The Knowledge of Time

Verse 1 (shiva.uma.25.1)

व्यास उवाच । सनत्कुमार सर्वज्ञ त्वत्सकाशान्मया मुने । स्त्रीस्वभावः श्रुतः प्रीत्या कालज्ञानं वदस्व मे

vyāsa uvāca sanatkumāra sarvajña tvatsakāśānmayā mune strīsvabhāvaḥ śrutaḥ prītyā kālajñānaṁ vadasva me

Vyasa said: O all-knowing Sanatkumara, O sage, from you I have gladly heard of the nature of women. Now tell me of the knowledge of time.

Verse 2 (shiva.uma.25.2)

सनत्कुमार उवाच । इदमेव पुरापृच्छत् पार्वती परमेश्वरम् । श्रुत्वा नानाकथां दिव्यां प्रसन्ना सुप्रणम्य तम्

sanatkumāra uvāca idameva purāpṛcchat pārvatī parameśvaram śrutvā nānākathāṁ divyāṁ prasannā supraṇamya tam

Sanatkumara said: This very question Parvati once asked of the Supreme Lord — having heard many divine tales, and being pleased, she bowed well to him and asked.

Verse 3 (shiva.uma.25.3)

पार्वत्युवाच । भगवंस्त्वत्प्रसादेन ज्ञातं मे सकलं मतम् । यथार्चनं तु ते देव यैर्मन्त्रैश्च यथाविधि

pārvatyuvāca bhagavaṁstvatprasādena jñātaṁ me sakalaṁ matam yathārcanaṁ tu te deva yairmantraiśca yathāvidhi

Parvati said: O Lord, by your grace I have come to know the entire doctrine — how you are to be worshipped, with which mantras and according to which rites.

Verse 4 (shiva.uma.25.4)

अद्यापि संशयस्त्वेकः कालचक्रं प्रति प्रभो । मृत्युचिह्नं यथा देव किं प्रमाणं यथायुषः

adyāpi saṁśayastvekaḥ kālacakraṁ prati prabho mṛtyucihnaṁ yathā deva kiṁ pramāṇaṁ yathāyuṣaḥ

Yet even now, O Lord, one doubt remains regarding the wheel of time: what are the signs of death, O god, and what is the measure of the span of life?

Verse 5 (shiva.uma.25.5)

सर्वं कथय मे नाथ यद्यहं तव वल्लभा । इति पृष्टस्तया देव्या प्रत्युवाच महेश्वरः

sarvaṁ kathaya me nātha yadyahaṁ tava vallabhā iti pṛṣṭastayā devyā pratyuvāca maheśvaraḥ

Tell me all of this, O Lord, if indeed I am dear to you. Thus questioned by the Goddess, Maheshvara replied.

Verse 6 (shiva.uma.25.6)

ईश्वर उवाच । सत्यं ते कथयिष्यामि शास्त्रं सर्वोत्तमं प्रिये । येन शास्त्रेण देवेशि नरैः कालः प्रबुध्यते

īśvara uvāca satyaṁ te kathayiṣyāmi śāstraṁ sarvottamaṁ priye yena śāstreṇa deveśi naraiḥ kālaḥ prabudhyate

Ishvara said: I shall truly tell you, O beloved, this most excellent science, by which science, O queen of gods, men come to know time.

Verse 7 (shiva.uma.25.7)

अहः पक्षं तथा मासमृतुं चायनवत्सरौ । स्थूलसूक्ष्मगतैश्चिह्नैर्बहिरन्तर्गतैस्तथा

ahaḥ pakṣaṁ tathā māsamṛtuṁ cāyanavatsarau sthūlasūkṣmagataiścihnairbahirantargataistathā

The day, the fortnight, the month, the season, the solstice, and the year — through gross and subtle signs, both outward and inward.

Verse 8 (shiva.uma.25.8)

तत्तेऽहं सम्प्रवक्ष्यामि शृणु तत्त्वेन सुन्दरि । लोकानामुपकारार्थं वैराग्यार्थमुमेऽधुना

tatte'haṁ sampravakṣyāmi śṛṇu tattvena sundari lokānāmupakārārthaṁ vairāgyārthamume'dhunā

That I shall now declare to you in full; listen with attention, O beautiful one — for the benefit of the world, and for the sake of dispassion, O Uma, I speak now.

Verse 9 (shiva.uma.25.9)

अकस्मात्पाण्डुरं देहमूर्ध्वरागं समन्ततः । तदा मृत्युं विजानीयात्षण्मासाभ्यन्तरे प्रिये

akasmātpāṇḍuraṁ dehamūrdhvarāgaṁ samantataḥ tadā mṛtyuṁ vijānīyātṣaṇmāsābhyantare priye

When the body suddenly turns pale, with a flush spreading upward all over, then, O beloved, one should know death within six months.

Verse 10 (shiva.uma.25.10)

मुखं कर्णौ तथा चक्षुर्जिह्वास्तम्भो यदा भवेत् । तदा मृत्युं विजानीयात्षण्मासाभ्यन्तरे प्रिये

mukhaṁ karṇau tathā cakṣurjihvāstambho yadā bhavet tadā mṛtyuṁ vijānīyātṣaṇmāsābhyantare priye

When the mouth, the ears, the eyes, or the tongue become stiff and numb, then, O beloved, one should know death within six months.

Verse 11 (shiva.uma.25.11)

रौरवानुगतं भद्रे ध्वनिं नाकर्णयेद् द्रुतम् । षण्मासाभ्यन्तरे मृत्युर्ज्ञातव्यः कालवेदिभिः

rauravānugataṁ bhadre dhvaniṁ nākarṇayed drutam ṣaṇmāsābhyantare mṛtyurjñātavyaḥ kālavedibhiḥ

O gentle one, when a person can no longer swiftly hear the roaring inner sound of the ears, death within six months is to be known by those versed in time.

Verse 12 (shiva.uma.25.12)

रविसोमाग्निसंयोगाद्यदोद्योतं न पश्यति । कृष्णं सर्वं समस्तं च षण्मासं जीवितं तथा

ravisomāgnisaṁyogādyadodyotaṁ na paśyati kṛṣṇaṁ sarvaṁ samastaṁ ca ṣaṇmāsaṁ jīvitaṁ tathā

When, through the conjunction of sun, moon, or fire, one no longer perceives their light, and everything appears entirely black, then six months of life remain.

Verse 13 (shiva.uma.25.13)

वामहस्तो यदा देवि सप्ताहं स्पन्दते प्रिये । जीवितं तु तदा तस्य मासमेकं न संशयः

vāmahasto yadā devi saptāhaṁ spandate priye jīvitaṁ tu tadā tasya māsamekaṁ na saṁśayaḥ

When, O goddess, the left hand throbs continuously for a week, O beloved, then his life remains for one month, without doubt.

Verse 14 (shiva.uma.25.14)

उन्मीलयन्ति गात्राणि तालुकं शुष्यते यदा । जीवितं तु तदा तस्य मासमेकं न संशयः

unmīlayanti gātrāṇi tālukaṁ śuṣyate yadā jīvitaṁ tu tadā tasya māsamekaṁ na saṁśayaḥ

When the limbs begin to twitch on their own and the palate begins to dry up, then his life remains for one month, without doubt.

Verse 15 (shiva.uma.25.15)

नासा तु स्रवते यस्य त्रिदोषे पक्षजीवितम् । वक्त्रं कण्ठं च शुष्येत षण्मासान्ते गतायुषः

nāsā tu sravate yasya tridoṣe pakṣajīvitam vaktraṁ kaṇṭhaṁ ca śuṣyeta ṣaṇmāsānte gatāyuṣaḥ

He whose nose runs due to the three humors has a fortnight of life left; whose mouth and throat dry up, his life ends at six months.

Verse 16 (shiva.uma.25.16)

स्थूलजिह्वा भवेद्यस्य द्विजाः क्लिद्यन्ति भामिनि । षण्मासाज्जायते मृत्युश्चिह्नैस्तैरुपलक्षयेत्

sthūlajihvā bhavedyasya dvijāḥ klidyanti bhāmini ṣaṇmāsājjāyate mṛtyuścihnaistairupalakṣayet

He whose tongue becomes thick and swollen, O radiant one, and whose teeth grow moist — death occurs within six months; one should recognize it by these signs.

Verse 17 (shiva.uma.25.17)

अम्बुतैलघृतस्थं तु दर्पणे वरवर्णिनि । न पश्यति यदात्मानं विकृतं पलमेव च

ambutailaghṛtasthaṁ tu darpaṇe varavarṇini na paśyati yadātmānaṁ vikṛtaṁ palameva ca

O fair one, when a person, looking into water, oil, ghee, or a mirror, does not see his own reflection, or sees it distorted even for a moment —

Verse 18 (shiva.uma.25.18)

षण्मासायुः स विज्ञेयः कालचक्रं विजानता । अन्यच्च शृणु देवेशि येन मृत्युर्विबुद्ध्यते

ṣaṇmāsāyuḥ sa vijñeyaḥ kālacakraṁ vijānatā anyacca śṛṇu deveśi yena mṛtyurvibuddhyate

— he should be known, by one who understands the wheel of time, to have six months of life. Hear yet another sign, O queen of gods, by which death is recognized.

Verse 19 (shiva.uma.25.19)

शिरोहीनां यदा छायां स्वकीयामुपलक्षयेत् । अथवा छायया हीनो मासमेकं न जीवति

śirohīnāṁ yadā chāyāṁ svakīyāmupalakṣayet athavā chāyayā hīno māsamekaṁ na jīvati

When a person perceives his own shadow without a head, or when he is found without a shadow at all, he does not live beyond one month.

Verse 20 (shiva.uma.25.20)

आङ्गिकानि मयोक्तानि मृत्युचिह्नानि पार्वति । बाह्यस्थानि ब्रुवे भद्रे चिह्नानि शृणु साम्प्रतम्

āṅgikāni mayoktāni mṛtyucihnāni pārvati bāhyasthāni bruve bhadre cihnāni śṛṇu sāmpratam

These, O Parvati, are the bodily signs of death that I have described. Now, O gentle one, I speak of the external signs — hear them now.

Verse 21 (shiva.uma.25.21)

रश्मिहीनं यदा देवि भवेत्सोमार्कमण्डलम् । दृश्यते पाटलाकारं मासार्धेन विपद्यते

raśmihīnaṁ yadā devi bhavetsomārkamaṇḍalam dṛśyate pāṭalākāraṁ māsārdhena vipadyate

When, O goddess, the orb of the moon or sun becomes without rays and appears pale-pink in form, one perishes within half a month.

Verse 22 (shiva.uma.25.22)

अरुन्धतीं महायानमिन्दुं लक्षणवर्जितम् । अदृष्टतारको योऽसौ मासमेकं स जीवति

arundhatīṁ mahāyānaminduṁ lakṣaṇavarjitam adṛṣṭatārako yo'sau māsamekaṁ sa jīvati

He who cannot see the star Arundhati, the Great Chariot, or the moon devoid of its markings, and to whom that star remains unseen — he lives for one month.

Verse 23 (shiva.uma.25.23)

दृष्टे ग्रहे च दिङ्मोहः षण्मासाज्जायते ध्रुवम् । उतथ्यं न ध्रुवं पश्येद्यदि वा रविमण्डलम्

dṛṣṭe grahe ca diṅmohaḥ ṣaṇmāsājjāyate dhruvam utathyaṁ na dhruvaṁ paśyedyadi vā ravimaṇḍalam

When, upon seeing a planet, confusion of direction occurs, death within six months is certain; or if one cannot truly see the pole-star, or the orb of the sun —

Verse 24 (shiva.uma.25.24)

रात्रौ धनुर्यदा पश्येन्मध्याह्ने चोल्कपातनम् । वेष्ट्यते गृध्रकाकैश्च षण्मासायुर्न संशयः

rātrau dhanuryadā paśyenmadhyāhne colkapātanam veṣṭyate gṛdhrakākaiśca ṣaṇmāsāyurna saṁśayaḥ

— when at night one sees a bow-shaped light, or at midday sees a meteor fall, or is surrounded by vultures and crows, then six months of life remain, without doubt.

Verse 25 (shiva.uma.25.25)

ऋषयः स्वर्गपन्थाश्च दृश्यन्ते नैव चाम्बरे । षण्मासायुर्विजनीयात्पुरुषैः कालवेदिभिः

ṛṣayaḥ svargapanthāśca dṛśyante naiva cāmbare ṣaṇmāsāyurvijanīyātpuruṣaiḥ kālavedibhiḥ

When the Seven Sages and the pathway to heaven are no longer seen in the sky, six months of life should be known by men versed in time.

Verse 26 (shiva.uma.25.26)

अकस्माद्राहुणा ग्रस्तं सूर्यं वा सोममेव च । दिक्चक्रं भ्रान्तवत्पश्येत्षण्मासान्म्रियते स्फुटम्

akasmādrāhuṇā grastaṁ sūryaṁ vā somameva ca dikcakraṁ bhrāntavatpaśyetṣaṇmāsānmriyate sphuṭam

If one suddenly sees the sun or moon as if seized by Rahu, or sees the circle of directions as if whirling, one clearly dies within six months.

Verse 27 (shiva.uma.25.27)

नीलाभिर्मक्षिकाभिश्च ह्यकस्माद् वेष्ट्यते पुमान् । मासमेकं हि तस्यायुर्ज्ञातव्यं परमार्थतः

nīlābhirmakṣikābhiśca hyakasmād veṣṭyate pumān māsamekaṁ hi tasyāyurjñātavyaṁ paramārthataḥ

When a man is suddenly surrounded by blue flies, his life should truly be known to be but one month.

Verse 28 (shiva.uma.25.28)

गृध्रः काकः कपोतश्च शिरश्चाक्रम्य तिष्ठति । शीघ्रं तु म्रियते जन्तुर्मासैकेन न संशयः

gṛdhraḥ kākaḥ kapotaśca śiraścākramya tiṣṭhati śīghraṁ tu mriyate janturmāsaikena na saṁśayaḥ

If a vulture, crow, or pigeon comes and perches upon one's head, that being dies swiftly, within one month, without doubt.

Verse 29 (shiva.uma.25.29)

एवं चारिष्टभेदस्तु बाह्यस्थः समुदाहृतः । मानुषाणां हितार्थाय सङ्क्षेपेण वदाम्यहम्

evaṁ cāriṣṭabhedastu bāhyasthaḥ samudāhṛtaḥ mānuṣāṇāṁ hitārthāya saṅkṣepeṇa vadāmyaham

Thus have the external kinds of ill-omens been declared. For the benefit of mankind, I speak of them in brief.

Verse 30 (shiva.uma.25.30)

हस्तयोरुभयोर्देवि यथा कालं विजानते । वामदक्षिणयोर्मध्ये प्रत्यक्षं चेत्युदाहृतम्

hastayorubhayordevi yathā kālaṁ vijānate vāmadakṣiṇayormadhye pratyakṣaṁ cetyudāhṛtam

O goddess, hear now how time is known through both hands — between the left and right, this is declared as a direct method.

Verse 31 (shiva.uma.25.31)

एवं पक्षौ स्थितौ द्वौ तु समासात्सुरसुन्दरि । शुचिर्भूत्वा स्मरन्देवं सुस्नातः संयतेन्द्रियः

evaṁ pakṣau sthitau dvau tu samāsātsurasundari śucirbhūtvā smarandevaṁ susnātaḥ saṁyatendriyaḥ

Thus, in summary, the two sides stand established, O beautiful one among the gods — having become pure, having bathed well, with senses restrained, remembering the Lord —

Verse 32 (shiva.uma.25.32)

हस्तौ प्रक्षाल्य दुग्धेनालक्तकेन विमर्दयेत् । गन्धैः पुष्पैः करौ कृत्वा मृगयेच्च शुभाशुभम्

hastau prakṣālya dugdhenālaktakena vimardayet gandhaiḥ puṣpaiḥ karau kṛtvā mṛgayecca śubhāśubham

— having washed the hands, one should rub them with milk and lac-dye; having anointed the hands with fragrances and flowers, one should then seek out the auspicious and inauspicious signs.

Verse 33 (shiva.uma.25.33)

कनिष्ठामादितः कृत्वा यावदङ्गुष्ठकं प्रिये । पर्वत्रयक्रमेणैव हस्तयोरुभयोरपि

kaniṣṭhāmāditaḥ kṛtvā yāvadaṅguṣṭhakaṁ priye parvatrayakrameṇaiva hastayorubhayorapi

Beginning from the little finger up to the thumb, O beloved, in the sequence of the three joints of each finger, on both hands —

Verse 34 (shiva.uma.25.34)

प्रतिपदादि विन्यस्य तिथिं प्रतिपदादितः । सम्पुटाकारहस्तौ तु पूर्वदिङ्मुखसंस्थितः

pratipadādi vinyasya tithiṁ pratipadāditaḥ sampuṭākārahastau tu pūrvadiṅmukhasaṁsthitaḥ

— placing the lunar dates beginning from Pratipada, one should sit facing east, with the hands joined in the shape of a cupped lotus-bud.

Verse 35 (shiva.uma.25.35)

स्मरेन्नवात्मकं मन्त्रं यावदष्टोत्तरं शतम् । निरीक्षयेत्ततो हस्तौ प्रतिपर्वणि यत्नतः

smarennavātmakaṁ mantraṁ yāvadaṣṭottaraṁ śatam nirīkṣayettato hastau pratiparvaṇi yatnataḥ

One should recollect the nine-syllabled mantra a full one hundred and eight times; then one should carefully examine the hands, joint by joint.

Verse 36 (shiva.uma.25.36)

तस्मिन्पर्वणि सा रेखा दृश्यते भृङ्गसन्निभा । तत्तिथौ हि मृतिर्ज्ञेया कृष्णे शुक्ले तथा प्रिये

tasminparvaṇi sā rekhā dṛśyate bhṛṅgasannibhā tattithau hi mṛtirjñeyā kṛṣṇe śukle tathā priye

At whichever joint a line resembling a black bee is seen, on that corresponding tithi — whether in the dark or the bright fortnight, O beloved — death is to be known.

Verse 37 (shiva.uma.25.37)

अधुना नादजं वक्ष्ये सङ्क्षेपात्काललक्षणम् । गमागमं विदित्वा तु कर्म कुर्याञ्छृणु प्रिये

adhunā nādajaṁ vakṣye saṅkṣepātkālalakṣaṇam gamāgamaṁ viditvā tu karma kuryāñchṛṇu priye

Now I shall briefly describe the signs of time arising from sound; having known its coming and going, one should act accordingly — listen, O beloved.

Verse 38 (shiva.uma.25.38)

आत्मविज्ञानं सुश्रोणि चारं ज्ञात्वा तु यत्नतः । क्षणं त्रुटिर्लवं चैव निमेषं काष्ठकालिकम्

ātmavijñānaṁ suśroṇi cāraṁ jñātvā tu yatnataḥ kṣaṇaṁ truṭirlavaṁ caiva nimeṣaṁ kāṣṭhakālikam

O fair-hipped one, having diligently known self-knowledge and the movement of the vital breath: the units kṣaṇa, truṭi, lava, nimeṣa, and kāṣṭhā —

Verse 39 (shiva.uma.25.39)

मुहूर्तकं त्वहोरात्रं पक्षमासर्तुवत्सरम् । अब्दं युगं तथा कल्पं महाकल्पं तथैव च

muhūrtakaṁ tvahorātraṁ pakṣamāsartuvatsaram abdaṁ yugaṁ tathā kalpaṁ mahākalpaṁ tathaiva ca

— the muhūrta, the day-and-night, the fortnight, the month, the season, the year, the abda, the yuga, the kalpa, and likewise the mahākalpa —

Verse 40 (shiva.uma.25.40)

एवं स हरते कालः परिपाट्या सदाशिवः । वामदक्षिणमध्ये तु पथि त्रयमिदं स्मृतम्

evaṁ sa harate kālaḥ paripāṭyā sadāśivaḥ vāmadakṣiṇamadhye tu pathi trayamidaṁ smṛtam

— thus does Sadashiva, in due sequence, carry time onward. In the left, right, and middle channels, this threefold course is remembered.

Verse 41 (shiva.uma.25.41)

दिनानि पञ्च चारभ्य पञ्चविंशद्दिनावधि । वामाचारगतौ नादः प्रमाणं कथितं तव

dināni pañca cārabhya pañcaviṁśaddināvadhi vāmācāragatau nādaḥ pramāṇaṁ kathitaṁ tava

Beginning from five days up to a limit of twenty-five days — in the course of the left channel's movement, sound is declared to you as the measure.

Verse 42 (shiva.uma.25.42)

भूतरन्ध्रं दिशश्चैव ध्वजश्च वरवर्णिनि । वामचारगतौ नादः प्रमाणं कालवेदिनः

bhūtarandhraṁ diśaścaiva dhvajaśca varavarṇini vāmacāragatau nādaḥ pramāṇaṁ kālavedinaḥ

The elemental cavity, the directions, and the subtle banner-sign, O fair one — in the course of the left channel's movement, sound is the measure known to those versed in time.

Verse 43 (shiva.uma.25.43)

ऋतोर्विकारभूताश्च गुणास्तत्रैव भामिनि । प्रमाणं दक्षिणं प्रोक्तं ज्ञातव्यं प्राणवेदिभिः

ṛtorvikārabhūtāśca guṇāstatraiva bhāmini pramāṇaṁ dakṣiṇaṁ proktaṁ jñātavyaṁ prāṇavedibhiḥ

The qualities that are the transformations of the seasons, O radiant one, are found there as well; the right channel is declared as the measure, known to those versed in the vital breath.

Verse 44 (shiva.uma.25.44)

भूतसङ्ख्या यदा प्राणान्वहन्ते च इडादयः । वर्षस्याभ्यन्तरे तस्य जीवितं हि न संशयः

bhūtasaṅkhyā yadā prāṇānvahante ca iḍādayaḥ varṣasyābhyantare tasya jīvitaṁ hi na saṁśayaḥ

When the channels beginning with Ida carry the breaths in the count of the elements, then his life, within the span of a year, is certain, without doubt.

Verse 45 (shiva.uma.25.45)

दशघस्रप्रवाहेण ह्यब्दमानं स जीवति । पञ्चदशप्रवाहेण ह्यब्दमेकं गतायुषम्

daśaghasrapravāheṇa hyabdamānaṁ sa jīvati pañcadaśapravāheṇa hyabdamekaṁ gatāyuṣam

By a flow lasting ten days, he lives for a full year's measure; by a flow of fifteen days too his lifespan is one year, but reckoned as already elapsing.

Verse 46 (shiva.uma.25.46)

विंशद्दिनप्रवाहेण षण्मासं लक्षयेत्तदा । पञ्चविंशद्दिनमितं वहते वामनाडिका

viṁśaddinapravāheṇa ṣaṇmāsaṁ lakṣayettadā pañcaviṁśaddinamitaṁ vahate vāmanāḍikā

By a flow of twenty days, one should then reckon six months of life; when the left channel flows for a measure of twenty-five days —

Verse 47 (shiva.uma.25.47)

जीवितं तु तदा तस्य त्रिमासं हि गतायुषः । षड्विंशद्दिनमानेन मासद्वयमुदाहृतम्

jīvitaṁ tu tadā tasya trimāsaṁ hi gatāyuṣaḥ ṣaḍviṁśaddinamānena māsadvayamudāhṛtam

— then his remaining life is three months. By a measure of twenty-six days, two months are declared.

Verse 48 (shiva.uma.25.48)

सप्तविंशद्दिनमितं वहते त्वत्यविश्रमा । मासमेकं समाख्यातं जीवितं वामगोचरे

saptaviṁśaddinamitaṁ vahate tvatyaviśramā māsamekaṁ samākhyātaṁ jīvitaṁ vāmagocare

When it flows unceasingly for a measure of twenty-seven days, one month of life is declared within the range of the left channel.

Verse 49 (shiva.uma.25.49)

एतत्प्रमाणं विज्ञेयं वामवायुप्रमाणतः । सव्येतरे दिनान्येव चत्वारश्चानुपूर्वशः

etatpramāṇaṁ vijñeyaṁ vāmavāyupramāṇataḥ savyetare dinānyeva catvāraścānupūrvaśaḥ

This measure should be understood according to the standard of the left-breath. In the other, right channel, the days follow in the same successive order —

Verse 50 (shiva.uma.25.50)

चतुस्स्थाने स्थिता देवि षोडशैताः प्रकीर्तिताः । तेषां प्रमाणं वक्ष्यामि साम्प्रतं हि यथार्थतः

catussthāne sthitā devi ṣoḍaśaitāḥ prakīrtitāḥ teṣāṁ pramāṇaṁ vakṣyāmi sāmprataṁ hi yathārthataḥ

— O goddess, established in four places, these sixteen measures have been declared. I shall now truly state their exact measure.

Verse 51 (shiva.uma.25.51)

षड्दिनान्यादितः कृत्वा सङ्ख्यायाश्च यथाविधि । एतदन्तर्गते चैव वामरन्ध्रे प्रकाशितम्

ṣaḍdinānyāditaḥ kṛtvā saṅkhyāyāśca yathāvidhi etadantargate caiva vāmarandhre prakāśitam

Beginning with six days, and counting according to the proper method — within this range, it manifests through the opening of the left channel.

Verse 52 (shiva.uma.25.52)

षड्दिनानि यदा रूढं द्विवर्षं च स जीवति । मासानष्टौ विजानीयाद्दिनान्यष्टौ च तानि तु

ṣaḍdināni yadā rūḍhaṁ dvivarṣaṁ ca sa jīvati māsānaṣṭau vijānīyāddinānyaṣṭau ca tāni tu

When it is established for six days, he lives for two years; one should also know eight months and eight days as its measure.

Verse 53 (shiva.uma.25.53)

प्राणाः सप्तदशे चैव विद्धि वर्षं न संशयः । सप्तमासान्विजानीयाद्दिनैः षड्भिर्न संशयः

prāṇāḥ saptadaśe caiva viddhi varṣaṁ na saṁśayaḥ saptamāsānvijānīyāddinaiḥ ṣaḍbhirna saṁśayaḥ

Know that when the breaths are counted at seventeen days, it is a full year without doubt; know seven months along with six days, without doubt.

Verse 54 (shiva.uma.25.54)

अष्टघस्रप्रभेदेन द्विवर्षं हि स जीवति । चतुर्मासा हि विज्ञेयाश्चतुर्विंशद्दिनावधि

aṣṭaghasraprabhedena dvivarṣaṁ hi sa jīvati caturmāsā hi vijñeyāścaturviṁśaddināvadhi

By the distinction of an eight-day span, he lives indeed for two years; four months, up to a limit of twenty-four days, should be known.

Verse 55 (shiva.uma.25.55)

यदा नवदिनं प्राणा वहन्त्येव त्रिमासकम् । मासद्वयं च द्वे मासे दिना द्वादश कीर्तिताः

yadā navadinaṁ prāṇā vahantyeva trimāsakam māsadvayaṁ ca dve māse dinā dvādaśa kīrtitāḥ

When the breaths flow for nine days, it indicates three months; two months are also declared, and within those two months, twelve days.

Verse 56 (shiva.uma.25.56)

पूर्ववत्कथिता ये तु कालं तेषां तु पूर्वकम् । अवान्तरदिना ये तु तेन मासेन कथ्यते

pūrvavatkathitā ye tu kālaṁ teṣāṁ tu pūrvakam avāntaradinā ye tu tena māsena kathyate

Those measures that were declared as before follow the earlier pattern; whatever intervening days remain are reckoned by that corresponding month.

Verse 57 (shiva.uma.25.57)

एकादशप्रवाहेण वर्षमेकं स जीवति । मासा नव तथा प्रोक्ता दिनान्यष्टमितान्यपि

ekādaśapravāheṇa varṣamekaṁ sa jīvati māsā nava tathā proktā dinānyaṣṭamitānyapi

By a flow of eleven days, he lives for one full year; nine months are also declared, along with a measure of eight days.

Verse 58 (shiva.uma.25.58)

द्वादशेन प्रवाहेण वर्षमेकं स जीवति । मासान् सप्त विजानीयात्षड्घस्रांश्चाप्युदाहरेत्

dvādaśena pravāheṇa varṣamekaṁ sa jīvati māsān sapta vijānīyātṣaḍghasrāṁścāpyudāharet

By a flow of twelve days, he lives for one year; one should know seven months, and six days should also be counted.

Verse 59 (shiva.uma.25.59)

नाडी यदा च वहति त्रयोदशदिनावधि । संवत्सरं भवेत्तस्य चतुर्मासाः प्रकीर्तिताः

nāḍī yadā ca vahati trayodaśadināvadhi saṁvatsaraṁ bhavettasya caturmāsāḥ prakīrtitāḥ

When the channel flows up to a limit of thirteen days, a full year of life remains for him; and four months are also declared.

Verse 60 (shiva.uma.25.60)

चतुर्विशद्दिनं शेषं जीवितं च न संशयः । प्राणवाहा यदा वामे चतुर्द्दशदिनानि तु

caturviśaddinaṁ śeṣaṁ jīvitaṁ ca na saṁśayaḥ prāṇavāhā yadā vāme caturddaśadināni tu

— with twenty-four days remaining as life, without doubt. When the breath-flow in the left channel continues for fourteen days —

Verse 61 (shiva.uma.25.61)

संवत्सरं भवेत्तस्य मासाः षट् च प्रकीर्तिताः । चतुर्विंशद्दिनान्येव जीवितं च न संशयः

saṁvatsaraṁ bhavettasya māsāḥ ṣaṭ ca prakīrtitāḥ caturviṁśaddinānyeva jīvitaṁ ca na saṁśayaḥ

— then a full year of life remains for him, and six months are also declared; twenty-four days too, without doubt.

Verse 62 (shiva.uma.25.62)

पञ्चदशप्रवाहेण नव मासान्स जीवति । चतुर्विशद्दिनान्येव कथितं कालवेदिभिः

pañcadaśapravāheṇa nava māsānsa jīvati caturviśaddinānyeva kathitaṁ kālavedibhiḥ

By a flow of fifteen days, he lives for nine months; twenty-four days too are declared by those versed in time.

Verse 63 (shiva.uma.25.63)

षोडशाहप्रवाहेण दशमासान्स जीवति । चतुर्विशद्दिनाधिक्यं कथितं कालवेदिभिः

ṣoḍaśāhapravāheṇa daśamāsānsa jīvati caturviśaddinādhikyaṁ kathitaṁ kālavedibhiḥ

By a flow of sixteen days, he lives for ten months; an excess of twenty-four days is also declared by those versed in time.

Verse 64 (shiva.uma.25.64)

सप्तदशप्रवाहेण नवमासैर्गतायुषम् । अष्टादश दिनान्यत्र कथितं साधकेश्वरि

saptadaśapravāheṇa navamāsairgatāyuṣam aṣṭādaśa dinānyatra kathitaṁ sādhakeśvari

By a flow of seventeen days, the life is measured as nine months already elapsed; here eighteen days are also declared, O queen of the seekers.

Verse 65 (shiva.uma.25.65)

वामचारं यदा देवि ह्यष्टादशदिनावधिः । जीवितं चाष्टमासं तु घस्रा द्वादश कीर्तिताः

vāmacāraṁ yadā devi hyaṣṭādaśadināvadhiḥ jīvitaṁ cāṣṭamāsaṁ tu ghasrā dvādaśa kīrtitāḥ

When, O goddess, the left channel's course reaches a limit of eighteen days, eight months of life remain, and twelve days are also declared.

Verse 66 (shiva.uma.25.66)

चतुर्विंशद्दिनान्यत्र निश्चयेनावधारय । प्राणवाहो यदा देवि त्रयोविंशद्दिनावधिः

caturviṁśaddinānyatra niścayenāvadhāraya prāṇavāho yadā devi trayoviṁśaddināvadhiḥ

Here know with certainty twenty-four days as well. When, O goddess, the breath-flow reaches a limit of twenty-three days —

Verse 67 (shiva.uma.25.67)

चत्वारः कथिता मासाः षड्दिनानि तथोत्तरे । चतुर्विंशप्रवाहेण त्रीन्मासांश्च स जीवति

catvāraḥ kathitā māsāḥ ṣaḍdināni tathottare caturviṁśapravāheṇa trīnmāsāṁśca sa jīvati

— four months are declared, with six additional days thereafter. By a flow of twenty-four days, he lives for three months.

Verse 68 (shiva.uma.25.68)

दिनान्यत्र दशाष्टौ स संहरन्त्येव चारतः । अवान्तरदिने यस्तु सङ्क्षेपात्ते प्रकीर्तिताः

dinānyatra daśāṣṭau sa saṁharantyeva cārataḥ avāntaradine yastu saṅkṣepātte prakīrtitāḥ

Here eighteen days too are gathered in through this same course. Whatever intervening days remain have been declared to you in brief.

Verse 69 (shiva.uma.25.69)

वामचारः समाख्यातो दक्षिणं शृणु साम्प्रतम् । अष्टाविंशप्रवाहेण तिथिमानेन जीवति

vāmacāraḥ samākhyāto dakṣiṇaṁ śṛṇu sāmpratam aṣṭāviṁśapravāheṇa tithimānena jīvati

The course of the left channel has thus been declared; now hear of the right. By a flow of twenty-eight days, he lives by the measure of the lunar day.

Verse 70 (shiva.uma.25.70)

प्रवाहेण दशाहेन तत्संस्थेन विपद्यते । त्रिंशद्धस्रप्रवाहेन पञ्चाहेन विपद्यते

pravāheṇa daśāhena tatsaṁsthena vipadyate triṁśaddhasrapravāhena pañcāhena vipadyate

By a flow lasting ten days in that condition, he perishes; by a flow of thirty days, he perishes within five days.

Verse 71 (shiva.uma.25.71)

एकत्रिंशद्यदा देवि वहते च निरन्तरम् । दिनत्रयं तदा तस्य जीवितं हि न संशयः

ekatriṁśadyadā devi vahate ca nirantaram dinatrayaṁ tadā tasya jīvitaṁ hi na saṁśayaḥ

When, O goddess, it flows unceasingly for thirty-one days, then his life remains for three days, without doubt.

Verse 72 (shiva.uma.25.72)

द्वात्रिंशत्प्राणसङ्ख्या च यदा हि वहते रविः । तदा तु जीवितं तस्य द्विदिनं हि न संशयः

dvātriṁśatprāṇasaṅkhyā ca yadā hi vahate raviḥ tadā tu jīvitaṁ tasya dvidinaṁ hi na saṁśayaḥ

When the count of breaths reaches thirty-two and the sun-channel flows thus, then his life remains for two days, without doubt.

Verse 73 (shiva.uma.25.73)

दक्षिणः कथितः प्राणो मध्यस्थं कथयामि ते । एकभागगतो वायुप्रवाहो मुखमण्डले

dakṣiṇaḥ kathitaḥ prāṇo madhyasthaṁ kathayāmi te ekabhāgagato vāyupravāho mukhamaṇḍale

Thus the right breath has been described; now I speak to you of the middle channel. When the flow of breath, moving as a single stream, occupies the region of the face —

Verse 74 (shiva.uma.25.74)

धावमानप्रवाहेण दिनमेकं स जीवति । चक्रमेतत्परासोर्हि पुराविद्भिरुदाहृतम्

dhāvamānapravāheṇa dinamekaṁ sa jīvati cakrametatparāsorhi purāvidbhirudāhṛtam

— by this rushing flow, he lives for just one day. This wheel of the departing life-breath has thus been declared by the ancient knowers.

Verse 75 (shiva.uma.25.75)

एतत्ते कथितं देवि कालचक्रं गतायुषः । लोकानां च हितार्थाय किमन्यच्छ्रोतुमिच्छसि

etatte kathitaṁ devi kālacakraṁ gatāyuṣaḥ lokānāṁ ca hitārthāya kimanyacchrotumicchasi

This, O goddess, has been told to you — the wheel of time governing the elapsing life-span, for the benefit of the worlds. What else do you wish to hear?