The Form of the Word-Brahman

Verse 1 (shiva.rudra.8.1)

ब्रह्मोवाच । एवं तयोर्मुनिश्रेष्ठ दर्शनं काङ्क्षमाणयोः । विगर्वयोश्च सुरयोः सदा नौ स्थितयोर्मुने

brahmovāca evaṁ tayormuniśreṣṭha darśanaṁ kāṅkṣamāṇayoḥ vigarvayośca surayoḥ sadā nau sthitayormune

Brahma said: Thus, O foremost of sages, as we two gods, our pride now gone, both longed to behold him, and stood there continually.

Verse 2 (shiva.rudra.8.2)

दयालुरभवच्छम्भुर्दीनानां प्रतिपालकः । गर्विणां गर्वहर्ता च सर्वेषां प्रभुरव्ययः

dayālurabhavacchambhurdīnānāṁ pratipālakaḥ garviṇāṁ garvahartā ca sarveṣāṁ prabhuravyayaḥ

Shambhu, the protector of the humble, the destroyer of the pride of the proud, the imperishable Lord of all, became compassionate.

Verse 3 (shiva.rudra.8.3)

तदा समभवत्तत्र नादो वै शब्दलक्षणः । ओमोमिति सुरश्रेष्ठात्सुव्यक्तः प्लुतलक्षणः

tadā samabhavattatra nādo vai śabdalakṣaṇaḥ omomiti suraśreṣṭhātsuvyaktaḥ plutalakṣaṇaḥ

Then there arose there a sound, of the very nature of Shabda — 'Om, Om' — clearly manifest, from that foremost of gods, drawn out in a prolonged tone.

Verse 4 (shiva.rudra.8.4)

किमिदं त्विति सञ्चिन्त्य मया तिष्ठन्महास्वनः । विष्णुः सर्वसुराराध्यो निर्वैरस्तुष्टचेतसा

kimidaṁ tviti sañcintya mayā tiṣṭhanmahāsvanaḥ viṣṇuḥ sarvasurārādhyo nirvairastuṣṭacetasā

'What indeed is this?' — thinking thus, as that mighty sound continued, I stood there; and Vishnu, worshipped by all the gods, his enmity now gone, his mind at peace —

Verse 5 (shiva.rudra.8.5)

लिङ्गस्य दक्षिणे भागे तथापश्यत्सनातनम् । आद्यं वर्णमकाराख्यमुकारं चोत्तरे ततः

liṅgasya dakṣiṇe bhāge tathāpaśyatsanātanam ādyaṁ varṇamakārākhyamukāraṁ cottare tataḥ

then beheld, on the right side of the Linga, the eternal first letter 'A'; and on its upper side, the letter 'U'.

Verse 6 (shiva.rudra.8.6)

मकारं मध्यतश्चैव नादमन्तेऽस्य चोमिति । सूर्यमण्डलवद् दृष्ट्वा वर्णमाद्यं तु दक्षिणे

makāraṁ madhyataścaiva nādamante'sya comiti sūryamaṇḍalavad dṛṣṭvā varṇamādyaṁ tu dakṣiṇe

And in the middle, the letter 'M'; and at its end, the sound 'Om'. He beheld the first letter, on the right, as radiant like the orb of the sun.

Verse 7 (shiva.rudra.8.7)

उत्तरे पावकप्रख्यमुकारमृषिसत्तम । शीतांशुमण्डलप्रख्यं मकारं तस्य मध्यतः

uttare pāvakaprakhyamukāramṛṣisattama śītāṁśumaṇḍalaprakhyaṁ makāraṁ tasya madhyataḥ

O foremost of sages, he beheld on the upper side the letter 'U,' radiant like fire; and in its middle, the letter 'M,' radiant like the cool orb of the moon.

Verse 8 (shiva.rudra.8.8)

तस्योपरि तदापश्यच्छुद्धस्फटिकसुप्रभम् । तुरीयातीतममलं निष्कलं निरुपद्रवम्

tasyopari tadāpaśyacchuddhasphaṭikasuprabham turīyātītamamalaṁ niṣkalaṁ nirupadravam

Above that, he then beheld a form radiant as pure crystal, beyond even the fourth state, stainless, without parts, free of affliction.

Verse 9 (shiva.rudra.8.9)

निर्द्वन्द्वं केवलं शून्यं बाह्याभ्यन्तरवर्जितम् । सबाह्याभ्यन्तरे चैव बाह्याभ्यन्तरसंस्थितम्

nirdvandvaṁ kevalaṁ śūnyaṁ bāhyābhyantaravarjitam sabāhyābhyantare caiva bāhyābhyantarasaṁsthitam

Free of dualities, absolute, void, devoid of both outer and inner; and yet also abiding both within and without, in the outer and the inner alike.

Verse 10 (shiva.rudra.8.10)

आदिमध्यान्तरहितमानन्दस्यादिकारणम् । सत्यमानन्दममृतं परं ब्रह्मपरायणम्

ādimadhyāntarahitamānandasyādikāraṇam satyamānandamamṛtaṁ paraṁ brahmaparāyaṇam

Without beginning, middle or end, the primal cause of bliss itself; the True, the Blissful, the Immortal, the Supreme, devoted wholly to Brahman.

Verse 11 (shiva.rudra.8.11)

कुत एवात्र सम्भूतः परीक्षावोऽग्निसम्भवम् । अधो गमिष्याम्यनलस्तम्भस्यानुपमस्य च

kuta evātra sambhūtaḥ parīkṣāvo'gnisambhavam adho gamiṣyāmyanalastambhasyānupamasya ca

'From where indeed has this arisen here? Let us test this fiery manifestation; I shall go downward, to find the base of this peerless pillar of flame.'

Verse 12 (shiva.rudra.8.12)

वेदशब्दोभयावेशं विश्वात्मानं व्यचिन्तयत् । तदाभवदृषिस्तत्र ऋषेः सारतमः स्मृतः

vedaśabdobhayāveśaṁ viśvātmānaṁ vyacintayat tadābhavadṛṣistatra ṛṣeḥ sāratamaḥ smṛtaḥ

He contemplated the Self of the universe, pervaded by both Veda and Shabda; then there arose there a sage, remembered as the very essence of all sages.

Verse 13 (shiva.rudra.8.13)

तेनैव ऋषिणा विष्णुर्ज्ञातवान्परमेश्वरम् । महादेवं परं ब्रह्म शब्दब्रह्मतनुं परम्

tenaiva ṛṣiṇā viṣṇurjñātavānparameśvaram mahādevaṁ paraṁ brahma śabdabrahmatanuṁ param

By that very sage, Vishnu came to know the Supreme Lord, Mahadeva, the Supreme Brahman, whose supreme body is the Shabda-Brahman.

Verse 14 (shiva.rudra.8.14)

चिन्तया रहितो रुद्रो वाचो यन्मनसा सह । अप्राप्य तन्निवर्तन्ते वाच्यस्त्वेकाक्षरेण सः

cintayā rahito rudro vāco yanmanasā saha aprāpya tannivartante vācyastvekākṣareṇa saḥ

Rudra is free of thought; from him speech, together with mind, turns back without attaining him; yet he is spoken of by the single syllable.

Verse 15 (shiva.rudra.8.15)

एकाक्षरेण तद्वाक्यमृतं परमकारणम् । सत्यमानन्दममृतं परं ब्रह्म परात्परम्

ekākṣareṇa tadvākyamṛtaṁ paramakāraṇam satyamānandamamṛtaṁ paraṁ brahma parātparam

By that single syllable is uttered the eternal, the supreme cause; the True, the Blissful, the Immortal, the Supreme Brahman, beyond even the beyond.

Verse 16 (shiva.rudra.8.16)

एकाक्षरादकाराख्याद्भगवान्बीजकोऽण्डजः । एकाक्षरादुकाराख्याद्धरिः परमकारणम्

ekākṣarādakārākhyādbhagavānbījako'ṇḍajaḥ ekākṣarādukārākhyāddhariḥ paramakāraṇam

From the single syllable called 'A,' the Lord who is the seed, born of the cosmic egg (Brahma); from the single syllable called 'U,' Hari, the supreme cause.

Verse 17 (shiva.rudra.8.17)

एकाक्षरान्मकाराख्याद्भगवान्नीललोहितः । सर्गकर्ता त्वकाराख्यो ह्युकाराख्यस्तु मोहकः

ekākṣarānmakārākhyādbhagavānnīlalohitaḥ sargakartā tvakārākhyo hyukārākhyastu mohakaḥ

From the single syllable called 'M,' the Lord Nilalohita. The one called 'A' is the creator; the one called 'U' is the deluder.

Verse 18 (shiva.rudra.8.18)

मकाराख्यस्तु यो नित्यमनुग्रहकरोऽभवत् । मकाराख्यो विभुर्बीजी ह्यकारो बीज उच्यते

makārākhyastu yo nityamanugrahakaro'bhavat makārākhyo vibhurbījī hyakāro bīja ucyate

The one called 'M' is he who is ever the giver of grace. The one called 'M' is the all-pervading possessor of the seed; the one called 'A' is called the seed.

Verse 19 (shiva.rudra.8.19)

उकाराख्यो हरिर्योनिः प्रधानपुरुषेश्वरः । बीजी च बीजं तद्योनिर्नादाख्यश्च महेश्वरः

ukārākhyo hariryoniḥ pradhānapuruṣeśvaraḥ bījī ca bījaṁ tadyonirnādākhyaśca maheśvaraḥ

The one called 'U,' Hari, is the womb, the lord of Pradhana and Purusha. The possessor of the seed, the seed itself, and its womb — Maheshvara is called the very Nada of all three.

Verse 20 (shiva.rudra.8.20)

बीजी विभज्य चात्मानं स्वेच्छया तु व्यवस्थितः । अस्य लिङ्गादभूद् बीजमकारो बीजिनः प्रभोः

bījī vibhajya cātmānaṁ svecchayā tu vyavasthitaḥ asya liṅgādabhūd bījamakāro bījinaḥ prabhoḥ

The possessor of the seed, dividing himself, abided by his own will; from the mark of that Lord, the possessor of the seed, the seed 'A' came forth.

Verse 21 (shiva.rudra.8.21)

उकारयोनौ निःक्षिप्तमवर्धत समन्ततः । सौवर्णमभवच्चाण्डमावेद्यं तदलक्षणम्

ukārayonau niḥkṣiptamavardhata samantataḥ sauvarṇamabhavaccāṇḍamāvedyaṁ tadalakṣaṇam

Cast into the womb of 'U,' it grew on every side; it became a golden egg, unmanifest in its final form, yet to be revealed.

Verse 22 (shiva.rudra.8.22)

अनेकाब्दं तथा चाप्सु दिव्यमण्डं व्यवस्थितम् । ततो वर्षसहस्रान्ते द्विधा कृतमजोद्भवम्

anekābdaṁ tathā cāpsu divyamaṇḍaṁ vyavasthitam tato varṣasahasrānte dvidhā kṛtamajodbhavam

For many years that divine egg abided in the waters; then, at the end of a thousand years, it was split in two, and from it the Unborn One arose.

Verse 23 (shiva.rudra.8.23)

अण्डमप्सु स्थितं साक्षाद् व्याघातेनेश्वरेण तु । तथास्य सुशुभं हैमं कपालं चोर्ध्वसंस्थितम्

aṇḍamapsu sthitaṁ sākṣād vyāghāteneśvareṇa tu tathāsya suśubhaṁ haimaṁ kapālaṁ cordhvasaṁsthitam

The egg, abiding in the waters, was directly split by the Lord's own force; and its beautiful golden upper shell rose upward —

Verse 24 (shiva.rudra.8.24)

जज्ञे सा द्यौस्तदपरं पृथिवी पञ्चलक्षणा । तस्मादण्डाद्भवो जज्ञे ककाराख्यश्चतुर्मुखः

jajñe sā dyaustadaparaṁ pṛthivī pañcalakṣaṇā tasmādaṇḍādbhavo jajñe kakārākhyaścaturmukhaḥ

and that became the heaven; and the other part became the earth, marked by its five qualities. From that egg, four-faced Bhava, called by the letter 'Ka,' was born.

Verse 25 (shiva.rudra.8.25)

स स्रष्टा सर्वलोकानां स एव त्रिविधः प्रभुः । एवमोमोमिति प्रोक्तमित्याहुर्यजुषां वराः

sa sraṣṭā sarvalokānāṁ sa eva trividhaḥ prabhuḥ evamomomiti proktamityāhuryajuṣāṁ varāḥ

He is the creator of all the worlds; he alone is the Lord in his threefold form. Thus is 'Om, Om' explained — so declare the foremost knowers of the Yajus.

Verse 26 (shiva.rudra.8.26)

यजुषां वचनं श्रुत्वा ऋचः सामानि सादरम् । एवमेव हरे ब्रह्मन्नित्याहुश्चावयोस्तदा

yajuṣāṁ vacanaṁ śrutvā ṛcaḥ sāmāni sādaram evameva hare brahmannityāhuścāvayostadā

Having heard the declaration of the Yajus, the Rig and Sama too, reverently, declared the very same thing, O Brahman, to Hari and to me, then.

Verse 27 (shiva.rudra.8.27)

ततो विज्ञाय देवेशं यथावच्छक्तिसम्भवैः । मन्त्रैर्महेश्वरं देवं तुष्टाव सुमहोदयम्

tato vijñāya deveśaṁ yathāvacchaktisambhavaiḥ mantrairmaheśvaraṁ devaṁ tuṣṭāva sumahodayam

Then, having thus come to know the Lord of the gods, Vishnu praised that God Maheshvara, of the greatest glory, with mantras befitting his own power.

Verse 28 (shiva.rudra.8.28)

एतस्मिन्नन्तरेऽन्यच्च रूपमद्भुतसुन्दरम् । ददर्श च मया सार्धं भगवान्विश्वपालकः

etasminnantare'nyacca rūpamadbhutasundaram dadarśa ca mayā sārdhaṁ bhagavānviśvapālakaḥ

Meanwhile, together with me, the Lord, protector of the universe, beheld yet another form, wondrously beautiful.

Verse 29 (shiva.rudra.8.29)

पञ्चवक्त्रं दशभुजं गौरकर्पूरवन्मुने । नानाकान्तिसमायुक्तं नानाभूषणभूषितम्

pañcavaktraṁ daśabhujaṁ gaurakarpūravanmune nānākāntisamāyuktaṁ nānābhūṣaṇabhūṣitam

O sage, five-faced, ten-armed, white as camphor, possessed of manifold radiances, adorned with manifold ornaments.

Verse 30 (shiva.rudra.8.30)

महोदारं महावीर्यं महापुरुषलक्षणम् । तं दृष्ट्वा परमं रूपं कृतार्थोऽभून्मया हरिः

mahodāraṁ mahāvīryaṁ mahāpuruṣalakṣaṇam taṁ dṛṣṭvā paramaṁ rūpaṁ kṛtārtho'bhūnmayā hariḥ

Of great nobility, of great power, marked with the signs of the Great Person. Beholding that supreme form, Hari, together with me, became fulfilled.

Verse 31 (shiva.rudra.8.31)

अथ प्रसन्नो भगवान्महेशः परमेश्वरः । दिव्यं शब्दमयं रूपमाख्याय प्रहसन्स्थितः

atha prasanno bhagavānmaheśaḥ parameśvaraḥ divyaṁ śabdamayaṁ rūpamākhyāya prahasansthitaḥ

Then the Lord Mahesha, the Supreme Lord, being gracious, having declared his divine form made of sound, stood there smiling.

Verse 32 (shiva.rudra.8.32)

अकारस्तस्य मूर्धा हि ललाटो दीर्घ उच्यते । इकारो दक्षिणं नेत्रमीकारो वामलोचनम्

akārastasya mūrdhā hi lalāṭo dīrgha ucyate ikāro dakṣiṇaṁ netramīkāro vāmalocanam

'A' is his crown; the long 'Ā' is called his forehead. 'I' is his right eye, 'Ī' his left eye.

Verse 33 (shiva.rudra.8.33)

उकारो दक्षिणं श्रोत्रमूकारो वाम उच्यते । ऋकारो दक्षिणं तस्य कपोलं परमेष्ठिनः

ukāro dakṣiṇaṁ śrotramūkāro vāma ucyate ṛkāro dakṣiṇaṁ tasya kapolaṁ parameṣṭhinaḥ

'U' is his right ear, 'Ū' is called his left. 'Ṛ' is the right cheek of that Supreme Lord.

Verse 34 (shiva.rudra.8.34)

वामं कपोलमॄकारो लृ लॄ नासापुटे उभे । एकारश्चोष्ठ ऊर्ध्वश्च ह्यैकारस्त्वधरो विभोः

vāmaṁ kapolamṝkāro lṛ lṝ nāsāpuṭe ubhe ekāraścoṣṭha ūrdhvaśca hyaikārastvadharo vibhoḥ

'Ṝ' is his left cheek; 'Ḷ' and 'Ḹ' are his two nostrils. 'E' is the upper lip of that all-pervading Lord, and 'Ai' is his lower lip.

Verse 35 (shiva.rudra.8.35)

ओकारश्च तथौकारो दन्तपङ्क्तिद्वयं क्रमात् । अमस्तु तालुनी तस्य देवदेवस्य शूलिनः

okāraśca tathaukāro dantapaṅktidvayaṁ kramāt amastu tālunī tasya devadevasya śūlinaḥ

'O' and likewise 'Au' are, in due order, his two rows of teeth. The anusvara and visarga are the two palates of that God of gods, the trident-bearer.

Verse 36 (shiva.rudra.8.36)

कादिपञ्चाक्षराण्यस्य पञ्च हस्ताश्च दक्षिणे । चादिपञ्चाक्षराण्येवं पञ्च हस्तास्तु वामतः

kādipañcākṣarāṇyasya pañca hastāśca dakṣiṇe cādipañcākṣarāṇyevaṁ pañca hastāstu vāmataḥ

The five letters beginning with 'Ka' are his five right hands; likewise the five letters beginning with 'Ca' are his five left hands.

Verse 37 (shiva.rudra.8.37)

टादिपञ्चाक्षरं पादास्तादि पञ्चाक्षरं तथा । पकार उदरं तस्य फकारः पार्श्व उच्यते

ṭādipañcākṣaraṁ pādāstādi pañcākṣaraṁ tathā pakāra udaraṁ tasya phakāraḥ pārśva ucyate

The five letters beginning with 'Ṭa' are his feet, and likewise the five beginning with 'Ta.' The letter 'Pa' is his belly; 'Pha' is called his side.

Verse 38 (shiva.rudra.8.38)

बकारो वामपार्श्वस्तु भकारः स्कन्ध उच्यते । मकारो हृदयं शम्भोर्महादेवस्य योगिनः

bakāro vāmapārśvastu bhakāraḥ skandha ucyate makāro hṛdayaṁ śambhormahādevasya yoginaḥ

'Ba' is his left side; 'Bha' is called his shoulder. 'Ma' is the heart of Shambhu, the great yogi Mahadeva.

Verse 39 (shiva.rudra.8.39)

यकारादिसकारान्ता विभोर्वै सप्तधातवः । हकारो नाभिरूपो हि क्षकारो घ्राण उच्यते

yakārādisakārāntā vibhorvai saptadhātavaḥ hakāro nābhirūpo hi kṣakāro ghrāṇa ucyate

From 'Ya' to 'Sa' are the seven bodily elements of that all-pervading Lord. 'Ha' is in the form of his navel; 'Kṣa' is called his sense of smell.

Verse 40 (shiva.rudra.8.40)

एवं शब्दमयं रूपमगुणस्य गुणात्मनः । दृष्ट्वा तमुमया सार्धं कृतार्थोऽभून्मया हरिः

evaṁ śabdamayaṁ rūpamaguṇasya guṇātmanaḥ dṛṣṭvā tamumayā sārdhaṁ kṛtārtho'bhūnmayā hariḥ

Thus beholding that form made of sound, of him who, though without qualities, has taken on the nature of qualities — together with Uma, and together with me, Hari became fulfilled.

Verse 41 (shiva.rudra.8.41)

एवं दृष्ट्वा महेशानं शब्दब्रह्मतनुं शिवम् । प्रणम्य च मया विष्णुः पुनश्चापश्यदूर्ध्वतः

evaṁ dṛṣṭvā maheśānaṁ śabdabrahmatanuṁ śivam praṇamya ca mayā viṣṇuḥ punaścāpaśyadūrdhvataḥ

Having thus beheld Maheshana, Shiva, whose body is the Shabda-Brahman, and bowing to him together with me, Vishnu then again looked upward.

Verse 42 (shiva.rudra.8.42)

ओङ्कारप्रभवं मन्त्रं कलापञ्चकसंयुतम् । शुद्धस्फटिकसङ्काशं शुभाष्टत्रिंशदक्षरम्

oṅkāraprabhavaṁ mantraṁ kalāpañcakasaṁyutam śuddhasphaṭikasaṅkāśaṁ śubhāṣṭatriṁśadakṣaram

He beheld a mantra arising from Om, joined with five kalas, radiant as pure crystal, auspicious, of thirty-eight syllables.

Verse 43 (shiva.rudra.8.43)

मेधाकारमभूद्भूयः सर्वधर्मार्थसाधकम् । गायत्रीप्रभवं मन्त्रं सहितं वश्यकारकम्

medhākāramabhūdbhūyaḥ sarvadharmārthasādhakam gāyatrīprabhavaṁ mantraṁ sahitaṁ vaśyakārakam

It became again a bestower of wisdom, accomplishing all purposes of dharma; and a mantra arising from the Gayatri, working the power of subjugation.

Verse 44 (shiva.rudra.8.44)

चतुर्विंशतिवर्णाढ्यं चतुष्कालमनुत्तमम् । अथ पञ्चसितं मन्त्रं कलाष्टकसमायुतम्

caturviṁśativarṇāḍhyaṁ catuṣkālamanuttamam atha pañcasitaṁ mantraṁ kalāṣṭakasamāyutam

Abounding in twenty-four syllables, unsurpassed for the four times of recitation; and then a five-white mantra, joined with eight kalas.

Verse 45 (shiva.rudra.8.45)

आभिचारिकमत्यर्थं प्रायस्त्रिंशच्छुभाक्षरम् । यजुर्वेदसमायुक्तं पञ्चविंशच्छुभाक्षरम्

ābhicārikamatyarthaṁ prāyastriṁśacchubhākṣaram yajurvedasamāyuktaṁ pañcaviṁśacchubhākṣaram

Exceedingly potent for rites of subjugation, of nearly thirty auspicious syllables; and one joined with the Yajurveda, of twenty-five auspicious syllables.

Verse 46 (shiva.rudra.8.46)

कलाष्टकसमायुक्तं सुश्वेतं शान्तिकं तथा । त्रयोदशकलायुक्तं बालाद्यैः सह लेहितम्

kalāṣṭakasamāyuktaṁ suśvetaṁ śāntikaṁ tathā trayodaśakalāyuktaṁ bālādyaiḥ saha lehitam

Joined with eight kalas, pure white, and one for peace; joined with thirteen kalas, associated with Bala and the others.

Verse 47 (shiva.rudra.8.47)

बभूवुरस्य चोत्पत्तिवृद्धिसंहारकारणम् । वर्णा एकाधिकाः षष्टिरस्य मन्त्रवरस्य तु

babhūvurasya cotpattivṛddhisaṁhārakāraṇam varṇā ekādhikāḥ ṣaṣṭirasya mantravarasya tu

These became the cause of the universe's origin, growth and dissolution; of that supreme mantra there are sixty-one syllables in all.

Verse 48 (shiva.rudra.8.48)

पुनर्मृत्युञ्जयं मन्त्रं पञ्चाक्षरमतः परम् । चिन्तामणिं तथा मन्त्रं दक्षिणामूर्तिसंज्ञकम्

punarmṛtyuñjayaṁ mantraṁ pañcākṣaramataḥ param cintāmaṇiṁ tathā mantraṁ dakṣiṇāmūrtisaṁjñakam

Then again, the Mrityunjaya mantra, and beyond that, the five-syllabled Panchakshara; likewise the mantra called Chintamani, and the one named Dakshinamurti.

Verse 49 (shiva.rudra.8.49)

ततस्तत्त्वमसीत्युक्तं महावाक्यं हरस्य च । पञ्चमन्त्रांस्तथा लब्ध्वा जजाप भगवान्हरिः

tatastattvamasītyuktaṁ mahāvākyaṁ harasya ca pañcamantrāṁstathā labdhvā jajāpa bhagavānhariḥ

Then was uttered the great saying 'Tat Tvam Asi,' belonging to Hara; and having thus obtained these five mantras, the Lord Hari recited them.

Verse 50 (shiva.rudra.8.50)

अथ दृष्ट्वा कलावर्णमृग्यजुःसामरूपिणम् । ईशानमीशमुकुटं पुरुषाख्यं पुरातनम्

atha dṛṣṭvā kalāvarṇamṛgyajuḥsāmarūpiṇam īśānamīśamukuṭaṁ puruṣākhyaṁ purātanam

Then, beholding him — of the nature of every syllable and part, embodying the Rig, Yajus and Sama — Ishana, the crown-jewel of lordship, called Purusha, the ancient one;

Verse 51 (shiva.rudra.8.51)

अघोरहृदयं हृद्यं सर्वगुह्यं सदाशिवम् । वामपादं महादेवं महाभोगीन्द्रभूषणम्

aghorahṛdayaṁ hṛdyaṁ sarvaguhyaṁ sadāśivam vāmapādaṁ mahādevaṁ mahābhogīndrabhūṣaṇam

his heart being Aghora, dear to the heart, the secret of all, Sadashiva; his left foot being Vamadeva, the great God, adorned with the king of great serpents;

Verse 52 (shiva.rudra.8.52)

विश्वतः पादवन्तं तं विश्वतोऽक्षिकरं शिवम् । ब्रह्मणोऽधिपतिं सर्गस्थितिसंहारकारणम्

viśvataḥ pādavantaṁ taṁ viśvato'kṣikaraṁ śivam brahmaṇo'dhipatiṁ sargasthitisaṁhārakāraṇam

having feet on every side, hands and eyes on every side, that Shiva, the sovereign Lord of Brahma, the cause of creation, preservation and dissolution —

Verse 53 (shiva.rudra.8.53)

तुष्टाव वाग्भिरिष्टाभिः साम्बं वरदमीश्वरम् । मया च सहितो विष्णुर्भगवांस्तुष्टचेतसा

tuṣṭāva vāgbhiriṣṭābhiḥ sāmbaṁ varadamīśvaram mayā ca sahito viṣṇurbhagavāṁstuṣṭacetasā

Vishnu, the Lord, together with me, his mind at peace, praised with cherished words that Ishvara, together with Amba, the giver of boons.