The Story of Durvasa

Verse 1 (shiva.shatarudra.19.1)

नन्दीश्वर उवाच । अथान्यच्चरितं शम्भोः शृणु प्रीत्या महामुने । यथा बभूव दुर्वासाः शङ्करो धर्महेतवे

nandīśvara uvāca athānyaccaritaṁ śambhoḥ śṛṇu prītyā mahāmune yathā babhūva durvāsāḥ śaṅkaro dharmahetave

Nandishvara said: Now hear with love, O great sage, another account of Shambhu — how Shankara became Durvasa for the sake of dharma.

Verse 2 (shiva.shatarudra.19.2)

ब्रह्मपुत्रो बभूवातितपस्वी ब्रह्मवित्प्रभुः । अनसूयापतिर्धीमान्ब्रह्माज्ञाप्रतिपालकः

brahmaputro babhūvātitapasvī brahmavitprabhuḥ anasūyāpatirdhīmānbrahmājñāpratipālakaḥ

He, Atri, became a son of Brahma, a great ascetic, a lord versed in Brahman, the wise husband of Anasuya, and an upholder of Brahma's command.

Verse 3 (shiva.shatarudra.19.3)

सुनिर्देशाद् ब्रह्मणो हि सस्त्रीकः पुत्रकाम्यया । स त्र्यक्षकुलनामानं ययौ च तपसे गिरिम्

sunirdeśād brahmaṇo hi sastrīkaḥ putrakāmyayā sa tryakṣakulanāmānaṁ yayau ca tapase girim

By Brahma's clear instruction, he, together with his wife and desiring a son, went to the mountain called Tryaksha to perform austerity.

Verse 4 (shiva.shatarudra.19.4)

प्राणानायम्य विधिवन्निर्विन्ध्यातटिनीतटे । तपश्चचार सुमहद् अद्वन्द्वोऽब्दशतं मुनिः

prāṇānāyamya vidhivannirvindhyātaṭinītaṭe tapaścacāra sumahad advandvo'bdaśataṁ muniḥ

Restraining his breath as prescribed, on the bank of the river Nirvindhya, free from the pairs of opposites, the sage performed the great austerity for a hundred years.

Verse 5 (shiva.shatarudra.19.5)

य एक ईश्वरः कश्चिदविकारी महाप्रभुः । स मे पुत्रवरं दद्यादिति निश्चितमानसः

ya eka īśvaraḥ kaścidavikārī mahāprabhuḥ sa me putravaraṁ dadyāditi niścitamānasaḥ

He resolved firmly in his mind: "May whoever is the one changeless, great Lord grant me the boon of a son."

Verse 6 (shiva.shatarudra.19.6)

बहुकालो व्यतीयाय तस्मिंस्तपति सत्तपः । आविर्बभूव तस्मात्तु शुचिर्ज्वाला महीयसी

bahukālo vyatīyāya tasmiṁstapati sattapaḥ āvirbabhūva tasmāttu śucirjvālā mahīyasī

A long time passed as he performed that true austerity; then from him a pure and mighty flame arose.

Verse 7 (shiva.shatarudra.19.7)

तयासन्निखिला लोका दग्धप्राया मुनीश्वराः । तथा सुरर्षयः सर्वे पीडिता वासवादयः

tayāsannikhilā lokā dagdhaprāyā munīśvarāḥ tathā surarṣayaḥ sarve pīḍitā vāsavādayaḥ

By that flame all the worlds and the lords of sages were nearly consumed, and likewise all the gods and sages headed by Indra were afflicted.

Verse 8 (shiva.shatarudra.19.8)

अथ सर्वे वासवाद्या सुराश्च मुनयो मुने । ब्रह्मस्थानं ययुः शीघ्रं तज्ज्वालातिप्रपीडिताः

atha sarve vāsavādyā surāśca munayo mune brahmasthānaṁ yayuḥ śīghraṁ tajjvālātiprapīḍitāḥ

Then, O sage, all the gods headed by Indra and all the sages, sorely afflicted by that flame, went quickly to Brahma's abode.

Verse 9 (shiva.shatarudra.19.9)

नत्वा नुत्वा विधिं देवाः तत्स्वदुःखं न्यवेदयन् । ब्रह्मा सह सुरैस्तात विष्णुलोकं ययावरम्

natvā nutvā vidhiṁ devāḥ tatsvaduḥkhaṁ nyavedayan brahmā saha suraistāta viṣṇulokaṁ yayāvaram

The gods, having bowed to and praised Brahma, related their sorrow; then, my child, Brahma, together with the gods, went to the excellent world of Vishnu.

Verse 10 (shiva.shatarudra.19.10)

तत्र गत्वा रमानाथं नत्वा नुत्वा विधिः सुरैः । स्वदुःखं तत्समाचख्यौ विष्णवेऽनन्तकं मुने

tatra gatvā ramānāthaṁ natvā nutvā vidhiḥ suraiḥ svaduḥkhaṁ tatsamācakhyau viṣṇave'nantakaṁ mune

O sage, having gone there, Brahma, with the gods, bowed to and praised the Lord of Rama (Vishnu), and related that endless sorrow to him.

Verse 11 (shiva.shatarudra.19.11)

विष्णुश्च विधिना देवै रुद्रस्थानं ययौ द्रुतम् । हरं प्रणम्य तत्रैत्य तुष्टाव परमेश्वरम्

viṣṇuśca vidhinā devai rudrasthānaṁ yayau drutam haraṁ praṇamya tatraitya tuṣṭāva parameśvaram

Then Vishnu too, together with Brahma and the gods, went quickly to the abode of Rudra; arriving there, he bowed to Hara and praised the Supreme Lord.

Verse 12 (shiva.shatarudra.19.12)

स्तुत्वा बहुतया विष्णुः स्वदुःखं च न्यवेदयत् । शर्वं ज्वालासमुद्भूतमत्रेश्च तपसः परम्

stutvā bahutayā viṣṇuḥ svaduḥkhaṁ ca nyavedayat śarvaṁ jvālāsamudbhūtamatreśca tapasaḥ param

Vishnu, having praised him in many ways, related their sorrow to Sharva — the flame that had arisen from Atri's supreme austerity.

Verse 13 (shiva.shatarudra.19.13)

अथ तत्र समेतास्तु ब्रह्मविष्णुमहेश्वराः । मुने सम्मन्त्रयाञ्चक्रुरन्योऽन्यं जगतां हितम्

atha tatra sametāstu brahmaviṣṇumaheśvarāḥ mune sammantrayāñcakruranyo'nyaṁ jagatāṁ hitam

O sage, then Brahma, Vishnu, and Maheshvara, gathered there, deliberated together for the welfare of the world.

Verse 14 (shiva.shatarudra.19.14)

तदा ब्रह्मादयो देवास्त्रयस्ते वरदर्षभाः । जग्मुस्तदाश्रमं शीघ्रं वरं दातुं तदर्षये

tadā brahmādayo devāstrayaste varadarṣabhāḥ jagmustadāśramaṁ śīghraṁ varaṁ dātuṁ tadarṣaye

Then those three gods, Brahma and the others, foremost among bestowers of boons, went quickly to that sage's hermitage to grant him a boon.

Verse 15 (shiva.shatarudra.19.15)

स्वचिह्नचिह्नितांस्तान्स दृष्ट्वात्रिर्मुनिसत्तमः । प्रणनाम च तुष्टाव वाग्भिरिष्टाभिरादरात्

svacihnacihnitāṁstānsa dṛṣṭvātrirmunisattamaḥ praṇanāma ca tuṣṭāva vāgbhiriṣṭābhirādarāt

Atri, the best of sages, seeing them recognizable each by his own emblem, bowed and reverently praised them with pleasing words.

Verse 16 (shiva.shatarudra.19.16)

ततः स विस्मितो विप्रस्तानुवाच कृताञ्जलिः । ब्रह्मपुत्रो विनीतात्मा ब्रह्मविष्णुहराभिधान्

tataḥ sa vismito viprastānuvāca kṛtāñjaliḥ brahmaputro vinītātmā brahmaviṣṇuharābhidhān

Then that son of Brahma, humble of mind and astonished, with joined hands, addressed those three named Brahma, Vishnu, and Hara.

Verse 17 (shiva.shatarudra.19.17)

अत्रिरुवाच । हे ब्रह्मन् हे हरे रुद्र पूज्यास्त्रिजगतां मताः । प्रभवश्चेश्वराः सृष्टिरक्षासंहारकारकाः

atriruvāca he brahman he hare rudra pūjyāstrijagatāṁ matāḥ prabhavaśceśvarāḥ sṛṣṭirakṣāsaṁhārakārakāḥ

Atri said: O Brahma, O Hari, O Rudra, worshipped and revered by the three worlds, you are the source, the lords, and the makers of creation, protection, and dissolution.

Verse 18 (shiva.shatarudra.19.18)

एक एव मया ध्यात ईश्वरः पुत्रहेतवे । यः कश्चिदीश्वरः ख्यातो जगतां स्वस्त्रिया सह

eka eva mayā dhyāta īśvaraḥ putrahetave yaḥ kaścidīśvaraḥ khyāto jagatāṁ svastriyā saha

For the sake of a son I meditated upon a single Lord — whoever is renowned as Lord of the worlds, together with his own consort.

Verse 19 (shiva.shatarudra.19.19)

यूयं त्रयस्सुराः कस्मादागता वरदर्षभाः । एतन्मे संशयं छित्त्वा ततो दत्तेप्सितं वरम्

yūyaṁ trayassurāḥ kasmādāgatā varadarṣabhāḥ etanme saṁśayaṁ chittvā tato dattepsitaṁ varam

For what reason have you three gods, foremost bestowers of boons, come here? Having dispelled this doubt of mine, grant me then the boon I desire.

Verse 20 (shiva.shatarudra.19.20)

इति श्रुत्वा वचस्तस्य प्रत्यूचुस्ते सुरास्त्रयः । यादृक्कृतस्ते सङ्कल्पस्तथैवाभून्मुनीश्वर

iti śrutvā vacastasya pratyūcuste surāstrayaḥ yādṛkkṛtaste saṅkalpastathaivābhūnmunīśvara

Hearing his words, the three gods replied: O lord of sages, exactly as you resolved, so it has come to be.

Verse 21 (shiva.shatarudra.19.21)

वयं त्रयो भवेशानाः समाना वरदर्षभाः । अस्मदंशभवास्तस्माद्भविष्यन्ति सुतास्त्रयः

vayaṁ trayo bhaveśānāḥ samānā varadarṣabhāḥ asmadaṁśabhavāstasmādbhaviṣyanti sutāstrayaḥ

We three gods, equal, lords of existence, foremost bestowers of boons — from our own portions three sons shall be born.

Verse 22 (shiva.shatarudra.19.22)

विदिता भुवने सर्वे पित्रोः कीर्तिविवर्द्धनाः । इत्युक्त्वा त्रयो देवाः स्वधामानि ययुर्मुदा

viditā bhuvane sarve pitroḥ kīrtivivarddhanāḥ ityuktvā trayo devāḥ svadhāmāni yayurmudā

Known throughout the world, they will increase the fame of their parents. Having said this, the three gods joyfully returned to their own abodes.

Verse 23 (shiva.shatarudra.19.23)

वरं लब्ध्वा मुनिः सोऽथ जगाम स्वाश्रमं मुदा । युतोऽनुसूयया प्रीतो ब्रह्मानन्दप्रदो मुने

varaṁ labdhvā muniḥ so'tha jagāma svāśramaṁ mudā yuto'nusūyayā prīto brahmānandaprado mune

Having obtained the boon, the sage joyfully returned to his own hermitage, and, O sage, dwelt happily with the beloved Anasuya, giver of the bliss of Brahman.

Verse 24 (shiva.shatarudra.19.24)

अथ ब्रह्मा हरिः शम्भुरवतेरुः स्त्रियां ततः । पुत्ररूपैः प्रसन्नास्ते नानालीलाप्रकाशकाः

atha brahmā hariḥ śambhuravateruḥ striyāṁ tataḥ putrarūpaiḥ prasannāste nānālīlāprakāśakāḥ

Then Brahma, Hari, and Shambhu, well pleased, revealing manifold divine sports, descended into that woman, Anasuya, in the form of sons.

Verse 25 (shiva.shatarudra.19.25)

विधेरंशाद्विधुर्जज्ञेऽनसूयायां मुनीश्वरात् । आविर्बभूवोदधितः क्षिप्तो देवैः स एव हि

vidheraṁśādvidhurjajñe'nasūyāyāṁ munīśvarāt āvirbabhūvodadhitaḥ kṣipto devaiḥ sa eva hi

From a portion of Brahma, the moon (Vidhu) was born in Anasuya through the great sage Atri; it was he who later, cast away by the gods, arose again from the ocean.

Verse 26 (shiva.shatarudra.19.26)

विष्णोरंशात् स्त्रियां तस्यामत्रेर्दत्तो व्यजायत । संन्यासपद्धतिर्येन वर्द्धिता परमा मुने

viṣṇoraṁśāt striyāṁ tasyāmatrerdatto vyajāyata saṁnyāsapaddhatiryena varddhitā paramā mune

From a portion of Vishnu, Datta (Dattatreya) was born in that same wife of Atri, by whom, O sage, the supreme path of renunciation was expanded.

Verse 27 (shiva.shatarudra.19.27)

दुर्वासा मुनिशार्दूलः शिवांशान्मुनिसत्तम । जज्ञे तस्यां स्त्रियामत्रेर्वरधर्मप्रवर्तकः

durvāsā muniśārdūlaḥ śivāṁśānmunisattama jajñe tasyāṁ striyāmatrervaradharmapravartakaḥ

O best of sages, from a portion of Shiva, in that same wife of Atri, the excellent sage Durvasa was born, the establisher of the finest dharma.

Verse 28 (shiva.shatarudra.19.28)

भूत्वा रुद्रश्च दुर्वासा ब्रह्मतेजोविवर्द्धनः । चक्रे धर्मपरीक्षां च बहूनां स दयापरः

bhūtvā rudraśca durvāsā brahmatejovivarddhanaḥ cakre dharmaparīkṣāṁ ca bahūnāṁ sa dayāparaḥ

That Durvasa, a form of Rudra, one who increases the splendor of Brahman, though himself compassionate, tested the dharma of many.

Verse 29 (shiva.shatarudra.19.29)

सूर्यवंशे समुत्पन्नो योऽम्बरीषो नृपोऽभवत् । तत्परीक्षामकार्षीत्स तां शृणु त्वं मुनीश्वर

sūryavaṁśe samutpanno yo'mbarīṣo nṛpo'bhavat tatparīkṣāmakārṣītsa tāṁ śṛṇu tvaṁ munīśvara

He tested Ambarisha, the king born in the solar dynasty; hear that story, O lord of sages.

Verse 30 (shiva.shatarudra.19.30)

सोऽम्बरीषो नृपवरः सप्तद्वीपरसापतिः । नियमं हि चकारासावेकादश्यां व्रते दृढम्

so'mbarīṣo nṛpavaraḥ saptadvīparasāpatiḥ niyamaṁ hi cakārāsāvekādaśyāṁ vrate dṛḍham

That excellent king Ambarisha, lord of the wealth of the seven continents, kept a firm observance of the Ekadashi vow.

Verse 31 (shiva.shatarudra.19.31)

एकादश्या व्रतं कृत्वा द्वादश्यां चैव पारणाम् । करिष्यामीति सुदृढसङ्कल्पस्तु नराधिपः

ekādaśyā vrataṁ kṛtvā dvādaśyāṁ caiva pāraṇām kariṣyāmīti sudṛḍhasaṅkalpastu narādhipaḥ

The king's firm resolve was: "Having kept the Ekadashi fast, I shall break it on the Dvadashi."

Verse 32 (shiva.shatarudra.19.32)

ज्ञात्वा तन्नियमं तस्य दुर्वासा मुनिसत्तमः । तदन्तिकं गतः शिष्यैर्बहुभिः शङ्करांशजः

jñātvā tanniyamaṁ tasya durvāsā munisattamaḥ tadantikaṁ gataḥ śiṣyairbahubhiḥ śaṅkarāṁśajaḥ

Learning of this vow, Durvasa, the excellent sage born of a portion of Shankara, arrived at his side with many disciples.

Verse 33 (shiva.shatarudra.19.33)

पारणे द्वादशीं स्वल्पां ज्ञात्वा यावत्स भोजनम् । कर्त्तुं व्यवसितस्तावदागतं स न्यमन्त्रयत्

pāraṇe dvādaśīṁ svalpāṁ jñātvā yāvatsa bhojanam karttuṁ vyavasitastāvadāgataṁ sa nyamantrayat

When only a little time remained of the Dvadashi for the breaking of the fast, and just as the king was about to eat, he invited Durvasa, who had arrived.

Verse 34 (shiva.shatarudra.19.34)

ततः स्नानार्थमगमद्दुर्वासाः शिष्यसंयुतः । विलम्बं कृतवांस्तत्र परीक्षार्थं मुनिर्बहु

tataḥ snānārthamagamaddurvāsāḥ śiṣyasaṁyutaḥ vilambaṁ kṛtavāṁstatra parīkṣārthaṁ munirbahu

Then Durvasa, together with his disciples, went to bathe, and for the sake of testing him the sage delayed there a long while.

Verse 35 (shiva.shatarudra.19.35)

धर्मविघ्नं तदा ज्ञात्वा स नृपः शास्त्रशासनात् । जलं प्राश्यास्थितस्तत्र तदागमनकाङ्क्षया

dharmavighnaṁ tadā jñātvā sa nṛpaḥ śāstraśāsanāt jalaṁ prāśyāsthitastatra tadāgamanakāṅkṣayā

Then, knowing that a hindrance to dharma had arisen, the king, by the ordinance of scripture, merely sipped water and remained there awaiting his return.

Verse 36 (shiva.shatarudra.19.36)

एतस्मिन्नन्तरे तत्र दुर्वासा मुनिरागतः । कृताशनं नृपं ज्ञात्वा परीक्षार्थं धृताकृतिः

etasminnantare tatra durvāsā munirāgataḥ kṛtāśanaṁ nṛpaṁ jñātvā parīkṣārthaṁ dhṛtākṛtiḥ

Meanwhile the sage Durvasa arrived there; learning that the king had eaten, he assumed a stern appearance for the sake of testing him.

Verse 37 (shiva.shatarudra.19.37)

चुक्रोधाति नृपे तस्मिन्परीक्षार्थं वृषस्य सः । प्रोवाच वचनं तूग्रं स मुनिः शङ्करांशजः

cukrodhāti nṛpe tasminparīkṣārthaṁ vṛṣasya saḥ provāca vacanaṁ tūgraṁ sa muniḥ śaṅkarāṁśajaḥ

That sage, born of a portion of Shankara, grew greatly angry at the king in order to test his righteousness, and spoke a harsh word.

Verse 38 (shiva.shatarudra.19.38)

दुर्वासा उवाच । मां निमन्त्र्य नृपाभोज्य जलं पीतं त्वयाधम । दर्शयामि फलं तस्य दुष्टदण्डधरो ह्यहम्

durvāsā uvāca māṁ nimantrya nṛpābhojya jalaṁ pītaṁ tvayādhama darśayāmi phalaṁ tasya duṣṭadaṇḍadharo hyaham

Durvasa said: O vile king, having invited me, you drank water without first feeding me! I am the wielder of punishment upon the wicked — I shall now show you the fruit of that.

Verse 39 (shiva.shatarudra.19.39)

इत्युक्त्वा क्रोधताम्राक्षो नृपं दग्धुं समुद्यतः । समुत्तस्थौ द्रुतं चक्रं तत्स्थं रक्षार्थमैश्वरम्

ityuktvā krodhatāmrākṣo nṛpaṁ dagdhuṁ samudyataḥ samuttasthau drutaṁ cakraṁ tatsthaṁ rakṣārthamaiśvaram

Having said this, his eyes red with fury, he made ready to burn the king; then, for his protection, the divine discus stationed there rose up at once.

Verse 40 (shiva.shatarudra.19.40)

प्रजज्वालाति तं चक्रं मुनिं दग्धुं सुदर्शनम् । शिवरूपं तमज्ञात्वा शिवमायाविमोहितम्

prajajvālāti taṁ cakraṁ muniṁ dagdhuṁ sudarśanam śivarūpaṁ tamajñātvā śivamāyāvimohitam

That Sudarshana discus, not knowing him to be a form of Shiva and deluded by Shiva's own maya, blazed up fiercely to burn the sage.

Verse 41 (shiva.shatarudra.19.41)

एतस्मिन्नन्तरे व्योमवाण्युवाचाशरीरिणी । अम्बरीषं महात्मानं ब्रह्मभक्तं च वैष्णवम्

etasminnantare vyomavāṇyuvācāśarīriṇī ambarīṣaṁ mahātmānaṁ brahmabhaktaṁ ca vaiṣṇavam

Meanwhile a bodiless voice from the sky spoke to the great-souled Ambarisha, devoted to Brahmins and to Vishnu —

Verse 42 (shiva.shatarudra.19.42)

व्योमवाण्युवाच । सुदर्शनमिदं चक्रं हरये शम्भुनार्पितम् । शान्तं कुरु प्रज्वलितमद्य दुर्वाससे नृप

vyomavāṇyuvāca sudarśanamidaṁ cakraṁ haraye śambhunārpitam śāntaṁ kuru prajvalitamadya durvāsase nṛpa

The voice from the sky said: O king, this Sudarshana discus was given to Hari by Shambhu himself; calm it now, blazing as it is against Durvasa.

Verse 43 (shiva.shatarudra.19.43)

दुर्वासायं शिवः साक्षात्स चक्रं हरयेऽर्पितम् । एवं साधारणमुनिं न जानीहि नृपोत्तम

durvāsāyaṁ śivaḥ sākṣātsa cakraṁ haraye'rpitam evaṁ sādhāraṇamuniṁ na jānīhi nṛpottama

This Durvasa is Shiva himself, and it was he who gave that very discus to Hari; O best of kings, do not think him an ordinary sage.

Verse 44 (shiva.shatarudra.19.44)

तव धर्मपरीक्षार्थमागतोऽयं मुनीश्वरः । शरणं याहि तस्याशु भविष्यत्यन्यथा लयः

tava dharmaparīkṣārthamāgato'yaṁ munīśvaraḥ śaraṇaṁ yāhi tasyāśu bhaviṣyatyanyathā layaḥ

This lord of sages has come to test your righteousness; go quickly to his refuge, or else your destruction will follow.

Verse 45 (shiva.shatarudra.19.45)

नन्दीश्वर उवाच । इत्युक्त्वा च नभोवाणी विरराम मुनीश्वर । अस्तावीत्स हरांशं तमम्बरीषोऽपि चादरात्

nandīśvara uvāca ityuktvā ca nabhovāṇī virarāma munīśvara astāvītsa harāṁśaṁ tamambarīṣo'pi cādarāt

Nandishvara said: O lord of sages, having said this the voice from the sky fell silent; and Ambarisha too reverently praised that portion of Hara.

Verse 46 (shiva.shatarudra.19.46)

अम्बरीष उवाच । यद्यस्ति दत्तमिष्टं च स्वधर्मो वा स्वनुष्ठितः । कुलं नो विप्रदैवं चेद्धरेरस्त्रं प्रशाम्यतु

ambarīṣa uvāca yadyasti dattamiṣṭaṁ ca svadharmo vā svanuṣṭhitaḥ kulaṁ no vipradaivaṁ ceddharerastraṁ praśāmyatu

Ambarisha said: If any gift, sacrifice, or duly performed observance of my own dharma exists in me, if my lineage is beloved of Brahmins and gods, may this weapon of Hari be pacified.

Verse 47 (shiva.shatarudra.19.47)

यदि नो भगवान्प्रीतो मद्भक्तो भक्तवत्सलः । सुदर्शनमिदं चास्त्रं प्रशाम्यतु विशेषतः

yadi no bhagavānprīto madbhakto bhaktavatsalaḥ sudarśanamidaṁ cāstraṁ praśāmyatu viśeṣataḥ

If the Lord, ever fond of his devotees, is pleased with me, his devotee, may this Sudarshana weapon be especially pacified.

Verse 48 (shiva.shatarudra.19.48)

नन्दीश्वर उवाच । इति स्तुवति रुद्राग्रे शैवं चक्रं सुदर्शनम् । अशाम्यत्सर्वथा ज्ञात्वा तं शिवांशं सुलब्धधीः

nandīśvara uvāca iti stuvati rudrāgre śaivaṁ cakraṁ sudarśanam aśāmyatsarvathā jñātvā taṁ śivāṁśaṁ sulabdhadhīḥ

Nandishvara said: As he thus praised before Rudra, that Shaiva Sudarshana discus, recognizing him with clear understanding as a portion of Shiva, became entirely calmed.

Verse 49 (shiva.shatarudra.19.49)

अथाम्बरीषः स नृपः प्रणनाम च तं मुनिम् । शिवावतारं संज्ञाय स्वपरीक्षार्थमागतम्

athāmbarīṣaḥ sa nṛpaḥ praṇanāma ca taṁ munim śivāvatāraṁ saṁjñāya svaparīkṣārthamāgatam

Then King Ambarisha, recognizing that sage as an incarnation of Shiva who had come to test him, bowed before him.

Verse 50 (shiva.shatarudra.19.50)

सुप्रसन्नो बभूवाथ स मुनिः शङ्करांशजः । भुक्त्वा तस्मै वरं दत्त्वा स्वाभीष्टं स्वालयं ययौ

suprasanno babhūvātha sa muniḥ śaṅkarāṁśajaḥ bhuktvā tasmai varaṁ dattvā svābhīṣṭaṁ svālayaṁ yayau

That sage, born of a portion of Shankara, became greatly pleased; having eaten, and having granted him a boon, he departed happily to his own abode.

Verse 51 (shiva.shatarudra.19.51)

अम्बरीषपरीक्षायां दुर्वासश्चरितं मुने । प्रोक्तामन्यच्चरित्रं त्वं शृणु तस्य मुनीश्वर

ambarīṣaparīkṣāyāṁ durvāsaścaritaṁ mune proktāmanyaccaritraṁ tvaṁ śṛṇu tasya munīśvara

O lord of sages, this account of Durvasa's testing of Ambarisha has been told; now hear another account of his life that is related.

Verse 52 (shiva.shatarudra.19.52)

पुनर्दाशरथेश्चक्रे परीक्षां नियमेन वै । मुनिरूपेण कालेन यः कृतो नियमो मुने

punardāśaratheścakre parīkṣāṁ niyamena vai munirūpeṇa kālena yaḥ kṛto niyamo mune

Again he tested the son of Dasharatha (Rama) regarding a vow — a vow set in place by Time itself, in the guise of a sage.

Verse 53 (shiva.shatarudra.19.53)

तदैव मुनिना तेन सौमित्रिः प्रेषितो हठात् । तं तत्याज द्रुतं रामो बन्धुं पणवशान्मुने

tadaiva muninā tena saumitriḥ preṣito haṭhāt taṁ tatyāja drutaṁ rāmo bandhuṁ paṇavaśānmune

O sage, at that very moment that sage forcibly sent Lakshmana (Saumitri) away, and Rama, bound by his own pledge, quickly abandoned that kinsman.

Verse 54 (shiva.shatarudra.19.54)

सा कथा विदिता लोके मुनिभिर्बहुधोदिता । नातो मे विस्तरात्प्रोक्ता ज्ञाता यत्सर्वथा बुधैः

sā kathā viditā loke munibhirbahudhoditā nāto me vistarātproktā jñātā yatsarvathā budhaiḥ

That story is well known throughout the world and has been told by sages in many ways; I have therefore not related it here at length, since the learned already know it fully.

Verse 55 (shiva.shatarudra.19.55)

नियमं सुदृढं दृष्ट्वा सुप्रसन्नोऽभवन्मुनिः । दुर्वासाः सप्रसन्नात्मा वरं तस्मै प्रदत्तवान्

niyamaṁ sudṛḍhaṁ dṛṣṭvā suprasanno'bhavanmuniḥ durvāsāḥ saprasannātmā varaṁ tasmai pradattavān

Seeing that firm observance of the vow, the sage became greatly pleased; Durvasa, his mind gladdened, granted him a boon.

Verse 56 (shiva.shatarudra.19.56)

श्रीकृष्णनियमस्यापि परीक्षां स चकार ह । तां शृणु त्वं मुनिश्रेष्ठ कथयामि कथां च ताम्

śrīkṛṣṇaniyamasyāpi parīkṣāṁ sa cakāra ha tāṁ śṛṇu tvaṁ muniśreṣṭha kathayāmi kathāṁ ca tām

He also tested a vow kept by Shri Krishna; hear that story too, O best of sages — I shall tell it.

Verse 57 (shiva.shatarudra.19.57)

ब्रह्मप्रार्थनया विष्णुर्वसुदेवसुतोऽभवत् । धराभारावतारार्थं साधूनां रक्षणाय च

brahmaprārthanayā viṣṇurvasudevasuto'bhavat dharābhārāvatārārthaṁ sādhūnāṁ rakṣaṇāya ca

At Brahma's entreaty, Vishnu became the son of Vasudeva, to relieve the earth of its burden and to protect the righteous.

Verse 58 (shiva.shatarudra.19.58)

हत्वा दुष्टान्महापापान् ब्रह्मद्रोहकरान्खलान् । ररक्ष निखिलान्साधून्ब्राह्मणान्कृष्णनामभाक्

hatvā duṣṭānmahāpāpān brahmadrohakarānkhalān rarakṣa nikhilānsādhūnbrāhmaṇānkṛṣṇanāmabhāk

He who bore the name Krishna, having slain the wicked, greatly sinful enemies of the Brahmins, protected all the righteous and the Brahmins.

Verse 59 (shiva.shatarudra.19.59)

ब्रह्मभक्तिं चकाराति स कृष्णो वसुदेवजः । नित्यं हि भोजयामास सुरसान्ब्राह्मणान्बहून्

brahmabhaktiṁ cakārāti sa kṛṣṇo vasudevajaḥ nityaṁ hi bhojayāmāsa surasānbrāhmaṇānbahūn

That Krishna, son of Vasudeva, showed great devotion toward Brahmins, and constantly fed many Brahmins with delicious food.

Verse 60 (shiva.shatarudra.19.60)

ब्रह्मभक्तो विशेषेण कृष्णश्चेति प्रथामगात् । सन्द्रष्टुकामः स मुनिः कृष्णान्तिकमगान्मुने

brahmabhakto viśeṣeṇa kṛṣṇaśceti prathāmagāt sandraṣṭukāmaḥ sa muniḥ kṛṣṇāntikamagānmune

"Krishna is especially devoted to Brahmins" — this fame spread; and, wishing to see him, that sage, O sage, went into Krishna's presence.

Verse 61 (shiva.shatarudra.19.61)

रुक्मिणीसहितं कृष्णं सन्नं कृत्वा रथे स्वयम् । संयोज्य संस्थितो वाहं सुप्रसन्न उवाह तम्

rukmiṇīsahitaṁ kṛṣṇaṁ sannaṁ kṛtvā rathe svayam saṁyojya saṁsthito vāhaṁ suprasanna uvāha tam

Krishna, together with Rukmini, yoked himself to the chariot in place of a horse, and, greatly pleased, himself drew the sage seated upon it.

Verse 62 (shiva.shatarudra.19.62)

मुनी रथात्समुत्तीर्य दृष्ट्वा तां दृढतां पराम् । तस्मै भूत्वा सुप्रसन्नो वज्राङ्गत्ववरं ददौ

munī rathātsamuttīrya dṛṣṭvā tāṁ dṛḍhatāṁ parām tasmai bhūtvā suprasanno vajrāṅgatvavaraṁ dadau

Seeing that supreme steadfastness, the sage descended from the chariot and, greatly pleased, granted him the boon of a body as hard as a thunderbolt.

Verse 63 (shiva.shatarudra.19.63)

द्युनद्यामेकदा स्नानं कुर्वन्नग्नो बभूव ह । लज्जितोऽभून्मुनिश्रेष्ठो दुर्वासाः कौतुकी मुने

dyunadyāmekadā snānaṁ kurvannagno babhūva ha lajjito'bhūnmuniśreṣṭho durvāsāḥ kautukī mune

Once, while bathing playfully in the celestial river (Ganga), the excellent sage Durvasa found himself naked and, O sage, became embarrassed.

Verse 64 (shiva.shatarudra.19.64)

तज्ज्ञात्वा द्रौपदी स्नानं कुर्वती तत्र चादरात् । तल्लज्जां छादयामास भिन्नस्वाञ्चलदानतः

tajjñātvā draupadī snānaṁ kurvatī tatra cādarāt tallajjāṁ chādayāmāsa bhinnasvāñcaladānataḥ

Knowing this, Draupadi, who was bathing there, respectfully covered his shame with a torn piece from the hem of her own garment.

Verse 65 (shiva.shatarudra.19.65)

तदादाय प्रवाहेनागतं स्वनिकटं मुनिः । तेनाच्छाद्य स्वगुह्यं च तस्यै तुष्टो बभूव सः

tadādāya pravāhenāgataṁ svanikaṭaṁ muniḥ tenācchādya svaguhyaṁ ca tasyai tuṣṭo babhūva saḥ

Seeing that floating piece come near him, the sage covered his private parts with it, and became pleased with her.

Verse 66 (shiva.shatarudra.19.66)

द्रौपद्यै च वरं प्रादात्तदञ्चलविवर्द्धनम् । पाण्डवान्सुखिनश्चक्रे द्रौपदी तद्वरात्पुनः

draupadyai ca varaṁ prādāttadañcalavivarddhanam pāṇḍavānsukhinaścakre draupadī tadvarātpunaḥ

He gave Draupadi the boon that her garment's hem would ever renew itself; by that same boon Draupadi later again brought happiness to the Pandavas.

Verse 67 (shiva.shatarudra.19.67)

हंसडिम्भौ नृपौ कौचित्स्वावमानकरौ खलौ । दत्त्वा निदेशं च हरेर्नाशयामास स प्रभुः

haṁsaḍimbhau nṛpau kaucitsvāvamānakarau khalau dattvā nideśaṁ ca harernāśayāmāsa sa prabhuḥ

Two wicked kings named Hamsa and Dimbha had somewhere insulted him; that lord, giving Hari a command, brought about the destruction of them both.

Verse 68 (shiva.shatarudra.19.68)

ब्रह्मतेजो विशेषेण स्थापयामास भूतले । संन्यासपद्धतिं चैव यथाशास्त्रविधिक्रमम्

brahmatejo viśeṣeṇa sthāpayāmāsa bhūtale saṁnyāsapaddhatiṁ caiva yathāśāstravidhikramam

He established upon the earth, in particular, the splendor of Brahman, together with the path of renunciation according to due scriptural order.

Verse 69 (shiva.shatarudra.19.69)

बहूनुद्धारयामास सूपदेशं विबोध्य च । ज्ञानं दत्त्वा विशेषेण बहून्मुक्तांश्चकार सः

bahūnuddhārayāmāsa sūpadeśaṁ vibodhya ca jñānaṁ dattvā viśeṣeṇa bahūnmuktāṁścakāra saḥ

Awakening many with good instruction, he redeemed them; and giving knowledge in particular, he set many free.

Verse 70 (shiva.shatarudra.19.70)

इत्थं चक्रे स दुर्वासा विचित्रं चरितं बहु । धन्यं यशस्यमायुष्यं शृण्वतः सर्वकामदम्

itthaṁ cakre sa durvāsā vicitraṁ caritaṁ bahu dhanyaṁ yaśasyamāyuṣyaṁ śṛṇvataḥ sarvakāmadam

Thus did Durvasa perform many wondrous deeds; this account is auspicious, brings fame and long life, and grants every desire of the one who hears it.

Verse 71 (shiva.shatarudra.19.71)

य इदं शृणुयाद्भक्त्या दुर्वासश्चरितं मुदा । श्रावयेद्वा परान् यश्च स सुखीह परत्र च

ya idaṁ śṛṇuyādbhaktyā durvāsaścaritaṁ mudā śrāvayedvā parān yaśca sa sukhīha paratra ca

Whoever hears this account of Durvasa with devotion and joy, or causes others to hear it, becomes happy both here and in the world beyond.