The Wanderings of Shiva and Shivā

Verse 1 (shiva.rudra.42.1)

ब्रह्मोवाच । कदाचिदथ दक्षस्य तनया जलदागमे । कैलासक्ष्माभृतः प्राह प्रस्थस्थं वृषभध्वजम्

brahmovāca | kadācidatha dakṣasya tanayā jaladāgame | kailāsakṣmābhṛtaḥ prāha prasthasthaṁ vṛṣabhadhvajam

Brahma said: Then once, at the coming of the rainy clouds, Daksha's daughter spoke to Vrishabhadhvaja, seated on the slope of Mount Kailasa.

Verse 2 (shiva.rudra.42.2)

सत्युवाच । देवदेव महादेव शम्भो मत्प्राणवल्लभ । शृणु मे वचनं नाथ श्रुत्वा तत्कुरु मानद

satyuvāca | devadeva mahādeva śambho matprāṇavallabha | śṛṇu me vacanaṁ nātha śrutvā tatkuru mānada

Sati said: "O God of gods, Mahadeva, Shambhu, dearer to me than life itself — hear my words, O Lord, and having heard them, act upon them, O bestower of honor."

Verse 3 (shiva.rudra.42.3)

घनागमोऽयं सम्प्राप्तः कालः परमदुःसहः । अनेकवर्णमेघौघाः सङ्गीताम्बरदिक्चयाः

ghanāgamo'yaṁ samprāptaḥ kālaḥ paramaduḥsahaḥ | anekavarṇameghaughāḥ saṅgītāmbaradikcayāḥ

"This season of the gathering clouds has come, one most hard to bear; clouds of many hues have massed together, covering the sky and every quarter."

Verse 4 (shiva.rudra.42.4)

विवान्ति वाता हृदयं हारयन्तीति वेगिनः । कदम्बरजसा धौताः पाथोबिन्दुविकर्षणाः

vivānti vātā hṛdayaṁ hārayantīti veginaḥ | kadambarajasā dhautāḥ pāthobinduvikarṣaṇāḥ

"Swift winds blow, seeming to steal the heart away, washed clean with the pollen of the kadamba flower and drawing along droplets of water."

Verse 5 (shiva.rudra.42.5)

मेघानां गर्जितैरुच्चैर्धारासारं विमुञ्चताम् । विद्युत्पताकिनां तीव्रैः क्षुब्धं स्यात्कस्य नो मनः

meghānāṁ garjitairuccairdhārāsāraṁ vimuñcatām | vidyutpatākināṁ tīvraiḥ kṣubdhaṁ syātkasya no manaḥ

"Whose mind would not be shaken by these clouds, thundering loudly, pouring down torrents of rain, flying their fierce banners of lightning?"

Verse 6 (shiva.rudra.42.6)

न सूर्यो दृश्यते नापि मेघच्छन्नो निशापतिः । दिवापि रात्रिवद्भाति विरहिव्यसनाकरः

na sūryo dṛśyate nāpi meghacchanno niśāpatiḥ | divāpi rātrivadbhāti virahivyasanākaraḥ

"Neither the sun is seen, nor the moon, hidden by the clouds; even day appears like night — a season that brings misery to those parted from their beloved."

Verse 7 (shiva.rudra.42.7)

मेघा नैकत्र तिष्ठन्तो ध्वनन्तः पवनेरिताः । पतन्त इव लोकानां दृश्यन्ते मूर्ध्नि शङ्कर

meghā naikatra tiṣṭhanto dhvanantaḥ pavaneritāḥ | patanta iva lokānāṁ dṛśyante mūrdhni śaṅkara

"O Shankara, the thundering clouds, driven by the wind, never stay in one place; they seem, to the eyes of men, almost to fall upon their very heads."

Verse 8 (shiva.rudra.42.8)

वाताहता महावृक्षा नर्तन्त इव चाम्बरे । दृश्यन्ते हर भीरूणां त्रासदाः कामुकेप्सिताः

vātāhatā mahāvṛkṣā nartanta iva cāmbare | dṛśyante hara bhīrūṇāṁ trāsadāḥ kāmukepsitāḥ

"O Hara, great trees, buffeted by the wind, seem to dance against the sky; they appear terrifying to the timid, yet longed-for by those in love."

Verse 9 (shiva.rudra.42.9)

स्निग्धनीलाञ्जनस्याशु सदिवौघस्य पृष्ठतः । बलाकराजीवात्युच्चैर्यमुनापृष्ठफेनवत्

snigdhanīlāñjanasyāśu sadivaughasya pṛṣṭhataḥ | balākarājīvātyuccairyamunāpṛṣṭhaphenavat

"Along the back of the massed, glossy dark-blue clouds, a line of cranes flies high above, like foam upon the surface of the Yamuna."

Verse 10 (shiva.rudra.42.10)

क्षपायामीश वलयो दृश्यन्ते करभाश्रिताः । अम्बुधाविव सन्दीप्तपावको वडवामुखः

kṣapāyāmīśa valayo dṛśyante karabhāśritāḥ | ambudhāviva sandīptapāvako vaḍavāmukhaḥ

"O Lord, at night the flashes of lightning amid the clouds appear like the blazing submarine fire burning within the ocean."

Verse 11 (shiva.rudra.42.11)

प्रारोहन्तीह सस्यानि मन्दरे प्राङ्गणेष्वपि । किमन्यत्र विरूपाक्ष सस्योद्भूतिं वदाम्यहम्

prārohantīha sasyāni mandare prāṅgaṇeṣvapi | kimanyatra virūpākṣa sasyodbhūtiṁ vadāmyaham

"O Virupaksha, crops are sprouting even in the courtyards of Mount Mandara — what then need I say of the sprouting of grain elsewhere?"

Verse 12 (shiva.rudra.42.12)

श्यामलै राजतै रक्तैर्विशदोऽयं हिमाचलः । मन्दराश्रयमेघौघः पत्रैर्दुग्धाम्बुधिर्यथा

śyāmalai rājatai raktairviśado'yaṁ himācalaḥ | mandarāśrayameghaughaḥ patrairdugdhāmbudhiryathā

"This white Himalaya, dappled with patches of dark, silver, and red, looks like the Ocean of Milk strewn with leaves, with banks of cloud settled upon Mount Mandara."

Verse 13 (shiva.rudra.42.13)

असमश्रीश्च कुटिलं भेजे यस्याथ किंशुकान् । उच्चावचान् कलौ लक्ष्मीर्गन्ता सन्त्यज्य सज्जनान्

asamaśrīśca kuṭilaṁ bheje yasyātha kiṁśukān | uccāvacān kalau lakṣmīrgantā santyajya sajjanān

"As in the Kali age Fortune forsakes the virtuous and wanders on to high and low alike, so too these uneven, crooked kimshuka trees, of unmatched splendor, put forth their blossoms every which way."

Verse 14 (shiva.rudra.42.14)

मन्दराचलमेघानां शब्देन हृषिता मुहुः । केकायन्ते प्रतिवने सततं पृष्ठसूचकम्

mandarācalameghānāṁ śabdena hṛṣitā muhuḥ | kekāyante prativane satataṁ pṛṣṭhasūcakam

"Rejoicing again and again at the rumble of the clouds over Mount Mandara, the peacocks in every forest cry out ceaselessly, as though signaling what follows behind."

Verse 15 (shiva.rudra.42.15)

मेघोत्सुकानां मधुरश्चातकानां मनोहरः । धारासारशरैस्तापं पेतुः प्रतिपथोद्गतम्

meghotsukānāṁ madhuraścātakānāṁ manoharaḥ | dhārāsāraśaraistāpaṁ petuḥ pratipathodgatam

"With the sweet, enchanting cries of the chataka birds longing for the clouds, the heat that had risen along every path was quenched by arrow-like torrents of rain."

Verse 16 (shiva.rudra.42.16)

मेघानां पश्य मद्देहे दुर्नयं करकोत्करैः । ये छादयन्त्यनुगते मयूरांश्चातकांस्तथा

meghānāṁ paśya maddehe durnayaṁ karakotkaraiḥ | ye chādayantyanugate mayūrāṁścātakāṁstathā

"See the injustice these clouds do — even to my own body — with their hail; they cover over the very peacocks and chatakas who follow after them."

Verse 17 (shiva.rudra.42.17)

शिखिसारङ्गयोर्दृष्ट्वा मित्रादपि पराभवम् । हर्षं गच्छन्ति गिरिश विदूरमपि मानसम्

śikhisāraṅgayordṛṣṭvā mitrādapi parābhavam | harṣaṁ gacchanti giriśa vidūramapi mānasam

"O lord of the mountains, seeing even the peacock and the deer overcome by their own friend, the heart of one who watches from afar fills with delight."

Verse 18 (shiva.rudra.42.18)

एतस्मिन्विषमे काले नीडं काकाश्चकोरकाः । कुर्वन्ति त्वां विना गेहान् कथं शान्तिमवाप्स्यसि

etasminviṣame kāle nīḍaṁ kākāścakorakāḥ | kurvanti tvāṁ vinā gehān kathaṁ śāntimavāpsyasi

"In this difficult season even crows and chakoras build their nests; but without a home of my own, apart from you, how shall I find peace?"

Verse 19 (shiva.rudra.42.19)

महतीवाद्य नो भीतिर्मां मेघोत्था पिनाकधृक् । यतस्व यस्माद्वासाय माचिरं वचनान्मम

mahatīvādya no bhītirmāṁ meghotthā pinākadhṛk | yatasva yasmādvāsāya māciraṁ vacanānmama

"O wielder of the Pinaka bow, a great fear born of these clouds has come upon me today; so strive, at my word, to find us a dwelling — without delay."

Verse 20 (shiva.rudra.42.20)

कैलासे वा हिमाद्रौ वा महाकोश्यामथ क्षितौ । तत्रोपयोग्यं संवासं कुरु त्वं वृषभध्वज

kailāse vā himādrau vā mahākośyāmatha kṣitau | tatropayogyaṁ saṁvāsaṁ kuru tvaṁ vṛṣabhadhvaja

"O Vrishabhadhvaja, whether on Kailasa, or on the Himalaya, or in the land of Mahakoshi — wherever is fitting, make there our dwelling place."

Verse 21 (shiva.rudra.42.21)

ब्रह्मोवाच । एवमुक्तस्तया शम्भुर्दाक्षायण्या तथासकृत् । सञ्जहास च शीर्षस्थचन्द्ररश्मिस्मितालयम्

brahmovāca | evamuktastayā śambhurdākṣāyaṇyā tathāsakṛt | sañjahāsa ca śīrṣasthacandraraśmismitālayam

Brahma said: When Daksha's daughter had spoken thus, again and again, Shambhu smiled — a smile that seemed to become the very home of the moonbeams resting upon his head.

Verse 22 (shiva.rudra.42.22)

अथोवाच सतीं देवीं स्मिताभिन्नौष्ठसम्पुटः । महात्मा सर्वतत्त्वज्ञस्तोषयन्परमेश्वरः

athovāca satīṁ devīṁ smitābhinnauṣṭhasampuṭaḥ | mahātmā sarvatattvajñastoṣayanparameśvaraḥ

Then the great-souled Supreme Lord, knower of all truths, his lips parted with a smile, spoke to gladden the goddess Sati.

Verse 23 (shiva.rudra.42.23)

ईश्वरः उवाच । यत्र प्रीत्यै मया कार्यो वासस्तव मनोहरे । मेघास्तत्र न गन्तारः कदाचिदपि मत्प्रिये

īśvaraḥ uvāca | yatra prītyai mayā kāryo vāsastava manohare | meghāstatra na gantāraḥ kadācidapi matpriye

The Lord said: "O lovely one, my beloved, wherever I make our dwelling for your delight, the clouds will never be able to reach it."

Verse 24 (shiva.rudra.42.24)

मेघा नितम्बपर्यन्तं सञ्चरन्ति महीभृतः । सदा प्रालेयसानोस्तु वर्षास्वपि मनोहरे

meghā nitambaparyantaṁ sañcaranti mahībhṛtaḥ | sadā prāleyasānostu varṣāsvapi manohare

"Clouds range only as far as the mountain's lower slopes; but upon the snowy peak, even during the rains, loveliness always remains, my dear."

Verse 25 (shiva.rudra.42.25)

कैलासस्य तथा देवि पादगाः प्रायशो घनाः । सञ्चरन्ति न गच्छन्ति तत ऊर्ध्वं कदाचन

kailāsasya tathā devi pādagāḥ prāyaśo ghanāḥ | sañcaranti na gacchanti tata ūrdhvaṁ kadācana

"Likewise, O goddess, the clouds about Kailasa for the most part range only about its foot; never do they rise above it."

Verse 26 (shiva.rudra.42.26)

सुमेरोर्वा गिरेरूर्ध्वं न गच्छन्ति बलाहकाः । जम्बूमूलं समासाद्य पुष्करावर्तकादयः

sumerorvā girerūrdhvaṁ na gacchanti balāhakāḥ | jambūmūlaṁ samāsādya puṣkarāvartakādayaḥ

"Nor do the Pushkaravartaka and other clouds rise above Mount Sumeru; having reached the foot of the Jambu tree, they go no further."

Verse 27 (shiva.rudra.42.27)

इत्युक्तेषु गिरीन्द्रेषु यस्योपरि भवेद्धि ते । मनोरुचिर्निवासाय तमाचक्ष्व द्रुतं हि मे

ityukteṣu girīndreṣu yasyopari bhaveddhi te | manorucirnivāsāya tamācakṣva drutaṁ hi me

"Among these great mountains I have named, whichever peak pleases your heart as a dwelling — tell me that swiftly."

Verse 28 (shiva.rudra.42.28)

स्वेच्छाविहारैस्तव कौतुकानि सुवर्णपक्षानिलवृन्दवृन्दैः । शब्दोत्तरङ्गैर्मधुरस्वनैस्तै- र्मुदोपगेयानि गिरौ हिमोत्थे

svecchāvihāraistava kautukāni suvarṇapakṣānilavṛndavṛndaiḥ | śabdottaraṅgairmadhurasvanaistai- rmudopageyāni girau himotthe

"On that mountain born of snow, flocks upon flocks of golden-winged birds, roaming freely at will, will offer you wonders — sweet, rippling songs to be sung with joy."

Verse 29 (shiva.rudra.42.29)

सिद्धाङ्गनास्ते रचितासना भुवं काङ्क्षन्ति चैवोपहृतं सकौतुकम् । स्वेच्छाविहारे मणिकुट्टिमे गिरौ कुर्वन्ति चेष्यन्ति फलादिदानकैः

siddhāṅganāste racitāsanā bhuvaṁ kāṅkṣanti caivopahṛtaṁ sakautukam | svecchāvihāre maṇikuṭṭime girau kurvanti ceṣyanti phalādidānakaiḥ

"There, Siddha women will spread their seats upon the ground and gladly desire whatever is wonderingly offered to them; roaming freely upon that mountain's jewel-paved ground, they will delight you with offerings of fruit and the like."

Verse 30 (shiva.rudra.42.30)

फणीन्द्रकन्या गिरिकन्यकाश्च या नागकन्याश्च तुरङ्गमुख्याः । सर्वास्तु तास्ते सततं सहायतां समाचरिष्यन्त्यनुमोदविभ्रमैः

phaṇīndrakanyā girikanyakāśca yā nāgakanyāśca turaṅgamukhyāḥ | sarvāstu tāste satataṁ sahāyatāṁ samācariṣyantyanumodavibhramaiḥ

"The daughters of the serpent lords, the daughters of the mountains, the naga maidens, and those with the faces of horses — all of these will constantly attend upon you with delighted grace."

Verse 31 (shiva.rudra.42.31)

रूपं तदेवमतुलं वदनं सुचारु दृष्ट्वाङ्गना निजवपुर्निजकान्तिसह्यम् । हेला निजे वपुषि रूपगणेषु नित्यं कर्तार इत्यनिमिषेक्षणचारुरूपाः

rūpaṁ tadevamatulaṁ vadanaṁ sucāru dṛṣṭvāṅganā nijavapurnijakāntisahyam | helā nije vapuṣi rūpagaṇeṣu nityaṁ kartāra ityanimiṣekṣaṇacārurūpāḥ

"Seeing that matchless form of yours and your lovely face, the celestial women, unable to bear comparison even with their own radiant forms, will grow indifferent to their own beauty and gaze upon you always with unblinking, admiring eyes."

Verse 32 (shiva.rudra.42.32)

या मेनका पर्वतराज जाया रूपैर्गुणैः ख्यातवती त्रिलोके । सा चापि ते तत्र मनोऽनुमोदं नित्यं करिष्यत्यनुनाथनाद्यैः

yā menakā parvatarāja jāyā rūpairguṇaiḥ khyātavatī triloke | sā cāpi te tatra mano'numodaṁ nityaṁ kariṣyatyanunāthanādyaiḥ

"Menaka too, wife of the King of Mountains, renowned throughout the three worlds for her beauty and virtues, will there ever delight your heart with her gentle, gracious words."

Verse 33 (shiva.rudra.42.33)

पुरस्थवर्गैर्गिरिराजवन्द्यैः प्रीतिं विचिन्वद्भिरुदाररूपाम् । शिक्षा सदा ते खलु शोचितापि कार्यान्वहं प्रीतियुता गुणाद्यैः

purasthavargairgirirājavandyaiḥ prītiṁ vicinvadbhirudārarūpām | śikṣā sadā te khalu śocitāpi kāryānvahaṁ prītiyutā guṇādyaiḥ

"The revered household of the mountain-king, ever seeking to win your generous favor, will serve you daily with love, discipline, and virtue."

Verse 34 (shiva.rudra.42.34)

विचित्रैः कोकिलालापमोदैः कुञ्जगणावृतम् । सदा वसन्तप्रभवं गन्तुमिच्छसि किं प्रिये

vicitraiḥ kokilālāpamodaiḥ kuñjagaṇāvṛtam | sadā vasantaprabhavaṁ gantumicchasi kiṁ priye

"Do you wish, my beloved, to go to that place, ringed with groves, delighted always by the varied, sweet calls of cuckoos, and forever alive with spring?"

Verse 35 (shiva.rudra.42.35)

नानाबहुजलापूर्णसरः शीतसमावृतम् । पद्मिनीशतशोयुक्तमचलेन्द्रं हिमालयम्

nānābahujalāpūrṇasaraḥ śītasamāvṛtam | padminīśataśoyuktamacalendraṁ himālayam

"That King of Mountains, the Himalaya, is filled with many lakes brimming with water, wrapped in coolness, and adorned with hundreds of lotus-beds."

Verse 36 (shiva.rudra.42.36)

सर्वकामप्रदैर्वृक्षैः शाद्वलैः कल्पसंज्ञकैः । सक्षणं पश्य कुसुमान्यथाश्वकरिगोव्रजम्

sarvakāmapradairvṛkṣaiḥ śādvalaiḥ kalpasaṁjñakaiḥ | sakṣaṇaṁ paśya kusumānyathāśvakarigovrajam

"Its trees and meadows, like wish-granting kalpa trees, fulfill every desire; behold there its flowers, and its herds of horses, elephants, and cattle."

Verse 37 (shiva.rudra.42.37)

प्रशान्तश्वापदगणं मुनिभिर्यतिभिर्वृतम् । देवालये महामाये नानामृगगणैर्युतम्

praśāntaśvāpadagaṇaṁ munibhiryatibhirvṛtam | devālaye mahāmāye nānāmṛgagaṇairyutam

"There even the wild beasts are peaceful, and it is thronged with sages and ascetics; O great goddess, it is filled with shrines of the gods and herds of many kinds of deer."

Verse 38 (shiva.rudra.42.38)

स्फाटिकैः स्वर्णवप्राद्यै राजतैश्च विराजितम् । मानसादिसरोरङ्गैरभितः परिशोभितम्

sphāṭikaiḥ svarṇavaprādyai rājataiśca virājitam | mānasādisaroraṅgairabhitaḥ pariśobhitam

"It shines with crystal, with embankments of gold, and with silver, and is adorned on every side by lakes such as Manasarovar."

Verse 39 (shiva.rudra.42.39)

हिरण्मयै रत्ननालैः पङ्कजैर्मुकुलैर्वृतम् । शिशुमारैस्तथासङ्ख्यैः कच्छपैर्मकरैः करैः

hiraṇmayai ratnanālaiḥ paṅkajairmukulairvṛtam | śiśumāraistathāsaṅkhyaiḥ kacchapairmakaraiḥ karaiḥ

"It is covered with golden lotus buds on jeweled stalks, and teems with countless river-dolphins, tortoises, crocodiles, and fish."

Verse 40 (shiva.rudra.42.40)

निषेवितं मञ्जुलैश्च तथा नीलोत्पलादिभिः । देवेशि तस्मान्मुक्तैश्च सर्वगन्धैश्च कुङ्कुमैः

niṣevitaṁ mañjulaiśca tathā nīlotpalādibhiḥ | deveśi tasmānmuktaiśca sarvagandhaiśca kuṅkumaiḥ

"O goddess of the gods, it is thick with lovely blue lotuses and the like, and fragrant with every scent and with saffron released from them."

Verse 41 (shiva.rudra.42.41)

लसद्गन्धजलैः शुभ्रैरापूर्णैः स्वच्छकान्तिभिः । शाद्वलैस्तरुणैस्तुङ्गैस्तीरस्थैरुपशोभितम्

lasadgandhajalaiḥ śubhrairāpūrṇaiḥ svacchakāntibhiḥ | śādvalaistaruṇaistuṅgaistīrasthairupaśobhitam

"It is brimming with radiant, fragrant, spotlessly clear water, and graced along its banks with tall, fresh green meadows."

Verse 42 (shiva.rudra.42.42)

नृत्यद्भिरिव शाखोटैर्वर्जयन्तं स्वसम्भवम् । कामदेवैः सारसैश्च मत्तचक्राङ्गशोभितैः

nṛtyadbhiriva śākhoṭairvarjayantaṁ svasambhavam | kāmadevaiḥ sārasaiśca mattacakrāṅgaśobhitaiḥ

"There the shakhota trees seem to dance, as if abandoning their very nature in the wind; the place is graced by ruddy geese, cranes, and intoxicated swans."

Verse 43 (shiva.rudra.42.43)

मधुराराविभिर्मोदकारिभिर्भ्रमरादिभिः । शब्दायमानं च मुदा कामोद्दीपनकारकम्

madhurārāvibhirmodakāribhirbhramarādibhiḥ | śabdāyamānaṁ ca mudā kāmoddīpanakārakam

"It resounds with the sweet, joy-giving hum of bees and the like, and it kindles love in the heart."

Verse 44 (shiva.rudra.42.44)

वासवस्य कुबेरस्य यमस्य वरुणस्य च । अग्नेः कोणपराजस्य मारुतस्य परस्य च

vāsavasya kuberasya yamasya varuṇasya ca | agneḥ koṇaparājasya mārutasya parasya ca

"There too are the abodes of Indra, Kubera, Yama, Varuna, Agni, the king of the rakshasas, and the wind-god, and other great powers."

Verse 45 (shiva.rudra.42.45)

पुरीभिः शोभिशिखरं मेरोरुच्चैः सुरालयम् । रम्भाशचीमेनकादिरम्भोरुगणसेवितम्

purībhiḥ śobhiśikharaṁ meroruccaiḥ surālayam | rambhāśacīmenakādirambhorugaṇasevitam

"Its peak, adorned with celestial cities, rises high as an abode of the gods, like Meru itself, and is attended by throngs of lovely nymphs such as Rambha, Shachi, and Menaka."

Verse 46 (shiva.rudra.42.46)

किं त्वमिच्छसि सर्वेषां पर्वतानां हि भूभृताम् । सारभूते महारम्ये संविहर्तुं महागिरौ

kiṁ tvamicchasi sarveṣāṁ parvatānāṁ hi bhūbhṛtām | sārabhūte mahāramye saṁvihartuṁ mahāgirau

"Do you wish, then, to sport upon that great mountain, the very essence of all mountains, most enchanting of all?"

Verse 47 (shiva.rudra.42.47)

तत्र देवी सखियुता साप्सरोगणमण्डिता । नित्यं करिष्यति शची तव योग्यां सहायताम्

tatra devī sakhiyutā sāpsarogaṇamaṇḍitā | nityaṁ kariṣyati śacī tava yogyāṁ sahāyatām

"There the goddess Shachi, accompanied by her friends and adorned by hosts of apsaras, will always render you fitting service."

Verse 48 (shiva.rudra.42.48)

अथवा मम कैलासे पर्वतेन्द्रे सदाश्रये । स्थानमिच्छसि वित्तेशपुरीपरिविराजिते

athavā mama kailāse parvatendre sadāśraye | sthānamicchasi vitteśapurīparivirājite

"Or do you wish for a dwelling upon my own eternal refuge, King Kailasa, resplendent with the city of Kubera nearby?"

Verse 49 (shiva.rudra.42.49)

गङ्गाजलौघप्रयते पूर्णचन्द्रसमप्रभे । दरीषु सानुषु सदा ब्रह्मकन्याभ्युदीरिते

gaṅgājalaughaprayate pūrṇacandrasamaprabhe | darīṣu sānuṣu sadā brahmakanyābhyudīrite

"It is purified by the flowing waters of the Ganga, radiant as the full moon, and in its caves and ridges the voice of the daughter of Brahma ever resounds."

Verse 50 (shiva.rudra.42.50)

नानामृगगणैर्युक्ते पद्माकरशतावृते । सर्वैर्गुणैश्च सद्वस्तुसुमेरोरपि सुन्दरे

nānāmṛgagaṇairyukte padmākaraśatāvṛte | sarvairguṇaiśca sadvastusumerorapi sundare

"It abounds with herds of many kinds of deer, is ringed by hundreds of lotus-lakes, and in all its excellent qualities is more beautiful even than Sumeru."

Verse 51 (shiva.rudra.42.51)

स्थानेष्वेतेषु यत्रापि तवान्तःकरणे स्पृहा । तं द्रुतं मे समाचक्ष्व वासकर्तास्मि तत्र ते

sthāneṣveteṣu yatrāpi tavāntaḥkaraṇe spṛhā | taṁ drutaṁ me samācakṣva vāsakartāsmi tatra te

"Of all these places, whichever your heart truly desires — tell me that at once, and there I shall make our dwelling."

Verse 52 (shiva.rudra.42.52)

ब्रह्मोवाच । इतीरिते शङ्करेण तदा दाक्षायणी शनैः । इदमाह महादेवं लक्षणं स्वप्रकाशनम्

brahmovāca | itīrite śaṅkareṇa tadā dākṣāyaṇī śanaiḥ | idamāha mahādevaṁ lakṣaṇaṁ svaprakāśanam

Brahma said: When Shankara had spoken thus, Daksha's daughter softly spoke these words to Mahadeva, revealing the sign of her own inclination.

Verse 53 (shiva.rudra.42.53)

सत्युवाच । हिमाद्रावेव वसितुमहमिच्छे त्वया सह । नचिरात्कुरु संवासं तस्मिन्नेव महागिरौ

satyuvāca | himādrāveva vasitumahamicche tvayā saha | nacirātkuru saṁvāsaṁ tasminneva mahāgirau

Sati said: "It is upon the Himalaya alone that I wish to dwell with you; without delay, make our home upon that very great mountain."

Verse 54 (shiva.rudra.42.54)

ब्रह्मोवाच । अथ तद्वाक्यमाकर्ण्य हरः परममोहितः । हिमाद्रिशिखरं तुङ्गं दाक्षायण्या समं ययौ

brahmovāca | atha tadvākyamākarṇya haraḥ paramamohitaḥ | himādriśikharaṁ tuṅgaṁ dākṣāyaṇyā samaṁ yayau

Brahma said: Then, hearing her words, Hara, deeply enraptured, set out together with Daksha's daughter for the lofty peak of the Himalaya.

Verse 55 (shiva.rudra.42.55)

सिद्धाङ्गनागणयुतमगम्यं चैव पक्षिभिः । अगमच्छिखरं रम्यं सरसीवनराजितम्

siddhāṅganāgaṇayutamagamyaṁ caiva pakṣibhiḥ | agamacchikharaṁ ramyaṁ sarasīvanarājitam

They arrived at that lovely peak, thronged with hosts of Siddha women, unreachable even by birds, and graced with lakes and forests.

Verse 56 (shiva.rudra.42.56)

विचित्ररूपैः कमलैः शिखरं रत्नकर्बुरम् । बालार्कसदृशं शम्भुराससाद सतीसखः

vicitrarūpaiḥ kamalaiḥ śikharaṁ ratnakarburam | bālārkasadṛśaṁ śambhurāsasāda satīsakhaḥ

Shambhu, Sati's companion, reached that peak, dappled with gems, covered with lotuses of many hues, and glowing like the newly risen sun.

Verse 57 (shiva.rudra.42.57)

स्फटिकाभ्रमये तस्मिन् शाद्वलद्रुमराजिते । विचित्रपुष्पावलिभिः सरसीभिश्च संयुते

sphaṭikābhramaye tasmin śādvaladrumarājite | vicitrapuṣpāvalibhiḥ sarasībhiśca saṁyute

That peak, made as if of crystal cloud, was graced with rows of meadows and trees, and adorned with garlands of many-hued flowers and with lakes.

Verse 58 (shiva.rudra.42.58)

प्रफुल्लतरुशाखाग्रं गुञ्जद् भ्रमरसेवितम् । पङ्केरुहैः प्रफुल्लैश्च नीलोत्पलचयैस्तथा

praphullataruśākhāgraṁ guñjad bhramarasevitam | paṅkeruhaiḥ praphullaiśca nīlotpalacayaistathā

The tips of the trees' branches were in full bloom, humming with bees, and the place was filled with blossoming lotuses and clusters of blue water-lilies.

Verse 59 (shiva.rudra.42.59)

शोभितं चक्रवाकाद्यैः कादम्बैर्हंससङ्कुलैः । प्रमत्तसारसैः क्रौञ्चैर्नीलस्कन्धैश्च शब्दितैः

śobhitaṁ cakravākādyaiḥ kādambairhaṁsasaṅkulaiḥ | pramattasārasaiḥ krauñcairnīlaskandhaiśca śabditaiḥ

It was graced by ruddy geese and the like, by kadamba ducks, by flocks of swans, by intoxicated cranes, curlews, and the calling of blue-necked birds.

Verse 60 (shiva.rudra.42.60)

पुंस्कोकिलानां निनदैर्मधुरैर्गणसेवितैः । तुरङ्गवदनैः सिद्धैरप्सरोभिश्च गुह्यकैः

puṁskokilānāṁ ninadairmadhurairgaṇasevitaiḥ | turaṅgavadanaiḥ siddhairapsarobhiśca guhyakaiḥ

It resounded with the sweet calls of male cuckoos, and was attended by throngs of horse-faced Siddhas, apsaras, and guhyakas.

Verse 61 (shiva.rudra.42.61)

विद्याधरीभिर्देवीभिः किन्नरीभिर्विहारितम् । पुरन्ध्रीभिः पार्वतीभिः कन्याभिरभिसङ्गतम्

vidyādharībhirdevībhiḥ kinnarībhirvihāritam | purandhrībhiḥ pārvatībhiḥ kanyābhirabhisaṅgatam

It was a place of sport for vidyadhari women, goddesses, and kinnaris, and was frequented by married women, mountain maidens, and other young girls.

Verse 62 (shiva.rudra.42.62)

विपञ्चीतान्त्रिकामत्तमृदङ्गपटहस्वनैः । नृत्यद्भिरप्सरोभिश्च कौतुकोत्थैश्च शोभितम्

vipañcītāntrikāmattamṛdaṅgapaṭahasvanaiḥ | nṛtyadbhirapsarobhiśca kautukotthaiśca śobhitam

It was graced by the sounds of the vina, the tanpura, drums both mridanga and pataha, and by the wondrous, joyous dancing of apsaras.

Verse 63 (shiva.rudra.42.63)

देविकाभिर्दीर्घिकाभिर्गन्धिभिः सुसमावृतम् । प्रफुल्लकुसुमैर्नित्यं सुकुञ्जैरुपशोभितम्

devikābhirdīrghikābhirgandhibhiḥ susamāvṛtam | praphullakusumairnityaṁ sukuñjairupaśobhitam

It was well surrounded by small fragrant pools and long tanks, and graced always by lovely groves thick with blooming flowers.

Verse 64 (shiva.rudra.42.64)

शैलराजपुराभ्यर्णे शिखरे वृषभध्वजः । सह सत्या चिरं रेमे एवम्भूतेषु शोभनम्

śailarājapurābhyarṇe śikhare vṛṣabhadhvajaḥ | saha satyā ciraṁ reme evambhūteṣu śobhanam

Upon that resplendent peak, close by the city of the mountain-king, Vrishabhadhvaja sported for a long time together with Sati in such surroundings.

Verse 65 (shiva.rudra.42.65)

तस्मिन् स्वर्गसमे स्थाने दिव्यमानेन शङ्करः । दशवर्षसहस्राणि रेमे सत्या समं मुदा

tasmin svargasame sthāne divyamānena śaṅkaraḥ | daśavarṣasahasrāṇi reme satyā samaṁ mudā

In that place, equal to heaven itself, Shankara sported joyfully with Sati for ten thousand years, reckoned by the divine measure of time.

Verse 66 (shiva.rudra.42.66)

स कदाचित्ततः स्थानादन्यद्याति स्थलं हरः । कदाचिन्मेरुशिखरं देवीदेववृतं सदा

sa kadācittataḥ sthānādanyadyāti sthalaṁ haraḥ | kadācinmeruśikharaṁ devīdevavṛtaṁ sadā

At times Hara would go from that place to some other spot, and at times to the peak of Meru, ever thronged with gods.

Verse 67 (shiva.rudra.42.67)

द्वीपान्नाना तथोद्यानवनानि वसुधातलम् । गत्वा गत्वा पुनस्तत्राभ्येत्य रेमे सतीसुखम्

dvīpānnānā tathodyānavanāni vasudhātalam | gatvā gatvā punastatrābhyetya reme satīsukham

Going to various islands, gardens, forests, and regions of the earth, again and again, he would return there and sport happily with Sati.

Verse 68 (shiva.rudra.42.68)

न यज्ञे स दिवारात्रौ न ब्रह्मणि तपस्समम् । सत्यां हि मनसा शम्भुः प्रीतिमेव चकार ह

na yajñe sa divārātrau na brahmaṇi tapassamam | satyāṁ hi manasā śambhuḥ prītimeva cakāra ha

Not in sacrifice, not by day or night, not in Brahman, not in austerity — in none of these did Shambhu ever find a love equal to the love his mind held for Sati.

Verse 69 (shiva.rudra.42.69)

एवं महादेवमुखं सत्यपश्यत्स्म सर्वदा । महादेवोऽपि सर्वत्र सदाद्राक्षीत्सतीमुखम्

evaṁ mahādevamukhaṁ satyapaśyatsma sarvadā | mahādevo'pi sarvatra sadādrākṣītsatīmukham

Thus Sati gazed always upon Mahadeva's face, and Mahadeva too, everywhere and always, looked only upon Sati's face.

Verse 70 (shiva.rudra.42.70)

एवमन्योन्यसंसर्गादनुरागमहीरुहम् । वर्धयामासतुः कालीशिवौ भावाम्बुसेचनैः

evamanyonyasaṁsargādanurāgamahīruham | vardhayāmāsatuḥ kālīśivau bhāvāmbusecanaiḥ

Thus, through their mutual companionship, Kali and Shiva together made the tree of their love grow ever taller, watering it with the waters of their own devotion.