The Slaying of Tarakasura, and the Gods' Celebration

Verse 1 (shiva.rudra.128.1)

ब्रह्मोवाच निवार्य वीरभद्रं तं कुमारः परवीरहा । समैच्छत्तारकवधं स्मृत्वा शिवपदाम्बुजौ

brahmovāca nivārya vīrabhadraṁ taṁ kumāraḥ paravīrahā samaicchattārakavadhaṁ smṛtvā śivapadāmbujau

Having restrained Virabhadra, Kumara, slayer of enemy heroes, himself resolved on Taraka's death, calling to mind the lotus feet of Shiva.

Verse 2 (shiva.rudra.128.2)

जगर्जाथ महातेजाः कार्तिकेयो महाबलः । सन्नद्धः सोऽभवत्क्रुद्धः सैन्येन महता वृतः

jagarjātha mahātejāḥ kārtikeyo mahābalaḥ sannaddhaḥ so'bhavatkruddhaḥ sainyena mahatā vṛtaḥ

The greatly radiant, mighty Kartikeya then roared aloud; armed and enraged, he stood surrounded by a vast army.

Verse 3 (shiva.rudra.128.3)

तदा जय जयेत्युक्तं सर्वैर्देवगणैस्तथा । संस्तुतो वाग्भिरिष्टाभिस्तदैव च सुरर्षिभिः

tadā jaya jayetyuktaṁ sarvairdevagaṇaistathā saṁstuto vāgbhiriṣṭābhistadaiva ca surarṣibhiḥ

Then all the hosts of gods cried out, 'Victory, victory!' and he was praised at that very moment by the divine sages with beloved words.

Verse 4 (shiva.rudra.128.4)

तारकस्य कुमारस्य सङ्ग्रामोऽतीव दुःसहः । जातस्तदा महाघोरः सर्वभूत भयङ्करः

tārakasya kumārasya saṅgrāmo'tīva duḥsahaḥ jātastadā mahāghoraḥ sarvabhūta bhayaṅkaraḥ

Then a battle broke out between Taraka and Kumara, utterly unbearable, exceedingly terrible, striking fear into every being.

Verse 5 (shiva.rudra.128.5)

शक्तिहस्तौ च तौ वीरौ युयुधाते परस्परम् । सर्वेषां पश्यतां तत्र महाश्चर्यवतां मुने

śaktihastau ca tau vīrau yuyudhāte parasparam sarveṣāṁ paśyatāṁ tatra mahāścaryavatāṁ mune

Spear in hand, those two heroes fought each other there, O sage, while all who watched were filled with great wonder.

Verse 6 (shiva.rudra.128.6)

शक्तिनिर्भिन्नदेहौ तौ महासाधनसंयुतौ । परस्परं वञ्चयन्तौ सिंहाविव महाबलौ

śaktinirbhinnadehau tau mahāsādhanasaṁyutau parasparaṁ vañcayantau siṁhāviva mahābalau

Their bodies pierced through by each other's spears, both armed with great weapons, they evaded one another like two mighty lions.

Verse 7 (shiva.rudra.128.7)

वैतालिकं समाश्रित्य तथा खेचरकं मतम् । प्रापतं च समाश्रित्य शक्त्या शक्तिं विजघ्नतुः

vaitālikaṁ samāśritya tathā khecarakaṁ matam prāpataṁ ca samāśritya śaktyā śaktiṁ vijaghnatuḥ

Resorting to the Vaitalika technique, and likewise the Khechara method, and to the Prapata method as well, they struck spear against spear.

Verse 8 (shiva.rudra.128.8)

एभिर्मन्त्रैर्महावीरौ चक्रतुर्युद्धमद्भुतम् । अन्योऽन्यं साधकौ भूत्वा महाबलपराक्रमौ

ebhirmantrairmahāvīrau cakraturyuddhamadbhutam anyo'nyaṁ sādhakau bhūtvā mahābalaparākramau

With these mantras the two great heroes waged a wondrous battle, each striving to master the other, both of tremendous strength and valor.

Verse 9 (shiva.rudra.128.9)

महाबलं प्रकुर्वन्तौ परस्परवधैषिणौ । जघ्नतुः शक्तिधाराभी रणे रणविशारदौ

mahābalaṁ prakurvantau parasparavadhaiṣiṇau jaghnatuḥ śaktidhārābhī raṇe raṇaviśāradau

Displaying their great strength, each seeking the other's death, those two masters of warfare struck each other with streams of spear-blows in that battle.

Verse 10 (shiva.rudra.128.10)

मूर्ध्नि कण्ठे तथा चोर्वोर्जान्वोश्चैव कटीतटे । वक्षस्युरसि पृष्ठे च चिच्छिदुश्च परस्परम्

mūrdhni kaṇṭhe tathā corvorjānvoścaiva kaṭītaṭe vakṣasyurasi pṛṣṭhe ca cicchiduśca parasparam

On the head, on the neck, on the thighs, on the knees, on the flanks of the waist, on the chest, on the breast, and on the back, each cut into the other.

Verse 11 (shiva.rudra.128.11)

तदा तौ युध्यमानौ च हन्तुकामौ महाबलौ । वल्गन्तौ वीरशब्दैश्च नानायुद्धविशारदौ

tadā tau yudhyamānau ca hantukāmau mahābalau valgantau vīraśabdaiśca nānāyuddhaviśāradau

Then those two mighty ones, fighting and each intent on killing the other, leapt about uttering heroic cries, both masters of many forms of combat.

Verse 12 (shiva.rudra.128.12)

अभवन्प्रेक्षकाः सर्वे देवा गन्धर्वकिन्नराः । ऊचुः परस्परं तत्र कोऽस्मिन् युद्धे विजेष्यते

abhavanprekṣakāḥ sarve devā gandharvakinnarāḥ ūcuḥ parasparaṁ tatra ko'smin yuddhe vijeṣyate

All the gods, gandharvas, and kinnaras became mere onlookers, and said to one another there, 'Who will be victor in this battle?'

Verse 13 (shiva.rudra.128.13)

तदा नभोगता वाणी जगौ देवांश्च सान्त्वयन् । असुरं तारकं चात्र कुमारोऽयं हनिष्यति

tadā nabhogatā vāṇī jagau devāṁśca sāntvayan asuraṁ tārakaṁ cātra kumāro'yaṁ haniṣyati

Then a voice from the sky spoke, consoling the gods: 'This Kumara shall slay the demon Taraka here.'

Verse 14 (shiva.rudra.128.14)

मा शोच्यतां सुरैः सर्वै सुखेन स्थीयतामिति । युष्मदर्थं शङ्करो हि पुत्ररूपेण संस्थितः

mā śocyatāṁ suraiḥ sarvai sukhena sthīyatāmiti yuṣmadarthaṁ śaṅkaro hi putrarūpeṇa saṁsthitaḥ

'Let none of you gods grieve; remain at ease. For your sake alone has Shankara taken his stand in the form of a son.'

Verse 15 (shiva.rudra.128.15)

श्रुत्वा तदा तां गगने समीरितां वाचं शुभां स प्रमथैः समावृतः । निहन्तुकामः सुखितः कुमारको दैत्याधिपं तारकमाश्वभूत्तदा

śrutvā tadā tāṁ gagane samīritāṁ vācaṁ śubhāṁ sa pramathaiḥ samāvṛtaḥ nihantukāmaḥ sukhitaḥ kumārako daityādhipaṁ tārakamāśvabhūttadā

Hearing that auspicious voice spoken in the sky, Kumara, surrounded by his hosts of pramathas and made joyful, resolved at once to slay the demon-lord Taraka.

Verse 16 (shiva.rudra.128.16)

शक्त्या तया महाबाहुराजघान स्तनान्तरे । कुमारः स्म रुषाविष्टस्तारकासुरमोजसा

śaktyā tayā mahābāhurājaghāna stanāntare kumāraḥ sma ruṣāviṣṭastārakāsuramojasā

With that spear, the mighty-armed Kumara, seized with fury, struck Tarakasura full in the chest with all his force.

Verse 17 (shiva.rudra.128.17)

तं प्रहारमनादृत्य तारको दैत्यपुङ्गवः । कुमारं चापि सङ्क्रुद्धः स्वशक्त्या सञ्जघान सः

taṁ prahāramanādṛtya tārako daityapuṅgavaḥ kumāraṁ cāpi saṅkruddhaḥ svaśaktyā sañjaghāna saḥ

Taraka, foremost of demons, paying no heed to that blow, in turn struck Kumara too, in fury, with his own spear.

Verse 18 (shiva.rudra.128.18)

तेन शक्तिप्रहारेण शाङ्करिर्मूर्च्छितोऽभवत् । मुहूर्ताच्चेतनां प्राप स्तूयमानो महर्षिभिः

tena śaktiprahāreṇa śāṅkarirmūrcchito'bhavat muhūrtāccetanāṁ prāpa stūyamāno maharṣibhiḥ

By that blow of the spear, Shankara's son fell senseless; but within a moment he regained consciousness, praised by the great sages.

Verse 19 (shiva.rudra.128.19)

यथा सिंहो मदोन्मत्तो हन्तुकामस्तथासुरम् । कुमारस्तारकं शक्त्या स जघान प्रतापवान्

yathā siṁho madonmatto hantukāmastathāsuram kumārastārakaṁ śaktyā sa jaghāna pratāpavān

Like a lion maddened with fury, intent on killing, that mighty Kumara struck Taraka with his spear.

Verse 20 (shiva.rudra.128.20)

एवं परस्परं तौ हि कुमारश्चापि तारकः । युयुधातेऽतिसंरब्धौ शक्तियुद्धविशारदौ

evaṁ parasparaṁ tau hi kumāraścāpi tārakaḥ yuyudhāte'tisaṁrabdhau śaktiyuddhaviśāradau

Thus Kumara and Taraka, both greatly enraged, both masters of the spear-fight, fought against each other.

Verse 21 (shiva.rudra.128.21)

अभ्यासपरमावास्तामन्योन्यं विजिगीषया । पदातिनौ युध्यमानौ चित्ररूपौ तरस्विनौ

abhyāsaparamāvāstāmanyonyaṁ vijigīṣayā padātinau yudhyamānau citrarūpau tarasvinau

Utterly devoted to their skill, each eager to conquer the other, those two swift warriors fought on foot, taking on wondrous forms.

Verse 22 (shiva.rudra.128.22)

विविधैर्घातपुञ्जैस्तावन्योन्यं विनिजघ्नतुः । नानामार्गान्प्रकुर्वन्तौ गर्जन्तौ सुपराक्रमौ

vividhairghātapuñjaistāvanyonyaṁ vinijaghnatuḥ nānāmārgānprakurvantau garjantau suparākramau

With many kinds of showering blows they struck each other, employing various techniques, roaring, both of tremendous valor.

Verse 23 (shiva.rudra.128.23)

अवलोकपराः सर्वे देवगन्धर्वकिन्नराः । विस्मयं परमं जग्मुर्नोचुः किञ्चन तत्र ते

avalokaparāḥ sarve devagandharvakinnarāḥ vismayaṁ paramaṁ jagmurnocuḥ kiñcana tatra te

All the gods, gandharvas, and kinnaras, absorbed in watching, were filled with the greatest wonder and spoke not a word.

Verse 24 (shiva.rudra.128.24)

न ववौ पवमानश्च निष्प्रभोऽभूद्दिवाकरः । चचाल वसुधा सर्वा सशैलवनकानना

na vavau pavamānaśca niṣprabho'bhūddivākaraḥ cacāla vasudhā sarvā saśailavanakānanā

The wind ceased to blow, the sun grew dim, and the whole earth, with its mountains, forests, and thickets, shook.

Verse 25 (shiva.rudra.128.25)

एतस्मिन्नन्तरे तत्र हिमालयमुखा धराः । स्नेहार्दितास्तदा जग्मुः कुमारं च परीप्सवः

etasminnantare tatra himālayamukhā dharāḥ snehārditāstadā jagmuḥ kumāraṁ ca parīpsavaḥ

Meanwhile the mountains, with Himalaya at their head, moved there, their hearts melted with affection, seeking to protect Kumara.

Verse 26 (shiva.rudra.128.26)

ततः स दृष्ट्वा तान्सर्वान्भयभीतांश्च शाङ्करिः । पर्वतान्गिरिजापुत्रो बभाषे परिबोधयन्

tataḥ sa dṛṣṭvā tānsarvānbhayabhītāṁśca śāṅkariḥ parvatāngirijāputro babhāṣe paribodhayan

Then Shankara's son, Girija's own child, seeing all those mountains struck with fear, spoke to comfort them.

Verse 27 (shiva.rudra.128.27)

कुमार उवाच मा खिद्यतां महाभागा मा चिन्तां कुर्वतां नगाः । घातयाम्यद्य पापिष्ठं सर्वेषां वः प्रपश्यताम्

kumāra uvāca mā khidyatāṁ mahābhāgā mā cintāṁ kurvatāṁ nagāḥ ghātayāmyadya pāpiṣṭhaṁ sarveṣāṁ vaḥ prapaśyatām

Kumara said: 'Grieve not, O most fortunate ones; let the mountains have no fear. Today, before the eyes of you all, I shall strike down this most sinful one.'

Verse 28 (shiva.rudra.128.28)

एवं समाश्वास्य तदा पर्वतान् निर्जरान् गणान् । प्रणम्य गिरिजां शम्भुमाददे शक्तिमुत्प्रभाम्

evaṁ samāśvāsya tadā parvatān nirjarān gaṇān praṇamya girijāṁ śambhumādade śaktimutprabhām

Having thus comforted the mountains, the gods, and the hosts, and having bowed to Girija and Shambhu, he took up his radiant spear.

Verse 29 (shiva.rudra.128.29)

तं तारकं हन्तुमनाः करशक्तिर्महाप्रभुः । विरराज महावीरः कुमारः शम्भुबालकः

taṁ tārakaṁ hantumanāḥ karaśaktirmahāprabhuḥ virarāja mahāvīraḥ kumāraḥ śambhubālakaḥ

That great lord, spear in hand, resolved to slay Taraka, and the great hero Kumara, Shambhu's own child, shone forth in splendor.

Verse 30 (shiva.rudra.128.30)

शक्त्या तया जघानाथ कुमारस्तारकासुरम् । तेजसाढ्यः शङ्करस्य लोकक्लेशकरं च तम्

śaktyā tayā jaghānātha kumārastārakāsuram tejasāḍhyaḥ śaṅkarasya lokakleśakaraṁ ca tam

Then Kumara, filled with the splendor of Shankara, struck with that spear Tarakasura, who had brought such affliction to the worlds.

Verse 31 (shiva.rudra.128.31)

पपात सद्यः सहसा विशीर्णाङ्गोऽसुरः क्षितौ । तारकाख्यो महावीरःसर्वासुरगणाधिपः

papāta sadyaḥ sahasā viśīrṇāṅgo'suraḥ kṣitau tārakākhyo mahāvīraḥsarvāsuragaṇādhipaḥ

At once, suddenly, the demon fell to the earth, his body shattered -- that great hero named Taraka, lord of all the demon hosts.

Verse 32 (shiva.rudra.128.32)

कुमारेण हतः सोऽतिवीरः स खलु तारकः । लयं ययौ च तत्रैव सर्वेषां पश्यतां मुने

kumāreṇa hataḥ so'tivīraḥ sa khalu tārakaḥ layaṁ yayau ca tatraiva sarveṣāṁ paśyatāṁ mune

Slain by Kumara, that mighty hero Taraka met his dissolution there, before the eyes of all, O sage.

Verse 33 (shiva.rudra.128.33)

तथा तं पतितं दृष्ट्वा तारकं बलवत्तरम् । न जघान पुनर्वीरः स गत्वा व्यसुमाहवे

tathā taṁ patitaṁ dṛṣṭvā tārakaṁ balavattaram na jaghāna punarvīraḥ sa gatvā vyasumāhave

Seeing that most powerful Taraka fallen thus, that hero did not strike him again, seeing that he had already gone lifeless in the battle.

Verse 34 (shiva.rudra.128.34)

हते तस्मिन्महादैत्ये तारकाख्ये महाबले । क्षयं प्रणीता बहवोऽसुरा देवगणैस्तदा

hate tasminmahādaitye tārakākhye mahābale kṣayaṁ praṇītā bahavo'surā devagaṇaistadā

When that great demon named Taraka, of tremendous strength, had been slain, many of the demons were then destroyed by the hosts of gods.

Verse 35 (shiva.rudra.128.35)

केचिद्भीताः प्राञ्जलयो बभूवुस्तत्र चाहवे । छिन्नभिन्नाङ्गकाः केचिन्मृता दैत्याःसहस्रशः

kecidbhītāḥ prāñjalayo babhūvustatra cāhave chinnabhinnāṅgakāḥ kecinmṛtā daityāḥsahasraśaḥ

Some, terrified, stood there in the battle with joined hands; others, their limbs cut to pieces, lay dead -- demons by the thousands.

Verse 36 (shiva.rudra.128.36)

केचिज्जाताः कुमारस्य शरणं शरणार्थिनः । वदन्तः पाहि पाहीति दैत्याः साञ्जलयस्तदा

kecijjātāḥ kumārasya śaraṇaṁ śaraṇārthinaḥ vadantaḥ pāhi pāhīti daityāḥ sāñjalayastadā

Some demons, seeking refuge, came to Kumara for shelter, crying out with joined hands, 'Save us, save us!'

Verse 37 (shiva.rudra.128.37)

कियन्तश्च हतास्तत्र कियन्तश्च पलायिताः । पलायमाना व्यथितास्ताडिता निर्ज्जरैर्गणैः

kiyantaśca hatāstatra kiyantaśca palāyitāḥ palāyamānā vyathitāstāḍitā nirjjarairgaṇaiḥ

Some were slain there, some fled; and those who fled, struck by the hosts of the immortals, went off in distress.

Verse 38 (shiva.rudra.128.38)

सहस्रशः प्रविष्टास्ते पाताले च जिजीषवः । पलायमानास्ते सर्वे भग्नाशा दैन्यमागताः

sahasraśaḥ praviṣṭāste pātāle ca jijīṣavaḥ palāyamānāste sarve bhagnāśā dainyamāgatāḥ

By the thousands, desiring to live, they entered the netherworld; all of them, fleeing, their hopes broken, fell into wretchedness.

Verse 39 (shiva.rudra.128.39)

एवं सर्वं दैत्यसैन्यं भ्रष्टं जातं मुनीश्वर । न केचित्तत्र सन्तस्थुर्गणदेवभयात्तदा

evaṁ sarvaṁ daityasainyaṁ bhraṣṭaṁ jātaṁ munīśvara na kecittatra santasthurgaṇadevabhayāttadā

Thus, O lord of sages, the whole army of the demons was utterly routed; none remained standing there, from fear of the gods and their hosts.

Verse 40 (shiva.rudra.128.40)

आसीन्निष्कण्टकं सर्वं हते तस्मिन्दुरात्मनि । ते देवाः सुखमापन्नाः सर्वे शक्रादयस्तदा

āsīnniṣkaṇṭakaṁ sarvaṁ hate tasmindurātmani te devāḥ sukhamāpannāḥ sarve śakrādayastadā

With that evil-souled one slain, all became free of trouble everywhere; and all the gods, headed by Indra, then obtained happiness.

Verse 41 (shiva.rudra.128.41)

एवं विजयमापन्नं कुमारं निखिलाः सुराः । बभूवुर्युगपद् हृष्टास्त्रिलोकाश्च महासुखा

evaṁ vijayamāpannaṁ kumāraṁ nikhilāḥ surāḥ babhūvuryugapad hṛṣṭāstrilokāśca mahāsukhā

Thus, at Kumara's victory, all the gods together were filled with joy, and the three worlds knew great happiness.

Verse 42 (shiva.rudra.128.42)

तदा शिवोऽपि तं ज्ञात्वा विजयं कार्तिकस्य च । तत्राजगाम स मुदा सगणः प्रियया सह

tadā śivo'pi taṁ jñātvā vijayaṁ kārtikasya ca tatrājagāma sa mudā sagaṇaḥ priyayā saha

Then Shiva too, learning of Kartika's victory, came there with joy, together with his hosts and with his beloved.

Verse 43 (shiva.rudra.128.43)

स्वात्मजं स्वाङ्कमारोप्य कुमारं सूर्यवर्चसम् । लालयामास सुप्रीत्या शिवा च स्नेहसङ्कुला

svātmajaṁ svāṅkamāropya kumāraṁ sūryavarcasam lālayāmāsa suprītyā śivā ca snehasaṅkulā

Taking up his own son upon his lap, that Kumara radiant as the sun, and Shiva [Parvati], her heart full of tenderness, fondled him with the deepest love.

Verse 44 (shiva.rudra.128.44)

हिमालयस्तदागत्य स्वपुत्रैः परिवारितः । सबन्धुःसानुगः शम्भुं तुष्टाव च शिवां गुहम्

himālayastadāgatya svaputraiḥ parivāritaḥ sabandhuḥsānugaḥ śambhuṁ tuṣṭāva ca śivāṁ guham

Then Himalaya too came, surrounded by his own sons, with his kinsmen and attendants, and praised Shambhu, Shiva [Parvati], and Guha.

Verse 45 (shiva.rudra.128.45)

ततो देवगणाः सर्वे मुनयः सिद्धचारणाः । तुष्टुवुः शाङ्करिं शम्भुं गिरिजां तुषितां भृशम्

tato devagaṇāḥ sarve munayaḥ siddhacāraṇāḥ tuṣṭuvuḥ śāṅkariṁ śambhuṁ girijāṁ tuṣitāṁ bhṛśam

Then all the hosts of gods, the sages, the siddhas, and the charanas, praised Shankara's son, Shambhu, and Girija, who was overjoyed.

Verse 46 (shiva.rudra.128.46)

पुष्पवृष्टिं सुमहतीं चक्रुश्चोपसुरास्तदा । जगुर्गन्धर्वपतयो ननृतुश्चाप्सरोगणाः

puṣpavṛṣṭiṁ sumahatīṁ cakruścopasurāstadā jagurgandharvapatayo nanṛtuścāpsarogaṇāḥ

The lesser gods showered down a great rain of flowers; the lords of the gandharvas sang, and the hosts of apsaras danced.

Verse 47 (shiva.rudra.128.47)

वादित्राणि तथा नेदुस्तदानीं च विशेषतः । जयशब्दो नमः शब्दो बभूवोच्चैर्मुहुर्मुहुः

vāditrāṇi tathā nedustadānīṁ ca viśeṣataḥ jayaśabdo namaḥ śabdo babhūvoccairmuhurmuhuḥ

Musical instruments resounded loudly, and again and again the cries of 'Victory!' and 'Salutations!' rang out on high.

Verse 48 (shiva.rudra.128.48)

ततो मयाच्युतश्चापि सन्तुष्टोऽभूद्विशेषतः । शिवं शिवां कुमारं च सन्तुष्टाव समादरात्

tato mayācyutaścāpi santuṣṭo'bhūdviśeṣataḥ śivaṁ śivāṁ kumāraṁ ca santuṣṭāva samādarāt

Then I too, and Achyuta [Vishnu], became especially joyful, and with great reverence praised Shiva, Shiva [Parvati], and Kumara.

Verse 49 (shiva.rudra.128.49)

कुमारमग्रतः कृत्वा हरिकेन्द्रमुखाः सुराः । चक्रुर्नीराजनं प्रीत्या मुनयश्चापरे तथा

kumāramagrataḥ kṛtvā harikendramukhāḥ surāḥ cakrurnīrājanaṁ prītyā munayaścāpare tathā

Placing Kumara before them, the gods headed by Hari and Indra, and other sages too, performed the waving of lamps [arati] with great love.

Verse 50 (shiva.rudra.128.50)

गीतवादित्रघोषेण ब्रह्मघोषेण भूयसा । तदोत्सवो महानासीत्कीर्तनं च विशेषतः

gītavāditraghoṣeṇa brahmaghoṣeṇa bhūyasā tadotsavo mahānāsītkīrtanaṁ ca viśeṣataḥ

With the resounding of song and music, and with the loud chanting of Vedic sound, there was then a great festival, and abundant kirtan.

Verse 51 (shiva.rudra.128.51)

गीतवाद्यैः सुप्रसन्नैस्तथा साञ्जलिभिर्मुने । स्तूयमानो जगन्नाथः सर्वैर्देवगणैरभूत्

gītavādyaiḥ suprasannaistathā sāñjalibhirmune stūyamāno jagannāthaḥ sarvairdevagaṇairabhūt

O sage, with joyful songs and music, and with joined hands, the Lord of the universe was praised by all the hosts of gods.

Verse 52 (shiva.rudra.128.52)

ततःस भगवान् रुद्रो भवान्या जगदम्बया । सर्वैः स्तुतो जगामाथ स्वगिरिं स्वगणैर्वृतः

tataḥsa bhagavān rudro bhavānyā jagadambayā sarvaiḥ stuto jagāmātha svagiriṁ svagaṇairvṛtaḥ

Then that Lord Rudra, praised by all, together with Bhavani, the Mother of the universe, returned to his own mountain, surrounded by his own hosts.