The Rite of Parthiva-Linga Worship and Its Fruits

Verse 1 (shiva.vidyeshvara.16.1)

ऋषय ऊचुः । पार्थिवप्रतिमापूजाविधानं ब्रूहि सत्तम । येन पूजाविधानेन सर्वाभीष्टमवाप्यते

ṛṣaya ūcuḥ pārthivapratimāpūjāvidhānaṁ brūhi sattama yena pūjāvidhānena sarvābhīṣṭamavāpyate

The sages said: Tell us, O best of men, the method of worshipping the clay image, by which method of worship all desires are attained.

Verse 2 (shiva.vidyeshvara.16.2)

सूत उवाच । सुसाधु पृष्टं युष्माभिः सदा सर्वार्थदायकम् । सद्यो दुःखस्य शमनं शृणुत प्रब्रवीमि वः

sūta uvāca susādhu pṛṣṭaṁ yuṣmābhiḥ sadā sarvārthadāyakam sadyo duḥkhasya śamanaṁ śṛṇuta prabravīmi vaḥ

Suta said: Very well have you asked — this teaching always bestows everything desired and immediately calms sorrow. Listen, I shall declare it to you.

Verse 3 (shiva.vidyeshvara.16.3)

अपमृत्युहरं कालमृत्योश्चापि विनाशनम् । सद्यः कलत्रपुत्रादिधनधान्यप्रदं द्विजाः

apamṛtyuharaṁ kālamṛtyoścāpi vināśanam sadyaḥ kalatraputrādidhanadhānyapradaṁ dvijāḥ

It removes untimely death and destroys even death at its ordained time; O twice-born, it immediately grants wife, sons and the rest, wealth and grain.

Verse 4 (shiva.vidyeshvara.16.4)

अन्नादिभोज्यं वस्त्रादि सर्वमुत्पद्यते यतः । ततो मृदादिप्रतिमापूजाभीष्टप्रदा भुवि

annādibhojyaṁ vastrādi sarvamutpadyate yataḥ tato mṛdādipratimāpūjābhīṣṭapradā bhuvi

Since food and other things to eat, clothing and the rest all arise from the earth, therefore the worship of an image made of clay grants what is desired, in this world.

Verse 5 (shiva.vidyeshvara.16.5)

पुरुषाणां च नारीणामधिकारोऽत्र निश्चितम् । नद्यां तडागे कूपे वा जलान्तर्मृदमाहरेत्

puruṣāṇāṁ ca nārīṇāmadhikāro'tra niścitam nadyāṁ taḍāge kūpe vā jalāntarmṛdamāharet

Both men and women are, it is settled, entitled to this worship. One should bring clay from within the water of a river, a pond, or a well.

Verse 6 (shiva.vidyeshvara.16.6)

संशोध्य गन्धचूर्णेन पेषयित्वा सुमण्डपे । हस्तेन प्रतिमां कुर्यात्क्षीरेण च सुसंस्कृताम्

saṁśodhya gandhacūrṇena peṣayitvā sumaṇḍape hastena pratimāṁ kuryātkṣīreṇa ca susaṁskṛtām

Having purified it with fragrant powder and kneaded it in a fine pavilion, one should fashion an image by hand, well-prepared with milk.

Verse 7 (shiva.vidyeshvara.16.7)

अङ्गप्रत्यङ्गकोपेतामायुधैश्च समन्विताम् । पद्मासनस्थितां कृत्वा पूजयेदादरेण हि

aṅgapratyaṅgakopetāmāyudhaiśca samanvitām padmāsanasthitāṁ kṛtvā pūjayedādareṇa hi

Having made it complete with limbs, endowed with weapons, and seated in the lotus posture, one should worship it with reverence.

Verse 8 (shiva.vidyeshvara.16.8)

विघ्नेशादित्यविष्णूनामम्बायाश्च शिवस्य च । शिवस्य शिवलिङ्गं च सर्वदा पूजयेद् द्विजः

vighneśādityaviṣṇūnāmambāyāśca śivasya ca śivasya śivaliṅgaṁ ca sarvadā pūjayed dvijaḥ

A twice-born should always worship Vighnesha (Ganesha), Aditya (Surya), Vishnu, the Mother Goddess, and Shiva — and, for Shiva, the Shivalinga.

Verse 9 (shiva.vidyeshvara.16.9)

षोडशैरुपचारैश्च कुर्यात्तत्फलसिद्धये । पुष्पेण प्रोक्षणं कुर्यादभिषेकं समन्त्रकम्

ṣoḍaśairupacāraiśca kuryāttatphalasiddhaye puṣpeṇa prokṣaṇaṁ kuryādabhiṣekaṁ samantrakam

One should perform the worship with the sixteen offerings, for the accomplishment of its fruit. One should sprinkle the image with a flower and perform the ablution accompanied by mantras.

Verse 10 (shiva.vidyeshvara.16.10)

शाल्यन्नेनैव नैवेद्यं सर्वं कुडवमानतः । गृहे तु कुडवं ज्ञेयं मानुषे प्रस्थमिष्यते

śālyannenaiva naivedyaṁ sarvaṁ kuḍavamānataḥ gṛhe tu kuḍavaṁ jñeyaṁ mānuṣe prasthamiṣyate

The food-offering should be entirely of rice, measured by the kudava. At home, a kudava should be the standard measure; for a human-sized image, a prastha is prescribed.

Verse 11 (shiva.vidyeshvara.16.11)

दैवे प्रस्थत्रयं योग्यं स्वयम्भोः प्रस्थपञ्चकम् । एवं पूर्णफलं विद्यादधिकं वै द्वयं त्रयम्

daive prasthatrayaṁ yogyaṁ svayambhoḥ prasthapañcakam evaṁ pūrṇaphalaṁ vidyādadhikaṁ vai dvayaṁ trayam

For a divinely-appointed image, three prasthas are fitting; for a self-manifest linga, five prasthas. Thus one should know the full fruit; twice or thrice as much yields still greater fruit.

Verse 12 (shiva.vidyeshvara.16.12)

सहस्रपूजया सत्यं सत्यलोकं लभेद् द्विजः । द्वादशाङ्गुलमायामं द्विगुणं च ततोऽधिकम्

sahasrapūjayā satyaṁ satyalokaṁ labhed dvijaḥ dvādaśāṅgulamāyāmaṁ dviguṇaṁ ca tato'dhikam

By a thousand such acts of worship, a twice-born obtains Satyaloka. The image's length should be twelve finger-widths, or twice that, or more.

Verse 13 (shiva.vidyeshvara.16.13)

प्रमाणमङ्गुलस्यैकं तदूर्ध्वं पञ्चकत्रयम् । अयोदारुकृतं पात्रं शिवमित्युच्यते बुधैः

pramāṇamaṅgulasyaikaṁ tadūrdhvaṁ pañcakatrayam ayodārukṛtaṁ pātraṁ śivamityucyate budhaiḥ

Its measure may be one finger-width up to fifteen. A vessel made of iron or wood, in the linga's form, is called "Shiva" by the wise.

Verse 14 (shiva.vidyeshvara.16.14)

तदष्टभागः प्रस्थः स्यात्तच्चतुष्कुडवं मतम् । दशप्रस्थं शतप्रस्थं सहस्रप्रस्थमेव च

tadaṣṭabhāgaḥ prasthaḥ syāttaccatuṣkuḍavaṁ matam daśaprasthaṁ śataprasthaṁ sahasraprasthameva ca

An eighth part of that measure is a prastha, held to equal four kudavas. The offering may be measured as ten prasthas, a hundred prasthas, or even a thousand prasthas.

Verse 15 (shiva.vidyeshvara.16.15)

जलतैलादिगन्धानां यथायोग्यं च मानतः । मानुषार्षस्वयम्भूनां महापूजेति कथ्यते

jalatailādigandhānāṁ yathāyogyaṁ ca mānataḥ mānuṣārṣasvayambhūnāṁ mahāpūjeti kathyate

Water, oil, and fragrant substances given according to due measure — for man-made, sage-established, and self-manifest images, this is called the "great worship."

Verse 16 (shiva.vidyeshvara.16.16)

अभिषेकादात्मशुद्धिर्गन्धात्पुण्यमवाप्यते । आयुस्तृप्तिश्च नैवेद्याद् धूपादर्थमवाप्यते

abhiṣekādātmaśuddhirgandhātpuṇyamavāpyate āyustṛptiśca naivedyād dhūpādarthamavāpyate

From the ablution comes purification of the self; from fragrance, merit is obtained. From the food-offering come longevity and satisfaction; from incense, wealth is obtained.

Verse 17 (shiva.vidyeshvara.16.17)

दीपाज्ज्ञानमवाप्नोति ताम्बूलाद्भोगमाप्नुयात् । तस्मात्स्नानादिकं षट्कं प्रयत्नेन प्रसाधयेत्

dīpājjñānamavāpnoti tāmbūlādbhogamāpnuyāt tasmātsnānādikaṁ ṣaṭkaṁ prayatnena prasādhayet

From the lamp, one obtains knowledge; from betel, one obtains enjoyment. Therefore one should, with effort, accomplish this sixfold offering beginning with the bathing.

Verse 18 (shiva.vidyeshvara.16.18)

नमस्कारो जपश्चैव सर्वाभीष्टप्रदावुभौ । पूजान्ते च सदा कार्यौ भोगमोक्षार्थिभिर्नरैः

namaskāro japaścaiva sarvābhīṣṭapradāvubhau pūjānte ca sadā kāryau bhogamokṣārthibhirnaraiḥ

Prostration and japa — both grant all that is desired. They should always be performed at the end of worship by men who seek either enjoyment or liberation.

Verse 19 (shiva.vidyeshvara.16.19)

सम्पूज्य मनसा पूर्वं कुर्यात्तत्तत्सदा नरः । देवानां पूजया चैव तत्तल्लोकमवाप्नुयात्

sampūjya manasā pūrvaṁ kuryāttattatsadā naraḥ devānāṁ pūjayā caiva tattallokamavāpnuyāt

Having first worshipped mentally, a man should always perform each such act accordingly. By the worship of the deities, he obtains their respective worlds.

Verse 20 (shiva.vidyeshvara.16.20)

तदवान्तरलोके च यथेष्टं भोग्यमाप्यते । तद्विशेषान्प्रवक्ष्यामि शृणुत श्रद्धया द्विजाः

tadavāntaraloke ca yatheṣṭaṁ bhogyamāpyate tadviśeṣānpravakṣyāmi śṛṇuta śraddhayā dvijāḥ

And in the intermediate worlds subordinate to those, whatever enjoyment is desired is obtained. O twice-born, I shall now declare the particulars of this — listen with faith.

Verse 21 (shiva.vidyeshvara.16.21)

विघ्नेशपूजया सम्यग्भूर्लोकेऽभीष्टमाप्नुयात् । शुक्रवारे चतुर्थ्याञ्च सिते श्रावणभाद्रके

vighneśapūjayā samyagbhūrloke'bhīṣṭamāpnuyāt śukravāre caturthyāñca site śrāvaṇabhādrake

By properly worshipping Vighnesha, one obtains what is desired in the earthly world — on Friday, on the fourth lunar day, in the bright fortnight, in Shravana and Bhadrapada,

Verse 22 (shiva.vidyeshvara.16.22)

भिषगृक्षे धनुर्मासे विघ्नेशं विधिवद्यजेत् । शतं पूजा सहस्रं वा तत्सङ्ख्याकदिनैर्व्रजेत्

bhiṣagṛkṣe dhanurmāse vighneśaṁ vidhivadyajet śataṁ pūjā sahasraṁ vā tatsaṅkhyākadinairvrajet

under the Ashlesha constellation, or in the month of Dhanu — one should worship Vighnesha according to rule. A hundred or a thousand acts of worship should be performed over that same number of days.

Verse 23 (shiva.vidyeshvara.16.23)

देवाग्निश्रद्धया नित्यं पुत्रदं चेष्टदं नृणाम् । सर्वपापप्रशमनं तत्तद्दुरितनाशनम्

devāgniśraddhayā nityaṁ putradaṁ ceṣṭadaṁ nṛṇām sarvapāpapraśamanaṁ tattadduritanāśanam

Worship performed always with faith toward the deity and the sacred fire grants sons and whatever else is desired to men; it pacifies all sin and destroys those various evils.

Verse 24 (shiva.vidyeshvara.16.24)

वारपूजां शिवादीनामात्मशुद्धिप्रदां विदुः । तिथिनक्षत्रयोगानामाधारं सार्वकामिकम्

vārapūjāṁ śivādīnāmātmaśuddhipradāṁ viduḥ tithinakṣatrayogānāmādhāraṁ sārvakāmikam

The worship on a particular weekday of Shiva and the other deities is known to grant purification of the self; it is the universal foundation for the merits of lunar days, constellations, and astrological conjunctions.

Verse 25 (shiva.vidyeshvara.16.25)

तथा वृद्धिक्षयाभावात्पूर्णब्रह्मात्मकं विदुः । उदयादुदयं वारो ब्रह्मप्रभृतिकर्मणाम्

tathā vṛddhikṣayābhāvātpūrṇabrahmātmakaṁ viduḥ udayādudayaṁ vāro brahmaprabhṛtikarmaṇām

Likewise, because it is free from waxing and waning, it is known to be of the nature of the Full Brahman. The ritual day, reckoned from one sunrise to the next, is the basis for rites beginning with the worship of Brahma.

Verse 26 (shiva.vidyeshvara.16.26)

तिथ्यादौ देवपूजा हि पूर्णभोगप्रदा नृणाम् । पूर्वभागः पितॄणां तु निशियुक्तः प्रशस्यते

tithyādau devapūjā hi pūrṇabhogapradā nṛṇām pūrvabhāgaḥ pitṝṇāṁ tu niśiyuktaḥ praśasyate

Worship of the gods performed at the beginning of the lunar day indeed grants complete enjoyment to men. The earlier portion of the tithi, when joined with night, is praised as belonging to the ancestors.

Verse 27 (shiva.vidyeshvara.16.27)

परभागस्तु देवानां दिवायुक्तः प्रशस्यते । उदयव्यापिनी ग्राह्या मध्याह्ने यदि सा तिथिः

parabhāgastu devānāṁ divāyuktaḥ praśasyate udayavyāpinī grāhyā madhyāhne yadi sā tithiḥ

The later portion, joined with day, is praised as belonging to the gods. That tithi which pervades sunrise should be taken as the ruling one; if not, then the one prevailing at midday.

Verse 28 (shiva.vidyeshvara.16.28)

देवकार्ये तथा ग्राह्यास्तिथिऋक्षादिकाः शुभाः । सम्यग्विचार्य वारादीन्कुर्यात्पूजाजपादिकम्

devakārye tathā grāhyāstithiṛkṣādikāḥ śubhāḥ samyagvicārya vārādīnkuryātpūjājapādikam

Likewise, for the affairs of the gods, auspicious lunar days, constellations, and the like should be adopted. Having properly determined the weekday and so forth, one should perform worship, japa, and the rest.

Verse 29 (shiva.vidyeshvara.16.29)

पूर्जायते ह्यनेनेति वेदेष्वर्थस्य योजना । पूर्भोगफलसिद्धिश्च जायते तेन कर्मणा

pūrjāyate hyaneneti vedeṣvarthasya yojanā pūrbhogaphalasiddhiśca jāyate tena karmaṇā

"By this, fullness is brought forth" — this is how the word's meaning is understood in the Vedas; and from that rite arises the accomplishment of the fruit of that fullness and enjoyment.

Verse 30 (shiva.vidyeshvara.16.30)

मनोभावांस्तथा ज्ञानमिष्टभोगार्थयोजनात् । पूजाशब्दार्थ एवं हि विश्रुतो लोकवेदयोः

manobhāvāṁstathā jñānamiṣṭabhogārthayojanāt pūjāśabdārtha evaṁ hi viśruto lokavedayoḥ

Likewise, mental dispositions and knowledge arise through the connection with the desired object of enjoyment. Thus is the meaning of the word "puja" renowned both in common usage and in the Veda.

Verse 31 (shiva.vidyeshvara.16.31)

नित्यं नैमित्तिकं कालात्सद्यः काम्ये स्वनुष्ठिते । नित्यं मासं च पक्षं च वर्षं चैव यथाक्रमम्

nityaṁ naimittikaṁ kālātsadyaḥ kāmye svanuṣṭhite nityaṁ māsaṁ ca pakṣaṁ ca varṣaṁ caiva yathākramam

Worship is obligatory, occasional, or performed for a desired object — such desired-object worship, once duly performed, yields its fruit at once. The fruit of obligatory rites accrues daily, monthly, fortnightly, and yearly, in due order.

Verse 32 (shiva.vidyeshvara.16.32)

तत्तत्कर्मफलप्राप्तिस्तादृक्पापक्षयः क्रमात् । महागणपतेः पूजा चतुर्थ्यां कृष्णपक्षके

tattatkarmaphalaprāptistādṛkpāpakṣayaḥ kramāt mahāgaṇapateḥ pūjā caturthyāṁ kṛṣṇapakṣake

The attainment of the fruit of each respective rite, and the corresponding destruction of sin, proceed accordingly. Worship of the great Ganapati on the fourth day of the dark fortnight —

Verse 33 (shiva.vidyeshvara.16.33)

पक्षपापक्षयकरी पक्षभोगफलप्रदा । चैत्रे चतुर्थ्यां पूजा च कृता मासफलप्रदा

pakṣapāpakṣayakarī pakṣabhogaphalapradā caitre caturthyāṁ pūjā ca kṛtā māsaphalapradā

— destroys sin for a fortnight and grants the fruit of enjoyment for a fortnight. Worship performed on the fourth day in the month of Chaitra grants fruit for a month.

Verse 34 (shiva.vidyeshvara.16.34)

वर्षभोगप्रदा ज्ञेया कृता वै सिंहभाद्रके । श्रावणादित्यवारे च सप्तम्यां हस्तभे दिने

varṣabhogapradā jñeyā kṛtā vai siṁhabhādrake śrāvaṇādityavāre ca saptamyāṁ hastabhe dine

Worship performed in the month of Bhadrapada, when the sun is in Leo, should be known to grant enjoyment for a year. And on Sunday in Shravana, on the seventh lunar day, on a day under the Hasta constellation,

Verse 35 (shiva.vidyeshvara.16.35)

माघशुक्ले च सप्तम्यामादित्ययजनं चरेत् । ज्येष्ठभाद्रकसौम्ये च द्वादश्यां श्रवणर्क्षके

māghaśukle ca saptamyāmādityayajanaṁ caret jyeṣṭhabhādrakasaumye ca dvādaśyāṁ śravaṇarkṣake

and on the seventh of the bright fortnight of Magha, one should worship Aditya, the Sun. And in Jyeshtha or Bhadrapada, on Wednesday, on the twelfth lunar day, under the Shravana constellation —

Verse 36 (shiva.vidyeshvara.16.36)

कृतं श्रीविष्णुयजनमिष्टसम्पत्करं विदुः । श्रावणे विष्णुयजनमिष्टारोग्यप्रदं भवेत्

kṛtaṁ śrīviṣṇuyajanamiṣṭasampatkaraṁ viduḥ śrāvaṇe viṣṇuyajanamiṣṭārogyapradaṁ bhavet

— worship of Sri Vishnu performed then is known to bring about desired prosperity. Worship of Vishnu in Shravana grants the desired good health.

Verse 37 (shiva.vidyeshvara.16.37)

गवादीन्द्वादशानर्थान्साङ्गान्दत्त्वा तु यत्फलम् । तत्फलं समवाप्नोति द्वादश्यां विष्णुतर्पणात्

gavādīndvādaśānarthānsāṅgāndattvā tu yatphalam tatphalaṁ samavāpnoti dvādaśyāṁ viṣṇutarpaṇāt

Whatever fruit is obtained by giving the twelve items beginning with a cow, together with their accessories, that very fruit is fully obtained through the propitiation of Vishnu on the twelfth lunar day.

Verse 38 (shiva.vidyeshvara.16.38)

द्वादश्यां द्वादशान्विप्रान् विष्णोर्द्वादशनामतः । षोडशैरुपचारैश्च यजेत्तत्प्रीतिमाप्नुयात्

dvādaśyāṁ dvādaśānviprān viṣṇordvādaśanāmataḥ ṣoḍaśairupacāraiśca yajettatprītimāpnuyāt

On the twelfth lunar day, one should worship twelve brahmins by invoking the twelve names of Vishnu, with the sixteen offerings — thus one obtains his favor.

Verse 39 (shiva.vidyeshvara.16.39)

एवं च सर्वदेवानां तत्तद्द्वादशनामकैः । द्वादशब्रह्मयजनं तत्तत्प्रीतिकरं भवेत्

evaṁ ca sarvadevānāṁ tattaddvādaśanāmakaiḥ dvādaśabrahmayajanaṁ tattatprītikaraṁ bhavet

And likewise, worship of the twelve brahmins with the respective twelve names of all the gods brings about the favor of each respective deity.

Verse 40 (shiva.vidyeshvara.16.40)

कर्कटे सोमवारे च नवम्यां मृगशीर्षके । अम्बां यजेद् भूतिकामः सर्वभोगफलप्रदाम्

karkaṭe somavāre ca navamyāṁ mṛgaśīrṣake ambāṁ yajed bhūtikāmaḥ sarvabhogaphalapradām

On Monday, when the moon is in Cancer, on the ninth lunar day, under the Mrigashirsha constellation, one who desires prosperity should worship the Mother Goddess Amba, who grants the fruit of all enjoyment.

Verse 41 (shiva.vidyeshvara.16.41)

आश्वयुक्छुक्लनवमी सर्वाभीष्टफलप्रदा । आदिवारे चतुर्दश्यां कृष्णपक्षे विशेषतः

āśvayukchuklanavamī sarvābhīṣṭaphalapradā ādivāre caturdaśyāṁ kṛṣṇapakṣe viśeṣataḥ

The ninth of the bright fortnight of the month Ashvin grants the fruit of all that is desired. On Sunday, on the fourteenth lunar day of the dark fortnight, especially —

Verse 42 (shiva.vidyeshvara.16.42)

आर्द्रायां च महार्द्रायां शिवपूजा विशिष्यते । माघकृष्णचतुर्दश्यां सर्वाभीष्टफलप्रदा

ārdrāyāṁ ca mahārdrāyāṁ śivapūjā viśiṣyate māghakṛṣṇacaturdaśyāṁ sarvābhīṣṭaphalapradā

— and under the Ardra and the Great Ardra constellations, worship of Shiva is especially excellent. On the fourteenth of the dark fortnight of Magha, it grants the fruit of all that is desired,

Verse 43 (shiva.vidyeshvara.16.43)

आयुष्करी मृत्युहरा सर्वसिद्धिकरी नृणाम् । ज्येष्ठमासे महार्द्रायां चतुर्दशीदिनेऽपि च

āyuṣkarī mṛtyuharā sarvasiddhikarī nṛṇām jyeṣṭhamāse mahārdrāyāṁ caturdaśīdine'pi ca

grants longevity, removes death, and brings about all accomplishments for men; and also on the fourteenth day under the Great Ardra in the month of Jyeshtha,

Verse 44 (shiva.vidyeshvara.16.44)

मार्गशीर्षार्द्रकायां वा षोडशैरुपचारकैः । तत्तन्मूर्तिशिवं पूज्य तस्य वै पाददर्शनम्

mārgaśīrṣārdrakāyāṁ vā ṣoḍaśairupacārakaiḥ tattanmūrtiśivaṁ pūjya tasya vai pādadarśanam

or under Ardra in Margashirsha — having worshipped Shiva in his respective form with the sixteen offerings, the very sight of his feet is obtained thereby.

Verse 45 (shiva.vidyeshvara.16.45)

शिवस्य यजनं ज्ञेयं भोगमोक्षप्रदं नृणाम् । वारादिदेवयजनं कार्तिके हि विशिष्यते

śivasya yajanaṁ jñeyaṁ bhogamokṣapradaṁ nṛṇām vārādidevayajanaṁ kārtike hi viśiṣyate

The worship of Shiva should be known to grant both enjoyment and liberation to men. The worship of the deities on their respective days is especially distinguished in the month of Kartika.

Verse 46 (shiva.vidyeshvara.16.46)

कार्तिके मासि सम्प्राप्ते सर्वान्देवान्यजेद् बुधः । दानेन तपसा होमैर्जपेन नियमेन च

kārtike māsi samprāpte sarvāndevānyajed budhaḥ dānena tapasā homairjapena niyamena ca

When the month of Kartika has arrived, the wise man should worship all the gods, through charity, austerity, fire-offerings, japa, and the observance of vows,

Verse 47 (shiva.vidyeshvara.16.47)

षोडशैरुपचारैश्च प्रतिमाविप्रमन्त्रकैः । ब्राह्मणानां भोजनेन निष्कामार्तिहरो भवेत्

ṣoḍaśairupacāraiśca pratimāvipramantrakaiḥ brāhmaṇānāṁ bhojanena niṣkāmārtiharo bhavet

and with the sixteen offerings, through images, brahmins, and mantras. Through the feeding of brahmins, one becomes free of desire and a remover of affliction.

Verse 48 (shiva.vidyeshvara.16.48)

कार्तिके देवयजनं सर्वभोगप्रदं भवेत् । व्याधीनां हरणं चैव भवेद्भूतग्रहक्षयः

kārtike devayajanaṁ sarvabhogapradaṁ bhavet vyādhīnāṁ haraṇaṁ caiva bhavedbhūtagrahakṣayaḥ

Worship of the gods in Kartika grants all enjoyment; it removes diseases and brings about the destruction of malevolent spirits and planetary afflictions.

Verse 49 (shiva.vidyeshvara.16.49)

कार्तिकादित्यवारेषु नृणामादित्यपूजनात् । तैलकार्पासदानात्तु भवेत्कुष्ठादिसङ्क्षयः

kārtikādityavāreṣu nṛṇāmādityapūjanāt tailakārpāsadānāttu bhavetkuṣṭhādisaṅkṣayaḥ

By men's worship of Surya on Sundays in Kartika, and by the gift of oil and cotton, comes the destruction of leprosy and similar diseases.

Verse 50 (shiva.vidyeshvara.16.50)

हरीतकीमरीचीनां वस्त्रक्षीरादिदानतः । ब्रह्मप्रतिष्ठया चैव क्षयरोगक्षयो भवेत्

harītakīmarīcīnāṁ vastrakṣīrādidānataḥ brahmapratiṣṭhayā caiva kṣayarogakṣayo bhavet

By the gift of myrobalan and pepper, of cloth and milk, and by the consecration of an image of Brahma, comes the destruction of consumptive disease.

Verse 51 (shiva.vidyeshvara.16.51)

दीपसर्षपदानाच्च अपस्मारक्षयो भवेत् । कृत्तिकासोमवारेषु शिवस्य यजनं नृणाम्

dīpasarṣapadānācca apasmārakṣayo bhavet kṛttikāsomavāreṣu śivasya yajanaṁ nṛṇām

By the gift of a lamp and mustard-seed, comes the destruction of epilepsy. As for men's worship of Shiva on Mondays under the Krittika constellation —

Verse 52 (shiva.vidyeshvara.16.52)

महादारिद्र्यशमनं सर्वसम्पत्करं भवेत् । गृहक्षेत्रादिदानाच्च गृहोपकरणादिना

mahādāridryaśamanaṁ sarvasampatkaraṁ bhavet gṛhakṣetrādidānācca gṛhopakaraṇādinā

— it pacifies great poverty and brings about all prosperity, together with the gift of a house, land, and household implements.

Verse 53 (shiva.vidyeshvara.16.53)

कृत्तिकाभौमवारेषु स्कन्दस्य यजनान्नृणाम् । दीपघण्टादिदानाद्वै वाक्सिद्धिरचिराद्भवेत्

kṛttikābhaumavāreṣu skandasya yajanānnṛṇām dīpaghaṇṭādidānādvai vāksiddhiracirādbhavet

By men's worship of Skanda (Kartikeya) on Tuesdays under Krittika, and by the gift of a lamp, a bell, and the like, mastery of speech is quickly obtained.

Verse 54 (shiva.vidyeshvara.16.54)

कृत्तिकासौम्यवारेषु विष्णोर्वै यजनं नृणाम् । दध्योदनस्य दानं च सत्सन्तानकरं भवेत्

kṛttikāsaumyavāreṣu viṣṇorvai yajanaṁ nṛṇām dadhyodanasya dānaṁ ca satsantānakaraṁ bhavet

Worship of Vishnu on Wednesdays under Krittika, together with the gift of curd-rice, brings about good progeny.

Verse 55 (shiva.vidyeshvara.16.55)

कृत्तिकागुरुवारेषु ब्रह्मणो यजनाद्धनैः । मधुस्वर्णाज्यदानेन भोगवृद्धिर्भवेन्नृणाम्

kṛttikāguruvāreṣu brahmaṇo yajanāddhanaiḥ madhusvarṇājyadānena bhogavṛddhirbhavennṛṇām

By worship of Brahma on Thursdays under Krittika, and by the gift of honey, gold, and ghee, an increase of enjoyment comes to men.

Verse 56 (shiva.vidyeshvara.16.56)

कृत्तिकाशुक्रवारेषु गजतुण्डस्य याजनात् । गन्धपुष्पान्नदानेन भोग्यवृद्धिर्भवेन्नृणाम्

kṛttikāśukravāreṣu gajatuṇḍasya yājanāt gandhapuṣpānnadānena bhogyavṛddhirbhavennṛṇām

By worship of the elephant-faced one on Fridays under Krittika, and by the gift of fragrance, flowers, and food, an increase of enjoyable things comes to men.

Verse 57 (shiva.vidyeshvara.16.57)

वन्ध्या सुपुत्रं लभते स्वर्णरौप्यादिदानतः । कृत्तिकाशनिवारेषु दिक्पालानां च वन्दनम्

vandhyā suputraṁ labhate svarṇaraupyādidānataḥ kṛttikāśanivāreṣu dikpālānāṁ ca vandanam

By the gift of gold, silver, and the like, a barren woman obtains a good son. Under Krittika on Saturdays, and honoring the guardians of the directions —

Verse 58 (shiva.vidyeshvara.16.58)

दिग्गजानां च नागानां सेतुपानां च पूजनम् । त्र्यम्बकस्य च रुद्रस्य विष्णोः पापहरस्य च

diggajānāṁ ca nāgānāṁ setupānāṁ ca pūjanam tryambakasya ca rudrasya viṣṇoḥ pāpaharasya ca

— and the worship of the elephants of the directions, of the serpent-deities, and of the guardians of the sacred crossing; and of Tryambaka (Shiva), of Rudra, and of Vishnu who removes sin;

Verse 59 (shiva.vidyeshvara.16.59)

ज्ञानदं ब्रह्मणश्चैव धन्वन्तर्यश्विनोस्तथा । रोगापमृत्युहरणं तत्कालव्याधिशान्तिदम्

jñānadaṁ brahmaṇaścaiva dhanvantaryaśvinostathā rogāpamṛtyuharaṇaṁ tatkālavyādhiśāntidam

and the worship of Brahma, who bestows knowledge, and of Dhanvantari and the two Ashvin gods, removes disease and untimely death, and grants the pacification of ailments particular to that time.

Verse 60 (shiva.vidyeshvara.16.60)

लवणायसतैलानां माषादीनां च दानतः । त्रिकटुफलगन्धानां जलादीनां च दानतः

lavaṇāyasatailānāṁ māṣādīnāṁ ca dānataḥ trikaṭuphalagandhānāṁ jalādīnāṁ ca dānataḥ

By the gift of salt, iron, and oil, and of black gram and the like; by the gift of the three pungent spices, fruit, fragrant substances, water and the like —

Verse 61 (shiva.vidyeshvara.16.61)

द्रवाणां कठिनानां च प्रस्थेन पलमानतः । स्वर्गप्राप्तिर्धनुर्मासे ह्युषःकाले च पूजनम्

dravāṇāṁ kaṭhinānāṁ ca prasthena palamānataḥ svargaprāptirdhanurmāse hyuṣaḥkāle ca pūjanam

— of liquid and solid things, measured by the prastha or the pala, comes the attainment of heaven. And worship in the month of Dhanu, at the time of dawn —

Verse 62 (shiva.vidyeshvara.16.62)

शिवादीनां च सर्वेषां क्रमाद्वै सर्वसिद्धये । शाल्यन्नस्य हविष्यस्य नैवेद्यं शस्तमुच्यते

śivādīnāṁ ca sarveṣāṁ kramādvai sarvasiddhaye śālyannasya haviṣyasya naivedyaṁ śastamucyate

— of Shiva and all the others in due order, is for the attainment of all accomplishments. A food-offering of rice and of oblationary food is declared to be excellent.

Verse 63 (shiva.vidyeshvara.16.63)

विविधान्नस्य नैवेद्यं धनुर्मासे विशिष्यते । मार्गशीर्षेऽन्नदस्यैव सर्वमिष्टफलं भवेत्

vividhānnasya naivedyaṁ dhanurmāse viśiṣyate mārgaśīrṣe'nnadasyaiva sarvamiṣṭaphalaṁ bhavet

A food-offering of various kinds of food is especially distinguished in the month of Dhanu. In Margashirsha, for one who gives food, every desired fruit is obtained —

Verse 64 (shiva.vidyeshvara.16.64)

पापक्षयं चेष्टसिद्धिं चारोग्यं धर्ममेव च । सम्यग्वेदपरिज्ञानं सदनुष्ठानमेव च

pāpakṣayaṁ ceṣṭasiddhiṁ cārogyaṁ dharmameva ca samyagvedaparijñānaṁ sadanuṣṭhānameva ca

destruction of sin, accomplishment of what is desired, good health, and righteousness; complete knowledge of the Vedas, and the performance of proper conduct —

Verse 65 (shiva.vidyeshvara.16.65)

इहामुत्र महाभोगानन्ते योगं च शाश्वतम् । वेदान्तज्ञानसिद्धिं च मार्गशीर्षान्नदो लभेत्

ihāmutra mahābhogānante yogaṁ ca śāśvatam vedāntajñānasiddhiṁ ca mārgaśīrṣānnado labhet

great enjoyments here and hereafter, eternal union with the Divine at the end, and the accomplishment of the knowledge of Vedanta — one who gives food in Margashirsha obtains all these.

Verse 66 (shiva.vidyeshvara.16.66)

मार्गशीर्षे ह्युषःकाले दिनत्रयमथापि वा । यजेद् देवान्भोगकामो नाधनुर्मासिको भवेत्

mārgaśīrṣe hyuṣaḥkāle dinatrayamathāpi vā yajed devānbhogakāmo nādhanurmāsiko bhavet

In Margashirsha, at the time of dawn, for three days or otherwise, one who desires enjoyment should worship the gods; but one doing so is not a full observer of the Dhanurmasa vow.

Verse 67 (shiva.vidyeshvara.16.67)

यावत्सङ्गवकालं तु धनुर्मासो विधीयते । धनुर्मासे निराहारो मासमात्रं जितेन्द्रियः

yāvatsaṅgavakālaṁ tu dhanurmāso vidhīyate dhanurmāse nirāhāro māsamātraṁ jitendriyaḥ

The Dhanurmasa observance is prescribed up to the time of mid-morning each day. During the Dhanurmasa, one should fast, with senses controlled, for the entire month.

Verse 68 (shiva.vidyeshvara.16.68)

आमध्याह्नं जपेद् विप्रो गायत्रीं वेदमातरम् । पञ्चाक्षरादिकान्मन्त्रान्पश्चादासुप्तिकं जपेत्

āmadhyāhnaṁ japed vipro gāyatrīṁ vedamātaram pañcākṣarādikānmantrānpaścādāsuptikaṁ japet

A brahmin should recite the Gayatri, the Mother of the Vedas, until midday; afterward he should recite the Panchakshara and other mantras until the time of sleep.

Verse 69 (shiva.vidyeshvara.16.69)

ज्ञानं लब्ध्वा च देहान्ते विप्रो मुक्तिमवाप्नुयात् । अन्येषां नरनारीणां त्रिःस्नानेन जपेन च

jñānaṁ labdhvā ca dehānte vipro muktimavāpnuyāt anyeṣāṁ naranārīṇāṁ triḥsnānena japena ca

Having attained knowledge, a brahmin obtains liberation at the end of the body. For other men and women, through bathing three times daily and through japa —

Verse 70 (shiva.vidyeshvara.16.70)

सदा पञ्चाक्षरस्यैव विशुद्धं ज्ञानमाप्यते । इष्टमन्त्रान्सदा जप्त्वा महापापक्षयं लभेत्

sadā pañcākṣarasyaiva viśuddhaṁ jñānamāpyate iṣṭamantrānsadā japtvā mahāpāpakṣayaṁ labhet

— always of the Panchakshara mantra alone, pure knowledge is obtained. Always reciting one's chosen mantras, one attains the destruction of great sins.

Verse 71 (shiva.vidyeshvara.16.71)

धनुर्मासे विशेषेण महानैवेद्यमाचरेत् । शालितण्डुलभारेण मरीचप्रस्थकेन च

dhanurmāse viśeṣeṇa mahānaivedyamācaret śālitaṇḍulabhāreṇa marīcaprasthakena ca

In the month of Dhanu, one should specially perform the "great food-offering" — with a load of rice grains and a prastha of pepper,

Verse 72 (shiva.vidyeshvara.16.72)

गणनाद् द्वादशं सर्वं मध्वाज्यकुडवेन हि । द्रोणयुक्तेन मुद्गेन द्वादशव्यञ्जनेन च

gaṇanād dvādaśaṁ sarvaṁ madhvājyakuḍavena hi droṇayuktena mudgena dvādaśavyañjanena ca

counting twelve of each: with a kudava of honey and of ghee, a drona of green gram, and twelve side-dishes,

Verse 73 (shiva.vidyeshvara.16.73)

घृतपक्वैरपूपैश्च मोदकैः शालिकादिभिः । द्वादशैश्च दधिक्षीरैर्द्वादशप्रस्थकेन च

ghṛtapakvairapūpaiśca modakaiḥ śālikādibhiḥ dvādaśaiśca dadhikṣīrairdvādaśaprasthakena ca

with cakes fried in ghee, sweets and rice-preparations, twelve each of curd and milk, and twelve prasthas of each,

Verse 74 (shiva.vidyeshvara.16.74)

नारिकेलफलादीनां तथा गणनया सह । द्वादशक्रमुकैर्युक्तं षट्त्रिंशत्पत्रकैर्युतम्

nārikelaphalādīnāṁ tathā gaṇanayā saha dvādaśakramukairyuktaṁ ṣaṭtriṁśatpatrakairyutam

and likewise with coconuts and other fruits counted in twelves, accompanied by twelve areca nuts and thirty-six betel leaves,

Verse 75 (shiva.vidyeshvara.16.75)

कर्पूरखुरचूर्णेन पञ्चसौगन्धिकैर्युतम् । ताम्बूलयुक्तं तु यदा महानैवेद्यलक्षणम्

karpūrakhuracūrṇena pañcasaugandhikairyutam tāmbūlayuktaṁ tu yadā mahānaivedyalakṣaṇam

with camphor and khura powder, joined with the five fragrant substances, together with betel — this, then, is the mark of the "great food-offering."

Verse 76 (shiva.vidyeshvara.16.76)

महानैवेद्यमेतद्वै देवतार्पणपूर्वकम् । वर्णानुक्रमपूर्वेण तद्भक्तेभ्यः प्रदापयेत्

mahānaivedyametadvai devatārpaṇapūrvakam varṇānukramapūrveṇa tadbhaktebhyaḥ pradāpayet

This "great food-offering," having first been offered to the deity, should then be distributed to devotees in the proper order of the social classes.

Verse 77 (shiva.vidyeshvara.16.77)

एवं चौदननैवेद्याद्भूमौ राष्ट्रपतिर्भवेत् । महानैवेद्यदानेन नरः स्वर्गमवाप्नुयात्

evaṁ caudananaivedyādbhūmau rāṣṭrapatirbhavet mahānaivedyadānena naraḥ svargamavāpnuyāt

Thus, by the food-offering of cooked rice, one becomes a ruler of a kingdom on earth; by the gift of the "great food-offering," a man obtains heaven.

Verse 78 (shiva.vidyeshvara.16.78)

महानैवेद्यदानेन सहस्रेण द्विजर्षभाः । सत्यलोकं च तल्लोके पूर्णमायुरवाप्नुयात्

mahānaivedyadānena sahasreṇa dvijarṣabhāḥ satyalokaṁ ca talloke pūrṇamāyuravāpnuyāt

O bulls among the twice-born, by the gift of the "great food-offering" a thousand times, one obtains Satyaloka and a full lifespan in that world.

Verse 79 (shiva.vidyeshvara.16.79)

सहस्राणां च त्रिंशत्या महानैवेद्यदानतः । तदूर्ध्वलोकमाप्यैव न पुनर्जन्मभाग्भवेत्

sahasrāṇāṁ ca triṁśatyā mahānaivedyadānataḥ tadūrdhvalokamāpyaiva na punarjanmabhāgbhavet

By the gift of the "great food-offering" thirty thousand times, having attained the world above that, one does not become subject to rebirth again.

Verse 80 (shiva.vidyeshvara.16.80)

सहस्राणां च षट्त्रिंशज्जन्मनैवेद्यमीरितम् । तावन्नैवेद्यदानं तु महापूर्णं तदुच्यते

sahasrāṇāṁ ca ṣaṭtriṁśajjanmanaivedyamīritam tāvannaivedyadānaṁ tu mahāpūrṇaṁ taducyate

The offering given thirty-six thousand times is called the "birth food-offering." That much of a food-offering given is called "the Great Full Offering."

Verse 81 (shiva.vidyeshvara.16.81)

महापूर्णस्य नैवेद्यं जन्मनैवेद्यमिष्यते । जन्मनैवेद्यदानेन पुनर्जन्म न विद्यते

mahāpūrṇasya naivedyaṁ janmanaivedyamiṣyate janmanaivedyadānena punarjanma na vidyate

The food-offering of the "Great Full Offering" is regarded as the "birth food-offering." By the gift of the birth food-offering, there is no more rebirth.

Verse 82 (shiva.vidyeshvara.16.82)

ऊर्जे मासि दिने पुण्ये जन्मनैवेद्यमाचरेत् । सङ्क्रान्तिपातजन्मर्क्षपौर्णमास्यादिसंयुते

ūrje māsi dine puṇye janmanaivedyamācaret saṅkrāntipātajanmarkṣapaurṇamāsyādisaṁyute

One should perform the "birth food-offering" in the month of Urja (Kartika), on an auspicious day — one joined with a solar transition, an eclipse-node, one's birth-star, a full-moon day, or the like.

Verse 83 (shiva.vidyeshvara.16.83)

अब्दजन्मदिने कुर्याज्जन्मनैवेद्यमुत्तमम् । मासान्तरेषु जन्मर्क्षपूर्णयोगदिनेऽपि च

abdajanmadine kuryājjanmanaivedyamuttamam māsāntareṣu janmarkṣapūrṇayogadine'pi ca

One should perform the excellent "birth food-offering" on the annual birthday, or in the other months on a day when the constellation is fully in conjunction with one's birth-star.

Verse 84 (shiva.vidyeshvara.16.84)

मेलने च शनैर्वापि तावत्साहस्रमाचरेत् । जन्मनैवेद्यदानेन जन्मार्पणफलं लभेत्

melane ca śanairvāpi tāvatsāhasramācaret janmanaivedyadānena janmārpaṇaphalaṁ labhet

Or, gradually, at each such conjunction, one should perform it that many thousand times. By the gift of the "birth food-offering," one obtains the fruit of the "offering of one's birth."

Verse 85 (shiva.vidyeshvara.16.85)

जन्मार्पणाच्छिवः प्रीतः स्वसायुज्यं ददाति हि । इदं तज्जन्मनैवेद्यं शिवस्यैव प्रदापयेत्

janmārpaṇācchivaḥ prītaḥ svasāyujyaṁ dadāti hi idaṁ tajjanmanaivedyaṁ śivasyaiva pradāpayet

Pleased by this offering of one's birth, Shiva indeed grants union with his own being. This "birth food-offering" should be given to Shiva alone.

Verse 86 (shiva.vidyeshvara.16.86)

योनिलिङ्गस्वरूपेण शिवो जन्मनिरूपकः । तस्माज्जन्मनिवृत्त्यर्थं जन्मपूजा शिवस्य हि

yoniliṅgasvarūpeṇa śivo janmanirūpakaḥ tasmājjanmanivṛttyarthaṁ janmapūjā śivasya hi

In the form of the yoni-linga, Shiva is the one who ordains birth. Therefore, for the sake of ending the cycle of birth, the "birth-worship" is offered to Shiva alone.

Verse 87 (shiva.vidyeshvara.16.87)

बिन्दुनादात्मकं सर्वं जगत्स्थावरजङ्गमम् । बिन्दुः शक्तिः शिवो नादः शिवशक्त्यात्मकं जगत्

bindunādātmakaṁ sarvaṁ jagatsthāvarajaṅgamam binduḥ śaktiḥ śivo nādaḥ śivaśaktyātmakaṁ jagat

This entire universe, moving and unmoving, is of the nature of Bindu and Nada. Bindu is Shakti, Nada is Shiva; the universe is of the nature of Shiva and Shakti united.

Verse 88 (shiva.vidyeshvara.16.88)

नादाधारमिदं बिन्दुर्बिन्द्वाधारमिदं जगत् । जगदाधारभूतौ हि बिन्दुनादौ व्यवस्थितौ

nādādhāramidaṁ bindurbindvādhāramidaṁ jagat jagadādhārabhūtau hi bindunādau vyavasthitau

This Bindu has Nada as its support; this universe has Bindu as its support. Bindu and Nada indeed stand established as the very foundation of the universe.

Verse 89 (shiva.vidyeshvara.16.89)

बिन्दुनादयुतं सर्वं सकलीकरणं भवेत् । सकलीकरणाज्जन्म जगत्प्राप्नोत्यसंशयम्

bindunādayutaṁ sarvaṁ sakalīkaraṇaṁ bhavet sakalīkaraṇājjanma jagatprāpnotyasaṁśayam

Everything joined with Bindu and Nada becomes "manifested." From this manifesting process, the universe undoubtedly attains birth.

Verse 90 (shiva.vidyeshvara.16.90)

बिन्दुनादात्मकं लिङ्गं जगत्कारणमुच्यते । बिन्दुर्देवी शिवो नादः शिवलिङ्गं तु कथ्यते

bindunādātmakaṁ liṅgaṁ jagatkāraṇamucyate bindurdevī śivo nādaḥ śivaliṅgaṁ tu kathyate

The linga, of the nature of Bindu and Nada, is called the cause of the universe. Bindu is the Goddess, Nada is Shiva; together it is called the Shivalinga.

Verse 91 (shiva.vidyeshvara.16.91)

तस्माज्जन्मनिवृत्त्यर्थं शिवलिङ्गं प्रपूजयेत् । माता देवी बिन्दुरूपा नादरूपः शिवः पिता

tasmājjanmanivṛttyarthaṁ śivaliṅgaṁ prapūjayet mātā devī bindurūpā nādarūpaḥ śivaḥ pitā

Therefore, for the sake of ending the cycle of birth, one should worship the Shivalinga. The Goddess, in the form of Bindu, is the mother; Shiva, in the form of Nada, is the father.

Verse 92 (shiva.vidyeshvara.16.92)

पूजिताभ्यां पितृभ्यां तु परमानन्द एव हि । परमानन्दलाभार्थं शिवलिङ्गं प्रपूजयेत्

pūjitābhyāṁ pitṛbhyāṁ tu paramānanda eva hi paramānandalābhārthaṁ śivaliṅgaṁ prapūjayet

From these two divine parents, when worshipped, comes indeed supreme bliss. For the sake of attaining that supreme bliss, one should worship the Shivalinga.

Verse 93 (shiva.vidyeshvara.16.93)

सा देवी जगतां माता स शिवो जगतः पिता । पित्रोः शुश्रूषके नित्यं कृपाधिक्यं हि वर्धते

sā devī jagatāṁ mātā sa śivo jagataḥ pitā pitroḥ śuśrūṣake nityaṁ kṛpādhikyaṁ hi vardhate

She, the Goddess, is the mother of the worlds; He, Shiva, is the father of the world. For one who ever serves these two parents, their abundant grace continually increases.

Verse 94 (shiva.vidyeshvara.16.94)

कृपयान्तर्गतैश्वर्यं पूजकस्य ददाति हि । तस्मादन्तर्गतानन्दलाभार्थं मुनिपुङ्गवाः

kṛpayāntargataiśvaryaṁ pūjakasya dadāti hi tasmādantargatānandalābhārthaṁ munipuṅgavāḥ

By their grace, they bestow inward sovereignty upon the worshipper. Therefore, O foremost of sages, for the sake of attaining that inward bliss —

Verse 95 (shiva.vidyeshvara.16.95)

पितृमातृस्वरूपेण शिवलिङ्गं प्रपूजयेत् । भर्गः पुरुषरूपो हि भर्गा प्रकृतिरुच्यते

pitṛmātṛsvarūpeṇa śivaliṅgaṁ prapūjayet bhargaḥ puruṣarūpo hi bhargā prakṛtirucyate

— one should worship the Shivalinga in the form of Father and Mother. Bharga, the Radiant One, is of the form of Purusha; Bharga in the feminine is said to be Prakriti.

Verse 96 (shiva.vidyeshvara.16.96)

अव्यक्तान्तरधिष्ठानं गर्भः पुरुष उच्यते । सुव्यक्तान्तरधिष्ठानं गर्भः प्रकृतिरुच्यते

avyaktāntaradhiṣṭhānaṁ garbhaḥ puruṣa ucyate suvyaktāntaradhiṣṭhānaṁ garbhaḥ prakṛtirucyate

That seed whose inner ground is unmanifest is called Purusha; that seed whose inner ground is well-manifest is called Prakriti.

Verse 97 (shiva.vidyeshvara.16.97)

पुरुषस्त्वादिगर्भो हि गर्भवाञ्जनको यतः । पुरुषात्प्रकृतौ युक्तं प्रथमं जन्म कथ्यते

puruṣastvādigarbho hi garbhavāñjanako yataḥ puruṣātprakṛtau yuktaṁ prathamaṁ janma kathyate

Purusha is indeed the primordial seed, since he, possessing the seed, is the begetter. The union of Purusha with Prakriti is called the "first birth."

Verse 98 (shiva.vidyeshvara.16.98)

प्रकृतेर्व्यक्ततां यातं द्वितीयं जन्म कथ्यते । जन्म जन्तुर्मृत्युजन्म पुरुषात्प्रतिपद्यते

prakṛtervyaktatāṁ yātaṁ dvitīyaṁ janma kathyate janma janturmṛtyujanma puruṣātpratipadyate

That which goes forth into manifestation from Prakriti is called the "second birth." From this birth, the creature comes into a birth bound to death.

Verse 99 (shiva.vidyeshvara.16.99)

अन्यतो भाव्यतेऽवश्यं मायया जन्म कथ्यते । जीर्यते जन्मकालाद्यत्तस्माज्जीव इति स्मृतः

anyato bhāvyate'vaśyaṁ māyayā janma kathyate jīryate janmakālādyattasmājjīva iti smṛtaḥ

It is inevitably brought into being by another power, Maya — this is called its birth. Because it decays from the very moment of its birth, it is therefore called "jiva," the living being.

Verse 100 (shiva.vidyeshvara.16.100)

जन्यते तन्यते पाशैर्जीवशब्दार्थ एव हि । जन्मपाशनिवृत्त्यर्थं जन्मलिङ्गं प्रपूजयेत्

janyate tanyate pāśairjīvaśabdārtha eva hi janmapāśanivṛttyarthaṁ janmaliṅgaṁ prapūjayet

"It is born, and it is bound by fetters" — this indeed is the meaning of the word "jiva." For the sake of ending the bondage of birth, one should worship the birth-linga.

Verse 101 (shiva.vidyeshvara.16.101)

भं वृद्धिं गच्छतीत्यर्थाद्भगः प्रकृतिरुच्यते । प्राकृतैः शब्दमात्राद्यैः प्राकृतेन्द्रियभोजनात्

bhaṁ vṛddhiṁ gacchatītyarthādbhagaḥ prakṛtirucyate prākṛtaiḥ śabdamātrādyaiḥ prākṛtendriyabhojanāt

From the meaning "that which goes to increase," Prakriti is called "Bhaga." By the enjoyment, through the material senses, of the objects of the senses such as sound —

Verse 102 (shiva.vidyeshvara.16.102)

भगस्येदं भोगमिति शब्दार्थो मुख्यतः श्रुतः । मुख्यो भगस्तु प्रकृतिर्भगवाञ्छिव उच्यते

bhagasyedaṁ bhogamiti śabdārtho mukhyataḥ śrutaḥ mukhyo bhagastu prakṛtirbhagavāñchiva ucyate

— "this is the enjoyment belonging to Bhaga" — such is the primary meaning of the word, as heard in scripture. The primary Bhaga is Prakriti; but Shiva is called "Bhagavan."

Verse 103 (shiva.vidyeshvara.16.103)

भगवान्भोगदाता हि नान्यो भोगप्रदायकः । भगस्वामी च भगवान्भर्ग इत्युच्यते बुधैः

bhagavānbhogadātā hi nānyo bhogapradāyakaḥ bhagasvāmī ca bhagavānbharga ityucyate budhaiḥ

Bhagavan is indeed the giver of enjoyment; there is no other bestower of enjoyment. And being the Lord of Bhaga, Bhagavan is called "Bharga" by the wise.

Verse 104 (shiva.vidyeshvara.16.104)

भगेन सहितं लिङ्गं भगं लिङ्गेन संयुतम् । इहामुत्र च भोगार्थं नित्यभोगार्थमेव च

bhagena sahitaṁ liṅgaṁ bhagaṁ liṅgena saṁyutam ihāmutra ca bhogārthaṁ nityabhogārthameva ca

The linga is united with bhaga, and bhaga is joined with the linga, for the sake of enjoyment both here and hereafter, and indeed for eternal enjoyment.

Verse 105 (shiva.vidyeshvara.16.105)

भगवन्तं महादेवं शिवलिङ्गं प्रपूजयेत् । लोकप्रसविता सूर्यस्तच्चिह्नं प्रसवाद्भवेत्

bhagavantaṁ mahādevaṁ śivaliṅgaṁ prapūjayet lokaprasavitā sūryastaccihnaṁ prasavādbhavet

One should worship the Shivalinga as the blessed Mahadeva. The Sun is the begetter of the world; that emblem arises from the very principle of begetting.

Verse 106 (shiva.vidyeshvara.16.106)

लिङ्गे प्रसूतिकर्तारं लिङ्गिनं पुरुषो यजेत् । लिङ्गार्थगमकं चिह्नं लिङ्गमित्यभिधीयते

liṅge prasūtikartāraṁ liṅginaṁ puruṣo yajet liṅgārthagamakaṁ cihnaṁ liṅgamityabhidhīyate

A man should worship, in the linga, the possessor of the linga who is the agent of creation. An emblem that conveys its underlying meaning is called a "linga," a sign.

Verse 107 (shiva.vidyeshvara.16.107)

लिङ्गमर्थं हि पुरुषं शिवं गमयतीत्यदः । शिवशक्त्योश्च चिह्नस्य मेलनं लिङ्गमुच्यते

liṅgamarthaṁ hi puruṣaṁ śivaṁ gamayatītyadaḥ śivaśaktyośca cihnasya melanaṁ liṅgamucyate

Because this emblem leads to its meaning, namely, Purusha, Shiva, it is called a "linga." And the union of the emblems of Shiva and Shakti is called the linga.

Verse 108 (shiva.vidyeshvara.16.108)

स्वचिह्नपूजनात्प्रीतश्चिह्नकार्यं न वीयते । चिह्नकार्यं तु जन्मादि जन्माद्यं विनिवर्तते

svacihnapūjanātprītaścihnakāryaṁ na vīyate cihnakāryaṁ tu janmādi janmādyaṁ vinivartate

Pleased by the worship of his own emblem, Shiva does not withhold the effect attributable to that emblem. And the effect of the emblem, namely birth and the rest, thereby ceases.

Verse 109 (shiva.vidyeshvara.16.109)

प्राकृतैः पुरुषैश्चापि बाह्याभ्यन्तरसम्भवैः । षोडशैरुपचारैश्च शिवलिङ्गं प्रपूजयेत्

prākṛtaiḥ puruṣaiścāpi bāhyābhyantarasambhavaiḥ ṣoḍaśairupacāraiśca śivaliṅgaṁ prapūjayet

And also by ordinary people, using materials arising both externally and internally, one should worship the Shivalinga with the sixteen offerings.

Verse 110 (shiva.vidyeshvara.16.110)

एवमादित्यवारे हि पूजा जन्मनिवर्तिका । आदिवारे महालिङ्गं प्रणवेनैव पूजयेत्

evamādityavāre hi pūjā janmanivartikā ādivāre mahāliṅgaṁ praṇavenaiva pūjayet

Thus indeed, worship performed on Sunday puts an end to the cycle of birth. On Sunday, one should worship the Mahalinga with the Pranava, Om, alone.

Verse 111 (shiva.vidyeshvara.16.111)

आदिवारे पञ्चगव्यैरभिषेको विशिष्यते । गोमयं गोजलं क्षीरं दध्याज्यं पञ्चगव्यकम्

ādivāre pañcagavyairabhiṣeko viśiṣyate gomayaṁ gojalaṁ kṣīraṁ dadhyājyaṁ pañcagavyakam

On Sunday, ablution with the five products of the cow is especially distinguished. Cow-dung, cow's urine, milk, curd, and ghee — these are the five cow-products.

Verse 112 (shiva.vidyeshvara.16.112)

क्षीराद्यं च पृथक्चैव मधुना चेक्षुसारकैः । गव्यक्षीरान्ननैवेद्यं प्रणवेनैव कारयेत्

kṣīrādyaṁ ca pṛthakcaiva madhunā cekṣusārakaiḥ gavyakṣīrānnanaivedyaṁ praṇavenaiva kārayet

And milk and the rest, each separately, together with honey and sugarcane-juice — the food-offering of cow's-milk rice should be prepared with the Pranava alone.

Verse 113 (shiva.vidyeshvara.16.113)

प्रणवं ध्वनिलिङ्गं तु नादलिङ्गं स्वयम्भुवः । बिन्दुलिङ्गं तु यन्त्रं स्यान्मकारं तु प्रतिष्ठितम्

praṇavaṁ dhvaniliṅgaṁ tu nādaliṅgaṁ svayambhuvaḥ binduliṅgaṁ tu yantraṁ syānmakāraṁ tu pratiṣṭhitam

The Pranava is indeed the sound-linga, the resonance-linga of the self-manifest Shiva. The yantra is the bindu-linga; and the letter M is established there.

Verse 114 (shiva.vidyeshvara.16.114)

उकारं चरलिङ्गं स्यादकारं गुरुविग्रहम् । षड्लिङ्गपूजया नित्यं जीवन्मुक्तो न संशयः

ukāraṁ caraliṅgaṁ syādakāraṁ guruvigraham ṣaḍliṅgapūjayā nityaṁ jīvanmukto na saṁśayaḥ

The letter U is the "moving linga"; the letter A is the form of the Guru. By the constant worship of these six lingas, one undoubtedly becomes liberated while living.

Verse 115 (shiva.vidyeshvara.16.115)

शिवस्य भक्त्या पूजा हि जन्ममुक्तिकरी नृणाम् । रुद्राक्षधारणात्पादमर्धं वै भूतिधारणात्

śivasya bhaktyā pūjā hi janmamuktikarī nṛṇām rudrākṣadhāraṇātpādamardhaṁ vai bhūtidhāraṇāt

Worship of Shiva performed with devotion grants men liberation from the cycle of birth. From wearing rudraksha, a quarter of the merit; from wearing sacred ash, indeed a half —

Verse 116 (shiva.vidyeshvara.16.116)

त्रिपादं मन्त्रजाप्याच्च पूजया पूर्णभक्तिमान् । शिवलिङ्गं च भक्तं च पूज्य मोक्षं लभेन्नरः

tripādaṁ mantrajāpyācca pūjayā pūrṇabhaktimān śivaliṅgaṁ ca bhaktaṁ ca pūjya mokṣaṁ labhennaraḥ

— from the recitation of mantra, three-quarters; and through worship performed with complete devotion — worshipping both the Shivalinga and the devotee of Shiva — a man obtains liberation.

Verse 117 (shiva.vidyeshvara.16.117)

य इमं पठतेऽध्यायं शृणुयाद्वा समाहितः । तस्यैव शिवभक्तिश्च वर्धते सुदृढा द्विजाः

ya imaṁ paṭhate'dhyāyaṁ śṛṇuyādvā samāhitaḥ tasyaiva śivabhaktiśca vardhate sudṛḍhā dvijāḥ

O twice-born, whoever, with focused attention, reads this chapter or listens to it — for him alone devotion to Shiva grows firm and strong.