The Pippalada Incarnation

Verse 1 (shiva.shatarudra.24.1)

नन्दीश्वर उवाच । पिप्पलादाख्यमपरमवतारं महेशितुः । शृणु प्राज्ञ महाप्रीत्या भक्तिवर्धनमुत्तमम्

nandīśvara uvāca pippalādākhyamaparamavatāraṁ maheśituḥ śṛṇu prājña mahāprītyā bhaktivardhanamuttamam

Nandishvara said: O wise one, hear now with great love another excellent incarnation of the Great Lord called Pippalada, an increaser of devotion.

Verse 2 (shiva.shatarudra.24.2)

यः पुरा गदितो विप्रो दधीचिर्मुनिसत्तमः । महाशैवः सुप्रतापी च्यावनिर्भृगुवंशजः

yaḥ purā gadito vipro dadhīcirmunisattamaḥ mahāśaivaḥ supratāpī cyāvanirbhṛguvaṁśajaḥ

He who was formerly known as the brahmin Dadhichi, the excellent sage, a great devotee of Shiva, of great splendor, born in the line of Chyavana in the Bhrigu lineage —

Verse 3 (shiva.shatarudra.24.3)

क्षुवेण सह सङ्ग्रामे येन विष्णुः पराजितः । सनिर्जरोऽथ संशप्तो महेश्वरसहायिना

kṣuveṇa saha saṅgrāme yena viṣṇuḥ parājitaḥ sanirjaro'tha saṁśapto maheśvarasahāyinā

— by whose help Maheshvara, in the battle with Kshva, defeated and cursed Vishnu together with the gods.

Verse 4 (shiva.shatarudra.24.4)

तस्य पत्नी महाभागा सुवर्चा नाम नामतः । महापतिव्रता साध्वी यया शप्ता दिवौकसः

tasya patnī mahābhāgā suvarcā nāma nāmataḥ mahāpativratā sādhvī yayā śaptā divaukasaḥ

His greatly blessed wife was known by the name Suvarcha, a most devoted and virtuous wife, by whom the gods were later cursed.

Verse 5 (shiva.shatarudra.24.5)

तस्मात्तस्यां महादेवो नानालीलाविशारदः । प्रादुर्बभूव तेजस्वी पिप्पलादेति नामतः

tasmāttasyāṁ mahādevo nānālīlāviśāradaḥ prādurbabhūva tejasvī pippalādeti nāmataḥ

From him, in that Suvarcha, Mahadeva, skilled in manifold divine sports, radiant, appeared, bearing the name Pippalada.

Verse 6 (shiva.shatarudra.24.6)

सूत उवाच । इत्याकर्ण्य मुनिश्रेष्ठो नन्दीश्वरवचोऽद्भुतम् । सनत्कुमारः प्रोवाच नतस्कन्धः कृताञ्जलिः

sūta uvāca ityākarṇya muniśreṣṭho nandīśvaravaco'dbhutam sanatkumāraḥ provāca nataskandhaḥ kṛtāñjaliḥ

Suta said: Having heard this wondrous speech of Nandishvara, the excellent sage Sanatkumara, his shoulders bowed and hands joined, spoke.

Verse 7 (shiva.shatarudra.24.7)

सनत्कुमार उवाच । नन्दीश्वर महाप्राज्ञ साक्षाद् रुद्रस्वरूपधृक् । धन्यस्त्वं सद्गुरुस्तात श्रावितेयं कथाद्भुता

sanatkumāra uvāca nandīśvara mahāprājña sākṣād rudrasvarūpadhṛk dhanyastvaṁ sadgurustāta śrāviteyaṁ kathādbhutā

Sanatkumara said: O Nandishvara, greatly wise, of the very form of Rudra, O child, blessed are you, my true guru, who has related this wondrous story.

Verse 8 (shiva.shatarudra.24.8)

क्षुवेण सह सङ्ग्रामे श्रुतो विष्णुपराजयः । ब्रह्मणा मे पुरा तात तच्छापश्च शिलादज

kṣuveṇa saha saṅgrāme śruto viṣṇuparājayaḥ brahmaṇā me purā tāta tacchāpaśca śilādaja

O son of Shilada, I had earlier heard from Brahma of Vishnu's defeat in the battle with Kshva, and of that curse as well.

Verse 9 (shiva.shatarudra.24.9)

अधुना श्रोतुमिच्छामि देवशापं सुवर्चया । दत्तं पश्चात् पिप्पलादचरितं मङ्गलायनम्

adhunā śrotumicchāmi devaśāpaṁ suvarcayā dattaṁ paścāt pippalādacaritaṁ maṅgalāyanam

Now I wish to hear of that curse given to the gods by Suvarcha, and of the auspicious story of Pippalada that followed.

Verse 10 (shiva.shatarudra.24.10)

सूत उवाच । इति श्रुत्वाथ शैलादिर्विधिपुत्रवचः शुभम् । प्रत्युवाच प्रसन्नात्मा स्मृत्वा शिवपदाम्बुजम्

sūta uvāca iti śrutvātha śailādirvidhiputravacaḥ śubham pratyuvāca prasannātmā smṛtvā śivapadāmbujam

Suta said: Having heard this pure speech of Brahma's son, and remembering Shiva's lotus feet, the son of Shilada, his mind gladdened, replied.

Verse 11 (shiva.shatarudra.24.11)

नन्दीश्वर उवाच । एकदा निर्जराः सर्वे वासवाद्या मुनीश्वर । वृत्रासुरसहायैश्च दैत्यैरासन्पराजिताः

nandīśvara uvāca ekadā nirjarāḥ sarve vāsavādyā munīśvara vṛtrāsurasahāyaiśca daityairāsanparājitāḥ

Nandishvara said: O lord of sages, once all the gods headed by Indra were defeated by the daityas allied with Vritrasura.

Verse 12 (shiva.shatarudra.24.12)

स्वानि स्वानि वरास्त्राणि दधीचस्याश्रमेऽखिलाः । निःक्षिप्य सहसा सद्योऽभवन् देवाः पराजिताः

svāni svāni varāstrāṇi dadhīcasyāśrame'khilāḥ niḥkṣipya sahasā sadyo'bhavan devāḥ parājitāḥ

Having hastily deposited their own excellent weapons at Dadhichi's hermitage, the gods were quickly defeated.

Verse 13 (shiva.shatarudra.24.13)

तदा सर्वे सुराः सेन्द्रा वध्यमानास्तथर्षयः । ब्रह्मलोकं गताः शीघ्रं प्रोचुः स्वं व्यसनं च तत्

tadā sarve surāḥ sendrā vadhyamānāstatharṣayaḥ brahmalokaṁ gatāḥ śīghraṁ procuḥ svaṁ vyasanaṁ ca tat

Then all the gods headed by Indra, and the sages too, being slaughtered, went quickly to Brahmaloka and told him of their calamity.

Verse 14 (shiva.shatarudra.24.14)

तच्छ्रुत्वा देववचनं ब्रह्मा लोकपितामहः । सर्वं शशंस तत्त्वेन त्वष्टुश्चैव चिकीर्षितम्

tacchrutvā devavacanaṁ brahmā lokapitāmahaḥ sarvaṁ śaśaṁsa tattvena tvaṣṭuścaiva cikīrṣitam

Hearing the gods' words, Brahma, grandfather of the worlds, related everything truthfully, including Tvashta's intent.

Verse 15 (shiva.shatarudra.24.15)

भवद्वधार्थं जनितस्त्वष्ट्रायं तपसा सुराः । वृत्रो नाम महातेजाः सर्वदैत्याधिपो महान्

bhavadvadhārthaṁ janitastvaṣṭrāyaṁ tapasā surāḥ vṛtro nāma mahātejāḥ sarvadaityādhipo mahān

"O gods, this being of great splendor named Vritra, the great lord of all daityas, was engendered by Tvashta through austerity, for your destruction.

Verse 16 (shiva.shatarudra.24.16)

अथ प्रयत्नः क्रियतां भवेदस्य वधो यथा । तत्रोपायं शृणु प्राज्ञ धर्महेतोर्वदामि ते

atha prayatnaḥ kriyatāṁ bhavedasya vadho yathā tatropāyaṁ śṛṇu prājña dharmahetorvadāmi te

Now make such an effort that he may be slain; hear the means, O wise ones — I tell it to you for the sake of dharma.

Verse 17 (shiva.shatarudra.24.17)

महामुनिर्दधीचिर्यः स तपस्वी जितेन्द्रियः । लेभे शिवं समाराध्य वज्रास्थित्ववरं पुरा

mahāmunirdadhīciryaḥ sa tapasvī jitendriyaḥ lebhe śivaṁ samārādhya vajrāsthitvavaraṁ purā

The great ascetic sage Dadhichi, of subdued senses, formerly obtained from Shiva, through worship, the boon that his bones would be as hard as thunderbolt.

Verse 18 (shiva.shatarudra.24.18)

तस्यास्थीन्येव याचध्वं स दास्यति न संशयः । निर्माय तैर्दण्डवज्रं वृत्रं जहि न संशयः

tasyāsthīnyeva yācadhvaṁ sa dāsyati na saṁśayaḥ nirmāya tairdaṇḍavajraṁ vṛtraṁ jahi na saṁśayaḥ

Beg for his bones alone; he will give them without doubt. Fashioning a thunderbolt-club from them, slay Vritra without doubt."

Verse 19 (shiva.shatarudra.24.19)

नन्दीश्वर उवाच । तच्छ्रुत्वा ब्रह्मवचनं शक्रो गुरुसमन्वितः । आगच्छत्सामरः सद्यो दधीच्याश्रममुत्तमम्

nandīśvara uvāca tacchrutvā brahmavacanaṁ śakro gurusamanvitaḥ āgacchatsāmaraḥ sadyo dadhīcyāśramamuttamam

Nandishvara said: Hearing Brahma's word, Indra, together with his guru, quickly arrived with the gods at Dadhichi's excellent hermitage.

Verse 20 (shiva.shatarudra.24.20)

दृष्ट्वा तत्र मुनिं शक्रः सुवर्चान्वितमादरात् । ननाम साञ्जलिर्नम्रः सगुरुः सामरश्च तम्

dṛṣṭvā tatra muniṁ śakraḥ suvarcānvitamādarāt nanāma sāñjalirnamraḥ saguruḥ sāmaraśca tam

Seeing the sage there together with Suvarcha, Indra, with his guru and the gods, humbly bowed to him with joined hands.

Verse 21 (shiva.shatarudra.24.21)

तदभिप्रायमाज्ञाय स मुनिर्बुधसत्तमः । स्वपत्नीं प्रेषयामास सुवर्चां स्वाश्रमान्तरम्

tadabhiprāyamājñāya sa munirbudhasattamaḥ svapatnīṁ preṣayāmāsa suvarcāṁ svāśramāntaram

Understanding their purpose, that sage, best among the learned, sent his wife Suvarcha into the inner part of his hermitage.

Verse 22 (shiva.shatarudra.24.22)

ततस्स देवराजश्च सामरः स्वार्थसाधकः । अर्थशास्त्रपरो भूत्वा मुनीशं वाक्यमब्रवीत्

tatassa devarājaśca sāmaraḥ svārthasādhakaḥ arthaśāstraparo bhūtvā munīśaṁ vākyamabravīt

Then that king of the gods, seeking to accomplish his purpose, skilled in statecraft, together with the gods, addressed the lord of sages.

Verse 23 (shiva.shatarudra.24.23)

शक्र उवाच । त्वष्ट्रा विप्रकृताः सर्वे वयं देवास्तथर्षयः । शरण्यं त्वां महाशैवं दातारं शरणं गताः

śakra uvāca tvaṣṭrā viprakṛtāḥ sarve vayaṁ devāstatharṣayaḥ śaraṇyaṁ tvāṁ mahāśaivaṁ dātāraṁ śaraṇaṁ gatāḥ

Indra said: O Brahmin, we, the gods and the sages too, all afflicted by Tvashta, have come for refuge to you, giver of refuge, great devotee of Shiva, bestower of gifts.

Verse 24 (shiva.shatarudra.24.24)

स्वास्थीनि देहि नो विप्र महावज्रमयानि हि । अस्थ्ना ते स्वपविं कृत्वा हनिष्यामि सुरद्रुहम्

svāsthīni dehi no vipra mahāvajramayāni hi asthnā te svapaviṁ kṛtvā haniṣyāmi suradruham

O Brahmin, give us your bones, hard as the thunderbolt; making my own weapon from them, I shall slay the enemy of the gods.

Verse 25 (shiva.shatarudra.24.25)

इत्युक्तस्तेन स मुनिः परोपकरणे रतः । ध्यात्वा शिवं स्वनाथं हि विससर्ज कलेवरम्

ityuktastena sa muniḥ paropakaraṇe rataḥ dhyātvā śivaṁ svanāthaṁ hi visasarja kalevaram

Thus addressed, that sage, ever devoted to helping others, meditating on Shiva his Lord, gave up his body.

Verse 26 (shiva.shatarudra.24.26)

ब्रह्मलोकं गतः सद्यः स मुनिर्ध्वस्तबन्धनः । पुष्पवृष्टिरभूत्तत्र सर्वे विस्मयमागताः

brahmalokaṁ gataḥ sadyaḥ sa munirdhvastabandhanaḥ puṣpavṛṣṭirabhūttatra sarve vismayamāgatāḥ

That sage, freed from all bonds, went at once to Brahmaloka; a shower of flowers fell there, and all were filled with wonder.

Verse 27 (shiva.shatarudra.24.27)

अथ गां सुरभिं शक्र आहूयाशु ह्यलेहयत् । अस्त्रनिर्मितये त्वाष्ट्रं निर्दिदेश तदस्थिभिः

atha gāṁ surabhiṁ śakra āhūyāśu hyalehayat astranirmitaye tvāṣṭraṁ nirdideśa tadasthibhiḥ

Then Indra, having quickly summoned the cow Surabhi, had her lick the bones, and directed Vishvakarma to fashion weapons from them.

Verse 28 (shiva.shatarudra.24.28)

विश्वकर्मा तदाज्ञप्तश्चक्लृपेऽस्त्राणि कृत्स्नशः । तदस्थिभिर्वज्रमयैः सुदृढैः शिववर्चसा

viśvakarmā tadājñaptaścaklṛpe'strāṇi kṛtsnaśaḥ tadasthibhirvajramayaiḥ sudṛḍhaiḥ śivavarcasā

Thus commanded, Vishvakarma fashioned all the weapons from those thunderbolt-hard bones, imbued with Shiva's splendor and exceedingly firm.

Verse 29 (shiva.shatarudra.24.29)

तस्य वंशोद्भवैर्वज्रं शरो ब्रह्मशिरस्तथा । अन्यास्थिभिर्बहूनि स्वपराण्यस्त्राणि निर्ममे

tasya vaṁśodbhavairvajraṁ śaro brahmaśirastathā anyāsthibhirbahūni svaparāṇyastrāṇi nirmame

From his backbone the thunderbolt and the arrow called Brahmashira were made, and from his other bones many weapons, both his own and others', were fashioned.

Verse 30 (shiva.shatarudra.24.30)

तमिन्द्रो वज्रमुद्यम्य वर्द्धितः शिववर्चसा । वृत्रमभ्यद्रवत्क्रुद्धो मुने रुद्र इवान्तकम्

tamindro vajramudyamya varddhitaḥ śivavarcasā vṛtramabhyadravatkruddho mune rudra ivāntakam

O sage, Indra, empowered by Shiva's splendor, raising that thunderbolt in fury, charged at Vritra as Rudra might charge at Death.

Verse 31 (shiva.shatarudra.24.31)

ततः शक्रः सुसन्नद्धस्तेन वज्रेण स द्रुतम् । उच्चकर्त शिरो वार्त्रं गिरिशृङ्गमिवौजसा

tataḥ śakraḥ susannaddhastena vajreṇa sa drutam uccakarta śiro vārtraṁ giriśṛṅgamivaujasā

Then Shakra, well armed, with that thunderbolt, by his own might, severed Vritra's head as one might sever a mountain peak.

Verse 32 (shiva.shatarudra.24.32)

तदा समुत्सवस्तात बभूव त्रिदिवौकसाम् । तुष्टुवुर्निर्जराः शक्रं पेतुः कुसुमवृष्टयः

tadā samutsavastāta babhūva tridivaukasām tuṣṭuvurnirjarāḥ śakraṁ petuḥ kusumavṛṣṭayaḥ

O child, then there was great celebration among the dwellers of the three worlds; the gods praised Indra, and showers of flowers fell.

Verse 33 (shiva.shatarudra.24.33)

इति ते कथितं तात प्रसङ्गाच्चरितं त्विदम् । पिप्पलादावतारं मे शृणु शम्भोर्महादरात्

iti te kathitaṁ tāta prasaṅgāccaritaṁ tvidam pippalādāvatāraṁ me śṛṇu śambhormahādarāt

O child, thus has this story been told to you in passing; now hear from me, with great reverence, of Shambhu's incarnation as Pippalada.

Verse 34 (shiva.shatarudra.24.34)

सुवर्चा सा मुनेः पत्नी दधीचस्य महात्मनः । ययौ स्वमाश्रमाभ्यन्तस्तदाज्ञप्ता पतिव्रता

suvarcā sā muneḥ patnī dadhīcasya mahātmanaḥ yayau svamāśramābhyantastadājñaptā pativratā

Suvarcha, Dadhichi's wife, by his instruction, devoted as she was, went into the inner part of her own hermitage.

Verse 35 (shiva.shatarudra.24.35)

आगत्य तत्र सा दृष्ट्वा न पतिं स्वं तपस्विनी । गृहकार्यं च सा कृत्वाखिलं पतिनिदेशतः

āgatya tatra sā dṛṣṭvā na patiṁ svaṁ tapasvinī gṛhakāryaṁ ca sā kṛtvākhilaṁ patinideśataḥ

Coming there, that ascetic woman, not finding her husband, carried out all her household duties as he had instructed.

Verse 36 (shiva.shatarudra.24.36)

आजगाम पुनस्तत्र पश्यन्ती बह्वशोभनम् । देवांश्च तान्मुनिश्रेष्ठ सुवर्चा विस्मिताभवत्

ājagāma punastatra paśyantī bahvaśobhanam devāṁśca tānmuniśreṣṭha suvarcā vismitābhavat

O best of sages, she came there again, and, seeing much that was unbecoming and seeing those gods, Suvarcha was greatly astonished.

Verse 37 (shiva.shatarudra.24.37)

ज्ञात्वा च तत्सर्वमिदं सुराणां कृत्यं तदानीं च चुकोप साध्वी । ददौ तदा शापमतीव रुष्टा तेषां सुवर्चा ऋषिवर्यभार्या

jñātvā ca tatsarvamidaṁ surāṇāṁ kṛtyaṁ tadānīṁ ca cukopa sādhvī dadau tadā śāpamatīva ruṣṭā teṣāṁ suvarcā ṛṣivaryabhāryā

Understanding all that deed of the gods, that virtuous woman grew greatly angry, and, exceedingly wrathful, Suvarcha, wife of that excellent sage, pronounced upon them a curse.

Verse 38 (shiva.shatarudra.24.38)

सुवर्चोवाच । अहो सुरा द्रुष्टतराश्च सर्वे स्वकार्यदक्षा ह्यबुधाश्च लुब्धाः । तस्माच्च सर्वे पशवो भवन्तु सेन्द्राश्च मेऽद्यप्रभृतीत्युवाच

suvarcovāca aho surā druṣṭatarāśca sarve svakāryadakṣā hyabudhāśca lubdhāḥ tasmācca sarve paśavo bhavantu sendrāśca me'dyaprabhṛtītyuvāca

Suvarcha said: Alas, all these gods are exceedingly wicked, skilled only at their own purposes, unwise, and greedy; therefore let them all, together with Indra, become beasts from this day forward.

Verse 39 (shiva.shatarudra.24.39)

एवं शापं ददौ तेषां सुराणां सा तपस्विनी । सशक्राणां च सर्वेषां सुवर्चा मुनिकामिनी

evaṁ śāpaṁ dadau teṣāṁ surāṇāṁ sā tapasvinī saśakrāṇāṁ ca sarveṣāṁ suvarcā munikāminī

Thus did that ascetic woman, the sage's beloved wife Suvarcha, pronounce this curse upon all the gods together with Indra.

Verse 40 (shiva.shatarudra.24.40)

अनुगन्तुं पतेर्लोकमथेच्छत्सा पतिव्रता । चितां चक्रे समेधोभिः सुपवित्रैर्मनस्विनी

anugantuṁ paterlokamathecchatsā pativratā citāṁ cakre samedhobhiḥ supavitrairmanasvinī

Then that devoted wife, wishing to go to her husband's world, began to build a funeral pyre with pure sacrificial wood.

Verse 41 (shiva.shatarudra.24.41)

ततो नभोगिरा प्राह सुवर्चां तां मुनिप्रियाम् । आश्वासयन्ती गिरिशप्रेरिता सुखदायिनी

tato nabhogirā prāha suvarcāṁ tāṁ munipriyām āśvāsayantī giriśapreritā sukhadāyinī

Then a voice from the sky, sent by Girisha, the giver of happiness, spoke, consoling that beloved wife of the sage —

Verse 42 (shiva.shatarudra.24.42)

आकाशवाण्युवाच । साहसं न कुरु प्राज्ञे शृणु मे परमं वचः । मुनितेजस्त्वदुदरे तदुत्पादय यत्नतः

ākāśavāṇyuvāca sāhasaṁ na kuru prājñe śṛṇu me paramaṁ vacaḥ munitejastvadudare tadutpādaya yatnataḥ

The voice from the sky said: O wise one, do not act rashly; hear my supreme word — bring forth the sage's radiant seed in your womb, with careful effort.

Verse 43 (shiva.shatarudra.24.43)

ततः स्वाभीष्टचरणं देवि कर्तुं त्वमर्हसि । सगर्भा न दहेद् गात्रमिति ब्रह्मनिदेशनम्

tataḥ svābhīṣṭacaraṇaṁ devi kartuṁ tvamarhasi sagarbhā na dahed gātramiti brahmanideśanam

Then, O goddess, you may rightly do as you wish; but being pregnant, do not burn your body — this is Brahma's instruction.

Verse 44 (shiva.shatarudra.24.44)

नन्दीश्वर उवाच । इत्युक्त्वा सा नभोवाणी विरराम मुनीश्वर । तां श्रुत्वा सा मुनेः पत्नी विस्मिताभूत्क्षणं च सा

nandīśvara uvāca ityuktvā sā nabhovāṇī virarāma munīśvara tāṁ śrutvā sā muneḥ patnī vismitābhūtkṣaṇaṁ ca sā

Nandishvara said: O lord of sages, having said this, the voice from the sky fell silent; hearing it, the sage's wife was astonished for a moment.

Verse 45 (shiva.shatarudra.24.45)

सुवर्चा सा महासाध्वी पतिलोकमभीप्सती । उपविश्याश्मना भूयः सोदरं विददार ह

suvarcā sā mahāsādhvī patilokamabhīpsatī upaviśyāśmanā bhūyaḥ sodaraṁ vidadāra ha

Yet, still longing for her husband's world, that greatly virtuous Suvarcha sat down again and tore open her own womb with a stone.

Verse 46 (shiva.shatarudra.24.46)

निर्गतो जठरात्तस्या गर्भो मुनिवरस्य सः । महादिव्यतनुर्दीप्तो भासयंश्च दिशो दश

nirgato jaṭharāttasyā garbho munivarasya saḥ mahādivyatanurdīpto bhāsayaṁśca diśo daśa

From her womb came forth the child of that excellent sage, of great divine form, radiant, illuminating the ten directions.

Verse 47 (shiva.shatarudra.24.47)

साक्षाद् रुद्रावतारोऽसौ दधीचिवरतेजसः । प्रादुर्भूतः स्वयं तात स्वलीलाकरणे क्षमः

sākṣād rudrāvatāro'sau dadhīcivaratejasaḥ prādurbhūtaḥ svayaṁ tāta svalīlākaraṇe kṣamaḥ

O child, he was none other than an incarnation of Rudra himself, born of Dadhichi's excellent splendor, capable of performing his own divine sports.

Verse 48 (shiva.shatarudra.24.48)

तं दृष्ट्वा स्वसुतं दिव्यं स्वरूपं मुनिकामिनी । सुवर्चाज्ञाय मनसा साक्षाद् रुद्रावतारकम्

taṁ dṛṣṭvā svasutaṁ divyaṁ svarūpaṁ munikāminī suvarcājñāya manasā sākṣād rudrāvatārakam

Beholding that divine son of hers, the sage's beloved Suvarcha recognized in her mind that he was, in truth, an incarnation of Rudra.

Verse 49 (shiva.shatarudra.24.49)

प्रहृष्टाभून्महासाध्वी प्रणम्याशु नुनाव सा । स्वहृदि स्थापयामास तत्स्वरूपं मुनीश्वर

prahṛṣṭābhūnmahāsādhvī praṇamyāśu nunāva sā svahṛdi sthāpayāmāsa tatsvarūpaṁ munīśvara

O lord of sages, that greatly virtuous woman, overjoyed, bowed at once and praised him, and enshrined that form within her own heart.

Verse 50 (shiva.shatarudra.24.50)

सुवर्चा तनयं तं च प्रहस्य विमलेक्षणा । जननी प्राह सुप्रीत्या पतिलोकमभीप्सती

suvarcā tanayaṁ taṁ ca prahasya vimalekṣaṇā jananī prāha suprītyā patilokamabhīpsatī

The mother Suvarcha, her eyes clear, smiling, still longing for her husband's world, spoke to her son with great love.

Verse 51 (shiva.shatarudra.24.51)

सुवर्चोवाच । हे तात परमेशान चिरं तिष्ठास्य सन्निधौ । अश्वत्थस्य महाभाग सर्वेषां सुखदो भवेः

suvarcovāca he tāta parameśāna ciraṁ tiṣṭhāsya sannidhau aśvatthasya mahābhāga sarveṣāṁ sukhado bhaveḥ

Suvarcha said: O child, O supreme Lord, O greatly blessed one, dwell here beside this Ashvattha tree for a long time, and be the giver of happiness to all.

Verse 52 (shiva.shatarudra.24.52)

मामाज्ञापय सुप्रीत्या पतिलोकाय चाधुना । तत्रस्थाहं च पतिना त्वां ध्याये रुद्ररूपिणम्

māmājñāpaya suprītyā patilokāya cādhunā tatrasthāhaṁ ca patinā tvāṁ dhyāye rudrarūpiṇam

Give me now, with love, leave to go to my husband's world; there, dwelling with my husband, I shall meditate upon you in your form as Rudra.

Verse 53 (shiva.shatarudra.24.53)

नन्दीश्वर उवाच । इत्येवं सा बभाषेऽथ सुवर्चा तनयं प्रति । पतिमन्वगमत्साध्वी परमेण समाधिना

nandīśvara uvāca ityevaṁ sā babhāṣe'tha suvarcā tanayaṁ prati patimanvagamatsādhvī parameṇa samādhinā

Nandishvara said: Thus spoke Suvarcha to her son; then that virtuous woman, through supreme meditation, went to join her husband.

Verse 54 (shiva.shatarudra.24.54)

एवं दधीचपत्नी सा पतिना सङ्गता मुने । शिवलोकं समासाद्य सिषेवे शङ्करं मुदा

evaṁ dadhīcapatnī sā patinā saṅgatā mune śivalokaṁ samāsādya siṣeve śaṅkaraṁ mudā

O sage, thus Dadhichi's wife, reunited with her husband, attained Shiva's world and joyfully served Shankara.

Verse 55 (shiva.shatarudra.24.55)

एतस्मिन्नन्तरे देवाः सेन्द्राश्च मुनिभिः सह । तत्राजग्मुस्त्वरा तात आहूता इव हर्षिताः

etasminnantare devāḥ sendrāśca munibhiḥ saha tatrājagmustvarā tāta āhūtā iva harṣitāḥ

Meanwhile, O child, the gods together with Indra and the sages came there in haste, delighted, as though summoned.

Verse 56 (shiva.shatarudra.24.56)

हरिर्ब्रह्मा च सुप्रीत्यावतीर्णं शङ्करं भुवि । सुवर्चायां दधीचाद्वा ययतुः स्वगणैः सह

harirbrahmā ca suprītyāvatīrṇaṁ śaṅkaraṁ bhuvi suvarcāyāṁ dadhīcādvā yayatuḥ svagaṇaiḥ saha

Hari and Brahma too, with love, together with their own retinues, went to that Shankara who had descended into the world in Suvarcha through Dadhichi.

Verse 57 (shiva.shatarudra.24.57)

तत्र दृष्ट्वावतीर्णं तं मुनिपुत्रत्वमागतम् । रुद्रं सर्वे प्रणेमुश्च तुष्टुवुर्बद्धपाणयः

tatra dṛṣṭvāvatīrṇaṁ taṁ muniputratvamāgatam rudraṁ sarve praṇemuśca tuṣṭuvurbaddhapāṇayaḥ

Seeing that Rudra there, come into being as the sage's son, all bowed and, with joined hands, praised him.

Verse 58 (shiva.shatarudra.24.58)

तदोत्सवो महानासीद्देवानां मुनिसत्तम । नेदुर्दुन्दुभयस्तत्र नर्तक्यो ननृतुर्मुदा

tadotsavo mahānāsīddevānāṁ munisattama nedurdundubhayastatra nartakyo nanṛturmudā

O best of sages, then there was a great celebration among the gods; kettledrums resounded there, and dancing girls danced with joy.

Verse 59 (shiva.shatarudra.24.59)

जगुर्गन्धर्वपुत्राश्च किन्नरा वाद्यवादकाः । वादयामासुरमराः पुष्पवृष्टिं च चक्रिरे

jagurgandharvaputrāśca kinnarā vādyavādakāḥ vādayāmāsuramarāḥ puṣpavṛṣṭiṁ ca cakrire

The sons of the Gandharvas and the Kinnaras sang, the musicians played their instruments, the gods sounded their music, and flowers rained down.

Verse 60 (shiva.shatarudra.24.60)

दधीचेः पिप्पलपितुर्विलसन्तं सुतं च तम् । संस्कृत्य विधिवत्सर्वे विष्ण्वाद्यास्तुष्टुवुः पुनः

dadhīceḥ pippalapiturvilasantaṁ sutaṁ ca tam saṁskṛtya vidhivatsarve viṣṇvādyāstuṣṭuvuḥ punaḥ

Having duly performed the rites for that radiant son of Dadhichi, who came to dwell beside the Pippala tree, Vishnu and all the others again praised him.

Verse 61 (shiva.shatarudra.24.61)

पिप्पलादेति तन्नाम चक्रे ब्रह्मा प्रसन्नधीः । प्रसन्नो भव देवेश इत्यूचे हरिणा सुरैः

pippalādeti tannāma cakre brahmā prasannadhīḥ prasanno bhava deveśa ityūce hariṇā suraiḥ

Brahma, his mind well pleased, gave him the name Pippalada; and together with Hari and the gods, he said, "O Lord of gods, be gracious."

Verse 62 (shiva.shatarudra.24.62)

इत्युक्त्वा तमनुज्ञाय ब्रह्मा विष्णुः सुरास्तथा । स्वं स्वं धाम ययुः सर्वे विधाय च महोत्सवम्

ityuktvā tamanujñāya brahmā viṣṇuḥ surāstathā svaṁ svaṁ dhāma yayuḥ sarve vidhāya ca mahotsavam

Having said this, and taken his leave, Brahma, Vishnu, and the gods, having held a great celebration, all went each to his own abode.

Verse 63 (shiva.shatarudra.24.63)

अथ रुद्रः पिप्पलादोऽश्वत्थमूले महाप्रभुः । तताप सुचिरं कालं लोकानां हितकाम्यया

atha rudraḥ pippalādo'śvatthamūle mahāprabhuḥ tatāpa suciraṁ kālaṁ lokānāṁ hitakāmyayā

Then that Rudra, the great Lord Pippalada, at the foot of the Ashvattha tree, performed austerity for a very long time, desiring the welfare of the worlds.

Verse 64 (shiva.shatarudra.24.64)

इत्थं सुतपतस्तस्य पिप्पलादस्य सम्मुखे । महाकालो व्यतीयाय लोकचर्यानुसारिणः

itthaṁ sutapatastasya pippalādasya sammukhe mahākālo vyatīyāya lokacaryānusāriṇaḥ

Thus, before that Pippalada as he performed great austerity, following the ways of the world, a vast span of time passed.