The Rite of Shiva Worship

Verse 1 (shiva.rudra.11.1)

ऋषय ऊचुः । सूत सूत महाभाग व्यासशिष्य नमोऽस्तु ते । श्राविताद्याद्भुता शैवी कथा परमपावनी

ṛṣaya ūcuḥ | sūta sūta mahābhāga vyāsaśiṣya namo'stu te | śrāvitādyādbhutā śaivī kathā paramapāvanī

The sages said: O Suta, Suta, greatly fortunate one, disciple of Vyasa, salutations to you! You have made us hear this wondrous, supremely purifying Shaiva narrative.

Verse 2 (shiva.rudra.11.2)

तत्राद्भुता महादिव्या लिङ्गोत्पत्तिः श्रुता शुभा । श्रुत्वा यस्याः प्रभावं च दुःखनाशो भवेदिह

tatrādbhutā mahādivyā liṅgotpattiḥ śrutā śubhā | śrutvā yasyāḥ prabhāvaṁ ca duḥkhanāśo bhavediha

In it we have heard the wondrous, most divine and auspicious origin of the linga, hearing whose glory alone sorrow is destroyed in this world.

Verse 3 (shiva.rudra.11.3)

ब्रह्मनारदसंवादमनुसृत्य दयानिधे । शिवार्चनविधिं ब्रूहि येन तुष्टो भवेच्छिवः

brahmanāradasaṁvādamanusṛtya dayānidhe | śivārcanavidhiṁ brūhi yena tuṣṭo bhavecchivaḥ

O treasury of compassion, following the dialogue between Brahma and Narada, tell us the rite of worshipping Shiva, by which Shiva becomes pleased.

Verse 4 (shiva.rudra.11.4)

ब्राह्मणैः क्षत्रियैर्वैश्यैः शूद्रैर्वा पूज्यते शिवः । कथं कार्यं च तद् ब्रूहि यथा व्यासमुखाच्छ्रुतम्

brāhmaṇaiḥ kṣatriyairvaiśyaiḥ śūdrairvā pūjyate śivaḥ | kathaṁ kāryaṁ ca tad brūhi yathā vyāsamukhācchrutam

How is Shiva worshipped by Brahmins, Kshatriyas, Vaishyas, or Shudras — tell us how it should be done, just as you heard it from the mouth of Vyasa.

Verse 5 (shiva.rudra.11.5)

तच्छ्रुत्वा वचनं तेषां शर्मदं श्रुतिसम्मतम् । उवाच सकलं प्रीत्या मुनिप्रश्नानुसारतः

tacchrutvā vacanaṁ teṣāṁ śarmadaṁ śrutisammatam | uvāca sakalaṁ prītyā munipraśnānusārataḥ

Hearing their words, which brought well-being and were sanctioned by the Vedas, he told everything with affection, in keeping with the sages' question.

Verse 6 (shiva.rudra.11.6)

सूत उवाच । साधु पृष्टं भवद्भिश्च तद्रहस्यं मुनीश्वराः । तदहं कथयाम्यद्य यथाबुद्धि यथाश्रुतम्

sūta uvāca | sādhu pṛṣṭaṁ bhavadbhiśca tadrahasyaṁ munīśvarāḥ | tadahaṁ kathayāmyadya yathābuddhi yathāśrutam

Suta said: Well have you asked, O lords of sages, this secret; I shall now tell it as far as my own understanding and as I have heard it.

Verse 7 (shiva.rudra.11.7)

भवद्भिः पृच्छ्यते यद्वत्तथा व्यासेन वै पुरा । पृष्टं सनत्कुमाराय तच्छ्रुतं ह्युपमन्युना

bhavadbhiḥ pṛcchyate yadvattathā vyāsena vai purā | pṛṣṭaṁ sanatkumārāya tacchrutaṁ hyupamanyunā

Just as you now ask, so too in the past Vyasa asked Sanatkumara, and Upamanyu heard it in turn.

Verse 8 (shiva.rudra.11.8)

ततो व्यासेन वै श्रुत्वा शिवपूजादिकं च यत् । मह्यं च पाठितं तेन लोकानां हितकाम्यया

tato vyāsena vai śrutvā śivapūjādikaṁ ca yat | mahyaṁ ca pāṭhitaṁ tena lokānāṁ hitakāmyayā

Then Vyasa, having heard the manner of Shiva-worship and the rest, taught it also to me, desiring the welfare of the worlds.

Verse 9 (shiva.rudra.11.9)

तच्छ्रुतं चैव कृष्णेन ह्युपमन्योर्महात्मनः । तदहं कथयिष्यामि यथा ब्रह्मावदत्पुरा

tacchrutaṁ caiva kṛṣṇena hyupamanyormahātmanaḥ | tadahaṁ kathayiṣyāmi yathā brahmāvadatpurā

That was heard by Krishna, Dvaipayana Vyasa, from the great soul Upamanyu; I shall now tell it just as Brahma spoke it long ago.

Verse 10 (shiva.rudra.11.10)

ब्रह्मोवाच । शृणु नारद वक्ष्यामि सङ्क्षेपाल्लिङ्गपूजनम् । वक्तुं वर्षशतेनापि न शक्यं विस्तरान्मुने

brahmovāca | śṛṇu nārada vakṣyāmi saṅkṣepālliṅgapūjanam | vaktuṁ varṣaśatenāpi na śakyaṁ vistarānmune

Brahma said: Listen, Narada, I shall tell you the worship of the linga in brief; O sage, even in a hundred years it could not be told in full detail.

Verse 11 (shiva.rudra.11.11)

एवं तु शाङ्करं रूपं सुखं स्वच्छं सनातनम् । पूजयेत्परया भक्त्या सर्वकामफलाप्तये

evaṁ tu śāṅkaraṁ rūpaṁ sukhaṁ svacchaṁ sanātanam | pūjayetparayā bhaktyā sarvakāmaphalāptaye

Thus should the blissful, pure, eternal form of Shankara be worshipped with supreme devotion, for the attainment of the fruit of every desire.

Verse 12 (shiva.rudra.11.12)

दारिद्र्यं रोगदुःखं च पीडनं शत्रुसम्भवम् । पापं चतुर्विधं तावद्यावन्नार्चयते शिवम्

dāridryaṁ rogaduḥkhaṁ ca pīḍanaṁ śatrusambhavam | pāpaṁ caturvidhaṁ tāvadyāvannārcayate śivam

Poverty, the suffering of disease, affliction arising from enemies, and sin — these four remain only for as long as one does not worship Shiva.

Verse 13 (shiva.rudra.11.13)

सम्पूजिते शिवे देवे सर्वदुःखं विलीयते । सम्पद्यते सुखं सर्वं पश्चान्मुक्तिरवाप्यते

sampūjite śive deve sarvaduḥkhaṁ vilīyate | sampadyate sukhaṁ sarvaṁ paścānmuktiravāpyate

When the god Shiva is duly worshipped, all sorrow dissolves; every happiness is attained, and afterward liberation is obtained.

Verse 14 (shiva.rudra.11.14)

यो वै मानुष्यमाश्रित्य मुख्यं सन्तानतः सुखम् । तेन पूज्यो महादेवः सर्वकार्यार्थसाधकः

yo vai mānuṣyamāśritya mukhyaṁ santānataḥ sukham | tena pūjyo mahādevaḥ sarvakāryārthasādhakaḥ

Whoever, having taken up the human state, seeks happiness chiefly through progeny, should worship Mahadeva, the accomplisher of every purpose.

Verse 15 (shiva.rudra.11.15)

ब्राह्मणाः क्षत्रिया वैश्याः शूद्राश्च विधिवत्क्रमात् । शङ्करार्चां प्रकुर्वन्तु सर्वकामार्थसिद्धये

brāhmaṇāḥ kṣatriyā vaiśyāḥ śūdrāśca vidhivatkramāt | śaṅkarārcāṁ prakurvantu sarvakāmārthasiddhaye

Brahmins, Kshatriyas, Vaishyas and Shudras should each, in due order and according to rule, perform the worship of Shankara, for the fulfillment of every desire and purpose.

Verse 16 (shiva.rudra.11.16)

प्रातःकाले समुत्थाय मुहूर्ते ब्रह्मसंज्ञके । गुरोश्च स्मरणं कृत्वा शम्भोश्चैव तथा पुनः

prātaḥkāle samutthāya muhūrte brahmasaṁjñake | gurośca smaraṇaṁ kṛtvā śambhoścaiva tathā punaḥ

Rising in the early morning at the hour called Brahma-muhurta, having first remembered one's guru, and then Shambhu again —

Verse 17 (shiva.rudra.11.17)

तीर्थानां स्मरणं कृत्वा ध्यानं चैव हरेरपि । ममापि निर्जराणां वै मुन्यादीनां तथा मुने

tīrthānāṁ smaraṇaṁ kṛtvā dhyānaṁ caiva harerapi | mamāpi nirjarāṇāṁ vai munyādīnāṁ tathā mune

having remembered the sacred fords, and meditated also upon Hari, and upon me, the immortals, and the sages, O sage —

Verse 18 (shiva.rudra.11.18)

ततः स्तोत्रं शम्भुनाम गृह्णीयाद्विधिपूर्वकम् । ततोत्थाय मलोत्सर्गं दक्षिणस्यां चरेद्दिशि

tataḥ stotraṁ śambhunāma gṛhṇīyādvidhipūrvakam | tatotthāya malotsargaṁ dakṣiṇasyāṁ careddiśi

then one should recite, according to rule, a hymn of Shambhu's names; then, rising, one should go toward the south to relieve oneself.

Verse 19 (shiva.rudra.11.19)

एकान्ते तु विधिं कुर्यान्मलोत्सर्गस्य यच्छ्रुतम् । तदेव कथयाम्यद्य शृण्वाधाय मनो मुने

ekānte tu vidhiṁ kuryānmalotsargasya yacchrutam | tadeva kathayāmyadya śṛṇvādhāya mano mune

In solitude one should follow the rule for relieving oneself as it has been transmitted; that very rule I now tell — listen, O sage, with your mind fixed.

Verse 20 (shiva.rudra.11.20)

शुद्धां मृदं द्विजो लिप्यात्पञ्चवारं विशुद्धये । क्षत्रियश्च चतुर्वारं वैश्यो वारत्रयं तथा

śuddhāṁ mṛdaṁ dvijo lipyātpañcavāraṁ viśuddhaye | kṣatriyaśca caturvāraṁ vaiśyo vāratrayaṁ tathā

A twice-born should apply pure clay five times for purification; a Kshatriya four times, and a Vaishya three times.

Verse 21 (shiva.rudra.11.21)

शूद्रो द्विवारं च मृदं गृह्णीयाद्विधिशुद्धये । गुदे वाथ सकृल्लिङ्गे वारमेकं प्रयत्नतः

śūdro dvivāraṁ ca mṛdaṁ gṛhṇīyādvidhiśuddhaye | gude vātha sakṛlliṅge vāramekaṁ prayatnataḥ

A Shudra should take clay twice for ritual purification; once on the anus, and once, with care, on the organ.

Verse 22 (shiva.rudra.11.22)

दशवारं वामहस्ते सप्तवारं द्वयोस्तथा । प्रत्येकं पादयोस्तात त्रिवारं करयोः पुनः

daśavāraṁ vāmahaste saptavāraṁ dvayostathā | pratyekaṁ pādayostāta trivāraṁ karayoḥ punaḥ

Ten times on the left hand, and seven times upon both hands together; O son, three times on each foot, and again three times on the hands.

Verse 23 (shiva.rudra.11.23)

स्त्रीभिश्च शूद्रवत्कार्यं मृदाग्रहणमुत्तमम् । हस्तौ पादौ च प्रक्षाल्य पूर्ववन्मृदमाहरेत्

strībhiśca śūdravatkāryaṁ mṛdāgrahaṇamuttamam | hastau pādau ca prakṣālya pūrvavanmṛdamāharet

By women too this excellent taking of clay should be done as for a Shudra; having washed the hands and feet, one should take clay as before.

Verse 24 (shiva.rudra.11.24)

दन्तकाष्ठं ततः कुर्यात्स्ववर्णक्रमतो नरः

dantakāṣṭhaṁ tataḥ kuryātsvavarṇakramato naraḥ

Then a man should use the tooth-twig according to the order proper to his own varna.

Verse 25 (shiva.rudra.11.25)

विप्रः कुर्याद्दन्तकाष्ठं द्वादशाङ्गुलमानतः । एकादशाङ्गुलं राजा वैश्यः कुर्याद्दशाङ्गुलम्

vipraḥ kuryāddantakāṣṭhaṁ dvādaśāṅgulamānataḥ | ekādaśāṅgulaṁ rājā vaiśyaḥ kuryāddaśāṅgulam

A Brahmin should use a tooth-twig of twelve fingers' measure; a king, one of eleven fingers; a Vaishya should use one of ten fingers.

Verse 26 (shiva.rudra.11.26)

शूद्रो नवाङ्गुलं कुर्यादिति मानमिदं स्मृतम् । कालदोषं विचार्येव मानदुष्टं विवर्जयेत्

śūdro navāṅgulaṁ kuryāditi mānamidaṁ smṛtam | kāladoṣaṁ vicāryeva mānaduṣṭaṁ vivarjayet

A Shudra should use one of nine fingers — this measure has been so remembered; considering the fault of the time, one should avoid a twig defective in measure.

Verse 27 (shiva.rudra.11.27)

षष्ट्याद्यामश्च नवमी व्रतमस्तं रवेर्दिनम् । तथा श्राद्धदिनं तात निषिद्धं रदधावने

ṣaṣṭyādyāmaśca navamī vratamastaṁ raverdinam | tathā śrāddhadinaṁ tāta niṣiddhaṁ radadhāvane

The sixth tithi and its kind, the twilight hour, the ninth tithi, a day of vow, sunset, and, O son, the day of shraddha — on all these the tooth-twig is forbidden.

Verse 28 (shiva.rudra.11.28)

स्नानं तु विधिवत्कार्यं तीर्थादिषु क्रमेण तु । देशकालविशेषेण स्नानं कार्यं समन्त्रकम्

snānaṁ tu vidhivatkāryaṁ tīrthādiṣu krameṇa tu | deśakālaviśeṣeṇa snānaṁ kāryaṁ samantrakam

The bath should be performed according to rule, in due order, at sacred fords and the like; suited to the particular place and time, it should be accompanied by mantras.

Verse 29 (shiva.rudra.11.29)

आचम्य प्रथमं तत्र धौतवस्त्राणि धारयेत् । एकान्ते सुस्थले स्थित्वा सन्ध्याविधिमथाचरेत्

ācamya prathamaṁ tatra dhautavastrāṇi dhārayet | ekānte susthale sthitvā sandhyāvidhimathācaret

First sipping water there for purification, one should wear washed garments; sitting in solitude in a good place, one should then perform the rite of sandhya.

Verse 30 (shiva.rudra.11.30)

यथायोग्यं विधिं कृत्वा पूजाविधिमथारभेत् । मनस्तु सुस्थिरं कृत्वा पूजागारं प्रविश्य च

yathāyogyaṁ vidhiṁ kṛtvā pūjāvidhimathārabhet | manastu susthiraṁ kṛtvā pūjāgāraṁ praviśya ca

Having performed the rite as is proper, one should then begin the rite of worship; steadying the mind well, and entering the room of worship —

Verse 31 (shiva.rudra.11.31)

पूजाविधिं समादाय स्वासने ह्युपविश्य वै । न्यासादिकं विधायादौ पूजयेत् क्रमशो हरम्

pūjāvidhiṁ samādāya svāsane hyupaviśya vai | nyāsādikaṁ vidhāyādau pūjayet kramaśo haram

taking up the articles of worship and sitting on one's own seat, having first performed nyasa and the rest, one should worship Hara in due order.

Verse 32 (shiva.rudra.11.32)

प्रथमं च गणाधीशं द्वारपालांस्तथैव च । दिक्पालांश्च सुसम्पूज्य पश्चात्पीठं प्रकल्पयेत्

prathamaṁ ca gaṇādhīśaṁ dvārapālāṁstathaiva ca | dikpālāṁśca susampūjya paścātpīṭhaṁ prakalpayet

First worshipping well the Lord of the Ganas, and likewise the door-guardians and the guardians of the directions, one should thereafter prepare the pedestal.

Verse 33 (shiva.rudra.11.33)

अथवाष्टदलं कृत्वा पूजाद्रव्यं समीपतः । उपविश्य ततस्तत्र उपवेश्य शिवं प्रभुम्

athavāṣṭadalaṁ kṛtvā pūjādravyaṁ samīpataḥ | upaviśya tatastatra upaveśya śivaṁ prabhum

Or else, drawing an eight-petaled lotus, with the articles of worship close at hand, sitting there, and seating the Lord Shiva upon it —

Verse 34 (shiva.rudra.11.34)

आचमनत्रयं कृत्वा प्रक्षाल्य च पुनः करौ । प्राणायामत्रयं कृत्वा मध्ये ध्यायेच्च त्र्यम्बकम्

ācamanatrayaṁ kṛtvā prakṣālya ca punaḥ karau | prāṇāyāmatrayaṁ kṛtvā madhye dhyāyecca tryambakam

performing three sippings of water, washing the hands again, and performing three pranayamas, one should then, in the midst, meditate on the three-eyed Lord.

Verse 35 (shiva.rudra.11.35)

पञ्चवक्त्रं दशभुजं शुद्धस्फटिकसन्निभम् । सर्वाभरणसंयुक्तं व्याघ्रचर्मोत्तरीयकम्

pañcavaktraṁ daśabhujaṁ śuddhasphaṭikasannibham | sarvābharaṇasaṁyuktaṁ vyāghracarmottarīyakam

Five-faced, ten-armed, resembling pure crystal, adorned with every ornament, wearing a tiger-skin as his upper garment —

Verse 36 (shiva.rudra.11.36)

तस्य सारूप्यतां स्मृत्वा दहेत्पापं नरः सदा । शिवं ततः समुत्थाप्य पूजयेत्परमेश्वरम्

tasya sārūpyatāṁ smṛtvā dahetpāpaṁ naraḥ sadā | śivaṁ tataḥ samutthāpya pūjayetparameśvaram

remembering that very form, a man should ever burn away his sin; then, having invoked Shiva, one should worship the Supreme Lord.

Verse 37 (shiva.rudra.11.37)

देहशुद्धिं ततः कृत्वा मूलमन्त्रं न्यसेत्क्रमात् । सर्वत्र प्रणवेनैव षडङ्गन्यासमाचरेत्

dehaśuddhiṁ tataḥ kṛtvā mūlamantraṁ nyasetkramāt | sarvatra praṇavenaiva ṣaḍaṅganyāsamācaret

Then, having purified the body, one should place the root-mantra in due order; everywhere with the pranava alone one should perform the six-limbed nyasa.

Verse 38 (shiva.rudra.11.38)

कृत्वा हृदि प्रयोगं च ततः पूजां समारभेत् । पाद्यार्घाचमनार्थं च पात्राणि च प्रकल्पयेत्

kṛtvā hṛdi prayogaṁ ca tataḥ pūjāṁ samārabhet | pādyārghācamanārthaṁ ca pātrāṇi ca prakalpayet

Having done the application in the heart, one should then begin the worship, and prepare the vessels for the water of the feet, the offering, and the sipping.

Verse 39 (shiva.rudra.11.39)

स्थापयेद्विविधान्कुम्भान्नव धीमान्यथाविधि । दर्भैराच्छाद्य तैरेव संस्थाप्याभ्युक्ष्य वारिणा

sthāpayedvividhānkumbhānnava dhīmānyathāvidhi | darbhairācchādya taireva saṁsthāpyābhyukṣya vāriṇā

The wise one should set up nine various pitchers according to rule, covering them with kusha grass, establishing them, and sprinkling them with water.

Verse 40 (shiva.rudra.11.40)

तेषु तेषु च सर्वेषु क्षिपेत्तोयं सुशीतलम् । प्रणवेन क्षिपेत्तेषु द्रव्याण्यालोक्य बुद्धिमान्

teṣu teṣu ca sarveṣu kṣipettoyaṁ suśītalam | praṇavena kṣipetteṣu dravyāṇyālokya buddhimān

Into each of them cool water should be poured; the wise one, having examined the substances, should place them within with the pranava.

Verse 41 (shiva.rudra.11.41)

उशीरं चन्दनं चैव पाद्ये तु परिकल्पयेत् । जातीकङ्कोलकर्पूरवटमूलतमालकम्

uśīraṁ candanaṁ caiva pādye tu parikalpayet | jātīkaṅkolakarpūravaṭamūlatamālakam

Fragrant khus-root and sandalwood should be prepared for the foot-water; jasmine, kankola berries, camphor, banyan-root and tamala —

Verse 42 (shiva.rudra.11.42)

चूर्णयित्वा यथान्यायं क्षिपेदाचमनीयके । एतत्सर्वेषु पात्रेषु दापयेच्चन्दनान्वितम्

cūrṇayitvā yathānyāyaṁ kṣipedācamanīyake | etatsarveṣu pātreṣu dāpayeccandanānvitam

powdering these properly, one should mix them into the sipping-water; this, together with sandalwood, should be added to all the vessels.

Verse 43 (shiva.rudra.11.43)

पार्श्वयोर्देवदेवस्य नन्दीशं तु समर्चयेत् । गन्धैर्धूपैस्तथा दीपैर्विविधैः पूजयेच्छिवम्

pārśvayordevadevasya nandīśaṁ tu samarcayet | gandhairdhūpaistathā dīpairvividhaiḥ pūjayecchivam

At the side of the God of gods, Nandisha should be duly worshipped; with fragrant substances, incense, and various lamps one should worship Shiva.

Verse 44 (shiva.rudra.11.44)

लिङ्गशुद्धिं ततः कृत्वा मुदा युक्तो नरस्तदा । यथोचितं तु मन्त्रौघैः प्रणवादिर्नमोऽन्तकैः

liṅgaśuddhiṁ tataḥ kṛtvā mudā yukto narastadā | yathocitaṁ tu mantraughaiḥ praṇavādirnamo'ntakaiḥ

Then, having purified the linga, the man, filled with joy, with due mantras beginning with the pranava and ending in namaḥ —

Verse 45 (shiva.rudra.11.45)

कल्पयेदासनं स्वस्तिपद्मादि प्रणवेन तु । तस्मात्पूर्वदिशं साक्षादणिमामयमक्षरम्

kalpayedāsanaṁ svastipadmādi praṇavena tu | tasmātpūrvadiśaṁ sākṣādaṇimāmayamakṣaram

should form the seat, the svastika, the lotus and the like with the pranava; from that, in the eastern direction, one should place the imperishable syllable that is the very form of Anima.

Verse 46 (shiva.rudra.11.46)

लघिमा दक्षिणं चैव महिमा पश्चिमं तथा । प्राप्तिश्चैवोत्तरं पत्रं प्राकाम्यं पावकस्य च

laghimā dakṣiṇaṁ caiva mahimā paścimaṁ tathā | prāptiścaivottaraṁ patraṁ prākāmyaṁ pāvakasya ca

Laghima in the south, and likewise Mahima in the west; Prapti on the northern petal, and Prakamya in the direction of Agni.

Verse 47 (shiva.rudra.11.47)

ईशित्वं नैरृतं पत्रं वशित्वं वायुगोचरे । सर्वज्ञत्वं तथैशान्यं कर्णिका सोम उच्यते

īśitvaṁ nairṛtaṁ patraṁ vaśitvaṁ vāyugocare | sarvajñatvaṁ tathaiśānyaṁ karṇikā soma ucyate

Ishitva on the Nairritya petal, Vashitva in the region of Vayu; Sarvajnatva likewise in the Ishanya, and the pericarp is said to be Soma.

Verse 48 (shiva.rudra.11.48)

सोमस्याधस्तथा सूर्यस्तस्याधः पावकस्त्वयम् । धर्मादीनपि तस्याधो भवतः कल्पयेत् क्रमात्

somasyādhastathā sūryastasyādhaḥ pāvakastvayam | dharmādīnapi tasyādho bhavataḥ kalpayet kramāt

Below Soma is the Sun, and below that this Agni; below that again, Dharma and the rest should be established in due order.

Verse 49 (shiva.rudra.11.49)

अव्यक्तादि चतुर्दिक्षु सोमस्यान्ते गुणत्रयम् । सद्योजातं प्रपद्यामीत्यावाह्य परमेश्वरम्

avyaktādi caturdikṣu somasyānte guṇatrayam | sadyojātaṁ prapadyāmītyāvāhya parameśvaram

Establishing the Unmanifest and the rest in the four directions, and the three gunas at the end upon Soma, and invoking the Supreme Lord with sadyojātaṁ prapadyāmi —

Verse 50 (shiva.rudra.11.50)

वामदेवेन मन्त्रेण तिष्ठेच्चैवासनोपरि । सान्निध्यं रुद्रगायत्र्या अघोरेण निरोधयेत्

vāmadevena mantreṇa tiṣṭheccaivāsanopari | sānnidhyaṁ rudragāyatryā aghoreṇa nirodhayet

with the Vamadeva mantra he should be made to remain seated upon the seat; his presence should be drawn near with the Rudra-Gayatri, and secured there with the Aghora mantra.

Verse 51 (shiva.rudra.11.51)

ईशानः सर्वविद्यानामिति मन्त्रेण पूजयेत् । पाद्यमाचनीयं च विधायार्घ्यं प्रदापयेत्

īśānaḥ sarvavidyānāmiti mantreṇa pūjayet | pādyamācanīyaṁ ca vidhāyārghyaṁ pradāpayet

With the mantra beginning īśānaḥ sarvavidyānām one should worship; having offered the water for the feet and for sipping, one should present the arghya.

Verse 52 (shiva.rudra.11.52)

स्थापयेद्विधिना रुद्रं गन्धचन्दनवारिणा । पञ्चगव्यविधानेन गृह्यपात्रेऽभिमन्त्र्य च ॥

sthāpayedvidhinā rudraṁ gandhacandanavāriṇā | pañcagavyavidhānena gṛhyapātre'bhimantrya ca ||

One should establish Rudra according to rule with fragrant, sandalwood-scented water; and, consecrating the vessel with mantras by the rite of the five products of the cow —

Verse 53 (shiva.rudra.11.53)

प्रणवेनैव गव्येन स्नापयेत्पयसा च तम् । दध्ना च मधुना चैव तथा चेक्षुरसेन तु

praṇavenaiva gavyena snāpayetpayasā ca tam | dadhnā ca madhunā caiva tathā cekṣurasena tu

with the pranava alone one should bathe him with the products of the cow — with milk, curds, honey, and likewise with sugarcane juice.

Verse 54 (shiva.rudra.11.54)

घृतेन तु तथा पूज्यं सर्वकामहितावहम् । पुण्यैर्द्रव्यैर्महादेवं प्रणवेनाभिषेचयेत्

ghṛtena tu tathā pūjyaṁ sarvakāmahitāvaham | puṇyairdravyairmahādevaṁ praṇavenābhiṣecayet

And likewise with ghee, one should anoint venerable Mahadeva, who brings good to every desire, with sacred substances and the pranava.

Verse 55 (shiva.rudra.11.55)

पवित्रजलभाण्डेषु मन्त्रैः तोयं क्षिपेत्ततः । शुद्धीकृत्य यथान्यायं सितवस्त्रेण साधकः

pavitrajalabhāṇḍeṣu mantraiḥ toyaṁ kṣipettataḥ | śuddhīkṛtya yathānyāyaṁ sitavastreṇa sādhakaḥ

Then, into vessels of pure water, the practitioner should pour water together with mantras, having purified it properly and strained it through white cloth.

Verse 56 (shiva.rudra.11.56)

तावद् दूरं न कर्तव्यं न यावच्चन्दनं क्षिपेत् । तन्दुलैः सुन्दरैस्तत्र पूजयेच्छङ्करं मुदा

tāvad dūraṁ na kartavyaṁ na yāvaccandanaṁ kṣipet | tandulaiḥ sundaraistatra pūjayecchaṅkaraṁ mudā

One should not go far until sandalwood has been offered; there, with beautiful rice grains, one should worship Shankara with joy.

Verse 57 (shiva.rudra.11.57)

कुशापामार्गकर्पूरजातिचम्पकपाटलैः । करवीरैः सितैश्चैव मल्लिकाकमलोत्पलैः

kuśāpāmārgakarpūrajāticampakapāṭalaiḥ | karavīraiḥ sitaiścaiva mallikākamalotpalaiḥ

With kusha grass, apamarga, camphor, jasmine, champaka, patala, oleander, white flowers, mallika, lotus, and blue lotus —

Verse 58 (shiva.rudra.11.58)

अपूर्वपुष्पैर्विविधैश्चन्दनाद्यैस्तथैव च । जलेन जलधारां च कल्पयेत्परमेश्वरे

apūrvapuṣpairvividhaiścandanādyaistathaiva ca | jalena jaladhārāṁ ca kalpayetparameśvare

with rare and various flowers, and likewise sandalwood and the rest, one should offer, with water, a flowing stream upon the Supreme Lord.

Verse 59 (shiva.rudra.11.59)

पात्रैश्च विविधैर्देवं स्नापयेच्च महेश्वरम् । मन्त्रपूर्वं प्रकर्तव्या पूजा सर्वफलप्रदा

pātraiśca vividhairdevaṁ snāpayecca maheśvaram | mantrapūrvaṁ prakartavyā pūjā sarvaphalapradā

With various vessels the god Maheshvara should be bathed; this worship, which grants every fruit, should be performed preceded by mantras.

Verse 60 (shiva.rudra.11.60)

मन्त्रांश्च तुभ्यं तांस्तात सर्वकामार्थसिद्धये । प्रवक्ष्यामि समासेन सावधानतया शृणु

mantrāṁśca tubhyaṁ tāṁstāta sarvakāmārthasiddhaye | pravakṣyāmi samāsena sāvadhānatayā śṛṇu

O son, I shall now tell you, in brief, those mantras for the fulfillment of every desire and purpose; listen with attention.

Verse 61 (shiva.rudra.11.61)

पवमानेन मन्त्रेण तथा वाङ्मयकेन च । रुद्रेण नीलरुद्रेण सुशुक्लेन शुभेन च

pavamānena mantreṇa tathā vāṅmayakena ca | rudreṇa nīlarudreṇa suśuklena śubhena ca

With the Pavamana mantra, and likewise with the Vangmayaka; with Rudra, Nilarudra, and the auspicious Sushukla —

Verse 62 (shiva.rudra.11.62)

होतारेण तथा शीर्ष्णा शुभेनाथर्वणेन च । शान्त्या वाथ पुनः शान्त्या भारुण्डेनारुणेन च

hotāreṇa tathā śīrṣṇā śubhenātharvaṇena ca | śāntyā vātha punaḥ śāntyā bhāruṇḍenāruṇena ca

with the Hotra, and the Shirsha, and the auspicious Atharvana hymn; with Shanti, and again with Shanti, with Bharunda and Aruna —

Verse 63 (shiva.rudra.11.63)

अर्थाभीष्टेन साम्ना च तथा देवव्रतेन च

arthābhīṣṭena sāmnā ca tathā devavratena ca

with the Arthabhishta Saman, and likewise with the Devavrata —

Verse 64 (shiva.rudra.11.64)

रथन्तरेण पुष्पेण सूक्तेन पुरुषेण च । मृत्युञ्जयेन मन्त्रेण तथा पञ्चाक्षरेण च

rathantareṇa puṣpeṇa sūktena puruṣeṇa ca | mṛtyuñjayena mantreṇa tathā pañcākṣareṇa ca

with the Rathantara, the Pushpa Sukta, and the Purusha Sukta; with the Mrityunjaya mantra, and likewise the five-syllabled Panchakshara —

Verse 65 (shiva.rudra.11.65)

जलधाराः सहस्रेण शतेनैकोत्तरेण वा । कर्तव्या वेदमार्गेण नामभिर्वाथ वा पुनः

jaladhārāḥ sahasreṇa śatenaikottareṇa vā | kartavyā vedamārgeṇa nāmabhirvātha vā punaḥ

streams of water should be offered a thousand times, or a hundred and one times, following the Vedic path, or else again by the thousand names.

Verse 66 (shiva.rudra.11.66)

ततश्चन्दनपुष्पादि रोपणीयं शिवोपरि । दापयेत्प्रणवेनैव मुखवासादिकं तथा

tataścandanapuṣpādi ropaṇīyaṁ śivopari | dāpayetpraṇavenaiva mukhavāsādikaṁ tathā

Then sandalwood, flowers and the like should be offered upon Shiva; and, with the pranava alone, mouth-fresheners and the like should also be presented.

Verse 67 (shiva.rudra.11.67)

ततः स्फटिकसङ्काशं देवं निष्कलमक्षयम् । कारणं सर्वलोकानां सर्वलोकमयं परम्

tataḥ sphaṭikasaṅkāśaṁ devaṁ niṣkalamakṣayam | kāraṇaṁ sarvalokānāṁ sarvalokamayaṁ param

Then one should meditate upon the god who resembles crystal, who is without parts, imperishable, the cause of all the worlds, the supreme one made of all the worlds —

Verse 68 (shiva.rudra.11.68)

ब्रह्मेन्द्रोपेन्द्रविष्ण्वाद्यैरपि देवैरगोचरम् । वेदविद्भिर्हि वेदान्ते त्वगोचरमिति स्मृतम्

brahmendropendraviṣṇvādyairapi devairagocaram | vedavidbhirhi vedānte tvagocaramiti smṛtam

who is beyond the reach even of gods such as Brahma, Indra, Upendra and Vishnu, and who, by the knowers of the Veda, is declared in the Vedanta itself to be beyond reach.

Verse 69 (shiva.rudra.11.69)

आदिमध्यान्तरहितं भेषजं सर्वरोगिणाम् । शिवतत्त्वमिति ख्यातं शिवलिङ्गं व्यवस्थितम्

ādimadhyāntarahitaṁ bheṣajaṁ sarvarogiṇām | śivatattvamiti khyātaṁ śivaliṅgaṁ vyavasthitam

Without beginning, middle, or end, the very medicine for all who are diseased — known as the principle of Shiva itself, established in the form of the Shiva-linga.

Verse 70 (shiva.rudra.11.70)

प्रणवेनैव मन्त्रेण पूजयेल्लिङ्गमूर्द्धनि । धूपैर्दीपैश्च नैवेद्यैस्ताम्बूलैः सुन्दरैस्तथा

praṇavenaiva mantreṇa pūjayelliṅgamūrddhani | dhūpairdīpaiśca naivedyaistāmbūlaiḥ sundaraistathā

With the pranava mantra alone the crown of the linga should be worshipped; and likewise with incense, lamps, food-offerings, and beautiful betel-leaf.

Verse 71 (shiva.rudra.11.71)

नीराजनेन रम्येण यथोक्तविधिना ततः । नमस्कारैः स्तवैश्चान्यैर्मन्त्रैर्नानाविधैरपि

nīrājanena ramyeṇa yathoktavidhinā tataḥ | namaskāraiḥ stavaiścānyairmantrairnānāvidhairapi

Then, with a beautiful waving of lamps performed as prescribed, with prostrations, and with other hymns and various mantras —

Verse 72 (shiva.rudra.11.72)

अर्घ्यं दत्त्वा तु पुष्पाणि पादयोः सुविकीर्य च । प्रणिपत्य च देवेशमात्मनाराधयेच्छिवम्

arghyaṁ dattvā tu puṣpāṇi pādayoḥ suvikīrya ca | praṇipatya ca deveśamātmanārādhayecchivam

offering arghya, scattering flowers well at his feet, and prostrating oneself, one should worship Shiva, the Lord of gods, with one's whole being.

Verse 73 (shiva.rudra.11.73)

हस्ते गृहीत्वा पुष्पाणि समुत्थाय कृताञ्जलिः । प्रार्थयेत्पुनरीशानं मन्त्रेणानेन शङ्करम्

haste gṛhītvā puṣpāṇi samutthāya kṛtāñjaliḥ | prārthayetpunarīśānaṁ mantreṇānena śaṅkaram

Taking flowers in hand, rising, with joined palms, one should again pray to Ishana, to Shankara, with this mantra.

Verse 74 (shiva.rudra.11.74)

अज्ञानाद्यदि वा ज्ञानाज्जपपूजादिकं मया । कृतं तदस्तु सफलं कृपया तव शङ्कर

ajñānādyadi vā jñānājjapapūjādikaṁ mayā | kṛtaṁ tadastu saphalaṁ kṛpayā tava śaṅkara

"Whatever japa, worship and the rest I have performed, whether out of ignorance or out of knowledge — by your grace, O Shankara, may it become fruitful."

Verse 75 (shiva.rudra.11.75)

पठित्वैवं च पुष्पाणि शिवोपरि मुदा न्यसेत् । ततः स्वस्त्ययनं कृत्वा ह्याशिषो विविधास्तथा

paṭhitvaivaṁ ca puṣpāṇi śivopari mudā nyaset | tataḥ svastyayanaṁ kṛtvā hyāśiṣo vividhāstathā

Having recited this, one should joyfully place flowers upon Shiva; then, performing the rite of benediction and pronouncing various blessings —

Verse 76 (shiva.rudra.11.76)

मार्जनं तु ततः कार्यं शिवस्योपरि वै पुनः । नमस्कारं ततः क्षान्तिं पुनरागमनाय च

mārjanaṁ tu tataḥ kāryaṁ śivasyopari vai punaḥ | namaskāraṁ tataḥ kṣāntiṁ punarāgamanāya ca

then a purifying sprinkling should again be done upon Shiva; then prostration, then a plea for forgiveness, and a prayer for his return once more.

Verse 77 (shiva.rudra.11.77)

अघोरमन्त्रमुच्चार्य नमस्कारं प्रकल्पयेत् । प्रार्थयेच्च पुनस्तत्र सर्वभावसमन्वितः

aghoramantramuccārya namaskāraṁ prakalpayet | prārthayecca punastatra sarvabhāvasamanvitaḥ

Uttering the Aghora mantra, one should offer prostration; and, filled there with every devout feeling, one should pray once again.

Verse 78 (shiva.rudra.11.78)

शिवे भक्तिः शिवे भक्तिः शिवे भक्तिर्भवे भवे । अन्यथा शरणं नास्ति त्वमेव शरणं मम

śive bhaktiḥ śive bhaktiḥ śive bhaktirbhave bhave | anyathā śaraṇaṁ nāsti tvameva śaraṇaṁ mama

"Devotion to Shiva, devotion to Shiva, devotion to Shiva, birth after birth! There is no other refuge; you alone are my refuge."

Verse 79 (shiva.rudra.11.79)

इति सम्प्रार्थ्य देवेशं सर्वसिद्धिप्रदायकम् । पूजयेत्परया भक्त्या गलनादैर्विशेषतः

iti samprārthya deveśaṁ sarvasiddhipradāyakam | pūjayetparayā bhaktyā galanādairviśeṣataḥ

Having thus prayed to the Lord of gods, the giver of every attainment, one should worship him with supreme devotion, and especially with resounding cries of praise.

Verse 80 (shiva.rudra.11.80)

नमस्कारं ततः कृत्वा परिवारगणैः सह । प्रहर्षमतुलं लब्ध्वा कार्यं कुर्याद्यथासुखम्

namaskāraṁ tataḥ kṛtvā parivāragaṇaiḥ saha | praharṣamatulaṁ labdhvā kāryaṁ kuryādyathāsukham

Then, offering prostration together with the attendant deities, and having obtained incomparable joy, one should go about one's own affairs at ease.

Verse 81 (shiva.rudra.11.81)

एवं यः पूजयेन्नित्यं शिवभक्तिपरायणः । तस्य वै सकला सिद्धिर्जायते तु पदे पदे

evaṁ yaḥ pūjayennityaṁ śivabhaktiparāyaṇaḥ | tasya vai sakalā siddhirjāyate tu pade pade

Whoever, thus devoted to Shiva-bhakti, worships daily in this way, for him every attainment arises at every step.

Verse 82 (shiva.rudra.11.82)

वाग्मी स जायते तस्य मनोऽभीष्टफलं ध्रुवम् । रोगं दुःखं च शोकं च ह्युद्वेगं कृत्रिमं तथा

vāgmī sa jāyate tasya mano'bhīṣṭaphalaṁ dhruvam | rogaṁ duḥkhaṁ ca śokaṁ ca hyudvegaṁ kṛtrimaṁ tathā

He becomes eloquent; the fruit desired by his mind surely comes to him; disease, sorrow and grief, agitation, and harm brought about by artifice —

Verse 83 (shiva.rudra.11.83)

कौटिल्यं च गरं चैव यद्यदुःखमुपस्थितम् । तद्दुःखं नाशयत्येव शिवः शिवकरः परः

kauṭilyaṁ ca garaṁ caiva yadyaduḥkhamupasthitam | tadduḥkhaṁ nāśayatyeva śivaḥ śivakaraḥ paraḥ

deceit, poison, and whatever sorrow presents itself — all such sorrow is destroyed by Shiva, the supreme bringer of auspiciousness.

Verse 84 (shiva.rudra.11.84)

कल्याणं जायते तस्य शुक्लपक्षे यथा शशी । वर्धते सद्गुणस्तत्र ध्रुवं शङ्करपूजनात्

kalyāṇaṁ jāyate tasya śuklapakṣe yathā śaśī | vardhate sadguṇastatra dhruvaṁ śaṅkarapūjanāt

His welfare grows like the moon in the bright fortnight; through the worship of Shankara, his good qualities surely go on increasing.

Verse 85 (shiva.rudra.11.85)

इति पूजाविधिः शम्भोः प्रोक्तस्ते मुनिसत्तम । अतः परं च शुश्रूषुः किं प्रष्टासि च नारद

iti pūjāvidhiḥ śambhoḥ proktaste munisattama | ataḥ paraṁ ca śuśrūṣuḥ kiṁ praṣṭāsi ca nārada

Thus, O best of sages, has the rite of worship of Shambhu been declared to you. What more, O Narada, eager to hear, will you ask beyond this?