Suta's Teaching

Verse 1 (shiva.kailasa.10.1)

व्यास उवाच । गतेऽथ सूते मुनयः सुविस्मिता विचिन्त्य चान्योऽन्यमिदं तु विस्मृतम् । यद्वामदेवस्य मतं मुनीश्वर प्रसूचितं तत्खलु कष्टमद्य नः

vyāsa uvāca | gate'tha sūte munayaḥ suvismitā vicintya cānyo'nyamidaṁ tu vismṛtam | yadvāmadevasya mataṁ munīśvara prasūcitaṁ tatkhalu kaṣṭamadya naḥ

Vyasa said: When Suta had gone, the sages, greatly astonished, reflecting among themselves, said, "O lord of sages, what Vamadeva's teaching had indicated has today slipped from our memory — this is truly grievous for us."

Verse 2 (shiva.kailasa.10.2)

कदानुभूयान्मुनिवर्यदर्शनं भवाब्धिदुःखौघहरं परं हि तत् । महेश्वराराधनपुण्यतोऽधुना मुनीश्वरः सत्वरमाविरस्तु नः

kadānubhūyānmunivaryadarśanaṁ bhavābdhiduḥkhaughaharaṁ paraṁ hi tat | maheśvarārādhanapuṇyato'dhunā munīśvaraḥ satvaramāvirastu naḥ

"When shall we again experience the sight of that foremost sage, which alone removes the flood of sorrow of the ocean of existence? Through the merit of worshipping Maheshvara, may that lord of sages now swiftly appear before us."

Verse 3 (shiva.kailasa.10.3)

इति चिन्तासमाविष्टा मुनयो मुनिपुङ्गवम् । व्यासं सम्पूज्य हृत्पद्मे तस्थुस्तद्दर्शनोत्सुकाः

iti cintāsamāviṣṭā munayo munipuṅgavam | vyāsaṁ sampūjya hṛtpadme tasthustaddarśanotsukāḥ

Thus absorbed in anxious thought, the sages worshipped the foremost of sages, Vyasa, in the lotus of their hearts, and remained there, eager for his sight.

Verse 4 (shiva.kailasa.10.4)

संवत्सरान्ते स पुनः काशीं प्राप महामुनिः । शिवभक्तिरतो ज्ञानी पुराणार्थप्रकाशकः

saṁvatsarānte sa punaḥ kāśīṁ prāpa mahāmuniḥ | śivabhaktirato jñānī purāṇārthaprakāśakaḥ

At the end of the year, that great sage, devoted to the worship of Shiva, wise, the revealer of the meaning of the Puranas, came again to Kashi.

Verse 5 (shiva.kailasa.10.5)

तं दृष्ट्वा सूतमायान्तं मुनयो हृष्टचेतसः । अभ्युत्थानासनार्घ्यादिपूजया समपूजयन्

taṁ dṛṣṭvā sūtamāyāntaṁ munayo hṛṣṭacetasaḥ | abhyutthānāsanārghyādipūjayā samapūjayan

Seeing Suta arriving, the sages, glad at heart, honored him with the worship of rising to greet him, offering a seat, arghya, and the rest.

Verse 6 (shiva.kailasa.10.6)

सोऽपि तान्मुनिशार्दूलानभिनन्द्य स्मितोदरम् । प्रीत्या स्नात्वा जाह्नवीये जले परमपावने

so'pi tānmuniśārdūlānabhinandya smitodaram | prītyā snātvā jāhnavīye jale paramapāvane

He too, greeting those tigers among sages with a smile, having lovingly bathed in the supremely purifying waters of the Ganga —

Verse 7 (shiva.kailasa.10.7)

ऋषीन्सन्तर्प्य च सुरान् पितॄंश्च तिलतण्डुलैः । तीरमागत्य सम्प्रोक्ष्य वाससी परिधाय च

ṛṣīnsantarpya ca surān pitṝṁśca tilataṇḍulaiḥ | tīramāgatya samprokṣya vāsasī paridhāya ca

having offered tarpana with sesame and rice to the sages, the gods, and the ancestors, and having come to the bank, sipped water, and put on two garments —

Verse 8 (shiva.kailasa.10.8)

द्विराचम्य समादाय भस्म सद्यादिमन्त्रतः । उद्धूलनादिक्रमतो विधार्याथ मुनीश्वरः

dvirācamya samādāya bhasma sadyādimantrataḥ | uddhūlanādikramato vidhāryātha munīśvaraḥ

having sipped water twice, taken up the sacred ash with the Sadyojata and other mantras, and applied it according to the rule of smearing, that lord of sages —

Verse 9 (shiva.kailasa.10.9)

रुद्राक्षमालाभरणः कृतनित्यक्रियः सुधी । यथोक्ताङ्गेषु विधिना त्रिपुण्ड्रं रचति स्म ह

rudrākṣamālābharaṇaḥ kṛtanityakriyaḥ sudhī | yathoktāṅgeṣu vidhinā tripuṇḍraṁ racati sma ha

adorned with a rosary of rudraksha beads, his daily rites accomplished, the wise Suta used to trace the triple-line mark on the prescribed parts of the body, according to rule.

Verse 10 (shiva.kailasa.10.10)

विश्वेश्वरमुमाकान्तं ससुतं सगणाधिपम् । पूजयामास सद्भक्त्या ह्यस्तौ नत्वा मुहुर्मुहुः

viśveśvaramumākāntaṁ sasutaṁ sagaṇādhipam | pūjayāmāsa sadbhaktyā hyastau natvā muhurmuhuḥ

He used to worship Vishveshvara, the beloved of Uma, together with his son and the lord of his attendants, with true devotion, bowing to him again and again.

Verse 11 (shiva.kailasa.10.11)

कालभैरवनाथं च सम्पूज्याथ विधानतः । प्रदक्षिणीकृत्य पुनस्त्रेधा नत्वा च पञ्चधा

kālabhairavanāthaṁ ca sampūjyātha vidhānataḥ | pradakṣiṇīkṛtya punastredhā natvā ca pañcadhā

Then, having duly worshipped Lord Kalabhairava as well, and having circumambulated him, and bowed three times and then five times —

Verse 12 (shiva.kailasa.10.12)

पुनः प्रदक्षिणीकृत्य प्रणम्य भुवि दण्डवत् । तुष्टाव परया स्तुत्या संस्मरंस्तत्पदाम्बुजम्

punaḥ pradakṣiṇīkṛtya praṇamya bhuvi daṇḍavat | tuṣṭāva parayā stutyā saṁsmaraṁstatpadāmbujam

having circumambulated again, and prostrated flat upon the ground, he would please him with the highest praise, remembering his lotus feet.

Verse 13 (shiva.kailasa.10.13)

श्रीमत्पञ्चाक्षरीं विद्यामष्टोत्तरसहस्रकम् । सञ्जप्य पुरतः स्थित्वा क्षमापय्य महेश्वरम्

śrīmatpañcākṣarīṁ vidyāmaṣṭottarasahasrakam | sañjapya purataḥ sthitvā kṣamāpayya maheśvaram

Having recited the glorious five-syllabled vidya one thousand and eight times, and standing before him, having asked Maheshvara's forgiveness —

Verse 14 (shiva.kailasa.10.14)

चण्डीशं सम्प्रपूज्याऽथ मुक्तिमण्डपमध्यतः । निर्दिष्टमासनं भेजे मुनिभिर्वेदपारगैः

caṇḍīśaṁ samprapūjyā'tha muktimaṇḍapamadhyataḥ | nirdiṣṭamāsanaṁ bheje munibhirvedapāragaiḥ

having then duly worshipped Chandisha, he would take up the seat assigned to him amid the Mukti-mandapa by the sages learned in the Veda.

Verse 15 (shiva.kailasa.10.15)

एवं स्थितेषु सर्वेषु नमस्कृत्य समन्त्रकम् । अथ प्राह मुनीन्द्राणां भाववृद्धिकरं वच

evaṁ sthiteṣu sarveṣu namaskṛtya samantrakam | atha prāha munīndrāṇāṁ bhāvavṛddhikaraṁ vaca

When all had thus taken their places, and he had bowed with the appropriate mantra, he then spoke words that increased the ardor of the foremost sages.

Verse 16 (shiva.kailasa.10.16)

सूत उवाच । धन्या यूयं महाप्राज्ञा मुनयः शंसितव्रताः । भवदर्थमिह प्राप्तोऽहं तद्वृत्तमिदं शृणु

sūta uvāca | dhanyā yūyaṁ mahāprājñā munayaḥ śaṁsitavratāḥ | bhavadarthamiha prāpto'haṁ tadvṛttamidaṁ śṛṇu

Suta said: "Blessed are you, O most wise sages of steadfast vows! I have come here for your sake alone; now hear this account."

Verse 17 (shiva.kailasa.10.17)

यदाहमुपदिश्याथ भवतः प्रणवार्थकम् । गतस्तीर्थाटनार्थाय तद्वृत्तान्तं ब्रवीमि वः

yadāhamupadiśyātha bhavataḥ praṇavārthakam | gatastīrthāṭanārthāya tadvṛttāntaṁ bravīmi vaḥ

"After I had taught you the meaning of the Pranava and set out for pilgrimage to holy places, I shall now tell you what happened thereafter."

Verse 18 (shiva.kailasa.10.18)

इतो निर्गत्य सम्प्राप्य तीरं दक्षपयोनिधेः । स्नात्वा सम्पूज्य विधिवद्देवीं कन्यामयीं शिवाम् । पुनरागत्य विप्रेन्द्राः सुवर्णमुखरीतटम्

ito nirgatya samprāpya tīraṁ dakṣapayonidheḥ | snātvā sampūjya vidhivaddevīṁ kanyāmayīṁ śivām | punarāgatya viprendrāḥ suvarṇamukharītaṭam

Setting out from here and reaching the shore of the southern ocean, having bathed and duly worshipped the goddess Shiva in her maiden form, and having returned, O foremost of brahmins, to the bank of the Suvarnamukhari river —

Verse 19 (shiva.kailasa.10.19)

श्रीकालहस्तिशैलाख्यनगरे परमाद्भुते । सुवर्णमुखरीतोये स्नात्वा देवानृषीनपि

śrīkālahastiśailākhyanagare paramādbhute | suvarṇamukharītoye snātvā devānṛṣīnapi

in the supremely wondrous city called Shri Kalahasti-shaila, having bathed in the waters of the Suvarnamukhari, and having also [honored] the gods and sages —

Verse 20 (shiva.kailasa.10.20)

सन्तर्प्य विधिवद्भक्त्या समुद्रं गिरिशं स्मरन् । समर्च्य कालहस्तीशं चन्द्रकान्तसमप्रभम्

santarpya vidhivadbhaktyā samudraṁ giriśaṁ smaran | samarcya kālahastīśaṁ candrakāntasamaprabham

having duly offered tarpana with devotion, remembering Girisha, the ocean [of compassion], and having worshipped Kalahastisha, who shines with the radiance of the moonstone —

Verse 21 (shiva.kailasa.10.21)

पश्चिमाभिमुखं पञ्चशिरसं परमाद्भुतम् । सकृद्दर्शनमात्रेण सर्वाघक्षयकारणम्

paścimābhimukhaṁ pañcaśirasaṁ paramādbhutam | sakṛddarśanamātreṇa sarvāghakṣayakāraṇam

who faces west, has five heads, is supremely wondrous, and by the mere sight of him even once, is the cause of the destruction of all sins —

Verse 22 (shiva.kailasa.10.22)

सर्वसिद्धिप्रदं भुक्तिमुक्तिदं त्रिगुणेश्वरम् । ततश्च परया भक्त्या तस्य दक्षिणगां शिवाम्

sarvasiddhipradaṁ bhuktimuktidaṁ triguṇeśvaram | tataśca parayā bhaktyā tasya dakṣiṇagāṁ śivām

who grants all accomplishments, gives both enjoyment and liberation, and is lord of the three gunas — then, with utmost devotion, [I worshipped] Shiva seated to his right —

Verse 23 (shiva.kailasa.10.23)

ज्ञानप्रसूनकलिकां समर्च्य हि जगत्प्रसूम् । श्रीमत्पञ्चाक्षरीं विद्यामष्टोत्तरसहस्रकम्

jñānaprasūnakalikāṁ samarcya hi jagatprasūm | śrīmatpañcākṣarīṁ vidyāmaṣṭottarasahasrakam

the bud of the flower of knowledge, the mother of the world, and recited the glorious five-syllabled vidya one thousand and eight times —

Verse 24 (shiva.kailasa.10.24)

जप्त्वा प्रदक्षिणीकृत्य स्तुत्वा नत्वा मुहुर्मुहुः

japtvā pradakṣiṇīkṛtya stutvā natvā muhurmuhuḥ

having recited it, circumambulated, and praised and bowed again and again.

Verse 25 (shiva.kailasa.10.25)

ततः प्रदक्षिणीकृत्य गिरिं प्रत्यहमादरात् । आमोदतीव मनसि प्रत्यहं नियमास्थितः

tataḥ pradakṣiṇīkṛtya giriṁ pratyahamādarāt | āmodatīva manasi pratyahaṁ niyamāsthitaḥ

Then, respectfully circumambulating that mountain every day, remaining fixed in my vow, I became exceedingly joyful in mind day after day.

Verse 26 (shiva.kailasa.10.26)

अनयन् चतुरो मासानेवं तत्र मुनीश्वराः । ज्ञानप्रसूनकलिकामहादेव्याः प्रसादतः

anayan caturo māsānevaṁ tatra munīśvarāḥ | jñānaprasūnakalikāmahādevyāḥ prasādataḥ

Thus the lord of sages spent four months there, by the grace of the Great Goddess Jnanaprasunakalika.

Verse 27 (shiva.kailasa.10.27)

एकदा तु समास्तीर्य चैलाजिनकुशोत्तरम् । आसनं परमं तस्मिन् स्थित्वा रुद्धेन्द्रियो मुनिः

ekadā tu samāstīrya cailājinakuśottaram | āsanaṁ paramaṁ tasmin sthitvā ruddhendriyo muniḥ

One day, having spread bark-cloth, deerskin, and kusha grass, and having sat upon that supreme seat with senses restrained, that sage —

Verse 28 (shiva.kailasa.10.28)

समाधिमास्थाय सदा परमानन्दचिद्घनः । परिपूर्णः शिवोऽस्मीति निर्व्यग्रहृदयोऽभवम्

samādhimāsthāya sadā paramānandacidghanaḥ | paripūrṇaḥ śivo'smīti nirvyagrahṛdayo'bhavam

established ever in samadhi, a mass of supreme bliss and consciousness, became free of all agitation of heart, thinking, "I am the perfect, complete Shiva."

Verse 29 (shiva.kailasa.10.29)

एतस्मिन्नेव समये मद्गुरुः करुणानिधिः । नीलजीमूतसङ्काशो विद्युत्पिङ्गजटाधरः

etasminneva samaye madguruḥ karuṇānidhiḥ | nīlajīmūtasaṅkāśo vidyutpiṅgajaṭādharaḥ

At that very moment my Guru, an ocean of compassion, dark like a blue rain-cloud, bearing tawny matted locks like lightning —

Verse 30 (shiva.kailasa.10.30)

प्रांशुः कमण्डलूदण्डकृष्णाजिनधरः स्वयम् । भस्मावदातसर्वाङ्गः सर्वलक्षणलक्षितः

prāṁśuḥ kamaṇḍalūdaṇḍakṛṣṇājinadharaḥ svayam | bhasmāvadātasarvāṅgaḥ sarvalakṣaṇalakṣitaḥ

tall of stature, himself bearing a water-pot, a staff, and a black antelope skin, his whole body radiant with sacred ash, marked with every auspicious sign —

Verse 31 (shiva.kailasa.10.31)

त्रिपुण्ड्रविलसद्भालो रुद्राक्षालङ्कृताकृतिः । पद्मपत्रारुणायामविस्तीर्णनयनद्वयः

tripuṇḍravilasadbhālo rudrākṣālaṅkṛtākṛtiḥ | padmapatrāruṇāyāmavistīrṇanayanadvayaḥ

his brow shining with the triple mark, his form adorned with rudraksha, his two eyes wide and red like lotus petals —

Verse 32 (shiva.kailasa.10.32)

प्रादुर्भूय हृदम्भोजे तदानीमेव सत्वरम् । विमोहितस्तदैवासमेतदद् भुतमास्तिकाः

prādurbhūya hṛdambhoje tadānīmeva satvaram | vimohitastadaivāsametadad bhutamāstikāḥ

appeared then and there, instantly, in the lotus of my heart. O believers, I was overcome at that moment — such a wondrous thing occurred.

Verse 33 (shiva.kailasa.10.33)

तत उन्मील्य नयने विलापं कृतवानहम् । आसीन्ममाश्रुपातश्च गिरिनिर्झरसन्निभः

tata unmīlya nayane vilāpaṁ kṛtavānaham | āsīnmamāśrupātaśca girinirjharasannibhaḥ

Then, opening my eyes, I broke into lamentation; tears streamed from my eyes like a mountain torrent.

Verse 34 (shiva.kailasa.10.34)

एतस्मिन्नेव समये श्रुता वागशरीरिणी । व्योम्नो महाद्भुता विप्रास्तामेव शृणुतादरात्

etasminneva samaye śrutā vāgaśarīriṇī | vyomno mahādbhutā viprāstāmeva śṛṇutādarāt

At that very moment a most wondrous bodiless voice was heard from the sky — O brahmins, listen to it now with reverence.

Verse 35 (shiva.kailasa.10.35)

सूतपुत्र महाभाग गच्छ वाराणसीं पुरीम् । तत्रासन्मुनयः पूर्वमुपदिष्टास्त्वयाधुना

sūtaputra mahābhāga gaccha vārāṇasīṁ purīm | tatrāsanmunayaḥ pūrvamupadiṣṭāstvayādhunā

"O greatly fortunate son of Suta, go to the city of Varanasi. There are the sages whom you formerly instructed —

Verse 36 (shiva.kailasa.10.36)

त्वदुपागमकल्याणं काङ्क्षन्ते विवशा भृशम् । तिष्ठन्ति ते निराहारा इत्युक्त्वा विरराम सा

tvadupāgamakalyāṇaṁ kāṅkṣante vivaśā bhṛśam | tiṣṭhanti te nirāhārā ityuktvā virarāma sā

they are longing intensely for the blessing of your arrival; helpless, they remain there without taking food." Having said this, the voice fell silent.

Verse 37 (shiva.kailasa.10.37)

तत उत्थाय तरसा देवं देवीं च भक्तितः । प्रदक्षिणीकृत्य पुनः प्रणम्य भुवि दण्डवत्

tata utthāya tarasā devaṁ devīṁ ca bhaktitaḥ | pradakṣiṇīkṛtya punaḥ praṇamya bhuvi daṇḍavat

Then, rising swiftly, I circumambulated the God and the Goddess with devotion, and again prostrated flat upon the ground —

Verse 38 (shiva.kailasa.10.38)

द्विषड्वारं गुरोराज्ञां विज्ञाय शिवयोरथ । क्षेत्रान्निर्गत्य तरसा चत्वारिंशद्दिनान्तरे

dviṣaḍvāraṁ gurorājñāṁ vijñāya śivayoratha | kṣetrānnirgatya tarasā catvāriṁśaddināntare

and, having understood the Guru's command twelvefold, and having swiftly departed from that field of Shiva and Shiva, within forty days —

Verse 39 (shiva.kailasa.10.39)

आगतोऽस्मि मुनिश्रेष्ठा अनुगृह्णन्तु मामिह । मया किमद्य वक्तव्यं भवन्तस्तद् ब्रुवन्तु मे

āgato'smi muniśreṣṭhā anugṛhṇantu māmiha | mayā kimadya vaktavyaṁ bhavantastad bruvantu me

I have arrived here, O foremost sages; may you show me your favor. Tell me now what I should say — speak it to me yourselves.

Verse 40 (shiva.kailasa.10.40)

इति सूतवचः श्रुत्वा ऋषयो हृष्टमानसाः । अवोचन्मुनिशार्दूलं व्यासं नत्वा मुहुर्मुहुः

iti sūtavacaḥ śrutvā ṛṣayo hṛṣṭamānasāḥ | avocanmuniśārdūlaṁ vyāsaṁ natvā muhurmuhuḥ

Hearing these words of Suta, the glad-hearted sages, bowing again and again to Vyasa, the foremost of sages, spoke.