The Greatness of the Jyotirlingas and Their Upalingas

Verse 1 (shiva.kotirudra.1.1)

यो धत्ते निजमाययैव भुवनाकारं विकारोज्झितो । यस्याहुः करुणाकटाक्षविभवौ स्वर्गापवर्गाभिधौ । प्रत्यग्बोधसुखाद्वयं हृदि सदा पश्यन्ति यं योगिन- स्तस्मै शैलसुताञ्चितार्धवपुषे शश्वन्नमस्तेजसे ॥ 1.1 ॥

yo dhatte nijamāyayaiva bhuvanākāraṁ vikārojjhito yasyāhuḥ karuṇākaṭākṣavibhavau svargāpavargābhidhau pratyagbodhasukhādvayaṁ hṛdi sadā paśyanti yaṁ yogina- stasmai śailasutāñcitārdhavapuṣe śaśvannamastejase

Salutations forever to that radiance, free from all change, who assumes the form of the universe through his own Maya; whose compassionate glance, they say, bestows the two glories called heaven and liberation; whom yogis ever behold in their hearts as the bliss of inward, non-dual awareness; whose body is adorned, one half, by the mountain's daughter.

Verse 2 (shiva.kotirudra.1.2)

कृपाललितवीक्षणं स्मितमनोज्ञवक्त्राम्बुजं शशाङ्ककलयोज्ज्वलं शमितघोरतापत्रयम् । करोतु किमपि स्फुरत्परमसौख्यसच्चिद्वपु- र्धराधरसुताभुजोद्वलयितं महो मङ्गलम् ॥ 1.2 ॥

kṛpālalitavīkṣaṇaṁ smitamanojñavaktrāmbujaṁ śaśāṅkakalayojjvalaṁ śamitaghoratāpatrayam karotu kimapi sphuratparamasaukhyasaccidvapu- rdharādharasutābhujodvalayitaṁ maho maṅgalam

May that indescribable, auspicious splendour bring us good — whose glance is gentle with compassion, whose lotus face is charming with a smile, who is bright with the crescent moon, who has quelled the three fierce sorrows, and whose form of radiant supreme bliss, being and consciousness is encircled by the arms of the mountain's daughter.

Verse 3 (shiva.kotirudra.1.3)

ऋषय ऊचुः सम्यगुक्तं त्वया सूत लोकानां हितकाम्यया । शिवावतारमाहात्म्यं नानाख्यानसमन्वितम् ॥ 1.3 ॥

ṛṣaya ūcuḥ samyaguktaṁ tvayā sūta lokānāṁ hitakāmyayā śivāvatāramāhātmyaṁ nānākhyānasamanvitam

The sages said: O Suta, out of a desire for the world's welfare, you have well related the greatness of Shiva's incarnations together with their many stories.

Verse 4 (shiva.kotirudra.1.4)

पुनश्च कथ्यतां तात शिवमाहात्म्यमुत्तमम् । लिङ्गसम्बन्धि सुप्रीत्या धन्यस्त्वं शैवसत्तम ॥ 1.4 ॥

punaśca kathyatāṁ tāta śivamāhātmyamuttamam liṅgasambandhi suprītyā dhanyastvaṁ śaivasattama

Now, dear one, relate again with pleasure the supreme greatness of Shiva connected with the linga; blessed are you, O foremost among Shiva's devotees.

Verse 5 (shiva.kotirudra.1.5)

शृण्वन्तस्त्वन्मुखाम्भोजान्न तृप्ताः स्मो वयं प्रभो । शैवं यशोऽमृतं रम्यं तदेव पुनरुच्यताम् ॥ 1.5 ॥

śṛṇvantastvanmukhāmbhojānna tṛptāḥ smo vayaṁ prabho śaivaṁ yaśo’mṛtaṁ ramyaṁ tadeva punarucyatām

Listening from your lotus mouth, O lord, we are never satisfied; let that same delightful, nectar-like glory of Shiva be told again.

Verse 6 (shiva.kotirudra.1.6)

पृथिव्यां यानि लिङ्गानि तीर्थे तीर्थे शुभानि हि । अन्यत्र वा स्थले यानि प्रसिद्धानि स्थितानि वै ॥ 1.6 ॥

pṛthivyāṁ yāni liṅgāni tīrthe tīrthe śubhāni hi anyatra vā sthale yāni prasiddhāni sthitāni vai

Whatever auspicious lingas exist on earth at every sacred ford, or whatever renowned ones stand in other places —

Verse 7 (shiva.kotirudra.1.7)

तानि तानि च दिव्यानि लिङ्गानि परमेशितुः । व्यासशिष्य समाचक्ष्व लोकानां हितकाम्यया ॥ 1.7 ॥

tāni tāni ca divyāni liṅgāni parameśituḥ vyāsaśiṣya samācakṣva lokānāṁ hitakāmyayā

— those divine lingas of the Supreme Lord, O disciple of Vyasa, relate to us fully, out of desire for the welfare of the world.

Verse 8 (shiva.kotirudra.1.8)

सूत उवाच । साधु पृष्टमृषिश्रेष्ठा लोकानां हितकाम्यया । कथयामि भवत्स्नेहात्तानि सङ्क्षेपतो द्विजाः ॥ 1.8 ॥

sūta uvāca sādhu pṛṣṭamṛṣiśreṣṭhā lokānāṁ hitakāmyayā kathayāmi bhavatsnehāttāni saṅkṣepato dvijāḥ

Suta said: Well have you asked, O best of sages, out of desire for the world's welfare. Out of affection for you, O brahmins, I shall relate them in brief.

Verse 9 (shiva.kotirudra.1.9)

सर्वेषां शिवलिङ्गानां मुने सङ्ख्या न विद्यते । सर्वा लिङ्गमयी भूमिः सर्वं लिङ्गमयं जगत् ॥ 1.9 ॥

sarveṣāṁ śivaliṅgānāṁ mune saṅkhyā na vidyate sarvā liṅgamayī bhūmiḥ sarvaṁ liṅgamayaṁ jagat

O sage, there is no counting the number of all Shiva-lingas; the entire earth is made of linga, the whole universe is linga-formed.

Verse 10 (shiva.kotirudra.1.10)

लिङ्गयुक्तानि तीर्थानि सर्वं लिङ्गे प्रतिष्ठितम् । सङ्ख्या न विद्यते तेषां तानि किञ्चिद्ब्रवीम्यहम् ॥ 1.10 ॥

liṅgayuktāni tīrthāni sarvaṁ liṅge pratiṣṭhitam saṅkhyā na vidyate teṣāṁ tāni kiñcidbravīmyaham

The sacred fords are all endowed with lingas; everything rests upon the linga. Their number cannot be counted; I shall tell of some of them.

Verse 11 (shiva.kotirudra.1.11)

यत्किञ्चिद् दृश्यते दृश्यं वर्ण्यते स्मर्यते च यत् । तत्सर्वं शिवरूपं हि नान्यदस्तीति किञ्चन ॥ 1.11 ॥

yatkiñcid dṛśyate dṛśyaṁ varṇyate smaryate ca yat tatsarvaṁ śivarūpaṁ hi nānyadastīti kiñcana

Whatever visible thing is seen, described, or remembered — all of it is verily the form of Shiva; nothing else exists at all.

Verse 12 (shiva.kotirudra.1.12)

तथापि श्रूयतां प्रीत्या कथयामि यथाश्रुतम् । लिङ्गानि च ऋषिश्रेष्ठाः पृथिव्यां यानि तानि ह ॥ 1.12 ॥

tathāpi śrūyatāṁ prītyā kathayāmi yathāśrutam liṅgāni ca ṛṣiśreṣṭhāḥ pṛthivyāṁ yāni tāni ha

Still, hear with pleasure what I relate as I have heard it — O best of sages, those lingas that exist upon the earth —

Verse 13 (shiva.kotirudra.1.13)

पाताले चापि वर्तन्ते स्वर्गे चापि तथा भुवि । सर्वत्र पूज्यते शम्भुः स देवासुरमानुषैः ॥ 1.13 ॥

pātāle cāpi vartante svarge cāpi tathā bhuvi sarvatra pūjyate śambhuḥ sa devāsuramānuṣaiḥ

— they exist in the netherworld, in heaven, and on earth as well; Shambhu is worshipped everywhere, alike by gods, demons and men.

Verse 14 (shiva.kotirudra.1.14)

त्रिजगच्छम्भुना व्याप्तं सदेवासुरमानुषम् । अनुग्रहाय लोकानां लिङ्गरूपेण सत्तमाः ॥ 1.14 ॥

trijagacchambhunā vyāptaṁ sadevāsuramānuṣam anugrahāya lokānāṁ liṅgarūpeṇa sattamāḥ

O most excellent ones, the three worlds together with gods, demons and men are pervaded by Shambhu, who is present in the form of the linga for the grace of all beings.

Verse 15 (shiva.kotirudra.1.15)

अनुग्रहाय लोकानां लिङ्गानि च महेश्वरः । दधाति विविधान्यत्र तीर्थे चान्यस्थले तथा ॥ 1.15 ॥

anugrahāya lokānāṁ liṅgāni ca maheśvaraḥ dadhāti vividhānyatra tīrthe cānyasthale tathā

For the grace of the worlds, Maheshvara holds various lingas here at sacred fords and likewise at other places.

Verse 16 (shiva.kotirudra.1.16)

यत्र यत्र यदा शम्भुर्भक्त्या भक्तैश्च संस्मृतः । तत्र तत्रावतीर्याथ कार्यं कृत्वा स्थितस्तदा ॥ 1.16 ॥

yatra yatra yadā śambhurbhaktyā bhaktaiśca saṁsmṛtaḥ tatra tatrāvatīryātha kāryaṁ kṛtvā sthitastadā

Wherever and whenever Shambhu is remembered with devotion by his devotees, there he descends, and having accomplished his purpose, remains established.

Verse 17 (shiva.kotirudra.1.17)

लोकानामुपकारार्थं स्वलिङ्गं चाप्यकल्पयत् । तल्लिङ्गं पूजयित्वा तु सिद्धिं समधिगच्छति ॥ 1.17 ॥

lokānāmupakārārthaṁ svaliṅgaṁ cāpyakalpayat talliṅgaṁ pūjayitvā tu siddhiṁ samadhigacchati

For the benefit of the worlds he also established his own linga there; by worshipping that linga, one attains perfection.

Verse 18 (shiva.kotirudra.1.18)

पृथिव्यां यानि लिङ्गानि तेषां सङ्ख्या न विद्यते । तथापि च प्रधानानि कथ्यन्ते च मया द्विजाः ॥ 1.18 ॥

pṛthivyāṁ yāni liṅgāni teṣāṁ saṅkhyā na vidyate tathāpi ca pradhānāni kathyante ca mayā dvijāḥ

There is no counting the lingas upon the earth; still, O brahmins, the principal ones are being told by me.

Verse 19 (shiva.kotirudra.1.19)

प्रधानेषु च यानीह मुख्यानि प्रवदाम्यहम् । यच्छ्रुत्वा सर्वपापेभ्यो मुच्यते मानवः क्षणात् ॥ 1.19 ॥

pradhāneṣu ca yānīha mukhyāni pravadāmyaham yacchrutvā sarvapāpebhyo mucyate mānavaḥ kṣaṇāt

Among the principal ones, I shall tell the foremost, hearing which a man is instantly freed from all sins.

Verse 20 (shiva.kotirudra.1.20)

ज्योतिर्लिङ्गानि यानीह मुख्यमुख्यानि सत्तम । तान्यहं कथयाम्यद्य श्रुत्वा पापं व्यपोहति ॥ 1.20 ॥

jyotirliṅgāni yānīha mukhyamukhyāni sattama tānyahaṁ kathayāmyadya śrutvā pāpaṁ vyapohati

O most excellent one, whatever Jyotirlingas here are chief among the chief, I shall relate them today; hearing of them dispels sin.

Verse 21 (shiva.kotirudra.1.21)

सौराष्ट्रे सोमनाथं च श्रीशैले मल्लिकार्जुनम् । उज्जयिन्यां महाकालमोङ्कारे परमेश्वरम् ॥ 1.21 ॥

saurāṣṭre somanāthaṁ ca śrīśaile mallikārjunam ujjayinyāṁ mahākālamoṅkāre parameśvaram

Somanatha in Saurashtra, Mallikarjuna at Shrishaila, Mahakala at Ujjayini, Parameshvara at Omkara —

Verse 22 (shiva.kotirudra.1.22)

केदारं हिमवत्पृष्ठे डाकिन्यां भीमशङ्करम् । वाराणस्यां च विश्वेशं त्र्यम्बकं गौतमीतटे ॥ 1.22 ॥

kedāraṁ himavatpṛṣṭhe ḍākinyāṁ bhīmaśaṅkaram vārāṇasyāṁ ca viśveśaṁ tryambakaṁ gautamītaṭe

Kedara on the ridge of the Himalaya, Bhimashankara in Dakini, Vishvesha in Varanasi, Tryambaka on the bank of the Gautami —

Verse 23 (shiva.kotirudra.1.23)

वैद्यनाथं चिताभूमौ नागेशं दारुकावने । सेतुबन्धे च रामेशं घुश्मेशं च शिवालये ॥ 1.23 ॥

vaidyanāthaṁ citābhūmau nāgeśaṁ dārukāvane setubandhe ca rāmeśaṁ ghuśmeśaṁ ca śivālaye

Vaidyanatha in the cremation ground, Nagesha in the Daruka forest, Ramesha at Setubandha, and Ghushmesha at Shivalaya.

Verse 24 (shiva.kotirudra.1.24)

द्वादशैतानि नामानि प्रातरुत्थाय यः पठेत् । सर्वपापविनिर्मुक्तः सर्वसिद्धिफलं लभेत् ॥ 1.24 ॥

dvādaśaitāni nāmāni prātarutthāya yaḥ paṭhet sarvapāpavinirmuktaḥ sarvasiddhiphalaṁ labhet

Whoever rises at dawn and recites these twelve names is freed from all sins and obtains the fruit of every accomplishment.

Verse 25 (shiva.kotirudra.1.25)

यं यं काममपेक्ष्यैव पठिष्यन्ति नरोत्तमाः । प्राप्स्यन्ति कामं तं तं हि परत्रेह मुनीश्वराः ॥ 1.25 ॥

yaṁ yaṁ kāmamapekṣyaiva paṭhiṣyanti narottamāḥ prāpsyanti kāmaṁ taṁ taṁ hi paratreha munīśvarāḥ

O lords of sages, whatever desire the best of men hold in reciting these names, that very desire they shall obtain, both here and hereafter.

Verse 26 (shiva.kotirudra.1.26)

ये निष्कामतया तानि पठिष्यन्ति शुभाशयाः । तेषां च जननीगर्भे वासो नैव भविष्यति ॥ 1.26 ॥

ye niṣkāmatayā tāni paṭhiṣyanti śubhāśayāḥ teṣāṁ ca jananīgarbhe vāso naiva bhaviṣyati

Those of pure intent who recite them without any desire — for them there shall never again be residence in a mother's womb.

Verse 27 (shiva.kotirudra.1.27)

एतेषां पूजनेनैव वर्णानां दुःखनाशनम् । इहलोके परत्रापि मुक्तिर्भवति निश्चितम् ॥ 1.27 ॥

eteṣāṁ pūjanenaiva varṇānāṁ duḥkhanāśanam ihaloke paratrāpi muktirbhavati niścitam

By the mere worship of these, the sorrow of all castes is destroyed; liberation, both in this world and the next, is certain.

Verse 28 (shiva.kotirudra.1.28)

ग्राह्यमेषां च नैवेद्यं भोजनीयं प्रयत्नतः । तत्कर्तुः सर्वपापानि भस्मसाद्यान्ति वै क्षणात् ॥ 1.28 ॥

grāhyameṣāṁ ca naivedyaṁ bhojanīyaṁ prayatnataḥ tatkartuḥ sarvapāpāni bhasmasādyānti vai kṣaṇāt

Their food-offering should be accepted and eaten with care; all the sins of one who does so are reduced to ashes in an instant.

Verse 29 (shiva.kotirudra.1.29)

ज्योतिषां चैव लिङ्गानां ब्रह्मादिभिरलं द्विजाः । विशेषतः फलं वक्तुं शक्यते न परैस्तथा ॥ 1.29 ॥

jyotiṣāṁ caiva liṅgānāṁ brahmādibhiralaṁ dvijāḥ viśeṣataḥ phalaṁ vaktuṁ śakyate na paraistathā

O brahmins, even Brahma and the other gods are unable — let alone others — to describe fully the special fruit of the Jyotirlingas.

Verse 30 (shiva.kotirudra.1.30)

एकं च पूजितं येन षण्मासं तन्निरन्तरम् । तस्य दुःखं न जायेत मातृकुक्षिसमुद्भवम् ॥ 1.30 ॥

ekaṁ ca pūjitaṁ yena ṣaṇmāsaṁ tannirantaram tasya duḥkhaṁ na jāyeta mātṛkukṣisamudbhavam

Whoever worships even one of them continuously for six months — for him the suffering of arising in a mother's womb shall not occur.

Verse 31 (shiva.kotirudra.1.31)

हीनयोनौ यदा जातो ज्योतिर्लिङ्गं च पश्यति । तस्य जन्म भवेत्तत्र विमले सत्कुले पुनः ॥ 1.31 ॥

hīnayonau yadā jāto jyotirliṅgaṁ ca paśyati tasya janma bhavettatra vimale satkule punaḥ

If one born in a lowly womb even beholds a Jyotirlinga, his next birth shall be in a pure and noble family.

Verse 32 (shiva.kotirudra.1.32)

सत्कुले जन्म सम्प्राप्य धनाढ्यो वेदपारगः । शुभकर्म तदा कृत्वा मुक्तिं यात्यनपायिनीम् ॥ 1.32 ॥

satkule janma samprāpya dhanāḍhyo vedapāragaḥ śubhakarma tadā kṛtvā muktiṁ yātyanapāyinīm

Having attained birth in a noble family, becoming wealthy and versed in the Vedas, and then performing auspicious deeds, he attains liberation that never fails.

Verse 33 (shiva.kotirudra.1.33)

म्लेच्छो वाप्यन्त्यजो वापि षण्ढो वापि मुनीश्वराः । द्विजो भूत्वा भवेन्मुक्तस्तस्मात्तद्दर्शनं चरेत् ॥ 1.33 ॥

mleccho vāpyantyajo vāpi ṣaṇḍho vāpi munīśvarāḥ dvijo bhūtvā bhavenmuktastasmāttaddarśanaṁ caret

O lords of sages, be one a barbarian, an outcaste, or a eunuch, he shall become a brahmin and attain liberation; therefore one should undertake the sight of it.

Verse 34 (shiva.kotirudra.1.34)

ज्योतिषां चैव लिङ्गानां किञ्चित्प्रोक्तं फलं मया । ज्योतिषां चोपलिङ्गानि श्रूयन्तामृषिसत्तमाः ॥ 1.34 ॥

jyotiṣāṁ caiva liṅgānāṁ kiñcitproktaṁ phalaṁ mayā jyotiṣāṁ copaliṅgāni śrūyantāmṛṣisattamāḥ

Something of the fruit of the Jyotirlingas has thus been told by me; O best of sages, now hear also the Upalingas, the subordinate lingas, of these Jyotirlingas.

Verse 35 (shiva.kotirudra.1.35)

सोमेश्वरस्य यल्लिङ्गमन्तकेशमुदाहृतम् । मह्याः सागरसंयोगे तल्लिङ्गमुपलिङ्गकम् ॥ 1.35 ॥

someśvarasya yalliṅgamantakeśamudāhṛtam mahyāḥ sāgarasaṁyoge talliṅgamupaliṅgakam

The linga of Someshvara that is called Antakesha, at the confluence of the river Mahi and the ocean — that linga is its Upalinga.

Verse 36 (shiva.kotirudra.1.36)

मल्लिकार्जुनसम्भूतमुपलिङ्गमुदाहृतम् । रुद्रेश्वरमिति ख्यातं भृगुकक्षे सुखावहम् ॥ 1.36 ॥

mallikārjunasambhūtamupaliṅgamudāhṛtam rudreśvaramiti khyātaṁ bhṛgukakṣe sukhāvaham

The Upalinga arising from Mallikarjuna is renowned as Rudreshvara, bringer of happiness, at Bhrigukaksha.

Verse 37 (shiva.kotirudra.1.37)

महाकालभवं लिङ्गं दुग्धेशमिति विश्रुतम् । नर्मदायां प्रसिद्धं तत्सर्वपापहरं स्मृतम् ॥ 1.37 ॥

mahākālabhavaṁ liṅgaṁ dugdheśamiti viśrutam narmadāyāṁ prasiddhaṁ tatsarvapāpaharaṁ smṛtam

The linga born of Mahakala is famed as Dugdhesha, well known on the Narmada, and is remembered as the remover of all sins.

Verse 38 (shiva.kotirudra.1.38)

ऊँकारजं च यल्लिङ्गं कर्दमेशमिति श्रुतम् । प्रसिद्धं बिन्दुसरसि सर्वकामफलप्रदम् ॥ 1.38 ॥

ū~kārajaṁ ca yalliṅgaṁ kardameśamiti śrutam prasiddhaṁ bindusarasi sarvakāmaphalapradam

The linga born of Omkara, known as Kardamesha, renowned at Bindu-sarovara, bestows the fruit of all desires.

Verse 39 (shiva.kotirudra.1.39)

केदारेश्वरसञ्जातं भूतेशं यमुनातटे । महापापहरं प्रोक्तं पश्यतामर्चतां तथा ॥ 1.39 ॥

kedāreśvarasañjātaṁ bhūteśaṁ yamunātaṭe mahāpāpaharaṁ proktaṁ paśyatāmarcatāṁ tathā

Bhutesha, born from Kedareshvara, on the bank of the Yamuna, is said to remove great sins for those who behold and worship it.

Verse 40 (shiva.kotirudra.1.40)

भीमशङ्करसम्भूतं भीमेश्वरमिति स्मृतम् । सह्याचले प्रसिद्धं तन्महाबलविवर्द्धनम् ॥ 1.40 ॥

bhīmaśaṅkarasambhūtaṁ bhīmeśvaramiti smṛtam sahyācale prasiddhaṁ tanmahābalavivarddhanam

Bhimeshvara, arisen from Bhimashankara, renowned on the Sahya mountain, is remembered as the increaser of great strength.

Verse 41 (shiva.kotirudra.1.41)

विश्वेश्वराच्च यज्जातं शरण्येश्वर विश्रुतम् । त्र्यम्बकस्य च यत्प्रोक्तं सिद्धेश्वर इति श्रुतम् ॥ 1.41 ॥

viśveśvarācca yajjātaṁ śaraṇyeśvara viśrutam tryambakasya ca yatproktaṁ siddheśvara iti śrutam

That which arose from Vishveshvara is famed as Sharanyeshvara; and that spoken of Tryambaka is known as Siddheshvara.

Verse 42 (shiva.kotirudra.1.42)

वैद्यनाथाच्च यज्जातं वैजनाथ इति स्मृतम् । नागेश्वरसमुद्भूतं भूतेश्वरमुदाहृतम् ॥ 1.42 ॥

vaidyanāthācca yajjātaṁ vaijanātha iti smṛtam nāgeśvarasamudbhūtaṁ bhūteśvaramudāhṛtam

That born of Vaidyanatha is remembered as Vaijanatha; that arisen from Nageshvara is called Bhuteshvara.

Verse 43 (shiva.kotirudra.1.43)

मल्लिकासरस्वतीतीरे दर्शनात्पापहारकम् । रामेश्वराच्च यज्जातं गुप्तेश्वरमिति स्मृतम् ॥ 1.43 ॥

mallikāsarasvatītīre darśanātpāpahārakam rāmeśvarācca yajjātaṁ gupteśvaramiti smṛtam

On the bank of the Mallika-Sarasvati, it removes sin by the very sight of it; that which arose from Rameshvara is remembered as Gupteshvara.

Verse 44 (shiva.kotirudra.1.44)

घुश्मेशाच्चैव यज्जातं व्याघ्रेश्वरमिति स्मृतम् ज्योतिर्लिङ्गोपलिङ्गानि प्रोक्तानीह मया द्विजाः ॥ 1.44 ॥

ghuśmeśāccaiva yajjātaṁ vyāghreśvaramiti smṛtam jyotirliṅgopaliṅgāni proktānīha mayā dvijāḥ

That which arose from Ghushmesha is remembered as Vyaghreshvara. Thus, O brahmins, the Jyotirlingas and their Upalingas have been told by me here.

Verse 45 (shiva.kotirudra.1.45)

दर्शनात्पापहारीणि सर्वकामप्रदानि च । एतानि सुप्रधानानि मुख्यतां हि गतानि च । अन्यानि चापि मुख्यानि श्रूयन्तामृषिसत्तमाः ॥ 1.45 ॥

darśanātpāpahārīṇi sarvakāmapradāni ca etāni supradhānāni mukhyatāṁ hi gatāni ca anyāni cāpi mukhyāni śrūyantāmṛṣisattamāḥ

These, which remove sin by the very sight of them and grant every desire, are the most eminent, having attained the foremost rank; O best of sages, let the other important ones also be heard.