The Slaying of the Daitya Dundubhi-nirhrada

Verse 1 (shiva.rudra.196.1)

सनत्कुमार उवाच । शृणु व्यास प्रवक्ष्यामि चरितं शशिमौलिनः । यथा दुन्दुभिनिर्ह्रादमवधीद्दितिजं हरः

sanatkumāra uvāca śṛṇu vyāsa pravakṣyāmi caritaṁ śaśimaulinaḥ yathā dundubhinirhrādamavadhīdditijaṁ haraḥ

Sanatkumara said: Hear, O Vyasa, I shall now tell the deed of the moon-crested one — how Hara slew Dundubhinirhrada, son of Diti.

Verse 2 (shiva.rudra.196.2)

हिरण्याक्षे हते दैत्ये दितिपुत्रे महाबले । विष्णुदेवेन कालेन प्राप दुखं महद्दितिः

hiraṇyākṣe hate daitye ditiputre mahābale viṣṇudevena kālena prāpa dukhaṁ mahadditiḥ

When the daitya Hiranyaksha, mighty son of Diti, was slain in time by the god Vishnu, Diti fell into great sorrow.

Verse 3 (shiva.rudra.196.3)

दैत्यो दुन्दुभिनिर्ह्रादो दुष्टः प्रह्लादमातुलः । सान्त्वयामास तां वाग्भिर्दुःखितां देवदुःखदः

daityo dundubhinirhrādo duṣṭaḥ prahlādamātulaḥ sāntvayāmāsa tāṁ vāgbhirduḥkhitāṁ devaduḥkhadaḥ

The wicked daitya Dundubhinirhrada, maternal uncle of Prahlada, that tormentor of the gods, consoled her, sorrowing, with words.

Verse 4 (shiva.rudra.196.4)

अथ दैत्यः स मायावी दितिमाश्वास्य दैत्यराट् । देवाः कथं सुजेयाः स्युरित्युपायमचिन्तयत्

atha daityaḥ sa māyāvī ditimāśvāsya daityarāṭ devāḥ kathaṁ sujeyāḥ syurityupāyamacintayat

Then that illusion-wielding daitya, that king of daityas, having comforted Diti, pondered a means by which the gods might easily be conquered.

Verse 5 (shiva.rudra.196.5)

देवैश्च घातितो वीरो हिरण्याक्षो महासुरः । विष्णुना च सह भ्रात्रा सच्छलैर्दैत्यवैरिभिः

devaiśca ghātito vīro hiraṇyākṣo mahāsuraḥ viṣṇunā ca saha bhrātrā sacchalairdaityavairibhiḥ

"The hero Hiranyaksha, that great asura, was slain by the gods together with Vishnu, my own brother, through the tricks of the gods, enemies of the daityas."

Verse 6 (shiva.rudra.196.6)

किं बलाश्च किमाहारा किमाधारा हि निर्जराः । मया कथं सुजेयाः स्युरित्युपायमचिन्तयत्

kiṁ balāśca kimāhārā kimādhārā hi nirjarāḥ mayā kathaṁ sujeyāḥ syurityupāyamacintayat

"What is the source of their strength, what is their food, on what do the immortals depend? By what means might they easily be conquered by me?" — thus he pondered a plan.

Verse 7 (shiva.rudra.196.7)

विचार्य बहुशो दैत्यस्तत्त्वं विज्ञाय निश्चितम् । अवश्यमग्रजन्मानो हेतवोऽत्र विचारतः

vicārya bahuśo daityastattvaṁ vijñāya niścitam avaśyamagrajanmāno hetavo'tra vicārataḥ

That daitya, having reflected at length and ascertained the truth for certain, concluded that, on consideration, the twice-born were surely the cause of it.

Verse 8 (shiva.rudra.196.8)

ब्राह्मणान्हन्तुमसकृदन्वधावत वै ततः । दैत्यो दुन्दुभिनिर्ह्रादो देववैरी महाखलः

brāhmaṇānhantumasakṛdanvadhāvata vai tataḥ daityo dundubhinirhrādo devavairī mahākhalaḥ

Then that daitya Dundubhinirhrada, enemy of the gods, that great villain, set out repeatedly to slay brahmins.

Verse 9 (shiva.rudra.196.9)

यतः क्रतुभुजो देवाः क्रतवो वेदसम्भवाः । ते वेदा ब्राह्मणाधारास्ततो देवबलं द्विजाः

yataḥ kratubhujo devāḥ kratavo vedasambhavāḥ te vedā brāhmaṇādhārāstato devabalaṁ dvijāḥ

Since the gods feed on sacrifices, and sacrifices arise from the Vedas, and the Vedas rest upon the brahmins — the twice-born are therefore the very strength of the gods.

Verse 10 (shiva.rudra.196.10)

निश्चितं ब्राह्मणाधाराः सर्वे वेदाः सवासवाः । गीर्वाणा ब्राह्मणबला नात्र कार्या विचारणा

niścitaṁ brāhmaṇādhārāḥ sarve vedāḥ savāsavāḥ gīrvāṇā brāhmaṇabalā nātra kāryā vicāraṇā

It is certain: all the Vedas, and Indra himself with them, rest upon the brahmins; the gods draw their strength from brahmins — of this there is no doubt.

Verse 11 (shiva.rudra.196.11)

ब्राह्मणा यदि नष्टाः स्युर्वेदा नष्टास्ततः स्वयम् । अतस्तेषु प्रणष्टेषु विनष्टाः सततं सुराः

brāhmaṇā yadi naṣṭāḥ syurvedā naṣṭāstataḥ svayam atasteṣu praṇaṣṭeṣu vinaṣṭāḥ satataṁ surāḥ

If the brahmins were destroyed, the Vedas would of themselves be destroyed; and so, with them destroyed, the gods would be ever ruined.

Verse 12 (shiva.rudra.196.12)

यज्ञेषु नाशं गच्छत्सु हताहारास्ततः सुराः । निर्बलाःसुखजय्याः स्युर्निर्जितेषु सुरेष्वथ

yajñeṣu nāśaṁ gacchatsu hatāhārāstataḥ surāḥ nirbalāḥsukhajayyāḥ syurnirjiteṣu sureṣvatha

With the sacrifices thus perishing, the gods, their food destroyed, would become powerless and easily conquered; and once the gods were conquered,

Verse 13 (shiva.rudra.196.13)

अहमेव भविष्यामि मान्यस्त्रिजगतीपतिः । आहरिष्यामि देवानामक्षयाः सर्वसम्पदः

ahameva bhaviṣyāmi mānyastrijagatīpatiḥ āhariṣyāmi devānāmakṣayāḥ sarvasampadaḥ

then I alone shall become the honored lord of the three worlds, and I shall seize the imperishable wealth of the gods entire.

Verse 14 (shiva.rudra.196.14)

निर्वेक्ष्यामि सुखान्येव राज्ये निहतकण्टके । इति निश्चित्य दुर्बुद्धिः पुनश्चिन्तितवान्खलः

nirvekṣyāmi sukhānyeva rājye nihatakaṇṭake iti niścitya durbuddhiḥ punaścintitavānkhalaḥ

I shall enjoy nothing but pleasures in a kingdom with its every thorn removed. Having thus resolved, that evil-minded villain pondered further.

Verse 15 (shiva.rudra.196.15)

द्विजाः क्व सन्ति भूयांसो ब्रह्मतेजोऽतिबृंहिता । श्रुत्यध्ययनसम्पन्नास्तपोबलसमन्विताः

dvijāḥ kva santi bhūyāṁso brahmatejo'tibṛṁhitā śrutyadhyayanasampannāstapobalasamanvitāḥ

Where are the brahmins found in the greatest number, greatly nourished by brahminical splendor, accomplished in the study of the scriptures, endowed with the power of austerity?

Verse 16 (shiva.rudra.196.16)

भूयसां ब्राह्मणानां तु स्थानं वाराणसी खलु । तामादावुपसंहृत्य यायां तीर्थान्तरं ततः

bhūyasāṁ brāhmaṇānāṁ tu sthānaṁ vārāṇasī khalu tāmādāvupasaṁhṛtya yāyāṁ tīrthāntaraṁ tataḥ

The dwelling place of the greatest number of brahmins is surely Varanasi; let me first destroy them there, and then go on to other tirthas.

Verse 17 (shiva.rudra.196.17)

यत्र यत्र हि तीर्थेषु यत्र यत्राश्रमेषु च । सन्ति सर्वेऽग्रजन्मानस्ते मयाद्याः समन्ततः

yatra yatra hi tīrtheṣu yatra yatrāśrameṣu ca santi sarve'grajanmānaste mayādyāḥ samantataḥ

In whatever tirthas, in whatever hermitages the twice-born may be found anywhere, they shall all be devoured by me first.

Verse 18 (shiva.rudra.196.18)

इति दुन्दुभिनिर्ह्रादो मतिं कृत्वा कुलोचिताम् । प्राप्यापि काशीं दुर्वृत्तो मायावी न्यवधीद् द्विजान्

iti dundubhinirhrādo matiṁ kṛtvā kulocitām prāpyāpi kāśīṁ durvṛtto māyāvī nyavadhīd dvijān

Having thus resolved on a plan fitting his own wicked family, that evil-conducted illusion-wielder Dundubhinirhrada, having reached Kashi, began slaying brahmins.

Verse 19 (shiva.rudra.196.19)

समित्कुशान्समादातुं यत्र यान्ति द्विजोत्तमाः । अरण्ये तत्र तान्सर्वान्स भक्षयति दुर्मतिः

samitkuśānsamādātuṁ yatra yānti dvijottamāḥ araṇye tatra tānsarvānsa bhakṣayati durmatiḥ

Wherever the finest brahmins went into the forest to gather sacrificial twigs and kusha grass, that evil-minded one devoured them all there.

Verse 20 (shiva.rudra.196.20)

यथा कोऽपि न वेत्त्येवं तथाऽऽच्छन्नोऽभवत्पुनः । वने वनेचरो भूत्वा यादोरूपो जलाशये

yathā ko'pi na vettyevaṁ tathā''cchanno'bhavatpunaḥ vane vanecaro bhūtvā yādorūpo jalāśaye

So that no one might know of it, he remained hidden — becoming a forest-roving beast in the woods, and a water-creature in the pools.

Verse 21 (shiva.rudra.196.21)

अदृश्यरूपी मायावी देवानामप्यगोचरः । दिवा ध्यानपरस्तिष्ठेन्मुनिवन्मुनिमध्यगः

adṛśyarūpī māyāvī devānāmapyagocaraḥ divā dhyānaparastiṣṭhenmunivanmunimadhyagaḥ

Of invisible form, that master of illusion, beyond the sight even of the gods, would by day remain absorbed in meditation like a sage, seated among the sages themselves,

Verse 22 (shiva.rudra.196.22)

प्रवेशमुटजानां च निर्गमं हि विलोकयन् । यामिन्यां व्याघ्ररूपेणाभक्षयद् ब्राह्मणान् बहून्

praveśamuṭajānāṁ ca nirgamaṁ hi vilokayan yāminyāṁ vyāghrarūpeṇābhakṣayad brāhmaṇān bahūn

watching the entering and leaving of the hermits' huts; and at night, taking the form of a tiger, he devoured many brahmins.

Verse 23 (shiva.rudra.196.23)

निःशङ्कं भक्षयत्येवं न त्यजत्यपि कीकशम् । इत्थं निपातितास्तेन विप्रा दुष्टेन भूरिशः

niḥśaṅkaṁ bhakṣayatyevaṁ na tyajatyapi kīkaśam itthaṁ nipātitāstena viprā duṣṭena bhūriśaḥ

Thus he devoured them without hesitation, leaving not even a bone; in this way many brahmins were struck down by that wicked one.

Verse 24 (shiva.rudra.196.24)

एकदा शिवरात्रौ तु भक्तस्त्वेको निजोटजे । सपर्यां देवदेवस्य कृत्वा ध्यानस्थितोऽभवत्

ekadā śivarātrau tu bhaktastveko nijoṭaje saparyāṁ devadevasya kṛtvā dhyānasthito'bhavat

Once, on the night of Shivaratri, a certain devotee, in his own hut, having performed the worship of the god of gods, entered into meditation.

Verse 25 (shiva.rudra.196.25)

स च दुन्दुभिनिर्ह्रादो दैत्येन्द्रो बलदर्पितः । व्याघ्ररूपं समास्थाय तमादातुं मतिं दधे

sa ca dundubhinirhrādo daityendro baladarpitaḥ vyāghrarūpaṁ samāsthāya tamādātuṁ matiṁ dadhe

That lord of daityas, Dundubhinirhrada, proud in his strength, taking the form of a tiger, resolved to seize him.

Verse 26 (shiva.rudra.196.26)

तं भक्तं ध्यानमापन्नं दृढचित्तं शिवेक्षणे । कृतास्त्रमन्त्रविन्यासं तं क्रान्तुमशकन्न सः

taṁ bhaktaṁ dhyānamāpannaṁ dṛḍhacittaṁ śivekṣaṇe kṛtāstramantravinyāsaṁ taṁ krāntumaśakanna saḥ

But he could not overpower that devotee, absorbed in meditation, his mind fixed steadfastly on the vision of Shiva, who had duly arrayed about himself the mantras of protective weapons.

Verse 27 (shiva.rudra.196.27)

अथ सर्वगतः शम्भुर्ज्ञात्वा तस्याशयं हरः । दैत्यस्य दुष्टरूपस्य वधाय विदधे धियम्

atha sarvagataḥ śambhurjñātvā tasyāśayaṁ haraḥ daityasya duṣṭarūpasya vadhāya vidadhe dhiyam

Then Shambhu, the all-pervading Hara, knowing his devotee's inner intent, resolved to slay that daitya of wicked form.

Verse 28 (shiva.rudra.196.28)

यावदादित्सति व्याघ्रस्तावदाविरभूद्धरः । जगद्रक्षामणिस्त्र्यक्षो भक्तरक्षणदक्षधीः

yāvadāditsati vyāghrastāvadāvirabhūddharaḥ jagadrakṣāmaṇistryakṣo bhaktarakṣaṇadakṣadhīḥ

Just as the tiger was about to seize him, Hara appeared — the very jewel that guards the world, the three-eyed one, his mind ever skilled in the protection of his devotees.

Verse 29 (shiva.rudra.196.29)

रुद्रमायान्तमालोक्य तद्भक्तार्चितलिङ्गतः । दैत्यस्तेनैव रूपेण ववृधे भूधरोपमः

rudramāyāntamālokya tadbhaktārcitaliṅgataḥ daityastenaiva rūpeṇa vavṛdhe bhūdharopamaḥ

Seeing Rudra coming forth from that very linga worshipped by his devotee, the daitya, in that very same form, swelled up until he was like a mountain.

Verse 30 (shiva.rudra.196.30)

सावज्ञमथ सर्वज्ञं यावत्पश्यति दानवः । तावदायान्तमादाय कक्षायन्त्रे न्यपीडयत्

sāvajñamatha sarvajñaṁ yāvatpaśyati dānavaḥ tāvadāyāntamādāya kakṣāyantre nyapīḍayat

While that danava was still regarding the all-knowing one with contempt, Hara, coming, seized him and crushed him tight, pinned within his own armpit.

Verse 31 (shiva.rudra.196.31)

पञ्चास्यस्त्वथ पञ्चास्यं मुष्ट्या मूर्द्धन्यताडयत् । भक्तवत्सलनामासौ वज्रादपि कठोरया

pañcāsyastvatha pañcāsyaṁ muṣṭyā mūrddhanyatāḍayat bhaktavatsalanāmāsau vajrādapi kaṭhorayā

The five-faced one, who bears the name 'ever kind to his devotees,' struck that tiger on the very head with his fist, harder even than a thunderbolt.

Verse 32 (shiva.rudra.196.32)

स तेन मुष्टिघातेन कक्षानिष्पेषणेन च । अत्यार्तमारटद्व्याघ्रो रोदसीं पूरयन्मृतः

sa tena muṣṭighātena kakṣāniṣpeṣaṇena ca atyārtamāraṭadvyāghro rodasīṁ pūrayanmṛtaḥ

By that blow of the fist and by the crushing of the armpit, the tiger, screaming in the greatest agony and filling heaven and earth with its cry, died.

Verse 33 (shiva.rudra.196.33)

तेन नादेन महता सम्प्रवेपितमानसाः । तपोधनाः समाजग्मुर्निशि शब्दानुसारतः

tena nādena mahatā sampravepitamānasāḥ tapodhanāḥ samājagmurniśi śabdānusārataḥ

At that great roar, the ascetics, their minds trembling, gathered there in the night, following the sound.

Verse 34 (shiva.rudra.196.34)

तत्रेश्वरं समालोक्य कक्षीकृतमृगेश्वरम् । तुष्टुवुः प्रणताः सर्वे शर्वं जयजयाक्षरैः

tatreśvaraṁ samālokya kakṣīkṛtamṛgeśvaram tuṣṭuvuḥ praṇatāḥ sarve śarvaṁ jayajayākṣaraiḥ

There, beholding the Lord, that beast-king held fast in his armpit, all of them, bowing low, praised Sharva with cries of "Victory, victory!"

Verse 35 (shiva.rudra.196.35)

ब्राह्मणा ऊचुः । त्रायतां त्रायतां देव प्रत्यूहाद्दारुणादितः । अनुग्रहं कुरुष्वेश तिष्ठात्रैव जगद्गुरो

brāhmaṇā ūcuḥ trāyatāṁ trāyatāṁ deva pratyūhāddāruṇāditaḥ anugrahaṁ kuruṣveśa tiṣṭhātraiva jagadguro

The brahmins said: "Save us, save us, O god, from this terrible obstacle and worse; show us grace, O Lord, and remain right here, O guru of the world."

Verse 36 (shiva.rudra.196.36)

अनेनैव स्वरूपेण व्याघ्रेश इति नामतः । कुरु रक्षां महादेव ज्येष्ठस्थानस्य सर्वदा

anenaiva svarūpeṇa vyāghreśa iti nāmataḥ kuru rakṣāṁ mahādeva jyeṣṭhasthānasya sarvadā

"In this very form, under the name Vyaghreshvara, O Mahadeva, forever protect this foremost place."

Verse 37 (shiva.rudra.196.37)

अन्येभ्यो ह्युपसर्गेभ्यो रक्ष नस्तीर्थवासिनः । दुष्टानपास्य गौरीश भक्तेभ्यो देहि चाभयम्

anyebhyo hyupasargebhyo rakṣa nastīrthavāsinaḥ duṣṭānapāsya gaurīśa bhaktebhyo dehi cābhayam

"Protect us, the dwellers of this tirtha, from all other afflictions too; O lord of Gauri, drive away the wicked and grant fearlessness to your devotees."

Verse 38 (shiva.rudra.196.38)

सनत्कुमार उवाच । इत्याकर्ण्य वचस्तेषां भक्तानां चन्द्रशेखरः । तथेत्युक्त्वा पुनः प्राह स भक्तान्भक्तवत्सलः

sanatkumāra uvāca ityākarṇya vacasteṣāṁ bhaktānāṁ candraśekharaḥ tathetyuktvā punaḥ prāha sa bhaktānbhaktavatsalaḥ

Sanatkumara said: Hearing these words of his devotees, Chandrashekhara said, "So be it," and, ever affectionate to his devotees, spoke to them again.

Verse 39 (shiva.rudra.196.39)

महेश्वर उवाच । यो मामनेन रूपेण द्रक्ष्यति श्रद्धयात्र वै । तस्योपसर्गसन्धानं पातयिष्याम्यसंशयम्

maheśvara uvāca yo māmanena rūpeṇa drakṣyati śraddhayātra vai tasyopasargasandhānaṁ pātayiṣyāmyasaṁśayam

Maheshvara said: "Whoever shall behold me here in this form with faith — for him I shall, without doubt, cast down every gathering affliction."

Verse 40 (shiva.rudra.196.40)

मच्चरित्रमिदं श्रुत्वा स्मृत्वा लिङ्गमिदं हृदि । सङ्ग्रामे प्रविशन्मर्त्यो जयमाप्नोत्यसंशयम्

maccaritramidaṁ śrutvā smṛtvā liṅgamidaṁ hṛdi saṅgrāme praviśanmartyo jayamāpnotyasaṁśayam

"Hearing this deed of mine, and calling this linga to mind in his heart, a mortal entering into battle shall, without doubt, attain victory."

Verse 41 (shiva.rudra.196.41)

एतस्मिन्नन्तरे देवाः समाजग्मुः सवासवाः । जयेति शब्दं कुर्वन्तो महोत्सवपुरःसरम्

etasminnantare devāḥ samājagmuḥ savāsavāḥ jayeti śabdaṁ kurvanto mahotsavapuraḥsaram

At that moment, the gods, together with Vasava, gathered there, crying out "Victory!", heralding a great festival.

Verse 42 (shiva.rudra.196.42)

प्रणम्य शङ्करं प्रेम्णा सर्वे साञ्जलयः सुराः । नतस्कन्धाः सुवाग्भिस्ते तुष्टुवुर्भक्तवत्सलम्

praṇamya śaṅkaraṁ premṇā sarve sāñjalayaḥ surāḥ nataskandhāḥ suvāgbhiste tuṣṭuvurbhaktavatsalam

All the gods, bowing to Shankara with love, hands joined, their necks bent low, praised that lover of his devotees with fine words.

Verse 43 (shiva.rudra.196.43)

देवा ऊचुः । जय शङ्कर देवेश प्रणतार्तिहर प्रभो । एतद्दुन्दुभिनिर्ह्रादवधात् त्राता वयं सुराः

devā ūcuḥ jaya śaṅkara deveśa praṇatārtihara prabho etaddundubhinirhrādavadhāt trātā vayaṁ surāḥ

The gods said: "Victory, O Shankara, lord of gods, remover of the suffering of those who bow, O Lord! By this slaying of Dundubhinirhrada, we the gods have been saved."

Verse 44 (shiva.rudra.196.44)

सदा रक्षा प्रकर्तव्या भक्तानां भक्तवत्सल । वध्याः खलाश्च देवेश त्वया सर्वेश्वर प्रभो

sadā rakṣā prakartavyā bhaktānāṁ bhaktavatsala vadhyāḥ khalāśca deveśa tvayā sarveśvara prabho

"Protection must ever be given to your devotees, O lover of devotees; and villains must ever be slain by you, O lord of gods, ruler of all."

Verse 45 (shiva.rudra.196.45)

इत्याकर्ण्य वचस्तेषां सुराणां परमेश्वरः । तथेत्युक्त्वा प्रसन्नात्मा तस्मिंल्लिङ्गे लयं ययौ

ityākarṇya vacasteṣāṁ surāṇāṁ parameśvaraḥ tathetyuktvā prasannātmā tasmiṁlliṅge layaṁ yayau

Sanatkumara said: Hearing these words of the gods, the Supreme Lord said, "So be it," and, his heart content, merged back into that linga.

Verse 46 (shiva.rudra.196.46)

सविस्मयास्ततो देवाः स्वं स्वं धाम ययुर्मुदा । तेऽपि विप्रा महाहर्षात्पुनर्याता यथागतम्

savismayāstato devāḥ svaṁ svaṁ dhāma yayurmudā te'pi viprā mahāharṣātpunaryātā yathāgatam

Then the gods, filled with wonder, returned each to his own abode in joy; and those brahmins too, in great delight, went back the way they had come.

Verse 47 (shiva.rudra.196.47)

इदं चरित्रं परमं व्याघ्रेश्वरसमुद्भवम् । शृणुयाच्छ्रावयेद्वापि पठेद्वा पाठयेत्तथा

idaṁ caritraṁ paramaṁ vyāghreśvarasamudbhavam śṛṇuyācchrāvayedvāpi paṭhedvā pāṭhayettathā

Whoever shall hear this supreme deed, the origin of Vyaghreshvara, or shall cause it to be heard, or shall recite it, or cause it to be recited,

Verse 48 (shiva.rudra.196.48)

सर्वान्कामानवाप्नोति नरःस्वमनसेप्सितान् । परत्र लभते मोक्षं सर्वदुःखविवर्जितः

sarvānkāmānavāpnoti naraḥsvamanasepsitān paratra labhate mokṣaṁ sarvaduḥkhavivarjitaḥ

that man shall obtain every desire cherished in his own heart, and in the world beyond shall attain liberation, freed from every sorrow.

Verse 49 (shiva.rudra.196.49)

इदमाख्यानमतुलं शिवलीलामृताक्षरम् । स्वर्ग्यं यशस्यमायुष्यं पुत्रपौत्रप्रवर्द्धनम्

idamākhyānamatulaṁ śivalīlāmṛtākṣaram svargyaṁ yaśasyamāyuṣyaṁ putrapautrapravarddhanam

This incomparable tale, its very syllables the nectar of Shiva's play, confers heaven, fame, and long life, and multiplies sons and grandsons.

Verse 50 (shiva.rudra.196.50)

परं भक्तिप्रदं धन्यं शिवप्रीतिकरं शिवम् । परमज्ञानदं रम्यं विकारहरणं परम्

paraṁ bhaktipradaṁ dhanyaṁ śivaprītikaraṁ śivam paramajñānadaṁ ramyaṁ vikāraharaṇaṁ param

It is supremely conducive to devotion, blessed, pleasing to Shiva, auspicious, bestowing the highest knowledge, delightful, and supremely removes every affliction.