The Rite of Installation

Verse 1 (shiva.vayaviya.71.1)

श्रीकृष्ण उवाच । भगवन् श्रोतुमिच्छामि प्रतिष्ठाविधिमुत्तमम् । लिङ्गस्यापि च बेरस्य शिवेन विहितं यथा

śrīkṛṣṇa uvāca | bhagavan śrotumicchāmi pratiṣṭhāvidhimuttamam | liṅgasyāpi ca berasya śivena vihitaṃ yathā

Shri Krishna said: O Lord, I wish to hear the supreme rite of installation — how it was ordained by Shiva, both for the linga and for the image.

Verse 2 (shiva.vayaviya.71.2)

उपमन्युरुवाच । अनात्मप्रतिकूले तु दिवसे शुक्लपक्षके । शिवशास्त्रोक्तमार्गेण कुर्याल्लिङ्गं प्रमाणवत्

upamanyuruvāca | anātmapratikūle tu divase śuklapakṣake | śivaśāstroktamārgeṇa kuryālliṅgaṃ pramāṇavat

Upamanyu said: On a day not unfavorable to oneself, in the bright fortnight, one should make the linga according to its due measure, following the path taught in the Shiva-scriptures.

Verse 3 (shiva.vayaviya.71.3)

स्वीकृत्याथ शुभस्थानं भूपरीक्षां विधाय च । दशोपचारान्कुर्वीत लक्षणोद्धारपूर्वकान्

svīkṛtyātha śubhasthānaṃ bhūparīkṣāṃ vidhāya ca | daśopacārānkurvīta lakṣaṇoddhārapūrvakān

Then, having chosen an auspicious site and examined the ground, one should perform the ten preliminary rites, beginning with the drawing-out of the marks.

Verse 4 (shiva.vayaviya.71.4)

तेषां दशोपचाराणां पूर्वं पूज्य विनायकम् । स्थानशुद्ध्यादिकं कृत्वा लिङ्गं स्नानालयं नयेत्

teṣāṃ daśopacārāṇāṃ pūrvaṃ pūjya vināyakam | sthānaśuddhyādikaṃ kṛtvā liṅgaṃ snānālayaṃ nayet

Before these ten preliminary rites, one should first worship Vinayaka; then, after purifying the site and so on, one should bring the linga to the bathing-hall.

Verse 5 (shiva.vayaviya.71.5)

शलाकया काञ्चनया कुङ्कुमादिरसाक्तया । लक्षितं लक्षणं शिल्पशास्त्रेण विलिखेत्ततः

śalākayā kāñcanayā kuṅkumādirasāktayā | lakṣitaṃ lakṣaṇaṃ śilpaśāstreṇa vilikhettataḥ

With a golden probe smeared with saffron and similar substances, one should then mark out the required characteristics upon it, according to the rules of the craft-treatises.

Verse 6 (shiva.vayaviya.71.6)

अष्टमृत्सलिलैर्वाथ पञ्चमृत्सलिलैस्तथा । लिङ्गं पिण्डिकया सार्द्धं पञ्चगव्यैश्च शोधयेत्

aṣṭamṛtsalilairvātha pañcamṛtsalilaistathā | liṅgaṃ piṇḍikayā sārddhaṃ pañcagavyaiśca śodhayet

One should then purify the linga, together with its pedestal, with water and the eight kinds of clay, or with water and the five kinds of clay, and also with the five products of the cow.

Verse 7 (shiva.vayaviya.71.7)

सवेदिकं समभ्यर्च्य दिव्याद्यं तु जलाशयम् । नीत्वाधिवासयेत्तत्र लिङ्गं पिण्डिकया सह

savedikaṃ samabhyarcya divyādyaṃ tu jalāśayam | nītvādhivāsayettatra liṅgaṃ piṇḍikayā saha

Having duly worshipped it together with its pedestal, one should carry the linga, together with its base, to a divine or other reservoir of water, and there let it reside overnight.

Verse 8 (shiva.vayaviya.71.8)

अधिवासालये शुद्धे सर्वशोभासमन्विते । सतोरणे सावरणे दर्भमालासमावृते

adhivāsālaye śuddhe sarvaśobhāsamanvite | satoraṇe sāvaraṇe darbhamālāsamāvṛte

This should be done in a pure hall of residence, adorned with every beauty, furnished with a festive arch and an enclosure, and hung about with garlands of kusha grass,

Verse 9 (shiva.vayaviya.71.9)

दिग्गजाष्टकसम्पन्ने दिक्पालाष्टघटान्विते । अष्टमङ्गलकैर्युक्ते कृतदिक्पालकार्चिते

diggajāṣṭakasampanne dikpālāṣṭaghaṭānvite | aṣṭamaṅgalakairyukte kṛtadikpālakārcite

provided with the eight elephants of the directions, furnished with the eight jars of the guardians of the directions, joined with the eight auspicious objects, where the guardians of the directions have already been worshipped.

Verse 10 (shiva.vayaviya.71.10)

तैजसं दारवं वापि कृत्वा पद्मासनाङ्कितम् । विन्यसेन्मध्यतस्तत्र विपुलं पीठकालयम्

taijasaṃ dāravaṃ vāpi kṛtvā padmāsanāṅkitam | vinyasenmadhyatastatra vipulaṃ pīṭhakālayam

Having made a seat of metal or of wood, marked with a lotus-throne, one should place there in the middle a large pedestal-platform.

Verse 11 (shiva.vayaviya.71.11)

द्वारपालान् समभ्यर्च्य भद्रादींश्चतुरःक्रमात् । सुभद्रश्च विभद्रश्च सुनन्दश्च विनन्दकः

dvārapālān samabhyarcya bhadrādīṃścaturaḥkramāt | subhadraśca vibhadraśca sunandaśca vinandakaḥ

Having duly worshipped the door-guardians, Bhadra and the rest, four in order — namely Subhadra, Vibhadra, Sunanda, and Vinandaka —

Verse 12 (shiva.vayaviya.71.12)

स्नापयित्वा समभ्यर्च्य लिङ्गं वेदिकया सह । सकूर्चाभ्यां तु वस्त्राभ्यां समावेष्ट्य समन्ततः

snāpayitvā samabhyarcya liṅgaṃ vedikayā saha | sakūrcābhyāṃ tu vastrābhyāṃ samāveṣṭya samantataḥ

having bathed and duly worshipped the linga together with its pedestal, and wrapped it all around with two cloths together with two tufts of kusha grass,

Verse 13 (shiva.vayaviya.71.13)

प्रापय्य शनकैस्तोयं पीठिकोपरि शाययेत् । प्राक् शिरस्कमधः सूत्रं पिण्डिकां चास्य पश्चिमे

prāpayya śanakaistoyaṃ pīṭhikopari śāyayet | prāk śiraskamadhaḥ sūtraṃ piṇḍikāṃ cāsya paścime

one should slowly bring it to the water and then lay it down upon the pedestal-seat, its head to the east, the consecrated thread below it, and its base to its west.

Verse 14 (shiva.vayaviya.71.14)

सर्वमङ्गलसंयुक्तं लिङ्गं तत्राधिवासयेत् । पञ्चरात्रं त्रिरात्रं वाप्येकरात्रमथापि वा

sarvamaṅgalasaṃyuktaṃ liṅgaṃ tatrādhivāsayet | pañcarātraṃ trirātraṃ vāpyekarātramathāpi vā

There, joined with every auspicious rite, one should let the linga reside for five nights, or three nights, or else for one night.

Verse 15 (shiva.vayaviya.71.15)

विसृज्य पूजितं तत्र शोधयित्वा च पूर्ववत् । सम्पूज्योत्सवमार्गेण शयनालयमानयेत्

visṛjya pūjitaṃ tatra śodhayitvā ca pūrvavat | sampūjyotsavamārgeṇa śayanālayamānayet

Having then released it from that worship there and purified it as before, one should worship it again in festival manner and bring it to the hall of repose.

Verse 16 (shiva.vayaviya.71.16)

तत्रापि शयनस्थानं कुर्यात् मण्डलमध्यतः । शुद्धैर्जलैः स्नापयित्वा लिङ्गमभ्यर्चयेत्क्रमात्

tatrāpi śayanasthānaṃ kuryāt maṇḍalamadhyataḥ | śuddhairjalaiḥ snāpayitvā liṅgamabhyarcayetkramāt

There too one should make the place of repose in the middle of a mandala; having bathed the linga with pure waters, one should worship it there in due order.

Verse 17 (shiva.vayaviya.71.17)

ऐशान्यां पद्ममालिख्य शुद्धलिप्ते महीतले । शिवकुम्भं शोधयित्वा तत्रावाह्य शिवं यजेत्

aiśānyāṃ padmamālikhya śuddhalipte mahītale | śivakumbhaṃ śodhayitvā tatrāvāhya śivaṃ yajet

Having drawn a lotus-diagram in the north-east upon a purified, plastered ground, and having purified the Shiva-jar, one should invoke Shiva into it there and worship him.

Verse 18 (shiva.vayaviya.71.18)

वेदीमध्ये सितं पद्मं परिकल्प्य विधानतः । तस्य पश्चिमतश्चापि चण्डिकापद्ममालिखेत्

vedīmadhye sitaṃ padmaṃ parikalpya vidhānataḥ | tasya paścimataścāpi caṇḍikāpadmamālikhet

Having duly fashioned a white lotus in the middle of the altar, and to its west as well, one should draw the lotus of Chandika, the Goddess.

Verse 19 (shiva.vayaviya.71.19)

क्षौमाद्यैर्वाहतैर्वस्त्रैः पुष्पैर्दर्भैरथापि वा । प्रकल्प्य शयनं तस्मिन् हेमपुष्पं विनिक्षिपेत्

kṣaumādyairvāhatairvastraiḥ puṣpairdarbhairathāpi vā | prakalpya śayanaṃ tasmin hemapuṣpaṃ vinikṣipet

Having fashioned a couch there with fine silk or other woven cloths, with flowers, or with kusha grass, one should scatter golden flowers upon it.

Verse 20 (shiva.vayaviya.71.20)

तत्र लिङ्गं समानीय सर्वमङ्गलनिःस्वनैः । रक्तेन वस्त्रयुग्मेन सकूर्चेन समन्ततः

tatra liṅgaṃ samānīya sarvamaṅgalaniḥsvanaiḥ | raktena vastrayugmena sakūrcena samantataḥ

Having brought the linga there amid the sounds of every auspicious instrument, and wrapped it all around with a pair of red cloths together with kusha-tufts,

Verse 21 (shiva.vayaviya.71.21)

सह पिण्डिकयावेष्ट्य शाययेच्च यथा पुरा । पुरस्तात्पद्ममालिख्य तद्दलेषु यथाक्रमम्

saha piṇḍikayāveṣṭya śāyayecca yathā purā | purastātpadmamālikhya taddaleṣu yathākramam

together with its pedestal, one should lay it down as before; and, having drawn a lotus in front of it, in due order upon its petals —

Verse 22 (shiva.vayaviya.71.22)

विद्येशकलशान्न्यस्येन्मध्ये शैवीं च वर्द्धनीम् । परीत्य पद्मत्रितयं जुहुयुर्द्विजसत्तमाः

vidyeśakalaśānnyasyenmadhye śaivīṃ ca varddhanīm | parītya padmatritayaṃ juhuyurdvijasattamāḥ

one should set the jars of the Vidyeshas, and in the middle the Shaiva Vardhani jar; surrounding this triad of lotuses, the best of brahmins should offer the fire-oblation.

Verse 23 (shiva.vayaviya.71.23)

ते चाष्टमूर्त्तयः कल्प्याः पूर्वादिपरितः स्थिताः । चत्वारश्चाथ वा दिक्षु स्वध्येतारः सजापकाः

te cāṣṭamūrttayaḥ kalpyāḥ pūrvādiparitaḥ sthitāḥ | catvāraścātha vā dikṣu svadhyetāraḥ sajāpakāḥ

These officiants should be arranged as the eight Rudra-forms, seated round about beginning from the east — or else four, seated at the four directions, reciters of the Veda together with those who mutter the mantra.

Verse 24 (shiva.vayaviya.71.24)

जुहुयुस्ते विरञ्च्याद्याश्चतस्रो मूर्तयः स्मृताः । देशिकः प्रथमं तेषामैशान्यां पश्चिमेऽथ वा

juhuyuste virañcyādyāścatasro mūrtayaḥ smṛtāḥ | deśikaḥ prathamaṃ teṣāmaiśānyāṃ paścime'tha vā

Let these, remembered as the four forms beginning with Brahma, offer the oblation; among them the preceptor is placed first, in the north-east, or else in the west.

Verse 25 (shiva.vayaviya.71.25)

प्रधानहोमं कुर्वीत सप्तद्रव्यैर्यथाक्रमम् । आचार्यात् पादमर्द्धं वा जुहुयुश्चापरे द्विजाः

pradhānahomaṃ kurvīta saptadravyairyathākramam | ācāryāt pādamarddhaṃ vā juhuyuścāpare dvijāḥ

One should perform the principal fire-oblation with the seven substances in due order; the other brahmins should offer a quarter or a half of what the preceptor offers.

Verse 26 (shiva.vayaviya.71.26)

प्रधानमेकमेवात्र जुहुयादथ वा गुरुः । पूर्वं पूर्णाहुतिं हुत्वा घृतेनाष्टोत्तरं शतम्

pradhānamekamevātra juhuyādatha vā guruḥ | pūrvaṃ pūrṇāhutiṃ hutvā ghṛtenāṣṭottaraṃ śatam

Or else, the guru alone may offer the principal oblation here; having first offered the full oblation, he should offer one hundred and eight oblations of ghee.

Verse 27 (shiva.vayaviya.71.27)

मूर्ध्नि मूलेन लिङ्गस्य शिवहस्तं प्रविन्यसेत् । शतमर्द्धं तदर्द्धं वा क्रमाद् द्रव्यैश्च सप्तभिः

mūrdhni mūlena liṅgasya śivahastaṃ pravinyaset | śatamarddhaṃ tadarddhaṃ vā kramād dravyaiśca saptabhiḥ

With the root-mantra he should place the hand of Shiva upon the crown of the linga; then in order, with the seven substances, one hundred, or half that, or half again —

Verse 28 (shiva.vayaviya.71.28)

हुत्वा हुत्वा स्पृशेल्लिङ्गं वेदिकां च पुनः पुनः । पूर्णाहुतिं ततो हुत्वा क्रमाद्दद्याच्च दक्षिणाम्

hutvā hutvā spṛśelliṅgaṃ vedikāṃ ca punaḥ punaḥ | pūrṇāhutiṃ tato hutvā kramāddadyācca dakṣiṇām

after each oblation, one should touch the linga and the altar again and again; then, having offered the full oblation once more, one should give the officiant's fee in order.

Verse 29 (shiva.vayaviya.71.29)

आचार्यात् पादमर्द्धं वा होतृणां स्थपतेरपि । तदर्द्धं देयमन्येभ्यः सदस्येभ्यश्च शक्तितः

ācāryāt pādamarddhaṃ vā hotṛṇāṃ sthapaterapi | tadarddhaṃ deyamanyebhyaḥ sadasyebhyaśca śaktitaḥ

A quarter or a half of the preceptor's fee should be given to the reciters and to the master-builder; half of that again should be given to the others and to the assembled members, according to one's means.

Verse 30 (shiva.vayaviya.71.30)

ततः श्वभ्रे वृषं हैमं कूर्चं वापि निवेश्य च । मृदम्भसा पञ्चगव्यैः पुनः शुद्धजलेन च

tataḥ śvabhre vṛṣaṃ haimaṃ kūrcaṃ vāpi niveśya ca | mṛdambhasā pañcagavyaiḥ punaḥ śuddhajalena ca

Then, having placed a golden bull, or else a tuft of kusha grass, in the pit, one should purify it with water and clay, then with the five products of the cow, and again with pure water,

Verse 31 (shiva.vayaviya.71.31)

शोधितां चन्दनालिप्तां श्वभ्रे ब्रह्मशिलां क्षिपेत् । करन्यासं ततः कृत्वा नवभिः शक्तिनामभिः

śodhitāṃ candanāliptāṃ śvabhre brahmaśilāṃ kṣipet | karanyāsaṃ tataḥ kṛtvā navabhiḥ śaktināmabhiḥ

and one should place the purified Brahma-stone, anointed with sandal-paste, into the pit. Then, having performed the placing of the ritual hands with the nine names of the Shaktis,

Verse 32 (shiva.vayaviya.71.32)

हरितालादिधातूंश्च बीजगन्धौषधैरपि । शिवशास्त्रोक्तविधिना क्षिपेद् ब्रह्मशिलोपरि

haritālādidhātūṃśca bījagandhauṣadhairapi | śivaśāstroktavidhinā kṣiped brahmaśilopari

one should, according to the rite taught in the Shiva-scriptures, scatter the minerals beginning with orpiment, together with seeds, fragrant substances, and herbs, upon the Brahma-stone.

Verse 33 (shiva.vayaviya.71.33)

प्रतिलिङ्गं तु संस्थाप्य क्षीरवृक्षसमुद्भवम् । स्थितं बुद्ध्वा तदुत्सृज्य लिङ्गं ब्रह्मशिलापरि

pratiliṅgaṃ tu saṃsthāpya kṣīravṛkṣasamudbhavam | sthitaṃ buddhvā tadutsṛjya liṅgaṃ brahmaśilāpari

Having set up in its place a small counter-linga made from a milk-yielding tree, and, once it is understood to be properly placed, then removing it, one should set the main linga upon the Brahma-stone.

Verse 34 (shiva.vayaviya.71.34)

प्रागुदक्प्रवरां किञ्चित् स्थापयेन्मूलविद्यया । पिण्डिकां चाथ संयोज्य शाक्तं मूलमनुस्मरन्

prāgudakpravarāṃ kiñcit sthāpayenmūlavidyayā | piṇḍikāṃ cātha saṃyojya śāktaṃ mūlamanusmaran

One should place it with the root-mantra, oriented a little toward the east or north-east; then, having joined it with its pedestal, remembering the root-mantra of the Shakti,

Verse 35 (shiva.vayaviya.71.35)

बन्धनं बन्धकद्रव्यैः कृत्वा स्थानं विशोध्य च । दत्त्वा चार्घ्यं च पुष्पाणि कुर्युर्यवनिकां पुनः

bandhanaṃ bandhakadravyaiḥ kṛtvā sthānaṃ viśodhya ca | dattvā cārghyaṃ ca puṣpāṇi kuryuryavanikāṃ punaḥ

one should secure it with binding substances, and, having purified the place and offered arghya-water and flowers, one should draw the curtain again.

Verse 36 (shiva.vayaviya.71.36)

यथायोग्यं निषेकादि लिङ्गस्य पुरतस्तदा । आनीय शयनस्थानात्कलशान्विन्यसेत्क्रमात्

yathāyogyaṃ niṣekādi liṅgasya puratastadā | ānīya śayanasthānātkalaśānvinyasetkramāt

Then, having performed the sprinkling and other preliminary rites befittingly in front of the linga, one should bring the jars from the place of repose and set them in order.

Verse 37 (shiva.vayaviya.71.37)

महापूजामथारभ्य सम्पूज्य कलशान्दश । शिवमन्त्रमनुस्मृत्य शिवकुम्भजलान्तरे

mahāpūjāmathārabhya sampūjya kalaśāndaśa | śivamantramanusmṛtya śivakumbhajalāntare

Then, beginning the great worship, having duly worshipped the ten jars, and remembering the Shiva-mantra, one should take from within the water of the Shiva-jar —

Verse 38 (shiva.vayaviya.71.38)

अङ्गुष्ठानामिकायोगादादाय तमुदीरयेत् । न्यसेदीशानभागस्य मध्ये लिङ्गस्य मन्त्रवित्

aṅguṣṭhānāmikāyogādādāya tamudīrayet | nyasedīśānabhāgasya madhye liṅgasya mantravit

taking it up with the joined thumb and ring-finger, one who knows the mantras should recite it, and place it in the middle of the linga, in the portion belonging to Ishana.

Verse 39 (shiva.vayaviya.71.39)

शक्तिं न्यसेत्तथा विद्यां विद्येशांश्च यथाक्रमम् । लिङ्गमूले शिवजलैस्ततो लिङ्गं निषेचयेत्

śaktiṃ nyasettathā vidyāṃ vidyeśāṃśca yathākramam | liṅgamūle śivajalaistato liṅgaṃ niṣecayet

One should likewise place the Shakti, then Vidya, and then the Vidyeshas, each in due order; then, at the base of the linga, one should sprinkle the linga with the waters of Shiva.

Verse 40 (shiva.vayaviya.71.40)

वर्द्धन्या पिण्डिकां लिङ्गं विद्येशकलशैः पुनः । अभिषिच्यासनं पश्चादाधाराद्यं प्रकल्पयेत्

varddhanyā piṇḍikāṃ liṅgaṃ vidyeśakalaśaiḥ punaḥ | abhiṣicyāsanaṃ paścādādhārādyaṃ prakalpayet

Having anointed the pedestal and the linga with the Vardhani water and again with the jars of the Vidyeshas, one should afterward fashion the seat, beginning with the support.

Verse 41 (shiva.vayaviya.71.41)

कृत्वा पञ्चकलान्यासं दीप्तं लिङ्गमनुस्मरेत् । आवाहयेत् शिवौ साक्षात् प्राञ्जलिः प्रागुदङ्मुखः

kṛtvā pañcakalānyāsaṃ dīptaṃ liṅgamanusmaret | āvāhayet śivau sākṣāt prāñjaliḥ prāgudaṅmukhaḥ

Having performed the placement of the five kalās, one should meditate on the linga as blazing with light; with joined palms, facing east or north, one should then invoke Shiva and Shakti there in person.

Verse 42 (shiva.vayaviya.71.42)

वृषाधिराजमारुह्य विमानं वा नभस्तलात् । अलङ्कृतं सहायान्तं देव्या देवमनुस्मरन् । सर्वाभरणशोभाढ्यं सर्वमङ्गलनिःस्वनैः

vṛṣādhirājamāruhya vimānaṃ vā nabhastalāt | alaṅkṛtaṃ sahāyāntaṃ devyā devamanusmaran | sarvābharaṇaśobhāḍhyaṃ sarvamaṅgalaniḥsvanaiḥ

One should meditate on the Lord mounted upon his sovereign Bull, or upon his aerial car descending from the vault of the sky, adorned, together with his attendants and with the Goddess, resplendent with every ornament, amid the sounds of every auspicious instrument,

Verse 43 (shiva.vayaviya.71.43)

ब्रह्मविष्णुमहेशार्कशक्राद्यैर्देवदानवैः । आनन्दक्लिन्नसर्वाङ्गैर्विन्यस्ताञ्जलिमस्तकैः

brahmaviṣṇumaheśārkaśakrādyairdevadānavaiḥ | ānandaklinnasarvāṅgairvinyastāñjalimastakaiḥ

surrounded by Brahma, Vishnu, Mahesha, the Sun, Indra, and the other gods and demons, all of whose limbs are wet with the tears of bliss, their joined palms placed upon their heads,

Verse 44 (shiva.vayaviya.71.44)

स्तुवद्भिरेव नृत्यद्भिर्नमद्भिरभितो वृतम् । ततः पञ्चोपचारैश्च कृत्वा पूजां समापयेत्

stuvadbhireva nṛtyadbhirnamadbhirabhito vṛtam | tataḥ pañcopacāraiśca kṛtvā pūjāṃ samāpayet

praising him, dancing, and bowing before him on every side. Then, having performed the worship with the five upachāras, one should bring it to completion.

Verse 45 (shiva.vayaviya.71.45)

नातः परतरः कश्चिद्विधिः पञ्चोपचारकात् । प्रतिष्ठां लिङ्गवत्कुर्यात् प्रतिमास्वपि सर्वतः

nātaḥ parataraḥ kaścidvidhiḥ pañcopacārakāt | pratiṣṭhāṃ liṅgavatkuryāt pratimāsvapi sarvataḥ

There is no rite higher than this rite of the five offerings. In every respect, one should perform the installation for images just as for the linga.

Verse 46 (shiva.vayaviya.71.46)

लक्षणोद्धारसमये कार्यं नयनमोचनम् । जलाधिवासे शयने शाययेत्तांस्त्वधोमुखीम्

lakṣaṇoddhārasamaye kāryaṃ nayanamocanam | jalādhivāse śayane śāyayettāṃstvadhomukhīm

At the time of drawing out the marks, the opening of the eyes should be performed instead, for images; at the water-residence and at the rite of repose, one should lay such images face-down.

Verse 47 (shiva.vayaviya.71.47)

कुम्भोदशायितां मन्त्रैर्हृदि तां सन्नियोजयेत् । कृतालयां परामाहुः प्रतिष्ठामकृतालयात्

kumbhodaśāyitāṃ mantrairhṛdi tāṃ sanniyojayet | kṛtālayāṃ parāmāhuḥ pratiṣṭhāmakṛtālayāt

Having laid it in the water of the jar, one should, with mantras, join it to its heart. They call the installation performed for an image that already has a temple built for it supreme, as against one performed before the temple has been built.

Verse 48 (shiva.vayaviya.71.48)

शक्तः कृतालयः पश्चात् प्रतिष्ठाविधिमाचरेत् । अशक्तश्चेत्प्रतिष्ठाप्य लिङ्गं बेरमथापि वा

śaktaḥ kṛtālayaḥ paścāt pratiṣṭhāvidhimācaret | aśaktaścetpratiṣṭhāpya liṅgaṃ beramathāpi vā

One who is able should first build the temple and only afterward perform the rite of installation; but if one is unable, one may install the linga or the image first.

Verse 49 (shiva.vayaviya.71.49)

शक्तेरनुगुणं पश्चात् प्रकुर्वीत शिवालयम् । गृहार्चां च पुनर्वक्ष्ये प्रतिष्ठाविधिमुत्तमम्

śakteranuguṇaṃ paścāt prakurvīta śivālayam | gṛhārcāṃ ca punarvakṣye pratiṣṭhāvidhimuttamam

Afterward, according to one's means, one should build the temple of Shiva. I shall now again describe the supreme rite of installation for household worship.

Verse 50 (shiva.vayaviya.71.50)

कृत्वा कनीयसं बेरं लिङ्गं वा लक्षणान्वितम् । अयने चोत्तरे प्राप्ते शुक्लपक्षे शुभे दिने

kṛtvā kanīyasaṃ beraṃ liṅgaṃ vā lakṣaṇānvitam | ayane cottare prāpte śuklapakṣe śubhe dine

Having made a smaller image or linga endowed with its proper characteristics, when the northern course of the sun has arrived, in the bright fortnight, on an auspicious day —

Verse 51 (shiva.vayaviya.71.51)

वेदीं कृत्वा शुभे देशे तत्राब्जं पूर्ववल्लिखेत् । विकीर्य पत्रपुष्पाद्यैर्मध्ये कुम्भं निधाय च

vedīṃ kṛtvā śubhe deśe tatrābjaṃ pūrvavallikhet | vikīrya patrapuṣpādyairmadhye kumbhaṃ nidhāya ca

having made an altar in an auspicious place, one should there draw the lotus as before; having scattered leaves, flowers, and the like, and placed the jar in the middle,

Verse 52 (shiva.vayaviya.71.52)

परितस्तस्य चतुरः कलशान् दिक्षु विन्यसेत् । पञ्च ब्रह्माणि तद्बीजैस्तेषु पञ्चसु पञ्चभिः

paritastasya caturaḥ kalaśān dikṣu vinyaset | pañca brahmāṇi tadbījaisteṣu pañcasu pañcabhiḥ

one should set four more jars in the directions around it; the five Brahmans, with their respective seed-syllables, should be placed in these five jars, each with its own —

Verse 53 (shiva.vayaviya.71.53)

न्यस्य सम्पूज्य मुद्रादि दर्शयित्वाभिरक्ष्य च । विशोध्य लिङ्गं बेरं वा मृत्तोयाद्यैर्यथा पुरा

nyasya sampūjya mudrādi darśayitvābhirakṣya ca | viśodhya liṅgaṃ beraṃ vā mṛttoyādyairyathā purā

having placed and duly worshipped them, and having shown the mudras and the rest, and protected the rite, one should purify the linga or image with clay, water, and the other substances, as before,

Verse 54 (shiva.vayaviya.71.54)

स्थापयेत्पुष्पसञ्छन्नमुत्तरस्थे वरासने । निधाय पुष्पं शिरसि प्रोक्षयेत् प्रोक्षणीजलैः

sthāpayetpuṣpasañchannamuttarasthe varāsane | nidhāya puṣpaṃ śirasi prokṣayet prokṣaṇījalaiḥ

and set it, covered with flowers, upon an excellent seat placed to the north; having placed a flower upon its head, one should sprinkle it with the waters of purification.

Verse 55 (shiva.vayaviya.71.55)

समभ्यर्च्य पुनः पुष्पैर्जयशब्दादिपूर्वकम् । कुम्भैरीशानविद्यान्तैः स्नापयेन्मूलविद्यया

samabhyarcya punaḥ puṣpairjayaśabdādipūrvakam | kumbhairīśānavidyāntaiḥ snāpayenmūlavidyayā

Having again duly worshipped it with flowers, to the accompaniment of shouts of victory and the like, one should bathe it with the root-mantra, using the jars ending with the Ishana-Vidya jar.

Verse 56 (shiva.vayaviya.71.56)

ततः पञ्चकलान्यासं कृत्वा पूजां च पूर्ववत् । नित्यमाराधयेत्तत्र देव्या देवं त्रिलोचनम्

tataḥ pañcakalānyāsaṃ kṛtvā pūjāṃ ca pūrvavat | nityamārādhayettatra devyā devaṃ trilocanam

Then, having performed the placement of the five kalās and worship as before, one should there daily worship the three-eyed God together with the Goddess.

Verse 57 (shiva.vayaviya.71.57)

एकमेवाथ वा कुम्भं मूर्तिमन्त्रसमन्वितम् । न्यस्य पद्मान्तरे सर्वं शेषं पूर्ववदाचरेत्

ekamevātha vā kumbhaṃ mūrtimantrasamanvitam | nyasya padmāntare sarvaṃ śeṣaṃ pūrvavadācaret

Or else, having placed a single jar joined with the form-mantra in the middle of the lotus, one should perform all the rest exactly as before.

Verse 58 (shiva.vayaviya.71.58)

अत्यन्तोपहतं लिङ्गं विशोध्य स्थापयेत्पुनः । सम्प्रोक्षयेदुपहतं मनागुपहतं यजेत्

atyantopahataṃ liṅgaṃ viśodhya sthāpayetpunaḥ | samprokṣayedupahataṃ manāgupahataṃ yajet

A linga that has been severely damaged should be purified and installed anew; one that has been damaged should be re-consecrated by sprinkling; one that is only slightly damaged may simply be worshipped as it is.

Verse 59 (shiva.vayaviya.71.59)

लिङ्गानि बाणसंज्ञानि स्थापनीयानि वा न वा । तानि पूर्वं शिवेनैव संस्कृतानि यतस्ततः

liṅgāni bāṇasaṃjñāni sthāpanīyāni vā na vā | tāni pūrvaṃ śivenaiva saṃskṛtāni yatastataḥ

As for the lingas called bāṇa — whether they need to be formally installed or not — since these were already consecrated by Shiva himself long ago,

Verse 60 (shiva.vayaviya.71.60)

शेषाणि स्थापनीयानि यानि दृष्टानि बाणवत् । स्वयमुद्भूतलिङ्गे च दिव्ये चार्षे तथैव च

śeṣāṇi sthāpanīyāni yāni dṛṣṭāni bāṇavat | svayamudbhūtaliṅge ca divye cārṣe tathaiva ca

only the rest need to be formally installed; whichever are found already resembling a Banalinga — whether self-manifested, or divine, or set up by sages —

Verse 61 (shiva.vayaviya.71.61)

अपीठे पीठमावेश्य कृत्वा सम्प्रोक्षणं विधिम् । यजेत्तत्र शिवं तेषां प्रतिष्ठा न विधीयते

apīṭhe pīṭhamāveśya kṛtvā samprokṣaṇaṃ vidhim | yajettatra śivaṃ teṣāṃ pratiṣṭhā na vidhīyate

if such a linga lacks a pedestal, one should fit a pedestal to it, and, having performed the rite of sprinkling-consecration, worship Shiva there; for such lingas, full installation is not prescribed.

Verse 62 (shiva.vayaviya.71.62)

दग्धं श्लथं क्षताङ्गं च क्षिपेल्लिङ्गं जलाशये । सन्धानयोग्यं सन्धाय प्रतिष्ठाविधिमाचरेत्

dagdhaṃ ślathaṃ kṣatāṅgaṃ ca kṣipelliṅgaṃ jalāśaye | sandhānayogyaṃ sandhāya pratiṣṭhāvidhimācaret

A linga that has been burnt, has become loose, or has a damaged part, should be cast into a body of water; but if it is fit to be repaired, one should repair it and perform the rite of installation.

Verse 63 (shiva.vayaviya.71.63)

बेराद्वा विकलाल्लिङ्गाद्देवपूजापुरःसरम् । उद्वास्य हृदि सन्धानं त्यागं वा युक्तमाचरेत्

berādvā vikalālliṅgāddevapūjāpuraḥsaram | udvāsya hṛdi sandhānaṃ tyāgaṃ vā yuktamācaret

From an image or a damaged linga, having first worshipped the god, one should perform the appropriate rite — de-installation, joining the deity to one's own heart, and either its repair or its discarding, as is fitting.

Verse 64 (shiva.vayaviya.71.64)

एकाहपूजाविहतौ कुर्याद् द्विगुणमर्चनम् । द्विरात्रे च महापूजां सम्प्रोक्षणमतः परम्

ekāhapūjāvihatau kuryād dviguṇamarcanam | dvirātre ca mahāpūjāṃ samprokṣaṇamataḥ param

If the worship is interrupted for a single day, one should perform double the worship the next day; if for two nights, one should perform the great worship; beyond that, one should perform the rite of sprinkling-consecration.

Verse 65 (shiva.vayaviya.71.65)

मासादूर्ध्वमनेकाहं पूजा यदि विहन्यते । प्रतिष्ठा प्रोच्यते कैश्चित्कैश्चित्सम्प्रोक्षणक्रमः

māsādūrdhvamanekāhaṃ pūjā yadi vihanyate | pratiṣṭhā procyate kaiścitkaiścitsamprokṣaṇakramaḥ

If the worship is interrupted for many days, more than a month, some say it requires full re-installation, while others say the procedure of sprinkling-consecration suffices.

Verse 66 (shiva.vayaviya.71.66)

सम्प्रोक्षणे तु लिङ्गादेर्देवमुद्वास्य पूर्ववत् । अष्टपञ्चक्रमेणैव स्नापयित्वा मृदम्भसा

samprokṣaṇe tu liṅgāderdevamudvāsya pūrvavat | aṣṭapañcakrameṇaiva snāpayitvā mṛdambhasā

In the rite of sprinkling-consecration, having first de-installed the god from the linga and so forth as before, one should bathe it, in the order of the eight or the five kinds of substances, with clay and water,

Verse 67 (shiva.vayaviya.71.67)

गवां रसैश्च संस्नाप्य दर्भतोयैर्विशोध्य च । प्रोक्षयेत्प्रोक्षणीतोयैर्मूलेनाष्टोत्तरं शतम्

gavāṃ rasaiśca saṃsnāpya darbhatoyairviśodhya ca | prokṣayetprokṣaṇītoyairmūlenāṣṭottaraṃ śatam

then bathe it with the products of the cow, purify it with kusha-water, and sprinkle it with the waters of purification, one hundred and eight times, with the root-mantra.

Verse 68 (shiva.vayaviya.71.68)

सपुष्पं सकुशं पाणिं न्यस्य लिङ्गस्य मस्तके । पञ्चवारं जपेन्मूलमष्टोत्तरशतोत्तरम्

sapuṣpaṃ sakuśaṃ pāṇiṃ nyasya liṅgasya mastake | pañcavāraṃ japenmūlamaṣṭottaraśatottaram

Having placed a hand holding flowers and kusha grass upon the crown of the linga, one should recite the root-mantra one hundred and eight times, five times over.

Verse 69 (shiva.vayaviya.71.69)

ततो मूलेन मूर्द्धादिपीठान्तं संस्पृशेदपि । पूजां च महतीं कुर्याद्देवमावाह्य पूर्ववत्

tato mūlena mūrddhādipīṭhāntaṃ saṃspṛśedapi | pūjāṃ ca mahatīṃ kuryāddevamāvāhya pūrvavat

Then, with the root-mantra, one should touch it from the crown down to the pedestal, and, having invoked the god as before, perform the great worship.

Verse 70 (shiva.vayaviya.71.70)

अलब्धे स्थापिते लिङ्गे शिवस्थाने जलेऽथ वा । वह्नौ रवौ तथा व्योम्नि भगवन्तं शिवं यजेत्

alabdhe sthāpite liṅge śivasthāne jale'tha vā | vahnau ravau tathā vyomni bhagavantaṃ śivaṃ yajet

If no installed linga can be obtained, one should worship the Lord Shiva in a place sacred to Shiva, or in water, or in fire, or in the sun, or indeed in the sky.