Brahma's Hymn and the Cooling of the Fire-Linga into Arunachala

Verse 1 (skanda.1.103.1)

ब्रह्मोवाच । अथाहमुच्चरन्वेदानशेषैर्वदनैः शिवम् । अस्तौषं भक्तिसंपूर्णं कृत्वा मानसमर्चनम्

brahmovāca athāhamuccaranvedānaśeṣairvadanaiḥ śivam astauṣaṁ bhaktisaṁpūrṇaṁ kṛtvā mānasamarcanam

Brahma said: Then, uttering the Vedas with all my faces, I praised Shiva, full of devotion, having performed worship in my mind.

Verse 2 (skanda.1.103.2)

नमः शिवाय महते सर्वलोकैकहेतवे । येन प्रकाश्यते सर्वं ध्रियते सततं नमः

namaḥ śivāya mahate sarvalokaikahetave yena prakāśyate sarvaṁ dhriyate satataṁ namaḥ

Salutation to great Shiva, the sole cause of all the worlds, by whom everything is illumined and constantly sustained — salutation again and again.

Verse 3 (skanda.1.103.3)

विश्वव्याप्तमिदं तेजः प्रकाशयति संततम् । नेक्षंते त्वद्दयाहीना जात्यंधा भास्करं यथा

viśvavyāptamidaṁ tejaḥ prakāśayati saṁtatam nekṣaṁte tvaddayāhīnā jātyaṁdhā bhāskaraṁ yathā

This radiance, pervading the universe, shines forth unceasingly; yet those bereft of your grace do not perceive it, just as the born-blind cannot see the sun.

Verse 4 (skanda.1.103.4)

भूलिंगममलं ह्येतद्दृश्यमध्यात्मचक्षुषा । अंतस्स्थं वा बहिस्स्थं वा त्वद्भक्तैरनुभूयते

bhūliṁgamamalaṁ hyetaddṛśyamadhyātmacakṣuṣā aṁtassthaṁ vā bahissthaṁ vā tvadbhaktairanubhūyate

This pure earthly linga is seen only with the eye of the inner self; your devotees experience it as dwelling both within and without.

Verse 5 (skanda.1.103.5)

अपरिच्छेद्यमाकारमंतरात्मनि योगिनः । तदेतत्तव देवेश ज्वलितं दर्पणो यथा

aparicchedyamākāramaṁtarātmani yoginaḥ tadetattava deveśa jvalitaṁ darpaṇo yathā

O lord of gods! This unbounded form within the inmost self of the yogi is, like a blazing reflection in a mirror, none other than your own.

Verse 6 (skanda.1.103.6)

अथवा शांकरी शक्तिः सत्याऽणोरप्यणीयसी । मत्तो नान्यतरः कश्चिद्यन्मय्यपि विलीयते

athavā śāṁkarī śaktiḥ satyā'ṇorapyaṇīyasī matto nānyataraḥ kaścidyanmayyapi vilīyate

Or else it is the Shakti of Shankara, real yet subtler than the atom itself; there is none other than me into whom that too does not finally merge.

Verse 7 (skanda.1.103.7)

अणुस्ते करुणापात्रं महत्त्वं ध्रुवमश्नुते । नाधिकोऽस्ति परस्त्वत्तो न मत्तोऽपि तदाश्रयात्

aṇuste karuṇāpātraṁ mahattvaṁ dhruvamaśnute nādhiko'sti parastvatto na matto'pi tadāśrayāt

Even an atom, becoming a vessel of your compassion, surely attains greatness; there is none higher than you, nor, apart from that shelter, is there any higher than me.

Verse 8 (skanda.1.103.8)

त्वय्यर्पितं मनस्त्वतो न वियोगमपेक्षते । वाचः कथं प्रवृत्तिः स्यात्तव वैभवकीर्त्तने

tvayyarpitaṁ manastvato na viyogamapekṣate vācaḥ kathaṁ pravṛttiḥ syāttava vaibhavakīrttane

The mind offered to you never seeks separation from you; how then could speech ever find itself equal to proclaiming your glory?

Verse 9 (skanda.1.103.9)

स्वयमीश महादेव प्रसीद भुवनाधिक । आदिश प्रयतं भक्तमपेक्षितनियुक्तिषु

svayamīśa mahādeva prasīda bhuvanādhika ādiśa prayataṁ bhaktamapekṣitaniyuktiṣu

O Lord unto yourself, O Mahadeva, O one greater than all worlds! Be gracious, and instruct your humble devotee in the tasks now required of him.

Verse 10 (skanda.1.103.10)

इदं विज्ञाप्य विनयान्नमस्कृत्वा पुनःपुनः । प्रांजलिर्देवदेवेशं न्यषीदं सविधे विभो

idaṁ vijñāpya vinayānnamaskṛtvā punaḥpunaḥ prāṁjalirdevadeveśaṁ nyaṣīdaṁ savidhe vibho

Having submitted this, and bowing again and again in humility, O lord, with joined palms I sat down close beside the God of gods.

Verse 11 (skanda.1.103.11)

अथ विष्णुर्नवांभोदगंभीरध्वनिरभ्यधात् । वाचः कृतार्थन्भूयः शुक्लाः शंकरकीर्त्तनैः

atha viṣṇurnavāṁbhodagaṁbhīradhvanirabhyadhāt vācaḥ kṛtārthanbhūyaḥ śuklāḥ śaṁkarakīrttanaiḥ

Then Vishnu, his voice deep as a fresh raincloud, spoke — his words already made pure and fruitful by the praise of Shankara.

Verse 12 (skanda.1.103.12)

जय त्रिभुवनाधीश जय गंगाधर प्रभो । जय नाथ विरूपाक्ष जय चंद्रार्द्धशेखर

jaya tribhuvanādhīśa jaya gaṁgādhara prabho jaya nātha virūpākṣa jaya caṁdrārddhaśekhara

Victory to you, lord of the three worlds! Victory to you, O Ganga-bearer! Victory to you, O Lord of the strange eyes! Victory to you, O bearer of the half-moon!

Verse 13 (skanda.1.103.13)

अव्याजममितं शंभो कारुण्यं तव वर्द्धते । येन निर्धूतमखिलं भक्तेषु ज्ञानमाहितम्

avyājamamitaṁ śaṁbho kāruṇyaṁ tava varddhate yena nirdhūtamakhilaṁ bhakteṣu jñānamāhitam

O Shambhu, your unfeigned and boundless compassion ever grows, by which all knowledge, purified, becomes established in your devotees.

Verse 14 (skanda.1.103.14)

पालनं सर्वविद्यानां प्रापणं भूतिसंचयैः । पुराणं च सपुत्राणां पितुरेव प्रवर्धनम्

pālanaṁ sarvavidyānāṁ prāpaṇaṁ bhūtisaṁcayaiḥ purāṇaṁ ca saputrāṇāṁ pitureva pravardhanam

The nurturing of all learning, the granting of accumulated prosperity, and the constant growth, like that of a father together with his sons — all this is from you alone.

Verse 15 (skanda.1.103.15)

शतानामपि मूर्तीनामेकामपि नवैः स्तवैः । स्तोतुं न शक्नुमेशान समवायस्तु कि पुनः

śatānāmapi mūrtīnāmekāmapi navaiḥ stavaiḥ stotuṁ na śaknumeśāna samavāyastu ki punaḥ

O Ishana! I am unable to praise even a single one of your hundred forms with ever-fresh hymns — how then could I praise their entire assembly!

Verse 16 (skanda.1.103.16)

त्वमेव त्वामलं वेत्तुं यदि वा त्वत्प्रसादतः । भ्रमरः कीटमाकृष्य स्वात्मानं किं न चानयेत्

tvameva tvāmalaṁ vettuṁ yadi vā tvatprasādataḥ bhramaraḥ kīṭamākṛṣya svātmānaṁ kiṁ na cānayet

You alone are able to know yourself fully, or one may know you only by your grace; does not the black bee, drawing the grub to itself, transform it into its own likeness?

Verse 17 (skanda.1.103.17)

देवास्त्वदंशसंभूतिप्रभवो न भवन्ति किम् । अप्यायस्याग्निकीलस्य दाहे शक्तिर्न किं भवेत्

devāstvadaṁśasaṁbhūtiprabhavo na bhavanti kim apyāyasyāgnikīlasya dāhe śaktirna kiṁ bhavet

Are not the gods themselves powerful precisely because they arise from a portion of you? Does not even a single spark of fire possess the power to burn?

Verse 18 (skanda.1.103.18)

देशकालक्रियायोगाद्यथाग्नेर्भेदसम्भवः । तथा विषयभेदेन त्वमेकोऽपि विभिद्यसे

deśakālakriyāyogādyathāgnerbhedasambhavaḥ tathā viṣayabhedena tvameko'pi vibhidyase

Just as fire appears differentiated through the combination of place, time, and action, so too, though you are one, you appear divided through the differences of your objects.

Verse 19 (skanda.1.103.19)

अनुग्रहपरो देव मूर्तिं दर्शय शंकर । आवयोरखिलाधार नयनानंददायिनीम्

anugrahaparo deva mūrtiṁ darśaya śaṁkara āvayorakhilādhāra nayanānaṁdadāyinīm

O God, O Shankara, foundation of all things! Intent on grace, show to us both that form of yours which delights the eyes.

Verse 20 (skanda.1.103.20)

एवं प्रणमतोर्देवः श्रद्धाभक्तिसमन्वितम् । प्रससाद परं शंभुः स्तुवतोरावयोर्द्वयोः

evaṁ praṇamatordevaḥ śraddhābhaktisamanvitam prasasāda paraṁ śaṁbhuḥ stuvatorāvayordvayoḥ

Thus, as we two bowed with faith and devotion and offered our praise, the God Shambhu became exceedingly pleased with us both.

Verse 21 (skanda.1.103.21)

तेजःस्तंभात्पुनस्तस्माद्देवश्चन्द्रार्द्धशेखरः । आविर्बभूव पुरुषः कपिलः कालकन्धरः

tejaḥstaṁbhātpunastasmāddevaścandrārddhaśekharaḥ āvirbabhūva puruṣaḥ kapilaḥ kālakandharaḥ

Then from that very pillar of fire, the god who bears the half-moon manifested again in the form of a man — tawny in hue, with a throat dark as night.

Verse 22 (skanda.1.103.22)

परशुं बालहरिणं करैरभयविश्रमौ । दधानः पुरुषोऽवादीत्पुत्रावावामिति प्रभुः

paraśuṁ bālahariṇaṁ karairabhayaviśramau dadhānaḥ puruṣo'vādītputrāvāvāmiti prabhuḥ

Bearing in his hands an axe and a young deer, together with the gestures of protection and boon-granting, that lordly man said: 'You two are my sons.'

Verse 23 (skanda.1.103.23)

परितुष्टोऽस्मि युवयोर्भक्त्या युक्तात्मनोर्मयि । भवतं सर्वलोकानां सृष्टिरक्षाधिपौ युवाम्

parituṣṭo'smi yuvayorbhaktyā yuktātmanormayi bhavataṁ sarvalokānāṁ sṛṣṭirakṣādhipau yuvām

I am well pleased with you two, your souls joined to me in devotion; you two shall be the lords of the creation and the preservation of all the worlds.

Verse 24 (skanda.1.103.24)

युवयोरिष्टसिद्ध्यर्थमाविर्भूतोऽस्म्यहं यतः । वरं वृणुतमन्यं च वरदोऽहमुपागतः

yuvayoriṣṭasiddhyarthamāvirbhūto'smyahaṁ yataḥ varaṁ vṛṇutamanyaṁ ca varado'hamupāgataḥ

It is only to accomplish the desire of you both that I have manifested here; therefore ask for a boon — I have come here precisely to grant one.

Verse 25 (skanda.1.103.25)

इति देवस्य वचनात्सप्रीतौ च कृतांजली । विज्ञापयामासिवतौ स्वं स्वमर्थं पृथक्पृथक्

iti devasya vacanātsaprītau ca kṛtāṁjalī vijñāpayāmāsivatau svaṁ svamarthaṁ pṛthakpṛthak

Hearing these words of the God, we two, joyfully joining our hands, began each to submit our own separate purpose.

Verse 26 (skanda.1.103.26)

अहं मन्त्रैः शिशुप्रायजगत्त्रयविधायकः । संस्तुवन्वैदिकैर्मंत्रैरीशानमपराजितम्

ahaṁ mantraiḥ śiśuprāyajagattrayavidhāyakaḥ saṁstuvanvaidikairmaṁtrairīśānamaparājitam

I, who through mantras fashion all three worlds as if they were mere children, spoke while praising the unconquerable Ishana with Vedic hymns.

Verse 27 (skanda.1.103.27)

नमस्येहमिदं रूपं शश्वद्वरदमीश्वरम् । तेजोमयं महादेवं योगिध्येयं निरंजनम्

namasyehamidaṁ rūpaṁ śaśvadvaradamīśvaram tejomayaṁ mahādevaṁ yogidhyeyaṁ niraṁjanam

I bow to this ever boon-granting form of the Lord, this radiant Mahadeva, spotless, the object of the yogis' meditation.

Verse 28 (skanda.1.103.28)

आपूर्यमाणं भवता तेजसा गगनांतरम् । परिपृच्छ्यः सुरावासः क्षणाद्देव भविष्यति

āpūryamāṇaṁ bhavatā tejasā gaganāṁtaram paripṛcchyaḥ surāvāsaḥ kṣaṇāddeva bhaviṣyati

O God, this whole expanse of sky is being filled by your radiance; because of this the very dwelling of the gods will, in a moment, become imperilled.

Verse 29 (skanda.1.103.29)

सिद्धचारणगन्धर्वा देवाश्च परमर्षयः । नावसन्दिवि संचारं लभेरंस्तेजसा तव

siddhacāraṇagandharvā devāśca paramarṣayaḥ nāvasandivi saṁcāraṁ labheraṁstejasā tava

Siddhas, charanas, gandharvas, the gods, and the great sages — because of your radiance they will no longer be able even to move about in heaven.

Verse 30 (skanda.1.103.30)

पृथ्वी च सकला चैव तप्यमाना तवौजसा । चराचरसमुत्पत्तिक्षमा नैव भविप्यति

pṛthvī ca sakalā caiva tapyamānā tavaujasā carācarasamutpattikṣamā naiva bhavipyati

And this whole earth, scorched by your fire, will no longer remain capable of bringing forth beings, moving or unmoving.

Verse 31 (skanda.1.103.31)

उपसंहृत्य तेजः स्वमरुणाचलसंज्ञया । भव स्थावरलिंगं त्वं लोकानुग्रहकारणात्

upasaṁhṛtya tejaḥ svamaruṇācalasaṁjñayā bhava sthāvaraliṁgaṁ tvaṁ lokānugrahakāraṇāt

Therefore, withdrawing your radiance within yourself, become, under the name Arunachala, a fixed and stationary linga, for the grace of all the worlds.

Verse 32 (skanda.1.103.32)

ज्योतिर्मयमिदं रूपमरुणाचलसंज्ञितम् । ये नमन्ति नरा भक्त्या ते भवन्त्यमराधिकाः

jyotirmayamidaṁ rūpamaruṇācalasaṁjñitam ye namanti narā bhaktyā te bhavantyamarādhikāḥ

This form of light, known as Arunachala — those men who bow to it with devotion become greater even than the immortals.

Verse 33 (skanda.1.103.33)

सेवंतां सकला लोकाः सिद्धाश्च परमर्षयः । गणाश्च विविधा भूमौ मानुषं भावमास्थिताः

sevaṁtāṁ sakalā lokāḥ siddhāśca paramarṣayaḥ gaṇāśca vividhā bhūmau mānuṣaṁ bhāvamāsthitāḥ

Let all the worlds, the siddhas, and the great sages serve it, and let the various divine hosts too, established on earth in human form, serve it.

Verse 34 (skanda.1.103.34)

दिव्याराम समुद्भूतकल्पकाद्याः सुरद्रुमाः । सेविनस्त्वां प्ररोहंतु भरिता विविधैः फलैः

divyārāma samudbhūtakalpakādyāḥ suradrumāḥ sevinastvāṁ prarohaṁtu bharitā vividhaiḥ phalaiḥ

In its divine grove let the celestial trees, the wish-fulfilling tree foremost among them, growing there in your service, flourish laden with every kind of fruit.

Verse 35 (skanda.1.103.35)

दिव्यौषधिगणास्सर्वे सिंहाद्या मृगजातयः । प्रशांताः परिवर्त्तंता पापकल्मषनाशनम्

divyauṣadhigaṇāssarve siṁhādyā mṛgajātayaḥ praśāṁtāḥ parivarttaṁtā pāpakalmaṣanāśanam

Let all the hosts of divine herbs, and creatures of the deer kind headed by the lion, wander there in peace, in this place that destroys sin and impurity.

Verse 36 (skanda.1.103.36)

अयनद्वयभिन्नेन गमनेनापि संयुतः । न लंघयिष्यति रविः शृंगं लिंगतनोस्तव

ayanadvayabhinnena gamanenāpi saṁyutaḥ na laṁghayiṣyati raviḥ śṛṁgaṁ liṁgatanostava

The sun, though it travels by differing paths through its two solstices, shall never once overstep the summit of your linga-body.

Verse 37 (skanda.1.103.37)

दिव्य दुंदुभिशंखानां घोषैः पुष्पौघवृष्टिभिः । सेवितो भव देव त्वमप्सरोनृत्यगीतिभिः

divya duṁdubhiśaṁkhānāṁ ghoṣaiḥ puṣpaughavṛṣṭibhiḥ sevito bhava deva tvamapsaronṛtyagītibhiḥ

O God, be served by the sounds of divine kettle-drums and conches, by showers of flowers, and by the dance and song of the celestial nymphs.

Verse 38 (skanda.1.103.38)

अमरत्वं च सिद्धत्वं रससिद्धीश्च निर्वृतिम् । लभंतां मानुषा नित्यं त्वत्संनिधिमुपागताः

amaratvaṁ ca siddhatvaṁ rasasiddhīśca nirvṛtim labhaṁtāṁ mānuṣā nityaṁ tvatsaṁnidhimupāgatāḥ

Let the men who attain to your presence forever obtain immortality, the state of the siddhas, the perfections of alchemy, and the bliss of liberation.

Verse 39 (skanda.1.103.39)

ईशत्वं च वशित्वं च सौभाग्यं कालवंचनम् । त्वामाश्रित्य नरास्सर्वे लभंतामरुणाचल

īśatvaṁ ca vaśitvaṁ ca saubhāgyaṁ kālavaṁcanam tvāmāśritya narāssarve labhaṁtāmaruṇācala

O Arunachala! Taking refuge in you, let all men obtain lordship, the power of subjugation, good fortune, and mastery over time itself.

Verse 40 (skanda.1.103.40)

सर्वावयवदानेन सर्वव्याधिविनाशनात् । सर्वाभीष्टप्रदानेन दृश्यो भव महीतले

sarvāvayavadānena sarvavyādhivināśanāt sarvābhīṣṭapradānena dṛśyo bhava mahītale

By granting the sight of all your parts, by destroying every affliction, and by bestowing every desired thing, become visible upon this earth to all.

Verse 41 (skanda.1.103.41)

तथेति वरदं देवमरुणाद्रिपतिं शिवम् । प्रणम्य कमलानाथः प्रार्थयन्निदमब्रवीत्

tatheti varadaṁ devamaruṇādripatiṁ śivam praṇamya kamalānāthaḥ prārthayannidamabravīt

Bowing to that boon-granting God, Shiva, Lord of the red mountain, who had said 'so be it', the Lord of Lakshmi then spoke this prayer.

Verse 42 (skanda.1.103.42)

प्रसीद करुणापूर्ण शोणशैलेश्वर प्रभो । महेश सर्वलोकानां हिताय प्रकटोदय

prasīda karuṇāpūrṇa śoṇaśaileśvara prabho maheśa sarvalokānāṁ hitāya prakaṭodaya

O Lord full of compassion, O ruler of the red mountain! Be gracious; O Mahesha, manifest for the welfare of all the worlds.

Verse 43 (skanda.1.103.43)

यदाहं त्वामुपाश्रित्य जगद्रक्षणदक्षिणः । श्रीपतित्वमनुप्राप्तस्तदा भक्ता भवंतु ते

yadāhaṁ tvāmupāśritya jagadrakṣaṇadakṣiṇaḥ śrīpatitvamanuprāptastadā bhaktā bhavaṁtu te

Since, taking refuge in you, I have become skilled in the protection of the world and obtained the lordship of Sri, let your devotees also become mine.

Verse 44 (skanda.1.103.44)

नाल्पपुण्यैरुपास्येत त्वद्रूपं महदद्भुतम् । मया च ब्रह्मणा चैवमदृष्टपदशेखरः

nālpapuṇyairupāsyeta tvadrūpaṁ mahadadbhutam mayā ca brahmaṇā caivamadṛṣṭapadaśekharaḥ

Those of little merit cannot worship this great and wondrous form of yours, whose crowning summit remained unseen even by me and by Brahma.

Verse 45 (skanda.1.103.45)

प्रदक्षिणानमस्कारैर्नृत्यगीतैश्च पूजनैः । त्वामर्चयंति ये मर्त्याः कृतार्थास्ते गतांहसः

pradakṣiṇānamaskārairnṛtyagītaiśca pūjanaiḥ tvāmarcayaṁti ye martyāḥ kṛtārthāste gatāṁhasaḥ

Those mortals who worship you with circumambulation, prostration, dance and song, and offerings — they become fulfilled and freed from sin.

Verse 46 (skanda.1.103.46)

उपवासैर्व्रतैः सत्रैरुपहारैस्तथार्चनैः । त्वामर्चयंति मनुजाः सार्वभौमा भवंतु ते

upavāsairvrataiḥ satrairupahāraistathārcanaiḥ tvāmarcayaṁti manujāḥ sārvabhaumā bhavaṁtu te

The men who worship you with fasting, vows, sacrificial sessions, offerings and ritual worship — let them become sovereigns of the whole earth.

Verse 47 (skanda.1.103.47)

आरामं मंडपं चापि कूपं विधिविशोधनम् । कुर्वतामरुणाद्रीश संनिधाने पुनर्भव

ārāmaṁ maṁḍapaṁ cāpi kūpaṁ vidhiviśodhanam kurvatāmaruṇādrīśa saṁnidhāne punarbhava

O Lord of the red mountain! Those who build a garden, a pavilion, or a well duly purified — grant them once more a place close to your presence.

Verse 48 (skanda.1.103.48)

अंगप्रदक्षिणं कुर्वन्नष्टैश्वर्यसमन्वितः । अशेषपातकैः सद्यो विमुक्तो निर्मलाशयः

aṁgapradakṣiṇaṁ kurvannaṣṭaiśvaryasamanvitaḥ aśeṣapātakaiḥ sadyo vimukto nirmalāśayaḥ

Whoever circumambulates your body becomes possessed of all eight powers, instantly freed of every sin, his heart made pure.

Verse 49 (skanda.1.103.49)

आवामप्यविमुंचंतौ सदा त्वत्पादपंकजम् । ध्यातव्यं मनुजैः सर्वैस्तव संनिधिमागतैः

āvāmapyavimuṁcaṁtau sadā tvatpādapaṁkajam dhyātavyaṁ manujaiḥ sarvaistava saṁnidhimāgataiḥ

May we two also, never releasing hold of your lotus feet, remain forever fit objects of meditation for all men who come into your presence.

Verse 50 (skanda.1.103.50)

तथास्त्विति वरं दत्त्वा विष्णवे चंद्रशेखरः । भरुणाचलरूपेण प्राप्तः स्थावरलिंगताम्

tathāstviti varaṁ dattvā viṣṇave caṁdraśekharaḥ bharuṇācalarūpeṇa prāptaḥ sthāvaraliṁgatām

Saying 'so be it', and granting this boon to Vishnu, Shiva who bears the crescent moon attained, in the form of Arunachala, the state of a fixed and stationary linga.

Verse 51 (skanda.1.103.51)

तैजसं लिंगमेतद्धि सर्वलोकैककारणम् । अरुणाद्रिरिति ख्यातं दृश्यते वसुधातले

taijasaṁ liṁgametaddhi sarvalokaikakāraṇam aruṇādririti khyātaṁ dṛśyate vasudhātale

This linga of light, the sole cause of all the worlds, known by the name Arunadri, is seen upon the surface of this earth.

Verse 52 (skanda.1.103.52)

युगांतसमये क्षुब्धैश्चतुर्भिरपि सागरैः । अपि निर्मग्नलोकांतैरस्पृष्टांतिकभूतलम्

yugāṁtasamaye kṣubdhaiścaturbhirapi sāgaraiḥ api nirmagnalokāṁtairaspṛṣṭāṁtikabhūtalam

Even by the four oceans, agitated at the end of the age and submerging every world, not even its nearest ground was ever touched.

Verse 53 (skanda.1.103.53)

गजप्रमाणैः पृषतैः पूरयंतो जगत्त्रयम् । पुष्कराद्या महामेघा विश्रांता यस्य सानुनि

gajapramāṇaiḥ pṛṣataiḥ pūrayaṁto jagattrayam puṣkarādyā mahāmeghā viśrāṁtā yasya sānuni

The great clouds headed by Pushkara, which fill the three worlds with drops as vast as elephants, find their rest upon its very peaks.

Verse 54 (skanda.1.103.54)

प्रवृत्ते भूतसंहारे प्रकृतौ प्रतिसंचरे । भविष्यत्सर्वबीजानि निषेदुर्यत्र निश्चयम्

pravṛtte bhūtasaṁhāre prakṛtau pratisaṁcare bhaviṣyatsarvabījāni niṣeduryatra niścayam

When the destruction of all beings occurs, and the reabsorption of primal nature sets in, the seeds of every future creation come to rest, without fail, upon this very mountain.

Verse 55 (skanda.1.103.55)

मया चाहूयमानेभ्यः प्रलयानंतरं पुनः । यत्पादसेविविप्रेभ्यो वेदाध्ययनसंग्रहः

mayā cāhūyamānebhyaḥ pralayānaṁtaraṁ punaḥ yatpādaseviviprebhyo vedādhyayanasaṁgrahaḥ

After the deluge, when I call them forth again, it is from the brahmins who have served at its very feet that the study of the Vedas is once more gathered together.

Verse 56 (skanda.1.103.56)

सर्वासामपि विद्यानां कलानां शास्त्रसंपदाम् । आगमानां च वेदानां यत्र सत्यव्यवस्थितिः

sarvāsāmapi vidyānāṁ kalānāṁ śāstrasaṁpadām āgamānāṁ ca vedānāṁ yatra satyavyavasthitiḥ

The true foundation of all learning, of the arts, of the treasures of scripture, of the Agamas and of the Vedas, is likewise established in this very place.

Verse 57 (skanda.1.103.57)

यद्गुहागह्वरांतस्स्था मुनयः शंसितव्रताः । जटिनः संप्रकाशंते कोटिसूर्याग्नितेजसः

yadguhāgahvarāṁtassthā munayaḥ śaṁsitavratāḥ jaṭinaḥ saṁprakāśaṁte koṭisūryāgnitejasaḥ

Within whose caves and mountain hollows the matted-haired sages, their vows fulfilled, shine forth radiant as the fire of ten million suns.

Verse 58 (skanda.1.103.58)

पंचब्रह्ममयैर्मंत्रैः पंचाक्षरवपुर्धरैः । अकारपीठिकारूढो नादात्मा यः सदाशिवः

paṁcabrahmamayairmaṁtraiḥ paṁcākṣaravapurdharaiḥ akārapīṭhikārūḍho nādātmā yaḥ sadāśivaḥ

Where Sadashiva, of the nature of primal sound, embodied in the five-syllabled mantra through the mantras of the five Brahmas, dwells enthroned upon the seat of the syllable A.

Verse 59 (skanda.1.103.59)

अष्टभिश्च सदा लिंगैरष्टदिक्पालपूजितः । अष्टमूर्त्तितया योऽयमष्टसिद्धिप्रदायकः

aṣṭabhiśca sadā liṁgairaṣṭadikpālapūjitaḥ aṣṭamūrttitayā yo'yamaṣṭasiddhipradāyakaḥ

Who, ever possessed of eight lingas, worshipped by the eight guardians of the directions, bestows, in his eightfold form, the eight great powers.

Verse 60 (skanda.1.103.60)

यत्र सिद्धास्तथा लोकान्स्वान्स्वान्मुक्त्वा सुरेश्वराः । अपेक्षंते स्थिता मुक्तिं विहाय कनकाचलम्

yatra siddhāstathā lokānsvānsvānmuktvā sureśvarāḥ apekṣaṁte sthitā muktiṁ vihāya kanakācalam

Where the siddhas and the lords of the gods, having relinquished their own worlds, remain established there, awaiting liberation, unwilling to forsake this golden mountain.

Verse 61 (skanda.1.103.61)

एवं वसुंधरापुण्यपरिपाकसमुच्चयः । अरुणाद्रिरिति ख्यातो भक्तभक्तिवरप्रदः

evaṁ vasuṁdharāpuṇyaparipākasamuccayaḥ aruṇādririti khyāto bhaktabhaktivarapradaḥ

Thus, the entire ripened harvest of this earth's merit, granting to devotees the boon of devotion itself, became renowned by the name Arunadri.

Verse 62 (skanda.1.103.62)

कैलासान्मेरुशिखरादागतैर्देवसंचयैः । पूज्यते शोणशैलात्मा शंभुः सर्ववरप्रदः

kailāsānmeruśikharādāgatairdevasaṁcayaiḥ pūjyate śoṇaśailātmā śaṁbhuḥ sarvavarapradaḥ

By the assembled gods coming from Kailasa and from the peak of Meru, Shambhu, granter of every boon, whose very form is the red mountain, is worshipped.

Verse 63 (skanda.1.103.63)

इति कमलजवक्त्रपद्मजां तं मुदितमनाः सनको निशम्य भक्त्या । विरचितविनयः प्रणम्य पुत्रः पितरमपृच्छदशेषवेदसारम्

iti kamalajavaktrapadmajāṁ taṁ muditamanāḥ sanako niśamya bhaktyā viracitavinayaḥ praṇamya putraḥ pitaramapṛcchadaśeṣavedasāram

Having thus heard, with joyful heart, this tale from the lotus-mouth of the lotus-born Brahma, Sanaka, with devotion and humility, bowed and asked his father about the essence of all the Vedas.