The Description of Creation

Verse 1 (shiva.vayaviya.12.1)

वायुरुवाच । सर्गं चिन्तयतस्तस्य तदा वै बुद्धिपूर्वकम् । प्रध्यानकाले मोहस्तु प्रादुर्भूतस्तमोमयः

vāyuruvāca | sargaṁ cintayatastasya tadā vai buddhipūrvakam | pradhyānakāle mohastu prādurbhūtastamomayaḥ

Vayu said: As he was contemplating creation with deliberate intent, at the time of that deep meditation, a delusion composed of Tamas arose.

Verse 2 (shiva.vayaviya.12.2)

तमोमोहो महामोहस्तामिस्रश्चान्धसंज्ञितः । अविद्या पञ्चमी चैषा प्रादुर्भूता महात्मनः

tamomoho mahāmohastāmisraścāndhasaṁjñitaḥ | avidyā pañcamī caiṣā prādurbhūtā mahātmanaḥ

Tamo-moha, Maha-moha, Tamisra, and that called Andha -- and this fifth, Avidya -- arose in that great being.

Verse 3 (shiva.vayaviya.12.3)

पञ्चधाऽवस्थितः सर्गो ध्यायतस्त्वभिमानिनः । सर्वतस्तमसातीव बीजकुम्भवदावृतः

pañcadhā'vasthitaḥ sargo dhyāyatastvabhimāninaḥ | sarvatastamasātīva bījakumbhavadāvṛtaḥ

This fivefold creation arose from him as he meditated, full of self-conceit; it was utterly enveloped in darkness on every side, like a seed sealed within a jar.

Verse 4 (shiva.vayaviya.12.4)

बहिरन्तश्चाप्रकाशः स्तब्धो निःसंज्ञ एव च । तस्मात्तेषां वृता बुद्धिर्मुखानि करणानि च

bahirantaścāprakāśaḥ stabdho niḥsaṁjña eva ca | tasmātteṣāṁ vṛtā buddhirmukhāni karaṇāni ca

Unlit both without and within, rigid, and devoid of consciousness -- therefore their intellect, their openings, and their organs too remained enveloped.

Verse 5 (shiva.vayaviya.12.5)

तस्मात्ते संवृतात्मानो नगा मुख्याः प्रकीर्तिताः । तं दृष्ट्वासाधकं ब्रह्मा प्रथमं सर्गमीदृशम्

tasmātte saṁvṛtātmāno nagā mukhyāḥ prakīrtitāḥ | taṁ dṛṣṭvāsādhakaṁ brahmā prathamaṁ sargamīdṛśam

Thus, being enveloped by their very nature, they are proclaimed as the 'Mukhya' creation, the immovable beings. Seeing that this first creation was unsatisfactory, Brahma --

Verse 6 (shiva.vayaviya.12.6)

अप्रसन्नमना भूत्वा द्वितीयं सोऽभ्यमन्यत । तस्याभिधायतः सर्गं तिर्य्यक्स्रोतोऽभ्यवर्त्तत

aprasannamanā bhūtvā dvitīyaṁ so'bhyamanyata | tasyābhidhāyataḥ sargaṁ tiryyaksroto'bhyavarttata

-- becoming displeased in mind, resolved upon a second creation. As he meditated upon it, the horizontal-flowing creation of the animals came about.

Verse 7 (shiva.vayaviya.12.7)

अन्तःप्रकाशास्तिर्य्यञ्च आवृताश्च बहिः पुनः । पश्वात्मानस्ततो जाता उत्पथग्राहिणश्च ते

antaḥprakāśāstiryyañca āvṛtāśca bahiḥ punaḥ | paśvātmānastato jātā utpathagrāhiṇaśca te

Luminous within, but the horizontal beings were again enveloped without; thus were born beings of animal nature, given to wayward paths.

Verse 8 (shiva.vayaviya.12.8)

तमप्यसाधकं ज्ञात्वा सर्गमन्यममन्यत । तदोर्ध्वस्रोतसो वृत्तो देवसर्गस्तु सात्त्विकः

tamapyasādhakaṁ jñātvā sargamanyamamanyata | tadordhvasrotaso vṛtto devasargastu sāttvikaḥ

Knowing that this too was unsatisfactory, he resolved upon another creation. Then arose the upward-flowing creation of the gods, which was Sattvic.

Verse 9 (shiva.vayaviya.12.9)

ते सुखप्रीतिबहुला बहिरन्तश्च नावृताः । प्रकाशा बहिरन्तश्च स्वभावादेव संज्ञिताः

te sukhaprītibahulā bahirantaśca nāvṛtāḥ | prakāśā bahirantaśca svabhāvādeva saṁjñitāḥ

They were abundant in happiness and delight, unobstructed both within and without, luminous both within and without -- known by their very nature as such.

Verse 10 (shiva.vayaviya.12.10)

ततोऽभिध्यायतोऽव्यक्तादर्वाक्स्रोतस्तु साधकः । मनुष्यनामा सञ्जातः सर्गो दुःखसमुत्कटः

tato'bhidhyāyato'vyaktādarvāksrotastu sādhakaḥ | manuṣyanāmā sañjātaḥ sargo duḥkhasamutkaṭaḥ

Then, as he meditated further, from the Unmanifest arose the effective downward-flowing creation, called by the name 'Manushya' (human), a creation abounding in suffering.

Verse 11 (shiva.vayaviya.12.11)

प्रकाशा बहिरन्तस्ते तमोद्रिक्ता रजोऽधिकाः । पञ्चमोऽनुग्रहः सर्गश्चतुर्धा संव्यवस्थितः

prakāśā bahirantaste tamodriktā rajo'dhikāḥ | pañcamo'nugrahaḥ sargaścaturdhā saṁvyavasthitaḥ

They were luminous within and without, yet predominant in Tamas, with abundant Rajas. The fifth creation, called Anugraha, is fourfold.

Verse 12 (shiva.vayaviya.12.12)

विपर्य्येण शक्त्या च तुष्ट्या सिद्ध्या तथैव च । तेऽपरिग्राहिणः सर्वे संविभागरताः पुनः

viparyyeṇa śaktyā ca tuṣṭyā siddhyā tathaiva ca | te'parigrāhiṇaḥ sarve saṁvibhāgaratāḥ punaḥ

Viparyaya, Shakti, Tushti, and Siddhi -- these are its four divisions. All these beings, possessing nothing, delight again in mutual sharing.

Verse 13 (shiva.vayaviya.12.13)

खादनाश्चाप्यशीलाश्च भूताद्याः परिकीर्तिताः । प्रथमो महतः सर्गो ब्रह्मणः परमेष्ठिनः

khādanāścāpyaśīlāśca bhūtādyāḥ parikīrtitāḥ | prathamo mahataḥ sargo brahmaṇaḥ parameṣṭhinaḥ

Devourers and the ill-natured Bhutas and the like are also reckoned here. The first creation of Brahma the Supreme is that of the Mahat principle.

Verse 14 (shiva.vayaviya.12.14)

तन्मात्राणां द्वितीयस्तु भूतसर्गः स उच्यते । वैकारिकस्तृतीयस्तु सर्ग ऐन्द्रियकः स्मृतः

tanmātrāṇāṁ dvitīyastu bhūtasargaḥ sa ucyate | vaikārikastṛtīyastu sarga aindriyakaḥ smṛtaḥ

The second is the creation of the Tanmatras, called the Bhuta-creation. The third is the Vaikarika creation, remembered as the creation of the senses.

Verse 15 (shiva.vayaviya.12.15)

इत्येष प्रकृतेः सर्गः सम्भृतोऽबुद्धिपूर्वकः । मुख्यसर्गश्चतुर्थस्तु मुख्या वै स्थावराः स्मृताः

ityeṣa prakṛteḥ sargaḥ sambhṛto'buddhipūrvakaḥ | mukhyasargaścaturthastu mukhyā vai sthāvarāḥ smṛtāḥ

This is the creation of Prakriti, accomplished without deliberate forethought. The fourth is the Mukhya creation -- under it, the immovable beings are reckoned.

Verse 16 (shiva.vayaviya.12.16)

तिर्य्यक्स्रोतस्तु यः प्रोक्तस्तिर्यग्योनिः स पञ्चमः । तदूर्ध्वस्रोतसः षष्ठो देवसर्गस्तु स स्मृतः

tiryyaksrotastu yaḥ proktastiryagyoniḥ sa pañcamaḥ | tadūrdhvasrotasaḥ ṣaṣṭho devasargastu sa smṛtaḥ

That which is called Tiryak-srotas is the fifth -- the animal species. The sixth is Urdhva-srotas, remembered as the creation of the gods.

Verse 17 (shiva.vayaviya.12.17)

ततोऽर्वाक् स्रोतसां सर्गः सप्तमः स तु मानुषः । अष्टमोऽनुग्रहः सर्गः कौमारो नवमः स्मृतः

tato'rvāk srotasāṁ sargaḥ saptamaḥ sa tu mānuṣaḥ | aṣṭamo'nugrahaḥ sargaḥ kaumāro navamaḥ smṛtaḥ

Then the creation of Arvak-srotas is the seventh, that being the human creation. The eighth is the Anugraha creation; the ninth is called the Kaumara creation.

Verse 18 (shiva.vayaviya.12.18)

प्राकृताश्च त्रयः पूर्वे सर्गास्तेऽबुद्धिपूर्वकाः । बुद्धिपूर्वं प्रवर्त्तन्ते मुख्याद्याः पञ्च वैकृताः

prākṛtāśca trayaḥ pūrve sargāste'buddhipūrvakāḥ | buddhipūrvaṁ pravarttante mukhyādyāḥ pañca vaikṛtāḥ

The first three creations are Prakrita, occurring without deliberate forethought. The five beginning with Mukhya, the Vaikrita creations, proceed through deliberate intent.

Verse 19 (shiva.vayaviya.12.19)

अग्रे ससर्ज वै ब्रह्मा मानसानात्मनः समान् । सनन्दं सनकं चैव विद्वांसञ्च सनातनम्

agre sasarja vai brahmā mānasānātmanaḥ samān | sanandaṁ sanakaṁ caiva vidvāṁsañca sanātanam

In the beginning, Brahma created, mind-born, sons equal to himself -- Sananda, Sanaka, learned Sanatana,

Verse 20 (shiva.vayaviya.12.20)

ऋभुं सनत्कुमारं च पूर्वमेव प्रजापतिः । सर्वे ते योगिनो ज्ञेया वीतरागा विमत्सराः

ṛbhuṁ sanatkumāraṁ ca pūrvameva prajāpatiḥ | sarve te yogino jñeyā vītarāgā vimatsarāḥ

-- and Ribhu and Sanatkumara, created first of all by Prajapati. All of them are to be known as yogis, free from passion, free from envy.

Verse 21 (shiva.vayaviya.12.21)

ईश्वरासक्तमनसो न चक्रुः सृष्टये मतिम् । तेषु सृष्ट्यनपेक्षेषु गतेषु सनकादिषु

īśvarāsaktamanaso na cakruḥ sṛṣṭaye matim | teṣu sṛṣṭyanapekṣeṣu gateṣu sanakādiṣu

With their minds attached only to the Supreme Lord, they gave no thought to creation. When Sanaka and the others, indifferent to creation, had gone their way,

Verse 22 (shiva.vayaviya.12.22)

स्रष्टुकामः पुनर्ब्रह्मा तताप परमं तपः । तस्यैवं तप्यमानस्य न किञ्चित्समवर्त्तत

sraṣṭukāmaḥ punarbrahmā tatāpa paramaṁ tapaḥ | tasyaivaṁ tapyamānasya na kiñcitsamavarttata

-- Brahma, desiring to create again, performed supreme austerity. But even as he practiced such austerity, nothing at all came about.

Verse 23 (shiva.vayaviya.12.23)

ततो दीर्घेण कालेन दुःखात्क्रोधो व्यजायत । क्रोधाविष्टस्य नेत्राभ्यां प्रापतन्नश्रुबिन्दवः

tato dīrgheṇa kālena duḥkhātkrodho vyajāyata | krodhāviṣṭasya netrābhyāṁ prāpatannaśrubindavaḥ

Then, after a long time, out of his sorrow, anger was born; and from the eyes of him who was overcome with anger, tear-drops fell.

Verse 24 (shiva.vayaviya.12.24)

ततस्तेभ्योऽश्रुबिन्दुभ्यो भूताः प्रेतास्तदाभवन् । सर्वांस्तानश्रुजान्दृष्ट्वा ब्रह्मात्मानमनिन्दत

tatastebhyo'śrubindubhyo bhūtāḥ pretāstadābhavan | sarvāṁstānaśrujāndṛṣṭvā brahmātmānamanindata

From those tear-drops, Bhutas and Pretas then came into being. Seeing all of those beings born of his own tears, Brahma reproached himself.

Verse 25 (shiva.vayaviya.12.25)

तस्य तीव्राऽभवन्मूर्छा क्रोधामर्षसमुद्भवा । मूर्च्छितस्तु जहौ प्राणान्क्रोधाविष्टः प्रजापतिः

tasya tīvrā'bhavanmūrchā krodhāmarṣasamudbhavā | mūrcchitastu jahau prāṇānkrodhāviṣṭaḥ prajāpatiḥ

A violent swoon, born of anger and indignation, overcame him; and, having swooned, Prajapati, overwhelmed by anger, gave up his life-breaths.

Verse 26 (shiva.vayaviya.12.26)

ततः प्राणेश्वरो रुद्रो भगवान्नीललोहितः । प्रसादमतुलं कर्त्तुं प्रादुरासीत्प्रभोर्मुखात्

tataḥ prāṇeśvaro rudro bhagavānnīlalohitaḥ | prasādamatulaṁ karttuṁ prādurāsītprabhormukhāt

Then Rudra, Lord of the vital breaths, the blessed one of the blue-red hue, in order to bestow unequaled grace, manifested from the mouth of the Lord.

Verse 27 (shiva.vayaviya.12.27)

दशधा चैकधा चक्रे स्वात्मानं प्रभुरीश्वरः । ते तेनोक्ता महात्मानो दशधा चैकधा कृताः

daśadhā caikadhā cakre svātmānaṁ prabhurīśvaraḥ | te tenoktā mahātmāno daśadhā caikadhā kṛtāḥ

The mighty Lord made himself both tenfold and one; and to those great souls, thus made tenfold-and-one, he spoke:

Verse 28 (shiva.vayaviya.12.28)

यूयं सृष्टा मया वत्सा लोकानुग्रहकारणात् । तस्मात्सर्वस्य लोकस्य स्थापनाय हिताय च

yūyaṁ sṛṣṭā mayā vatsā lokānugrahakāraṇāt | tasmātsarvasya lokasya sthāpanāya hitāya ca

'You have been created by me, O children, for the sake of favoring the worlds. Therefore, for the establishment and welfare of the entire world,

Verse 29 (shiva.vayaviya.12.29)

प्रजासन्तानहेतोश्च प्रयतध्वमतन्द्रिताः । एवमुक्ताश्च रुरुदुर्दुद्रुवुश्च समन्ततः

prajāsantānahetośca prayatadhvamatandritāḥ | evamuktāśca rurudurdudruvuśca samantataḥ

'and for the continuity of progeny, strive without slackening.' Thus addressed, they wept, and ran about in every direction.

Verse 30 (shiva.vayaviya.12.30)

रोदनाद् द्रावणाच्चैव ते रुद्रा नामतः स्मृताः । येरुद्रास्ते खलु प्राणा ये प्राणास्ते महात्मकाः

rodanād drāvaṇāccaiva te rudrā nāmataḥ smṛtāḥ | yerudrāste khalu prāṇā ye prāṇāste mahātmakāḥ

Because of their weeping and their running, they are known by the name 'Rudra'. Those who are Rudras are indeed the vital breaths; and those who are the vital breaths are the great souls.

Verse 31 (shiva.vayaviya.12.31)

ततो मृतस्य देवस्य ब्रह्मणः परमेष्ठिनः । घृणी ददौ पुनः प्राणान् ब्रह्मपुत्रो महेश्वरः

tato mṛtasya devasya brahmaṇaḥ parameṣṭhinaḥ | ghṛṇī dadau punaḥ prāṇān brahmaputro maheśvaraḥ

Then, to the deceased god, Brahma the Supreme, the compassionate Maheshvara, who himself had come as his son, restored his life-breaths once more.

Verse 32 (shiva.vayaviya.12.32)

प्रहृष्टवदनो रुद्रः प्राणप्रत्यागमाद्विभोः । अभ्यभाषत विश्वेशो ब्रह्माणं परमं वचः

prahṛṣṭavadano rudraḥ prāṇapratyāgamādvibhoḥ | abhyabhāṣata viśveśo brahmāṇaṁ paramaṁ vacaḥ

Rudra, the Lord of the universe, his face joyful at the return of the mighty one's life-breaths, spoke these supreme words to Brahma --

Verse 33 (shiva.vayaviya.12.33)

मा भैर्माभैर्महाभाग विरिञ्चे जगतां गुरो । मया ते प्राणिताः प्राणाः सुखमुत्तिष्ठ सुव्रत

mā bhairmābhairmahābhāga viriñce jagatāṁ guro | mayā te prāṇitāḥ prāṇāḥ sukhamuttiṣṭha suvrata

'Fear not, fear not, O greatly fortunate Virinchi, Teacher of the worlds! Your life-breaths have been restored by me. Arise happily, O one of good vows.'

Verse 34 (shiva.vayaviya.12.34)

स्वप्नानुभूतमिव तच्छ्रुत्वा वाक्यं मनोहरम् । हरं निरीक्ष्य शनकैर्नेत्रैः फुल्लाम्बुजप्रभैः

svapnānubhūtamiva tacchrutvā vākyaṁ manoharam | haraṁ nirīkṣya śanakairnetraiḥ phullāmbujaprabhaiḥ

Hearing that enchanting speech, as though experienced in a dream, and gazing slowly upon Hara with eyes like blooming lotuses,

Verse 35 (shiva.vayaviya.12.35)

तथा प्रत्यागतप्राणः स्निग्धगम्भीरया गिरा । उवाच वचनं ब्रह्मा तमुद्दिश्य कृताञ्जलिः

tathā pratyāgataprāṇaḥ snigdhagambhīrayā girā | uvāca vacanaṁ brahmā tamuddiśya kṛtāñjaliḥ

thus, with his life-breaths restored, Brahma, with palms folded, addressing him, spoke in a gentle, deep voice --

Verse 36 (shiva.vayaviya.12.36)

त्वं हि दर्शनमात्रेण चानन्दयसि मे मनः । को भवान् विश्वमूर्त्या वा स्थित एकादशात्मकः

tvaṁ hi darśanamātreṇa cānandayasi me manaḥ | ko bhavān viśvamūrtyā vā sthita ekādaśātmakaḥ

'By the mere sight of you, my mind is filled with joy. Who are you, who stand as the very form of the universe, of elevenfold nature?'

Verse 37 (shiva.vayaviya.12.37)

तस्य तद्वचनं श्रुत्वा व्याजहार महेश्वरः । स्पृशन् कराभ्यां ब्रह्माणं सुसुखाभ्यां सुरेश्वरः

tasya tadvacanaṁ śrutvā vyājahāra maheśvaraḥ | spṛśan karābhyāṁ brahmāṇaṁ susukhābhyāṁ sureśvaraḥ

Hearing his words, Maheshvara, the Lord of the gods, touching Brahma with his two hands, most soothing to the touch, spoke --

Verse 38 (shiva.vayaviya.12.38)

मां विद्धि परमात्मानं तव पुत्रत्वमागतम् । एते चैकादश रुद्रास्त्वां सुरक्षितुमागताः

māṁ viddhi paramātmānaṁ tava putratvamāgatam | ete caikādaśa rudrāstvāṁ surakṣitumāgatāḥ

'Know me to be the Supreme Self, who has come to you in the guise of a son. And these eleven Rudras have come to protect you well.'

Verse 39 (shiva.vayaviya.12.39)

तस्मात्तीव्रामिमां मूर्च्छां विधूय मदनुग्रहात् । प्रबुद्धस्व यथापूर्वं प्रजा वै स्रष्टुमर्हसि

tasmāttīvrāmimāṁ mūrcchāṁ vidhūya madanugrahāt | prabuddhasva yathāpūrvaṁ prajā vai sraṣṭumarhasi

'Therefore, shaking off this violent swoon by my grace, awaken as before; you are indeed fit to bring forth progeny.'

Verse 40 (shiva.vayaviya.12.40)

एवं भगवता प्रोक्तो ब्रह्मा प्रीतमना ह्यभूत् । नामाष्टकेन विश्वात्मा तुष्टाव परमेश्वरम्

evaṁ bhagavatā prokto brahmā prītamanā hyabhūt | nāmāṣṭakena viśvātmā tuṣṭāva parameśvaram

Thus addressed by the Blessed Lord, Brahma became glad at heart; the Soul of the universe praised the Supreme Lord with eight names.

Verse 41 (shiva.vayaviya.12.41)

ब्रह्मोवाच । नमस्ते भगवन् रुद्र भास्करामिततेजसे । नमो भवाय देवाय रसायाम्बुमयात्मने । शर्वाय क्षितिरूपाय सदासुरभये नमः

brahmovāca | namaste bhagavan rudra bhāskarāmitatejase | namo bhavāya devāya rasāyāmbumayātmane | śarvāya kṣitirūpāya sadāsurabhaye namaḥ

Brahma said: Salutation to you, blessed Rudra, of the immeasurable radiance of the sun! Salutation to Bhava, the god whose self is composed of essence and water! Salutation to Sharva, whose form is the earth, ever a terror to the demons!

Verse 42 (shiva.vayaviya.12.42)

ईशाय वसवे तुभ्यं नमः स्पर्शमयात्मने । पशूनां पतये चैव पावकायातितेजसे । भीमाय व्योमरूपाय शब्दमात्राय ते नमः

īśāya vasave tubhyaṁ namaḥ sparśamayātmane | paśūnāṁ pataye caiva pāvakāyātitejase | bhīmāya vyomarūpāya śabdamātrāya te namaḥ

Salutation to you, Isha, the Vasu, whose self is composed of touch! And to the Lord of creatures, to Pavaka, of exceeding radiance! Salutation to you, Bhima, whose form is the sky, of the nature of pure sound!

Verse 43 (shiva.vayaviya.12.43)

उग्रायोग्रस्वरूपाय यजमानात्मने नमः । महाशिवाय सोमाय नमोऽस्त्वमृतमूर्तये

ugrāyograsvarūpāya yajamānātmane namaḥ | mahāśivāya somāya namo'stvamṛtamūrtaye

Salutation to Ugra, of fierce form, whose self is the sacrificer! Salutation to Mahashiva, to Soma, whose very form is immortality!

Verse 44 (shiva.vayaviya.12.44)

एवं स्तुत्वा महादेवं ब्रह्मा लोकपितामहः । प्रार्थयामास विश्वेशं गिरा प्रणतिपूर्वया

evaṁ stutvā mahādevaṁ brahmā lokapitāmahaḥ | prārthayāmāsa viśveśaṁ girā praṇatipūrvayā

Having thus praised Mahadeva, Brahma, the grandfather of the worlds, entreated the Lord of the universe with words preceded by reverent bowing --

Verse 45 (shiva.vayaviya.12.45)

भगवन् भूतभव्येश मम पुत्र महेश्वर । सृष्टिहेतोस्त्वमुत्पन्नो ममाङ्गेऽनङ्गनाशन

bhagavan bhūtabhavyeśa mama putra maheśvara | sṛṣṭihetostvamutpanno mamāṅge'naṅganāśana

'O blessed one, Lord of what has been and what shall be, my son, Maheshvara, Destroyer of Kama! You were born from my body for the sake of creation.'

Verse 46 (shiva.vayaviya.12.46)

तस्मान्महति कार्येऽस्मिन् व्यापृतस्य जगत्प्रभो । सहायं कुरु सर्वत्र स्रष्टुमर्हसि सुप्रजाः

tasmānmahati kārye'smin vyāpṛtasya jagatprabho | sahāyaṁ kuru sarvatra sraṣṭumarhasi suprajāḥ

'Therefore, O Lord of the world, as I am engaged in this great task, be my helper in every way; you are able to bring forth good progeny.'

Verse 47 (shiva.vayaviya.12.47)

तेनैवं प्रार्थितो देवो रुद्रस्त्रिपुरमर्दनः । बाढमित्येव तां वाणीं प्रतिजग्राह शङ्करः

tenaivaṁ prārthito devo rudrastripuramardanaḥ | bāḍhamityeva tāṁ vāṇīṁ pratijagrāha śaṅkaraḥ

Thus entreated, the god Rudra, the Destroyer of Tripura, Shankara, accepted that request with the single word, 'So be it.'

Verse 48 (shiva.vayaviya.12.48)

ततः स भगवान् ब्रह्मा हृष्टं तमभिनन्द्य च । स्रष्टुं तेनाभ्यनुज्ञातस्तथान्याश्चासृजत्प्रजाः

tataḥ sa bhagavān brahmā hṛṣṭaṁ tamabhinandya ca | sraṣṭuṁ tenābhyanujñātastathānyāścāsṛjatprajāḥ

Then the blessed Brahma, rejoicing, and having honored him, being thus permitted by him, brought forth other kinds of progeny as well.

Verse 49 (shiva.vayaviya.12.49)

मरीचिभृग्वङ्गिरसः पुलस्त्यं पुलहं क्रतुम् । दक्षमत्रिं वसिष्ठं च सोऽसृजन्मनसैव च । पुरस्तादसृजद् ब्रह्मा धर्मं सङ्कल्पमेव च

marīcibhṛgvaṅgirasaḥ pulastyaṁ pulahaṁ kratum | dakṣamatriṁ vasiṣṭhaṁ ca so'sṛjanmanasaiva ca | purastādasṛjad brahmā dharmaṁ saṅkalpameva ca

Marichi, Bhrigu, Angiras, Pulastya, Pulaha, Kratu, Daksha, Atri, and Vasishtha -- these he created by mind alone. Before that, Brahma had created Dharma and Sankalpa as well.

Verse 50 (shiva.vayaviya.12.50)

इत्येते ब्रह्मणः पुत्रा द्वादशादौ प्रकीर्तिताः । सह रुद्रेण सम्भूताः पुराणा गृहमेधिनः

ityete brahmaṇaḥ putrā dvādaśādau prakīrtitāḥ | saha rudreṇa sambhūtāḥ purāṇā gṛhamedhinaḥ

Thus these are proclaimed as the twelve sons of Brahma from the beginning, born together with Rudra, ancient householder sages.

Verse 51 (shiva.vayaviya.12.51)

तेषां द्वादश वंशाः स्युर्दिव्या देवगणान्विताः । प्रजावन्तः क्रियावन्तो महर्षिभिरलङ्कृताः

teṣāṁ dvādaśa vaṁśāḥ syurdivyā devagaṇānvitāḥ | prajāvantaḥ kriyāvanto maharṣibhiralaṅkṛtāḥ

From them arose twelve divine lineages, accompanied by hosts of gods, rich in progeny, active in ritual observance, adorned by great sages.

Verse 52 (shiva.vayaviya.12.52)

अथ देवासुरान् पितृन् मनुष्यांश्च चतुष्टयम् । सह रुद्रेण सिसृक्षुरम्भस्येतानि वै विधिः

atha devāsurān pitṛn manuṣyāṁśca catuṣṭayam | saha rudreṇa sisṛkṣurambhasyetāni vai vidhiḥ

Then, desiring to create the four -- gods, demons, ancestors, and humans -- together with Rudra, Vidhi undertook this amid the waters.

Verse 53 (shiva.vayaviya.12.53)

स सृष्ट्यर्थं समाधाय ब्रह्मात्मानमयूयुजत् । मुखादजनयद्देवान् पितॄंश्चैवोपपक्षतः

sa sṛṣṭyarthaṁ samādhāya brahmātmānamayūyujat | mukhādajanayaddevān pitṝṁścaivopapakṣataḥ

For the sake of creation, having composed himself in concentration, Brahma joined himself to the task; from his mouth he generated the gods, and from his flanks the ancestors.

Verse 54 (shiva.vayaviya.12.54)

जघनादसुरान् सर्वान् प्रजनादपि मानुषान् । अवस्करे क्षुधाविष्टा राक्षसास्तस्य जज्ञिरे

jaghanādasurān sarvān prajanādapi mānuṣān | avaskare kṣudhāviṣṭā rākṣasāstasya jajñire

From his hips he generated all the demons; and from his organ of generation, humans. Hunger-driven Rakshasas were born of him from his excretory organ.

Verse 55 (shiva.vayaviya.12.55)

पुत्रास्तमोरजःप्राया बलिनस्ते निशाचराः । सर्पा यक्षास्तथा भूता गन्धर्वाः सम्प्रजज्ञिरे

putrāstamorajaḥprāyā balinaste niśācarāḥ | sarpā yakṣāstathā bhūtā gandharvāḥ samprajajñire

Those sons, predominantly of Tamas and Rajas, mighty, were the night-wanderers. Serpents, Yakshas, and likewise Bhutas and Gandharvas, were also born of him.

Verse 56 (shiva.vayaviya.12.56)

वयांसि पक्षतः सृष्टाः पक्षिणो वक्षसोऽसृजत् । मुखतोऽजांस्तथा पार्श्वादुरगांश्च विनिर्ममे

vayāṁsi pakṣataḥ sṛṣṭāḥ pakṣiṇo vakṣaso'sṛjat | mukhato'jāṁstathā pārśvāduragāṁśca vinirmame

Birds were created from his flanks; from his chest he created winged birds. From his mouth he created goats, and from his side he fashioned serpents.

Verse 57 (shiva.vayaviya.12.57)

पद्भ्यां चाश्वान्समातङ्गान् शरभान् गवयान् मृगान् । उष्ट्रानश्वतरांश्चैव न्यङ्कूनन्याश्च जातयः

padbhyāṁ cāśvānsamātaṅgān śarabhān gavayān mṛgān | uṣṭrānaśvatarāṁścaiva nyaṅkūnanyāśca jātayaḥ

From his feet he created horses together with elephants, Sharabhas, Gavayas, deer, camels, mules, Nyankus, and other species.

Verse 58 (shiva.vayaviya.12.58)

औषध्यः फलमूलानि रोमभ्यस्तस्य जज्ञिरे । गायत्रीं च ऋचं चैव त्रिवृत्साम रथन्तरम्

auṣadhyaḥ phalamūlāni romabhyastasya jajñire | gāyatrīṁ ca ṛcaṁ caiva trivṛtsāma rathantaram

Herbs, fruits, and roots were born from his body-hairs. The Gayatri meter, the Rig verses, the Trivrit Saman, and the Rathantara --

Verse 59 (shiva.vayaviya.12.59)

अग्निष्टोमं च यज्ञानां निर्ममे प्रथमान्मुखात् । यजूंषि त्रैष्टुभं छन्दः स्तोमं पञ्चदशं तथा

agniṣṭomaṁ ca yajñānāṁ nirmame prathamānmukhāt | yajūṁṣi traiṣṭubhaṁ chandaḥ stomaṁ pañcadaśaṁ tathā

-- and the Agnishtoma among the sacrifices, he fashioned from his eastern mouth. The Yajus verses, the Trishtubh meter, and the fifteenfold Stoma --

Verse 60 (shiva.vayaviya.12.60)

बृहत्साम तथोक्थं च दक्षिणादसृजन्मुखात् । सामानि जगतीछन्दः स्तोमं सप्तदशं तथा

bṛhatsāma tathokthaṁ ca dakṣiṇādasṛjanmukhāt | sāmāni jagatīchandaḥ stomaṁ saptadaśaṁ tathā

-- and the Brihat Saman, and the Uktha, he created from his southern mouth. The Saman verses, the Jagati meter, and the seventeenfold Stoma --

Verse 61 (shiva.vayaviya.12.61)

वैरूप्यमतिरात्रं च पश्चिमादसृजन् मुखात् । एकविंशमथर्वाणमाप्तोर्यामाणमेव च

vairūpyamatirātraṁ ca paścimādasṛjan mukhāt | ekaviṁśamatharvāṇamāptoryāmāṇameva ca

-- and Vairupya, and the Atiratra rite, he created from his western mouth. The twenty-onefold Stoma, the Atharva-veda, and the Aptoryama --

Verse 62 (shiva.vayaviya.12.62)

अनुष्टुभं स वैराजमुत्तरादसृजन्मुखात् । उच्चावचानि भूतानि गात्रेभ्यस्तस्य जज्ञिरे

anuṣṭubhaṁ sa vairājamuttarādasṛjanmukhāt | uccāvacāni bhūtāni gātrebhyastasya jajñire

-- and the Anushtubh, and the Vairaja Saman, he created from his northern mouth. High and low beings of every kind were born from his other limbs.

Verse 63 (shiva.vayaviya.12.63)

यक्षाः पिशाचा गन्धर्वास्तथैवाप्सरसां गणाः । नरकिन्नररक्षांसि वयःपशुमृगोरगाः

yakṣāḥ piśācā gandharvāstathaivāpsarasāṁ gaṇāḥ | narakinnararakṣāṁsi vayaḥpaśumṛgoragāḥ

Yakshas, Pishachas, Gandharvas, and the hosts of Apsarases; men, Kinnaras, Rakshasas; birds, cattle, deer, and serpents --

Verse 64 (shiva.vayaviya.12.64)

अव्ययं चैव यदिदं जगत् स्थावरजङ्गमम् । तेषां वै यानि कर्माणि प्राक्सृष्टानि प्रपेदिरे

avyayaṁ caiva yadidaṁ jagat sthāvarajaṅgamam | teṣāṁ vai yāni karmāṇi prāksṛṣṭāni prapedire

-- and this imperishable universe, moving and unmoving, came forth. Whatever actions had been ordained for them in the previous creation, those very beings resorted to once more.

Verse 65 (shiva.vayaviya.12.65)

तान्येव ते प्रपद्यन्ते सृज्यमानाः पुनः पुनः । हिंस्राहिंस्रे मृदु क्रूरे धर्माधर्मावृतानृते

tānyeva te prapadyante sṛjyamānāḥ punaḥ punaḥ | hiṁsrāhiṁsre mṛdu krūre dharmādharmāvṛtānṛte

They adopt those very same natures each time they are created again -- harmful and harmless, gentle and cruel, righteous and unrighteous, truthful and false.

Verse 66 (shiva.vayaviya.12.66)

तद्भाविताः प्रपद्यन्ते तस्मात्तत्तस्य रोचते । महाभूतेषु नानात्वमिन्द्रियार्थेषु मुक्तिषु

tadbhāvitāḥ prapadyante tasmāttattasya rocate | mahābhūteṣu nānātvamindriyārtheṣu muktiṣu

Habituated to that from before, they take to it again; therefore that particular disposition is pleasing to each of them. Thus arises diversity among the great elements, the objects of the senses, and the paths to liberation.

Verse 67 (shiva.vayaviya.12.67)

विनियोगं च भूतानां धातैव व्यदधत्स्वयम् । नामरूपं च भूतानां प्राकृतानां प्रपञ्चनम्

viniyogaṁ ca bhūtānāṁ dhātaiva vyadadhatsvayam | nāmarūpaṁ ca bhūtānāṁ prākṛtānāṁ prapañcanam

And the proper function of all beings, the Ordainer himself assigned; and likewise the name and form of the beings sprung from Prakriti, as an unfolding of what belongs to Nature.

Verse 68 (shiva.vayaviya.12.68)

वेदशब्देभ्य एवादौ निर्ममेऽसौ पितामहः । आर्षाणि चैव नामानि याश्च वेदेषु वृत्तयः

vedaśabdebhya evādau nirmame'sau pitāmahaḥ | ārṣāṇi caiva nāmāni yāśca vedeṣu vṛttayaḥ

From the very words of the Veda, in the beginning, that Grandsire fashioned the names of the sages, and the ritual procedures found within the Vedas.

Verse 69 (shiva.vayaviya.12.69)

शर्वर्य्यन्ते प्रसूतानां तान्येवैभ्यो ददावजः । यथर्तावृतुलिङ्गानि नानारूपाणि पर्य्यये

śarvaryyante prasūtānāṁ tānyevaibhyo dadāvajaḥ | yathartāvṛtuliṅgāni nānārūpāṇi paryyaye

To those born at the end of that cosmic night, the Unborn One gave those very same names and functions once more -- just as, season by season, in their recurrence, the varied forms that mark each season reappear.

Verse 70 (shiva.vayaviya.12.70)

दृश्यन्ते तानि तान्येव तथा भावा युगादिषु । इत्येष करणोद्भूतो लोकसर्गः स्वयम्भुवः

dṛśyante tāni tānyeva tathā bhāvā yugādiṣu | ityeṣa karaṇodbhūto lokasargaḥ svayambhuvaḥ

Those very same phenomena are seen again and again; and the same states of being recur at the beginning of each Yuga. Thus is this creation of the world, born through instrumental causes, the creation of the Self-born.

Verse 71 (shiva.vayaviya.12.71)

महदाद्यो विशेषान्तो विकारः प्रकृतेः स्वयम् । चन्द्रसूर्यप्रभाजुष्टो ग्रहनक्षत्रमण्डितः

mahadādyo viśeṣānto vikāraḥ prakṛteḥ svayam | candrasūryaprabhājuṣṭo grahanakṣatramaṇḍitaḥ

This modification of Prakriti, extending from Mahat down to the specific gross elements, endowed with the radiance of the moon and sun, adorned with planets and stars,

Verse 72 (shiva.vayaviya.12.72)

नदीभिश्च समुद्रैश्च पर्वतैश्च स मण्डितः । परैश्च विविधै रम्यैः स्फीतैर्जनपदैस्तथा

nadībhiśca samudraiśca parvataiśca sa maṇḍitaḥ | paraiśca vividhai ramyaiḥ sphītairjanapadaistathā

adorned as well with rivers, oceans, and mountains, and with various other lovely and flourishing inhabited lands.

Verse 73 (shiva.vayaviya.12.73)

तस्मिन् ब्रह्मवनेऽव्यक्तो ब्रह्मा चरति सर्ववित् । अव्यक्तबीजप्रभव ईश्वरानुग्रहे स्थितः

tasmin brahmavane'vyakto brahmā carati sarvavit | avyaktabījaprabhava īśvarānugrahe sthitaḥ

In this forest of Brahman, the unmanifest, all-knowing Brahma wanders, sprung from the unmanifest seed, established in the grace of the Lord.

Verse 74 (shiva.vayaviya.12.74)

बुद्धिस्कन्धमहाशाख इन्द्रियान्तरकोटरः । महाभूतप्रमाणश्च विशेषामलपल्लवः

buddhiskandhamahāśākha indriyāntarakoṭaraḥ | mahābhūtapramāṇaśca viśeṣāmalapallavaḥ

This tree has Buddhi as its great branches, the senses as the hollows within them, the great elements as its measure, and the specific gross elements as its pure sprouts,

Verse 75 (shiva.vayaviya.12.75)

धर्माधर्मसुपुष्पाढ्यः सुखदुःखफलोदयः । आजीव्यः सर्वभूतानां ब्रह्मवृक्षः सनातनः

dharmādharmasupuṣpāḍhyaḥ sukhaduḥkhaphalodayaḥ | ājīvyaḥ sarvabhūtānāṁ brahmavṛkṣaḥ sanātanaḥ

richly flowered with Dharma and Adharma, bearing the fruits of pleasure and pain -- this eternal Tree of Brahman sustains the life of all beings.

Verse 76 (shiva.vayaviya.12.76)

द्यां मूर्द्धानं तस्य विप्रा वदन्ति खं वै नाभिं चन्द्रसूर्यौ च नेत्रे । दिशः श्रोत्रे चरणौ च क्षितिं च सोऽचिन्त्यात्मा सर्वभूतप्रणेता

dyāṁ mūrddhānaṁ tasya viprā vadanti khaṁ vai nābhiṁ candrasūryau ca netre | diśaḥ śrotre caraṇau ca kṣitiṁ ca so'cintyātmā sarvabhūtapraṇetā

The wise declare heaven to be his head, the sky his navel, the moon and sun his two eyes, the directions his ears, and the earth his two feet -- he, of inconceivable nature, the guide of all beings.

Verse 77 (shiva.vayaviya.12.77)

वक्त्रात्तस्य ब्राह्मणाः सम्प्रसूताः तद्वक्षसः क्षत्रियाः पूर्वभागात् । वैश्या उरुभ्यां तस्य पद्भ्यां च शूद्राः सर्वे वर्णा गात्रतः सम्प्रसूताः

vaktrāttasya brāhmaṇāḥ samprasūtāḥ tadvakṣasaḥ kṣatriyāḥ pūrvabhāgāt | vaiśyā urubhyāṁ tasya padbhyāṁ ca śūdrāḥ sarve varṇā gātrataḥ samprasūtāḥ

From his mouth the Brahmins were born; from the fore-part of his chest, the Kshatriyas; from his thighs the Vaishyas, and from his feet the Shudras -- all the varnas were born from his limbs.