Sati's Speech

Verse 1 (shiva.rudra.49.1)

ब्रह्मोवाच । दाक्षायणी गता तत्र यत्र यज्ञो महाप्रभः । सुरासुरमुनीन्द्रादिकुतूहलसमन्वितः

brahmovāca | dākṣāyaṇī gatā tatra yatra yajño mahāprabhaḥ | surāsuramunīndrādikutūhalasamanvitaḥ

Brahma said: "Daksha's daughter went there, where the mighty sacrifice was underway, filled with the eager curiosity of gods, demons, and great sages."

Verse 2 (shiva.rudra.49.2)

स्वपितुर्भवनं तत्र नानाश्चर्यसमन्वितम् । ददर्श सुप्रभं चारु सुरर्षिगणसंयुतम्

svapiturbhavanaṁ tatra nānāścaryasamanvitam | dadarśa suprabhaṁ cāru surarṣigaṇasaṁyutam

There she saw her father's dwelling, full of many wonders, radiant and beautiful, thronged with hosts of gods and sages.

Verse 3 (shiva.rudra.49.3)

द्वारि स्थिता तदा देवी ह्यवरुह्य निजासनात् । नन्दिनोऽभ्यन्तरं शीघ्रमेकैवागच्छदध्वरम्

dvāri sthitā tadā devī hyavaruhya nijāsanāt | nandino'bhyantaraṁ śīghramekaivāgacchadadhvaram

The goddess stood at the gate, having quickly descended from her own mount; alone, she swiftly entered the interior of the sacrificial ground.

Verse 4 (shiva.rudra.49.4)

आगतां च सतीं दृष्ट्वासिक्नी माता यशस्विनी । अकरोदादरं तस्या भगिन्यश्च यथोचितम्

āgatāṁ ca satīṁ dṛṣṭvāsiknī mātā yaśasvinī | akarodādaraṁ tasyā bhaginyaśca yathocitam

Seeing Sati arrive, her illustrious mother Asikni, and her sisters too, honored her as was fitting.

Verse 5 (shiva.rudra.49.5)

नाकरोदादरं दक्षो दृष्ट्वा तामपि किञ्चन । नान्योऽपि तद्भयात्तत्र शिवमायाविमोहितः

nākarodādaraṁ dakṣo dṛṣṭvā tāmapi kiñcana | nānyo'pi tadbhayāttatra śivamāyāvimohitaḥ

But Daksha, seeing her, showed her no honor at all; and out of fear of him, and deluded besides by Shiva's own māyā, no one else there did either.

Verse 6 (shiva.rudra.49.6)

अथ सा मातरं देवी पितरं च सती मुने । अनमद्विस्मितात्यन्तं सर्वलोकपराभवात्

atha sā mātaraṁ devī pitaraṁ ca satī mune | anamadvismitātyantaṁ sarvalokaparābhavāt

Then, O sage, the goddess Sati bowed to her mother and father, greatly astonished at this affront before the whole assembly.

Verse 7 (shiva.rudra.49.7)

भागानपश्यद्देवानां हर्यादीनां तदध्वरे । न शम्भुभागमकरोत् क्रोधं दुर्विषहं सती

bhāgānapaśyaddevānāṁ haryādīnāṁ tadadhvare | na śambhubhāgamakarot krodhaṁ durviṣahaṁ satī

She saw the offering-portions set aside for Indra and the other gods at that sacrifice, but no portion for Shambhu — and Sati's fury became unbearable.

Verse 8 (shiva.rudra.49.8)

तदा दक्षं दहन्तीव रुषा पूर्णा सती भृशम् । क्रूरदृष्ट्या विलोक्यैव सर्वानप्यपमानिता

tadā dakṣaṁ dahantīva ruṣā pūrṇā satī bhṛśam | krūradṛṣṭyā vilokyaiva sarvānapyapamānitā

Then Sati, as though burning Daksha with her wrath, filled with fierce anger, looked upon everyone there with a fierce glance, feeling utterly insulted.

Verse 9 (shiva.rudra.49.9)

सत्युवाच । अनाहूतस्त्वया कस्माच्छम्भुः परमशोभनः । येन पूतमिदं विश्वं समग्रं सचराचरम्

satyuvāca | anāhūtastvayā kasmācchambhuḥ paramaśobhanaḥ | yena pūtamidaṁ viśvaṁ samagraṁ sacarācaram

Sati said: "Why have you not invited the supremely resplendent Shambhu — he by whom this entire universe, moving and unmoving, is made pure?"

Verse 10 (shiva.rudra.49.10)

यज्ञो यज्ञविदां श्रेष्ठो यज्ञाङ्गो यज्ञदक्षिणः । यज्ञकर्ता च यः शम्भुस्तं विना च कथं मखः

yajño yajñavidāṁ śreṣṭho yajñāṅgo yajñadakṣiṇaḥ | yajñakartā ca yaḥ śambhustaṁ vinā ca kathaṁ makhaḥ

Shambhu himself is the sacrifice — the foremost among those who know it, its very limb, its sacrificial fee, and its performer. How then can this rite proceed without him?

Verse 11 (shiva.rudra.49.11)

यस्य स्मरणमात्रेण सर्वं पूतं भवत्यहो । विना तेन कृतं सर्वमपवित्रं भविष्यति

yasya smaraṇamātreṇa sarvaṁ pūtaṁ bhavatyaho | vinā tena kṛtaṁ sarvamapavitraṁ bhaviṣyati

Ah, by the mere remembrance of whom everything becomes pure — without him, everything done here will remain impure.

Verse 12 (shiva.rudra.49.12)

द्रव्यमन्त्रादिकं सर्वं हव्यं कव्यं च यन्मयम् । शम्भुना हि विना तेन कथं यज्ञः प्रवर्तितः

dravyamantrādikaṁ sarvaṁ havyaṁ kavyaṁ ca yanmayam | śambhunā hi vinā tena kathaṁ yajñaḥ pravartitaḥ

All the materials, mantras, and offerings to gods and ancestors — all of it is his very form. How then has this sacrifice been undertaken without Shambhu?

Verse 13 (shiva.rudra.49.13)

किं शिवं सुरसामान्यं मत्वाकार्षीरनादरम् । भ्रष्टबुद्धिर्भवानद्य जातोऽसि जनकाधम

kiṁ śivaṁ surasāmānyaṁ matvākārṣīranādaram | bhraṣṭabuddhirbhavānadya jāto'si janakādhama

Have you thought Shiva to be some ordinary god, that you have shown him disrespect? Today, O basest of fathers, you have become one of ruined understanding.

Verse 14 (shiva.rudra.49.14)

विष्णुब्रह्मादयो देवा यं संसेव्य महेश्वरम् । प्राप्ताः स्वपदवीं सर्वे तं न जानासि रे हरम्

viṣṇubrahmādayo devā yaṁ saṁsevya maheśvaram | prāptāḥ svapadavīṁ sarve taṁ na jānāsi re haram

Vishnu, Brahma, and the other gods attained their own high stations only by serving that great Lord. Yet him, O Hara, you do not even recognize.

Verse 15 (shiva.rudra.49.15)

एते कथं समायाता विष्णुब्रह्मादयः सुराः । तव यज्ञे विना शम्भुं स्वप्रभुं मुनयस्तथा

ete kathaṁ samāyātā viṣṇubrahmādayaḥ surāḥ | tava yajñe vinā śambhuṁ svaprabhuṁ munayastathā

How have these gods, Vishnu, Brahma and the rest, and the sages too, come to your sacrifice, leaving Shambhu, their own true Lord, behind?

Verse 16 (shiva.rudra.49.16)

ब्रह्मोवाच । इत्युक्त्वा परमेशानी विष्ण्वादीन्सकलान् प्रति । पृथक्पृथगवोचत्सा भर्त्सयन्ती भवात्मिका

brahmovāca | ityuktvā parameśānī viṣṇvādīnsakalān prati | pṛthakpṛthagavocatsā bhartsayantī bhavātmikā

Brahma said: "Having said this, the supreme Goddess turned to Vishnu and all the others and rebuked each of them separately, one by one."

Verse 17 (shiva.rudra.49.17)

सत्युवाच । हे विष्णो त्वं महादेवं किं न जानासि तत्त्वतः । सगुणं निर्गुणं चापि श्रुतयो यं वदन्ति ह

satyuvāca | he viṣṇo tvaṁ mahādevaṁ kiṁ na jānāsi tattvataḥ | saguṇaṁ nirguṇaṁ cāpi śrutayo yaṁ vadanti ha

Sati said: "O Vishnu, do you truly not know the great God, whom the scriptures declare to be both with qualities and beyond qualities?"

Verse 18 (shiva.rudra.49.18)

यद्यपि त्वां करं दत्त्वा बहुवारं महेश्वरः । अशिक्षयत्पुरा शाल्वप्रमुखाकृतिभिर्हरे

yadyapi tvāṁ karaṁ dattvā bahuvāraṁ maheśvaraḥ | aśikṣayatpurā śālvapramukhākṛtibhirhare

Even though the great Lord once, in the guise of Shalva and other such forms, took you by the hand many times and taught you a lesson —

Verse 19 (shiva.rudra.49.19)

तदपि ज्ञानमायातं न ते चेतसि दुर्मते । भागार्थी दक्षयज्ञेऽस्मिन् शिवं स्वस्वामिनं विना

tadapi jñānamāyātaṁ na te cetasi durmate | bhāgārthī dakṣayajñe'smin śivaṁ svasvāminaṁ vinā

— even so, O foolish one, that knowledge never entered your mind; you have come to this sacrifice of Daksha seeking only your own share, forsaking Shiva, your own Master.

Verse 20 (shiva.rudra.49.20)

पुरा पञ्चमुखो भूत्वा गर्वितोऽसि सदाशिवम् । कृतश्चतुर्मुखस्तेन विस्मृतोऽसि तदद्भुतम्

purā pañcamukho bhūtvā garvito'si sadāśivam | kṛtaścaturmukhastena vismṛto'si tadadbhutam

Once, having become five-headed, you grew arrogant even before Sadashiva himself; he made you four-headed instead — and even that wondrous event you have forgotten.

Verse 21 (shiva.rudra.49.21)

इन्द्र त्वं किं न जानासि महादेवस्य विक्रमम् । भस्मीकृतः पविस्ते हि हरेण क्रूरकर्मणा

indra tvaṁ kiṁ na jānāsi mahādevasya vikramam | bhasmīkṛtaḥ paviste hi hareṇa krūrakarmaṇā

O Indra, do you not know the might of the great God? Your very thunderbolt was reduced to ashes by Hara's fierce act.

Verse 22 (shiva.rudra.49.22)

हे सुराः किन्न जानीथ महादेवस्य विक्रमम् । अत्रे वसिष्ठ मुनयो युष्माभिः किं कृतं त्विह

he surāḥ kinna jānītha mahādevasya vikramam | atre vasiṣṭha munayo yuṣmābhiḥ kiṁ kṛtaṁ tviha

O gods, do you not know the might of the great God? And you sages, beginning with Atri and Vasishtha, what indeed have you done here?

Verse 23 (shiva.rudra.49.23)

भिक्षाटनं च कृतवान् पुरा दारुवने विभुः । शप्तो यद्भिक्षुको रुद्रो भवद्भिर्मुनिभिस्तदा

bhikṣāṭanaṁ ca kṛtavān purā dāruvane vibhuḥ | śapto yadbhikṣuko rudro bhavadbhirmunibhistadā

Once the all-pervading Lord wandered as a mendicant in the Deodar forest, and you sages then cursed Rudra, taking him for a mere beggar.

Verse 24 (shiva.rudra.49.24)

शप्तेनापि च रुद्रेण यत्कृतं विस्मृतं कथम् । तल्लिङ्गेनाखिलं दग्धं भुवनं सचराचरम्

śaptenāpi ca rudreṇa yatkṛtaṁ vismṛtaṁ katham | talliṅgenākhilaṁ dagdhaṁ bhuvanaṁ sacarācaram

How have you forgotten what Rudra did even after being cursed — how, through that very linga, the whole moving and unmoving world was set ablaze?

Verse 25 (shiva.rudra.49.25)

सर्वे मूढाश्च सञ्जाता विष्णुब्रह्मादयः सुराः । मुनयोऽन्ये विना शम्भुमागता यदिहाध्वरे

sarve mūḍhāśca sañjātā viṣṇubrahmādayaḥ surāḥ | munayo'nye vinā śambhumāgatā yadihādhvare

All of you have become utterly deluded — Vishnu, Brahma, and the other gods, and the rest of the sages too — that you have come to this sacrifice, leaving Shambhu aside.

Verse 26 (shiva.rudra.49.26)

सर्वे वेदाश्च सम्भूता साङ्गाः शास्त्राणि वाग्यतः । योऽसौ वेदान्तगः शम्भुः कैश्चिज्ज्ञातुं न पार्यते

sarve vedāśca sambhūtā sāṅgāḥ śāstrāṇi vāgyataḥ | yo'sau vedāntagaḥ śambhuḥ kaiścijjñātuṁ na pāryate

All the Vedas with their limbs, and all the scriptures, arose from speech itself — yet that Shambhu who dwells at the end of the Vedas can be known by scarcely anyone.

Verse 27 (shiva.rudra.49.27)

ब्रह्मोवाच । इत्यनेकविधा वाणीरगदज्जगदम्बिका । कोपान्विता सती तत्र हृदयेन विदूयता

brahmovāca | ityanekavidhā vāṇīragadajjagadambikā | kopānvitā satī tatra hṛdayena vidūyatā

Brahma said: "Speaking these many words, the Mother of the Universe, filled with anger, her heart burning within her —"

Verse 28 (shiva.rudra.49.28)

विष्ण्वादयोऽखिला देवा मुनयो ये च तद्वचः । मौनीभूतास्तदाकर्ण्य भयव्याकुलमानसाः

viṣṇvādayo'khilā devā munayo ye ca tadvacaḥ | maunībhūtāstadākarṇya bhayavyākulamānasāḥ

— all the gods beginning with Vishnu, and the sages too, hearing those words, fell silent, their minds troubled with fear.

Verse 29 (shiva.rudra.49.29)

अथ दक्षः समाकर्ण्य स्वपुत्र्यास्तादृशं वचः । विलोक्य क्रूरदृष्ट्या तां सतीं क्रुद्धोऽब्रवीद्वचः

atha dakṣaḥ samākarṇya svaputryāstādṛśaṁ vacaḥ | vilokya krūradṛṣṭyā tāṁ satīṁ kruddho'bravīdvacaḥ

Then Daksha, hearing such words from his own daughter, looked upon Sati with a fierce glance and, enraged, spoke these words.

Verse 30 (shiva.rudra.49.30)

दक्ष उवाच । तव किं बहुनोक्तेन कार्यं नास्तीह साम्प्रतम् । गच्छ वा तिष्ठ वा भद्रे कस्मात्त्वं हि समागता

dakṣa uvāca | tava kiṁ bahunoktena kāryaṁ nāstīha sāmpratam | gaccha vā tiṣṭha vā bhadre kasmāttvaṁ hi samāgatā

Daksha said: "What use is it, speaking so much? There is nothing to be gained by it now. Go or stay, good lady — but why indeed have you come here?"

Verse 31 (shiva.rudra.49.31)

अमङ्गलस्तु ते भर्ता शिवोऽसौ गम्यते बुधैः । अकुलीनो वेदबाह्यो भूतप्रेतपिशाचराट्

amaṅgalastu te bhartā śivo'sau gamyate budhaiḥ | akulīno vedabāhyo bhūtapretapiśācarāṭ

That husband of yours, Shiva, is regarded by the wise as inauspicious — of no noble lineage, outside the Vedas, king of ghosts, spirits, and demons.

Verse 32 (shiva.rudra.49.32)

तस्मान्नाह्वायितो रुद्रो यज्ञार्थं सुकुवेषभृत् । देवर्षिसंसदि मया ज्ञात्वा पुत्रि विपश्चिता

tasmānnāhvāyito rudro yajñārthaṁ sukuveṣabhṛt | devarṣisaṁsadi mayā jñātvā putri vipaścitā

That is why, O daughter, knowing this well as a wise man before the assembly of gods and sages, I did not invite Rudra to this sacrifice.

Verse 33 (shiva.rudra.49.33)

विधिना प्रेरितेन त्वं दत्ता मन्देन पापिना । रुद्रायाविदितार्थाय चोद्धताय दुरात्मने

vidhinā preritena tvaṁ dattā mandena pāpinā | rudrāyāviditārthāya coddhatāya durātmane

Impelled by fate, I, foolish and sinful, gave you in marriage to that Rudra of unknown worth, arrogant and evil-natured.

Verse 34 (shiva.rudra.49.34)

तस्मात्कोपं परित्यज्य स्वस्था भव शुचिस्मिते । यद्यागतासि यज्ञेऽस्मिन् दायं गृह्णीष्व चात्मना

tasmātkopaṁ parityajya svasthā bhava śucismite | yadyāgatāsi yajñe'smin dāyaṁ gṛhṇīṣva cātmanā

So, fair-smiling one, set aside your anger and compose yourself. If you have indeed come to this sacrifice, then take your own share.

Verse 35 (shiva.rudra.49.35)

ब्रह्मोवाच । दक्षेणोक्तेति सा पुत्री सती त्रैलोक्यपूजिता । निन्दायुक्तं स्वपितरं दृष्ट्वासीद् रुषिता भृशम्

brahmovāca | dakṣeṇokteti sā putrī satī trailokyapūjitā | nindāyuktaṁ svapitaraṁ dṛṣṭvāsīd ruṣitā bhṛśam

Brahma said: "Thus addressed by Daksha, that daughter Sati, worshipped by the three worlds, seeing her own father given over to such slander, became greatly enraged."

Verse 36 (shiva.rudra.49.36)

अचिन्तयत्तदा सेति कथं यास्यामि शङ्करम् । शङ्करं द्रष्टुकामाहं पृष्टा वक्ष्ये किमुत्तरम्

acintayattadā seti kathaṁ yāsyāmi śaṅkaram | śaṅkaraṁ draṣṭukāmāhaṁ pṛṣṭā vakṣye kimuttaram

She thought: "How shall I now go to Shankara? I who long to see Shankara — if he asks, what answer shall I give?"

Verse 37 (shiva.rudra.49.37)

अथ प्रोवाच पितरं दक्षं तं दुष्टमानसम् । निःश्वसन्ती रुषाविष्टा सा सती त्रिजगत्प्रसूः

atha provāca pitaraṁ dakṣaṁ taṁ duṣṭamānasam | niḥśvasantī ruṣāviṣṭā sā satī trijagatprasūḥ

Then Sati, mother of the three worlds, sighing heavily and possessed by fury, spoke to her evil-minded father Daksha.

Verse 38 (shiva.rudra.49.38)

सत्युवाच । यो निन्दति महादेवं निन्द्यमानं शृणोति वा । तावुभौ नरकं यातौ यावच्चन्द्रदिवाकरौ

satyuvāca | yo nindati mahādevaṁ nindyamānaṁ śṛṇoti vā | tāvubhau narakaṁ yātau yāvaccandradivākarau

Sati said: "Whoever reviles the great God, or listens to him being reviled — both of them go to hell for as long as the sun and moon endure."

Verse 39 (shiva.rudra.49.39)

तस्मात्त्यक्ष्याम्यहं देहं प्रवेक्ष्यामि हुताशनम् । किं जीवितेन मे तात शृण्वन्त्यानादरं प्रभोः

tasmāttyakṣyāmyahaṁ dehaṁ pravekṣyāmi hutāśanam | kiṁ jīvitena me tāta śṛṇvantyānādaraṁ prabhoḥ

"Therefore I shall give up this body; I shall enter the fire. What use, O father, is my life to me, when I must hear my own Lord so dishonored?"

Verse 40 (shiva.rudra.49.40)

यदि शक्तः स्वयं शम्भोर्निन्दकस्य विशेषतः । छिन्द्यात् प्रसह्य रसनां तदा शुद्ध्येन्न संशयः

yadi śaktaḥ svayaṁ śambhornindakasya viśeṣataḥ | chindyāt prasahya rasanāṁ tadā śuddhyenna saṁśayaḥ

"If one is able, one should forcibly cut out the very tongue of Shambhu's reviler — only then, without doubt, is one purified."

Verse 41 (shiva.rudra.49.41)

यद्यशक्तो जनस्तत्र निरयात्सुपिधाय वै । कर्णौ धीमान् ततः शुद्ध्येद् वदन्तीदं बुधा वराः

yadyaśakto janastatra nirayātsupidhāya vai | karṇau dhīmān tataḥ śuddhyed vadantīdaṁ budhā varāḥ

"If one is unable to do so, then the wise should firmly cover both ears and depart from that place — so declare the learned; only then is one purified."

Verse 42 (shiva.rudra.49.42)

ब्रह्मोवाच । इत्थमुक्त्वा धर्मनीतिं पश्चात्तापमवाप सा । अस्मरच्छाङ्करं वाक्यं दूयमानेन चेतसा

brahmovāca | itthamuktvā dharmanītiṁ paścāttāpamavāpa sā | asmaracchāṅkaraṁ vākyaṁ dūyamānena cetasā

Brahma said: "Having thus declared this rule of righteousness, she fell into remorse, and with an anguished heart she recalled Shankara's own words."

Verse 43 (shiva.rudra.49.43)

ततः सङ्क्रुद्ध्य सा दक्षं निःशङ्कं प्राह तानपि । सर्वान्विष्ण्वादिकान्देवान्मुनीनपि सती ध्रुवम्

tataḥ saṅkruddhya sā dakṣaṁ niḥśaṅkaṁ prāha tānapi | sarvānviṣṇvādikāndevānmunīnapi satī dhruvam

Then, growing fiercely angry, Sati spoke fearlessly and resolutely to Daksha, and to all those gods beginning with Vishnu, and to the sages as well.

Verse 44 (shiva.rudra.49.44)

सत्युवाच । तात त्वं निन्दकः शम्भोः पश्चात्तापं गमिष्यसि । इह भुक्त्वा महादुःखमन्ते यास्यसि यातनाम्

satyuvāca | tāta tvaṁ nindakaḥ śambhoḥ paścāttāpaṁ gamiṣyasi | iha bhuktvā mahāduḥkhamante yāsyasi yātanām

Sati said: "Father, you who revile Shambhu shall come to bitter regret. Having suffered great misery here, in the end you shall go to torment."

Verse 45 (shiva.rudra.49.45)

यस्य लोकेऽप्रियो नास्ति प्रियश्चैव परात्मनः । तस्मिन्नवैरे शर्वेऽस्मिन् त्वां विना कः प्रतीपकः

yasya loke'priyo nāsti priyaścaiva parātmanaḥ | tasminnavaire śarve'smin tvāṁ vinā kaḥ pratīpakaḥ

"He who has no enemy in all the world, dear to everyone as the Supreme Self — toward that hate-free Sharva, who besides you could be so hostile?"

Verse 46 (shiva.rudra.49.46)

महद्विनिन्दा नाश्चर्यं सर्वदासत्सु सेर्ष्यकम् । महदङ्घ्रिरजोध्वस्ततमःसु नैव शोभना

mahadvinindā nāścaryaṁ sarvadāsatsu serṣyakam | mahadaṅghrirajodhvastatamaḥsu naiva śobhanā

"It is no wonder that the wicked, ever envious, revile the great — the dust of the great one's feet, which destroys darkness, brings them no delight."

Verse 47 (shiva.rudra.49.47)

शिवेति द्व्यक्षरं यस्य नृणां नाम गिरेरितम् । सकृत्प्रसङ्गात्सकलमघमाशु विहन्ति तत्

śiveti dvyakṣaraṁ yasya nṛṇāṁ nāma gireritam | sakṛtprasaṅgātsakalamaghamāśu vihanti tat

"Whose very name, 'Shiva' — those two syllables — when uttered even once by human lips, at once destroys every sin."

Verse 48 (shiva.rudra.49.48)

पवित्रकीर्तिममलं भवान् द्वेष्टि शिवेतरः । अलङ्घ्यशासनं शम्भुमहो सर्वेश्वरं खलः

pavitrakīrtimamalaṁ bhavān dveṣṭi śivetaraḥ | alaṅghyaśāsanaṁ śambhumaho sarveśvaraṁ khalaḥ

"Yet you, being inauspicious yourself, hate that one of pure and stainless fame — ah, you villain, hating Shambhu, the all-ruling Lord whose command none may transgress!"

Verse 49 (shiva.rudra.49.49)

यत्पादपद्मं महतां मनोऽलिसुनिषेवितम् । सर्वार्थदं ब्रह्मरसैः सर्वार्थिभिरथादरात्

yatpādapadmaṁ mahatāṁ mano'lisuniṣevitam | sarvārthadaṁ brahmarasaiḥ sarvārthibhirathādarāt

"Whose lotus feet are ever served by the bee-like minds of the great, granting every desire, worshipped reverently with the nectar of brahman by all who seek their ends —"

Verse 50 (shiva.rudra.49.50)

यद्वर्षत्यर्थिनः शीघ्रं लोकस्य शिव आदरात् । भवान् द्रुह्यति मूर्खत्वात् तस्मै चाशेषबन्धवे

yadvarṣatyarthinaḥ śīghraṁ lokasya śiva ādarāt | bhavān druhyati mūrkhatvāt tasmai cāśeṣabandhave

"— he who swiftly grants the wishes of petitioners, out of his kindness for the whole world's welfare — that very Shiva, kinsman of all, you, out of sheer folly, do violence to."

Verse 51 (shiva.rudra.49.51)

किंवा शिवाख्यमशिवं त्वदन्ये न विदुर्बुधाः । ब्रह्मादयस्तं मुनयः सनकाद्यास्तथापरे

kiṁvā śivākhyamaśivaṁ tvadanye na vidurbudhāḥ | brahmādayastaṁ munayaḥ sanakādyāstathāpare

"Or is it that no one else — no wise one besides you, not even Brahma and the sages beginning with Sanaka — knows that the name 'Shiva' is inauspicious?"

Verse 52 (shiva.rudra.49.52)

अवकीर्य जटा भूतैः श्मशाने स कपालधृक् । तन्माल्यभस्म वा ज्ञात्वा प्रीत्यावसदुदारधीः

avakīrya jaṭā bhūtaiḥ śmaśāne sa kapāladhṛk | tanmālyabhasma vā jñātvā prītyāvasadudāradhīḥ

"He wanders, his matted locks disheveled, amid the spirits of the cremation-ground, skull in hand — yet the noble-minded, knowing that very ash to be his true ornament, dwell there in loving contentment."

Verse 53 (shiva.rudra.49.53)

ये मूर्द्धभिर्दधति तच्चरणोत्सृष्टमादरात् । निर्माल्यं मुनयो देवाः स शिवः परमेश्वरः

ye mūrddhabhirdadhati taccaraṇotsṛṣṭamādarāt | nirmālyaṁ munayo devāḥ sa śivaḥ parameśvaraḥ

"Those sages and gods who reverently bear upon their heads the offerings cast down from his feet — he is Shiva, the Supreme Lord."

Verse 54 (shiva.rudra.49.54)

प्रवृत्तं च निवृत्तं च द्विविधं कर्म चोदितम् । वेदे विविच्य वृत्तं च तद्विचार्यं मनीषिभिः

pravṛttaṁ ca nivṛttaṁ ca dvividhaṁ karma coditam | vede vivicya vṛttaṁ ca tadvicāryaṁ manīṣibhiḥ

"Action is enjoined in the Veda as twofold — the path of engagement and the path of renunciation; the wise, having discerned this and its practice, should reflect upon it."

Verse 55 (shiva.rudra.49.55)

विरोधियौगपद्यैककर्तृके च तथा द्वयम् । परब्रह्मणि शम्भौ तु कर्मर्च्छन्ति न किञ्चन

virodhiyaugapadyaikakartṛke ca tathā dvayam | parabrahmaṇi śambhau tu karmarcchanti na kiñcana

"These two, mutually contrary yet arising together from a single agent — but in the Supreme Brahman, in Shambhu, no such taint of action can ever apply."

Verse 56 (shiva.rudra.49.56)

मा वः पदव्यः स्म पितः या अस्मदास्थिताः सदा । यज्ञशालासु वो धूम्रवर्त्मभुक्तोज्झिताः परम्

mā vaḥ padavyaḥ sma pitaḥ yā asmadāsthitāḥ sadā | yajñaśālāsu vo dhūmravartmabhuktojjhitāḥ param

"Never, O father, may you tread the paths I have always followed — in your sacrificial halls the gods shall henceforth be left to be sustained by nothing but the drifting smoke."

Verse 57 (shiva.rudra.49.57)

नोऽव्यक्तलिङ्गः सततमवधूतसुसेवितः । अभिमानमतो न त्वं कुरु तात कुबुद्धिधृक्

no'vyaktaliṅgaḥ satatamavadhūtasusevitaḥ | abhimānamato na tvaṁ kuru tāta kubuddhidhṛk

"Our Lord is of unmanifest form, ever well served by the great renunciates — therefore, father, do not indulge such pride; it is the mark of a perverse mind."

Verse 58 (shiva.rudra.49.58)

किं बहूक्तेन वचसा दुष्टस्त्वं सर्वथा कुधीः । त्वदुद्भवेन देहेन न मे किञ्चित्प्रयोजनम्

kiṁ bahūktena vacasā duṣṭastvaṁ sarvathā kudhīḥ | tvadudbhavena dehena na me kiñcitprayojanam

"What use is there in saying more? You are utterly wicked and evil-minded. I have no further use for this body born of you."

Verse 59 (shiva.rudra.49.59)

तज्जन्म धिग्यो महतां सर्वथावद्यकृत्खलः । परित्याज्यो विशेषेण तत्सम्बन्धो विपश्चिता

tajjanma dhigyo mahatāṁ sarvathāvadyakṛtkhalaḥ | parityājyo viśeṣeṇa tatsambandho vipaścitā

"Shame on that birth from one who, wicked in every way, does wrong to the great — the wise should especially renounce all connection with such a one."

Verse 60 (shiva.rudra.49.60)

गोत्रं त्वदीयं भगवान् यदाह वृषभध्वजः । दाक्षायणीति सहसाहं भवामि सुदुर्मना

gotraṁ tvadīyaṁ bhagavān yadāha vṛṣabhadhvajaḥ | dākṣāyaṇīti sahasāhaṁ bhavāmi sudurmanā

"Since the Lord who bears the bull-banner has named me after your very lineage, 'Dākṣāyaṇī,' I am suddenly overcome with grief."

Verse 61 (shiva.rudra.49.61)

तस्मात्त्वदङ्गजं देहं कुणपं गर्हितं सदा । व्युत्सृज्य नूनमधुना भविष्यामि सुखावहा

tasmāttvadaṅgajaṁ dehaṁ kuṇapaṁ garhitaṁ sadā | vyutsṛjya nūnamadhunā bhaviṣyāmi sukhāvahā

"Therefore, casting off this ever-despicable, corpse-like body born from you, I shall surely now find true happiness."

Verse 62 (shiva.rudra.49.62)

हे सुरा मुनयः सर्वे यूयं शृणुत मद्वचः । सर्वथानुचितं कर्म युष्माकं दुष्टचेतसाम्

he surā munayaḥ sarve yūyaṁ śṛṇuta madvacaḥ | sarvathānucitaṁ karma yuṣmākaṁ duṣṭacetasām

"O gods and sages, all of you, hear my words: this deed of yours, done with wicked minds, is utterly improper."

Verse 63 (shiva.rudra.49.63)

सर्वे यूयं विमूढा हि शिवनिन्दाः कलिप्रियाः । प्राप्स्यन्ति दण्डं नियतमखिलं च हराद् ध्रुवम्

sarve yūyaṁ vimūḍhā hi śivanindāḥ kalipriyāḥ | prāpsyanti daṇḍaṁ niyatamakhilaṁ ca harād dhruvam

"All of you are deeply deluded, reviling Shiva and drawn to discord — you shall all certainly receive full punishment from Hara."

Verse 64 (shiva.rudra.49.64)

ब्रह्मोवाच । दक्षमुक्त्वाध्वरे तस्मिन् व्यरमत्सा सती तदा । अनूद्य चेतसा शम्भुमस्मरत्प्राणवल्लभम्

brahmovāca | dakṣamuktvādhvare tasmin vyaramatsā satī tadā | anūdya cetasā śambhumasmaratprāṇavallabham

Brahma said: "Having thus spoken to Daksha in that sacrificial assembly, Sati fell silent, and turning within her heart, called to mind Shambhu, the beloved of her life."