Tarakasura's Austerity and Kingdom

Verse 1 (shiva.rudra.78.1)

ब्रह्मोवाच । अथ सा गर्भमाधत्त वराङ्गी तत्पुरादरात् । स ववर्धाभ्यन्तरे हि बहुवर्षैः सुतेजसा

brahmovāca atha sā garbhamādhatta varāṅgī tatpurādarāt sa vavardhābhyantare hi bahuvarṣaiḥ sutejasā

Brahma said: "Then Varangi, with due reverence, conceived from him; and that child grew within her womb over many years, with great splendor."

Verse 2 (shiva.rudra.78.2)

ततः सा समये पूर्णे वराङ्गी सुषुवे सुतम् । महाकायं महावीर्यं प्रज्वलन्तं दिशो दश

tataḥ sā samaye pūrṇe varāṅgī suṣuve sutam mahākāyaṁ mahāvīryaṁ prajvalantaṁ diśo daśa

Then, when the time was complete, Varangi gave birth to a son — vast of body, of great might, blazing forth in all ten directions.

Verse 3 (shiva.rudra.78.3)

तदैव च महोत्पाता बभूवुर्दुःखहेतवः । जायमाने सुते तस्मिन्वराङ्ग्याः सुरदुःखदे

tadaiva ca mahotpātā babhūvurduḥkhahetavaḥ jāyamāne sute tasminvarāṅgyāḥ suraduḥkhade

At that very moment, as that son of Varangi — destined to bring the gods suffering — was born, many great portents, harbingers of sorrow, appeared.

Verse 4 (shiva.rudra.78.4)

दिवि भुव्यन्तरिक्षे च सर्वलोकभयङ्कराः । अनर्थसूचकास्तात त्रिविधाः तान्ब्रवीम्यहम्

divi bhuvyantarikṣe ca sarvalokabhayaṅkarāḥ anarthasūcakāstāta trividhāḥ tānbravīmyaham

In the sky, on earth, and in the atmosphere, fearsome to every world, threefold signs of calamity appeared, O son — I shall now describe them to you.

Verse 5 (shiva.rudra.78.5)

सोल्काश्चाशनयः पेतुर्महाशब्दा भयङ्कराः । उदयं चक्रुरुत्कृष्टाः केतवो दुःखदायकाः

solkāścāśanayaḥ peturmahāśabdā bhayaṅkarāḥ udayaṁ cakrurutkṛṣṭāḥ ketavo duḥkhadāyakāḥ

Meteors fell trailing fire, thunderbolts crashed with terrifying sound, and fierce, sorrow-bringing comets rose in the sky.

Verse 6 (shiva.rudra.78.6)

चचाल वसुधा साद्रिर्जज्वलुः सकला दिशः । चुक्षुभुः सरितः सर्वाः सागराश्च विशेषतः

cacāla vasudhā sādrirjajvaluḥ sakalā diśaḥ cukṣubhuḥ saritaḥ sarvāḥ sāgarāśca viśeṣataḥ

The earth, together with its mountains, shook; every direction blazed; all the rivers grew turbulent, and the oceans especially.

Verse 7 (shiva.rudra.78.7)

हूत्कारानीरयन् घोरान्खरस्पर्शो मरुद्ववौ । उन्मूलयन्महावृक्षान्वात्यानीको रजोध्वजः

hūtkārānīrayan ghorānkharasparśo marudvavau unmūlayanmahāvṛkṣānvātyānīko rajodhvajaḥ

Winds, harsh to the touch, howled forth dreadful sounds, and whirlwinds, bannered with dust, tore great trees up by their roots.

Verse 8 (shiva.rudra.78.8)

सराह्वोःसूर्यविध्वोस्तु मुहुः परिधयोऽभवन् । महाभयस्य विप्रेन्द्र सूचकाःसुखहारकाः

sarāhvoḥsūryavidhvostu muhuḥ paridhayo'bhavan mahābhayasya viprendra sūcakāḥsukhahārakāḥ

Repeated halos formed, O foremost of brahmins, around the discs of moon and sun — signs of great terror, robbers of happiness.

Verse 9 (shiva.rudra.78.9)

महीध्रविवरेभ्यश्च निर्घाता भयसूचकाः । रथनिर्ह्रादतुल्याश्च जज्ञिरेऽवसरे ततः

mahīdhravivarebhyaśca nirghātā bhayasūcakāḥ rathanirhrādatulyāśca jajñire'vasare tataḥ

From the caverns of the mountains, thunderous rumblings — harbingers of fear, resembling the roar of chariots — arose at that time.

Verse 10 (shiva.rudra.78.10)

सृगालोलूकटङ्कारैर्वमन्त्यो मुखतोऽनलम् । अन्तर्ग्रामेषु विकटं प्रणेदुरशिवाः शिवाः

sṛgālolūkaṭaṅkārairvamantyo mukhato'nalam antargrāmeṣu vikaṭaṁ praṇeduraśivāḥ śivāḥ

Jackals and owls, with their harsh cries, seeming to belch fire from their mouths, howled fearfully within the villages, ill-omened as they were.

Verse 11 (shiva.rudra.78.11)

यतस्ततो ग्रामसिंहा उन्नमय्य शिरोधराम् । सङ्गीतवद्रोदनवद्व्यमुञ्चन्विविधान्रवान्

yatastato grāmasiṁhā unnamayya śirodharām saṅgītavadrodanavadvyamuñcanvividhānravān

Here and there the village dogs, raising their necks, let out varied cries, at times like song, at times like weeping.

Verse 12 (shiva.rudra.78.12)

खार्काररभसा मत्ताः खुरैर्घ्नन्तो रसां खराः । वरूथशः तदा तात पर्यधावन्नितस्ततः

khārkārarabhasā mattāḥ khurairghnanto rasāṁ kharāḥ varūthaśaḥ tadā tāta paryadhāvannitastataḥ

Donkeys, O son, maddened, braying furiously, striking the earth with their hooves, ran about here and there in herds.

Verse 13 (shiva.rudra.78.13)

खगा उदपतन्नीडाद्रासभत्रस्तमानसाः । क्रोशन्तो व्यग्रचित्ताश्च स्थितिमापुर्न कुत्रचित्

khagā udapatannīḍādrāsabhatrastamānasāḥ krośanto vyagracittāśca sthitimāpurna kutracit

Birds flew up suddenly from their nests, their minds seized with terror, crying out, restless in heart, finding no place to settle.

Verse 14 (shiva.rudra.78.14)

शकृन्मूत्रमकार्षुश्च गोष्ठेऽरण्ये भयाकुलाः । बभ्रमुः स्थितिमापुर्नो पशवस्ताडिता इव

śakṛnmūtramakārṣuśca goṣṭhe'raṇye bhayākulāḥ babhramuḥ sthitimāpurno paśavastāḍitā iva

Cattle, terrified, voided dung and urine both in the cowshed and in the forest; they wandered restlessly, finding no rest, as though being beaten.

Verse 15 (shiva.rudra.78.15)

गावोऽत्रसन्नसृग्दोहा बाष्पनेत्रा भयाकुलाः । तोयदा अभवंस्तत्र भयदाः पूयवर्षिणः

gāvo'trasannasṛgdohā bāṣpanetrā bhayākulāḥ toyadā abhavaṁstatra bhayadāḥ pūyavarṣiṇaḥ

Cows trembled in fear, giving milk mixed with blood, their eyes brimming with tears; and there the rain-clouds turned terrifying, raining down pus.

Verse 16 (shiva.rudra.78.16)

व्यरुदन्प्रतिमास्तत्र देवानामुत्पतिष्णवः । विनानिलं द्रुमाः पेतुर्ग्रहयुद्धं बभूव खे

vyarudanpratimāstatra devānāmutpatiṣṇavaḥ vinānilaṁ drumāḥ peturgrahayuddhaṁ babhūva khe

There the images of the gods wept, seeming almost ready to rise up; trees fell though no wind blew, and in the sky a war of the planets broke out.

Verse 17 (shiva.rudra.78.17)

इत्यादिका बहूत्पाता जज्ञिरे मुनिसत्तम । अज्ञानिनो जनास्तत्र मेनिरे विश्वसम्प्लवम्

ityādikā bahūtpātā jajñire munisattama ajñānino janāstatra menire viśvasamplavam

Such, O foremost of sages, were the many portents that occurred; and the unwitting people there believed that the whole universe was about to be engulfed in dissolution.

Verse 18 (shiva.rudra.78.18)

अथ प्रजापतिर्नामाकरोत्तस्यासुरस्य वै । तारकेति विचार्यैव कश्यपो हि महौजसः

atha prajāpatirnāmākarottasyāsurasya vai tāraketi vicāryaiva kaśyapo hi mahaujasaḥ

Then Prajapati Kashyapa, of great power, having thought it over, gave that demon the name Taraka.

Verse 19 (shiva.rudra.78.19)

महावीरः स सहसा व्यज्यमानात्मपौरुषः । ववृधेऽत्यश्मसारेण कायेनाद्रिपतिर्यथा

mahāvīraḥ sa sahasā vyajyamānātmapauruṣaḥ vavṛdhe'tyaśmasāreṇa kāyenādripatiryathā

That great hero, his own valor swiftly manifesting itself, grew with a body hard as adamant, like the very lord of mountains.

Verse 20 (shiva.rudra.78.20)

अथो स तारको दैत्यो महाबलपराक्रमः । तपः कर्तुं जनन्याश्चाज्ञां ययाचे महामनाः

atho sa tārako daityo mahābalaparākramaḥ tapaḥ kartuṁ jananyāścājñāṁ yayāce mahāmanāḥ

Then that demon Taraka, of immense strength and valor, of noble mind, sought his mother's leave to undertake austerity.

Verse 21 (shiva.rudra.78.21)

प्राप्ताज्ञः स महामायी मायिनामपि मोहकः । सर्वदेवजयं कर्तुं तपोऽर्थं मन आदधे

prāptājñaḥ sa mahāmāyī māyināmapi mohakaḥ sarvadevajayaṁ kartuṁ tapo'rthaṁ mana ādadhe

Having gained her leave, that great master of illusion, able to bewilder even sorcerers, fixed his mind upon austerity, with the aim of conquering all the gods.

Verse 22 (shiva.rudra.78.22)

मधोर्वनमुपागम्य गुर्वाज्ञाप्रतिपालकः । विधिमुद्दिश्य विधिवत्तपस्तेपे सुदारुणम्

madhorvanamupāgamya gurvājñāpratipālakaḥ vidhimuddiśya vidhivattapastepe sudāruṇam

Coming to Madhuvana, faithful to his guru's command, he performed a most severe austerity, according to rule, directed toward Vidhi, Brahma.

Verse 23 (shiva.rudra.78.23)

ऊर्ध्वबाहुश्चैकपादो रविं पश्यन्स चक्षुषा । शतवर्षं तपश्चक्रे दृढचित्तो दृढव्रतः

ūrdhvabāhuścaikapādo raviṁ paśyansa cakṣuṣā śatavarṣaṁ tapaścakre dṛḍhacitto dṛḍhavrataḥ

With his arms raised, standing upon one foot, gazing at the sun with open eyes, firm of mind and firm in his vow, he practiced austerity for a hundred years.

Verse 24 (shiva.rudra.78.24)

अङ्गुष्ठेन भुवं स्पृष्ट्वा शतवर्षं च तादृशः । तेपे तपो दृढात्मा स तारकोऽसुरराट् प्रभुः

aṅguṣṭhena bhuvaṁ spṛṣṭvā śatavarṣaṁ ca tādṛśaḥ tepe tapo dṛḍhātmā sa tārako'surarāṭ prabhuḥ

Touching the earth only with the tip of his toe, that firm-souled Taraka, lord and king of demons, performed such austerity for another hundred years.

Verse 25 (shiva.rudra.78.25)

शतवर्षं जलं प्राश्नन् शतवर्षं च वायुभुक् । शतवर्षं जले तिष्ठञ्च्छतं च स्थण्डिलेऽतपत्

śatavarṣaṁ jalaṁ prāśnan śatavarṣaṁ ca vāyubhuk śatavarṣaṁ jale tiṣṭhañcchataṁ ca sthaṇḍile'tapat

For a hundred years he lived on water alone; for a hundred years on air alone; for a hundred years he stood in water; and for a hundred years more he practiced austerity upon the bare earth.

Verse 26 (shiva.rudra.78.26)

शतवर्षं तथा चाग्नौ शतवर्षमधोमुखः । शतवर्षं तु हस्तस्य तलेन च भुवं स्थितः

śatavarṣaṁ tathā cāgnau śatavarṣamadhomukhaḥ śatavarṣaṁ tu hastasya talena ca bhuvaṁ sthitaḥ

Likewise, for a hundred years amid fire; for a hundred years with his head hung downward; and for a hundred years he remained standing, his body resting upon the palm of his hand set on the ground.

Verse 27 (shiva.rudra.78.27)

शतवर्षं तु वृक्षस्य शाखामालम्ब्य वै मुने । पादाभ्यां शुचिधूमं हि पिबंश्चाधोमुखस्तथा

śatavarṣaṁ tu vṛkṣasya śākhāmālambya vai mune pādābhyāṁ śucidhūmaṁ hi pibaṁścādhomukhastathā

For a hundred years, O sage, he hung suspended from a tree branch, head downward, drinking pure smoke through his very feet.

Verse 28 (shiva.rudra.78.28)

एवं कष्टतरं तेपे सुतपः स तु दैत्यराट् । काममुद्दिश्य विधिवच्छृण्वतामपि दुस्सहम्

evaṁ kaṣṭataraṁ tepe sutapaḥ sa tu daityarāṭ kāmamuddiśya vidhivacchṛṇvatāmapi dussaham

Thus that lord of demons, aiming at his desired goal, performed ever more difficult austerity according to rule — a discipline unbearable even for those who merely heard of it.

Verse 29 (shiva.rudra.78.29)

तत्रैवं तपतस्तस्य महत्तेजो विनिस्सृतम् । शिरसः सर्वसंसर्पि महोपद्रवकृन्मुने

tatraivaṁ tapatastasya mahattejo vinissṛtam śirasaḥ sarvasaṁsarpi mahopadravakṛnmune

As he practiced such austerity there, a great radiance issued from his head, spreading everywhere and causing great disturbance, O sage.

Verse 30 (shiva.rudra.78.30)

तेनैव देवलोकास्ते दग्धप्राया बभूविरे । अभितो दुःखमापन्नाः सर्वे देवर्षयो मुने

tenaiva devalokāste dagdhaprāyā babhūvire abhito duḥkhamāpannāḥ sarve devarṣayo mune

By that very radiance, the worlds of the gods became almost consumed by fire, and, O sage, all the gods and sages everywhere fell into distress.

Verse 31 (shiva.rudra.78.31)

इन्द्रश्च भयमापेदेऽधिकं देवेश्वरस्तदा । तपस्यत्यद्य कश्चिद्वै मत्पदं धर्षयिष्यति

indraśca bhayamāpede'dhikaṁ deveśvarastadā tapasyatyadya kaścidvai matpadaṁ dharṣayiṣyati

Indra, lord of the gods, then fell into deep fear, thinking: "Someone is performing austerity today who will surely seize my very throne."

Verse 32 (shiva.rudra.78.32)

अकाण्डे चैव ब्रह्माण्डं संहरिष्यत्ययं प्रभुः । इति संशयमापन्ना निश्चयं नोपलेभिरे

akāṇḍe caiva brahmāṇḍaṁ saṁhariṣyatyayaṁ prabhuḥ iti saṁśayamāpannā niścayaṁ nopalebhire

"And this being will, without warning, bring about the destruction of the very cosmos" — so thinking, they fell into doubt and could reach no firm conclusion.

Verse 33 (shiva.rudra.78.33)

ततः सर्वे सुसम्मन्त्र्य मिथस्ते निर्जरर्षयः । मल्लोकमगमन्भीता दीना मां समुपस्थिताः

tataḥ sarve susammantrya mithaste nirjararṣayaḥ mallokamagamanbhītā dīnā māṁ samupasthitāḥ

Then, having deliberated carefully among themselves, all those gods and sages, afraid and wretched, came to my world and presented themselves before me.

Verse 34 (shiva.rudra.78.34)

मां प्रणम्य सुसंस्तूय सर्वे ते क्लिष्टचेतसः । कृतस्त्वञ्जलयो मह्यं वृत्तं सर्वं न्यवेदयन्

māṁ praṇamya susaṁstūya sarve te kliṣṭacetasaḥ kṛtastvañjalayo mahyaṁ vṛttaṁ sarvaṁ nyavedayan

Bowing to me and praising me well, all of them, their hearts troubled, joined their palms and related to me the whole matter.

Verse 35 (shiva.rudra.78.35)

अहं सर्वं सुनिश्चित्य कारणं तस्य सद्धिया । वरं दातुं गतस्तत्र यत्र तप्यति सोऽसुरः

ahaṁ sarvaṁ suniścitya kāraṇaṁ tasya saddhiyā varaṁ dātuṁ gatastatra yatra tapyati so'suraḥ

Having, with sound judgment, fully understood the cause of it all, I went there, to grant a boon, to where that demon was performing his austerity.

Verse 36 (shiva.rudra.78.36)

अवोचं वचनं तं वै वरं ब्रूहीत्यहं मुने । तपस्तप्तं त्वया तीव्रं नादेयं विद्यते तव

avocaṁ vacanaṁ taṁ vai varaṁ brūhītyahaṁ mune tapastaptaṁ tvayā tīvraṁ nādeyaṁ vidyate tava

I said to him: "Ask a boon — the intense austerity you have performed leaves nothing that is beyond granting to you."

Verse 37 (shiva.rudra.78.37)

इत्येवं मद्वचः श्रुत्वा तारकः स महासुरः । मां प्रणम्य सुसंस्तूय वरं वव्रेऽतिदारुणम्

ityevaṁ madvacaḥ śrutvā tārakaḥ sa mahāsuraḥ māṁ praṇamya susaṁstūya varaṁ vavre'tidāruṇam

Hearing these words of mine, that great demon Taraka bowed to me, praised me well, and then chose a most terrible boon.

Verse 38 (shiva.rudra.78.38)

तारक उवाच । त्वयि प्रसन्ने वरदे किमसाध्यं भवेन्मम । अतो याचे वरं त्वत्तः शृणु तन्मे पितामह

tāraka uvāca tvayi prasanne varade kimasādhyaṁ bhavenmama ato yāce varaṁ tvattaḥ śṛṇu tanme pitāmaha

Taraka said: "With you, giver of boons, pleased with me, what could remain unattainable for me? Therefore, O grandsire, I ask a boon of you — hear it now."

Verse 39 (shiva.rudra.78.39)

यदि प्रसन्नो देवेश यदि देयो वरो मम । देयं वरद्वयं मह्यं कृपां कृत्वा ममोपरि

yadi prasanno deveśa yadi deyo varo mama deyaṁ varadvayaṁ mahyaṁ kṛpāṁ kṛtvā mamopari

"If you are pleased, O lord of gods, and if a boon is truly to be given to me, then, showing me your favor, grant me two boons."

Verse 40 (shiva.rudra.78.40)

त्वया च निर्मिते लोके सकलेऽस्मिन्महाप्रभो । मत्तुल्यो बलवान्नूनं न भवेत्कोऽपि वै पुमान्

tvayā ca nirmite loke sakale'sminmahāprabho mattulyo balavānnūnaṁ na bhavetko'pi vai pumān

"In this entire world fashioned by you, O great Lord, let there be, in truth, no man whatsoever equal to me in strength."

Verse 41 (shiva.rudra.78.41)

शिववीर्यसमुत्पन्नः पुत्रःसेनापतिर्यदा । भूत्वा शस्त्रं क्षिपेन्मह्यं तदा मे मरणं भवेत्

śivavīryasamutpannaḥ putraḥsenāpatiryadā bhūtvā śastraṁ kṣipenmahyaṁ tadā me maraṇaṁ bhavet

"Let my death come only when a son, born of Shiva's own seed, becomes a general and hurls a weapon at me — and not otherwise."

Verse 42 (shiva.rudra.78.42)

इत्युक्तोऽथ तदा तेन दैत्येनाहं मुनीश्वर । वरं च तादृशं दत्त्वा स्वलोकमगमं द्रुतम्

ityukto'tha tadā tena daityenāhaṁ munīśvara varaṁ ca tādṛśaṁ dattvā svalokamagamaṁ drutam

Thus addressed by that demon, O lord of sages, I granted him just such a boon, and swiftly returned to my own world.

Verse 43 (shiva.rudra.78.43)

दैत्योऽपि स वरं लब्ध्वा मनसेप्सितमुत्तमम् । सुप्रसन्नतरो भूत्वा शोणिताख्यपुरं गतः

daityo'pi sa varaṁ labdhvā manasepsitamuttamam suprasannataro bhūtvā śoṇitākhyapuraṁ gataḥ

That demon too, having obtained the excellent boon his heart desired, became exceedingly pleased and went to the city named Shonitapura.

Verse 44 (shiva.rudra.78.44)

अभिषिक्तस्तदा राज्ये त्रैलोक्यस्यासुरैः सह । शुक्रेण दैत्यगुरुणाज्ञया मे स महासुरः

abhiṣiktastadā rājye trailokyasyāsuraiḥ saha śukreṇa daityaguruṇājñayā me sa mahāsuraḥ

That great demon was then, by my own command, anointed to the sovereignty of the three worlds by the demons, together with Shukra, the guru of the demons.

Verse 45 (shiva.rudra.78.45)

ततस्तु स महादैत्योऽभवत् त्रैलोक्यनायकः । स्वाज्ञां प्रवर्तयामास पीडयन्सचराचरम्

tatastu sa mahādaityo'bhavat trailokyanāyakaḥ svājñāṁ pravartayāmāsa pīḍayansacarācaram

Then that great demon became lord of the three worlds; he made his own decree prevail, oppressing all beings, both moving and unmoving.

Verse 46 (shiva.rudra.78.46)

राज्यं चकार विधिवत्त्रिलोकस्य स तारकः । प्रजाश्च पालयामास पीडयन्निर्जरादिकान्

rājyaṁ cakāra vidhivattrilokasya sa tārakaḥ prajāśca pālayāmāsa pīḍayannirjarādikān

That Taraka duly governed the kingdom of the three worlds, ruling over its people even as he continued to oppress the gods and others.

Verse 47 (shiva.rudra.78.47)

ततः स तारको दैत्यस्तेषां रत्नान्युपाददे । इन्द्रादिलोकपालानां स्वतो दत्तानि तद्भयात्

tataḥ sa tārako daityasteṣāṁ ratnānyupādade indrādilokapālānāṁ svato dattāni tadbhayāt

Then that demon Taraka took the jewels belonging to Indra and the other guardians of the world — treasures they had, out of fear of him, offered up on their own.

Verse 48 (shiva.rudra.78.48)

इन्द्रेणैरावतस्तस्य भयात्तस्मै समर्पितः । कुबेरेण तदा दत्ता निधयो नवसङ्ख्यकाः

indreṇairāvatastasya bhayāttasmai samarpitaḥ kubereṇa tadā dattā nidhayo navasaṅkhyakāḥ

Out of fear of him, Indra gave up his own elephant Airavata to him; and Kubera then handed over the nine treasures.

Verse 49 (shiva.rudra.78.49)

वरुणेन हयाः शुभ्रा ऋषिभिः कामकृत्तथा । इन्द्रेणोच्चैः श्रवा दिव्यो भयात्तस्मै समर्पितः

varuṇena hayāḥ śubhrā ṛṣibhiḥ kāmakṛttathā indreṇoccaiḥ śravā divyo bhayāttasmai samarpitaḥ

Varuna gave white horses; the sages offered the wish-granting cow; and Indra, out of fear, presented him with the divine horse Uchchaihshravas.

Verse 50 (shiva.rudra.78.50)

यत्र यत्र शुभं वस्तु दृष्टं तेनासुरेण हि । तत्तद्गृहीतं तरसा निस्सारस्त्रिभवोऽभवत्

yatra yatra śubhaṁ vastu dṛṣṭaṁ tenāsureṇa hi tattadgṛhītaṁ tarasā nissārastribhavo'bhavat

Wherever that demon saw anything precious or fine, he seized it at once by force; and thus the three worlds became stripped bare of everything of worth.

Verse 51 (shiva.rudra.78.51)

समुद्राश्च तथा रत्नान्यदुस्तस्मै भयान्मुने । अकृष्टपच्यासीत्पृथ्वी प्रजाः कामदुघाखिलाः

samudrāśca tathā ratnānyadustasmai bhayānmune akṛṣṭapacyāsītpṛthvī prajāḥ kāmadughākhilāḥ

The oceans too, O sage, out of fear yielded up their jewels to him; the earth bore crops without being ploughed, and all creatures became, as it were, wish-fulfilling cows for him.

Verse 52 (shiva.rudra.78.52)

सूर्यश्च तपते तद्वत्तद्दुःखं न यथा भवेत् । चन्द्रस्तु प्रभया दृश्यो वायुः सर्वानुकूल्यवान्

sūryaśca tapate tadvattadduḥkhaṁ na yathā bhavet candrastu prabhayā dṛśyo vāyuḥ sarvānukūlyavān

The sun shone in a way that caused him no distress at all; the moon remained visible in its full brightness; and the wind blew favorably for him in every direction.

Verse 53 (shiva.rudra.78.53)

देवानां चैव यद्द्रव्यं पितॄणां च परस्य च । तत्सर्वं समुपादत्तमसुरेण दुरात्मना

devānāṁ caiva yaddravyaṁ pitṝṇāṁ ca parasya ca tatsarvaṁ samupādattamasureṇa durātmanā

Whatever wealth belonged to the gods, to the ancestors, and to others besides — all of it was seized by that evil-souled demon.

Verse 54 (shiva.rudra.78.54)

वशीकृत्य स लोकांस्त्रीन्स्वयमिन्द्रो बभूव ह । अद्वितीयः प्रभुश्चासीद्राज्यं चक्रेऽद्भुतं वशी

vaśīkṛtya sa lokāṁstrīnsvayamindro babhūva ha advitīyaḥ prabhuścāsīdrājyaṁ cakre'dbhutaṁ vaśī

Having subjugated the three worlds, he himself became their Indra; he alone became the unrivaled ruler, and, self-possessed, governed a wondrous kingdom.

Verse 55 (shiva.rudra.78.55)

निस्सार्य सकलान्देवान्दैत्यानस्थापयत्ततः । स्वयं नियोजयामास देवयोनिन् स्वकर्मणि

nissārya sakalāndevāndaityānasthāpayattataḥ svayaṁ niyojayāmāsa devayonin svakarmaṇi

Driving out all the gods, he thereupon set demons in their place, and himself put those of divine birth to work in his own service.

Verse 56 (shiva.rudra.78.56)

अथ तद्बाधिता देवाः सर्वे शक्रपुरोगमाः । मुने मां शरणं जग्मुरनाथा अतिविह्वलाः

atha tadbādhitā devāḥ sarve śakrapurogamāḥ mune māṁ śaraṇaṁ jagmuranāthā ativihvalāḥ

Then, tormented by him, all the gods headed by Shakra, without protector and utterly overwhelmed, O sage, came to me seeking refuge.