearless.

Verse 31 (padma.7.2.31)

त्याज्यः स देशः सहसा नातिष्ठेद्यत्र वैष्णवः । जन्मांतरार्जितं पापं स्वल्पं वा यदि वा बहु

tyājyaḥ sa deśaḥ sahasā nātiṣṭhedyatra vaiṣṇavaḥ janmāṁtarārjitaṁ pāpaṁ svalpaṁ vā yadi vā bahu

That land in which no Vaishnava dwells settled should at once be forsaken. Whatever sin was gathered in a former birth, be it little or great,

Verse 32 (padma.7.2.32)

तत्क्षणात्क्षयमाप्नोति भगवद्भक्तदर्शनात् । वैष्णवांघ्रिजलं यस्तु समस्तपातकापहम्

tatkṣaṇātkṣayamāpnoti bhagavadbhaktadarśanāt vaiṣṇavāṁghrijalaṁ yastu samastapātakāpaham

is destroyed that very instant by the mere sight of a devotee of the Lord. Whoever bears upon his own head, with devotion, the foot-water of a Vaishnava,

Verse 33 (padma.7.2.33)

वहेत्स्वशिरसा भक्त्या गङ्गास्नानेन तस्य किम् । मुहूर्तमपि यः कुर्यात्सड्गं भागवतैः सह

vahetsvaśirasā bhaktyā gaṅgāsnānena tasya kim muhūrtamapi yaḥ kuryātsaḍgaṁ bhāgavataiḥ saha

which washes away every sin — of what use to him is bathing in the Ganga? Whoever keeps company with devotees of the Lord even for a single muhurta,

Verse 34 (padma.7.2.34)

स मुच्यते सर्वपापैर्ब्रह्महत्यामुखैरपि । धर्मकर्माणि विप्रेन्द्र क्रियंते यानि कानि च

sa mucyate sarvapāpairbrahmahatyāmukhairapi dharmakarmāṇi viprendra kriyaṁte yāni kāni ca

he is freed from all sins, even the foremost sin of killing a brahmin. Whatever acts of dharma, O lord of brahmins, are performed in the presence of a devotee of the Lord,

Verse 35 (padma.7.2.35)

भगवद्भक्तपुरतस्तानि स्युरक्षयाणि च । मुहूर्त्तं वा मुहूर्तार्द्धं यत्र तिष्ठंति वैष्णवाः

bhagavadbhaktapuratastāni syurakṣayāṇi ca muhūrttaṁ vā muhūrtārddhaṁ yatra tiṣṭhaṁti vaiṣṇavāḥ

all of them become imperishable. Where Vaishnavas remain even for half a muhurta or a whole one,

Verse 36 (padma.7.2.36)

सत्यं सत्यं पुनः सत्यं तत्तीर्थं तत्तपोवनम् । अन्नं वा सलिलं वापि फलं वा वैष्णवाय च

satyaṁ satyaṁ punaḥ satyaṁ tattīrthaṁ tattapovanam annaṁ vā salilaṁ vāpi phalaṁ vā vaiṣṇavāya ca

that place is truly, truly, and again truly, a sacred ford and an ascetic's forest. Whether it be food, or water, or fruit, whatever, O brahmin,

Verse 37 (padma.7.2.37)

यत्किंचिद्दीयते विप्र तद्दानमक्षयं भवेत् । समस्तदेवतारूपो वैष्णवः परिकीर्तितः

yatkiṁciddīyate vipra taddānamakṣayaṁ bhavet samastadevatārūpo vaiṣṇavaḥ parikīrtitaḥ

is given to a Vaishnava, that gift becomes imperishable. The Vaishnava is proclaimed to be the very embodiment of all the gods.

Verse 38 (padma.7.2.38)

स चेत्संतोषितो येन तोषिताः सर्वदेवताः । संसारेऽस्मिन्महाघोरे नानादुःखसमन्विते

sa cetsaṁtoṣito yena toṣitāḥ sarvadevatāḥ saṁsāre'sminmahāghore nānāduḥkhasamanvite

If he is satisfied, all the gods are thereby satisfied. In this exceedingly terrible transmigratory world, filled with manifold sufferings,

Verse 39 (padma.7.2.39)

भगवद्भक्तपुरुषः कदाचिन्नावसीदति । तस्मात्त्वमपि विप्रेन्द्र क्रियायोगेन केशवम्

bhagavadbhaktapuruṣaḥ kadācinnāvasīdati tasmāttvamapi viprendra kriyāyogena keśavam

a devotee of the Lord never comes to grief. Therefore, O lord of brahmins, you too, through the discipline of kriya-yoga,

Verse 40 (padma.7.2.40)

समाराध्य सदा भक्त्या व्रज विष्णोः पदं परम् । सूत उवाच- तदेतद्वचनं श्रुत्वा कानीनस्य महात्मनः

samārādhya sadā bhaktyā vraja viṣṇoḥ padaṁ param sūta uvāca- tadetadvacanaṁ śrutvā kānīnasya mahātmanaḥ

worship Keshava always with devotion, and thus go to the supreme abode of Vishnu. Suta said: Hearing this word of the great soul Kanina (Vyasa),

Verse 41 (padma.7.2.41)

शिरसांजलिमादाय जैमिनिः पर्यपृच्छत । जैमिनिरुवाच- भगवद्भक्तमाहात्म्यं त्वया प्रोक्तं पुनः पुनः

śirasāṁjalimādāya jaiminiḥ paryapṛcchata jaiminiruvāca- bhagavadbhaktamāhātmyaṁ tvayā proktaṁ punaḥ punaḥ

Jaimini, raising his joined palms to his head, asked further. Jaimini said: O teacher, you have declared, again and again, the glory of the Lord's devotees —

Verse 42 (padma.7.2.42)

गुरो किं लक्षणं तेषां तत्सर्वं ब्रूहि सांप्रतम् । कथं वा वैष्णवा लोका ज्ञातव्या मुनिसत्तम

guro kiṁ lakṣaṇaṁ teṣāṁ tatsarvaṁ brūhi sāṁpratam kathaṁ vā vaiṣṇavā lokā jñātavyā munisattama

now tell me all their distinguishing marks. And how, O best of sages, are those Vaishnava people to be recognized?

Verse 43 (padma.7.2.43)

आदितो ब्रूहि तत्सर्वं यदि ते मय्यनुग्रहः । व्यास उवाच-। मधुकैटभयोः पूर्वं हतयोर्वेधसा स्वयम्

ādito brūhi tatsarvaṁ yadi te mayyanugrahaḥ vyāsa uvāca- madhukaiṭabhayoḥ pūrvaṁ hatayorvedhasā svayam

If you have grace upon me, tell it all from the very beginning. Vyasa said: Once, when Madhu and Kaitabha had been slain by the Ordainer himself,

Verse 44 (padma.7.2.44)

पृष्टो यदाह भगवांस्तन्निशामय वेद्म्यहम् । कल्पांते रुद्ररूपेण संहार्य सकलं जगत्

pṛṣṭo yadāha bhagavāṁstanniśāmaya vedmyaham kalpāṁte rudrarūpeṇa saṁhārya sakalaṁ jagat

when questioned, what the Lord had said — hear it, for I know it. At the end of the kalpa, having in the form of Rudra dissolved the entire universe,

Verse 45 (padma.7.2.45)

स्वयमेकश्च भगवान्सुष्वाप योगमायया । सुप्ते तस्मिन्भगवति योगनिद्रा विमोहिते । अभवत्पृथिवी सर्वा सलिलौघ परिप्लुता

svayamekaśca bhagavānsuṣvāpa yogamāyayā supte tasminbhagavati yoganidrā vimohite abhavatpṛthivī sarvā salilaugha pariplutā

the Lord alone lay down to sleep through his own Yoga-maya. While that Lord slept, enveloped in Yoga-nidra, the whole earth became flooded with a mass of water.

Verse 46 (padma.7.2.46)

अतो ब्रह्मा जगत्स्रष्टा तन्नाभिकमलोपरि । तमादिपुरुषं ध्यात्वा तस्थौ तद्गतमानसः

ato brahmā jagatsraṣṭā tannābhikamalopari tamādipuruṣaṁ dhyātvā tasthau tadgatamānasaḥ

Then Brahma, creator of the world, resting upon the lotus of his navel, meditating on that primeval Being, remained there with his mind fixed on him alone.

Verse 47 (padma.7.2.47)

तस्मिन्काले महाघोरे विष्णोः कर्णमलाद्द्विज । जातौ महासुरौ घोरौ मधुकैटभसंज्ञितौ

tasminkāle mahāghore viṣṇoḥ karṇamalāddvija jātau mahāsurau ghorau madhukaiṭabhasaṁjñitau

In that exceedingly terrible time, O twice-born, from the wax of Vishnu's ear were born two dreadful and mighty demons, named Madhu and Kaitabha.

Verse 48 (padma.7.2.48)

अंतरिक्षे भ्रमंतौ तौ दानवावतिदारुणौ । श्रीविष्णोर्नाभिकमले ब्रह्माणं तावपश्यताम्

aṁtarikṣe bhramaṁtau tau dānavāvatidāruṇau śrīviṣṇornābhikamale brahmāṇaṁ tāvapaśyatām

Roaming through the sky, those two most terrible demons caught sight of Brahma seated upon the lotus of Vishnu's navel.

Verse 49 (padma.7.2.49)

तं हंतुमथ दैत्यौ तौ महाबलपराक्रमौ । उद्यमं चक्रतुर्विप्र क्रोधसंरक्तलोचनौ

taṁ haṁtumatha daityau tau mahābalaparākramau udyamaṁ cakraturvipra krodhasaṁraktalocanau

To slay him, those two mighty and valorous demons, O brahmin, their eyes reddened with rage, made ready their assault.

Verse 50 (padma.7.2.50)

ततो ब्रह्मा जगत्स्रष्टा विचिंत्य तद्वधं हृदा । योगनिद्रां भगवतीं तुष्टाव श्लक्ष्णया गिरा

tato brahmā jagatsraṣṭā viciṁtya tadvadhaṁ hṛdā yoganidrāṁ bhagavatīṁ tuṣṭāva ślakṣṇayā girā

Then Brahma, creator of the world, his heart fixed on preventing that slaying, praised the goddess Yoga-nidra with a gentle voice.

Verse 51 (padma.7.2.51)

तस्य स्तवं समाकर्ण्य ब्रह्मणः परमेष्ठिनः । उवाचेति वचः प्रीत्या किं तेऽभिमतमुच्यताम्

tasya stavaṁ samākarṇya brahmaṇaḥ parameṣṭhinaḥ uvāceti vacaḥ prītyā kiṁ te'bhimatamucyatām

Hearing the prayer of Brahma, the supreme lord, that goddess spoke these words with affection: tell me whatever it is you wish.

Verse 52 (padma.7.2.52)

ब्रह्मोवाच- अत्युग्रदानवावेतौ हंतुं मां कृतनिश्चयौ । मायया मोहय क्षिप्रं त्रातारमच्युतं त्यज

brahmovāca- atyugradānavāvetau haṁtuṁ māṁ kṛtaniścayau māyayā mohaya kṣipraṁ trātāramacyutaṁ tyaja

Brahma said: These two exceedingly fierce demons are resolved upon killing me. Bewilder them at once with your power of illusion, and release my protector Achyuta from your spell.

Verse 53 (padma.7.2.53)

ततो भागवती निद्रा महाविष्णुं तमत्यजत् । दानवाभ्यां ततस्ताभ्यामंतरिक्षे कृपामयः

tato bhāgavatī nidrā mahāviṣṇuṁ tamatyajat dānavābhyāṁ tatastābhyāmaṁtarikṣe kṛpāmayaḥ

Then the goddess Nidra released Maha-Vishnu. Then, in the sky, that merciful Lord who cherishes those who take refuge in him, against those two demons —

Verse 54 (padma.7.2.54)

युयुधे बाहुयुद्धेन शरणागतवत्सलः । पञ्चवर्षसहस्राणि कृत्वा युद्धं सुदारुणम्

yuyudhe bāhuyuddhena śaraṇāgatavatsalaḥ pañcavarṣasahasrāṇi kṛtvā yuddhaṁ sudāruṇam

waging a most fearsome battle with his very arms, fought on for five thousand years.

Verse 55 (padma.7.2.55)

विजयं नागमत्कोऽपि न च कोऽपि पराभवम् । अथ तौ दानवौ तत्र महामायाविमोहितौ

vijayaṁ nāgamatko'pi na ca ko'pi parābhavam atha tau dānavau tatra mahāmāyāvimohitau

Neither victory nor defeat came to either side. Then those two demons, thoroughly bewildered by the great illusion,

Verse 56 (padma.7.2.56)

वरं वृण्विति चास्मत्तोऽगदतां केशवं प्रति । ततः प्रहस्य देवेश उवाचेति वचो द्विज

varaṁ vṛṇviti cāsmatto'gadatāṁ keśavaṁ prati tataḥ prahasya deveśa uvāceti vaco dvija

said to Keshava: ask a boon of us. Then the Lord of gods, O twice-born, laughed and spoke these words —

Verse 57 (padma.7.2.57)

यदि तुष्टौ च वां दैत्यौ मद्वध्यौ भवतं द्रुतौ । ततस्तौ दानवौ घोरौ भगवंतं जनार्दनम्

yadi tuṣṭau ca vāṁ daityau madvadhyau bhavataṁ drutau tatastau dānavau ghorau bhagavaṁtaṁ janārdanam

If you two demons are pleased with me, then swiftly become fit to be slain by me. Then those two terrible demons, to the Lord Janardana,

Verse 58 (padma.7.2.58)

इत्यूचतुर्महामायौ महामायाविमोहितौ । अयमेव वरो दत्तो भवते नात्र संशयः

ityūcaturmahāmāyau mahāmāyāvimohitau ayameva varo datto bhavate nātra saṁśayaḥ

still bewildered by the great illusion, said this: this very boon has been granted to you — of that there is no doubt.

Verse 59 (padma.7.2.59)

मारयावां विना वारि मही यत्र जनार्द्दन । महासुरौ ततस्तौ तु आनीय जघनं प्रति

mārayāvāṁ vinā vāri mahī yatra janārddana mahāsurau tatastau tu ānīya jaghanaṁ prati

O Janardana, slay us in a place void of water, wherever there is dry land. Then, O brahmin, bringing those two great demons upon his own thigh,

Verse 60 (padma.7.2.60)

निहतौ सहसा विप्र चित्रया चक्रधारया । चक्रिणा निहतौ दृष्ट्वा दानवौ मधुकैटभौ । तुष्टाव देवदेवेशं ब्रह्मा विगतसाध्वसः

nihatau sahasā vipra citrayā cakradhārayā cakriṇā nihatau dṛṣṭvā dānavau madhukaiṭabhau tuṣṭāva devadeveśaṁ brahmā vigatasādhvasaḥ

he at once slew them with the wondrous edge of his own discus. Seeing the demons Madhu and Kaitabha thus slain by the wielder of the discus, Brahma, freed from fear, praised the God of gods.

Verse 61 (padma.7.2.61)

ब्रह्मोवाच- नमो नमस्ते परमेश्वराय प्रपन्नसर्वार्तिविनाशनाय । नमो नमस्ते त्रिगुणात्मकाय नारायणायामितविक्रमाय

brahmovāca- namo namaste parameśvarāya prapannasarvārtivināśanāya namo namaste triguṇātmakāya nārāyaṇāyāmitavikramāya

Brahma said: Salutation, salutation again, to the Supreme Lord who destroys every sorrow of those who take refuge in him. Salutation, salutation again, to Narayana, made of the three qualities, of measureless valor.

Verse 62 (padma.7.2.62)

त्वत्पादपाथोजयुगं प्रपन्ना जनाः क्वचिन्नो विपदं मनुष्याः । एतन्मया ज्ञातमनंतकीर्ते सद्यो हृतेयं महती ममापत्

tvatpādapāthojayugaṁ prapannā janāḥ kvacinno vipadaṁ manuṣyāḥ etanmayā jñātamanaṁtakīrte sadyo hṛteyaṁ mahatī mamāpat

Those men who take refuge at your two lotus feet never meet with calamity anywhere. This, O one of infinite fame, I have now understood, for this great calamity of mine has at once been lifted from me.

Verse 63 (padma.7.2.63)

योगेश्वरोऽसि सदयोऽसि जगत्त्रयेश त्वं देवदेवशरणागतपालकेश । त्वं निर्द्दयोऽरिनिकरस्य विनाशनेषु यद्रक्षितोऽहमसुरौ निहतौ त्वयैतौ

yogeśvaro'si sadayo'si jagattrayeśa tvaṁ devadevaśaraṇāgatapālakeśa tvaṁ nirddayo'rinikarasya vināśaneṣu yadrakṣito'hamasurau nihatau tvayaitau

You are the Lord of Yoga, you are compassionate, O Lord of the three worlds, O God of gods, protector of those who take refuge in you. Yet you are merciless in destroying the host of enemies — for you have given me protection and slain these two demons.

Verse 64 (padma.7.2.64)

यद्यप्यत्यंतकठिनौ मधुकैटभौ तौ मन्ये तथापि स्वजनाविह चेतसाहम् । यस्मात्स्वजीवनविनाश वरप्रदानैः संतोषितोऽखिलशुभप्रद ईश्वरस्त्वम्

yadyapyatyaṁtakaṭhinau madhukaiṭabhau tau manye tathāpi svajanāviha cetasāham yasmātsvajīvanavināśa varapradānaiḥ saṁtoṣito'khilaśubhaprada īśvarastvam

Though I count Madhu and Kaitabha as utterly hard-hearted, yet in my heart they were, here, my own kinsmen — since it was by granting the boon that destroyed their own lives that you, O Lord who bestows every good, were made content.

Verse 65 (padma.7.2.65)

रम्यं जगत्त्रयमिदं पुरुषस्य तस्य नश्यंति सर्वरिपवः स्वकुलैः समेताः । वृद्धिं व्रजंति सुहृदोऽखिलबांधवाश्च यं पश्यसि त्वममरेश दयाभिरत्र

ramyaṁ jagattrayamidaṁ puruṣasya tasya naśyaṁti sarvaripavaḥ svakulaiḥ sametāḥ vṛddhiṁ vrajaṁti suhṛdo'khilabāṁdhavāśca yaṁ paśyasi tvamamareśa dayābhiratra

Because of this Being, these three worlds are delightful; all his enemies perish together with their kin, while his well-wishers and all his kinsfolk flourish — that one, O Lord of the immortals, on whom you look here with compassionate eye.

Verse 66 (padma.7.2.66)

लक्ष्मीमुखांबुज मधुव्रत देवदेव संसारलोकभयशोकविनाशकारिन् । त्वच्चारुपादकमलद्वयमाश्रयंतं मां पाहि नाथ कृपया सततं नमस्ते

lakṣmīmukhāṁbuja madhuvrata devadeva saṁsāralokabhayaśokavināśakārin tvaccārupādakamaladvayamāśrayaṁtaṁ māṁ pāhi nātha kṛpayā satataṁ namaste

O bee upon the lotus-face of Lakshmi, O God of gods, destroyer of the fear and grief of this transmigratory world! Protect me, O Lord, who takes refuge in your two lovely lotus feet, ever with compassion — salutation to you.

Verse 67 (padma.7.2.67)

प्रसीद पुण्डरीकाक्ष प्रसीद कमलेश्वर । प्रसीद सर्वभूतेश विश्वंभर नमोस्तु ते

prasīda puṇḍarīkākṣa prasīda kamaleśvara prasīda sarvabhūteśa viśvaṁbhara namostu te

O lotus-eyed one, be gracious; O Lord of Lakshmi, be gracious; O Lord of all beings, be gracious; O sustainer of the universe, salutation to you.

Verse 68 (padma.7.2.68)

नमस्ते भक्ततुष्टाय नमस्ते भक्तिदायिने । नमस्ते ज्ञानरूपाय शरणं मे भवानघ

namaste bhaktatuṣṭāya namaste bhaktidāyine namaste jñānarūpāya śaraṇaṁ me bhavānagha

Salutation to you who are pleased by your devotees, salutation to you who grants devotion, salutation to you who are the very form of knowledge; O sinless one, you alone are my refuge.

Verse 69 (padma.7.2.69)

नमस्तुभ्यं नमस्तुभ्यं नमस्तुभ्यं नमोनमः । परित्राहि परित्राहि परित्राहि जगन्मय

namastubhyaṁ namastubhyaṁ namastubhyaṁ namonamaḥ paritrāhi paritrāhi paritrāhi jaganmaya

Salutation to you, salutation to you, salutation to you, salutation again and again. O one who pervades the universe, save me, save me, save me.

Verse 70 (padma.7.2.70)

व्यास उवाच- एतैरन्यैरपि स्तोत्रैर्ब्रह्मणा लोककारिणा । स्तुतः स देवो भगवान्परमां प्रीतिमाययौ

vyāsa uvāca- etairanyairapi stotrairbrahmaṇā lokakāriṇā stutaḥ sa devo bhagavānparamāṁ prītimāyayau

Vyasa said: Praised with these and other hymns by Brahma, the maker of the worlds, that Lord God attained the utmost delight.

Verse 71 (padma.7.2.71)

श्रीभगवानुवाच - स्तोत्रेणानेन ते भक्त्या तुष्टोऽस्मि कमलासन । किमस्त्यभिमतं ब्रूहि तत्ते दास्याम्यहं भुवि

śrībhagavānuvāca - stotreṇānena te bhaktyā tuṣṭo'smi kamalāsana kimastyabhimataṁ brūhi tatte dāsyāmyahaṁ bhuvi

The Lord said: O one seated on the lotus, by this hymn and by your devotion I am well pleased; tell me what you desire, and I shall grant it to you on earth.

Verse 72 (padma.7.2.72)

ब्रह्मोवाच- यदि तुष्टोऽसि देवेश करुणाब्धे जगन्मय । नापदस्तव भक्तानां भवंत्विति वरो मम

brahmovāca- yadi tuṣṭo'si deveśa karuṇābdhe jaganmaya nāpadastava bhaktānāṁ bhavaṁtviti varo mama

Brahma said: O Lord of gods, if you are pleased, O ocean of compassion, O one who pervades the universe, let this be my boon — may calamity never befall your devotees.

Verse 73 (padma.7.2.73)

श्रीभगवानुवाच- एवमस्तु सुरश्रेष्ठ दत्तोऽयं ते मया वरः । मद्भक्तस्य कदाप्यापन्न भवेत्क्षितिमण्डले

śrībhagavānuvāca- evamastu suraśreṣṭha datto'yaṁ te mayā varaḥ madbhaktasya kadāpyāpanna bhavetkṣitimaṇḍale

The Lord said: So be it, O best of gods, this boon I have granted you — my devotee shall never, upon this circle of the earth, meet with calamity.

Verse 74 (padma.7.2.74)

वैष्णवानां शरीरेषु सततं निवसाम्यहम् । लभंते नापदस्तस्मात्कदाचिद्वैष्णवा नराः

vaiṣṇavānāṁ śarīreṣu satataṁ nivasāmyaham labhaṁte nāpadastasmātkadācidvaiṣṇavā narāḥ

I dwell forever within the bodies of Vaishnavas; therefore Vaishnava men never come to suffer calamities.

Verse 75 (padma.7.2.75)

ब्रह्मोवाच-। सर्वमेव जगन्नाथ त्वया दत्तं न संशयः । यद्येतौ च महादैत्यौ संग्रामे विनिपातितौ

brahmovāca- sarvameva jagannātha tvayā dattaṁ na saṁśayaḥ yadyetau ca mahādaityau saṁgrāme vinipātitau

Brahma said: O Lord of the universe, you have given me everything — of this there is no doubt. But if, when these two great demons were struck down in battle,

Verse 76 (padma.7.2.76)

कियत्कालं समासाद्य स्तोत्रेणानेन वै प्रभो । स्तौति त्वां परया भक्त्या तस्य त्राता भविष्यसि

kiyatkālaṁ samāsādya stotreṇānena vai prabho stauti tvāṁ parayā bhaktyā tasya trātā bhaviṣyasi

someone, after a while, O Lord, praises you with this same hymn with supreme devotion — will you become his savior?

Verse 77 (padma.7.2.77)

अहो ध्यानैरपि ध्यातुं देवैस्त्वं न हि शक्यसे । स त्वं वैष्णवदेहेषु भ्रमसीत्यद्भुतं महत्

aho dhyānairapi dhyātuṁ devaistvaṁ na hi śakyase sa tvaṁ vaiṣṇavadeheṣu bhramasītyadbhutaṁ mahat

It is a wonder that the gods, even with meditation, cannot grasp you in meditation — yet you roam within the bodies of Vaishnavas: this is a very great marvel.

Verse 78 (padma.7.2.78)

क्षणमात्रमपि स्वामिंस्त्वयि तुष्टेन किं भवेत् । स त्वं वैष्णवसंगेन भ्रमसीत्यद्भुतं महत्

kṣaṇamātramapi svāmiṁstvayi tuṣṭena kiṁ bhavet sa tvaṁ vaiṣṇavasaṁgena bhramasītyadbhutaṁ mahat

O Lord, when you are pleased even for a moment, what could not be? You move about in the company of Vaishnavas — this too is a very great marvel.

Verse 79 (padma.7.2.79)

के वैष्णवाः कैटभारे किं वा तेषां च लक्षणम् । कथं ज्ञेयास्तु ते सर्वे तन्मे कथय केशव

ke vaiṣṇavāḥ kaiṭabhāre kiṁ vā teṣāṁ ca lakṣaṇam kathaṁ jñeyāstu te sarve tanme kathaya keśava

O foe of Kaitabha, who are the Vaishnavas, and what are their marks? How may they all be recognized — tell me this, O Keshava.

Verse 80 (padma.7.2.80)

श्रीभगवानुवाच- वैष्णवानां लक्षणानि कल्पकोटिशतैरपि । सम्यग्वक्तुं न शक्तोऽस्मि संक्षेपाच्छृणु सत्तम

śrībhagavānuvāca- vaiṣṇavānāṁ lakṣaṇāni kalpakoṭiśatairapi samyagvaktuṁ na śakto'smi saṁkṣepācchṛṇu sattama

The Lord said: Even in hundreds of millions of kalpas I could not fully declare the marks of the Vaishnavas; hear them in brief, O best one.

Verse 81 (padma.7.2.81)

संसारो वैष्णवाधीनो देवा वैष्णवपालिताः । अहं च वैष्णवाधीनस्तस्माच्छ्रेष्ठाश्च वैष्णवाः

saṁsāro vaiṣṇavādhīno devā vaiṣṇavapālitāḥ ahaṁ ca vaiṣṇavādhīnastasmācchreṣṭhāśca vaiṣṇavāḥ

This world depends upon the Vaishnava, the gods are protected by the Vaishnava, and I myself am dependent upon the Vaishnava — therefore Vaishnavas are the very best of all.

Verse 82 (padma.7.2.82)

क्षणमात्रमपि ब्रह्मन्विहाय वैष्णवं जनम् । तिष्ठामि नाहमन्यत्र वैष्णवा मम बांधवाः

kṣaṇamātramapi brahmanvihāya vaiṣṇavaṁ janam tiṣṭhāmi nāhamanyatra vaiṣṇavā mama bāṁdhavāḥ

O Brahma, forsaking Vaishnava people, I do not remain elsewhere even for a moment; the Vaishnavas are my own kinsfolk.

Verse 83 (padma.7.2.83)

कामक्रोधविहीना ये हिंसादंभविवर्जिताः । लोभमोहविहीनाश्च ज्ञेयास्ते वैष्णवा जनाः

kāmakrodhavihīnā ye hiṁsādaṁbhavivarjitāḥ lobhamohavihīnāśca jñeyāste vaiṣṇavā janāḥ

Those free of lust and anger, void of violence and hypocrisy, free of greed and delusion — such people should be known as Vaishnavas.

Verse 84 (padma.7.2.84)

अमत्सरा दयायुक्ताः सर्वभूतहितैषिणः । सत्योक्तिभाषिणश्चैव विज्ञेयास्ते च वैष्णवाः

amatsarā dayāyuktāḥ sarvabhūtahitaiṣiṇaḥ satyoktibhāṣiṇaścaiva vijñeyāste ca vaiṣṇavāḥ

Free of envy, filled with compassion, wishing well for every living being, speakers of truth — such should be recognized as Vaishnavas.

Verse 85 (padma.7.2.85)

धर्मोपदेशिनश्चैव धर्माचारधरास्तथा । गुरुशुश्रूषिणश्चैव विज्ञेयास्ते च वैष्णवाः

dharmopadeśinaścaiva dharmācāradharāstathā guruśuśrūṣiṇaścaiva vijñeyāste ca vaiṣṇavāḥ

Those who teach dharma, who uphold the conduct of dharma, who serve their guru — such should be known as Vaishnavas.

Verse 86 (padma.7.2.86)

समानं ये च पश्यन्ति त्वां च मां च महेश्वरम् । कुर्वन्ति पूजामतिथेर्ज्ञेयास्ते वैष्णवा जनाः

samānaṁ ye ca paśyanti tvāṁ ca māṁ ca maheśvaram kurvanti pūjāmatitherjñeyāste vaiṣṇavā janāḥ

Those who look upon you and me, Maheshvara, with an equal eye, who honor the guest — such should be known as Vaishnavas.

Verse 87 (padma.7.2.87)

वेदविद्यानिरुक्ता ये विप्र भक्तिरताः सदा । नपुंसकाः परस्त्रीषु ज्ञेयास्ते वैष्णवा जनाः

vedavidyāniruktā ye vipra bhaktiratāḥ sadā napuṁsakāḥ parastrīṣu jñeyāste vaiṣṇavā janāḥ

O brahmin, those learned in Vedic knowledge, ever absorbed in devotion, who toward other men's wives conduct themselves as though impotent — such should be known as Vaishnavas.

Verse 88 (padma.7.2.88)

एकादशीव्रतं ये च भक्तिभावेन कुर्वते । गायंति मम नामानि ज्ञेयास्ते वैष्णवा जनाः

ekādaśīvrataṁ ye ca bhaktibhāvena kurvate gāyaṁti mama nāmāni jñeyāste vaiṣṇavā janāḥ

Those who keep the Ekadashi fast with devout feeling, who sing my names — such should be known as Vaishnavas.

Verse 89 (padma.7.2.89)

देवायतनकर्तारस्तुलसीमाल्यधारकाः । पद्माक्षधारिणो ये च ज्ञेयास्ते वैष्णवा जनाः

devāyatanakartārastulasīmālyadhārakāḥ padmākṣadhāriṇo ye ca jñeyāste vaiṣṇavā janāḥ

Those who build temples of the gods, who wear garlands of tulasi, who wear rosaries of lotus-seed — such should be known as Vaishnavas.

Verse 90 (padma.7.2.90)

शङ्खचक्रगदापद्मैरङ्कितानि ममायुधैः । ब्रह्मन्येषां शरीराणि ज्ञेयास्ते वैष्णवा जनाः

śaṅkhacakragadāpadmairaṅkitāni mamāyudhaiḥ brahmanyeṣāṁ śarīrāṇi jñeyāste vaiṣṇavā janāḥ

O Brahma, those whose bodies bear the marks of my own weapons — the conch, the discus, the mace, and the lotus — such should be known as Vaishnavas.

Verse 91 (padma.7.2.91)

धात्रीफलस्रजो येषां गलेषु कमलासन । मां पूजयंति तत्पत्रैर्ज्ञेयास्ते वैष्णवा जनाः

dhātrīphalasrajo yeṣāṁ galeṣu kamalāsana māṁ pūjayaṁti tatpatrairjñeyāste vaiṣṇavā janāḥ

O one seated on the lotus, those whose necks bear garlands of amalaka fruit, who worship me with its leaves — such should be known as Vaishnavas.

Verse 92 (padma.7.2.92)

तुलसीमूलमृद्भिश्च तिलकानि नयंति ये । तुलसीकाष्ठपंकैश्च ज्ञेयास्ते वैष्णवा जनाः

tulasīmūlamṛdbhiśca tilakāni nayaṁti ye tulasīkāṣṭhapaṁkaiśca jñeyāste vaiṣṇavā janāḥ

Those who mark their brow with the earth from tulasi's root, and with the paste of tulasi wood — such should be known as Vaishnavas.

Verse 93 (padma.7.2.93)

गङ्गास्नानरता ये च गङ्गानामपरायणाः । गङ्गामाहात्म्यवक्तारो ज्ञेयास्ते वैष्णवा जनाः

gaṅgāsnānaratā ye ca gaṅgānāmaparāyaṇāḥ gaṅgāmāhātmyavaktāro jñeyāste vaiṣṇavā janāḥ

Those devoted to bathing in the Ganga, given over to the name of the Ganga, tellers of the glory of the Ganga — such should be known as Vaishnavas.

Verse 94 (padma.7.2.94)

शालग्रामशिला येषां गृहे वसति सर्वदा । शास्त्रं भागवतं चैव ज्ञेयास्ते वैष्णवा जनाः

śālagrāmaśilā yeṣāṁ gṛhe vasati sarvadā śāstraṁ bhāgavataṁ caiva jñeyāste vaiṣṇavā janāḥ

Those in whose home the Shalagrama stone forever dwells, together with the scripture of the Bhagavata — such should be known as Vaishnavas.

Verse 95 (padma.7.2.95)

संमार्जयंति ये नित्यं मम स्थानानि सत्तम । दीपं यच्छंति तत्रैव ज्ञेयास्ते वैष्णवा जनाः

saṁmārjayaṁti ye nityaṁ mama sthānāni sattama dīpaṁ yacchaṁti tatraiva jñeyāste vaiṣṇavā janāḥ

O best one, those who daily sweep and cleanse my sanctuaries, who there kindle the lamp — such should be known as Vaishnavas.

Verse 96 (padma.7.2.96)

शीर्णं मन्मंदिरं ये च कुर्वन्ति नूतनं पुनः । तत्रायतनशोभां च ज्ञेयास्ते वैष्णवा जनाः

śīrṇaṁ manmaṁdiraṁ ye ca kurvanti nūtanaṁ punaḥ tatrāyatanaśobhāṁ ca jñeyāste vaiṣṇavā janāḥ

Those who restore my decayed temple to newness again, who enhance the beauty of that sanctuary — such should be known as Vaishnavas.

Verse 97 (padma.7.2.97)

अभयं ये च यच्छन्ति भीरुभ्यश्चतुरानन । विद्यादानं च विप्रेभ्यो ज्ञेयास्ते वैष्णवा जनाः

abhayaṁ ye ca yacchanti bhīrubhyaścaturānana vidyādānaṁ ca viprebhyo jñeyāste vaiṣṇavā janāḥ

O four-faced one, those who grant freedom from fear to the frightened, who give the gift of learning to brahmins — such should be known as Vaishnavas.

Verse 98 (padma.7.2.98)

मत्पादसलिलैर्येषां सिक्तानि मस्तकानि च । मम नैवेद्यमश्नन्ति ज्ञेयास्ते वैष्णवा जनाः

matpādasalilairyeṣāṁ siktāni mastakāni ca mama naivedyamaśnanti jñeyāste vaiṣṇavā janāḥ

Those whose heads are sprinkled with the water from my feet, who partake of my offered food — such should be known as Vaishnavas.

Verse 99 (padma.7.2.99)

क्षुत्तृट्प्रपीडितेभ्यश्च ये यच्छंत्यन्नमंबु च । कुर्युर्ये योगशुश्रूषां ज्ञेयास्ते वैष्णवा जनाः

kṣuttṛṭprapīḍitebhyaśca ye yacchaṁtyannamaṁbu ca kuryurye yogaśuśrūṣāṁ jñeyāste vaiṣṇavā janāḥ

Those who give food and water to those afflicted by hunger and thirst, who render service to yogis — such should be known as Vaishnavas.

Verse 100 (padma.7.2.100)

आरामकारिणो ये च पिप्पलारोहिणोऽपि च । गोसेवां ये च कुर्वन्ति ज्ञेयास्ते वैष्णवा जनाः

ārāmakāriṇo ye ca pippalārohiṇo'pi ca gosevāṁ ye ca kurvanti jñeyāste vaiṣṇavā janāḥ

Those who lay out gardens, who plant the pipal tree, who tend to cows — such should be known as Vaishnavas.

Verse 101 (padma.7.2.101)

अत्यन्तभक्ता ये ब्रह्मन्पितृयज्ञं प्रकुर्वते । कुर्वन्ति दीनशुश्रूषां ज्ञैयास्ते वैष्णवा जनाः

atyantabhaktā ye brahmanpitṛyajñaṁ prakurvate kurvanti dīnaśuśrūṣāṁ jñaiyāste vaiṣṇavā janāḥ

O Brahma, those who with utmost devotion perform the ancestral rites, who serve the poor and helpless — such should be known as Vaishnavas.

Verse 102 (padma.7.2.102)

तडागग्रामकर्तारः कन्यादानरताश्च ये । सेवंते श्वशुरौ ये च ज्ञेयास्ते वैष्णवा जनाः

taḍāgagrāmakartāraḥ kanyādānaratāśca ye sevaṁte śvaśurau ye ca jñeyāste vaiṣṇavā janāḥ

Those who build tanks and villages, who are devoted to giving daughters in marriage, who serve their parents-in-law — such should be known as Vaishnavas.

Verse 103 (padma.7.2.103)

सेवंते ज्येष्ठभगिनीं ज्येष्ठभ्रातरमेव च । परनिंदां न कुर्वंति ज्ञेयास्ते वैष्णवा जनाः

sevaṁte jyeṣṭhabhaginīṁ jyeṣṭhabhrātarameva ca paraniṁdāṁ na kurvaṁti jñeyāste vaiṣṇavā janāḥ

Those who serve their elder sister and elder brother, who do not slander others — such should be known as Vaishnavas.

Verse 104 (padma.7.2.104)

वैष्णवेषु गुणाः सर्वे दोषलेशो न विद्यते । तस्माच्चतुर्मुख त्वं च वैष्णवो भव सांप्रतम्

vaiṣṇaveṣu guṇāḥ sarve doṣaleśo na vidyate tasmāccaturmukha tvaṁ ca vaiṣṇavo bhava sāṁpratam

In Vaishnavas dwell every virtue; not even a trace of fault is found in them; therefore, O four-faced one, become a Vaishnava yourself, from this moment.

Verse 105 (padma.7.2.105)

समाराधय मां नित्यं क्रियायोगैः प्रजापते । सर्वमेवाशु भद्रं ते भविष्यति न संशयः

samārādhaya māṁ nityaṁ kriyāyogaiḥ prajāpate sarvamevāśu bhadraṁ te bhaviṣyati na saṁśayaḥ

O lord of creatures, worship me forever through the disciplines of kriya-yoga; without doubt, all that is auspicious will soon come to you.

Verse 106 (padma.7.2.106)

देवस्वं ब्राह्मणद्रव्यं परस्वं च चतुर्मुख । पश्यन्ति विषवद्ये च ज्ञेयास्ते वैष्णवा जनाः

devasvaṁ brāhmaṇadravyaṁ parasvaṁ ca caturmukha paśyanti viṣavadye ca jñeyāste vaiṣṇavā janāḥ

O four-faced one, those who look upon the wealth of gods, the wealth of brahmins, and the wealth of others as though it were poison — such should be known as Vaishnavas.

Verse 107 (padma.7.2.107)

पाखंडभक्तिरहिताः शिवभक्तिपरायणाः । चतुर्द्दशीव्रतरता ज्ञेयास्ते वैष्णवा जनाः

pākhaṁḍabhaktirahitāḥ śivabhaktiparāyaṇāḥ caturddaśīvrataratā jñeyāste vaiṣṇavā janāḥ

Those free of hypocritical devotion, devoted to devotion for Shiva, given to the fourteenth-day fast — such should be known as Vaishnavas.

Verse 108 (padma.7.2.108)

बहुनात्र किमुक्तेन भाषितेन पुनः पुनः । ममार्चां ये च कुर्वंति विज्ञेयास्ते च वैष्णवाः

bahunātra kimuktena bhāṣitena punaḥ punaḥ mamārcāṁ ye ca kurvaṁti vijñeyāste ca vaiṣṇavāḥ

What need is there here for saying more, for speaking again and again? Those who worship my image — them alone should be known as Vaishnavas.

Verse 109 (padma.7.2.109)

भूयः पूर्वस्थितमिव सृज्यतां सकलं जगत् । इत्युक्त्वांतर्द्दधे देवस्तत्रैव परमेश्वरः

bhūyaḥ pūrvasthitamiva sṛjyatāṁ sakalaṁ jagat ityuktvāṁtarddadhe devastatraiva parameśvaraḥ

Now create the entire universe once more, just as before — having said this, that supreme Lord God vanished there from sight.

Verse 110 (padma.7.2.110)

ततस्तु पूर्ववद्ब्रह्मा सृष्टवान्सकलं जगत् । क्रियायोगैर्हरिं चेष्ट्वा जगाम परमं पदम्

tatastu pūrvavadbrahmā sṛṣṭavānsakalaṁ jagat kriyāyogairhariṁ ceṣṭvā jagāma paramaṁ padam

Then Brahma created the entire universe just as before, and, having worshipped Hari through the disciplines of kriya-yoga, attained the supreme abode.

Verse 111 (padma.7.2.111)

ये पठंती ममध्यायं भक्त्या नारायणाग्रतः । सर्वपापविनिर्मुक्ता अन्ते यान्ति हरेर्गृहम्

ye paṭhaṁtī mamadhyāyaṁ bhaktyā nārāyaṇāgrataḥ sarvapāpavinirmuktā ante yānti harergṛham

Whoever reads this chapter with devotion before Narayana becomes freed from every sin, and at the end goes to the abode of Hari.