The Twelve Jyotirlinga Avataras

Verse 1 (shiva.shatarudra.42.1)

नन्दीश्वर उवाच । अवतारान् शृणु विभोर्द्वादशप्रमितान्परान् । ज्योतिर्लिङ्गस्वरूपान्वै नानोतिकारकान्मुने

nandīśvara uvāca avatārān śṛṇu vibhordvādaśapramitānparān jyotirliṅgasvarūpānvai nānotikārakānmune

Nandishvara said: Hear, O sage, the twelve supreme avataras of the Lord, in the very form of the Jyotirlingas, workers of manifold benefit.

Verse 2 (shiva.shatarudra.42.2)

सौराष्ट्रे सोमनाथश्च श्रीशैले मल्लिकार्जुनः । उज्जयिन्यां महाकाल ओङ्कारे चामरेश्वरः

saurāṣṭre somanāthaśca śrīśaile mallikārjunaḥ ujjayinyāṁ mahākāla oṅkāre cāmareśvaraḥ

In Saurashtra, Somanatha; at Shrishaila, Mallikarjuna; at Ujjayini, Mahakala; at Omkara, Amareshvara.

Verse 3 (shiva.shatarudra.42.3)

केदारो हिमवत्पृष्टे डाकिन्याम्भीमशङ्करः । वाराणस्यां च विश्वेशस्त्र्यम्बको गौतमीतटे

kedāro himavatpṛṣṭe ḍākinyāmbhīmaśaṅkaraḥ vārāṇasyāṁ ca viśveśastryambako gautamītaṭe

Kedara upon the ridge of the Himalaya; at Dakini, Bhimashankara; at Varanasi, Vishveshvara; Tryambaka on the bank of the Gautami.

Verse 4 (shiva.shatarudra.42.4)

वैद्यनाथश्चिताभूमौ नागेशो दारुकावने । सेतुबन्धे च रामेशो घुश्मेशश्च शिवालये

vaidyanāthaścitābhūmau nāgeśo dārukāvane setubandhe ca rāmeśo ghuśmeśaśca śivālaye

Vaidyanatha at the cremation ground; Nageshvara in the Daruka forest; Rameshvara at the Setubandha; and Ghushmesha in the abode of Shiva.

Verse 5 (shiva.shatarudra.42.5)

अवतारद्वादशकमेतच्छम्भोः परात्मनः । सर्वानन्दकरं पुंसां दर्शनात्स्पर्शनान्मुने

avatāradvādaśakametacchambhoḥ parātmanaḥ sarvānandakaraṁ puṁsāṁ darśanātsparśanānmune

This dozen of avataras of Shambhu, the Supreme Soul, brings every joy to men, O sage, through mere sight and touch alone.

Verse 6 (shiva.shatarudra.42.6)

तत्राद्यः सोमनाथो हि चन्द्रदुःखक्षयङ्करः । क्षयकुष्ठादिरोगाणां नाशकः पूजनान्मुने

tatrādyaḥ somanātho hi candraduḥkhakṣayaṅkaraḥ kṣayakuṣṭhādirogāṇāṁ nāśakaḥ pūjanānmune

The first of these, Somanatha, is the remover of the Moon's own sorrow; through worship he destroys wasting diseases, leprosy, and the like, O sage.

Verse 7 (shiva.shatarudra.42.7)

शिवावतारः सोमेशो लिङ्गरूपेण संस्थितः । सौराष्ट्रे शुभदेशे च शशिना पूजितः पुरा

śivāvatāraḥ someśo liṅgarūpeṇa saṁsthitaḥ saurāṣṭre śubhadeśe ca śaśinā pūjitaḥ purā

This avatara of Shiva, Somesha, abides in the form of a linga in the auspicious land of Saurashtra, worshipped long ago by the Moon himself.

Verse 8 (shiva.shatarudra.42.8)

चन्द्रकुण्डं च तत्रैव सर्वपापविनाशकम् । तत्र स्नात्वा नरो धीमान्सर्वरोगैः प्रमुच्यते

candrakuṇḍaṁ ca tatraiva sarvapāpavināśakam tatra snātvā naro dhīmānsarvarogaiḥ pramucyate

There too is the Chandra-kunda, destroyer of every sin; bathing there, a wise man is freed from every disease.

Verse 9 (shiva.shatarudra.42.9)

सोमेश्वरं महालिङ्गं शिवस्य परमात्मकम् । दृष्ट्वा प्रमुच्यते पापाद्भुक्तिं मुक्तिं च विन्दति

someśvaraṁ mahāliṅgaṁ śivasya paramātmakam dṛṣṭvā pramucyate pāpādbhuktiṁ muktiṁ ca vindati

Beholding that great linga, Someshvara, of the very nature of Shiva, the Supreme Soul, one is freed from sin, and attains both enjoyment and liberation.

Verse 10 (shiva.shatarudra.42.10)

मल्लिकार्जुनसंज्ञश्चावतारः शकरस्य वै । द्वितीयः श्रीगिरौ तात भक्ताभीष्टफलप्रदः

mallikārjunasaṁjñaścāvatāraḥ śakarasya vai dvitīyaḥ śrīgirau tāta bhaktābhīṣṭaphalapradaḥ

The avatara of Shankara called Mallikarjuna, the second, dear one, is at Shrigiri, the bestower of the fruit desired by his devotees.

Verse 11 (shiva.shatarudra.42.11)

संस्तुतो लिङ्गरूपेण सुतदर्शनहेतुतः । गतस्तत्र महाप्रीत्या स शिवः स्वगिरेर्मुने

saṁstuto liṅgarūpeṇa sutadarśanahetutaḥ gatastatra mahāprītyā sa śivaḥ svagirermune

Praised in the form of a linga, out of the wish to see his son, that Shiva went there with great love, from his own mountain, O sage.

Verse 12 (shiva.shatarudra.42.12)

ज्योतिर्लिङ्गं द्वितीयं तद्दर्शनात्पूजनान्मुने । महासुखकरं चान्ते मुक्तिदं नात्र संशयः

jyotirliṅgaṁ dvitīyaṁ taddarśanātpūjanānmune mahāsukhakaraṁ cānte muktidaṁ nātra saṁśayaḥ

That second Jyotirlinga, through sight and worship, O sage, brings the greatest happiness, and, in the end, without doubt, bestows liberation.

Verse 13 (shiva.shatarudra.42.13)

महाकालाभिधस्तातावतारः शङ्करस्य वै । उज्जयिन्यां नगर्यां च बभूव स्वजनावनः

mahākālābhidhastātāvatāraḥ śaṅkarasya vai ujjayinyāṁ nagaryāṁ ca babhūva svajanāvanaḥ

The avatara of Shankara called Mahakala, dear one, arose in the city of Ujjayini, the protector of his own people.

Verse 14 (shiva.shatarudra.42.14)

दूषणाख्यासुरं यस्तु वेदधर्मप्रमर्दकम् । उज्जयिन्यां गतं विप्रद्वेषिणं सर्वनाशनम्

dūṣaṇākhyāsuraṁ yastu vedadharmapramardakam ujjayinyāṁ gataṁ vipradveṣiṇaṁ sarvanāśanam

The demon called Dushana, the crusher of Vedic dharma, who, coming to Ujjayini, was one who hated brahmins and brought ruin to all —

Verse 15 (shiva.shatarudra.42.15)

वेदविप्रसुतध्यातो हुङ्कारेणैव स द्रुतम् । भस्मसात्कृतवांस्तं च रत्नमाल निवासिनम्

vedaviprasutadhyāto huṅkāreṇaiva sa drutam bhasmasātkṛtavāṁstaṁ ca ratnamāla nivāsinam

Meditated upon by the sons of the Vedic brahmins, he, by a mere roar, swiftly reduced that dweller in Ratnamala to ashes.

Verse 16 (shiva.shatarudra.42.16)

तं हत्वा स महाकालो ज्योतिर्लिङ्गस्वरूपतः । देवैः स प्रार्थितोऽतिष्ठत्स्वभक्तपरिपालकः

taṁ hatvā sa mahākālo jyotirliṅgasvarūpataḥ devaiḥ sa prārthito'tiṣṭhatsvabhaktaparipālakaḥ

Having slain him, that Mahakala, in the very form of a Jyotirlinga, prayed to by the gods, remained there, protector of his own devotees.

Verse 17 (shiva.shatarudra.42.17)

महाकालाह्वयं लिङ्गं दृष्ट्वाभ्यर्च्य प्रयत्नतः । सर्वान्कामानवाप्नोति लभते परतो गतिम्

mahākālāhvayaṁ liṅgaṁ dṛṣṭvābhyarcya prayatnataḥ sarvānkāmānavāpnoti labhate parato gatim

Seeing, and diligently worshipping, the linga called Mahakala, one obtains all one's desires, and thereafter attains the highest state.

Verse 18 (shiva.shatarudra.42.18)

ओङ्कारः परमेशानो धृतः शम्भोः परात्मनः । अवतारश्चतुर्थो हि भक्ताभीष्टफलप्रदः

oṅkāraḥ parameśāno dhṛtaḥ śambhoḥ parātmanaḥ avatāraścaturtho hi bhaktābhīṣṭaphalapradaḥ

Omkara, the Supreme Lord, held to be a form of Shambhu, the Supreme Soul — the fourth avatara, the bestower of the fruit his devotees desire.

Verse 19 (shiva.shatarudra.42.19)

विधिना स्थापितो भक्त्या स्वलिङ्गात्पार्थिवान्मुने । प्रादुर्भूतो महादेवो विन्ध्यकामप्रपूरकः

vidhinā sthāpito bhaktyā svaliṅgātpārthivānmune prādurbhūto mahādevo vindhyakāmaprapūrakaḥ

Established with devotion by Brahma from his own earthen linga, O sage, that Mahadeva appeared, fulfilling the desire of the Vindhya mountain.

Verse 20 (shiva.shatarudra.42.20)

देवैः सम्प्रार्थितस्तत्र द्विधारूपेण संस्थितः । भुक्तिमुक्तिप्रदो लिङ्गरूपो वै भक्तवत्सलः

devaiḥ samprārthitastatra dvidhārūpeṇa saṁsthitaḥ bhuktimuktiprado liṅgarūpo vai bhaktavatsalaḥ

Prayed to there by the gods, he abides there in twofold form, in the shape of a linga, the bestower of enjoyment and liberation, cherisher of devotees.

Verse 21 (shiva.shatarudra.42.21)

प्रणवे चैव चोङ्कारनामासील्लिङ्गमुत्तमम् । परमेश्वरनामासीत्पार्थिवश्च मुनीश्वर

praṇave caiva coṅkāranāmāsīlliṅgamuttamam parameśvaranāmāsītpārthivaśca munīśvara

In the very syllable Om itself was that excellent linga named Omkara; and the earthen linga bore the name Parameshvara, O lord of sages.

Verse 22 (shiva.shatarudra.42.22)

भक्ताभीष्टप्रदो ज्ञेयो योऽपि दृष्टोऽर्चितो मुने । ज्योतिर्लिङ्गे महादिव्ये वर्णिते ते महामुने

bhaktābhīṣṭaprado jñeyo yo'pi dṛṣṭo'rcito mune jyotirliṅge mahādivye varṇite te mahāmune

It is to be known as the bestower of every desire to whoever beholds and worships it, O sage — thus has this great, divine Jyotirlinga been described to you, great sage.

Verse 23 (shiva.shatarudra.42.23)

केदारेशोऽवतारस्तु पञ्चमः परमश्शिवः । ज्योतिर्लिङ्गस्वरूपेण केदारे संस्थितः स च

kedāreśo'vatārastu pañcamaḥ paramaśśivaḥ jyotirliṅgasvarūpeṇa kedāre saṁsthitaḥ sa ca

Kedaresha is the fifth avatara — the Supreme Shiva himself — who abides at Kedara in the very form of a Jyotirlinga.

Verse 24 (shiva.shatarudra.42.24)

नरनारायणाख्यौ याववतारौ हरेर्मुने । तत्प्रार्थितः शिवस्तत्स्थैः केदारे हिमभूधरे

naranārāyaṇākhyau yāvavatārau harermune tatprārthitaḥ śivastatsthaiḥ kedāre himabhūdhare

Nara and Narayana, those two avataras of Hari, O sage, dwelling there, prayed to Shiva, and he appeared at Kedara, upon that snow-clad mountain.

Verse 25 (shiva.shatarudra.42.25)

ताभ्यां च पूजितो नित्यं केदारेश्वरसंज्ञकः । भक्ताभीष्टप्रदः शम्भुर्दर्शनादर्चनादपि

tābhyāṁ ca pūjito nityaṁ kedāreśvarasaṁjñakaḥ bhaktābhīṣṭapradaḥ śambhurdarśanādarcanādapi

Worshipped by both of them always, that Shambhu, called Kedareshvara, is the bestower of his devotees' desires, both through sight and through worship.

Verse 26 (shiva.shatarudra.42.26)

अस्य खण्डस्य स स्वामी सर्वेशोऽपि विशेषतः । सर्वकामप्रदस्तात सोऽवतारः शिवस्य वै

asya khaṇḍasya sa svāmī sarveśo'pi viśeṣataḥ sarvakāmapradastāta so'vatāraḥ śivasya vai

He is, dear one, the very master of this region, and indeed, in a particular way, lord of all; that avatara of Shiva is the giver of every desire.

Verse 27 (shiva.shatarudra.42.27)

भीमशङ्करसंज्ञस्तु षष्ठः शम्भोर्महाप्रभोः । अवतारो महालीलो भीमासुरविनाशनः

bhīmaśaṅkarasaṁjñastu ṣaṣṭhaḥ śambhormahāprabhoḥ avatāro mahālīlo bhīmāsuravināśanaḥ

Bhimashankara is the name of the sixth avatara of Shambhu, that great Lord, of mighty divine sport, the destroyer of the demon Bhima.

Verse 28 (shiva.shatarudra.42.28)

सुदक्षिणाभिधं भक्तं कामरूपेश्वरं नृपम् । यो ररक्षाद्भुतं हत्वासुरं तं भक्तदुःखदम्

sudakṣiṇābhidhaṁ bhaktaṁ kāmarūpeśvaraṁ nṛpam yo rarakṣādbhutaṁ hatvāsuraṁ taṁ bhaktaduḥkhadam

Having slain that wondrous demon, who brought sorrow to his devotees, he protected the devotee named Sudakshina, king of Kamarupa.

Verse 29 (shiva.shatarudra.42.29)

भीमशङ्करनामा स डाकिन्यां संस्थितः स्वयम् । ज्योतिर्लिङ्गस्वरूपेण प्रार्थितस्तेन शङ्करः

bhīmaśaṅkaranāmā sa ḍākinyāṁ saṁsthitaḥ svayam jyotirliṅgasvarūpeṇa prārthitastena śaṅkaraḥ

Called Bhimashankara, he himself abides at Dakini, in the very form of a Jyotirlinga, having been prayed to by him — that Shankara.

Verse 30 (shiva.shatarudra.42.30)

विश्वेश्वरावतारस्तु काश्यां जातो हि सप्तमः । सर्वब्रह्माण्डरूपश्च भुक्तिमुक्तिप्रदो मुने

viśveśvarāvatārastu kāśyāṁ jāto hi saptamaḥ sarvabrahmāṇḍarūpaśca bhuktimuktiprado mune

The avatara Vishveshvara, the seventh, arose at Kashi; of the very form of the whole universe, the bestower of enjoyment and liberation, O sage.

Verse 31 (shiva.shatarudra.42.31)

पूजितः सर्वदेवैश्च भक्त्या विष्ण्वादिभिः सदा । कैलासपतिना चापि भैरवेणापि नित्यशः

pūjitaḥ sarvadevaiśca bhaktyā viṣṇvādibhiḥ sadā kailāsapatinā cāpi bhairaveṇāpi nityaśaḥ

Worshipped always with devotion by all the gods, by Vishnu and the rest, and by the Lord of Kailasa, and by Bhairava too, without fail.

Verse 32 (shiva.shatarudra.42.32)

ज्योतिर्लिङ्गस्वरूपेण संस्थितस्तत्र मुक्तिदः । स्वयं सिद्धस्वरूपो हि तथा स्वपुरि स प्रभुः

jyotirliṅgasvarūpeṇa saṁsthitastatra muktidaḥ svayaṁ siddhasvarūpo hi tathā svapuri sa prabhuḥ

Abiding there in the very form of a Jyotirlinga, the bestower of liberation, himself the very embodiment of accomplishment, that Lord dwells in his own city.

Verse 33 (shiva.shatarudra.42.33)

काशीविश्वेशयोर्भक्त्या तन्नामजपकारकाः । निर्लिप्ताः कर्मभिर्नित्यं केवल्यपदभागिनः

kāśīviśveśayorbhaktyā tannāmajapakārakāḥ nirliptāḥ karmabhirnityaṁ kevalyapadabhāginaḥ

Those who, with devotion to Kashi and Vishvesha, repeat their names, remain ever untouched by their deeds, and become partakers of the very state of pure aloneness.

Verse 34 (shiva.shatarudra.42.34)

त्र्यम्बकाख्योऽवतारो यः सोऽष्टमो गौतमीतटे । प्रार्थितो गौतमेनाविर्बभूव शशिमौलिनः

tryambakākhyo'vatāro yaḥ so'ṣṭamo gautamītaṭe prārthito gautamenāvirbabhūva śaśimaulinaḥ

The avatara called Tryambaka, the eighth, appeared on the bank of the Gautami, prayed to by Gautama, that god whose crest bears the crescent moon.

Verse 35 (shiva.shatarudra.42.35)

गौतमस्य प्रार्थनया ज्योतिर्लिङ्गस्वरूपतः । स्थितस्तत्राचलः प्रीत्या तन्मुनेः प्रीतिकाम्यया

gautamasya prārthanayā jyotirliṅgasvarūpataḥ sthitastatrācalaḥ prītyā tanmuneḥ prītikāmyayā

At Gautama's prayer, in the very form of a Jyotirlinga, out of the wish to please that sage, he remained there, unmoving, with love.

Verse 36 (shiva.shatarudra.42.36)

तस्य सन्दर्शनात्स्पर्शादर्चनाच्च महेशितुः । सर्वे कामाः प्रसिध्यन्ति ततो मुक्तिर्भवेदहो

tasya sandarśanātsparśādarcanācca maheśituḥ sarve kāmāḥ prasidhyanti tato muktirbhavedaho

By sight, by touch, and by worship of that Great Lord, all desires are fulfilled, and, ah, liberation follows after.

Verse 37 (shiva.shatarudra.42.37)

शिवानुग्रहतस्तत्र गङ्गा नाम्ना तु गौतमी । संस्थिता गौतमप्रीत्या पावनी शङ्करप्रिया

śivānugrahatastatra gaṅgā nāmnā tu gautamī saṁsthitā gautamaprītyā pāvanī śaṅkarapriyā

By Shiva's grace there, the Ganga, under the name Gautami, came to abide, out of love for Gautama — the purifier, beloved of Shankara.

Verse 38 (shiva.shatarudra.42.38)

वैद्यनाथावतारो हि नवमस्तत्र कीर्तितः । आविर्भूतो रावणार्थं बहुलीलाकरः प्रभुः

vaidyanāthāvatāro hi navamastatra kīrtitaḥ āvirbhūto rāvaṇārthaṁ bahulīlākaraḥ prabhuḥ

The avatara Vaidyanatha, the ninth, is celebrated there; that Lord, worker of many divine sports, appeared for Ravana's sake.

Verse 39 (shiva.shatarudra.42.39)

तदानयनरूपं हि व्याजं कृत्वा महेश्वरः । ज्योतिर्लिङ्गस्वरूपेण चिताभूमौ प्रतिष्ठितः

tadānayanarūpaṁ hi vyājaṁ kṛtvā maheśvaraḥ jyotirliṅgasvarūpeṇa citābhūmau pratiṣṭhitaḥ

Having, through that very pretext of being carried off, contrived his own device, Maheshvara became established, in the form of a Jyotirlinga, at that cremation ground.

Verse 40 (shiva.shatarudra.42.40)

वैद्यनाथेश्वरो नाम्ना प्रसिद्धोऽभूज्जगत्त्रये । दर्शनात्पूजनाद्भक्त्या भुक्तिमुक्तिप्रदः स हि

vaidyanātheśvaro nāmnā prasiddho'bhūjjagattraye darśanātpūjanādbhaktyā bhuktimuktipradaḥ sa hi

Known by the name Vaidyanatheshvara, he became renowned throughout the three worlds; through sight, worship, and devotion, he is the bestower of both enjoyment and liberation.

Verse 41 (shiva.shatarudra.42.41)

वैद्यनाथेश्वरशिवमाहात्म्यमनुशासनम् । पठतां शृण्वतां चापि भुक्तिमुक्तिप्रदं मुने

vaidyanātheśvaraśivamāhātmyamanuśāsanam paṭhatāṁ śṛṇvatāṁ cāpi bhuktimuktipradaṁ mune

This very teaching of the greatness of Vaidyanatheshvara Shiva bestows, O sage, both enjoyment and liberation upon those who recite it, and upon those who merely hear it as well.

Verse 42 (shiva.shatarudra.42.42)

नागेश्वरावतारस्तु दशमः परिकीर्तितः । आविर्भूतः स्वभक्तार्थं दुष्टानां दण्डदः सदा

nāgeśvarāvatārastu daśamaḥ parikīrtitaḥ āvirbhūtaḥ svabhaktārthaṁ duṣṭānāṁ daṇḍadaḥ sadā

The avatara Nageshvara, the tenth, is proclaimed; he appeared for the sake of his own devotee, ever the punisher of the wicked.

Verse 43 (shiva.shatarudra.42.43)

हत्वा दारुकनामानं राक्षसं धर्मघातकम् । स्वभक्तं वैश्यनाथं च प्रारक्षत्सुप्रियाभिधम्

hatvā dārukanāmānaṁ rākṣasaṁ dharmaghātakam svabhaktaṁ vaiśyanāthaṁ ca prārakṣatsupriyābhidham

Having slain the rakshasa named Daruka, the destroyer of dharma, he protected his own merchant devotee, named Supriya.

Verse 44 (shiva.shatarudra.42.44)

लोकानामुपकारार्थं ज्योतिर्लिङ्गस्वरूपधृक् । सन्तस्थौ साम्बिकः शम्भुर्बहुलीलाकरः परः

lokānāmupakārārthaṁ jyotirliṅgasvarūpadhṛk santasthau sāmbikaḥ śambhurbahulīlākaraḥ paraḥ

For the benefit of the worlds, bearing the very form of a Jyotirlinga, that Shambhu, together with the Mother, remained there — the supreme worker of manifold divine sport.

Verse 45 (shiva.shatarudra.42.45)

तद् दृष्ट्वा शिवलिङ्गं तु मुने नागेश्वराभिधम् । विनश्यन्ति द्रुतं चार्च्य महापातकराशयः

tad dṛṣṭvā śivaliṅgaṁ tu mune nāgeśvarābhidham vinaśyanti drutaṁ cārcya mahāpātakarāśayaḥ

Seeing that Shiva-linga, O sage, called Nageshvara, and worshipping it, the greatest heaps of sin are swiftly destroyed.

Verse 46 (shiva.shatarudra.42.46)

रामेश्वरावतारस्तु शिवस्यैकादशः स्मृतः । रामचन्द्रप्रियकरो रामसंस्थापितो मुने

rāmeśvarāvatārastu śivasyaikādaśaḥ smṛtaḥ rāmacandrapriyakaro rāmasaṁsthāpito mune

The avatara Rameshvara is remembered as Shiva's eleventh, dear to Ramachandra, established by Rama himself, O sage.

Verse 47 (shiva.shatarudra.42.47)

ददौ जयवरं प्रीत्या यो रामाय सुतोषितः । आविर्भूतः य लिङ्गस्तु शङ्करो भक्तवत्सलः

dadau jayavaraṁ prītyā yo rāmāya sutoṣitaḥ āvirbhūtaḥ ya liṅgastu śaṅkaro bhaktavatsalaḥ

He who, well pleased with Rama, lovingly gave him the boon of victory — that Shankara, cherisher of devotees, appeared there in the form of a linga.

Verse 48 (shiva.shatarudra.42.48)

रामेण प्रार्थितोऽत्यर्थं ज्योतिर्लिङ्गस्वरूपतः । सन्तस्थौ सेतुबन्धे च रामसंसेवितो मुने

rāmeṇa prārthito'tyarthaṁ jyotirliṅgasvarūpataḥ santasthau setubandhe ca rāmasaṁsevito mune

Earnestly prayed to by Rama, in the very form of a Jyotirlinga, he remained at Setubandha, O sage, well served by Rama.

Verse 49 (shiva.shatarudra.42.49)

रामेश्वरस्य महिमाद्भुतोऽभूद्भुवि चातुलः । भुक्तिमुक्तिप्रदश्चैव सर्वदा भक्तकामदः

rāmeśvarasya mahimādbhuto'bhūdbhuvi cātulaḥ bhuktimuktipradaścaiva sarvadā bhaktakāmadaḥ

The greatness of Rameshvara became wondrous and unequalled upon this earth; ever the bestower of enjoyment and liberation, ever the fulfiller of his devotees' desires.

Verse 50 (shiva.shatarudra.42.50)

तं च गङ्गाजलेनैव स्नापयिष्यति यो नरः । रामेश्वरं च सद्भक्त्या स जीवन्मुक्त एव हि

taṁ ca gaṅgājalenaiva snāpayiṣyati yo naraḥ rāmeśvaraṁ ca sadbhaktyā sa jīvanmukta eva hi

Whatever man bathes Rameshvara with the very water of the Ganga, with true devotion, he indeed becomes liberated while still living.

Verse 51 (shiva.shatarudra.42.51)

इह भुक्त्वाखिलान्भोगान्देवतादुर्ल्लभानपि । अतः प्राप्य परं ज्ञानं कैवल्यं मोक्षमाप्नुयात्

iha bhuktvākhilānbhogāndevatādurllabhānapi ataḥ prāpya paraṁ jñānaṁ kaivalyaṁ mokṣamāpnuyāt

Having here enjoyed every pleasure, even those hard for the gods themselves to attain, he thereafter attains the highest knowledge, and obtains Kaivalya, final liberation.

Verse 52 (shiva.shatarudra.42.52)

घुश्मेश्वरावतारस्तु द्वादशः शङ्करस्य हि । नानालीलाकरो घुश्मानन्ददो भक्तवत्सलः

ghuśmeśvarāvatārastu dvādaśaḥ śaṅkarasya hi nānālīlākaro ghuśmānandado bhaktavatsalaḥ

The avatara Ghushmeshvara is Shankara's twelfth; the worker of manifold divine sports, giver of joy to Ghushma, cherisher of devotees.

Verse 53 (shiva.shatarudra.42.53)

दक्षिणस्यां दिशि मुने देवशैलसमीपतः । आविर्बभूव सरसि घुश्माप्रियकरः प्रभुः

dakṣiṇasyāṁ diśi mune devaśailasamīpataḥ āvirbabhūva sarasi ghuśmāpriyakaraḥ prabhuḥ

In the southern direction, O sage, near the mountain of the gods, that Lord, the giver of joy to Ghushma, appeared in a lake.

Verse 54 (shiva.shatarudra.42.54)

सुदेहामारितं घुश्मापुत्रं साकल्यतो मुने । तुष्टस्तद्भक्तितः शम्भुर्योऽरक्षद्भक्तवत्सलः

sudehāmāritaṁ ghuśmāputraṁ sākalyato mune tuṣṭastadbhaktitaḥ śambhuryo'rakṣadbhaktavatsalaḥ

Ghushma's son, named Sudeha, who had been slain outright, O sage — Shambhu, well pleased by her devotion, the cherisher of devotees, protected and restored him.

Verse 55 (shiva.shatarudra.42.55)

तत्प्रार्थितः स वै शम्भुस्तडागे तत्र कामदाः । ज्योतिर्लिङ्गस्वरूपेण तस्थौ घुश्मेश्वराभिधः

tatprārthitaḥ sa vai śambhustaḍāge tatra kāmadāḥ jyotirliṅgasvarūpeṇa tasthau ghuśmeśvarābhidhaḥ

Prayed to by her, that same Shambhu, the granter of desires, remained there in the lake, in the very form of a Jyotirlinga, under the name Ghushmeshvara.

Verse 56 (shiva.shatarudra.42.56)

तं दृष्ट्वा शिवलिङ्गं तु समभ्यर्च्य च भक्तितः । इह सर्वसुखं भुक्त्वा ततो मुक्तिं च विन्दति

taṁ dṛṣṭvā śivaliṅgaṁ tu samabhyarcya ca bhaktitaḥ iha sarvasukhaṁ bhuktvā tato muktiṁ ca vindati

Seeing that Shiva-linga, and worshipping it with devotion, one enjoys every happiness here, and thereafter attains liberation.

Verse 57 (shiva.shatarudra.42.57)

इति ते हि समाख्याता ज्योतिर्लिङ्गावली मया । द्वादशप्रमिता दिव्या भुक्तिमुक्तिप्रदायिनी

iti te hi samākhyātā jyotirliṅgāvalī mayā dvādaśapramitā divyā bhuktimuktipradāyinī

Thus has this array of Jyotirlingas been declared to you by me — twelve in number, divine, the bestower of both enjoyment and liberation.

Verse 58 (shiva.shatarudra.42.58)

एतां ज्योतिर्लिङ्गकथां यः पठेच्छृणुयादपि । मुच्यते सर्वपापेभ्यो भुक्तिं मुक्तिं च विन्दति

etāṁ jyotirliṅgakathāṁ yaḥ paṭhecchṛṇuyādapi mucyate sarvapāpebhyo bhuktiṁ muktiṁ ca vindati

Whoever recites, or even merely hears, this account of the Jyotirlingas, is freed from every sin, and attains both enjoyment and liberation.

Verse 59 (shiva.shatarudra.42.59)

शतरुद्राभिधा चेयं वर्णिता संहिता मया । शतावतारसत्कीर्तिः सर्वकामफलप्रदा

śatarudrābhidhā ceyaṁ varṇitā saṁhitā mayā śatāvatārasatkīrtiḥ sarvakāmaphalapradā

Thus has this Samhita, called Shatarudra, been described by me — renowned in truth for its hundred avataras, the bestower of the fruit of every desire.

Verse 60 (shiva.shatarudra.42.60)

इमां यः पठते नित्यं शृणुयाद्वा समाहितः । सर्वान्कामानवाप्नोति ततो मुक्तिं लभेद् ध्रुवम्

imāṁ yaḥ paṭhate nityaṁ śṛṇuyādvā samāhitaḥ sarvānkāmānavāpnoti tato muktiṁ labhed dhruvam

Whoever recites this always, or hears it with a composed mind, obtains all his desires, and thereafter surely attains liberation.