The Disturbance Caused by the Rakshasas of Darukavana

Verse 1 (shiva.kotirudra.29.1)

सूत उवाच । अथातः सम्प्रवक्ष्यामि नागेशाख्यं परात्मनः । ज्योतीरूपं यथा जातं परमं लिङ्गमुत्तमम् ॥ 29.1 ॥

sūta uvāca athātaḥ sampravakṣyāmi nāgeśākhyaṁ parātmanaḥ jyotīrūpaṁ yathā jātaṁ paramaṁ liṅgamuttamam

Suta said: Now, next, I shall relate how the supreme, excellent linga of the Supreme Self, named Nagesha, came to be in the form of light.

Verse 2 (shiva.kotirudra.29.2)

दारुका राक्षसी काचित्पार्वतीवरदर्पिता । दारुकश्च पतिस्तस्या बभूव बलवत्तरः ॥ 29.2 ॥

dārukā rākṣasī kācitpārvatīvaradarpitā dārukaśca patistasyā babhūva balavattaraḥ

There was a certain rakshasi named Daruka, made proud by a boon of Parvati; and Daruka, her husband, was exceedingly powerful.

Verse 3 (shiva.kotirudra.29.3)

बहुभी राक्षसैस्तत्र चकार कदनं सताम् । यज्ञध्वंसं च लोकानां धर्मध्वंसं तदाकरोत् ॥ 29.3 ॥

bahubhī rākṣasaistatra cakāra kadanaṁ satām yajñadhvaṁsaṁ ca lokānāṁ dharmadhvaṁsaṁ tadākarot

With many rakshasas, he wrought havoc there upon the virtuous, destroying the sacrifices of the worlds, and thereby destroying righteousness.

Verse 4 (shiva.kotirudra.29.4)

पश्चिमे सागरे तस्य वनं सर्वसमृद्धिमत् । योजनानां षोडशभिर्विस्तृतं सर्वतो दिशम् ॥ 29.4 ॥

paścime sāgare tasya vanaṁ sarvasamṛddhimat yojanānāṁ ṣoḍaśabhirvistṛtaṁ sarvato diśam

In the western ocean was his forest, abounding in all riches, extending sixteen yojanas in every direction.

Verse 5 (shiva.kotirudra.29.5)

दारुका स्वविलासार्थं यत्र गच्छति तद्वनम् । भूम्या च तरुभिस्तत्र सर्वोपकरणैर्युतम् ॥ 29.5 ॥

dārukā svavilāsārthaṁ yatra gacchati tadvanam bhūmyā ca tarubhistatra sarvopakaraṇairyutam

That forest, to which Daruka would go for her own pleasure, was furnished, with its land and its trees, with every kind of amenity.

Verse 6 (shiva.kotirudra.29.6)

दारुकायै ददौ देवी तद्वनस्यावलोकनम् । प्रयाति तद्वनं सा हि पत्या सह यदृच्छया ॥ 29.6 ॥

dārukāyai dadau devī tadvanasyāvalokanam prayāti tadvanaṁ sā hi patyā saha yadṛcchayā

The goddess had given Daruka charge over that forest; she would go to that forest, together with her husband, at her own will.

Verse 7 (shiva.kotirudra.29.7)

तत्र स्थित्वा तदा सोऽपि सर्वेषां च भयं ददौ । दारुको राक्षसः पत्न्या तया दारुकया सह ॥ 29.7 ॥

tatra sthitvā tadā so’pi sarveṣāṁ ca bhayaṁ dadau dāruko rākṣasaḥ patnyā tayā dārukayā saha

Dwelling there, the rakshasa Daruka, together with his wife Daruka, gave fear to all.

Verse 8 (shiva.kotirudra.29.8)

ते सर्वे पीडिता लोका और्वस्य शरणं ययुः । नत्वा प्रीत्या विशेषेण तमूचुर्नतमस्तकाः ॥ 29.8 ॥

te sarve pīḍitā lokā aurvasya śaraṇaṁ yayuḥ natvā prītyā viśeṣeṇa tamūcurnatamastakāḥ

All those afflicted people went for refuge to Aurva; bowing to him with special love, with heads bent low, they spoke to him.

Verse 9 (shiva.kotirudra.29.9)

लोका ऊचुः । महर्षे शरणं देहि नो चेद्दुष्टैश्च मारिताः । सर्वं कर्तुं समर्थोऽसि तेजसा दीप्तिमानसि ॥ 29.9 ॥

lokā ūcuḥ maharṣe śaraṇaṁ dehi no cedduṣṭaiśca māritāḥ sarvaṁ kartuṁ samartho’si tejasā dīptimānasi

The people said: "O great sage, give us refuge, or else we shall be killed by these wicked ones. You are able to do anything; you are radiant with your own splendour."

Verse 10 (shiva.kotirudra.29.10)

पृथ्व्यां न वर्तते कश्चित्त्वां विना शरणं च नः । यामो यस्य समीपे तु स्थित्वा सुखमवाप्नुमः ॥ 29.10 ॥

pṛthvyāṁ na vartate kaścittvāṁ vinā śaraṇaṁ ca naḥ yāmo yasya samīpe tu sthitvā sukhamavāpnumaḥ

"On this earth, there is no one besides you to be our refuge, in whose presence we might dwell and find happiness."

Verse 11 (shiva.kotirudra.29.11)

त्वां दृष्ट्वा राक्षसाः सर्वे पलायन्ते विदूरतः । त्वयि शैवं सदा तेजो विभाति ज्वलनो यथा ॥ 29.11 ॥

tvāṁ dṛṣṭvā rākṣasāḥ sarve palāyante vidūrataḥ tvayi śaivaṁ sadā tejo vibhāti jvalano yathā

"Seeing you, all the rakshasas flee far away; in you the radiance of Shiva ever shines forth like blazing fire."

Verse 12 (shiva.kotirudra.29.12)

सूत उवाच । इत्येवं प्रार्थितो लोकैरौर्वो हि मुनिसत्तमः । शोचमानः शरण्यश्च रक्षायै हि वचोऽब्रवीत् ॥ 29.12 ॥

sūta uvāca ityevaṁ prārthito lokairaurvo hi munisattamaḥ śocamānaḥ śaraṇyaśca rakṣāyai hi vaco’bravīt

Suta said: Thus entreated by the people, Aurva, that best of sages, grieving for them and being their refuge, spoke words for their protection.

Verse 13 (shiva.kotirudra.29.13)

और्व उवाच । पृथिव्यां यदि रक्षांसि हिंस्युर्वै प्राणिनस्तदा । स्वयं प्राणैर्वियुज्येयू राक्षसा बलवत्तराः ॥ 29.13 ॥

aurva uvāca pṛthivyāṁ yadi rakṣāṁsi hiṁsyurvai prāṇinastadā svayaṁ prāṇairviyujyeyū rākṣasā balavattarāḥ

Aurva said: "If on this earth the rakshasas should harm living beings, then may those most powerful rakshasas themselves be deprived of their lives."

Verse 14 (shiva.kotirudra.29.14)

यदा यज्ञाश्च हन्येरंस्तदा प्राणैर्वियोजिताः । भवन्तु राक्षसाः सर्वे सत्यमेतन्मयोच्यते ॥ 29.14 ॥

yadā yajñāśca hanyeraṁstadā prāṇairviyojitāḥ bhavantu rākṣasāḥ sarve satyametanmayocyate

"Whenever sacrifices are destroyed, then let all the rakshasas be deprived of their lives; this I declare as truth."

Verse 15 (shiva.kotirudra.29.15)

सूत उवाच । इत्युक्त्वा वचनं तेभ्यः समाश्वास्य प्रजाः पुनः । तपश्चकार विविधमौर्वो लोकसुखावहः ॥ 29.15 ॥

sūta uvāca ityuktvā vacanaṁ tebhyaḥ samāśvāsya prajāḥ punaḥ tapaścakāra vividhamaurvo lokasukhāvahaḥ

Suta said: Having spoken this word, and having again consoled the people, Aurva, the bringer of happiness to the world, performed various austerities.

Verse 16 (shiva.kotirudra.29.16)

देवास्तदा ते विज्ञाय शापस्य कारणं हि तत् । युद्धाय च समुद्योगं चक्रुर्देवारिभिः सह ॥ 29.16 ॥

devāstadā te vijñāya śāpasya kāraṇaṁ hi tat yuddhāya ca samudyogaṁ cakrurdevāribhiḥ saha

Then the gods, having learned the reason for that curse, made preparation for war against the enemies of the gods.

Verse 17 (shiva.kotirudra.29.17)

सर्वैश्चैव प्रयत्नैश्च नानायुधधराः सुराः । सर्वे शक्रादयस्तत्र युद्धार्थं समुपागताः ॥ 29.17 ॥

sarvaiścaiva prayatnaiśca nānāyudhadharāḥ surāḥ sarve śakrādayastatra yuddhārthaṁ samupāgatāḥ

With every effort, the gods, bearing various weapons, all of them beginning with Indra, gathered there for battle.

Verse 18 (shiva.kotirudra.29.18)

तान्दृष्ट्वा राक्षसास्तत्र विचारे तत्पराः पुनः । बभूवुस्तेऽखिला दुष्टा मिथो ये यत्र संस्थिताः ॥ 29.18 ॥

tāndṛṣṭvā rākṣasāstatra vicāre tatparāḥ punaḥ babhūvuste’khilā duṣṭā mitho ye yatra saṁsthitāḥ

Seeing them, the rakshasas there, all those wicked ones who were gathered together, again fell to deliberating among themselves.

Verse 19 (shiva.kotirudra.29.19)

राक्षसा ऊचुः । किं कर्तव्यं क्व गन्तव्यं सङ्कटं समुपागताः । युद्ध्यते म्रियते चैव युद्ध्यते न विहन्यते ॥ 29.19 ॥

rākṣasā ūcuḥ kiṁ kartavyaṁ kva gantavyaṁ saṅkaṭaṁ samupāgatāḥ yuddhyate mriyate caiva yuddhyate na vihanyate

The rakshasas said: "What is to be done, where should we go — we have fallen into great danger. If we fight, we die; if we do not fight, we are destroyed anyway."

Verse 20 (shiva.kotirudra.29.20)

तथैव स्थीयते चेद्वै भक्ष्यते किं परस्परम् । दुःखं हि सर्वथा जातं क एनं विनिवारयेत् ॥ 29.20 ॥

tathaiva sthīyate cedvai bhakṣyate kiṁ parasparam duḥkhaṁ hi sarvathā jātaṁ ka enaṁ vinivārayet

"And if we simply remain as we are, shall we then devour one another? This calamity has come upon us in every way — who can avert it?"

Verse 21 (shiva.kotirudra.29.21)

सूत उवाच । विचार्येति च ते तत्र दारुकाद्याश्च राक्षसाः । उपायं न विजानन्तो दुःखं प्राप्ताः सदा हि वै ॥ 29.21 ॥

sūta uvāca vicāryeti ca te tatra dārukādyāśca rākṣasāḥ upāyaṁ na vijānanto duḥkhaṁ prāptāḥ sadā hi vai

Suta said: Having thus deliberated, those rakshasas there, beginning with Daruka, not knowing any remedy, remained ever in sorrow.

Verse 22 (shiva.kotirudra.29.22)

दारुका राक्षसी चापि ज्ञात्वा दुःखं समागतम् । भवान्याश्च वरं तं च कथयामास सा तदा ॥ 29.22 ॥

dārukā rākṣasī cāpi jñātvā duḥkhaṁ samāgatam bhavānyāśca varaṁ taṁ ca kathayāmāsa sā tadā

The rakshasi Daruka too, learning of the sorrow that had befallen them, then spoke of that boon of Bhavani's.

Verse 23 (shiva.kotirudra.29.23)

दारुकोवाच । मया ह्याराधिता पूर्वं भवपत्नी वरं ददौ । वनं गच्छ निजैः सार्धं यत्र गन्तुं त्वमिच्छसि ॥ 29.23 ॥

dārukovāca mayā hyārādhitā pūrvaṁ bhavapatnī varaṁ dadau vanaṁ gaccha nijaiḥ sārdhaṁ yatra gantuṁ tvamicchasi

Daruka said: "Formerly I worshipped the wife of Shiva, and she granted me a boon: 'Go, together with your own people, to whatever forest you wish to go.'"

Verse 24 (shiva.kotirudra.29.24)

तद्वरश्च मया प्राप्तः कथं दुःखं विषह्यते । जले वनं च नीत्वा वै सुखं स्थेयं तु राक्षसैः ॥ 29.24 ॥

tadvaraśca mayā prāptaḥ kathaṁ duḥkhaṁ viṣahyate jale vanaṁ ca nītvā vai sukhaṁ stheyaṁ tu rākṣasaiḥ

"That boon I have obtained — why then should we endure this sorrow? Let the rakshasas carry the forest into the water and dwell there happily."

Verse 25 (shiva.kotirudra.29.25)

सूत उवाच । तस्यास्तद्वचनं श्रुत्वा राक्षस्या हर्षमागताः । ऊचुः सर्वे मिथस्ते हि राक्षसा निर्भयास्तदा ॥ 29.25 ॥

sūta uvāca tasyāstadvacanaṁ śrutvā rākṣasyā harṣamāgatāḥ ūcuḥ sarve mithaste hi rākṣasā nirbhayāstadā

Suta said: Hearing that word of the rakshasi, they became joyful; all the rakshasas, now fearless, spoke among themselves.

Verse 26 (shiva.kotirudra.29.26)

धन्येयं कृतकृत्येयं राज्ञ्या वै जीविताः स्वयम् । नत्वा तस्यै च तत्सर्वं कथयामासुरादरात् ॥ 29.26 ॥

dhanyeyaṁ kṛtakṛtyeyaṁ rājñyā vai jīvitāḥ svayam natvā tasyai ca tatsarvaṁ kathayāmāsurādarāt

"Blessed is she, her purpose is fulfilled — by our queen we have ourselves been given life." Bowing to her, they told her everything with reverence.

Verse 27 (shiva.kotirudra.29.27)

यदि गन्तुं भवेच्छक्तिर्गम्यतां किं विचार्यते । तत्र गत्वा जले देवि सुखं स्थास्याम नित्यशः ॥ 29.27 ॥

yadi gantuṁ bhavecchaktirgamyatāṁ kiṁ vicāryate tatra gatvā jale devi sukhaṁ sthāsyāma nityaśaḥ

"If we have the power to go, let us go — what is there to deliberate? Having gone there into the water, O goddess, we shall dwell happily forever."

Verse 28 (shiva.kotirudra.29.28)

एतस्मिन्नन्तरे लोका देवैः सार्धं समागताः । युद्धाय विविधैर्दुःखैः पीडिता राक्षसैः पुरा ॥ 29.28 ॥

etasminnantare lokā devaiḥ sārdhaṁ samāgatāḥ yuddhāya vividhairduḥkhaiḥ pīḍitā rākṣasaiḥ purā

Meanwhile the people, who had earlier been afflicted with various sorrows by the rakshasas, gathered together with the gods for battle.

Verse 29 (shiva.kotirudra.29.29)

पीडिताश्च तदा तस्या भवान्या बलमाश्रिताः । समग्रं नगरं नीत्वा जलस्थलसमन्वितम् ॥ 29.29 ॥

pīḍitāśca tadā tasyā bhavānyā balamāśritāḥ samagraṁ nagaraṁ nītvā jalasthalasamanvitam

Then that troubled Daruka, taking refuge in the power of Bhavani, carried the entire city, together with its land and structures, into the water.

Verse 30 (shiva.kotirudra.29.30)

जय जयेति देव्यास्तु स्तुतिमुच्चार्य राक्षसी । तत उड्डीयनं कृत्वा सपक्षो गिरिराड्यथा ॥ 29.30 ॥

jaya jayeti devyāstu stutimuccārya rākṣasī tata uḍḍīyanaṁ kṛtvā sapakṣo girirāḍyathā

Uttering the praise of the goddess, crying "Victory! Victory!", that rakshasi then took flight, like a winged mountain-king.

Verse 31 (shiva.kotirudra.29.31)

समुद्रस्य च मध्ये सा संस्थिता निर्भया तदा । सकलैः परिवारैश्च मुमुदेति शिवानुगा ॥ 29.31 ॥

samudrasya ca madhye sā saṁsthitā nirbhayā tadā sakalaiḥ parivāraiśca mumudeti śivānugā

In the middle of the ocean she then established herself, fearless, together with her whole retinue, and, being a follower of Shiva, she rejoiced.

Verse 32 (shiva.kotirudra.29.32)

तत्र सिन्धौ च ते स्थित्वा नगरे च विलासिनः । राक्षसाश्च सुखं प्रापुर्निर्भयाश्च विजह्रिरे ॥ 29.32 ॥

tatra sindhau ca te sthitvā nagare ca vilāsinaḥ rākṣasāśca sukhaṁ prāpurnirbhayāśca vijahrire

There, dwelling in the ocean, in that city, the pleasure-loving rakshasas obtained happiness, and, fearless, sported freely.

Verse 33 (shiva.kotirudra.29.33)

राक्षसाश्च पृथिव्यां वै नाजग्मुश्च कदाचन । मुनेः शापभयादेव बभ्रमुस्ते चले तदा ॥ 29.33 ॥

rākṣasāśca pṛthivyāṁ vai nājagmuśca kadācana muneḥ śāpabhayādeva babhramuste cale tadā

The rakshasas never again came upon the earth; out of fear of the sage's curse, they wandered thereafter upon that floating city.

Verse 34 (shiva.kotirudra.29.34)

नौषु स्थितान् जनान्नीत्वा नगरे तत्र तांस्तदा । चिक्षिपुर्बन्धनागारे कांश्चिज्जघ्नुस्तदा हि ते ॥ 29.34 ॥

nauṣu sthitān janānnītvā nagare tatra tāṁstadā cikṣipurbandhanāgāre kāṁścijjaghnustadā hi te

Seizing people who were in boats and bringing them to that city, they cast some into prison, and some they killed.

Verse 35 (shiva.kotirudra.29.35)

यथा यथा पुनः पीडां चक्रुस्ते राक्षसास्तदा । तत्र स्थिता भवान्याश्च वरदानाच्च निर्भयाः ॥ 29.35 ॥

yathā yathā punaḥ pīḍāṁ cakruste rākṣasāstadā tatra sthitā bhavānyāśca varadānācca nirbhayāḥ

In whatever ways those rakshasas continued to inflict harm, they did so being fearless there, dwelling by the power of Bhavani's boon.

Verse 36 (shiva.kotirudra.29.36)

यथा पूर्वं स्थले लोके भयं चासीन्निरन्तरम् । तथा भयं जले तेषामासीन्नित्यं मुनीश्वराः ॥ 29.36 ॥

yathā pūrvaṁ sthale loke bhayaṁ cāsīnnirantaram tathā bhayaṁ jale teṣāmāsīnnityaṁ munīśvarāḥ

Just as formerly there had been constant fear among the people on land, so now, O lords of sages, there was ever fear among them upon the sea.

Verse 37 (shiva.kotirudra.29.37)

कदाचिद्राक्षसी सा च निःसृता नगराज्जले । रुद्ध्वा मार्गं स्थिता लोकपीडार्थं धरणौ च हि ॥ 29.37 ॥

kadācidrākṣasī sā ca niḥsṛtā nagarājjale ruddhvā mārgaṁ sthitā lokapīḍārthaṁ dharaṇau ca hi

Once that rakshasi went out from the city into the sea, and, blocking the way, stationed herself on the ground, to torment people.

Verse 38 (shiva.kotirudra.29.38)

एतस्मिन्नन्तरे तत्र नावो बहुतराः शुभाः । आगता बहुधा तत्र सर्वतो लोकसंवृताः ॥ 29.38 ॥

etasminnantare tatra nāvo bahutarāḥ śubhāḥ āgatā bahudhā tatra sarvato lokasaṁvṛtāḥ

Meanwhile, many auspicious boats, crowded with people from all directions, arrived there in great number.

Verse 39 (shiva.kotirudra.29.39)

ता नावश्च तदा दृष्ट्वा हर्षं सम्प्राप्य राक्षसाः । द्रुतं गत्वा हि तत्रस्थान्वेगात्सन्दध्रिरे खलाः ॥ 29.39 ॥

tā nāvaśca tadā dṛṣṭvā harṣaṁ samprāpya rākṣasāḥ drutaṁ gatvā hi tatrasthānvegātsandadhrire khalāḥ

Seeing those boats, the rakshasas, filled with joy, quickly went there, and those wicked ones swiftly seized those who were in them.

Verse 40 (shiva.kotirudra.29.40)

आजग्मुर्नगरं ते च तानादाय महाबलाः । चिक्षिपुर्बन्धनागारे बद्ध्वा हि निगडैर्दृढैः ॥ 29.40 ॥

ājagmurnagaraṁ te ca tānādāya mahābalāḥ cikṣipurbandhanāgāre baddhvā hi nigaḍairdṛḍhaiḥ

Those mighty ones brought them to the city, and, having bound them with strong fetters, cast them into prison.

Verse 41 (shiva.kotirudra.29.41)

बद्धास्ते निगडैर्लोकाः संस्थिता बन्धनालये । अतीव दुःखमाजग्मुर्भर्त्सितास्ते मुहुर्मुहुः ॥ 29.41 ॥

baddhāste nigaḍairlokāḥ saṁsthitā bandhanālaye atīva duḥkhamājagmurbhartsitāste muhurmuhuḥ

Those people, bound in fetters, remained in the prison-house; they fell into the deepest sorrow, being repeatedly abused.

Verse 42 (shiva.kotirudra.29.42)

तेषां मध्ये च योऽधीशः स वैश्यः सुप्रियाभिधः । शिवप्रियः शुभाचारः शैवश्चासीत्सदातनः ॥ 29.42 ॥

teṣāṁ madhye ca yo’dhīśaḥ sa vaiśyaḥ supriyābhidhaḥ śivapriyaḥ śubhācāraḥ śaivaścāsītsadātanaḥ

Among them was their leader, a merchant named Supriya, dear to Shiva, of virtuous conduct, and an ever-devoted Shaiva.

Verse 43 (shiva.kotirudra.29.43)

विना च शिवपूजां वै न तिष्ठति कदाचन । सर्वथा शिवधर्मा हि भस्मरुद्राक्षभूषणः ॥ 29.43 ॥

vinā ca śivapūjāṁ vai na tiṣṭhati kadācana sarvathā śivadharmā hi bhasmarudrākṣabhūṣaṇaḥ

He never once remained without worshipping Shiva; he was ever devoted wholly to Shiva's faith, adorned with ash and rudraksha beads.

Verse 44 (shiva.kotirudra.29.44)

यदि पूजा न जाता चेन्न भुनक्ति तदा तु सः । अतस्तत्रापि वैश्योऽसौ चकार शिवपूजनम् ॥ 29.44 ॥

yadi pūjā na jātā cenna bhunakti tadā tu saḥ atastatrāpi vaiśyo’sau cakāra śivapūjanam

If the worship had not been performed, then he would not eat; and so, even there in prison, that merchant performed the worship of Shiva.

Verse 45 (shiva.kotirudra.29.45)

कारागृहगतः सोऽपि बहूंश्चाशिक्षयत्तदा । शिवमन्त्रं च पूजां च पार्थिवीमृषिसत्तमाः ॥ 29.45 ॥

kārāgṛhagataḥ so’pi bahūṁścāśikṣayattadā śivamantraṁ ca pūjāṁ ca pārthivīmṛṣisattamāḥ

Even while in prison, he taught many others, O best of sages, the mantra of Shiva and the worship of the clay linga.

Verse 46 (shiva.kotirudra.29.46)

ते सर्वे च तदा तत्र शिवपूजां स्वकामदाम् । चक्रिरे विधिवत्तत्र यथादृष्टं यथाश्रुतम् ॥ 29.46 ॥

te sarve ca tadā tatra śivapūjāṁ svakāmadām cakrire vidhivattatra yathādṛṣṭaṁ yathāśrutam

All of them then performed there the worship of Shiva, which grants one's desires, duly, according to what they had seen and heard.

Verse 47 (shiva.kotirudra.29.47)

केचित्तत्र स्थिता ध्याने बद्ध्वासनमनुत्तमम् । मानसीं शिवपूजां च केचिच्चक्रुर्मुदान्विताः ॥ 29.47 ॥

kecittatra sthitā dhyāne baddhvāsanamanuttamam mānasīṁ śivapūjāṁ ca keciccakrurmudānvitāḥ

Some there sat fixed in meditation, in the highest posture; others, filled with joy, performed a mental worship of Shiva.

Verse 48 (shiva.kotirudra.29.48)

तदाधीशेन तत्रैव प्रत्यक्षं शिवपूजनम् । कृतं च पार्थिवस्यैव विधानेन मुनीश्वराः ॥ 29.48 ॥

tadādhīśena tatraiva pratyakṣaṁ śivapūjanam kṛtaṁ ca pārthivasyaiva vidhānena munīśvarāḥ

Then their leader, right there, O lords of sages, performed the manifest worship of Shiva, according to the rite of the clay linga.

Verse 49 (shiva.kotirudra.29.49)

अन्ये च ये न जानन्ति विधानं स्मरणं परम् । नमः शिवाय मन्त्रेण ध्यायन्तः शङ्करं स्थिताः ॥ 29.49 ॥

anye ca ye na jānanti vidhānaṁ smaraṇaṁ param namaḥ śivāya mantreṇa dhyāyantaḥ śaṅkaraṁ sthitāḥ

And others, who did not know the full ritual procedure, remained fixed in supreme remembrance, meditating on Shankara with the mantra "Namah Shivaya."

Verse 50 (shiva.kotirudra.29.50)

सुप्रियो नाम यश्चासीद्वैश्यवर्यः शिवप्रियः । ध्यायँश्च मनसा तत्र चकार शिवपूजनम् ॥ 29.50 ॥

supriyo nāma yaścāsīdvaiśyavaryaḥ śivapriyaḥ dhyāya~śca manasā tatra cakāra śivapūjanam

He who was named Supriya, that excellent merchant dear to Shiva, meditating with his mind there, performed the worship of Shiva.

Verse 51 (shiva.kotirudra.29.51)

यथोक्तरूपी शम्भुश्च प्रत्यक्षं सर्वमाददे । सोऽपि स्वयं न जानाति गृह्यते न शिवेन वै ॥ 29.51 ॥

yathoktarūpī śambhuśca pratyakṣaṁ sarvamādade so’pi svayaṁ na jānāti gṛhyate na śivena vai

Shambhu, present in that very form, accepted everything directly; he himself did not realize it, yet it was not left unaccepted by Shiva.

Verse 52 (shiva.kotirudra.29.52)

एवं च क्रियमाणस्य वैश्यस्य शिवपूजनम् । व्यतीयुस्तत्र षण्मासा निर्विघ्नेन मुनीश्वराः ॥ 29.52 ॥

evaṁ ca kriyamāṇasya vaiśyasya śivapūjanam vyatīyustatra ṣaṇmāsā nirvighnena munīśvarāḥ

Thus, while the merchant continued performing the worship of Shiva, six months passed there without hindrance, O lords of sages.

Verse 53 (shiva.kotirudra.29.53)

अतः परं च यज्जातं चरितं शशिमौलिनः । तच्छृणुध्वमृषिश्रेष्ठाः सावधानेन चेतसा ॥ 29.53 ॥

ataḥ paraṁ ca yajjātaṁ caritaṁ śaśimaulinaḥ tacchṛṇudhvamṛṣiśreṣṭhāḥ sāvadhānena cetasā

Hear now, O best of sages, with attentive mind, what happened next in the story of him who bears the crescent moon on his crown.