The Nature of Vasanta (Spring)

Verse 1 (shiva.rudra.28.1)

सूत उवाच । इत्याकर्ण्य वचस्तस्य ब्रह्मणो हि प्रजापतेः । प्रसन्नमानसो भूत्वा तं प्रोवाच स नारदः

sūta uvāca | ityākarṇya vacastasya brahmaṇo hi prajāpateḥ | prasannamānaso bhūtvā taṁ provāca sa nāradaḥ

Suta said: Having heard these words of Brahma, the Lord of creatures, Narada, his mind now pleased, spoke to him.

Verse 2 (shiva.rudra.28.2)

नारद उवाच । ब्रह्मन् विधे महाभाग विष्णुशिष्य महामते । धन्यस्त्वं शिवभक्तो हि परतत्त्वप्रदर्शकः

nārada uvāca | brahman vidhe mahābhāga viṣṇuśiṣya mahāmate | dhanyastvaṁ śivabhakto hi paratattvapradarśakaḥ

Narada said: O Brahma, O Creator, greatly blessed and wise one, blessed indeed are you, a devotee of Shiva, revealer of the supreme truth.

Verse 3 (shiva.rudra.28.3)

श्राविता सुकथा दिव्या शिवभक्तिविवर्धिनी । अरुन्धत्यास्तथा तस्याः स्वरूपायाः परे भवे

śrāvitā sukathā divyā śivabhaktivivardhinī | arundhatyāstathā tasyāḥ svarūpāyāḥ pare bhave

You have caused me to hear this beautiful, divine tale, one that deepens devotion to Shiva — the story of Arundhati and of her own former existence.

Verse 4 (shiva.rudra.28.4)

इदानीं ब्रूहि धर्मज्ञ पवित्रं चरितं परम् । शिवस्य परपापघ्नं मङ्गलप्रदमुत्तमम्

idānīṁ brūhi dharmajña pavitraṁ caritaṁ param | śivasya parapāpaghnaṁ maṅgalapradamuttamam

Now tell me, O knower of dharma, that supreme and sacred story of Shiva — one that destroys the greatest of sins and grants the highest blessing.

Verse 5 (shiva.rudra.28.5)

गृहीतदारे कामे च हृष्टे तेषु गतेषु च । सन्ध्यायां किं तपस्तप्तुं गतायामभवत्ततः

gṛhītadāre kāme ca hṛṣṭe teṣu gateṣu ca | sandhyāyāṁ kiṁ tapastaptuṁ gatāyāmabhavattataḥ

When Kama, having taken a wife, rejoiced, and when they all had gone their ways, and Sandhya too had departed to perform austerity — what happened then?

Verse 6 (shiva.rudra.28.6)

सूत उवाच । इति श्रुत्वा वचस्तस्य ऋषेर्वै भावितात्मनः । सुप्रसन्नतरो भूत्वा ब्रह्मा वचनमब्रवीत्

sūta uvāca | iti śrutvā vacastasya ṛṣervai bhāvitātmanaḥ | suprasannataro bhūtvā brahmā vacanamabravīt

Suta said: Having heard these words of that sage of purified soul, Brahma, growing still more pleased, spoke.

Verse 7 (shiva.rudra.28.7)

ब्रह्मोवाच । शृणु नारद विप्रेन्द्र तदेव चरितं शुभम् । शिवलीलान्वितं भक्त्या धन्यस्त्वं शिवसेवकः

brahmovāca | śṛṇu nārada viprendra tadeva caritaṁ śubham | śivalīlānvitaṁ bhaktyā dhanyastvaṁ śivasevakaḥ

Brahma said: Listen, Narada, foremost of Brahmins, to that same auspicious story, filled with Shiva's divine play; blessed are you, a servant of Shiva.

Verse 8 (shiva.rudra.28.8)

अहं विमोहितस्तात यदैवान्तर्हितः पुरा । अचिन्तयं सदाहं तच्छम्भुवाक्यविषार्दितः

ahaṁ vimohitastāta yadaivāntarhitaḥ purā | acintayaṁ sadāhaṁ tacchambhuvākyaviṣārditaḥ

My son, when I had once withdrawn from view, deluded as I was, tormented by Shambhu's stinging words, I brooded on this constantly.

Verse 9 (shiva.rudra.28.9)

चिन्तयित्वा चिरं चित्ते शिवमायाविमोहितः । शिवे चेर्ष्यामकार्षं हि तच्छृणुष्व वदामि ते

cintayitvā ciraṁ citte śivamāyāvimohitaḥ | śive cerṣyāmakārṣaṁ hi tacchṛṇuṣva vadāmi te

Having brooded long in my heart, deluded by Shiva's own Maya, I conceived jealousy toward Shiva — listen to that; I shall tell you.

Verse 10 (shiva.rudra.28.10)

अथाहमगमं तत्र यत्र दक्षादयः स्थिताः । सरतिं मदनं दृष्ट्वा समदोऽहं हि किञ्चन

athāhamagamaṁ tatra yatra dakṣādayaḥ sthitāḥ | saratiṁ madanaṁ dṛṣṭvā samado'haṁ hi kiñcana

Then I went to where Daksha and the others were gathered, and seeing Madana together with Rati, I became somewhat intoxicated.

Verse 11 (shiva.rudra.28.11)

दक्षमाभाष्य सुप्रीत्या परान्पुत्रांश्च नारद । अवोचं वचनं सोऽहं शिवमायाविमोहितः

dakṣamābhāṣya suprītyā parānputrāṁśca nārada | avocaṁ vacanaṁ so'haṁ śivamāyāvimohitaḥ

O Narada, addressing Daksha and my other sons with great affection, I, deluded by Shiva's Maya, spoke these words.

Verse 12 (shiva.rudra.28.12)

ब्रह्मोवाच । हे दक्ष हे मरीच्याद्याः सुताः शृणुत मद्वचः । श्रुत्वोपायं विधेयं हि मम कष्टापनुत्तये

brahmovāca | he dakṣa he marīcyādyāḥ sutāḥ śṛṇuta madvacaḥ | śrutvopāyaṁ vidheyaṁ hi mama kaṣṭāpanuttaye

[Brahma continued:] 'O Daksha, O sons beginning with Marichi, hear my words; and having heard them, devise some remedy to remove my distress.'

Verse 13 (shiva.rudra.28.13)

कान्ताभिलाषमात्रं मे दृष्ट्वा शम्भुरगर्हयत् । मां च युष्मान्महायोगी धिक्कारं कृतवान्बहु

kāntābhilāṣamātraṁ me dṛṣṭvā śambhuragarhayat | māṁ ca yuṣmānmahāyogī dhikkāraṁ kṛtavānbahu

Seeing only my longing for a wife, Shambhu reproached me; that great yogi heaped much scorn upon both me and all of you.

Verse 14 (shiva.rudra.28.14)

तेन दुःखाभितप्तोऽहं लभेऽहं शर्म न क्वचित् । यथा गृह्णातु कान्तां स स यत्नः कार्य एव हि

tena duḥkhābhitapto'haṁ labhe'haṁ śarma na kvacit | yathā gṛhṇātu kāntāṁ sa sa yatnaḥ kārya eva hi

Tormented by this grief, I find no peace anywhere; some effort must truly be made so that he too may take a wife.

Verse 15 (shiva.rudra.28.15)

यथा गृह्णातु कान्तां स सुखी स्यां दुःखवर्जितः । दुर्लभः स तु कामो मे परं मन्ये विचारतः

yathā gṛhṇātu kāntāṁ sa sukhī syāṁ duḥkhavarjitaḥ | durlabhaḥ sa tu kāmo me paraṁ manye vicārataḥ

So that he may take a wife, and I may become happy and free of sorrow; yet, on reflection, I think that this desire of mine is exceedingly hard to fulfill.

Verse 16 (shiva.rudra.28.16)

कान्ताभिलाषमात्रं मे दृष्ट्वा शम्भुरगर्हयत् । मुनीनां पुरतः कस्मात्स कान्तां सङ्ग्रहीष्यति

kāntābhilāṣamātraṁ me dṛṣṭvā śambhuragarhayat | munīnāṁ purataḥ kasmātsa kāntāṁ saṅgrahīṣyati

Seeing merely my longing for a bride, Shambhu reproached me — why then would he, before the very eyes of the sages, ever take a bride for himself?

Verse 17 (shiva.rudra.28.17)

का वा नारी त्रिलोकेऽस्मिन् या भवेत्तन्मनःस्थिता । योगमार्गमवज्ञाप्य तस्य मोहं करिष्यति

kā vā nārī triloke'smin yā bhavettanmanaḥsthitā | yogamārgamavajñāpya tasya mohaṁ kariṣyati

And what woman in these three worlds could ever take a place in his mind and, causing him to disregard the path of yoga, delude him?

Verse 18 (shiva.rudra.28.18)

मन्मथोऽपि समर्थो नो भविष्यत्यस्य मोहने । नितान्तयोगी रामाणां नामापि सहते न सः

manmatho'pi samartho no bhaviṣyatyasya mohane | nitāntayogī rāmāṇāṁ nāmāpi sahate na saḥ

Even Manmatha shall not be able to delude him; that consummate yogi cannot bear so much as the mention of women.

Verse 19 (shiva.rudra.28.19)

परिग्रहं विना चैव हरेण कथयादिना । मध्यमा च भवेत्सृष्टिस्तद्वाचा नान्यवारिता

parigrahaṁ vinā caiva hareṇa kathayādinā | madhyamā ca bhavetsṛṣṭistadvācā nānyavāritā

Without marriage, by Hara's word alone and the like, creation would remain incomplete; and his decree cannot otherwise be turned aside.

Verse 20 (shiva.rudra.28.20)

भुवि केचिद्भविष्यन्ति मम वध्या महासुराः । वध्याः केचिद्धरेर्नूनं केचिच्छम्भोरुपायतः

bhuvi kecidbhaviṣyanti mama vadhyā mahāsurāḥ | vadhyāḥ keciddharernūnaṁ kecicchambhorupāyataḥ

Upon this earth, certain great demons shall be destined to be slain by me, certain others surely by Hari, and certain others through some stratagem of Shambhu.

Verse 21 (shiva.rudra.28.21)

संसारविमुखे शम्भौ तथैकान्तविरागिणि । अस्मादृते न कर्मान्यत् करिष्यति न संशयः

saṁsāravimukhe śambhau tathaikāntavirāgiṇi | asmādṛte na karmānyat kariṣyati na saṁśayaḥ

Shambhu, averse to worldly life and wholly given to detachment, will undertake no other task without this — of this there is no doubt.

Verse 22 (shiva.rudra.28.22)

इत्युक्त्वा तनयांश्चाहं दक्षादीन् सुनिरीक्ष्य च । सरतिं मदनं तत्र सानन्दमगदं ततः

ityuktvā tanayāṁścāhaṁ dakṣādīn sunirīkṣya ca | saratiṁ madanaṁ tatra sānandamagadaṁ tataḥ

Having said this, and having looked closely upon my sons headed by Daksha, I then spoke joyfully there to Madana, together with Rati.

Verse 23 (shiva.rudra.28.23)

ब्रह्मोवाच । मत्पुत्रवर काम त्वं सर्वथा सुखदायकः । मद्वचः शृणु सुप्रीत्या स्वपत्न्या पितृवत्सल

brahmovāca | matputravara kāma tvaṁ sarvathā sukhadāyakaḥ | madvacaḥ śṛṇu suprītyā svapatnyā pitṛvatsala

Brahma said: O Kama, best of my sons, ever a bestower of joy — listen with love to my words, together with your wife, O devoted son.

Verse 24 (shiva.rudra.28.24)

अनया सहचारिण्या राजसे त्वं मनोभव । एषा च भवता पत्या युक्ता संशोभते भृशम्

anayā sahacāriṇyā rājase tvaṁ manobhava | eṣā ca bhavatā patyā yuktā saṁśobhate bhṛśam

With this companion of yours, O Manobhava, you shine in splendor; and she too, joined with you as her husband, is greatly resplendent.

Verse 25 (shiva.rudra.28.25)

यथा स्त्रिया हृषीकेशो हरिणा सा यथा रमा । क्षणदा विधुना युक्ता तया युक्तो यथा विधुः

yathā striyā hṛṣīkeśo hariṇā sā yathā ramā | kṣaṇadā vidhunā yuktā tayā yukto yathā vidhuḥ

As Hrishikesha shines with his consort, as Rama shines with Hari, as night is joined in beauty with the moon, and the moon with night,

Verse 26 (shiva.rudra.28.26)

तथैव युवयोः शोभा दाम्पत्यं च पुरस्कृतम् । अतस्त्वं जगतः केतुर्विश्वकेतुर्भविष्यसि

tathaiva yuvayoḥ śobhā dāmpatyaṁ ca puraskṛtam | atastvaṁ jagataḥ keturviśvaketurbhaviṣyasi

—just so is the splendor of you two, your marriage held foremost of all; therefore you shall become the very banner of the world, the standard of the universe.

Verse 27 (shiva.rudra.28.27)

जगद्धिताय वत्स त्वं मोहयस्व पिनाकिनाम् । यथाशु सुमनः शम्भुः कुर्याद्दारप्रतिग्रहम्

jagaddhitāya vatsa tvaṁ mohayasva pinākinām | yathāśu sumanaḥ śambhuḥ kuryāddārapratigraham

For the good of the world, my child, delude the wielder of the Pinaka bow, so that Shambhu, his heart made gracious, may swiftly accept a bride.

Verse 28 (shiva.rudra.28.28)

विजने स्निग्धदेशे तु पर्वतेषु सरःसु च । यत्र यत्र प्रयातीशस्तत्र तत्रानया सह

vijane snigdhadeśe tu parvateṣu saraḥsu ca | yatra yatra prayātīśastatra tatrānayā saha

In lonely and pleasant places, on mountains and by lakes, wherever the Lord may go, there, together with her,

Verse 29 (shiva.rudra.28.29)

मोहय त्वं यतात्मानं वनिताविमुखं हरम् । त्वदृते विद्यते नान्यः कश्चिदस्य विमोहकः

mohaya tvaṁ yatātmānaṁ vanitāvimukhaṁ haram | tvadṛte vidyate nānyaḥ kaścidasya vimohakaḥ

—delude that self-controlled Hara, who is averse to women; apart from you, there is no other capable of bewildering him.

Verse 30 (shiva.rudra.28.30)

भूते हरे सानुरागे भवतोऽपि मनोभव । शापोपशान्तिर्भविता तस्मादात्महितं कुरु

bhūte hare sānurāge bhavato'pi manobhava | śāpopaśāntirbhavitā tasmādātmahitaṁ kuru

O Manobhava, once Hara comes to be filled with passion, the cessation of your own curse shall follow as well; so act now for your own good.

Verse 31 (shiva.rudra.28.31)

सानुरागो वरारोहां यदीच्छति महेश्वरः । तदा भवोऽपि योग्यार्यस्त्वां च सन्तारयिष्यति

sānurāgo varārohāṁ yadīcchati maheśvaraḥ | tadā bhavo'pi yogyāryastvāṁ ca santārayiṣyati

If Maheshvara, moved by passion, comes to desire a fair bride, then Bhava too, that worthy and noble one, shall deliver you from your curse.

Verse 32 (shiva.rudra.28.32)

तस्माज्जायाद्वितीयस्त्वं यतस्व हरमोहने । विश्वस्य भव केतुस्त्वं मोहयित्वा महेश्वरम्

tasmājjāyādvitīyastvaṁ yatasva haramohane | viśvasya bhava ketustvaṁ mohayitvā maheśvaram

Therefore strive with all your power to delude Hara; and having deluded Maheshvara, become the very banner of the universe.

Verse 33 (shiva.rudra.28.33)

ब्रह्मोवाच । इति श्रुत्वा वचो मे हि जनकस्य जगत्प्रभोः । उवाच मन्मथस्तथ्यं तदा मां जगतां पतिम्

brahmovāca | iti śrutvā vaco me hi janakasya jagatprabhoḥ | uvāca manmathastathyaṁ tadā māṁ jagatāṁ patim

Brahma said: Hearing these words of mine, his father and lord of the world, Manmatha then spoke to me, the lord of the worlds, in true and honest words.

Verse 34 (shiva.rudra.28.34)

मन्मथ उवाच । करिष्येऽहं तव विभो वचनाच्छम्भुमोहनम् । किं तु योषिन्ममास्त्रं मे तत्कान्तां भगवन् सृज

manmatha uvāca | kariṣye'haṁ tava vibho vacanācchambhumohanam | kiṁ tu yoṣinmamāstraṁ me tatkāntāṁ bhagavan sṛja

Manmatha said: At your command, O Lord, I shall bewilder Shambhu. But woman is my true weapon — so, divine one, fashion for me a lovely companion for this purpose.

Verse 35 (shiva.rudra.28.35)

मया सम्मोहिते शम्भौ यया तस्यानुमोहनम् । कर्तव्यमधुना धातस्तत्रोपायं परं कुरु

mayā sammohite śambhau yayā tasyānumohanam | kartavyamadhunā dhātastatropāyaṁ paraṁ kuru

When Shambhu is once bewildered by me, his fuller enchantment must then be accomplished by some means; now, O Creator, devise for this the very best method.

Verse 36 (shiva.rudra.28.36)

ब्रह्मोवाच । एवंवादिनि कन्दर्पे धाताहं स प्रजापतिः । कया सम्मोहनीयोसाविति चिन्तामयामहम्

brahmovāca | evaṁvādini kandarpe dhātāhaṁ sa prajāpatiḥ | kayā sammohanīyosāviti cintāmayāmaham

Brahma said: When Kandarpa had spoken thus, I, the Creator and Lord of creatures, fell to thinking — 'By what means shall he be bewitched?'

Verse 37 (shiva.rudra.28.37)

चिन्ताविष्टस्य मे तस्य निःश्वासो यो विनिःसृतः । तस्माद्वसन्तः सञ्जातः पुष्पव्रातविभूषितः

cintāviṣṭasya me tasya niḥśvāso yo viniḥsṛtaḥ | tasmādvasantaḥ sañjātaḥ puṣpavrātavibhūṣitaḥ

From the very breath that escaped me as I sat lost in thought, Vasanta was born, adorned with masses of blossoms.

Verse 38 (shiva.rudra.28.38)

शोणराजीवसङ्काशः फुल्लतामरसेक्षणः । सन्ध्योदिताखण्डशशिप्रतिमास्यः सुनासिकः

śoṇarājīvasaṅkāśaḥ phullatāmarasekṣaṇaḥ | sandhyoditākhaṇḍaśaśipratimāsyaḥ sunāsikaḥ

Ruddy as a red lotus, his eyes like fully blossomed lotuses, his face like the unbroken moon risen at twilight, his nose finely formed,

Verse 39 (shiva.rudra.28.39)

शार्ङ्गवच्चरणावर्तः श्यामकुञ्चितमूर्धजः । सन्ध्यांशुमालिसदृशः कुण्डलद्वयमण्डितः

śārṅgavaccaraṇāvartaḥ śyāmakuñcitamūrdhajaḥ | sandhyāṁśumālisadṛśaḥ kuṇḍaladvayamaṇḍitaḥ

his feet curved like a bow, his dark hair falling in curls, resembling the sun garlanded with the rays of twilight, adorned with a pair of earrings,

Verse 40 (shiva.rudra.28.40)

प्रमत्तेभगतिः पीनायतदोरुन्नतांसकः । कम्बुग्रीवः सुविस्तीर्णहृदयः पीनसन्मुखः

pramattebhagatiḥ pīnāyatadorunnatāṁsakaḥ | kambugrīvaḥ suvistīrṇahṛdayaḥ pīnasanmukhaḥ

his gait like a rutting elephant's, his arms full and long, his shoulders raised, his neck like a conch shell, his chest broad, his face full and handsome,

Verse 41 (shiva.rudra.28.41)

सर्वाङ्गसुन्दरः श्यामः सम्पूर्णः सर्वलक्षणैः । दर्शनीयतमः सर्वमोहनः कामवर्धनः

sarvāṅgasundaraḥ śyāmaḥ sampūrṇaḥ sarvalakṣaṇaiḥ | darśanīyatamaḥ sarvamohanaḥ kāmavardhanaḥ

beautiful in every limb, dark of hue, perfect in every auspicious mark, most delightful to behold, bewitching to all, and one who kindles desire itself.

Verse 42 (shiva.rudra.28.42)

एतादृशे समुत्पन्ने वसन्ते कुसुमाकरे । ववौ वायुः सुसुरभिः पादपा अपि पुष्पिताः

etādṛśe samutpanne vasante kusumākare | vavau vāyuḥ susurabhiḥ pādapā api puṣpitāḥ

When such a Vasanta, that very wellspring of flowers, had thus come into being, a most fragrant wind began to blow, and the trees too burst into blossom.

Verse 43 (shiva.rudra.28.43)

पिका विनेदुः शतशः पञ्चमं मधुरस्वनाः । प्रफुल्लपद्मा अभवन्सरस्यः स्वच्छपुष्कराः

pikā vineduḥ śataśaḥ pañcamaṁ madhurasvanāḥ | praphullapadmā abhavansarasyaḥ svacchapuṣkarāḥ

Cuckoos by the hundreds sang out the fifth note in sweet tones, and the lakes grew full of blooming lotuses, their waters clear.

Verse 44 (shiva.rudra.28.44)

तमुत्पन्नमहं वीक्ष्य तदा तादृशमुत्तमम् । हिरण्यगर्भो मदनमगदं मधुरं वचः

tamutpannamahaṁ vīkṣya tadā tādṛśamuttamam | hiraṇyagarbho madanamagadaṁ madhuraṁ vacaḥ

Seeing him thus born, so excellent in every way, I, Hiranyagarbha, then spoke sweet words to Madana.

Verse 45 (shiva.rudra.28.45)

ब्रह्मोवाच । एवं स मन्मथनिभः सदा सहचरोऽभवत् । आनुकूल्यं तव कृते सर्वं देवः करिष्यति

brahmovāca | evaṁ sa manmathanibhaḥ sadā sahacaro'bhavat | ānukūlyaṁ tava kṛte sarvaṁ devaḥ kariṣyati

Brahma said: 'Thus this one, resembling Manmatha himself, shall ever be your companion; this god shall do everything to your advantage.'

Verse 46 (shiva.rudra.28.46)

यथाग्नेः पवनो मित्रं सर्वत्रोपकरिष्यति । तथायं भवतो मित्रं सदा त्वामनुयास्यति

yathāgneḥ pavano mitraṁ sarvatropakariṣyati | tathāyaṁ bhavato mitraṁ sadā tvāmanuyāsyati

As the wind, friend to fire, aids it everywhere, so shall this one, your friend, ever follow close behind you.

Verse 47 (shiva.rudra.28.47)

वसतेरन्तहेतुत्वाद्वसन्ताख्यो भवत्वयम् । तवानुगमनं कर्म तथा लोकानुरञ्जनम्

vasaterantahetutvādvasantākhyo bhavatvayam | tavānugamanaṁ karma tathā lokānurañjanam

Since he brings about the end of confinement indoors, let him be known by the name Vasanta; his task shall be to follow after you, and to delight the world.

Verse 48 (shiva.rudra.28.48)

असौ वसन्तशृङ्गारो वासन्तो मलयानिलः । भवेत्तु सुहृदो भावः सदा त्वद्वशवर्तिनः

asau vasantaśṛṅgāro vāsanto malayānilaḥ | bhavettu suhṛdo bhāvaḥ sadā tvadvaśavartinaḥ

This ornament of spring, the vernal breeze from the Malaya hills, shall ever be a spirit of friendship, wholly subject to your will.

Verse 49 (shiva.rudra.28.49)

विव्वोकाद्यास्तथा हावाश्चतुष्षष्टिकलास्तथा । रत्याः कुर्वन्तु सौहृद्यं सुहृदस्ते यथा तव

vivvokādyāstathā hāvāścatuṣṣaṣṭikalāstathā | ratyāḥ kurvantu sauhṛdyaṁ suhṛdaste yathā tava

Coy glances and the other amorous arts, and the sixty-four skills as well — Rati's companions all — let them, too, be your friends and show you their goodwill.

Verse 50 (shiva.rudra.28.50)

एभिः सहचरैः काम वसन्तप्रमुखैर्भवान् । मोहयस्व महादेवं रत्या सह महोद्यमः

ebhiḥ sahacaraiḥ kāma vasantapramukhairbhavān | mohayasva mahādevaṁ ratyā saha mahodyamaḥ

With these companions, O Kama, Vasanta foremost among them, and together with Rati, exert your utmost effort to bewilder Mahadeva.

Verse 51 (shiva.rudra.28.51)

अहं तां कामिनीं तात भावयिष्यामि यत्नतः । मनसा सुविचार्यैव या हरं मोहयिष्यति

ahaṁ tāṁ kāminīṁ tāta bhāvayiṣyāmi yatnataḥ | manasā suvicāryaiva yā haraṁ mohayiṣyati

My child, I myself shall, with great effort and careful thought, bring into being that woman who shall in time bewilder Hara.

Verse 52 (shiva.rudra.28.52)

ब्रह्मोवाच । एवमुक्तो मया कामः सुरज्येष्ठेन हर्षितः । ननाम चरणौ मेऽपि स पत्नीसहितस्तदा

brahmovāca | evamukto mayā kāmaḥ surajyeṣṭhena harṣitaḥ | nanāma caraṇau me'pi sa patnīsahitastadā

Brahma said: Thus addressed by me, eldest among the gods, Kama, filled with joy, together with his wife, then bowed down at my feet.

Verse 53 (shiva.rudra.28.53)

दक्षं प्रणम्य तान् सर्वान्मानसानभिवाद्य च । यत्रात्मा गतवान् शम्भुस्तत्स्थानं मन्मथो ययौ

dakṣaṁ praṇamya tān sarvānmānasānabhivādya ca | yatrātmā gatavān śambhustatsthānaṁ manmatho yayau

Having bowed to Daksha and saluted all those mind-born sons, Manmatha then set out for that place to which Shambhu himself had gone.