The Messenger's Dialogue with Shiva

Verse 1 (shiva.rudra.173.1)

सनत्कुमार उवाच । तत्र स्थित्वा दानवेन्द्रो महान्तं दानवेश्वरम् । दूतं कृत्वा महाविज्ञं प्रेषयामास शङ्करम्

sanatkumāra uvāca tatra sthitvā dānavendro mahāntaṁ dānaveśvaram dūtaṁ kṛtvā mahāvijñaṁ preṣayāmāsa śaṅkaram

Sanatkumara said: "Remaining there, that great lord of the danavas appointed a most learned envoy as his messenger and sent him to Shankara."

Verse 2 (shiva.rudra.173.2)

स तत्र गत्वा दूतश्च चन्द्रभालं ददर्श ह । वटमूले समासीनं सूर्यकोटिसमप्रभम्

sa tatra gatvā dūtaśca candrabhālaṁ dadarśa ha vaṭamūle samāsīnaṁ sūryakoṭisamaprabham

That messenger, arriving there, beheld the moon-crested Lord seated beneath the banyan tree, blazing with the splendor of a crore of suns.

Verse 3 (shiva.rudra.173.3)

कृत्वा योगासनं दृष्ट्या मुद्रायुक्तं च सस्मितम् । शुद्धस्फटिकसङ्काशं ज्वलन्तं ब्रह्मतेजसा

kṛtvā yogāsanaṁ dṛṣṭyā mudrāyuktaṁ ca sasmitam śuddhasphaṭikasaṅkāśaṁ jvalantaṁ brahmatejasā

seated in a yogic posture, his gaze held in a contemplative mudra, gently smiling, clear as pure crystal, and blazing with the splendor of Brahman.

Verse 4 (shiva.rudra.173.4)

त्रिशूलपट्टिशधरं व्याघ्रचर्माम्बरावृतम् । भक्तमृत्युहरं शान्तं गौरीकान्तं त्रिलोचनम्

triśūlapaṭṭiśadharaṁ vyāghracarmāmbarāvṛtam bhaktamṛtyuharaṁ śāntaṁ gaurīkāntaṁ trilocanam

bearing the trident and battle-axe, clad in a tiger's skin; the remover of death for his devotees, serene, the beloved of Gauri, and three-eyed.

Verse 5 (shiva.rudra.173.5)

तपसां फलदातारं कर्त्तारं सर्वसम्पदाम् । आशुतोषं प्रसन्नास्यं भक्तानुग्रहकारकम्

tapasāṁ phaladātāraṁ karttāraṁ sarvasampadām āśutoṣaṁ prasannāsyaṁ bhaktānugrahakārakam

the bestower of the fruit of austerities, the giver of every prosperity; swift to be pleased, gracious of face, ever showing favor to his devotees.

Verse 6 (shiva.rudra.173.6)

विश्वनाथं विश्वबीजं विश्वरूपं च विश्वजम् । विश्वेस्वरं विश्वकरं विश्वसंहारकारणम्

viśvanāthaṁ viśvabījaṁ viśvarūpaṁ ca viśvajam viśvesvaraṁ viśvakaraṁ viśvasaṁhārakāraṇam

Lord of the universe, seed of the universe, form of the universe, and born of the universe; sovereign of the universe, maker of the universe, and cause of the universe's dissolution.

Verse 7 (shiva.rudra.173.7)

कारणं कारणानां च नरकार्णवतारकम् । ज्ञानप्रदं ज्ञानबीजं ज्ञानानन्दं सनातनम्

kāraṇaṁ kāraṇānāṁ ca narakārṇavatārakam jñānapradaṁ jñānabījaṁ jñānānandaṁ sanātanam

the cause of all causes, the one who ferries beings across the ocean of hellish existence; the giver of knowledge, the very seed of knowledge, the eternal bliss of knowledge.

Verse 8 (shiva.rudra.173.8)

अवरुह्य रथाद् दूतस्तं दृष्ट्वा दानवेश्वरः । शङ्करं सकुमारं च शिरसा प्रणनाम सः

avaruhya rathād dūtastaṁ dṛṣṭvā dānaveśvaraḥ śaṅkaraṁ sakumāraṁ ca śirasā praṇanāma saḥ

Descending from his chariot, the envoy of the lord of danavas, beholding him, bowed his head in homage to Shankara, together with Kumara.

Verse 9 (shiva.rudra.173.9)

वामतो भद्रकालीं च स्कन्दं तत्पुरतः स्थितम् । लोकाशिषं ददौ तस्मै काली स्कन्दश्च शङ्करः

vāmato bhadrakālīṁ ca skandaṁ tatpurataḥ sthitam lokāśiṣaṁ dadau tasmai kālī skandaśca śaṅkaraḥ

Bhadrakali stood to his left, and Skanda before him; Kali, Skanda, and Shankara all gave him their blessing for the world's good.

Verse 10 (shiva.rudra.173.10)

अथासौ शङ्खचूडस्य दूतः परमशास्त्रवित् । उवाच शङ्करं नत्वा करौ बद्ध्वा शुभं वचः

athāsau śaṅkhacūḍasya dūtaḥ paramaśāstravit uvāca śaṅkaraṁ natvā karau baddhvā śubhaṁ vacaḥ

Then that messenger of Shankhachuda, most learned in the scriptures, having bowed to Shankara with folded hands, spoke these auspicious words.

Verse 11 (shiva.rudra.173.11)

दूत उवाच । शङ्खचूडस्य दूतोऽहं त्वत्सकाशमिहागतः । वर्तते ते किमिच्छाद्य तत्त्वं ब्रूहि महेश्वर

dūta uvāca śaṅkhacūḍasya dūto'haṁ tvatsakāśamihāgataḥ vartate te kimicchādya tattvaṁ brūhi maheśvara

The messenger said: "I am Shankhachuda's messenger, come here into your presence. What is your true intent today? Tell me the truth of it, O Maheshvara."

Verse 12 (shiva.rudra.173.12)

सनत्कुमार उवाच । इति श्रुत्वा च वचनं शङ्खचूडस्य शङ्करः । प्रसन्नात्मा महादेवो भगवांस्तमुवाच ह

sanatkumāra uvāca iti śrutvā ca vacanaṁ śaṅkhacūḍasya śaṅkaraḥ prasannātmā mahādevo bhagavāṁstamuvāca ha

Sanatkumara said: "Hearing these words on Shankhachuda's behalf, Shankara, the blessed Mahadeva, with a gracious heart, spoke to him."

Verse 13 (shiva.rudra.173.13)

महादेव उवाच । शृणु दूत महाप्राज्ञ वचो मम सुखावहम् । कथनीयमिदं तस्मै निर्विवादं विचार्य च

mahādeva uvāca śṛṇu dūta mahāprājña vaco mama sukhāvaham kathanīyamidaṁ tasmai nirvivādaṁ vicārya ca

Mahadeva said: "Listen, O most wise messenger, to my words, which bring only good. Consider them carefully, without dispute, and repeat them to him."

Verse 14 (shiva.rudra.173.14)

विधाता जगतां ब्रह्मा पिता धर्मस्य धर्मवित् । मरीचिस्तस्य पुत्रश्च कश्यपस्तत्सुतः स्मृतः

vidhātā jagatāṁ brahmā pitā dharmasya dharmavit marīcistasya putraśca kaśyapastatsutaḥ smṛtaḥ

Brahma, the ordainer of the worlds, is the father of Dharma and knows Dharma; his son is Marichi, and Marichi's son is remembered as Kashyapa.

Verse 15 (shiva.rudra.173.15)

दक्षः प्रीत्या ददौ तस्मै निजकन्यास्त्रयोदश । तास्वेका च दनुः साध्वी तत्सौभाग्यविवर्द्धिनी

dakṣaḥ prītyā dadau tasmai nijakanyāstrayodaśa tāsvekā ca danuḥ sādhvī tatsaubhāgyavivarddhinī

Daksha, out of love, gave his thirteen daughters to Kashyapa; among them was the virtuous Danu, who increased his good fortune.

Verse 16 (shiva.rudra.173.16)

चत्वारस्ते दनोः पुत्रा दानवास्तेजसोल्बणाः । तेष्वेको विप्रचित्तिस्तु महाबलपराक्रमः

catvāraste danoḥ putrā dānavāstejasolbaṇāḥ teṣveko vipracittistu mahābalaparākramaḥ

Danu's sons were four danavas, blazing with fierce power; among them Vipracitti was endowed with mighty strength and valor.

Verse 17 (shiva.rudra.173.17)

तत्पुत्रो धार्मिको दम्भो दानवेन्द्रो महामतिः । तस्य त्वं तनयः श्रेष्ठो धर्मात्मा दानवेश्वरः

tatputro dhārmiko dambho dānavendro mahāmatiḥ tasya tvaṁ tanayaḥ śreṣṭho dharmātmā dānaveśvaraḥ

His son was the righteous and wise lord of the danavas, Dambha; and you are his excellent son — righteous of soul, lord of the danavas.

Verse 18 (shiva.rudra.173.18)

पुरा त्वं पार्षदो गोपो गोपेष्वेव च धार्मिकः । अधुना राधिकाशापाज्जातस्त्वं दानवेश्वरः

purā tvaṁ pārṣado gopo gopeṣveva ca dhārmikaḥ adhunā rādhikāśāpājjātastvaṁ dānaveśvaraḥ

In a former life you were an attendant, a cowherd, righteous even among cowherds; now, by Radhika's curse, you have been born as this lord of the danavas.

Verse 19 (shiva.rudra.173.19)

दानवीं योनिमायातस्तत्त्वतो न हि दानवः । निजवृत्तं पुरा ज्ञात्वा दैववैरं त्यजाधुना

dānavīṁ yonimāyātastattvato na hi dānavaḥ nijavṛttaṁ purā jñātvā daivavairaṁ tyajādhunā

Though you have entered a danava's womb, in truth you are no danava at all. Knowing your own former nature, abandon this enmity toward the gods now.

Verse 20 (shiva.rudra.173.20)

द्रोहं न कुरु तैः सार्द्धं स्वपदं भुङ्क्ष्व सादरम् । नाधिकं सविकारं च कुरु राज्यं विचार्य च

drohaṁ na kuru taiḥ sārddhaṁ svapadaṁ bhuṅkṣva sādaram nādhikaṁ savikāraṁ ca kuru rājyaṁ vicārya ca

Do not make war upon them; enjoy your own rightful station with due honor. Act with no excess or agitation — govern your realm with careful thought.

Verse 21 (shiva.rudra.173.21)

देहि राज्यं च देवानां मत्प्रीतिं रक्ष दानव । निजराज्ये सुखं तिष्ठ तिष्ठन्तु स्वपदे सुराः

dehi rājyaṁ ca devānāṁ matprītiṁ rakṣa dānava nijarājye sukhaṁ tiṣṭha tiṣṭhantu svapade surāḥ

Give back the kingdom of the gods to them, O danava, and keep my favor. Dwell happily in your own realm, and let the gods remain in their own places.

Verse 22 (shiva.rudra.173.22)

अलं भूतविरोधेन देवद्रोहेण किं पुनः । कुलीनाः शुद्धकर्माणः सर्वे कश्यपवंशजाः

alaṁ bhūtavirodhena devadroheṇa kiṁ punaḥ kulīnāḥ śuddhakarmāṇaḥ sarve kaśyapavaṁśajāḥ

Enough of enmity between beings — how much more so of hostility toward the gods! All of you, descended from Kashyapa, are of noble lineage and pure conduct.

Verse 23 (shiva.rudra.173.23)

यानि कानि च पापानि ब्रह्महत्यादिकानि च । ज्ञातिद्रोहजपापस्य कलां नार्हन्ति षोडशीम्

yāni kāni ca pāpāni brahmahatyādikāni ca jñātidrohajapāpasya kalāṁ nārhanti ṣoḍaśīm

Whatever sins there are, even the sin of killing a Brahmin, none of them equal even a sixteenth part of the sin born of betraying one's own kindred.

Verse 24 (shiva.rudra.173.24)

सनत्कुमार उवाच । इत्यादिबहुवार्त्तां च श्रुतिस्मृतिपरां शुभाम् । प्रोवाच शङ्करः तस्मै बोधयन् ज्ञानमुत्तमम्

sanatkumāra uvāca ityādibahuvārttāṁ ca śrutismṛtiparāṁ śubhām provāca śaṅkaraḥ tasmai bodhayan jñānamuttamam

Sanatkumara said: "Speaking these and many other auspicious words, grounded in the Shruti and Smriti, Shankara thus imparted the highest knowledge to him."

Verse 25 (shiva.rudra.173.25)

शिक्षितः शङ्खचूडेन स दूतस्तर्कवित्तमः । उवाच वचनं नम्रो भवितव्यविमोहितः

śikṣitaḥ śaṅkhacūḍena sa dūtastarkavittamaḥ uvāca vacanaṁ namro bhavitavyavimohitaḥ

That messenger, most skilled in argument, coached beforehand by Shankhachuda, spoke his words humbly, though deluded by what was destined to be.

Verse 26 (shiva.rudra.173.26)

दूत उवाच । त्वया यत्कथितं देव नान्यथा तत्तथा वचः । तथ्यं किञ्चिद्यथार्थं च श्रूयतां मे निवेदनम्

dūta uvāca tvayā yatkathitaṁ deva nānyathā tattathā vacaḥ tathyaṁ kiñcidyathārthaṁ ca śrūyatāṁ me nivedanam

The messenger said: "O Lord, what you have spoken is entirely true, not otherwise. Yet hear my own submission — a matter both true and rightly reasoned."

Verse 27 (shiva.rudra.173.27)

ज्ञातिद्रोहे महत्पापं त्वयोक्तमधुना च यत् । तत्किमीशासुराणां च न सुराणां वद प्रभो

jñātidrohe mahatpāpaṁ tvayoktamadhunā ca yat tatkimīśāsurāṇāṁ ca na surāṇāṁ vada prabho

As for what you have just said — that treachery against one's kin is a great sin — does that apply only to the asuras, and not to the gods, O Lord? Tell me, O Master.

Verse 28 (shiva.rudra.173.28)

सर्वेषामिति चेत्तद्वै तदा वच्मि विचार्य च । निर्णयं ब्रूहि तत्राद्य कुरु सन्देहभञ्जनम्

sarveṣāmiti cettadvai tadā vacmi vicārya ca nirṇayaṁ brūhi tatrādya kuru sandehabhañjanam

If you say this applies equally to all, then, having weighed it, I shall speak further. Give your judgment on this now, and resolve my doubt.

Verse 29 (shiva.rudra.173.29)

मधुकैटभयोर्दैत्यवरयोः प्रलयार्णवे । शिरश्छेदं चकारासौ कस्माच्चक्री महेश्वर

madhukaiṭabhayordaityavarayoḥ pralayārṇave śiraśchedaṁ cakārāsau kasmāccakrī maheśvara

In the flood of the cosmic dissolution, why did the wielder of the discus sever the heads of Madhu and Kaitabha, those two great daityas, O Maheshvara?

Verse 30 (shiva.rudra.173.30)

त्रिपुरैःसह संयुद्धं भस्मत्वकरणं कुतः । भवाञ्चकार गिरिश सुरपक्षीति विश्रुतम्

tripuraiḥsaha saṁyuddhaṁ bhasmatvakaraṇaṁ kutaḥ bhavāñcakāra giriśa surapakṣīti viśrutam

Why, O Girisha, did you make war upon the Tripura demons and reduce them to ashes — you who are renowned as the champion of the gods?

Verse 31 (shiva.rudra.173.31)

गृहीत्वा तस्य सर्वस्वं कुतः प्रस्थापितो बलिः । सुतलादि समुद्धर्तुं तद्द्वारे च गदाधरः

gṛhītvā tasya sarvasvaṁ kutaḥ prasthāpito baliḥ sutalādi samuddhartuṁ taddvāre ca gadādharaḥ

Why, having seized everything from him, was Bali sent down to Sutala, with the mace-bearing Vishnu himself stationed at his gate?

Verse 32 (shiva.rudra.173.32)

सभ्रातृको हिरण्याक्षः कथं देवैश्च हिंसितः । शुम्भादयोऽसुराश्चैव कथं देवैर्निपातिताः

sabhrātṛko hiraṇyākṣaḥ kathaṁ devaiśca hiṁsitaḥ śumbhādayo'surāścaiva kathaṁ devairnipātitāḥ

Why was Hiranyaksha, together with his brother, slain by the gods? And how were Shumbha and the other asuras struck down by the gods?

Verse 33 (shiva.rudra.173.33)

पुरा समुद्रमथने पीयूषं भक्षितं सुरैः । क्लेशभाजो वयं तत्र ते सर्वे फलभोगिनः

purā samudramathane pīyūṣaṁ bhakṣitaṁ suraiḥ kleśabhājo vayaṁ tatra te sarve phalabhoginaḥ

Long ago, at the churning of the ocean, the nectar was drunk by the gods alone; we bore all the labor there, while they alone enjoyed its fruit.

Verse 34 (shiva.rudra.173.34)

क्रीडाभाण्डमिदं विश्वं कालस्य परमात्मनः । स ददाति यदा यस्मै तस्यैश्वर्यं भवेत्तदा

krīḍābhāṇḍamidaṁ viśvaṁ kālasya paramātmanaḥ sa dadāti yadā yasmai tasyaiśvaryaṁ bhavettadā

This entire universe is but the plaything of Time, the Supreme Self; whenever It bestows sovereignty on someone, only then does that one attain it.

Verse 35 (shiva.rudra.173.35)

देवदानवयोर्वैरं शश्वन्नैमित्तिकं सदा । पराजयो जयस्तेषां कालाधीनः क्रमेण च

devadānavayorvairaṁ śaśvannaimittikaṁ sadā parājayo jayasteṣāṁ kālādhīnaḥ krameṇa ca

The enmity between gods and danavas has ever recurred, arising from its causes and occasions; their defeat and their victory, in turn, are always governed by Time.

Verse 36 (shiva.rudra.173.36)

तवानयोर्विरोधे च गमनं निष्फलं भवेत् । समसम्बन्धिनां तद्वै रोचते नेश्वरस्य ते

tavānayorvirodhe ca gamanaṁ niṣphalaṁ bhavet samasambandhināṁ tadvai rocate neśvarasya te

For you to enter this conflict between the two sides would be fruitless; it hardly befits one who, as their common Lord, stands equally related to both.

Verse 37 (shiva.rudra.173.37)

सुरासुराणां सर्वेषामीश्वरस्य महात्मनः । इयं ते रहिता लज्जा स्पर्धास्माभिः सहाधुना

surāsurāṇāṁ sarveṣāmīśvarasya mahātmanaḥ iyaṁ te rahitā lajjā spardhāsmābhiḥ sahādhunā

You are the great-souled Lord of all — of gods and asuras alike; this contest of yours with us now is without any true honor.

Verse 38 (shiva.rudra.173.38)

यतोऽधिका चैव कीर्तिर्हानिश्चैव पराजये । तवैतद्विपरीतं च मनसा संविचार्यताम्

yato'dhikā caiva kīrtirhāniścaiva parājaye tavaitadviparītaṁ ca manasā saṁvicāryatām

Where there is greater glory in victory, there is also loss in defeat; but for you this matter stands quite the opposite — consider it well in your own mind.

Verse 39 (shiva.rudra.173.39)

सनत्कुमार उवाच । इत्येतद्वचनं श्रुत्वा सम्प्रहस्य त्रिलोचनः । यथोचितं च मधुरमुवाच दानवेश्वरम्

sanatkumāra uvāca ityetadvacanaṁ śrutvā samprahasya trilocanaḥ yathocitaṁ ca madhuramuvāca dānaveśvaram

Sanatkumara said: "Hearing these words, the three-eyed Lord laughed heartily, and spoke fittingly and sweetly to the messenger of the lord of danavas."

Verse 40 (shiva.rudra.173.40)

महेश उवाच । वयं भक्तपराधीना न स्वतन्त्राः कदापि हि । तदिच्छया तत्कर्माणो न कस्यापि च पक्षिणः

maheśa uvāca vayaṁ bhaktaparādhīnā na svatantrāḥ kadāpi hi tadicchayā tatkarmāṇo na kasyāpi ca pakṣiṇaḥ

Mahesha said: "We are ever subject to our devotees; we are never independent. We act only by their wish — we take no one's side of our own accord."

Verse 41 (shiva.rudra.173.41)

पुरा विधिप्रार्थनया युद्धमादौ हरेरपि । मधुकैटभयोर्दैत्यवरयोः प्रलयार्णवे

purā vidhiprārthanayā yuddhamādau harerapi madhukaiṭabhayordaityavarayoḥ pralayārṇave

Long ago, in the flood of dissolution, that first war of Hari's against Madhu and Kaitabha, those two great daityas, came about only at Brahma's own entreaty.

Verse 42 (shiva.rudra.173.42)

देवप्रार्थनया तेन हिरण्यकशिपोः पुरा । प्रह्रादार्थं वधोऽकारि भक्तानां हितकारिणा

devaprārthanayā tena hiraṇyakaśipoḥ purā prahrādārthaṁ vadho'kāri bhaktānāṁ hitakāriṇā

That same one, ever the benefactor of his devotees, slew Hiranyakashipu long ago, at the gods' entreaty, for Prahlada's sake.

Verse 43 (shiva.rudra.173.43)

त्रिपुरैः सह संयुद्धं भस्मत्वकरणं ततः । देवप्रार्थनयाकारि मयापि च पुरा श्रुतम्

tripuraiḥ saha saṁyuddhaṁ bhasmatvakaraṇaṁ tataḥ devaprārthanayākāri mayāpi ca purā śrutam

That war with the Tripura demons, and their reduction to ashes, was likewise carried out by me long ago at the gods' own entreaty, as you have already heard.

Verse 44 (shiva.rudra.173.44)

सर्वैश्वर्याः सर्वमातुर्देवप्रार्थनया पुरा । आसीच्छुम्भादिभिर्युद्धं वधस्तेषां तया कृतः

sarvaiśvaryāḥ sarvamāturdevaprārthanayā purā āsīcchumbhādibhiryuddhaṁ vadhasteṣāṁ tayā kṛtaḥ

The Mother of all, possessed of every power, likewise waged war upon Shumbha and the others long ago at the gods' entreaty, and slew them.

Verse 45 (shiva.rudra.173.45)

अद्यापि त्रिदशाः सर्वे ब्रह्माणं शरणं ययुः । स सदेवो हरिर्मां च देवः शरणमागतः

adyāpi tridaśāḥ sarve brahmāṇaṁ śaraṇaṁ yayuḥ sa sadevo harirmāṁ ca devaḥ śaraṇamāgataḥ

Even now, all the gods have gone for refuge to Brahma; and he, together with the gods, and Hari as well, have come for refuge to me.

Verse 46 (shiva.rudra.173.46)

हरिब्रह्मादिकानां च प्रार्थनावशतोऽप्यहम् । सुराणामीश्वरो दूत युद्धार्थमगमं खलु

haribrahmādikānāṁ ca prārthanāvaśato'pyaham surāṇāmīśvaro dūta yuddhārthamagamaṁ khalu

So it is, O messenger, only compelled by the entreaty of Hari, Brahma, and the others that I, the Lord of the gods, have indeed come here for this battle.

Verse 47 (shiva.rudra.173.47)

पार्षदप्रवरस्त्वं हि कृष्णस्य च महात्मनः । ये ये हताश्च दैतेया न हि केऽपि त्वया समाः

pārṣadapravarastvaṁ hi kṛṣṇasya ca mahātmanaḥ ye ye hatāśca daiteyā na hi ke'pi tvayā samāḥ

You yourself are the foremost attendant of the great-souled Krishna; of all the daityas ever slain, not one was your equal.

Verse 48 (shiva.rudra.173.48)

का लज्जा महती राजन् मम युद्धे त्वया सह । देवकार्यार्थमीशोऽहं विनयेन च प्रेषितः

kā lajjā mahatī rājan mama yuddhe tvayā saha devakāryārthamīśo'haṁ vinayena ca preṣitaḥ

What great shame, then, O king, could there be for me in fighting with you? I, the Lord, have been sent here, in all humility, for the sake of the gods' work.

Verse 49 (shiva.rudra.173.49)

गच्छ त्वं शङ्खचूडं वै कथनीयं च मे वचः । स च युक्तं करोत्वत्र सुरकार्यं करोम्यहम्

gaccha tvaṁ śaṅkhacūḍaṁ vai kathanīyaṁ ca me vacaḥ sa ca yuktaṁ karotvatra surakāryaṁ karomyaham

Go now to Shankhachuda, and tell him these words of mine exactly. Let him do as he thinks best in this matter — I, for my part, shall carry out the work of the gods.

Verse 50 (shiva.rudra.173.50)

इत्युक्त्वा शङ्करस्तत्र विरराम महेश्वरः । उत्तस्थौ शङ्खचूडस्य दूतोऽगच्छत्तदन्तिकम्

ityuktvā śaṅkarastatra virarāma maheśvaraḥ uttasthau śaṅkhacūḍasya dūto'gacchattadantikam

Having spoken thus, Shankara, the great Lord, fell silent there. Then Shankhachuda's messenger rose and went to his master's presence.