The Bull-Incarnation Provoked by Vishnu's Transgression

Verse 1 (shiva.shatarudra.22.1)

नन्दीश्वर उवाच । शृणु ब्रह्मसुत प्राज्ञ वृषेशाख्यं मुनीश्वर । शिवावतारं सल्लीलं हरिगर्वहरं वरम्

nandīśvara uvāca śṛṇu brahmasuta prājña vṛṣeśākhyaṁ munīśvara śivāvatāraṁ sallīlaṁ harigarvaharaṁ varam

Nandishvara said: O wise son of Brahma, O lord of sages, hear of Shiva's excellent incarnation called Vrishesha, of fine divine sport, the destroyer of Hari's pride.

Verse 2 (shiva.shatarudra.22.2)

पुरा देवासुराः सर्वे जरामृत्युभयार्दिताः । परस्परं च सन्धाय रत्नान्यादित्सवोऽभवन्

purā devāsurāḥ sarve jarāmṛtyubhayārditāḥ parasparaṁ ca sandhāya ratnānyāditsavo'bhavan

Formerly all the gods and asuras, afflicted by fear of old age and death, made a pact with one another and became desirous of obtaining treasures.

Verse 3 (shiva.shatarudra.22.3)

ततः सुरासुराः सर्वे क्षीरोदं सागरोत्तमम् । उद्यता मथितुं तं च बभूवुर्मुनिनन्दन

tataḥ surāsurāḥ sarve kṣīrodaṁ sāgarottamam udyatā mathituṁ taṁ ca babhūvurmuninandana

O delight of sages, then all the gods and asuras became eager to churn that excellent ocean of milk.

Verse 4 (shiva.shatarudra.22.4)

आसन् शुचिस्मिताः सर्वे केनेदं मन्थनं भवेत् । स्वकार्यसिद्धये तस्य ब्रह्मन्निति सुरासुराः

āsan śucismitāḥ sarve kenedaṁ manthanaṁ bhavet svakāryasiddhaye tasya brahmanniti surāsurāḥ

O Brahmin, all the gods and asuras, smiling purely, wondered: "With what shall this churning be done, for the accomplishment of our purpose?"

Verse 5 (shiva.shatarudra.22.5)

तदा नभोगता वाणी मेघगम्भीरनिःस्वना । उवाच देवान्दैत्यांश्चश्वासयन्तीश्वराज्ञया

tadā nabhogatā vāṇī meghagambhīraniḥsvanā uvāca devāndaityāṁścaśvāsayantīśvarājñayā

Then a voice from the sky, deep as thunder, by the Lord's command, spoke, reassuring the gods and daityas.

Verse 6 (shiva.shatarudra.22.6)

नभोवाण्युवाच । हे देवा असुराश्चैव मन्थध्वं क्षीरसागरम् । भवतां बलबुद्धिर्हि भविष्यति न संशयः

nabhovāṇyuvāca he devā asurāścaiva manthadhvaṁ kṣīrasāgaram bhavatāṁ balabuddhirhi bhaviṣyati na saṁśayaḥ

The voice from the sky said: O gods and asuras, churn the ocean of milk; your strength and wisdom shall surely increase thereby.

Verse 7 (shiva.shatarudra.22.7)

मन्दरं चैव मन्थानं रज्जुं कुरुत वासुकिम् । मिथः सर्वे मिलित्वा तु मन्थनं कुरुतादरात्

mandaraṁ caiva manthānaṁ rajjuṁ kuruta vāsukim mithaḥ sarve militvā tu manthanaṁ kurutādarāt

Make Mount Mandara the churning-rod and Vasuki the rope; all of you, joining together, perform the churning with due care.

Verse 8 (shiva.shatarudra.22.8)

नन्दीश्वर उवाच । नभोगतां तदा वाणीं निशम्याथ सुरासुराः । उद्योगं चक्रिरे सर्वे तत्कर्तुं मुनिसत्तम

nandīśvara uvāca nabhogatāṁ tadā vāṇīṁ niśamyātha surāsurāḥ udyogaṁ cakrire sarve tatkartuṁ munisattama

Nandishvara said: O best of sages, having heard that voice from the sky, the gods and asuras all set about the effort of doing so.

Verse 9 (shiva.shatarudra.22.9)

सुसन्धायाखिलास्ते वै मन्दरं पर्वतोत्तमम् । कनकाभं च सरलं नानाशोभार्चितं ययुः

susandhāyākhilāste vai mandaraṁ parvatottamam kanakābhaṁ ca saralaṁ nānāśobhārcitaṁ yayuḥ

All of them, joining together, went to that excellent Mount Mandara, golden in hue, straight, adorned with manifold splendor.

Verse 10 (shiva.shatarudra.22.10)

सुप्रसाद्य गिरीशं तं तदाज्ञप्ताः सुरासुराः । बलादुत्पाटयामासुर्नेतुकामाः पयोऽर्णवम्

suprasādya girīśaṁ taṁ tadājñaptāḥ surāsurāḥ balādutpāṭayāmāsurnetukāmāḥ payo'rṇavam

Having propitiated the lord of that mountain and obtained his consent, the gods and asuras forcibly uprooted it, desiring to bring it to the ocean of milk.

Verse 11 (shiva.shatarudra.22.11)

भुजैरुत्पाट्य ते सर्वे जग्मुः क्षीरार्णवं मुने । अशक्ता अभवंस्तत्र तमानेतुं हतौजसः

bhujairutpāṭya te sarve jagmuḥ kṣīrārṇavaṁ mune aśaktā abhavaṁstatra tamānetuṁ hataujasaḥ

O sage, having uprooted it with their arms, they all set out for the ocean of milk, but there, their strength spent, they proved unable to carry it.

Verse 12 (shiva.shatarudra.22.12)

तद्भुजैः स परिभ्रष्टः पतितो मन्दरो गिरिः । सहसातिगुरुः सद्यो देवदैत्योपरि ध्रुवम्

tadbhujaiḥ sa paribhraṣṭaḥ patito mandaro giriḥ sahasātiguruḥ sadyo devadaityopari dhruvam

Slipping from their arms, that exceedingly heavy Mount Mandara suddenly fell straight down upon the gods and daityas.

Verse 13 (shiva.shatarudra.22.13)

एवं भग्नोद्यमा भग्नाः सम्बभूवुः सुरासुराः । चेतनाः प्राप्य च ततस्तुष्टुवुर्जगदीश्वरम्

evaṁ bhagnodyamā bhagnāḥ sambabhūvuḥ surāsurāḥ cetanāḥ prāpya ca tatastuṣṭuvurjagadīśvaram

Thus their effort was broken and the gods and asuras were themselves crushed; then, regaining consciousness, they praised the Lord of the world.

Verse 14 (shiva.shatarudra.22.14)

तदिच्छयोद्यताः सर्वे पुनरुत्थाप्य तं गिरिम् । निचिक्षिपुर्जले नीत्वा क्षीरोदस्योत्तरे तटे

tadicchayodyatāḥ sarve punarutthāpya taṁ girim nicikṣipurjale nītvā kṣīrodasyottare taṭe

By his will, all of them, lifting up that mountain again, carried it and cast it into the water on the northern shore of the ocean of milk.

Verse 15 (shiva.shatarudra.22.15)

ततः सुरासुरगणा रज्जुं कृत्वा च वासुकिम् । रत्नान्यादातुकामास्ते ममन्थुः क्षीरसागरम्

tataḥ surāsuragaṇā rajjuṁ kṛtvā ca vāsukim ratnānyādātukāmāste mamanthuḥ kṣīrasāgaram

Then the hosts of gods and asuras, having made Vasuki into a rope, churned the ocean of milk, desiring to obtain its treasures.

Verse 16 (shiva.shatarudra.22.16)

क्षीरोदे मथ्यमाने तु श्रीः स्वर्लोकमहेश्वरी । समुद्भूता समुद्राच्च भृगुपुत्री हरिप्रिया

kṣīrode mathyamāne tu śrīḥ svarlokamaheśvarī samudbhūtā samudrācca bhṛguputrī haripriyā

As the ocean of milk was churned, Shri, the great goddess of the heavenly world, daughter of Bhrigu and beloved of Hari, arose from the ocean.

Verse 17 (shiva.shatarudra.22.17)

धन्वन्तरिः शशाङ्कश्च पारिजातो महाद्रुमः । उच्चैःश्रवाश्च तुरगो गज ऐरावतस्तथा

dhanvantariḥ śaśāṅkaśca pārijāto mahādrumaḥ uccaiḥśravāśca turago gaja airāvatastathā

Dhanvantari, the moon, the great tree Parijata, the horse Uchchaihshravas, and the elephant Airavata —

Verse 18 (shiva.shatarudra.22.18)

सुरा हरिधनुः शङ्खो गावः कामदुघास्ततः । कौस्तुभाख्यो मणिश्चैव तथा पीयूषमेव च

surā haridhanuḥ śaṅkho gāvaḥ kāmadughāstataḥ kaustubhākhyo maṇiścaiva tathā pīyūṣameva ca

— wine (Sura), Hari's bow, the conch, the wish-fulfilling cows, the jewel Kaustubha, and the nectar of immortality —

Verse 19 (shiva.shatarudra.22.19)

पुनश्च मथ्यमाने तु कालकूटं महाविषम् । युगान्तानलभं जातं सुरासुरभयावहम्

punaśca mathyamāne tu kālakūṭaṁ mahāviṣam yugāntānalabhaṁ jātaṁ surāsurabhayāvaham

— and as the churning continued further, the great poison Kalakuta arose, resembling the fire of cosmic dissolution, striking fear into gods and asuras alike.

Verse 20 (shiva.shatarudra.22.20)

पीयूषजन्मकाले तु बिन्दवो ये बहिर्गताः । तेभ्यः कान्ताः समुद्भूता बह्वयो ह्यद्भुतदर्शनाः

pīyūṣajanmakāle tu bindavo ye bahirgatāḥ tebhyaḥ kāntāḥ samudbhūtā bahvayo hyadbhutadarśanāḥ

At the moment the nectar arose, from the drops that scattered outward, many wondrously beautiful maidens were born.

Verse 21 (shiva.shatarudra.22.21)

शरत्पूर्णेन्दुवदनास्तडित्सूर्यानलप्रभाः । हारकेयूरकटकैर्दिव्यरत्नैरलङ्कृताः

śaratpūrṇenduvadanāstaḍitsūryānalaprabhāḥ hārakeyūrakaṭakairdivyaratnairalaṅkṛtāḥ

With faces like the autumn full moon, radiant as lightning, sun, and fire, adorned with divine jeweled necklaces, armlets, and bracelets,

Verse 22 (shiva.shatarudra.22.22)

लावण्यामृततोयेन ताः सिञ्चन्त्यो दिशो दश । जगदुन्मादयन्त्येव भ्रूभङ्गायतवीक्षणाः

lāvaṇyāmṛtatoyena tāḥ siñcantyo diśo daśa jagadunmādayantyeva bhrūbhaṅgāyatavīkṣaṇāḥ

— sprinkling the ten directions with the nectar-water of their beauty, their brows arched, their glances long and sweeping, those maidens intoxicated the whole world.

Verse 23 (shiva.shatarudra.22.23)

कोटिशस्ताः समुत्पन्नास्त्वमृतात्कामनिस्सृताः । ततोऽमृतं समुत्पन्नं जरामृत्युनिवारणम्

koṭiśastāḥ samutpannāstvamṛtātkāmanissṛtāḥ tato'mṛtaṁ samutpannaṁ jarāmṛtyunivāraṇam

Millions of them arose from the nectar, born of desire; and after them arose the nectar of immortality itself, the preventer of old age and death.

Verse 24 (shiva.shatarudra.22.24)

लक्ष्मीं शङ्खं कौस्तुभं च खड्गं जग्राह केशवः । जग्राहार्को हयं दिव्यमुच्चैःश्रवसमादरात्

lakṣmīṁ śaṅkhaṁ kaustubhaṁ ca khaḍgaṁ jagrāha keśavaḥ jagrāhārko hayaṁ divyamuccaiḥśravasamādarāt

Keshava took Lakshmi, the conch, the Kaustubha jewel, and the sword; the Sun reverently took the divine horse Uchchaihshravas.

Verse 25 (shiva.shatarudra.22.25)

पारिजातं तरुवरमैरावतमिभेश्वरम् । शचीपतिश्च जग्राह निर्जरेशो महादरात्

pārijātaṁ taruvaramairāvatamibheśvaram śacīpatiśca jagrāha nirjareśo mahādarāt

Indra, lord of the gods and husband of Shachi, with great reverence took the Parijata tree and the elephant-king Airavata.

Verse 26 (shiva.shatarudra.22.26)

कालकूटं शशाङ्कं च देवत्राणाय शङ्करः । स्वकण्ठे धृतवान् शम्भुः स्वेच्छया भक्तवत्सलः

kālakūṭaṁ śaśāṅkaṁ ca devatrāṇāya śaṅkaraḥ svakaṇṭhe dhṛtavān śambhuḥ svecchayā bhaktavatsalaḥ

Shankara, ever fond of his devotees, of his own will held the Kalakuta poison and the moon at his own throat, for the protection of the gods.

Verse 27 (shiva.shatarudra.22.27)

दैत्याः सुराख्यां रमणीमीश्वराजविमोहिताः । जगृहुः सकला व्यास सर्वे धन्वन्तरिं जनाः

daityāḥ surākhyāṁ ramaṇīmīśvarājavimohitāḥ jagṛhuḥ sakalā vyāsa sarve dhanvantariṁ janāḥ

O Vyasa, the daityas, deluded by the Lord's own maya, seized the maiden called Sura; and all those people took Dhanvantari.

Verse 28 (shiva.shatarudra.22.28)

जगृहुर्मुनयः सर्वे कामधेनुं मुनीश्वराः । सामान्यतस्त्रियस्ताश्च स्थिता आसन्विमोहिकाः

jagṛhurmunayaḥ sarve kāmadhenuṁ munīśvarāḥ sāmānyatastriyastāśca sthitā āsanvimohikāḥ

All the foremost sages took the wish-fulfilling cow; and those enchanting maidens remained there, held in common by all.

Verse 29 (shiva.shatarudra.22.29)

अमृतार्थं महायुद्धं सम्बभूव जयैषिणाम् । सुराणामसुराणां च मिथः सङ्क्षुब्धचेतसाम्

amṛtārthaṁ mahāyuddhaṁ sambabhūva jayaiṣiṇām surāṇāmasurāṇāṁ ca mithaḥ saṅkṣubdhacetasām

A great battle broke out between the gods and asuras, both seeking victory over the nectar, their minds mutually agitated.

Verse 30 (shiva.shatarudra.22.30)

हृतं सोमं च दैतेयैर्बलाद्देवान्विजित्य च । बलिप्रभृतिभिर्व्यास युगान्ताग्न्यर्कसुप्रभैः

hṛtaṁ somaṁ ca daiteyairbalāddevānvijitya ca baliprabhṛtibhirvyāsa yugāntāgnyarkasuprabhaiḥ

O Vyasa, the daityas headed by Bali, radiant as the fire and sun of cosmic dissolution, forcibly conquered the gods and seized the Soma nectar.

Verse 31 (shiva.shatarudra.22.31)

देवाः शङ्करमापन्ना विह्वलाः शिवमायया । सर्वे शक्रादयस्तात दैतेयैरर्दिता बलात्

devāḥ śaṅkaramāpannā vihvalāḥ śivamāyayā sarve śakrādayastāta daiteyairarditā balāt

O child, the gods headed by Indra, forcibly oppressed by the daityas, distraught and bewildered by Shiva's own maya, took refuge in Shankara.

Verse 32 (shiva.shatarudra.22.32)

ततस्तदमृतं यत्नात्स्त्रीस्वरूपेण मायया । शिवाज्ञया रमेशेन दैत्येभ्यश्च हृतं मुने

tatastadamṛtaṁ yatnātstrīsvarūpeṇa māyayā śivājñayā rameśena daityebhyaśca hṛtaṁ mune

O sage, then, at Shiva's command, Vishnu (Ramesha), assuming a woman's form through maya, by careful effort took that nectar back from the daityas.

Verse 33 (shiva.shatarudra.22.33)

अपाययत्सुरांस्तांश्च मोहिनी स्त्रीस्वरूपधृक् । मोहयित्वासुरान्सर्वान्हरिर्मायाविनां वरः

apāyayatsurāṁstāṁśca mohinī strīsvarūpadhṛk mohayitvāsurānsarvānharirmāyāvināṁ varaḥ

Hari, foremost among masters of maya, having assumed the enchanting Mohini form and deluded all the asuras, gave that nectar to the gods to drink.

Verse 34 (shiva.shatarudra.22.34)

गत्वा निकटमेतस्या ऊचिरे दैत्यपुङ्गवाः । पाययस्व सुधामेतां माभूद्भेदोऽत्र पङ्क्तिषु

gatvā nikaṭametasyā ūcire daityapuṅgavāḥ pāyayasva sudhāmetāṁ mābhūdbhedo'tra paṅktiṣu

The foremost of the daityas, going near her, said: "Give this nectar to us too — let there be no discrimination in this line."

Verse 35 (shiva.shatarudra.22.35)

एतदुक्त्वा ददुस्तस्मै विष्णवे छलरूपिणे । ते दैत्या दानवाः सर्वे शिवमायाविमोहिताः

etaduktvā dadustasmai viṣṇave chalarūpiṇe te daityā dānavāḥ sarve śivamāyāvimohitāḥ

Having said this, all those daityas and danavas, deluded by Shiva's own maya, handed the nectar over to Vishnu in that deceptive disguise.

Verse 36 (shiva.shatarudra.22.36)

एतस्मिन्नन्तरे दृष्ट्वा स्त्रियो दानवपुङ्गवाः । अनयन्नमृतोद्भूता यथास्थानं यथासुखम्

etasminnantare dṛṣṭvā striyo dānavapuṅgavāḥ anayannamṛtodbhūtā yathāsthānaṁ yathāsukham

Meanwhile the foremost of the danavas, having seen those maidens born of the nectar, led them away each to his own place, as he pleased.

Verse 37 (shiva.shatarudra.22.37)

तासां पुराणि दिव्यानि स्वर्गाच्छतगुणान्यपि । घोरैर्यन्त्रैः सुगुप्तानि मयमायाकृतानि च

tāsāṁ purāṇi divyāni svargācchataguṇānyapi ghorairyantraiḥ suguptāni mayamāyākṛtāni ca

Their divine cities, a hundred times more splendid than heaven, guarded by fearsome mechanisms wrought through Maya's own artifice —

Verse 38 (shiva.shatarudra.22.38)

सुरक्षितानि सर्वाणि कृत्वा युद्धाय निर्ययुः । अस्पृष्टवक्षसो दैत्याः कृत्वा समयमेव हि

surakṣitāni sarvāṇi kṛtvā yuddhāya niryayuḥ aspṛṣṭavakṣaso daityāḥ kṛtvā samayameva hi

— having made all of these secure, the daityas set out for battle, having pledged that their chests would remain untouched by these women.

Verse 39 (shiva.shatarudra.22.39)

न स्पृशामः स्त्रियश्चेमा यदि देवैर्विनिर्जिताः । इत्युक्त्वा ते महावीरा दैत्याः सर्वे युयुत्सवः

na spṛśāmaḥ striyaścemā yadi devairvinirjitāḥ ityuktvā te mahāvīrā daityāḥ sarve yuyutsavaḥ

"If we are defeated by the gods, we shall not touch these women" — having said this, all those great heroic daityas made ready for battle.

Verse 40 (shiva.shatarudra.22.40)

सिंहनादं ततश्चक्रुः शङ्खान्दध्मुः पृथक्पृथक् । पूरयन्त इवाकाशं तर्पयन्तो बलाहकान्

siṁhanādaṁ tataścakruḥ śaṅkhāndadhmuḥ pṛthakpṛthak pūrayanta ivākāśaṁ tarpayanto balāhakān

Then they let out lion-roars and blew their conches separately, as if filling the sky and satisfying the storm-clouds.

Verse 41 (shiva.shatarudra.22.41)

युद्धं बभूव देवानामसुरैः सह भीकरम् । देवासुराख्यमतुलं प्रसिद्धं भुवनत्रये

yuddhaṁ babhūva devānāmasuraiḥ saha bhīkaram devāsurākhyamatulaṁ prasiddhaṁ bhuvanatraye

A terrible battle took place between the gods and the asuras, incomparable, renowned throughout the three worlds as the Deva-Asura war.

Verse 42 (shiva.shatarudra.22.42)

जयं प्रापुः सुराः सर्वे विष्णुना परिरक्षिताः । दैत्याः पलायितास्तत्र हताः सामरविष्णुना

jayaṁ prāpuḥ surāḥ sarve viṣṇunā parirakṣitāḥ daityāḥ palāyitāstatra hatāḥ sāmaraviṣṇunā

All the gods, protected by Vishnu, obtained victory; the daityas fled from there, slain by Vishnu together with the gods.

Verse 43 (shiva.shatarudra.22.43)

दैत्याः सम्मोहिता देवैर्विष्णुना च महात्मना । हतावशिष्टाः पातालं विविशुर्विवराणि च

daityāḥ sammohitā devairviṣṇunā ca mahātmanā hatāvaśiṣṭāḥ pātālaṁ viviśurvivarāṇi ca

Of the daityas bewildered by the gods and the great-souled Vishnu, those who survived the slaughter entered the netherworld and its caverns.

Verse 44 (shiva.shatarudra.22.44)

अनुवव्राज तान्विष्णुश्चक्रपाणिर्महाबलः । पातालं परमं गत्वा संस्थितान्भीतभीतवत्

anuvavrāja tānviṣṇuścakrapāṇirmahābalaḥ pātālaṁ paramaṁ gatvā saṁsthitānbhītabhītavat

Vishnu, the mighty discus-bearer, following after them down to the depths of Patala, found them stationed there in utter terror.

Verse 45 (shiva.shatarudra.22.45)

एतस्मिन्नन्तरे विष्णुर्ददर्शामृतसम्भवाः । कान्ताः पूर्णेन्दुवदना दिव्यलावण्यगर्विताः

etasminnantare viṣṇurdadarśāmṛtasambhavāḥ kāntāḥ pūrṇenduvadanā divyalāvaṇyagarvitāḥ

Meanwhile Vishnu beheld those maidens born of the nectar, their faces like the full moon, proud of their divine beauty.

Verse 46 (shiva.shatarudra.22.46)

सम्मोहितः कामबाणैर्लेभे तत्रैव निर्वृतिम् । ताभिश्च वरनारीभिः क्रीडमानो बभूव ह

sammohitaḥ kāmabāṇairlebhe tatraiva nirvṛtim tābhiśca varanārībhiḥ krīḍamāno babhūva ha

Overcome by the arrows of desire, he found delight right there, and began to sport with those excellent women.

Verse 47 (shiva.shatarudra.22.47)

ताभ्यः पुत्रानजनयद्विष्णुर्वरपराक्रमान् । महीं सर्वां कम्पयन्तो नानायुद्धविशारदान्

tābhyaḥ putrānajanayadviṣṇurvaraparākramān mahīṁ sarvāṁ kampayanto nānāyuddhaviśāradān

Vishnu begot upon them sons of excellent might, skilled in manifold warfare, who set the whole earth trembling.

Verse 48 (shiva.shatarudra.22.48)

ततो वै हरिपुत्रास्ते महाबलपराक्रमाः । महोपद्रवमाचेरुः स्वर्गे भुवि च दुःखदम्

tato vai hariputrāste mahābalaparākramāḥ mahopadravamāceruḥ svarge bhuvi ca duḥkhadam

Then those sons of Hari, of immense strength and valor, began wreaking great and grievous havoc in both heaven and earth.

Verse 49 (shiva.shatarudra.22.49)

लोकोपद्रवमालक्ष्य निर्जरा मुनयोऽथ वै । चक्रुर्निवेदननं तेषां ब्रह्मणे प्रणिपत्य च

lokopadravamālakṣya nirjarā munayo'tha vai cakrurnivedananaṁ teṣāṁ brahmaṇe praṇipatya ca

Beholding this havoc in the world, the gods and sages, bowing at Brahma's feet, made their report of it to him.

Verse 50 (shiva.shatarudra.22.50)

तच्छ्रुत्वादाय तान्ब्रह्मा ययौ कैलासपर्वतम् । तत्र दृष्ट्वा शिवं देवं प्रणनाम पुनः पुनः

tacchrutvādāya tānbrahmā yayau kailāsaparvatam tatra dṛṣṭvā śivaṁ devaṁ praṇanāma punaḥ punaḥ

Hearing this, Brahma, taking them along, went to Mount Kailasa; seeing the god Shiva there, he bowed to him again and again.

Verse 51 (shiva.shatarudra.22.51)

तुष्टाव विविधैः स्तोत्रैर्नतस्कन्धः कृताञ्जलिः । जय देव महादेव सर्वस्वामिन्निति ब्रुवन्

tuṣṭāva vividhaiḥ stotrairnataskandhaḥ kṛtāñjaliḥ jaya deva mahādeva sarvasvāminniti bruvan

With bowed shoulders and joined hands, he praised him with various hymns, saying: "Victory to you, O God, Great God, Lord of all!"

Verse 52 (shiva.shatarudra.22.52)

ब्रह्मोवाच । देवदेव महादेव लोकान् रक्षाखिलान्प्रभो । उपद्रुतान्विष्णुपुत्रैः पातालस्थैर्विकारिभिः

brahmovāca devadeva mahādeva lokān rakṣākhilānprabho upadrutānviṣṇuputraiḥ pātālasthairvikāribhiḥ

Brahma said: O God of gods, Great God, O Lord, protect all the worlds afflicted by the wicked sons of Vishnu who dwell in Patala.

Verse 53 (shiva.shatarudra.22.53)

नारीष्वमृतभूतासु संसक्तात्मा हरिर्विभो । पाताले तिष्ठतीदानीं रमते हि विकारवान्

nārīṣvamṛtabhūtāsu saṁsaktātmā harirvibho pātāle tiṣṭhatīdānīṁ ramate hi vikāravān

O Lord, Hari, his mind attached to those women born of the nectar, is now dwelling in Patala itself, overcome by passion, and sporting there.

Verse 54 (shiva.shatarudra.22.54)

नन्दीश्वर उवाच । इत्थं बहुस्तुतः शम्भुर्ब्रह्मणा सर्षिनिर्जरैः । लोकसंरक्षणार्थाय विष्णोरानयनाय च

nandīśvara uvāca itthaṁ bahustutaḥ śambhurbrahmaṇā sarṣinirjaraiḥ lokasaṁrakṣaṇārthāya viṣṇorānayanāya ca

Nandishvara said: Thus greatly praised by Brahma together with the sages and gods, for the sake of protecting the worlds and bringing Vishnu back,

Verse 55 (shiva.shatarudra.22.55)

ततः स भगवान् शम्भुः कृपासिन्धुर्महेश्वरः । तदुपद्रवमाज्ञाय वृषरूपो बभूव ह

tataḥ sa bhagavān śambhuḥ kṛpāsindhurmaheśvaraḥ tadupadravamājñāya vṛṣarūpo babhūva ha

then that blessed Shambhu, the great Lord, the ocean of compassion, learning of that havoc, took on the form of a bull.