The Dharma of the Four Ages and the Closing Glory of the Purana

Verse 1 (padma.7.26.1)

जैमिनिरुवाच- कलौ युगे महाभाग समायाते सुदारुणे । भविष्यंति जनाः सर्वे कीदृशास्तद्वदस्व मे

jaiminiruvāca- kalau yuge mahābhāga samāyāte sudāruṇe bhaviṣyaṁti janāḥ sarve kīdṛśāstadvadasva me

Jaimini said: Most fortunate one, when the exceedingly terrible Kali age arrives, what will all people be like — tell me this.

Verse 2 (padma.7.26.2)

व्यास उवाच- आद्यं सत्ययुगं प्राहुस्तत्र विप्रादयो जनाः । नारायणार्चनपराः शोकव्याधिविवर्जिताः

vyāsa uvāca- ādyaṁ satyayugaṁ prāhustatra viprādayo janāḥ nārāyaṇārcanaparāḥ śokavyādhivivarjitāḥ

Vyasa said: The first age is called Satya-yuga; in it, brahmins and all other people were devoted to the worship of Narayana, free from grief and disease.

Verse 3 (padma.7.26.3)

सत्योक्तिभाषिणः सर्वे सदया दीर्घजीविनः । धनधान्यादिसम्पन्ना हिंसादंभविवर्जिताः

satyoktibhāṣiṇaḥ sarve sadayā dīrghajīvinaḥ dhanadhānyādisampannā hiṁsādaṁbhavivarjitāḥ

All spoke the truth, were compassionate, long-lived, endowed with wealth and grain, and free from violence and hypocrisy.

Verse 4 (padma.7.26.4)

परोपकरणाश्चैव सर्वशास्त्रविदस्तथा । एवंविधाः सत्ययुगे सर्वे लोका द्विजोत्तम

paropakaraṇāścaiva sarvaśāstravidastathā evaṁvidhāḥ satyayuge sarve lokā dvijottama

They were helpful to others and knowers of every scripture; best of brahmins, such were all people in the Satya age.

Verse 5 (padma.7.26.5)

राजधर्मग्राहिणश्च भूपाला जनपालनाः । अहो सत्ययुगस्यास्ति को व्याख्यातुं गुणं यशः

rājadharmagrāhiṇaśca bhūpālā janapālanāḥ aho satyayugasyāsti ko vyākhyātuṁ guṇaṁ yaśaḥ

Kings upheld the duty of kingship and protected their subjects. Ah, who indeed is capable of describing the virtue and glory of the Satya age?

Verse 6 (padma.7.26.6)

अधर्मोच्चारणं यत्र जनाः केऽपि न कुर्वते । त्रेतायुगे समायाते धर्मः पादोनकं गतः

adharmoccāraṇaṁ yatra janāḥ ke'pi na kurvate tretāyuge samāyāte dharmaḥ pādonakaṁ gataḥ

There, no one even uttered anything against dharma. When the Treta age arrived, one quarter of dharma diminished.

Verse 7 (padma.7.26.7)

अल्पशोकान्विता लोकाः केचित्केचिदघाश्रयाः । विष्णुध्यानरता लोका यज्ञदानपरायणाः

alpaśokānvitā lokāḥ kecitkecidaghāśrayāḥ viṣṇudhyānaratā lokā yajñadānaparāyaṇāḥ

People had but little grief, though a few embraced sin; people were absorbed in meditation on Vishnu and devoted to sacrifice and giving.

Verse 8 (padma.7.26.8)

वर्णाश्रमाचाररताः सुखिनः स्वस्थचेतसः । क्षेत्रभूमिकृतः शूद्राः सर्वेब्राह्मणसेविनः

varṇāśramācāraratāḥ sukhinaḥ svasthacetasaḥ kṣetrabhūmikṛtaḥ śūdrāḥ sarvebrāhmaṇasevinaḥ

They were devoted to the conduct proper to their caste and stage of life, happy and sound of mind; shudras were engaged in tilling the land, and all served the brahmins.

Verse 9 (padma.7.26.9)

ब्राह्मणाश्च महात्मानो वेदवेदाङ्गपारगाः । प्रतिग्रहनिवृत्ताश्च सत्यसन्धा जितेन्द्रियाः

brāhmaṇāśca mahātmāno vedavedāṅgapāragāḥ pratigrahanivṛttāśca satyasandhā jitendriyāḥ

The brahmins were great souls, masters of the Vedas and their auxiliary branches, abstaining from improper gifts, true to their word, and masters of their senses.

Verse 10 (padma.7.26.10)

तपोव्रतरता नित्यं दातारो विष्णुसेविनः । त्रेतायुगस्यावसाने द्वापरे युग आगते

tapovrataratā nityaṁ dātāro viṣṇusevinaḥ tretāyugasyāvasāne dvāpare yuga āgate

They were ever devoted to austerity and vows, generous in giving, servants of Vishnu. At the end of the Treta age, when the Dvapara age arrived —

Verse 11 (padma.7.26.11)

द्विपादहीनो धर्मः स्यात्सुखदुःखान्विता नराः । केचित्केचित्पापरताः केचित्केचिच्च धर्मिणः

dvipādahīno dharmaḥ syātsukhaduḥkhānvitā narāḥ kecitkecitpāparatāḥ kecitkecicca dharmiṇaḥ

— dharma lost half of itself, men became mixed with both joy and sorrow; some were given to sin, some remained devoted to dharma.

Verse 12 (padma.7.26.12)

केचित्केचिद्गुणैर्हीनाः केचित्केचिन्महागुणाः । अत्यन्तदुःखिनः केचित्केचिच्च सुखिनस्तथा

kecitkecidguṇairhīnāḥ kecitkecinmahāguṇāḥ atyantaduḥkhinaḥ kecitkecicca sukhinastathā

Some were devoid of virtue, some greatly virtuous; some were exceedingly sorrowful, others happy.

Verse 13 (padma.7.26.13)

प्रतिग्रहे ब्राह्मणश्च कदाचित्कुरुते स्पृहाम् । भूभुजैर्धनलोभेन कदाचित्पीड्यते प्रजा

pratigrahe brāhmaṇaśca kadācitkurute spṛhām bhūbhujairdhanalobhena kadācitpīḍyate prajā

Brahmins sometimes began to desire improper gifts; subjects sometimes began to suffer, at the hands of kings greedy for wealth.

Verse 14 (padma.7.26.14)

विष्णुपूजापरा विप्राः शूद्राश्च द्विजसेविनः । यदा युगेयुगे धर्मः पादोनतां गतो द्विज

viṣṇupūjāparā viprāḥ śūdrāśca dvijasevinaḥ yadā yugeyuge dharmaḥ pādonatāṁ gato dvija

Brahmins were devoted to the worship of Vishnu, and shudras served the brahmins. Brahmin, as, age by age, dharma lost a quarter of its strength —

Verse 15 (padma.7.26.15)

तदा व्यासो विष्णुरूपी वेदभागं चकार ह । कलौयुगे च विप्रेन्द्र सर्वपापैकमंदिरे

tadā vyāso viṣṇurūpī vedabhāgaṁ cakāra ha kalauyuge ca viprendra sarvapāpaikamaṁdire

— Vyasa, the very form of Vishnu, divided the Vedas. Foremost of brahmins, in the Kali age, that sole abode of every sin —

Verse 16 (padma.7.26.16)

एकपादो भवेद्धर्मः सर्वे पापरता जनाः । ब्राह्मणाः क्षत्त्रिया वैश्याः शूद्राः पापपरायणाः

ekapādo bhaveddharmaḥ sarve pāparatā janāḥ brāhmaṇāḥ kṣattriyā vaiśyāḥ śūdrāḥ pāpaparāyaṇāḥ

— only a single foot of dharma remains, and all people become given to sin; brahmins, kshatriyas, vaishyas, and shudras all become devoted to sin.

Verse 17 (padma.7.26.17)

अत्यंतकामिनः क्रूरा भविष्यंति कलौ युगे । वेदनिंदाकराश्चैव द्यूतचौर्यकरास्तथा

atyaṁtakāminaḥ krūrā bhaviṣyaṁti kalau yuge vedaniṁdākarāścaiva dyūtacauryakarāstathā

In the Kali age, people will become exceedingly lustful and cruel, revilers of the Vedas, given to gambling and theft.

Verse 18 (padma.7.26.18)

विधवासंगमग्नाश्च भविष्यंति कलौ युगे । वृत्त्यर्थब्राह्मणाः केचिन्महाकपटधर्मिणः

vidhavāsaṁgamagnāśca bhaviṣyaṁti kalau yuge vṛttyarthabrāhmaṇāḥ kecinmahākapaṭadharmiṇaḥ

In the Kali age, people will become absorbed in relations with widows; some brahmins, for mere livelihood, will practice a most deceitful pretense of dharma.

Verse 19 (padma.7.26.19)

सर्वे स्त्रैणा भविष्यंति मादकद्रव्यसेविनः । सदा स्त्रीयोनिनिरताः परद्रव्यं हरंति च

sarve straiṇā bhaviṣyaṁti mādakadravyasevinaḥ sadā strīyoniniratāḥ paradravyaṁ haraṁti ca

All will become controlled by women, given to intoxicating substances; ever absorbed in sexual pleasure, they will seize the wealth of others.

Verse 20 (padma.7.26.20)

परान्नलोलुपा नित्यं तपोव्रतपराङ्मुखाः । पाखण्डसङ्गबद्धाश्च भविष्यंति कलौ युगे

parānnalolupā nityaṁ tapovrataparāṅmukhāḥ pākhaṇḍasaṅgabaddhāśca bhaviṣyaṁti kalau yuge

They will constantly crave others' food, turn away from austerity and vows; in the Kali age they will remain bound in the company of hypocrites.

Verse 21 (padma.7.26.21)

रक्ताम्बरा भविष्यंति ब्राह्मणाः शूद्रधर्मिणः । कलौ यास्यंति निर्वृत्ता उत्तमा अति नीचताम्

raktāmbarā bhaviṣyaṁti brāhmaṇāḥ śūdradharmiṇaḥ kalau yāsyaṁti nirvṛttā uttamā ati nīcatām

Brahmins will wear red garments and behave like shudras; in the Kali age, those of high birth, cut off from their own lineage, will sink into the utmost degradation.

Verse 22 (padma.7.26.22)

नीचाश्च धनसम्पन्ना यास्यंत्युच्चपदं प्रति । प्रदास्यंत्युपकारिभ्यो दानानि सकला जनाः

nīcāśca dhanasampannā yāsyaṁtyuccapadaṁ prati pradāsyaṁtyupakāribhyo dānāni sakalā janāḥ

The low-born, becoming wealthy, will attain high positions; all people will give gifts only to those who have done them a favor.

Verse 23 (padma.7.26.23)

यत्नादपि च नेष्यंति वृषला विप्रवर्त्तनम् । मित्रस्नेहाद्वदिष्यंति कूटसाक्ष्यं कलौ जनाः

yatnādapi ca neṣyaṁti vṛṣalā vipravarttanam mitrasnehādvadiṣyaṁti kūṭasākṣyaṁ kalau janāḥ

Shudras, even with effort, will not adopt brahminical conduct; in the Kali age, out of fondness for a friend, people will give false testimony.

Verse 24 (padma.7.26.24)

अधर्मबुद्धिलपना धर्मबुद्धिविलापिनः । परोक्षनिंदकाः क्रूराः संमुखे प्रियवादिनः

adharmabuddhilapanā dharmabuddhivilāpinaḥ parokṣaniṁdakāḥ krūrāḥ saṁmukhe priyavādinaḥ

They will prattle with sinful understanding, yet lament as if with righteous understanding; cruel, they will slander behind one's back while speaking sweetly to one's face.

Verse 25 (padma.7.26.25)

साध्वीवादं वदिष्यंति भर्तारं पुंश्चली स्त्रियः । परस्त्रीहिंसकाश्चैव गोत्रविक्रयिणो द्विजाः

sādhvīvādaṁ vadiṣyaṁti bhartāraṁ puṁścalī striyaḥ parastrīhiṁsakāścaiva gotravikrayiṇo dvijāḥ

Unchaste women will speak words of feigned fidelity to their husbands; brahmins will become tormentors of other men's wives, and sellers of their own lineage.

Verse 26 (padma.7.26.26)

कन्याविक्रयिणश्चैव भविष्यंति कलौ युगे । स्त्रीजिताः पुरुषाः सर्वे स्त्रियोऽप्यत्यंतचञ्चलाः

kanyāvikrayiṇaścaiva bhaviṣyaṁti kalau yuge strījitāḥ puruṣāḥ sarve striyo'pyatyaṁtacañcalāḥ

In the Kali age they will also become sellers of daughters; all men will be dominated by women, and women too will be exceedingly fickle.

Verse 27 (padma.7.26.27)

कलौयुगे भविष्यंति कलौ मर्त्या दुराशयाः । अल्पसस्या वसुमती मेघाः स्वल्पोदकास्तथा

kalauyuge bhaviṣyaṁti kalau martyā durāśayāḥ alpasasyā vasumatī meghāḥ svalpodakāstathā

In the Kali age, mortals will become wicked of intent; the earth will yield little crop, and the clouds will hold little water.

Verse 28 (padma.7.26.28)

अकालवर्षिणश्चापि भविष्यंति कलौ युगे । कलौ विड्भोजिनो गावः स्वल्पक्षीराश्च जैमिने

akālavarṣiṇaścāpi bhaviṣyaṁti kalau yuge kalau viḍbhojino gāvaḥ svalpakṣīrāśca jaimine

In the Kali age, the clouds will rain out of season. O Jaimini, in the Kali age, cows will even eat filth, and give but little milk.

Verse 29 (padma.7.26.29)

घृतहीनं च तत्क्षीरं भविष्यंति न संशयः । आत्मस्तुतिपरा लोकाः परनिंदापरायणाः

ghṛtahīnaṁ ca tatkṣīraṁ bhaviṣyaṁti na saṁśayaḥ ātmastutiparā lokāḥ paraniṁdāparāyaṇāḥ

That milk will yield no ghee, of this there is no doubt. People will become devoted to praising themselves and to reviling others.

Verse 30 (padma.7.26.30)

भविष्यंति च खर्वाङ्गा बाला बह्वन्नभोजनाः । पितृयज्ञं करिष्यंति दंभार्थं ब्राह्मणाः कलौ

bhaviṣyaṁti ca kharvāṅgā bālā bahvannabhojanāḥ pitṛyajñaṁ kariṣyaṁti daṁbhārthaṁ brāhmaṇāḥ kalau

Children will be stunted in limb, yet eat vast amounts of food; in the Kali age, brahmins will perform ancestral rites merely for show.

Verse 31 (padma.7.26.31)

सर्वे वचःस्नेहिनः स्युर्यावत्कार्यं न सिद्ध्यति । नरान्धर्मपरान्दृष्ट्वा सर्वे चोपहसंति वै

sarve vacaḥsnehinaḥ syuryāvatkāryaṁ na siddhyati narāndharmaparāndṛṣṭvā sarve copahasaṁti vai

All people will speak sweetly only until their own purpose is served; seeing men devoted to dharma, everyone will mock them.

Verse 32 (padma.7.26.32)

वर्धंत्यधर्मतो लोकास्तस्मात्पापरता जनाः । दशद्वादशवर्षे च समूलोऽप्येति संक्षयम्

vardhaṁtyadharmato lokāstasmātpāparatā janāḥ daśadvādaśavarṣe ca samūlo'pyeti saṁkṣayam

People flourish only through unrighteousness; therefore, those given to sin come to complete ruin, even root and all, by the age of ten or twelve.

Verse 33 (padma.7.26.33)

जलस्येव भविष्यंति यथा वर्षासु वृद्धयः । ततो लोका भविष्यंति कलौ गलितयौवनाः

jalasyeva bhaviṣyaṁti yathā varṣāsu vṛddhayaḥ tato lokā bhaviṣyaṁti kalau galitayauvanāḥ

Just as water rises rapidly in the rainy season, so too, in the Kali age, people's youth will swiftly fade away.

Verse 34 (padma.7.26.34)

पंचमे वापि षष्ठे वा वर्षे स्त्री गर्भधारिणी । बह्वपत्याश्च पुरुषा भविष्यंत्यतिदुःखिनः

paṁcame vāpi ṣaṣṭhe vā varṣe strī garbhadhāriṇī bahvapatyāśca puruṣā bhaviṣyaṁtyatiduḥkhinaḥ

A woman will conceive by her fifth or sixth year of age itself; men with many children will become exceedingly wretched.

Verse 35 (padma.7.26.35)

नेतुकामाश्च सर्वेऽपि दातुकामा न केऽपि च । कलौ म्लेच्छा भविष्यंति राजानः पापतत्पराः

netukāmāśca sarve'pi dātukāmā na ke'pi ca kalau mlecchā bhaviṣyaṁti rājānaḥ pāpatatparāḥ

All will be eager to take, but none eager to give; in the Kali age, kings will become like barbarians, devoted to sin.

Verse 36 (padma.7.26.36)

एकवर्णा भविष्यंति विषयार्थं कलौ जनाः । कलेः प्रथमसंध्यायां हरिं निंदंति मानवाः

ekavarṇā bhaviṣyaṁti viṣayārthaṁ kalau janāḥ kaleḥ prathamasaṁdhyāyāṁ hariṁ niṁdaṁti mānavāḥ

For the sake of sensual pleasure, people in the Kali age will become of a single caste; in the very first twilight of the Kali age itself, men will begin to revile Hari.

Verse 37 (padma.7.26.37)

कलेर्मध्ये न पश्यंति हरेर्नामानि केवले । ब्राह्मणाः क्षत्त्रिया वैश्या वृषलाश्च कलौ युगे

kalermadhye na paśyaṁti harernāmāni kevale brāhmaṇāḥ kṣattriyā vaiśyā vṛṣalāśca kalau yuge

In the middle of the Kali age, people will not even look toward the mere names of Hari; in the Kali age, brahmins, kshatriyas, vaishyas, and shudras —

Verse 38 (padma.7.26.38)

एकवर्णा भविष्यंति वर्णाश्चत्वार एव च । यदायदा द्विजश्रेष्ठ हानिः सुकृतिनां भवेत्

ekavarṇā bhaviṣyaṁti varṇāścatvāra eva ca yadāyadā dvijaśreṣṭha hāniḥ sukṛtināṁ bhavet

— all four castes will become a single caste. Best of brahmins, whenever there occurs a decline among the virtuous —

Verse 39 (padma.7.26.39)

वृद्धिश्च पापिनां नॄणां ज्ञेया वृद्धिस्तदा कलौ । यद्यप्ययं कलिर्घोरो मया प्रोक्तो द्विजोत्तम

vṛddhiśca pāpināṁ nṝṇāṁ jñeyā vṛddhistadā kalau yadyapyayaṁ kalirghoro mayā prokto dvijottama

— at that time, correspondingly, the increase of sinful men should be known as the increase of the Kali age itself. Best of brahmins, although I have thus described this terrible Kali age —

Verse 40 (padma.7.26.40)

तथाप्यस्ति महानस्य गुणो गुणवतां वर । सत्ये द्वादशभिर्वर्षैर्भवेत्पुण्यस्य साधनम्

tathāpyasti mahānasya guṇo guṇavatāṁ vara satye dvādaśabhirvarṣairbhavetpuṇyasya sādhanam

— still, best among the virtuous, this age holds one great virtue. Whatever accomplishment of merit is achieved in the Satya age over twelve years —

Verse 41 (padma.7.26.41)

तदर्धेन च त्रेतायां मासेन द्वापरे भवेत् । अहोरात्रेणैव विप्र भवेत्तच्च कलौ युगे

tadardhena ca tretāyāṁ māsena dvāpare bhavet ahorātreṇaiva vipra bhavettacca kalau yuge

— that same is achieved in half the time in the Treta age, in a single month in the Dvapara age; and, brahmin, that very same is achieved in the Kali age in just a single day and night.

Verse 42 (padma.7.26.42)

तस्मात्कलियुगे नॄणां मर्त्येनैवोत्तमा गतिः । द्वादशाब्दैर्युगेऽन्यस्मिन्हरिमभ्यर्च्य यत्फलम्

tasmātkaliyuge nṝṇāṁ martyenaivottamā gatiḥ dvādaśābdairyuge'nyasminharimabhyarcya yatphalam

Therefore, in the Kali age, men attain the supreme goal even while yet mortal, and swiftly. The fruit that, in another age, is obtained by worshipping Hari for twelve years —

Verse 43 (padma.7.26.43)

तत्फलं लभते मर्त्यो हरिमुच्चार्य वै कलौ । हरेर्नामैकमप्यत्र कलौ वदति यो नरः

tatphalaṁ labhate martyo harimuccārya vai kalau harernāmaikamapyatra kalau vadati yo naraḥ

— that same fruit a mortal obtains in the Kali age merely by uttering Hari's name. Whatever man, in the Kali age, speaks even a single name of Hari —

Verse 44 (padma.7.26.44)

कलिर्न बाधते तं च सत्यं सत्यं न संशयः । जैमिनिरुवाच- मनः शुद्धिविहीनत्वात्समस्तं कर्मनिष्फलम्

kalirna bādhate taṁ ca satyaṁ satyaṁ na saṁśayaḥ jaiminiruvāca- manaḥ śuddhivihīnatvātsamastaṁ karmaniṣphalam

— Kali does not afflict him, this is true, true, of this there is no doubt. Jaimini said: Since all deeds are fruitless when the mind lacks purity —

Verse 45 (padma.7.26.45)

इति पूर्वं त्वया प्रोक्तं मनो विस्मयदं मम । कलौ सर्वे भविष्यंति मनःशुद्धिविवर्जिताः

iti pūrvaṁ tvayā proktaṁ mano vismayadaṁ mama kalau sarve bhaviṣyaṁti manaḥśuddhivivarjitāḥ

— this you have declared before, and it fills my mind with astonishment. In the Kali age all people will be devoid of purity of mind —

Verse 46 (padma.7.26.46)

तेषां यथा भवेत्कर्म सकलं ब्रूहि तद्गुरो । व्यास उवाच- यत्किंचित्कुरुते कर्म मर्त्यो धर्मं कलौ युगे

teṣāṁ yathā bhavetkarma sakalaṁ brūhi tadguro vyāsa uvāca- yatkiṁcitkurute karma martyo dharmaṁ kalau yuge

— then how might all their deeds still bear fruit, guru? Tell me this. Vyasa said: Whatever meritorious act a mortal performs in the Kali age —

Verse 47 (padma.7.26.47)

तदर्पयेन्महाविष्णौ भक्तिभावसमन्वितः । विष्णौ समर्पितं कर्म सर्वमेवाक्षयं भवेत्

tadarpayenmahāviṣṇau bhaktibhāvasamanvitaḥ viṣṇau samarpitaṁ karma sarvamevākṣayaṁ bhavet

— he should offer it, endowed with devotion, to Maha-Vishnu; whatever deed is thus offered to Vishnu becomes altogether imperishable.

Verse 48 (padma.7.26.48)

व्यास उवाच- इति ते कथितं सर्वं वृत्तं ब्राह्मणसत्तम । यच्छ्रुत्वा भक्तिभावेन नरो मोक्षमवाप्नुयात्

vyāsa uvāca- iti te kathitaṁ sarvaṁ vṛttaṁ brāhmaṇasattama yacchrutvā bhaktibhāvena naro mokṣamavāpnuyāt

Vyasa said: Best of brahmins, thus have I told you the whole account, hearing which with devotion a man attains liberation.

Verse 49 (padma.7.26.49)

सूत उवाच- एवं प्रबोधितस्तेन जैमिनिः परमात्मना । क्रियायोगरतो भूत्वा जगाम परमं पदम्

sūta uvāca- evaṁ prabodhitastena jaiminiḥ paramātmanā kriyāyogarato bhūtvā jagāma paramaṁ padam

Suta said: Thus instructed by that supreme soul, Jaimini, becoming devoted to the practice of kriya-yoga, attained the supreme state.

Verse 50 (padma.7.26.50)

इमं क्रियायोगसारं व्यासेनोक्तं महात्मना । ये पठंति जना भक्त्या शृण्वंति च मुमुक्षवः

imaṁ kriyāyogasāraṁ vyāsenoktaṁ mahātmanā ye paṭhaṁti janā bhaktyā śṛṇvaṁti ca mumukṣavaḥ

Whatever people, seeking liberation, read or hear with devotion this Kriyayogasara, spoken by the great soul Vyasa —

Verse 51 (padma.7.26.51)

ते सर्वे पातकैर्घोरैर्बहुजन्मार्जितैरपि । विमुक्ताः परमां मुक्तिं लभंते नात्र संशयः

te sarve pātakairghorairbahujanmārjitairapi vimuktāḥ paramāṁ muktiṁ labhaṁte nātra saṁśayaḥ

— all of them, freed even from terrible sins accumulated across many births, attain supreme liberation, of this there is no doubt.

Verse 52 (padma.7.26.52)

यद्यदिष्टं पठंत्येतच्छृण्वन्ति च मुमुक्षवः । लभंते तत्तदेवाशु प्रसादात्कमलापतेः

yadyadiṣṭaṁ paṭhaṁtyetacchṛṇvanti ca mumukṣavaḥ labhaṁte tattadevāśu prasādātkamalāpateḥ

Whatever seekers of liberation desire, reading and hearing this, they swiftly obtain that very thing, by the grace of the Consort of Lakshmi.

Verse 53 (padma.7.26.53)

श्लोकार्द्धं श्लोकमेकं वा श्लोकपादमथापि वा । नरः पठित्वा श्रुत्वा च लभते वांछितं फलम्

ślokārddhaṁ ślokamekaṁ vā ślokapādamathāpi vā naraḥ paṭhitvā śrutvā ca labhate vāṁchitaṁ phalam

Half a verse, a single verse, or even just a single quarter-verse — reading and hearing it, a man obtains his desired fruit.

Verse 54 (padma.7.26.54)

लिखित्वा लेखयित्वा वा यः शास्त्रमिदमर्चयेत् । स विष्णुपूजनस्यैव फलं प्राप्नोति मानवः

likhitvā lekhayitvā vā yaḥ śāstramidamarcayet sa viṣṇupūjanasyaiva phalaṁ prāpnoti mānavaḥ

Whatever man, having written this scripture himself or had it written by others, honors it, that man obtains the very fruit of worshipping Vishnu.

Verse 55 (padma.7.26.55)

इदमतिशयगुह्यं निःसृतं व्यास वक्त्राद् चिरतरपुराणं प्रीतिदं वैष्णवानाम् । चिरममरवराद्यैर्वंदितांघ्रेर्मुरारेः सकलभुवनभर्त्तुश्चक्रिणः प्रीतयेऽस्तु

idamatiśayaguhyaṁ niḥsṛtaṁ vyāsa vaktrād ciratarapurāṇaṁ prītidaṁ vaiṣṇavānām ciramamaravarādyairvaṁditāṁghrermurāreḥ sakalabhuvanabharttuścakriṇaḥ prītaye'stu

May this exceedingly secret, most ancient Purana, issued from the very mouth of Vyasa, dear to the Vaishnavas, be for the pleasure of Murari, the discus-bearing sustainer of all the worlds, whose feet have long been worshipped by the foremost of the immortal gods.