The Origin of the Batuka

Verse 1 (shiva.kotirudra.13.1)

सूत उवाच । यथाभवल्लिङ्गरूपः सम्पूज्यस्त्रिभवे शिवः । तथोक्तं वा द्विजाः प्रीत्या किमन्यच्छ्रोतुमिच्छथ ॥ 13.1 ॥

sūta uvāca yathābhavalliṅgarūpaḥ sampūjyastribhave śivaḥ tathoktaṁ vā dvijāḥ prītyā kimanyacchrotumicchatha

Suta said: How Shiva, worshipped in linga-form, came to be so in the three worlds — this has now been told with love, O brahmins. What else do you wish to hear?

Verse 2 (shiva.kotirudra.13.2)

ऋषय ऊचुः । अन्धकेश्वरलिङ्गस्य महिमानं वद प्रभो । तथान्यच्छिवलिङ्गानां प्रीत्या वक्तुमिहार्हसि ॥ 13.2 ॥

ṛṣaya ūcuḥ andhakeśvaraliṅgasya mahimānaṁ vada prabho tathānyacchivaliṅgānāṁ prītyā vaktumihārhasi

The sages said: Tell us, O lord, the greatness of the Andhakeshvara linga; and be pleased to relate, with love, the greatness of other Shiva-lingas as well.

Verse 3 (shiva.kotirudra.13.3)

सूत उवाच । पुराब्धिगर्तमाश्रित्य वसन् दैत्योऽन्धकासुरः । स्ववशं कारयामास त्रैलोक्यं सुरसूदनः ॥ 13.3 ॥

sūta uvāca purābdhigartamāśritya vasan daityo’ndhakāsuraḥ svavaśaṁ kārayāmāsa trailokyaṁ surasūdanaḥ

Suta said: Formerly, dwelling in a cave by the ocean, the demon Andhakasura, slayer of the gods, brought the three worlds under his own sway.

Verse 4 (shiva.kotirudra.13.4)

तस्माद्गर्ताच्च निःसृत्य पीडयित्वा पुनः प्रजाः । प्राविशच्च तदा दैत्यस्तं गर्तं सुपराक्रमः ॥ 13.4 ॥

tasmādgartācca niḥsṛtya pīḍayitvā punaḥ prajāḥ prāviśacca tadā daityastaṁ gartaṁ suparākramaḥ

Coming out from that cave, and having again tormented the people, that most powerful demon would then re-enter the cave.

Verse 5 (shiva.kotirudra.13.5)

देवाश्च दुःखिताः सर्वे शिवं प्रार्थ्य पुनःपुनः । सर्वं निवेदयामासुः स्वदुःखं च मुनीश्वराः ॥ 13.5 ॥

devāśca duḥkhitāḥ sarve śivaṁ prārthya punaḥpunaḥ sarvaṁ nivedayāmāsuḥ svaduḥkhaṁ ca munīśvarāḥ

O lords of sages, all the distressed gods, entreating Shiva again and again, related to him the whole of their suffering.

Verse 6 (shiva.kotirudra.13.6)

सूत उवाच । तदाकर्ण्य वचस्तेषां देवानां परमेश्वरः । प्रत्युवाच प्रसन्नात्मा दुष्टहन्ता सतां गतिः ॥ 13.6 ॥

sūta uvāca tadākarṇya vacasteṣāṁ devānāṁ parameśvaraḥ pratyuvāca prasannātmā duṣṭahantā satāṁ gatiḥ

Suta said: Hearing their words, the Supreme Lord, of gracious heart, destroyer of the wicked, refuge of the virtuous, replied to those gods.

Verse 7 (shiva.kotirudra.13.7)

शिव उवाच । घातयिष्यामि तं दैत्यमन्धकं सुरसूदनम् । सैन्यं च नीयतान्देवा ह्यायामि च गणैः सह ॥ 13.7 ॥

śiva uvāca ghātayiṣyāmi taṁ daityamandhakaṁ surasūdanam sainyaṁ ca nīyatāndevā hyāyāmi ca gaṇaiḥ saha

Shiva said: I shall slay that demon Andhaka, the slayer of gods. Let the army be brought, O gods; I shall come along with my hosts.

Verse 8 (shiva.kotirudra.13.8)

तस्माद्गर्तादन्धके हि देवर्षिद्रुहि भीकरे । निःसृते च तदा तस्मिन्देवा गर्तमुपाश्रिताः ॥ 13.8 ॥

tasmādgartādandhake hi devarṣidruhi bhīkare niḥsṛte ca tadā tasmindevā gartamupāśritāḥ

When that terrifying Andhaka, hostile to gods and sages, emerged from that cave, the gods then took position around the cave.

Verse 9 (shiva.kotirudra.13.9)

दैत्याश्च देवताश्चैव युद्धं चक्रुः सुदारुणम् । शिवानुग्रहतो देवाः प्रबलाश्चाभवँस्तदा ॥ 13.9 ॥

daityāśca devatāścaiva yuddhaṁ cakruḥ sudāruṇam śivānugrahato devāḥ prabalāścābhava~stadā

The demons and the gods then fought a most terrible battle; by Shiva's grace, the gods became powerful in it.

Verse 10 (shiva.kotirudra.13.10)

देवैश्च पीडितः सोऽपि यावद्गर्तमुपागतः । तावच्छूलेन सम्प्रोतः शिवेन परमात्मना ॥ 13.10 ॥

devaiśca pīḍitaḥ so’pi yāvadgartamupāgataḥ tāvacchūlena samprotaḥ śivena paramātmanā

Harassed by the gods, as soon as he reached the cave, he was pierced through by the trident of Shiva, the Supreme Self.

Verse 11 (shiva.kotirudra.13.11)

तत्रत्यश्च तदा शम्भुं ध्यात्वा सम्प्रार्थयत्तदा । अन्तकाले च त्वां दृष्ट्वा तादृशो भवति क्षणात् ॥ 13.11 ॥

tatratyaśca tadā śambhuṁ dhyātvā samprārthayattadā antakāle ca tvāṁ dṛṣṭvā tādṛśo bhavati kṣaṇāt

He then, impaled there, meditating on Shambhu, made this entreaty: "One who beholds you at the time of death instantly becomes such as you."

Verse 12 (shiva.kotirudra.13.12)

इत्येवं संस्तुतः सोऽपि प्रसन्नः शङ्करस्तदा । उवाच वचनं तत्र वरं ब्रूहि ददामि ते ॥ 13.12 ॥

ityevaṁ saṁstutaḥ so’pi prasannaḥ śaṅkarastadā uvāca vacanaṁ tatra varaṁ brūhi dadāmi te

Thus praised, Shankara too became pleased, and spoke this word there: "Ask a boon; I shall grant it to you."

Verse 13 (shiva.kotirudra.13.13)

इत्येवं वचनं श्रुत्वा स दैत्यः पुनरब्रवीत् । सुप्रणम्य शिवं स्तुत्वा सत्त्वभावमुपाश्रितः ॥ 13.13 ॥

ityevaṁ vacanaṁ śrutvā sa daityaḥ punarabravīt supraṇamya śivaṁ stutvā sattvabhāvamupāśritaḥ

Hearing this word, that demon, having bowed well to Shiva and praised him, and now embracing a state of purity, spoke again.

Verse 14 (shiva.kotirudra.13.14)

अन्धक उवाच । यदि प्रसन्नो देवेश स्वभक्तिं देहि मे शुभाम् । कृपां कृत्वा विशेषेण संस्थितो भव चेह वै ॥ 13.14 ॥

andhaka uvāca yadi prasanno deveśa svabhaktiṁ dehi me śubhām kṛpāṁ kṛtvā viśeṣeṇa saṁsthito bhava ceha vai

Andhaka said: If you are pleased, O lord of gods, grant me pure devotion to yourself; and, showing especial grace, remain established here.

Verse 15 (shiva.kotirudra.13.15)

सूत उवाच । इत्युक्तस्तेन दैत्यं तं तद्गर्ते चाक्षिपद्धरः । स्वयं तत्र स्थितो लिङ्गरूपोऽसौ लोककाम्यया ॥ 13.15 ॥

sūta uvāca ityuktastena daityaṁ taṁ tadgarte cākṣipaddharaḥ svayaṁ tatra sthito liṅgarūpo’sau lokakāmyayā

Suta said: Thus addressed by him, Hara cast that demon into the cave, and himself remained there in linga-form, for the welfare of the world.

Verse 16 (shiva.kotirudra.13.16)

अन्धकेशं च तल्लिङ्गं नित्यं यः पूजयेन्नरः । षण्मासाज्जायते तस्य वाञ्छासिद्धिर्न संशयः ॥ 13.16 ॥

andhakeśaṁ ca talliṅgaṁ nityaṁ yaḥ pūjayennaraḥ ṣaṇmāsājjāyate tasya vāñchāsiddhirna saṁśayaḥ

Whoever regularly worships that linga called Andhakesha — for him, within six months, the fulfilment of his desire arises, without doubt.

Verse 17 (shiva.kotirudra.13.17)

वृत्त्यर्थं पूजयेल्लिङ्गं लोकस्य हितकारकम् । षण्मासं यो द्विजश्चैव स वै देवलकः स्मृतः ॥ 13.17 ॥

vṛttyarthaṁ pūjayelliṅgaṁ lokasya hitakārakam ṣaṇmāsaṁ yo dvijaścaiva sa vai devalakaḥ smṛtaḥ

Whatever brahmin worships that linga, which benefits the people, for the sake of his livelihood, for six months — he indeed is called a "devalaka," a temple priest.

Verse 18 (shiva.kotirudra.13.18)

यथा देवलकश्चैव स भवेदिह वै तदा । देवलकश्च यः प्रोक्तो नाधिकारो द्विजस्य हि ॥ 13.18 ॥

yathā devalakaścaiva sa bhavediha vai tadā devalakaśca yaḥ prokto nādhikāro dvijasya hi

As one becomes a devalaka in this way, then — for one who is called a devalaka, a brahmin's usual privileges no longer apply.

Verse 19 (shiva.kotirudra.13.19)

॥ ऋषय ऊचुः ॥ देवलकश्च कः प्रोक्तः किं कार्यं तस्य विद्यते । तत्त्वं वद महाप्राज्ञ लोकानां हितहेतवे ॥ 13.19 ॥

ṛṣaya ūcuḥ devalakaśca kaḥ proktaḥ kiṁ kāryaṁ tasya vidyate tattvaṁ vada mahāprājña lokānāṁ hitahetave

The sages said: What is meant by "devalaka," and what is his function? O most wise one, tell us the truth of this, for the welfare of the people.

Verse 20 (shiva.kotirudra.13.20)

सूत उवाच । दधीचिर्नाम विप्रो यो धर्मिष्ठो वेदपारगः । शिवभक्तिरतो नित्यं शिवशास्त्रपरायणः ॥ 13.20 ॥

sūta uvāca dadhīcirnāma vipro yo dharmiṣṭho vedapāragaḥ śivabhaktirato nityaṁ śivaśāstraparāyaṇaḥ

Suta said: There was a brahmin named Dadhichi, righteous, learned in the Vedas, ever devoted to Shiva-bhakti, wholly given to Shaiva scripture.

Verse 21 (shiva.kotirudra.13.21)

तस्य पुत्रस्तथा ह्यासीत्स्मृतो नाम्ना सुदर्शनः । तस्य भार्या दुकूला च नाम्ना दुष्टकुलोद्भवा ॥ 13.21 ॥

tasya putrastathā hyāsītsmṛto nāmnā sudarśanaḥ tasya bhāryā dukūlā ca nāmnā duṣṭakulodbhavā

His son was known by the name Sudarshana; his wife was Dukula, born of a wicked family, by name.

Verse 22 (shiva.kotirudra.13.22)

तद्वशे स च भर्तासीत्तस्य पुत्रचतुष्टयम् । सोऽपि नित्यं शिवस्यैव पूजां च स्म करोत्यसौ ॥ 13.22 ॥

tadvaśe sa ca bhartāsīttasya putracatuṣṭayam so’pi nityaṁ śivasyaiva pūjāṁ ca sma karotyasau

Her husband was under her control; they had four sons. He too, nevertheless, always performed the worship of Shiva alone.

Verse 23 (shiva.kotirudra.13.23)

दधीचेस्तु तदा ह्यासीद् ग्रामान्तरनिवेशनम् । ज्ञातिसंयोगतश्चैव ज्ञातिभिर्न स मोचितः ॥ 13.23 ॥

dadhīcestu tadā hyāsīd grāmāntaraniveśanam jñātisaṁyogataścaiva jñātibhirna sa mocitaḥ

Dadhichi, at that time, had to reside in another village, on account of family obligations, and was not released by his relatives.

Verse 24 (shiva.kotirudra.13.24)

कथयित्वा च पुत्रं स शिवभक्तिरतो भव । इत्युक्त्वा स गतो मुक्तो दधीचिः शैवसत्तमः ॥ 13.24 ॥

kathayitvā ca putraṁ sa śivabhaktirato bhava ityuktvā sa gato mukto dadhīciḥ śaivasattamaḥ

Having instructed his son, "Be devoted to Shiva-bhakti," and saying this, that excellent Shiva-devotee Dadhichi went away, freed of his obligation there.

Verse 25 (shiva.kotirudra.13.25)

सुदर्शनस्तत्पुत्रोऽपि शिवपूजां चकार ह । एवं चिरतरः कालो व्यतीयाय मुनीश्वराः ॥ 13.25 ॥

sudarśanastatputro’pi śivapūjāṁ cakāra ha evaṁ cirataraḥ kālo vyatīyāya munīśvarāḥ

O lords of sages, his son Sudarshana too performed Shiva's worship. Thus a very long time passed.

Verse 26 (shiva.kotirudra.13.26)

एवं च शिवरात्रिश्च समायाता कदाचन । तस्यां चोपोषिताः सर्वे स्वयं संयोगतस्तदा ॥ 13.26 ॥

evaṁ ca śivarātriśca samāyātā kadācana tasyāṁ copoṣitāḥ sarve svayaṁ saṁyogatastadā

Then once, Shivaratri arrived; on it, all of them, by the natural course of circumstance, observed the fast.

Verse 27 (shiva.kotirudra.13.27)

पूजां कृत्वा गतः सोऽपि सुदर्शन इति स्मृतः । स्त्रीसङ्गं शिवरात्रौ तु कृत्वा पुनरिहागतः ॥ 13.27 ॥

pūjāṁ kṛtvā gataḥ so’pi sudarśana iti smṛtaḥ strīsaṅgaṁ śivarātrau tu kṛtvā punarihāgataḥ

That Sudarshana too, having performed worship, went away — but having, on the night of Shivaratri itself, engaged in union with his wife, he came back here again.

Verse 28 (shiva.kotirudra.13.28)

न स्नानं तेन च कृतं तद्रात्र्यां शिवपूजनम् । तेन तत्कर्मपाकेन क्रुद्धः प्रोवाच शङ्करः ॥ 13.28 ॥

na snānaṁ tena ca kṛtaṁ tadrātryāṁ śivapūjanam tena tatkarmapākena kruddhaḥ provāca śaṅkaraḥ

He did not then bathe, and yet still performed Shiva's worship that night; by the ripening of that deed, Shankara, enraged, spoke.

Verse 29 (shiva.kotirudra.13.29)

महेश्वर उवाच । शिवरात्र्यां त्वया दुष्ट सेवनं च स्त्रियाः कृतम् । अस्नातेन मदीया च कृता पूजाविवेकिना ॥ 13.29 ॥

maheśvara uvāca śivarātryāṁ tvayā duṣṭa sevanaṁ ca striyāḥ kṛtam asnātena madīyā ca kṛtā pūjāvivekinā

Maheshvara said: O wicked one, on Shivaratri you engaged in union with your wife, and, unbathed and without discernment, performed my worship.

Verse 30 (shiva.kotirudra.13.30)

ज्ञात्वा चैवं कृतं यस्मात्तस्मात्त्वं जडतां व्रज । ममास्पृश्यो भव त्वं च दूरतो दर्शनं कुरु ॥ 13.30 ॥

jñātvā caivaṁ kṛtaṁ yasmāttasmāttvaṁ jaḍatāṁ vraja mamāspṛśyo bhava tvaṁ ca dūrato darśanaṁ kuru

Since you have knowingly done this, go therefore into a state of dullness; become untouchable to me, and behold me only from a distance.

Verse 31 (shiva.kotirudra.13.31)

सूत उवाच । इति शप्तो महेशेन दाधीचिः स सुदर्शनः । जडत्वं प्राप्तवान्सद्यः शिवमायाविमोहितः ॥ 13.31 ॥

sūta uvāca iti śapto maheśena dādhīciḥ sa sudarśanaḥ jaḍatvaṁ prāptavānsadyaḥ śivamāyāvimohitaḥ

Suta said: Thus cursed by Mahesha, that son of Dadhichi, Sudarshana, deluded by Shiva's Maya, instantly attained a state of dullness.

Verse 32 (shiva.kotirudra.13.32)

एतस्मिन्समये विप्रा दधीचिः शैवसत्तमः । ग्रामान्तरात्समायातो वृत्तान्तं श्रुतवाँश्च सः ॥ 13.32 ॥

etasminsamaye viprā dadhīciḥ śaivasattamaḥ grāmāntarātsamāyāto vṛttāntaṁ śrutavā~śca saḥ

O brahmins, at that very time, the excellent Shiva-devotee Dadhichi returned from the other village, and heard of this event.

Verse 33 (shiva.kotirudra.13.33)

शिवेन भर्त्सितः सोऽपि दुःखितोऽभूदतीव हि । रुरोद हा हतोऽस्मीति दुःखेन सुतकर्मणा ॥ 13.33 ॥

śivena bhartsitaḥ so’pi duḥkhito’bhūdatīva hi ruroda hā hato’smīti duḥkhena sutakarmaṇā

Learning that his son had been rebuked by Shiva, he too became exceedingly grieved; struck with sorrow by his son's deed, he wept, crying, "Alas, I am ruined!"

Verse 34 (shiva.kotirudra.13.34)

पुनःपुनरुवाचेति स दधीचिः सतां मतः । अनेनेदं कुपुत्रेण हतं मे कुलमुत्तमम् ॥ 13.34 ॥

punaḥpunaruvāceti sa dadhīciḥ satāṁ mataḥ anenedaṁ kuputreṇa hataṁ me kulamuttamam

That Dadhichi, esteemed by the virtuous, said again and again, "By this wicked son of mine, my excellent lineage has been destroyed."

Verse 35 (shiva.kotirudra.13.35)

स पुत्रोऽपि हतो भार्यां पुंश्चलीमुक्तवान्द्रुतम् । पश्चात्तापमनुप्राप्य स्वपित्रा परिभर्त्सितः ॥ 13.35 ॥

sa putro’pi hato bhāryāṁ puṁścalīmuktavāndrutam paścāttāpamanuprāpya svapitrā paribhartsitaḥ

That afflicted son too swiftly cast off his unchaste wife; having felt remorse, and being severely rebuked by his own father —

Verse 36 (shiva.kotirudra.13.36)

तत्पित्रा गिरिजा तत्र पूजिता विधिभिर्वरैः । सुयत्नतो महाभक्त्या स्वपुत्रसुखहेतवे ॥ 13.36 ॥

tatpitrā girijā tatra pūjitā vidhibhirvaraiḥ suyatnato mahābhaktyā svaputrasukhahetave

— his father then, for the sake of his son's welfare, worshipped Girija there with excellent rites, with great effort and great devotion.

Verse 37 (shiva.kotirudra.13.37)

सुदर्शनोऽपि गिरिजां पूजयामास च स्वयम् । चण्डीपूजनमार्गेण महाभक्त्या शुभैः स्तवैः ॥ 13.37 ॥

sudarśano’pi girijāṁ pūjayāmāsa ca svayam caṇḍīpūjanamārgeṇa mahābhaktyā śubhaiḥ stavaiḥ

Sudarshana too himself worshipped Girija, by the method of Chandi-worship, with great devotion and auspicious hymns.

Verse 38 (shiva.kotirudra.13.38)

एवं तौ पितृपुत्रौ हि नानोपायैः सुभक्तितः । प्रसन्नां चक्रतुर्देवीं गिरिजां भक्तवत्सलाम् ॥ 13.38 ॥

evaṁ tau pitṛputrau hi nānopāyaiḥ subhaktitaḥ prasannāṁ cakraturdevīṁ girijāṁ bhaktavatsalām

Thus that father and son, by various means and with true devotion, made pleased the goddess Girija, who is affectionate to her devotees.

Verse 39 (shiva.kotirudra.13.39)

तयोः सेवाप्रभावेण प्रसन्ना चण्डिका तदा । सुदर्शनं च पुत्रत्वे चकार गिरिजा मुने ॥ 13.39 ॥

tayoḥ sevāprabhāveṇa prasannā caṇḍikā tadā sudarśanaṁ ca putratve cakāra girijā mune

O sage, by the power of their service, Chandika became pleased, and Girija then made Sudarshana her own son.

Verse 40 (shiva.kotirudra.13.40)

शिवं प्रसादयामास पुत्रार्थे चण्डिका स्वयम् । क्रुद्धाक्रुद्धा पुनश्चण्डी तत्पुत्रस्य प्रसन्नधीः ॥ 13.40 ॥

śivaṁ prasādayāmāsa putrārthe caṇḍikā svayam kruddhākruddhā punaścaṇḍī tatputrasya prasannadhīḥ

Chandika herself then propitiated Shiva for the sake of her new son; Chandi, alternately angered and appeased, was at last well-disposed in mind toward her son.

Verse 41 (shiva.kotirudra.13.41)

अथाज्ञाय प्रसन्नं तं महेशं वृषभध्वजम् ॥ नमस्कृत्य स्वयं तस्य ह्युत्सङ्गे तं न्यवेशयत् ॥ 13.41 ॥

athājñāya prasannaṁ taṁ maheśaṁ vṛṣabhadhvajam namaskṛtya svayaṁ tasya hyutsaṅge taṁ nyaveśayat

Then, learning that the Bull-Bannered Mahesha was pleased, she herself bowed to him and placed Sudarshana upon his own lap.

Verse 42 (shiva.kotirudra.13.42)

घृतस्नानं तश्चक्रे पुत्रस्य गिरिजा स्वयम् । त्रिरावृत्तोपवीतं च ग्रन्थिनैकेन संयुतम् ॥ 13.42 ॥

ghṛtasnānaṁ taścakre putrasya girijā svayam trirāvṛttopavītaṁ ca granthinaikena saṁyutam

Girija herself then performed the clarified-butter bath for her son, and invested him with the sacred thread, thrice-wound, joined with a single knot.

Verse 43 (shiva.kotirudra.13.43)

सुदर्शनाय पुत्राय ददौ प्रीत्या तदाम्बिका । उद्दिश्य शिवगायत्रीं षोडशाक्षरसंयुताम् ॥ 13.43 ॥

sudarśanāya putrāya dadau prītyā tadāmbikā uddiśya śivagāyatrīṁ ṣoḍaśākṣarasaṁyutām

Then the Mother, with love, gave to her son Sudarshana the sixteen-syllabled Shiva-gayatri, directing it to him.

Verse 44 (shiva.kotirudra.13.44)

तदों नमः शिवायेति श्रीशब्दपूर्वकाय च । वारान्षोडश सङ्कल्पपूजां कुर्यादयं बटुः ॥ 13.44 ॥

tadoṁ namaḥ śivāyeti śrīśabdapūrvakāya ca vārānṣoḍaśa saṅkalpapūjāṁ kuryādayaṁ baṭuḥ

Then, saying "Om Namah Shivaya" preceded by the word "Shri," this batuka should perform, sixteen times, the resolve-worship.

Verse 45 (shiva.kotirudra.13.45)

आस्नानादिप्रणामान्तं पूजयन्वृषभध्वजम् । मन्त्रवादित्रपूजाभिः सर्षीणां सन्निधौ तथा ॥ 13.45 ॥

āsnānādipraṇāmāntaṁ pūjayanvṛṣabhadhvajam mantravāditrapūjābhiḥ sarṣīṇāṁ sannidhau tathā

Worshipping the Bull-Bannered Lord from the initial bath through to the final prostration, with mantras, musical instruments, and offerings, in the presence of the sages —

Verse 46 (shiva.kotirudra.13.46)

नाममन्त्राननेकांश्च पाठयामास वै तदा । उवाच सुप्रसन्नात्मा चण्डिका च शिवस्तथा ॥ 13.46 ॥

nāmamantrānanekāṁśca pāṭhayāmāsa vai tadā uvāca suprasannātmā caṇḍikā ca śivastathā

— she then had him recite many name-mantras; and Chandika, her mind well pleased, and Shiva likewise, spoke.

Verse 47 (shiva.kotirudra.13.47)

मदर्पितं च यत्किञ्चिद्धनधान्यादिकं तथा । तत्सर्वं च त्वया ग्राह्यं न दोषाय भविष्यति ॥ 13.47 ॥

madarpitaṁ ca yatkiñciddhanadhānyādikaṁ tathā tatsarvaṁ ca tvayā grāhyaṁ na doṣāya bhaviṣyati

Whatever wealth, grain and the like is offered to me — all of that is to be received by you; it shall bring no fault.

Verse 48 (shiva.kotirudra.13.48)

मम कृत्ये भवान्मुख्यो देवीकृत्ये विशेषतः । घृततैलादिकं सर्वं त्वया ग्राह्यं मदर्पितम् ॥ 13.48 ॥

mama kṛtye bhavānmukhyo devīkṛtye viśeṣataḥ ghṛtatailādikaṁ sarvaṁ tvayā grāhyaṁ madarpitam

In my rites you are foremost, and especially in the goddess's rites; all the clarified butter, oil, and the like offered to me are to be received by you.

Verse 49 (shiva.kotirudra.13.49)

प्राजापत्यं भवेद्यर्हिं तर्ह्येको हि भवान्भवेत् । तदा पूजा च सम्पूर्णान्यथा सर्वा च निष्फला ॥ 13.49 ॥

prājāpatyaṁ bhavedyarhiṁ tarhyeko hi bhavānbhavet tadā pūjā ca sampūrṇānyathā sarvā ca niṣphalā

Whenever a prajapatya rite, a communal ritual-feast, is held, you alone must be present at it; only then is the worship complete — otherwise all of it is fruitless.

Verse 50 (shiva.kotirudra.13.50)

तिलकं वर्तुलं कार्यं स्नानं कार्यं सदा त्वया । शिवसन्ध्या च कर्तव्या गायत्री च तदीयका ॥ 13.50 ॥

tilakaṁ vartulaṁ kāryaṁ snānaṁ kāryaṁ sadā tvayā śivasandhyā ca kartavyā gāyatrī ca tadīyakā

You must always wear a round tilaka mark, and always bathe; you must perform the Shiva-sandhya rite and its own gayatri.

Verse 51 (shiva.kotirudra.13.51)

मत्सेवां प्रथमं कृत्वा कार्यमन्यत्कुलोचितम् । एवं कृतेऽखिले भद्रं दोषाः क्षान्ता मया तव ॥ 13.51 ॥

matsevāṁ prathamaṁ kṛtvā kāryamanyatkulocitam evaṁ kṛte’khile bhadraṁ doṣāḥ kṣāntā mayā tava

Having performed my service first, other duties befitting your family may be done; doing so, all shall be well — your faults have been forgiven by me.

Verse 52 (shiva.kotirudra.13.52)

सूत उवाच । इत्युक्त्वा तस्य पुत्राश्च चत्वारो बटुकास्तदा । अभिषिक्ताश्चतुर्दिक्षु शिवेन परमात्मना ॥ 13.52 ॥

sūta uvāca ityuktvā tasya putrāśca catvāro baṭukāstadā abhiṣiktāścaturdikṣu śivena paramātmanā

Suta said: Having said this, his four sons then, as batukas, were consecrated in the four directions by Shiva, the Supreme Self.

Verse 53 (shiva.kotirudra.13.53)

चण्डी चैवात्मनिकटे पुत्रं स्थाप्य सुदर्शनम् । तत्पुत्रान्प्रेरयामास वरान्दत्त्वा ह्यनेकशः ॥ 13.53 ॥

caṇḍī caivātmanikaṭe putraṁ sthāpya sudarśanam tatputrānprerayāmāsa varāndattvā hyanekaśaḥ

And Chandi, having placed her son Sudarshana near herself, dispatched the other sons, having granted them many boons.

Verse 54 (shiva.kotirudra.13.54)

देव्युवाच । उभयोर्व्यूहयोर्मध्ये बटुको यो भवेन्मम । तस्य स्याद्विजयो नित्यं नात्र कार्या विचारणा ॥ 13.54 ॥

devyuvāca ubhayorvyūhayormadhye baṭuko yo bhavenmama tasya syādvijayo nityaṁ nātra kāryā vicāraṇā

The goddess said: Between two opposing armies, whichever batuka belongs to me — for him there shall always be victory; of this there should be no doubt.

Verse 55 (shiva.kotirudra.13.55)

भवांश्च पूजितो येन तेनैवाहं प्रपूजिता । कर्तव्यं हि भवद्भिश्च स्वीयं कर्म सदा सुत ॥ 13.55 ॥

bhavāṁśca pūjito yena tenaivāhaṁ prapūjitā kartavyaṁ hi bhavadbhiśca svīyaṁ karma sadā suta

By whomever you are worshipped, by that very person I too am worshipped; therefore, O son, you must always perform your own proper duty.

Verse 56 (shiva.kotirudra.13.56)

सूत उवाच । एवं तस्मै वरा दत्ताः सपुत्राय महात्मने । सुदर्शनाय कृपया शिवाभ्यां जगतां कृते ॥ 13.56 ॥

sūta uvāca evaṁ tasmai varā dattāḥ saputrāya mahātmane sudarśanāya kṛpayā śivābhyāṁ jagatāṁ kṛte

Suta said: Thus boons were given, together with his sons, to that great-souled Sudarshana, out of grace, by Shiva and Shiva, for the sake of the world.

Verse 57 (shiva.kotirudra.13.57)

शिवाभ्यां स्थापिता यस्मात्तस्मात्ते बटुकाः स्मृताः । तपोभ्रष्टा यतो जाताः स्मृतास्तस्मात्तपोऽधमाः ॥ 13.57 ॥

śivābhyāṁ sthāpitā yasmāttasmātte baṭukāḥ smṛtāḥ tapobhraṣṭā yato jātāḥ smṛtāstasmāttapo’dhamāḥ

Because they were established by Shiva and Shiva, they are called "batukas"; and because they arose from a fall from tapas, they are also called "tapo'dhamas," lowest in austerity.

Verse 58 (shiva.kotirudra.13.58)

शिवयोः कृपया सर्वे विस्तारं बहुधा गताः । तेषां च प्रथमा पूजा महापूजा महात्मनः ॥ 13.58 ॥

śivayoḥ kṛpayā sarve vistāraṁ bahudhā gatāḥ teṣāṁ ca prathamā pūjā mahāpūjā mahātmanaḥ

By the grace of Shiva and Shiva, all of them spread out and multiplied greatly; and the very first worship offered to them is a great worship of the great-souled ones.

Verse 59 (shiva.kotirudra.13.59)

तेन यावत्कृता नैव पूजा वै शङ्करस्य च । तावत्पूजा न कर्त्तव्या कृता चेन्न शुभापि सा ॥ 13.59 ॥

tena yāvatkṛtā naiva pūjā vai śaṅkarasya ca tāvatpūjā na karttavyā kṛtā cenna śubhāpi sā

As long as their worship has not been performed, Shankara's own worship should not be performed; if performed without theirs first, it is not even auspicious.

Verse 60 (shiva.kotirudra.13.60)

शुभं वाप्यशुभं वापि बटुकं न परित्यजेत् । प्राजापत्ये च भोज्ये वै बटुरेको विशिष्यते ॥ 13.60 ॥

śubhaṁ vāpyaśubhaṁ vāpi baṭukaṁ na parityajet prājāpatye ca bhojye vai baṭureko viśiṣyate

Whether the occasion is auspicious or inauspicious, one should never neglect the batuka; at the prajapatya feast, the batuka alone is given special distinction.

Verse 61 (shiva.kotirudra.13.61)

शिवयोश्च तथा कार्ये विशेषोऽत्र प्रदृश्यते । तदेव शृणु सुप्राज्ञ यथाहं वच्मि तेऽनघ ॥ 13.61 ॥

śivayośca tathā kārye viśeṣo’tra pradṛśyate tadeva śṛṇu suprājña yathāhaṁ vacmi te’nagha

And in the matter of Shiva and Shiva themselves, a special instance of this is seen; hear it, O most wise and sinless one, just as I relate it to you.

Verse 62 (shiva.kotirudra.13.62)

तस्यैव नगरे राज्ञो भद्रस्य नित्यभोजने । प्राजापत्यस्य नियमे ह्यन्धकेशसमीपतः ॥ 13.62 ॥

tasyaiva nagare rājño bhadrasya nityabhojane prājāpatyasya niyame hyandhakeśasamīpataḥ

In the very city of that righteous king, in the daily feeding rite, in the observance of the prajapatya, near the Andhakesha shrine —

Verse 63 (shiva.kotirudra.13.63)

यज्जातमद्भुतं वृत्तं शिवानुग्रहकारणात् । श्रूयतां तच्च सुप्रीत्या कथयामि यथाश्रुतम् ॥ 13.63 ॥

yajjātamadbhutaṁ vṛttaṁ śivānugrahakāraṇāt śrūyatāṁ tacca suprītyā kathayāmi yathāśrutam

— an amazing event took place, by the working of Shiva's grace; hear it with pleasure — I shall tell it as I have heard it.

Verse 64 (shiva.kotirudra.13.64)

ध्वज एकश्च तद्राज्ञे दत्तस्तुष्टेन शम्भुना । प्रोक्तश्च कृपया राजा देवदेवेन तेन सः ॥ 13.64 ॥

dhvaja ekaśca tadrājñe dattastuṣṭena śambhunā proktaśca kṛpayā rājā devadevena tena saḥ

A single banner was given to that king by Shambhu, being pleased; and that king was addressed with grace by that god of gods.

Verse 65 (shiva.kotirudra.13.65)

प्रातश्च बध्यतां राजन्ध्वजो रात्रौ पतिष्यति । मम त्वेवं च सम्पूर्णे प्राजापत्ये तथा पुनः ॥ 13.65 ॥

prātaśca badhyatāṁ rājandhvajo rātrau patiṣyati mama tvevaṁ ca sampūrṇe prājāpatye tathā punaḥ

"O king, let the banner be hoisted every morning; it will fall at night. This shall be so as long as my prajapatya rite is fully and duly completed."

Verse 66 (shiva.kotirudra.13.66)

अन्यथायं ध्वजो मे हि रात्रावपि स्थिरो भवेत् । इत्युक्त्वान्तर्हितः शम्भू राज्ञे तुष्टः कृपानिधिः ॥ 13.66 ॥

anyathāyaṁ dhvajo me hi rātrāvapi sthiro bhavet ityuktvāntarhitaḥ śambhū rājñe tuṣṭaḥ kṛpānidhiḥ

"Otherwise, this banner of mine shall remain fixed even at night." Saying this, Shambhu, the treasury of grace, pleased with the king, disappeared.

Verse 67 (shiva.kotirudra.13.67)

तथेति नियमश्चासीत्तस्य राज्ञो महामुने । प्राजापत्यं कृतं नित्यं शिवपूजाविधानतः ॥ 13.67 ॥

tatheti niyamaścāsīttasya rājño mahāmune prājāpatyaṁ kṛtaṁ nityaṁ śivapūjāvidhānataḥ

O great sage, thus this rule was in effect for that king; the prajapatya feast was performed daily, according to the rite of Shiva's worship.

Verse 68 (shiva.kotirudra.13.68)

स्वयं प्रातर्विवर्धेत ध्वजः सायं पतेदिति । यदि कार्यं च सम्पूर्णं जातं चैव भवेदिह ॥ 13.68 ॥

svayaṁ prātarvivardheta dhvajaḥ sāyaṁ patediti yadi kāryaṁ ca sampūrṇaṁ jātaṁ caiva bhavediha

The banner would itself rise in the morning and fall in the evening — provided the prescribed rite had indeed been fully completed here.

Verse 69 (shiva.kotirudra.13.69)

एकस्मिन्समये चात्र बटोः कार्यं पुरा ह्यभूत् । ध्वजः स पतितो वै हि ब्रह्मभोजं विनापि हि ॥ 13.69 ॥

ekasminsamaye cātra baṭoḥ kāryaṁ purā hyabhūt dhvajaḥ sa patito vai hi brahmabhojaṁ vināpi hi

Once, on this occasion, the duty toward the batuka had not been performed in advance; yet that banner fell, even without the brahmin-feeding having been done.

Verse 70 (shiva.kotirudra.13.70)

दृष्ट्वा तच्च तदा तत्र पृष्टा राज्ञा च पण्डिताः । भुञ्जते ब्राह्मणा ह्यत्र नोत्थितो वै ध्वजस्त्विति ॥ 13.70 ॥

dṛṣṭvā tacca tadā tatra pṛṣṭā rājñā ca paṇḍitāḥ bhuñjate brāhmaṇā hyatra notthito vai dhvajastviti

Seeing this, the king then questioned the learned scholars there: "The brahmins are still eating here, and yet the banner has not risen — how is this?"

Verse 71 (shiva.kotirudra.13.71)

कथं च पतितः सोऽत्र ब्राह्मणा ब्रूत सत्यतः । ते पृष्टाश्च तदा प्रोचुर्ब्राह्मणाः पण्डितोत्तमाः ॥ 13.71 ॥

kathaṁ ca patitaḥ so’tra brāhmaṇā brūta satyataḥ te pṛṣṭāśca tadā procurbrāhmaṇāḥ paṇḍitottamāḥ

"How, O brahmins, has it fallen here? Tell me truly." Thus questioned, those foremost learned brahmins then spoke.

Verse 72 (shiva.kotirudra.13.72)

ब्रह्मभोजे महाराज बटुको भोजितः पुरा । चण्डीपुत्रः शिवस्तुष्टस्तस्माच्च पतितो ध्वजः ॥ 13.72 ॥

brahmabhoje mahārāja baṭuko bhojitaḥ purā caṇḍīputraḥ śivastuṣṭastasmācca patito dhvajaḥ

"O great king, at this brahmin-feast, a batuka — the son of Chandi — was fed beforehand; Shiva was pleased by that, and therefore the banner fell."

Verse 73 (shiva.kotirudra.13.73)

तच्छ्रुत्वा नृपतिः सोऽथ जनाश्चान्येऽपि सर्वशः । अभवन्विस्मितास्तत्र प्रशंसां चक्रिरे ततः ॥ 13.73 ॥

tacchrutvā nṛpatiḥ so’tha janāścānye’pi sarvaśaḥ abhavanvismitāstatra praśaṁsāṁ cakrire tataḥ

Hearing this, that king, and all the other people there as well, became astonished, and then offered praise for the batuka's power.

Verse 74 (shiva.kotirudra.13.74)

एवं च महिमा तेषां वर्धितः शङ्करेण हि । तस्माच्च बटुकाः श्रेष्ठाः पुराविद्भिः प्रकीर्तिताः ॥ 13.74 ॥

evaṁ ca mahimā teṣāṁ vardhitaḥ śaṅkareṇa hi tasmācca baṭukāḥ śreṣṭhāḥ purāvidbhiḥ prakīrtitāḥ

Thus their glory was increased indeed by Shankara; and for this reason the batukas have been proclaimed excellent by those knowing the Puranas.

Verse 75 (shiva.kotirudra.13.75)

शिवपूजा तु तैः पूर्वमुत्तार्या नान्यथा पुनः । अन्येषां नाधिकारोऽस्ति शिवस्य वचनादिह ॥ 13.75 ॥

śivapūjā tu taiḥ pūrvamuttāryā nānyathā punaḥ anyeṣāṁ nādhikāro’sti śivasya vacanādiha

Shiva's worship must first be concluded through them, and never otherwise; others have no right in this matter, by Shiva's own word.

Verse 76 (shiva.kotirudra.13.76)

उत्तारणं च कार्यं वै पूजा पूर्णा भवत्विति । एतावदेव तेषां तु कार्यं नान्यत्तथैव च ॥ 13.76 ॥

uttāraṇaṁ ca kāryaṁ vai pūjā pūrṇā bhavatviti etāvadeva teṣāṁ tu kāryaṁ nānyattathaiva ca

This concluding rite must be performed so that the worship becomes complete; this alone is their function, and nothing else besides.

Verse 77 (shiva.kotirudra.13.77)

एतत्सर्वं समाख्यातं यत्पृष्टं च मुनीश्वराः । यच्छ्रुत्वा शिवपूजायाः फलं प्राप्नोति वै नरः ॥ 13.77 ॥

etatsarvaṁ samākhyātaṁ yatpṛṣṭaṁ ca munīśvarāḥ yacchrutvā śivapūjāyāḥ phalaṁ prāpnoti vai naraḥ

O lords of sages, all this that was asked has now been told; hearing it, a man indeed obtains the fruit of Shiva's worship.