The Glory of the Pitrs, Part Two

Verse 1 (shiva.uma.42.1)

भीष्म उवाच । मार्कण्डेय महाप्राज्ञ पितृभक्तिभृतां वर । किं जातं तु ततो ब्रूहि कृपया मुनिसत्तम

bhīṣma uvāca mārkaṇḍeya mahāprājña pitṛbhaktibhṛtāṁ vara kiṁ jātaṁ tu tato brūhi kṛpayā munisattama

Bhishma said: O greatly wise Markandeya, best among those devoted to the Pitrs, tell me now, O foremost of sages, out of your kindness, what happened after that.

Verse 2 (shiva.uma.42.2)

मार्कण्डेय उवाच । ते धर्मयोगनिरताः सप्त मानसचारिणः । वाय्वम्बुभक्षाः सततं शरीरमुपशोषयन्

mārkaṇḍeya uvāca te dharmayoganiratāḥ sapta mānasacāriṇaḥ vāyvambubhakṣāḥ satataṁ śarīramupaśoṣayan

Markandeya said: Those seven, devoted to dharma and yoga, became birds roaming upon Lake Manasa; living continually on air and water alone, they wasted their bodies away.

Verse 3 (shiva.uma.42.3)

स राजान्तःपुरवृतो नन्दने मघवा इव । क्रीडित्वा सुचिरं तत्र सभार्यः स्वपुरं ययौ

sa rājāntaḥpuravṛto nandane maghavā iva krīḍitvā suciraṁ tatra sabhāryaḥ svapuraṁ yayau

That king, surrounded by his household, having sported for a long time like Indra in the Nandana grove, returned to his own city together with his queen.

Verse 4 (shiva.uma.42.4)

अनूहो नाम तस्यासीत्पुत्रः परमधार्मिकः । तं विभ्राजः सुतं राज्ये स्थापयित्वा वनं ययौ

anūho nāma tasyāsītputraḥ paramadhārmikaḥ taṁ vibhrājaḥ sutaṁ rājye sthāpayitvā vanaṁ yayau

His son was named Anuha, supremely righteous; having established that son in the kingdom, Vibhraja went away to the forest.

Verse 5 (shiva.uma.42.5)

तपः कर्तुं समारेभे यत्र ते सहचारिणः । स वै तत्र निराहारो वायुभक्षो महातपाः

tapaḥ kartuṁ samārebhe yatra te sahacāriṇaḥ sa vai tatra nirāhāro vāyubhakṣo mahātapāḥ

There he began to practise austerity, in the very place where those companions dwelt; that great ascetic remained there without food, subsisting on air alone.

Verse 6 (shiva.uma.42.6)

ततो विभ्राजितं तेन वैभ्राजं नाम तद्वनम् । बभूव सुप्रसिद्धं हि योगसिद्धिप्रदायकम्

tato vibhrājitaṁ tena vaibhrājaṁ nāma tadvanam babhūva suprasiddhaṁ hi yogasiddhipradāyakam

Illumined by him, that forest became renowned by the name "Vaibhrāja", becoming a place that bestows the accomplishment of yoga.

Verse 7 (shiva.uma.42.7)

तत्रैव ते हि शकुनाश्चत्वारो योगधर्मिणः । योगभ्रष्टास्त्रयश्चैव देहत्यागकृतोऽभवन्

tatraiva te hi śakunāścatvāro yogadharmiṇaḥ yogabhraṣṭāstrayaścaiva dehatyāgakṛto'bhavan

There, of those Śakuna birds, four remained steadfast in the dharma of yoga, while three, fallen from yoga, gave up their bodies.

Verse 8 (shiva.uma.42.8)

काम्पिल्ये नगरे ते तु ब्रह्मदत्तपुरोगमाः । जाताः सप्त महात्मानः सर्वे विगतकल्मषाः

kāmpilye nagare te tu brahmadattapurogamāḥ jātāḥ sapta mahātmānaḥ sarve vigatakalmaṣāḥ

They were born in the city of Kampilya as seven great souls, all free from sin, with Brahmadatta foremost among them.

Verse 9 (shiva.uma.42.9)

स्मृतिमन्तोऽत्र चत्वारस्त्रयस्तु परिमोहिताः । स्वतन्त्रस्त्वणुहाज्जातो ब्रह्मदत्तो महौजसः

smṛtimanto'tra catvārastrayastu parimohitāḥ svatantrastvaṇuhājjāto brahmadatto mahaujasaḥ

Of them, four possessed the memory of former births, while three were bound by delusion; and Svatantra was born as Anuha's mighty and glorious son, Brahmadatta.

Verse 10 (shiva.uma.42.10)

छिद्रदर्शी सुनेत्रस्तु वेदवेदाङ्गपारगौ । जातौ श्रोत्रियदायादौ पूर्वजातिसहोषितौ

chidradarśī sunetrastu vedavedāṅgapāragau jātau śrotriyadāyādau pūrvajātisahoṣitau

Chidradarśī and Sunetra were both born as descendants of a priestly (śrotriya) line, learned in the Vedas and their auxiliary sciences — companions who had lived together since their former birth.

Verse 11 (shiva.uma.42.11)

पञ्चालो बह्वृचस्त्वासीदाचार्यत्वं चकार ह । द्विवेदः पुण्डरीकश्च छन्दोगोऽध्वर्युरेव च

pañcālo bahvṛcastvāsīdācāryatvaṁ cakāra ha dvivedaḥ puṇḍarīkaśca chandogo'dhvaryureva ca

Pañcāla became a scholar of the Rigveda and attained the position of a teacher; Dviveda and Puṇḍarīka became, in turn, a chanter of the Sāma and a performer of the Yajus rites.

Verse 12 (shiva.uma.42.12)

ततो राजा सुतं दृष्ट्वा ब्रह्मदत्तमकल्मषम् । अभिषिच्य स्वराज्ये तु परां गतिमवाप्तवान्

tato rājā sutaṁ dṛṣṭvā brahmadattamakalmaṣam abhiṣicya svarājye tu parāṁ gatimavāptavān

Then the king, seeing his sinless son Brahmadatta, consecrated him upon his own throne and himself attained to the supreme state.

Verse 13 (shiva.uma.42.13)

पञ्चालः पुण्डरीकस्तु पुत्रौ संस्थाप्य मन्दिरे । विविशतुर्वनं तत्र गतौ परमिकां गतिम्

pañcālaḥ puṇḍarīkastu putrau saṁsthāpya mandire viviśaturvanaṁ tatra gatau paramikāṁ gatim

Pañcāla and Puṇḍarīka, having established their own sons in their households, entered the forest, and there attained to the supreme state.

Verse 14 (shiva.uma.42.14)

ब्रह्मदत्तस्य भार्या तु सन्नितिर्नाम भारत । सा त्वेकभावसंयुक्ता रेमे भर्त्रा सहैव तु

brahmadattasya bhāryā tu sannitirnāma bhārata sā tvekabhāvasaṁyuktā reme bhartrā sahaiva tu

O descendant of Bharata, Brahmadatta's wife was named Sannati; devoted with a single-hearted love, she lived in delight with her husband alone.

Verse 15 (shiva.uma.42.15)

शेषास्तु चक्रवाका वै काम्पिल्ये सहचारिणः । जाताः श्रोत्रियदायादा दरिद्रस्य कुले नृप

śeṣāstu cakravākā vai kāmpilye sahacāriṇaḥ jātāḥ śrotriyadāyādā daridrasya kule nṛpa

O king, the remaining cakravāka companions were born in Kampilya itself, as descendants born into the family of a poor śrotriya priest.

Verse 16 (shiva.uma.42.16)

धृतिमान्सुमहात्मा च तत्त्वदर्शीं निरुत्सुकः । वेदाध्ययन सम्पन्नाश्चत्वारश्छिद्रदर्शिनः

dhṛtimānsumahātmā ca tattvadarśīṁ nirutsukaḥ vedādhyayana sampannāścatvāraśchidradarśinaḥ

Dhṛtimān, the great-souled one, Tattvadarśī, and Nirutsuka — these four, accomplished in the study of the Veda, were known as "Chidradarśī" (the seers of flaws).

Verse 17 (shiva.uma.42.17)

ते योगनिरताः सिद्धाः प्रस्थिताः सर्व एव हि । आमन्त्र्य च मिथः शम्भोः पदाम्भोजं प्रणम्य तु

te yoganiratāḥ siddhāḥ prasthitāḥ sarva eva hi āmantrya ca mithaḥ śambhoḥ padāmbhojaṁ praṇamya tu

Devoted to yoga and accomplished, all of them, having conferred together and bowed to the lotus feet of Shambhu, set forth to depart the body.

Verse 18 (shiva.uma.42.18)

ते तमूचुर्द्विजाः सर्वे पितरं पुनरेव च । करिष्यामो विधानं ते येन त्वं वर्तयिष्यसि

te tamūcurdvijāḥ sarve pitaraṁ punareva ca kariṣyāmo vidhānaṁ te yena tvaṁ vartayiṣyasi

All those brahmins said once more to their father: "We shall arrange a means by which you may sustain your livelihood."

Verse 19 (shiva.uma.42.19)

इमं श्लोकं महार्थं त्वं राजानं सहमन्त्रिणम् । श्रावयेथाः समागम्य ब्रह्मदत्तमकल्मषम्

imaṁ ślokaṁ mahārthaṁ tvaṁ rājānaṁ sahamantriṇam śrāvayethāḥ samāgamya brahmadattamakalmaṣam

"Go to the king together with his ministers, and to the sinless Brahmadatta recite this verse of profound meaning.

Verse 20 (shiva.uma.42.20)

प्रीतात्मा दास्यति स ते ग्रामान् भोगांश्च पुष्कलान् । एतावदुक्त्वा ते सर्वे पूजयित्वा च तं गुरुम् । योगधर्ममनुप्राप्य परां निर्वृतिमाययुः

prītātmā dāsyati sa te grāmān bhogāṁśca puṣkalān etāvaduktvā te sarve pūjayitvā ca taṁ gurum yogadharmamanuprāpya parāṁ nirvṛtimāyayuḥ

Pleased in heart, he will give you many villages and abundant enjoyments." Having said this much, all of them, having honoured their guru — their father — attained the yogic dharma and reached the supreme bliss.

Verse 21 (shiva.uma.42.21)

चतुर्णां तु पिता योऽसौ ब्राह्मणानां महात्मनाम् । श्लोकं सोऽधीत्य पुत्रेभ्यः कृतकृत्य इवाभवत्

caturṇāṁ tu pitā yo'sau brāhmaṇānāṁ mahātmanām ślokaṁ so'dhītya putrebhyaḥ kṛtakṛtya ivābhavat

He who was the father of those four great-souled brahmins, having learned that verse from his sons, felt himself, as it were, to have accomplished his very purpose.

Verse 22 (shiva.uma.42.22)

श्रावयामास राजानं स्लोकं तं सचिवौ च तौ । सप्तव्याधा दशार्णेषु मृगाः कालञ्जरे गिरौ

śrāvayāmāsa rājānaṁ slokaṁ taṁ sacivau ca tau saptavyādhā daśārṇeṣu mṛgāḥ kālañjare girau

He recited that verse to the king and to his two ministers: "The seven hunters in the land of Dashārna, the deer on Mount Kalanjara,

Verse 23 (shiva.uma.42.23)

चक्रवाकाः शरद्वीपे हंसाः सरसि मानसे । तेऽभिजाताः कुरुक्षेत्रे ब्राह्मणा वेदपारगाः

cakravākāḥ śaradvīpe haṁsāḥ sarasi mānase te'bhijātāḥ kurukṣetre brāhmaṇā vedapāragāḥ

the cakravākas on Sharadvipa, the swans on Lake Manasa — those very ones are now born in Kurukshetra as brahmins accomplished in the Veda.

Verse 24 (shiva.uma.42.24)

प्रस्थिता दिर्घमध्वानं युयं किमवसीदथ । तच्छ्रुत्वा मोहमगमद्ब्रह्मदत्तो नराधिपः

prasthitā dirghamadhvānaṁ yuyaṁ kimavasīdatha tacchrutvā mohamagamadbrahmadatto narādhipaḥ

You have journeyed a long road together — why then do you grieve?" Hearing this, King Brahmadatta was overcome with a profound swoon of recognition.

Verse 25 (shiva.uma.42.25)

सचिवश्चास्य पाञ्चालः पुण्डरीकश्च भारत । ततस्ते तत्सरः स्मृत्वा योगं तमुपलभ्य च

sacivaścāsya pāñcālaḥ puṇḍarīkaśca bhārata tataste tatsaraḥ smṛtvā yogaṁ tamupalabhya ca

O descendant of Bharata, his ministers Pañchāla and Puṇḍarīka too, remembering that lake and recovering that state of yogic recollection, were struck likewise.

Verse 26 (shiva.uma.42.26)

ब्राह्मणं विपुलैरर्थैर्भोगैश्च समयोजयन् । अभिषिच्य स्वराज्ये तु विष्वक्सेनमरिन्दमम्

brāhmaṇaṁ vipulairarthairbhogaiśca samayojayan abhiṣicya svarājye tu viṣvaksenamarindamam

They honoured that brahmin with abundant wealth and enjoyments; and having consecrated Vishvaksena, the subduer of foes, upon their own kingdom,

Verse 27 (shiva.uma.42.27)

जगाम ब्रह्मदत्तो हि सदारो वनमेव ह । प्राप्य योगं बलादेव गतिं प्राप सुदुर्लभाम्

jagāma brahmadatto hi sadāro vanameva ha prāpya yogaṁ balādeva gatiṁ prāpa sudurlabhām

Brahmadatta himself went with his wife into the forest; and, attaining yoga through strenuous effort, he reached that most difficult-to-attain state.

Verse 28 (shiva.uma.42.28)

पुण्डरीकोऽपि धर्मात्मा साङ्ख्ययोगमनुत्तमम् । प्राप्य योगगतिः सिद्धो विशुद्धस्तेन कर्मणा

puṇḍarīko'pi dharmātmā sāṅkhyayogamanuttamam prāpya yogagatiḥ siddho viśuddhastena karmaṇā

The righteous Puṇḍarīka too, having attained the unsurpassed Sāṅkhya-yoga, became accomplished in yoga and purified by that act.

Verse 29 (shiva.uma.42.29)

क्रमं प्रणीय पाञ्चाल्यः शिक्षां चोत्पाद्य केवलाम् । योगाचार्यगतिं प्राप यशश्चाग्र्यं महातपाः

kramaṁ praṇīya pāñcālyaḥ śikṣāṁ cotpādya kevalām yogācāryagatiṁ prāpa yaśaścāgryaṁ mahātapāḥ

Pāñchālya, having established the due sequence and set forth pure teaching, attained the state of a teacher of yoga; that great ascetic won foremost renown.

Verse 30 (shiva.uma.42.30)

शूरा ये सम्प्रपद्यन्ते अपुनर्भवकाङ्क्षिणः । पापं प्रणाशयन्त्वद्य तच्छम्भोः परमं पदम्

śūrā ye samprapadyante apunarbhavakāṅkṣiṇaḥ pāpaṁ praṇāśayantvadya tacchambhoḥ paramaṁ padam

May those brave ones who, desiring freedom from rebirth, truly take refuge in this account, destroy their sin this very day and reach that supreme state of Shambhu.

Verse 31 (shiva.uma.42.31)

शारीरे मानसे चैव पापे वाग्जे महामुने । कृते सम्यगिदं भक्त्या पठेच्छ्रद्धासमन्वितः

śārīre mānase caiva pāpe vāgje mahāmune kṛte samyagidaṁ bhaktyā paṭhecchraddhāsamanvitaḥ

O great sage, whatever sin is committed by the body, by the mind, or by speech — if this [account] is duly recited with devotion, filled with faith,

Verse 32 (shiva.uma.42.32)

मुच्यते सर्वपापेभ्यः शिवनामानुकीर्तनात् । उच्चार्यमाण एतस्मिन्देवदेवस्य तस्य वै

mucyate sarvapāpebhyaḥ śivanāmānukīrtanāt uccāryamāṇa etasmindevadevasya tasya vai

then, merely by the repeated utterance of Shiva's name, one is freed from all sins; the very moment that name of the God of gods is pronounced —

Verse 33 (shiva.uma.42.33)

विलयं पापमायाति ह्यामभाण्डमिवाम्भसि । तस्मात्तत्सञ्चिते पापे समानान्तरमेव च

vilayaṁ pāpamāyāti hyāmabhāṇḍamivāmbhasi tasmāttatsañcite pāpe samānāntarameva ca

sin dissolves just as an unbaked earthen vessel dissolves in water; therefore, for the destruction of accumulated sin too, it should be recited in the very same way.

Verse 34 (shiva.uma.42.34)

जप्तव्यमेतत्पापस्य प्रशमाय महामुने । नरैः श्रद्धालुभिभूर्यः सर्वकामफलाप्तये

japtavyametatpāpasya praśamāya mahāmune naraiḥ śraddhālubhibhūryaḥ sarvakāmaphalāptaye

O great sage, this must be recited for the pacification of sin, and it should likewise be recited by faithful people for the attainment of the fruit of every desire.

Verse 35 (shiva.uma.42.35)

पुष्ट्यर्थमिममध्यायं पठेदेनं शृणोति वा । मुच्यते सर्वपापेभ्यो मोक्षं याति न संशयः

puṣṭyarthamimamadhyāyaṁ paṭhedenaṁ śṛṇoti vā mucyate sarvapāpebhyo mokṣaṁ yāti na saṁśayaḥ

Whoever reads this chapter, or hears it, for the sake of well-being, is freed from all sins and attains liberation — of this there is no doubt.