The Rite for the World Beyond

Verse 1 (shiva.vayaviya.68.1)

उपमन्युरुवाच । अतः परं प्रवक्ष्यामि केवलामुष्मिकं विधिम् । नैतेन सदृशं किञ्चित्कर्मास्ति भुवनत्रये

upamanyuruvāca | ataḥ paraṃ pravakṣyāmi kevalāmuṣmikaṃ vidhim | naitena sadṛśaṃ kiñcitkarmāsti bhuvanatraye

Upamanyu said: Hereafter I shall declare the rite that concerns only the world beyond; there is no act in all the three worlds equal to it.

Verse 2 (shiva.vayaviya.68.2)

पुण्यातिशयसंयुक्तः सर्वैर्देवैरनुष्ठितः । ब्रह्मणा विष्णुना चैव रुद्रेण च विशेषतः

puṇyātiśayasaṃyuktaḥ sarvairdevairanuṣṭhitaḥ | brahmaṇā viṣṇunā caiva rudreṇa ca viśeṣataḥ

Joined with an abundance of merit, it has been practiced by all the gods — especially by Brahma, by Vishnu, and by Rudra —

Verse 3 (shiva.vayaviya.68.3)

इन्द्रादिलोकपारैश्च सूर्याद्यैर्नवभिर्ग्रहैः । विश्वामित्रवसिष्ठाद्यैर्ब्रह्मविद्भिर्महर्षिभिः

indrādilokapāraiśca sūryādyairnavabhirgrahaiḥ | viśvāmitravasiṣṭhādyairbrahmavidbhirmaharṣibhiḥ

by Indra and the other guardians of the worlds, by the Sun and the other eight planets, and by great sages who know Brahman such as Vishvamitra and Vasishtha,

Verse 4 (shiva.vayaviya.68.4)

श्वेतागस्त्यदधीचाद्यैरस्माभिश्च शिवाश्रितैः । नन्दीश्वरमहाकालभृङ्गीशाद्यैर्गणेश्वरैः

śvetāgastyadadhīcādyairasmābhiśca śivāśritaiḥ | nandīśvaramahākālabhṛṅgīśādyairgaṇeśvaraiḥ

by Shveta, Agastya, Dadhichi and others, by us who have taken refuge in Shiva, and by the lords of Shiva's hosts — Nandishvara, Mahakala, Bhringisha and the rest —

Verse 5 (shiva.vayaviya.68.5)

पातालवासिभिर्दैत्यैः शेषाद्यैश्च महोरगैः । सिद्धैर्यक्षैश्च गन्धर्वै रक्षोभूतपिशाचकैः

pātālavāsibhirdaityaiḥ śeṣādyaiśca mahoragaiḥ | siddhairyakṣaiśca gandharvai rakṣobhūtapiśācakaiḥ

by the daityas who dwell in the netherworlds, by Shesha and the other great serpents, and by siddhas, yakshas, gandharvas, rakshasas, bhutas and pishachas —

Verse 6 (shiva.vayaviya.68.6)

स्वं स्वं पदमनुप्राप्तं सर्वैरयमनुष्ठितः । अनेन विधिना सर्वे देवा देवत्वमागताः

svaṃ svaṃ padamanuprāptaṃ sarvairayamanuṣṭhitaḥ | anena vidhinā sarve devā devatvamāgatāḥ

this rite has been practiced by all of them, and each has thereby attained his own proper station; by this very rite all the gods came to their godhood.

Verse 7 (shiva.vayaviya.68.7)

ब्रह्मा ब्रह्मत्वमापन्नो विष्णुर्विष्णुत्वमागतः । रुद्रो रुद्रत्वमापन्न इन्द्रश्चेन्द्रत्वमागतः

brahmā brahmatvamāpanno viṣṇurviṣṇutvamāgataḥ | rudro rudratvamāpanna indraścendratvamāgataḥ

Brahma attained Brahma-hood, Vishnu came to Vishnu-hood, Rudra attained Rudra-hood, and Indra came to Indra-hood —

Verse 8 (shiva.vayaviya.68.8)

गणेशश्च गणेशत्वमनेन विधिना गतः । सितचन्दनतोयेन लिङ्गं स्नाप्य शिवं शिवाम् । श्वेतैर्विकसितैः पद्मैः सम्पूज्य प्रणिपत्य च

gaṇeśaśca gaṇeśatvamanena vidhinā gataḥ | sitacandanatoyena liṅgaṃ snāpya śivaṃ śivām | śvetairvikasitaiḥ padmaiḥ sampūjya praṇipatya ca

and Ganesha too came to his Ganesha-hood by this same rite. Having bathed the linga of Shiva and Shiva (with Parvati) with water mixed with white sandal, worshipped it with white, fully-opened lotuses, and bowed down before it —

Verse 9 (shiva.vayaviya.68.9)

तत्र पद्मासनं रम्यं कृत्वा लक्षणसंयुतम् । विभवे सति हेमाद्यै रत्नाद्यैर्वा स्वशक्तितः

tatra padmāsanaṃ ramyaṃ kṛtvā lakṣaṇasaṃyutam | vibhave sati hemādyai ratnādyairvā svaśaktitaḥ

one should there fashion a beautiful lotus-seat marked with its proper characteristics, made of gold or of gems if one has the means, or according to one's own capacity —

Verse 10 (shiva.vayaviya.68.10)

मध्ये केसरजालास्य स्थाप्य लिङ्गं कनीयसम् । अङ्गुष्ठप्रतिमं रम्यं सर्वगन्धमयं शुभम्

madhye kesarajālāsya sthāpya liṅgaṃ kanīyasam | aṅguṣṭhapratimaṃ ramyaṃ sarvagandhamayaṃ śubham

and in the middle of its net of filaments one should set a small, beautiful linga, the size of a thumb, auspicious and made wholly of fragrant substances.

Verse 11 (shiva.vayaviya.68.11)

दक्षिणे स्थापयित्वा तु बिल्वपत्रैः समर्चयेत् । अगुरुं दक्षिणे पार्श्वे पश्चिमे तु मनःशिलाम्

dakṣiṇe sthāpayitvā tu bilvapatraiḥ samarcayet | aguruṃ dakṣiṇe pārśve paścime tu manaḥśilām

Having placed bilva leaves to its south, one should worship it with them; aguru should be placed on its southern side, and red arsenic to its west,

Verse 12 (shiva.vayaviya.68.12)

उत्तरे चन्दनं दद्याद्धरितालं तु पूर्वतः । सुगन्धैः कुसुमै रम्यैर्विचित्रैश्चापि पूजयेत्

uttare candanaṃ dadyāddharitālaṃ tu pūrvataḥ | sugandhaiḥ kusumai ramyairvicitraiścāpi pūjayet

sandalwood should be placed to its north and yellow orpiment to its east; and one should worship it with fragrant, beautiful, many-colored flowers.

Verse 13 (shiva.vayaviya.68.13)

धूपं कृष्णागुरुं दद्यात्सर्वतश्च सगुग्गुलम् । वासांसि चातिसूक्ष्माणि विकाशानि निवेदयेत्

dhūpaṃ kṛṣṇāguruṃ dadyātsarvataśca saguggulam | vāsāṃsi cātisūkṣmāṇi vikāśāni nivedayet

One should offer incense of black aguru mixed with guggulu on every side, and present garments of the finest, unstitched weave.

Verse 14 (shiva.vayaviya.68.14)

पायसं घृतसम्मिश्रं घृतदीपांश्च दापयेत् । सर्वं निवेद्य मन्त्रेण ततो गच्छेत्प्रदक्षिणाम्

pāyasaṃ ghṛtasammiśraṃ ghṛtadīpāṃśca dāpayet | sarvaṃ nivedya mantreṇa tato gacchetpradakṣiṇām

One should offer rice-pudding mixed with ghee, and lamps fed with ghee; having offered everything with the appropriate mantra, one should then walk around it in circumambulation.

Verse 15 (shiva.vayaviya.68.15)

प्रणम्य भक्त्या देवेशं स्तुत्वा चान्ते क्षमापयेत् । सर्वोपहारसम्मिश्रं ततो लिङ्गं निवेदयेत्

praṇamya bhaktyā deveśaṃ stutvā cānte kṣamāpayet | sarvopahārasammiśraṃ tato liṅgaṃ nivedayet

Having bowed with devotion to the Lord of gods and praised him, at the end one should beg his forgiveness; then, together with all the offerings gathered, one should present the linga itself as the final oblation.

Verse 16 (shiva.vayaviya.68.16)

शिवाय शिवमन्त्रेण दक्षिणामूर्तिमाश्रितः । एवं योऽर्चयते नित्यं पञ्चगन्धमयं शुभम्

śivāya śivamantreṇa dakṣiṇāmūrtimāśritaḥ | evaṃ yo'rcayate nityaṃ pañcagandhamayaṃ śubham

Taking refuge in his form as Dakshinamurti, one should offer it to Shiva with the Shiva-mantra. Whoever thus worships daily this auspicious linga made of the five fragrances —

Verse 17 (shiva.vayaviya.68.17)

सर्वपापविनिर्मुक्तः शिवलोके महीयते । एतद् व्रतोत्तमं गुह्यं शिवलिङ्गमहाव्रतम्

sarvapāpavinirmuktaḥ śivaloke mahīyate | etad vratottamaṃ guhyaṃ śivaliṅgamahāvratam

becomes freed from all sin and is glorified in the world of Shiva. This is the highest and most secret vow, the great vow of the Shiva-linga —

Verse 18 (shiva.vayaviya.68.18)

भक्तस्य ते समाख्यातं न देयं यस्य कस्यचित् । देयं च शिवभक्तेभ्यः शिवेन कथितं पुरा

bhaktasya te samākhyātaṃ na deyaṃ yasya kasyacit | deyaṃ ca śivabhaktebhyaḥ śivena kathitaṃ purā

declared to you, a devotee, and it must not be given to just anyone — it is to be given only to devotees of Shiva. This was told by Shiva himself, of old.