The Havoc Wrought by the Demon Bhima

Verse 1 (shiva.kotirudra.20.1)

सूत उवाच । अतः परं प्रवक्ष्यामि माहात्म्यं भैमशङ्करम् । यस्य श्रवणमात्रेण सर्वाभीष्टं लभेन्नरः ॥ 20.1 ॥

sūta uvāca ataḥ paraṁ pravakṣyāmi māhātmyaṁ bhaimaśaṅkaram yasya śravaṇamātreṇa sarvābhīṣṭaṁ labhennaraḥ

Suta said: Now, after this, I shall relate the greatness of Bhimashankara, by merely hearing which a person attains all that he desires.

Verse 2 (shiva.kotirudra.20.2)

कामरूपाभिधे देशे शङ्करो लोककाम्यया । अवतीर्णः स्वयं साक्षात्कल्याणसुखभाजनम् ॥ 20.2 ॥

kāmarūpābhidhe deśe śaṅkaro lokakāmyayā avatīrṇaḥ svayaṁ sākṣātkalyāṇasukhabhājanam

In the land called Kamarupa, Shankara, desiring the welfare of the world, himself descended in visible form as the very abode of blessing and joy.

Verse 3 (shiva.kotirudra.20.3)

यदर्थमवतीर्णोऽसौ शङ्करो लोकशङ्करः । शृणुतादरतस्तच्च कथयामि मुनीश्वराः ॥ 20.3 ॥

yadarthamavatīrṇo’sau śaṅkaro lokaśaṅkaraḥ śṛṇutādaratastacca kathayāmi munīśvarāḥ

O lords among sages, I shall now tell — listen with reverence — the reason for which Shankara, benefactor of the world, thus descended there.

Verse 4 (shiva.kotirudra.20.4)

भीमो नाम महोवीर्यो राक्षसोऽभूत्पुरा द्विजाः । दुःखदः सर्वभूतानां धर्मध्वंसकरः सदा ॥ 20.4 ॥

bhīmo nāma mahovīryo rākṣaso’bhūtpurā dvijāḥ duḥkhadaḥ sarvabhūtānāṁ dharmadhvaṁsakaraḥ sadā

O brahmins, long ago there lived a demon of immense might named Bhima, who brought suffering to every being and ever worked the destruction of dharma.

Verse 5 (shiva.kotirudra.20.5)

कुम्भकर्णात्समुत्पन्नः कर्कट्यां सुमहाबलः । सह्ये च पर्वते सोऽपि मात्रावासं चकार ह ॥ 20.5 ॥

kumbhakarṇātsamutpannaḥ karkaṭyāṁ sumahābalaḥ sahye ca parvate so’pi mātrāvāsaṁ cakāra ha

That mighty demon was born of Kumbhakarna, through the rakshasi Karkati, and he dwelt with his mother on the Sahya mountain.

Verse 6 (shiva.kotirudra.20.6)

कुम्भकर्णे च रामेण हते लोकभयङ्करे । राक्षसी पुत्रसंयुक्ता सह्येऽतिष्ठत्स्वयं तदा ॥ 20.6 ॥

kumbhakarṇe ca rāmeṇa hate lokabhayaṅkare rākṣasī putrasaṁyuktā sahye’tiṣṭhatsvayaṁ tadā

When Kumbhakarna, terror of the worlds, was slain by Rama, that rakshasi, with her son, remained dwelling on the Sahya mountain.

Verse 7 (shiva.kotirudra.20.7)

स बाल एकदा भीमः कर्कटीं मातरं द्विजाः । पप्रच्छ च खलो लोकदुःखदो भीमविक्रमः ॥ 20.7 ॥

sa bāla ekadā bhīmaḥ karkaṭīṁ mātaraṁ dvijāḥ papraccha ca khalo lokaduḥkhado bhīmavikramaḥ

O brahmins, once that boy Bhima — wicked by nature, a bringer of misery to the world, and of terrible might — questioned his mother Karkati.

Verse 8 (shiva.kotirudra.20.8)

भीम उवाच । मातर्मे कः पिता कुत्र कथं वैकाकिनी स्थिता । ज्ञातुमिच्छामि तत्सर्वं यथार्थं त्वं वदाधुना ॥ 20.8 ॥

bhīma uvāca mātarme kaḥ pitā kutra kathaṁ vaikākinī sthitā jñātumicchāmi tatsarvaṁ yathārthaṁ tvaṁ vadādhunā

Bhima said: O mother, who is my father, where is he, and why do you live alone? I wish to know all this; tell me now truthfully.

Verse 9 (shiva.kotirudra.20.9)

सूत उवाच । एवं पृष्टा तदा तेन पुत्रेण राक्षसी च सा । उवाच पुत्रं सा दुष्टा श्रूयतां कथयाम्यहम् ॥ 20.9 ॥

sūta uvāca evaṁ pṛṣṭā tadā tena putreṇa rākṣasī ca sā uvāca putraṁ sā duṣṭā śrūyatāṁ kathayāmyaham

Suta said: Thus questioned by her son, that wicked rakshasi said to him: Listen, I shall tell you.

Verse 10 (shiva.kotirudra.20.10)

कर्कट्युवाच । पिता ते कुम्भकर्णश्च रावणानुज एव च । रामेण मारितः सोऽयं भ्रात्रा सह महाबलः ॥ 20.10 ॥

karkaṭyuvāca pitā te kumbhakarṇaśca rāvaṇānuja eva ca rāmeṇa māritaḥ so’yaṁ bhrātrā saha mahābalaḥ

Karkati said: Your father was Kumbhakarna, the younger brother of Ravana; that mighty one was slain by Rama along with his brother.

Verse 11 (shiva.kotirudra.20.11)

अत्रागतः कदाचिद्वै कुम्भकर्णः स राक्षसः । मद्भोगं कृतवांस्तात प्रसह्य बलवान्पुरा ॥ 20.11 ॥

atrāgataḥ kadācidvai kumbhakarṇaḥ sa rākṣasaḥ madbhogaṁ kṛtavāṁstāta prasahya balavānpurā

O my child, once that demon Kumbhakarna came here, and that mighty one, by force, took me as his own long ago.

Verse 12 (shiva.kotirudra.20.12)

लङ्कां स गतवान् मां च त्यक्त्वात्रैव महाबलः । मया न दृष्टा सा लङ्का ह्यत्रैव निवसाम्यहम् ॥ 20.12 ॥

laṅkāṁ sa gatavān māṁ ca tyaktvātraiva mahābalaḥ mayā na dṛṣṭā sā laṅkā hyatraiva nivasāmyaham

That mighty one left me here and went to Lanka; I have never seen that Lanka — I have dwelt here alone ever since.

Verse 13 (shiva.kotirudra.20.13)

पिता मे कर्कटो नाम माता मे पुष्कसी मता । भर्ता मम विराधो हि रामेण निहतः पुरा ॥ 20.13 ॥

pitā me karkaṭo nāma mātā me puṣkasī matā bhartā mama virādho hi rāmeṇa nihataḥ purā

My father's name was Karkata, my mother is known as Pushkasi; my husband was Viradha, who was earlier slain by Rama.

Verse 14 (shiva.kotirudra.20.14)

पित्रोः पार्श्वे स्थिता चाहं निहते स्वामिनि प्रिये । पितरौ मे मृतौ चात्र ऋषिणा भस्मसात्कृतौ ॥ 20.14 ॥

pitroḥ pārśve sthitā cāhaṁ nihate svāmini priye pitarau me mṛtau cātra ṛṣiṇā bhasmasātkṛtau

When my beloved husband was slain, I went to live beside my parents; but here too my parents were reduced to ashes by a sage.

Verse 15 (shiva.kotirudra.20.15)

भक्षणार्थं गतौ तत्र क्रुद्धेन सुमहात्मना । सुतीक्ष्णेन सुतपसागस्त्यशिष्येण वै तदा ॥ 20.15 ॥

bhakṣaṇārthaṁ gatau tatra kruddhena sumahātmanā sutīkṣṇena sutapasāgastyaśiṣyeṇa vai tadā

They had gone there to devour someone when the greatly austere and enraged sage Sutikshna, disciple of Agastya, reduced them both to ashes.

Verse 16 (shiva.kotirudra.20.16)

साहमेकाकिनी जाता दुःखिता पर्वते पुरा । निवसामि स्म दुःखार्ता निरालम्बा निराश्रया ॥ 20.16 ॥

sāhamekākinī jātā duḥkhitā parvate purā nivasāmi sma duḥkhārtā nirālambā nirāśrayā

Since then I have lived alone on this mountain, sorrowful, afflicted with grief, without support and without refuge.

Verse 17 (shiva.kotirudra.20.17)

एतस्मिन्समये ह्यत्र राक्षसो रावणानुजः । आगत्य कृतवान् सङ्गं मां विहाय गतो हि सः ॥ 20.17 ॥

etasminsamaye hyatra rākṣaso rāvaṇānujaḥ āgatya kṛtavān saṅgaṁ māṁ vihāya gato hi saḥ

At that time, Ravana's younger brother, that demon, came here, united with me, and then left me and departed.

Verse 18 (shiva.kotirudra.20.18)

ततस्त्वं च समुत्पन्नो महाबलपराक्रमः । अवलम्ब्य पुनस्त्वां च कालक्षेपं करोम्यहम् ॥ 20.18 ॥

tatastvaṁ ca samutpanno mahābalaparākramaḥ avalambya punastvāṁ ca kālakṣepaṁ karomyaham

From that union you were born, endowed with great strength and valor; since then, relying upon you alone, I have passed my days.

Verse 19 (shiva.kotirudra.20.19)

सूत उवाच । इति श्रुत्वा वचस्तस्या भीमो भीमपराक्रमः । क्रुद्धश्च चिन्तयामास किं करोमि हरिं प्रति ॥ 20.19 ॥

sūta uvāca iti śrutvā vacastasyā bhīmo bhīmaparākramaḥ kruddhaśca cintayāmāsa kiṁ karomi hariṁ prati

Suta said: Hearing her words, Bhima, of terrible might, grew furious and pondered: What shall I do against Hari?

Verse 20 (shiva.kotirudra.20.20)

पितानेन हतो मे हि तथा मातामहा अपि । विराधश्च हतोऽनेन दुःखं बहुतरं कृतम् ॥ 20.20 ॥

pitānena hato me hi tathā mātāmahā api virādhaśca hato’nena duḥkhaṁ bahutaraṁ kṛtam

By him my father was slain, and my grandparents too; by him Viradha was slain — he has caused me boundless grief.

Verse 21 (shiva.kotirudra.20.21)

तत्पुत्रोऽहं भवेयं चेद्धरिं तं पीडयाम्यहम् । इति कृत्वा मतिं भीमस्तपस्तप्तुं महद्ययौ ॥ 20.21 ॥

tatputro’haṁ bhaveyaṁ ceddhariṁ taṁ pīḍayāmyaham iti kṛtvā matiṁ bhīmastapastaptuṁ mahadyayau

If indeed I am his son, I shall make that Hari suffer — resolving thus in his mind, Bhima went forth to perform a great austerity.

Verse 22 (shiva.kotirudra.20.22)

ब्रह्माणं च समुद्दिश्य वर्षाणां च सहस्रकम् । मनसा ध्यानमाश्रित्य तपश्चक्रे महत्तदा ॥ 20.22 ॥

brahmāṇaṁ ca samuddiśya varṣāṇāṁ ca sahasrakam manasā dhyānamāśritya tapaścakre mahattadā

Fixing his aim upon Brahma, and resorting to meditation in his mind, he performed a great austerity for a thousand years.

Verse 23 (shiva.kotirudra.20.23)

ऊर्ध्वबाहुश्चैकपादः सूर्ये दृष्टिं दधत्पुरा । संस्थितः स बभूवाथ भीमो राक्षसपुत्रकः ॥ 20.23 ॥

ūrdhvabāhuścaikapādaḥ sūrye dṛṣṭiṁ dadhatpurā saṁsthitaḥ sa babhūvātha bhīmo rākṣasaputrakaḥ

With arms raised aloft, standing on one foot, his gaze fixed upon the sun, that demon's son Bhima remained thus motionless.

Verse 24 (shiva.kotirudra.20.24)

शिरसस्तस्य सञ्जातं तेजः परमदारुणम् । तेन दग्धास्तदा देवा ब्रह्माणं शरणं ययुः ॥ 20.24 ॥

śirasastasya sañjātaṁ tejaḥ paramadāruṇam tena dagdhāstadā devā brahmāṇaṁ śaraṇaṁ yayuḥ

From his head there arose a most terrible fiery energy; scorched by it, the gods then went for refuge to Brahma.

Verse 25 (shiva.kotirudra.20.25)

प्रणम्य वेधसं भक्त्या तुष्टुवुर्विविधैः स्तवैः । दुःखं निवेदयाञ्चक्रुर्ब्रह्मणे ते सवासवाः ॥ 20.25 ॥

praṇamya vedhasaṁ bhaktyā tuṣṭuvurvividhaiḥ stavaiḥ duḥkhaṁ nivedayāñcakrurbrahmaṇe te savāsavāḥ

Bowing to the Creator with devotion, praising him with many hymns, the gods, together with Indra, laid their sorrow before Brahma.

Verse 26 (shiva.kotirudra.20.26)

देवा ऊचुः । ब्रह्मन्वै रक्षसस्तेजो लोकान्पीडितुमुद्यतम् । यत्प्रार्थ्यते च दुष्टेन तत्त्वं देहि वरं विधे ॥ 20.26 ॥

devā ūcuḥ brahmanvai rakṣasastejo lokānpīḍitumudyatam yatprārthyate ca duṣṭena tattvaṁ dehi varaṁ vidhe

The gods said: O Brahma, the fiery power of this demon stands ready to torment the worlds; O Creator, grant this wicked one the very boon he seeks.

Verse 27 (shiva.kotirudra.20.27)

नो चेदद्य वयं दग्धास्तीव्रतत्तेजसा पुनः । यास्यामः सङ्क्षयं सर्वे तस्मात्तं देहि प्रार्थितम् ॥ 20.27 ॥

no cedadya vayaṁ dagdhāstīvratattejasā punaḥ yāsyāmaḥ saṅkṣayaṁ sarve tasmāttaṁ dehi prārthitam

Otherwise we shall today be burnt once more by that intense fiery power and shall all meet utter destruction; therefore grant him what he has asked for.

Verse 28 (shiva.kotirudra.20.28)

सूत उवाच । इति तेषां वचः श्रुत्वा ब्रह्मा लोकपितामहः । जगाम च वरं दातुं वचनं चेदमब्रवीत् ॥ 20.28 ॥

sūta uvāca iti teṣāṁ vacaḥ śrutvā brahmā lokapitāmahaḥ jagāma ca varaṁ dātuṁ vacanaṁ cedamabravīt

Suta said: Hearing these words, Brahma, grandsire of the worlds, went to grant the boon and spoke these words.

Verse 29 (shiva.kotirudra.20.29)

ब्रह्मोवाच । प्रसन्नोऽस्मि वरं ब्रूहि यत्ते मनसि वर्तते । इति श्रुत्वा विधेर्वाक्यमब्रवीद्राक्षसो हि सः ॥ 20.29 ॥

brahmovāca prasanno’smi varaṁ brūhi yatte manasi vartate iti śrutvā vidhervākyamabravīdrākṣaso hi saḥ

Brahma said: I am pleased; ask whatever boon is in your mind. Hearing the Creator's words, that demon spoke as follows.

Verse 30 (shiva.kotirudra.20.30)

भीम उवाच । यदि प्रसन्नो देवेश यदि देयो वरस्त्वया । अतुलं च बलं मेऽद्य देहि त्वं कमलासन ॥ 20.30 ॥

bhīma uvāca yadi prasanno deveśa yadi deyo varastvayā atulaṁ ca balaṁ me’dya dehi tvaṁ kamalāsana

Bhima said: O lord of gods, if you are pleased and wish to grant me a boon, then, O lotus-seated one, give me today strength beyond compare.

Verse 31 (shiva.kotirudra.20.31)

सूत उवाच । इत्युक्त्वा तु नमश्चक्रे ब्रह्मणे स हि राक्षसः । ब्रह्मा चापि तदा तस्मै वरं दत्त्वा गृहं ययौ ॥ 20.31 ॥

sūta uvāca ityuktvā tu namaścakre brahmaṇe sa hi rākṣasaḥ brahmā cāpi tadā tasmai varaṁ dattvā gṛhaṁ yayau

Suta said: Having said this, the demon bowed to Brahma; Brahma too, having granted him that boon, departed for his own abode.

Verse 32 (shiva.kotirudra.20.32)

राक्षसो गृहमागत्य ब्रह्माप्तातिबलस्तदा । मातरं प्रणिपत्याशु स भीमः प्राह गर्ववान् ॥ 20.32 ॥

rākṣaso gṛhamāgatya brahmāptātibalastadā mātaraṁ praṇipatyāśu sa bhīmaḥ prāha garvavān

Having obtained matchless strength from Brahma, the demon Bhima returned home and, quickly bowing to his mother, spoke proudly.

Verse 33 (shiva.kotirudra.20.33)

भीम उवाच । पश्य मातर्बलं मेऽद्य करोमि प्रलयं महत् । देवानां शक्रमुख्यानां हरेर्वै तत्सहायिनः ॥ 20.33 ॥

bhīma uvāca paśya mātarbalaṁ me’dya karomi pralayaṁ mahat devānāṁ śakramukhyānāṁ harervai tatsahāyinaḥ

Bhima said: O mother, behold my strength; today I shall bring about the great destruction of the gods headed by Indra, and of Hari, their helper.

Verse 34 (shiva.kotirudra.20.34)

सूत उवाच । इत्युक्त्वा प्रथमं भीमो जिग्ये देवान्सवासवान् । स्थानान्निःसारयामास स्वात्स्वात्तान्भीमविक्रमः ॥ 20.34 ॥

sūta uvāca ityuktvā prathamaṁ bhīmo jigye devānsavāsavān sthānānniḥsārayāmāsa svātsvāttānbhīmavikramaḥ

Suta said: Having said this, that Bhima of terrible might first conquered the gods together with Indra and drove them all out from their own respective abodes.

Verse 35 (shiva.kotirudra.20.35)

ततो जिग्ये हरिं युद्धे प्रार्थितं निर्जरैरपि । ततो जेतुं रसां दैत्यः प्रारम्भं कृतवान्मुदा ॥ 20.35 ॥

tato jigye hariṁ yuddhe prārthitaṁ nirjarairapi tato jetuṁ rasāṁ daityaḥ prārambhaṁ kṛtavānmudā

Then he conquered even Hari in battle, whom the gods had entreated for aid; after that, the demon joyfully set about conquering the whole earth.

Verse 36 (shiva.kotirudra.20.36)

पुरा सुदक्षिणं तत्र कामरूपेश्वरं प्रभुम् । जेतुं गतस्ततस्तेन युद्धमासीद्भयङ्करम् ॥ 20.36 ॥

purā sudakṣiṇaṁ tatra kāmarūpeśvaraṁ prabhum jetuṁ gatastatastena yuddhamāsīdbhayaṅkaram

First he went there to conquer King Sudakshina, lord of Kamarupa, and a terrible battle ensued with him.

Verse 37 (shiva.kotirudra.20.37)

भीमोऽथ तं महाराजं प्रभावाद् ब्रह्मणोऽसुरः । जिग्ये वरप्रभावेण महावीरं शिवाश्रयम् ॥ 20.37 ॥

bhīmo’tha taṁ mahārājaṁ prabhāvād brahmaṇo’suraḥ jigye varaprabhāveṇa mahāvīraṁ śivāśrayam

Then that demon Bhima, by the power of Brahma, by the strength of his boon, defeated that great hero-king who had taken refuge in Shiva.

Verse 38 (shiva.kotirudra.20.38)

स हि जित्वा ततस्तं च कामरूपेश्वरं प्रभुम् । बबन्ध ताडयामास भीमो भीमपराक्रमः ॥ 20.38 ॥

sa hi jitvā tatastaṁ ca kāmarūpeśvaraṁ prabhum babandha tāḍayāmāsa bhīmo bhīmaparākramaḥ

Having conquered that lord of Kamarupa, Bhima of terrible might bound him and beat him.

Verse 39 (shiva.kotirudra.20.39)

गृहीतं तस्य सर्वस्वं राज्यं सोपस्करं द्विजाः । तेन भीमेन दुष्टेन शिवदासस्य भूपतेः ॥ 20.39 ॥

gṛhītaṁ tasya sarvasvaṁ rājyaṁ sopaskaraṁ dvijāḥ tena bhīmena duṣṭena śivadāsasya bhūpateḥ

O brahmins, that wicked Bhima seized all the wealth and the entire kingdom, with all its resources, of that king who was a servant of Shiva.

Verse 40 (shiva.kotirudra.20.40)

राजा चापि सुधर्मिष्ठः प्रियधर्मो हरप्रियः । गृहीतो निगडैस्तेन ह्येकान्ते स्थापितश्च सः ॥ 20.40 ॥

rājā cāpi sudharmiṣṭhaḥ priyadharmo harapriyaḥ gṛhīto nigaḍaistena hyekānte sthāpitaśca saḥ

That king, deeply devoted to dharma, cherishing righteousness, and beloved of Hara, was bound in chains by him and cast into a solitary place.

Verse 41 (shiva.kotirudra.20.41)

तत्र तेन तदा कृत्वा पार्थिवीं मूर्तिमुत्तमाम् । भजनं च शिवस्यैव प्रारब्धं प्रियकाम्यया ॥ 20.41 ॥

tatra tena tadā kṛtvā pārthivīṁ mūrtimuttamām bhajanaṁ ca śivasyaiva prārabdhaṁ priyakāmyayā

There, having fashioned an excellent earthen image, he began, out of love, to worship none other than Shiva.

Verse 42 (shiva.kotirudra.20.42)

गङ्गायाः स्तवनं तेन बहुधा च तदा कृतम् । मानसं स्नानकर्मादि कृत्वा शङ्करपूजनम् ॥ 20.42 ॥

gaṅgāyāḥ stavanaṁ tena bahudhā ca tadā kṛtam mānasaṁ snānakarmādi kṛtvā śaṅkarapūjanam

He praised the Ganga too in many ways, and, performing a mental bath and other such rites, worshipped Shankara.

Verse 43 (shiva.kotirudra.20.43)

पार्थिवेन विधानेन चकार नृपसत्तमः । तद्ध्यानं च यथा स्याद्वै कृत्वा च विधिपूर्वकम् ॥ 20.43 ॥

pārthivena vidhānena cakāra nṛpasattamaḥ taddhyānaṁ ca yathā syādvai kṛtvā ca vidhipūrvakam

That excellent king performed the earthen-linga worship according to rule and duly practiced meditation on him as well.

Verse 44 (shiva.kotirudra.20.44)

प्रणिपातैस्तथा स्तोत्रैर्मुद्रासनपुरःसरम् । कृत्वा हि सकलं तच्च स भेजे शङ्करं मुदा ॥ 20.44 ॥

praṇipātaistathā stotrairmudrāsanapuraḥsaram kṛtvā hi sakalaṁ tacca sa bheje śaṅkaraṁ mudā

Performing the whole rite in full — prostrations, hymns, ritual gestures, and seated posture — he joyfully devoted himself to Shankara.

Verse 45 (shiva.kotirudra.20.45)

पञ्चाक्षरमयीं विद्यां जजाप प्रणवान्विताम् । नान्यत्कार्यं स वै कर्तुं लब्धवानन्तरं तदा ॥ 20.45 ॥

pañcākṣaramayīṁ vidyāṁ jajāpa praṇavānvitām nānyatkāryaṁ sa vai kartuṁ labdhavānantaraṁ tadā

He recited the five-syllabled mantra joined with the Pranava; at that time he found opportunity to do nothing else at all.

Verse 46 (shiva.kotirudra.20.46)

तत्पत्नी च तदा साध्वी दक्षिणानाम विश्रुता । विधानं पार्थिवं प्रीत्या चकार नृपवल्लभा ॥ 20.46 ॥

tatpatnī ca tadā sādhvī dakṣiṇānāma viśrutā vidhānaṁ pārthivaṁ prītyā cakāra nṛpavallabhā

His virtuous wife, renowned by the name Dakshina, that beloved queen, also lovingly performed the same earthen-linga rite.

Verse 47 (shiva.kotirudra.20.47)

दम्पती त्वेकभावेन शङ्करं भक्तशङ्करम् । भेजाते तत्र तौ नित्यं शिवाराधनतत्परौ ॥ 20.47 ॥

dampatī tvekabhāvena śaṅkaraṁ bhaktaśaṅkaram bhejāte tatra tau nityaṁ śivārādhanatatparau

The couple, of one accord, ever devoted to the worship of Shiva, thus continually served Shankara, benefactor of his devotees.

Verse 48 (shiva.kotirudra.20.48)

राक्षसो यज्ञकर्मादि वरदर्पविमोहितः । लोपयामास तत्सर्वं मह्यं वै दीयतामिति ॥ 20.48 ॥

rākṣaso yajñakarmādi varadarpavimohitaḥ lopayāmāsa tatsarvaṁ mahyaṁ vai dīyatāmiti

That demon, intoxicated by pride in his boon, abolished all sacrifices and other such rites, declaring, 'Let all of this be offered to me alone.'

Verse 49 (shiva.kotirudra.20.49)

बहुसैन्यसमायुक्तो राक्षसानां दुरात्मनाम् । चकार वसुधां सर्वां स्ववशे चर्षिसत्तमाः ॥ 20.49 ॥

bahusainyasamāyukto rākṣasānāṁ durātmanām cakāra vasudhāṁ sarvāṁ svavaśe carṣisattamāḥ

O foremost of sages, equipped with a vast army of wicked demons, he brought the entire earth under his own dominion.

Verse 50 (shiva.kotirudra.20.50)

वेदधर्मं शास्त्रधर्मं स्मृतिधर्मं पुराणजम् । लोपयित्वा च तत्सर्वं बुभुजे स्वयमूर्जितः ॥ 20.50 ॥

vedadharmaṁ śāstradharmaṁ smṛtidharmaṁ purāṇajam lopayitvā ca tatsarvaṁ bubhuje svayamūrjitaḥ

Abolishing the dharma of the Vedas, of the Shastras, of the Smritis, and of the Puranas, that mighty one himself came to enjoy all things alone.

Verse 51 (shiva.kotirudra.20.51)

देवाश्च पीडितास्तेन सशक्रा ऋषयस्तथा । अत्यन्तं दुःखमापन्ना लोकान्निःसारिता द्विजाः ॥ 20.51 ॥

devāśca pīḍitāstena saśakrā ṛṣayastathā atyantaṁ duḥkhamāpannā lokānniḥsāritā dvijāḥ

O brahmins, the gods together with Indra, and the sages too, were tormented by him, fell into the deepest distress, and were driven out of their worlds.

Verse 52 (shiva.kotirudra.20.52)

ते ततो विकलाः सर्वे सवासवसुरर्षयः । ब्रह्मविष्णू पुरोधाय शङ्करं शरणं ययुः ॥ 20.52 ॥

te tato vikalāḥ sarve savāsavasurarṣayaḥ brahmaviṣṇū purodhāya śaṅkaraṁ śaraṇaṁ yayuḥ

Then all of them, distressed — the gods with Indra, and the sages — putting Brahma and Vishnu at their head, went for refuge to Shankara.

Verse 53 (shiva.kotirudra.20.53)

स्तुत्वा स्तोत्रैरनेकैश्च शङ्करं लोकशङ्करम् । प्रसन्नं कृतवन्तस्ते महाकोश्यास्तटे शुभे ॥ 20.53 ॥

stutvā stotrairanekaiśca śaṅkaraṁ lokaśaṅkaram prasannaṁ kṛtavantaste mahākośyāstaṭe śubhe

On the auspicious bank of the river Mahakoshi, praising Shankara, benefactor of the world, with many hymns, they made him well pleased.

Verse 54 (shiva.kotirudra.20.54)

कृत्वा च पार्थिवीं मूर्तिं पूजयित्वा विधानतः । तुष्टुवुर्विविधैः स्तोत्रैर्नमस्कारादिभिः क्रमात् ॥ 20.54 ॥

kṛtvā ca pārthivīṁ mūrtiṁ pūjayitvā vidhānataḥ tuṣṭuvurvividhaiḥ stotrairnamaskārādibhiḥ kramāt

Fashioning an earthen image and duly worshipping it, they praised him in due order with various hymns and prostrations.

Verse 55 (shiva.kotirudra.20.55)

एवं स्तुतस्तदा शम्भुर्देवानां स्तवनादिभिः । सुप्रसन्नतरो भूत्वा तान्सुरानिदमब्रवीत् ॥ 20.55 ॥

evaṁ stutastadā śambhurdevānāṁ stavanādibhiḥ suprasannataro bhūtvā tānsurānidamabravīt

Thus praised by the gods' hymns and offerings, Shambhu, greatly pleased, spoke these words to those gods.

Verse 56 (shiva.kotirudra.20.56)

शिव उवाच । हे हरे हे विधे देवा ऋषयश्चाखिला अहम् । प्रसन्नोऽस्मि वरं ब्रूत किं कार्यं करवाणि वः ॥ 20.56 ॥

śiva uvāca he hare he vidhe devā ṛṣayaścākhilā aham prasanno’smi varaṁ brūta kiṁ kāryaṁ karavāṇi vaḥ

Shiva said: O Hari, O Creator, O gods and all you sages, I am pleased; ask a boon — what shall I do for you?

Verse 57 (shiva.kotirudra.20.57)

सूत उवाच । इत्युक्ते च तदा तेन शिवेन वचने द्विजाः । सुप्रणम्य करौ बध्वा देवा ऊचुः शिवं तदा ॥ 20.57 ॥

sūta uvāca ityukte ca tadā tena śivena vacane dvijāḥ supraṇamya karau badhvā devā ūcuḥ śivaṁ tadā

Suta said: O brahmins, when Shiva had spoken thus, the gods, bowing low with joined hands, said this to Shiva.

Verse 58 (shiva.kotirudra.20.58)

देवा ऊचुः । सर्वं जानासि देवेश सर्वेषां मनसि स्थितम् । अन्तर्यामी च सर्वस्य नाज्ञातं विद्यते तव ॥ 20.58 ॥

devā ūcuḥ sarvaṁ jānāsi deveśa sarveṣāṁ manasi sthitam antaryāmī ca sarvasya nājñātaṁ vidyate tava

The gods said: O lord of gods, you know all, whatever is in the minds of all beings; you are the indweller of all, and nothing whatever is unknown to you.

Verse 59 (shiva.kotirudra.20.59)

तथापि श्रूयतां नाथ स्वदुःखं ब्रूमहे वयम् । त्वदाज्ञया महादेव कृपादृष्ट्या विलोकय ॥ 20.59 ॥

tathāpi śrūyatāṁ nātha svaduḥkhaṁ brūmahe vayam tvadājñayā mahādeva kṛpādṛṣṭyā vilokaya

Even so, O lord, hear us as we tell our sorrow; O Mahadeva, look upon us with your glance of grace, at your own command.

Verse 60 (shiva.kotirudra.20.60)

राक्षसः कर्कटीपुत्रः कुम्भकर्णोद्भवो बली । पीडयत्यनिशं देवान्ब्रह्मदत्तवरोर्जितः ॥ 20.60 ॥

rākṣasaḥ karkaṭīputraḥ kumbhakarṇodbhavo balī pīḍayatyaniśaṁ devānbrahmadattavarorjitaḥ

That demon, son of Karkati, born of Kumbhakarna, empowered by the boon given by Brahma, ceaselessly torments the gods.

Verse 61 (shiva.kotirudra.20.61)

तमिमं जहि भीमाह्वं राक्षसं दुःखदायकम् । कृपां कुरु महेशान विलम्बं न कुरु प्रभो ॥ 20.61 ॥

tamimaṁ jahi bhīmāhvaṁ rākṣasaṁ duḥkhadāyakam kṛpāṁ kuru maheśāna vilambaṁ na kuru prabho

O great lord, slay this demon named Bhima, the bringer of sorrow; O lord, show us your grace and do not delay.

Verse 62 (shiva.kotirudra.20.62)

सूत उवाच । इत्युक्तस्तु सुरैः सर्वैः शम्भुर्वै भक्तवत्सलः । वधं तस्य करिष्यामीत्युक्त्वा देवांस्ततोऽब्रवीत् ॥ 20.62 ॥

sūta uvāca ityuktastu suraiḥ sarvaiḥ śambhurvai bhaktavatsalaḥ vadhaṁ tasya kariṣyāmītyuktvā devāṁstato’bravīt

Suta said: Thus addressed by all the gods, Shambhu, who is affectionate toward his devotees, said, 'I shall kill him,' and then spoke further to the gods.

Verse 63 (shiva.kotirudra.20.63)

शम्भुरुवाच । कामरूपेश्वरो राजा मदीयो भक्त उत्तमः । तस्मै ब्रूतेति वै देवाः कार्यं शीघ्रं भविष्यति ॥ 20.63 ॥

śambhuruvāca kāmarūpeśvaro rājā madīyo bhakta uttamaḥ tasmai brūteti vai devāḥ kāryaṁ śīghraṁ bhaviṣyati

Shambhu said: The king of Kamarupa is my excellent devotee; O gods, go and tell him that his task shall soon be accomplished.

Verse 64 (shiva.kotirudra.20.64)

सुदक्षिण महाराज कामरूपेश्वर प्रभो । मद्भक्तस्त्वं विशेषेण कुरु मद्भजनं रतेः ॥ 20.64 ॥

sudakṣiṇa mahārāja kāmarūpeśvara prabho madbhaktastvaṁ viśeṣeṇa kuru madbhajanaṁ rateḥ

(Tell him:) O great King Sudakshina, lord of Kamarupa, you are especially my devotee; continue lovingly in devotion to me.

Verse 65 (shiva.kotirudra.20.65)

दैत्यं भीमाह्वयं दुष्टं ब्रह्मप्राप्तवरोर्जितम् । हनिष्यामि न सन्देहस्त्वत्तिरस्कारकारिणम् ॥ 20.65 ॥

daityaṁ bhīmāhvayaṁ duṣṭaṁ brahmaprāptavarorjitam haniṣyāmi na sandehastvattiraskārakāriṇam

I shall surely slay that wicked demon Bhima, made powerful by the boon received from Brahma, who has brought you such disgrace — of this there is no doubt.

Verse 66 (shiva.kotirudra.20.66)

सूत उवाच । अथ ते निर्जराः सर्वे तत्र गत्वा मुदान्विताः । तस्मै महानृपायोचुर्यदुक्तं शम्भुना च तत् ॥ 20.66 ॥

sūta uvāca atha te nirjarāḥ sarve tatra gatvā mudānvitāḥ tasmai mahānṛpāyocuryaduktaṁ śambhunā ca tat

Suta said: Then all those gods, filled with joy, went there and told that great king everything Shambhu had said.

Verse 67 (shiva.kotirudra.20.67)

तमित्युक्त्वा च वै देवा आनन्दं परमं गताः । महर्षयश्च ते सर्वे ययुः शीघ्रं निजाश्रमान् ॥ 20.67 ॥

tamityuktvā ca vai devā ānandaṁ paramaṁ gatāḥ maharṣayaśca te sarve yayuḥ śīghraṁ nijāśramān

Having told him this, the gods attained supreme joy, and all those great sages too swiftly returned to their own hermitages.