Shiva Grants Arunachala's Supremacy

Verse 1 (skanda.1.114.1)

ब्रह्मोवाच । अथ गौरी पुरारातिं प्रणम्य जगदंबिका । अयाचत्तादृशा शंभुमविनाभावमात्मनः

brahmovāca atha gaurī purārātiṁ praṇamya jagadaṁbikā ayācattādṛśā śaṁbhumavinābhāvamātmanaḥ

Brahma said: Then, bowing before the foe of the triple city, Gauri, mother of the world, asked of Shambhu his own inseparable oneness with herself.

Verse 2 (skanda.1.114.2)

इदं विज्ञापयामास लोकानुग्रहकारणात् । कृपया परया पूर्णा गौरी संवादसुंदरी

idaṁ vijñāpayāmāsa lokānugrahakāraṇāt kṛpayā parayā pūrṇā gaurī saṁvādasuṁdarī

For the grace of the worlds, filled with supreme compassion, Gauri, lovely in her speech, made this petition.

Verse 3 (skanda.1.114.3)

न त्याज्यमेतत्ते रूपमत्र दृष्टिमनोहरम् । अहं त्वया न च त्याज्या सापराधापि सर्वदा । मनोहरमिदं रूपमेतत्ते लोकमंगलम्

na tyājyametatte rūpamatra dṛṣṭimanoharam ahaṁ tvayā na ca tyājyā sāparādhāpi sarvadā manoharamidaṁ rūpametatte lokamaṁgalam

'This form of yours, delightful to the eye, is not to be given up here; and I too, even should I offend, am never to be forsaken by you — this delightful, world-blessing form —'

Verse 4 (skanda.1.114.4)

आलोक्यतां सदा सर्वैर्दिव्यगन्धसमन्वितम् । भुजंगगरलब्रह्मकपालशिवभस्मभिः

ālokyatāṁ sadā sarvairdivyagandhasamanvitam bhujaṁgagaralabrahmakapālaśivabhasmabhiḥ

'— let it be beheld by all always, joined with divine fragrance; enough now of these terrible garbs — the serpent, poison, Brahma's skull, and sacred ash.'

Verse 5 (skanda.1.114.5)

भीषणैरलमीशान जय वेषपरिग्रहैः । सुकुमारो भवेर्दिव्यमाल्यगंधांबरादिभिः

bhīṣaṇairalamīśāna jaya veṣaparigrahaiḥ sukumāro bhaverdivyamālyagaṁdhāṁbarādibhiḥ

'O Ishana, be victorious! Become gentle instead, with divine garlands, fragrances, and garments.'

Verse 6 (skanda.1.114.6)

भूषितो रत्नभूषाभिर्विहरस्व महेश्वर । आगता नित्यमीशान देवगन्धर्वकन्यकाः

bhūṣito ratnabhūṣābhirviharasva maheśvara āgatā nityamīśāna devagandharvakanyakāḥ

'Adorned with jewelled ornaments, sport at ease, O Maheshvara. O Ishana, let the daughters of gods and gandharvas ever come here.'

Verse 7 (skanda.1.114.7)

सेवंतामत्र देवेशं नृत्यवादित्रगीतिभिः । गणाश्च मानुषा भूत्वा सेवंतां त्वामहर्निशम्

sevaṁtāmatra deveśaṁ nṛtyavāditragītibhiḥ gaṇāśca mānuṣā bhūtvā sevaṁtāṁ tvāmaharniśam

'Let them serve the Lord of gods here with dance, music, and song; and let the ganas too, taking human form, serve you day and night.'

Verse 8 (skanda.1.114.8)

त्वत्प्रसादादयं देव सुगंधिः पुष्टिवर्द्धनः । आवयोः संगमो दृष्टो भूयात्सर्वार्थदायकः

tvatprasādādayaṁ deva sugaṁdhiḥ puṣṭivarddhanaḥ āvayoḥ saṁgamo dṛṣṭo bhūyātsarvārthadāyakaḥ

'By your grace, this fragrant, nourishing form — let this union of ours, now beheld, become the bestower of every good.'

Verse 9 (skanda.1.114.9)

गृहीतमत्र देवेश सर्वमंत्रात्मकं वपुः । चरितं तव कैंकर्यमस्तु भक्तिः सदा तव

gṛhītamatra deveśa sarvamaṁtrātmakaṁ vapuḥ caritaṁ tava kaiṁkaryamastu bhaktiḥ sadā tava

'O Lord of gods, here I have taken on a body of the very nature of every mantra; let my conduct be service to you alone, and let devotion to you remain ever mine.'

Verse 10 (skanda.1.114.10)

ज्ञानाज्ञानकृतं नित्यमपराधसहस्रकम् । क्षम्यतां तव भक्तानामनन्यशरणेक्षणात्

jñānājñānakṛtaṁ nityamaparādhasahasrakam kṣamyatāṁ tava bhaktānāmananyaśaraṇekṣaṇāt

'The thousand transgressions ever committed, whether knowingly or unknowingly, of your devotees, who see no refuge but you alone — let them be forgiven.'

Verse 11 (skanda.1.114.11)

इति देव्या वचः श्रुत्वा शम्भुः शोणाचलेश्वरः । तमेव वरदः प्रादाद्वरं सर्वमभीप्सितम्

iti devyā vacaḥ śrutvā śambhuḥ śoṇācaleśvaraḥ tameva varadaḥ prādādvaraṁ sarvamabhīpsitam

Hearing this word of the Goddess, Shambhu, Lord of Shonachala, as boon-giver, granted her every boon she had desired.

Verse 12 (skanda.1.114.12)

आभाष्य गौरीं कुतुकाद्रंतुकामः स्वयं शिवः । धारय त्वं मृगमदं मनोज्ञमिदमूचिवान्

ābhāṣya gaurīṁ kutukādraṁtukāmaḥ svayaṁ śivaḥ dhāraya tvaṁ mṛgamadaṁ manojñamidamūcivān

Addressing Gauri with playful delight, Shiva himself, desiring to sport, said: 'Wear this delightful musk' — thus he spoke, and told her its story.

Verse 13 (skanda.1.114.13)

महादेव उवाच । पुलकाख्यो महान्दैत्यो मृगरूपी तपोधिकम् । कृत्वा प्राप वरं मत्तः सौगन्ध्यं परमाद्भुतम्

mahādeva uvāca pulakākhyo mahāndaityo mṛgarūpī tapodhikam kṛtvā prāpa varaṁ mattaḥ saugandhyaṁ paramādbhutam

Mahadeva said: 'A great demon named Pulaka, in the form of a deer, having performed intense austerity, obtained from me the most wondrous boon of fragrance.'

Verse 14 (skanda.1.114.14)

लब्ध्वा वरं स्वगन्धेनामोहयत्सुरयोषितः । तथैवाधर्मसंप्राप्तो बबाधे सकलं जगत्

labdhvā varaṁ svagandhenāmohayatsurayoṣitaḥ tathaivādharmasaṁprāpto babādhe sakalaṁ jagat

'Having obtained the boon, he bewildered the celestial women with his own fragrance; falling thus into unrighteousness, he oppressed the whole world.'

Verse 15 (skanda.1.114.15)

देवैरभ्यर्थितः सोहमाहूयासुरनायकम् । विमुंच लोकरक्षार्थमासुरं देहमित्यशाम्

devairabhyarthitaḥ sohamāhūyāsuranāyakam vimuṁca lokarakṣārthamāsuraṁ dehamityaśām

'Entreated by the gods, I summoned that lord of demons and commanded him, for the world's protection, to give up his demonic body.'

Verse 16 (skanda.1.114.16)

पुलक उवाच । त्यक्ष्यामि देवदेवेश देहमेतं त्वदाज्ञया । प्रणम्य भक्तिमनसा मामप्यर्चेदमूचिवान्

pulaka uvāca tyakṣyāmi devadeveśa dehametaṁ tvadājñayā praṇamya bhaktimanasā māmapyarcedamūcivān

Pulaka said: 'O God of gods, by your command I shall give up this body' — bowing with a heart full of devotion, he also said to me: 'Worship me too.'

Verse 17 (skanda.1.114.17)

मदंगसंभवं दिव्यं सौरभं विश्वमोहनम् । धार्यतां देव देवेश सदा सादरचेतसा

madaṁgasaṁbhavaṁ divyaṁ saurabhaṁ viśvamohanam dhāryatāṁ deva deveśa sadā sādaracetasā

'This divine fragrance, born of my own body, bewitching to the universe — O God, O Lord of gods, let it be worn always with a reverent heart.'

Verse 18 (skanda.1.114.18)

पुलकस्वेदजातो हि सदा प्रख्यायतां तव । अयं मृगमदो लोके शृङ्गाररसवर्द्धनः

pulakasvedajāto hi sadā prakhyāyatāṁ tava ayaṁ mṛgamado loke śṛṅgārarasavarddhanaḥ

'Let it ever be known as born of the sweat of thrilling joy [pulaka]; let this musk, in the world, increase the very flavour of romantic delight.'

Verse 19 (skanda.1.114.19)

त्वत्प्रियः कांतिसौभाग्यरूपलावण्यदायकः । विसृजामि निजं देहं देवदेव जगत्पते

tvatpriyaḥ kāṁtisaubhāgyarūpalāvaṇyadāyakaḥ visṛjāmi nijaṁ dehaṁ devadeva jagatpate

'Dear to you, bestower of splendour, good fortune, beauty, and grace — O God of gods, O Lord of the world, I now release this body of mine.'

Verse 20 (skanda.1.114.20)

सदा बहुमतो देव्या दिव्यसौरभलुब्धया । मदंशसंभवा ये स्युर्मत्तपोलब्धसौरभाः

sadā bahumato devyā divyasaurabhalubdhayā madaṁśasaṁbhavā ye syurmattapolabdhasaurabhāḥ

'Let it be ever held in the highest regard by the Goddess, who so cherishes divine fragrance; and let those born of a portion of me, who obtain fragrance through my own austerity —'

Verse 21 (skanda.1.114.21)

लीयंतां तव देवेश मूर्तावालेपनच्छलात् । तथेति मय्युक्तवति स दैत्यः पुलकाभिधः

līyaṁtāṁ tava deveśa mūrtāvālepanacchalāt tatheti mayyuktavati sa daityaḥ pulakābhidhaḥ

'— O Lord of gods, merge into your very image, under the pretext of an unguent.' When I said, "so be it," that demon named Pulaka,

Verse 22 (skanda.1.114.22)

विससर्ज निजं देहं मयिसन्यस्तजीवितः । ततस्तदंगसंभूतं मदं बहुलसौरभम्

visasarja nijaṁ dehaṁ mayisanyastajīvitaḥ tatastadaṁgasaṁbhūtaṁ madaṁ bahulasaurabham

having entrusted his very life to me, gave up his own body; then that musk, rich with fragrance, born of his body —

Verse 23 (skanda.1.114.23)

अधारयमहं प्रेम्णा शतशृंगारवर्द्धनम् । तपसा देवदेवेशि तप्तं तव वपुः कृशम्

adhārayamahaṁ premṇā śataśṛṁgāravarddhanam tapasā devadeveśi taptaṁ tava vapuḥ kṛśam

'— I bore it, with love, that which increases romance a hundredfold; upon this body of yours, O Goddess of the God of gods, made thin by the heat of your own austerity —'

Verse 24 (skanda.1.114.24)

मदंगं च वियोगात्त इदं निर्वापयाधुना । इति प्रशस्य बहुधा पुलकस्नेहमद्भुतम्

madaṁgaṁ ca viyogātta idaṁ nirvāpayādhunā iti praśasya bahudhā pulakasnehamadbhutam

'— apply now this substance born of my own body, to soothe what was lost through our separation.' Thus, greatly praising Pulaka's wondrous devotion,

Verse 25 (skanda.1.114.25)

आलिलिंप महादेवः पार्वतीं प्रेममंदिराम् । अपृच्छच्च हसन्देवः पार्वतीं ललनाकृतिम्

āliliṁpa mahādevaḥ pārvatīṁ premamaṁdirām apṛcchacca hasandevaḥ pārvatīṁ lalanākṛtim

Mahadeva anointed Parvati, that very abode of love, and, smiling, the God asked Parvati, of feminine form.

Verse 26 (skanda.1.114.26)

किमेतदिति हस्तोत्थं दृष्ट्वा तं जगदंबिका । अब्रवीदरुणाद्रीशमानम्य जगदंबिका

kimetaditi hastotthaṁ dṛṣṭvā taṁ jagadaṁbikā abravīdaruṇādrīśamānamya jagadaṁbikā

'What is this?' — beholding that thing risen in his hand, the mother of the world, bowing to the Lord of the red mountain, the mother of the world asked,

Verse 27 (skanda.1.114.27)

आगतिं तस्य पुष्पस्य सदा स्वकरवर्तिनः

āgatiṁ tasya puṣpasya sadā svakaravartinaḥ

about the very coming of that flower, which always rested in his own hand.

Verse 28 (skanda.1.114.28)

देव्युवाच । अहं कैलासशिखराद्देवदेव त्वदाज्ञया । तपः कर्तुमनुप्राप्ता कांचीं कनकतोरणाम्

devyuvāca ahaṁ kailāsaśikharāddevadeva tvadājñayā tapaḥ kartumanuprāptā kāṁcīṁ kanakatoraṇām

The Goddess said: 'O God of gods, I came from the peak of Kailasa, by your own command, to perform austerity at Kanchi with its golden gateways.'

Verse 29 (skanda.1.114.29)

अवाप्य मानसोद्भूतं कह्लारमिदमुत्तमम् । आराधयं महादेवमम्लानगुरुसौरभम्

avāpya mānasodbhūtaṁ kahlāramidamuttamam ārādhayaṁ mahādevamamlānagurusaurabham

'Having obtained this excellent white lotus born of the Manasa lake, unfading, of deep fragrance, I worshipped Mahadeva with it.'

Verse 30 (skanda.1.114.30)

यदक्षयमविश्रांतमर्चनायोजितं मया । अविच्छिन्नमहादीप्तिः कामधेनुघृताप्लुतः

yadakṣayamaviśrāṁtamarcanāyojitaṁ mayā avicchinnamahādīptiḥ kāmadhenughṛtāplutaḥ

'Which, imperishable and unceasing, I have kept devoted to worship, of unbroken and great splendour, drenched with the ghee of the wish-fulfilling cow.'

Verse 31 (skanda.1.114.31)

अवेक्षणीयो भूपालैरनुपाल्यश्च सर्वदा । धर्मलक्षणमाधेयं लोकरक्षार्थमादरात्

avekṣaṇīyo bhūpālairanupālyaśca sarvadā dharmalakṣaṇamādheyaṁ lokarakṣārthamādarāt

'It is to be watched over and always sustained by kings; for the world's protection, the very mark of dharma is to be upheld with reverence.'

Verse 32 (skanda.1.114.32)

सर्वाभीप्सितसिद्ध्यर्थं मत्प्रीतिकरणाय च । मया संस्थापिता धर्मा द्वात्रिंशल्लोकगुप्तये

sarvābhīpsitasiddhyarthaṁ matprītikaraṇāya ca mayā saṁsthāpitā dharmā dvātriṁśallokaguptaye

'For the accomplishment of every desire, and for my own delight, thirty-two dharmas have been established by me for the protection of the worlds.'

Verse 33 (skanda.1.114.33)

रक्षणीया प्रयत्नेन तत्संनिधिमुपागतैः । सर्वालंकारसंयुक्तं सर्वभोगकृतोत्सवम् । आलोक्यतामिदं रूपं कन्यायां मम कांतिमत्

rakṣaṇīyā prayatnena tatsaṁnidhimupāgataiḥ sarvālaṁkārasaṁyuktaṁ sarvabhogakṛtotsavam ālokyatāmidaṁ rūpaṁ kanyāyāṁ mama kāṁtimat

'They are to be diligently guarded by those who come into its presence. Behold this radiant form, joined with every ornament, made festive with every enjoyment, in that maiden.'

Verse 34 (skanda.1.114.34)

ब्रह्मोवाच । इति देव्या वचः श्रुत्वा शम्भुः शोणाचलेश्वरः

brahmovāca iti devyā vacaḥ śrutvā śambhuḥ śoṇācaleśvaraḥ

Brahma said: Hearing this word of the Goddess, Shambhu, Lord of Shonachala,

Verse 35 (skanda.1.114.35)

तथेति वरदः प्रादाद्वरं सर्वमभीप्सितम् । एष शोणाचलः श्रीमान्दृश्यते लोकपूजितः

tatheti varadaḥ prādādvaraṁ sarvamabhīpsitam eṣa śoṇācalaḥ śrīmāndṛśyate lokapūjitaḥ

saying 'so be it,' as boon-giver, granted every desired boon. This glorious Shonachala is seen, worshipped by the worlds,

Verse 36 (skanda.1.114.36)

सर्वदा वरदागौर्या सर्वभोगैश्च संवृतः । य एतच्छांभवं रूपमरुणाद्रितया स्थितम्

sarvadā varadāgauryā sarvabhogaiśca saṁvṛtaḥ ya etacchāṁbhavaṁ rūpamaruṇādritayā sthitam

ever accompanied by boon-giving Gauri, and surrounded by every enjoyment; whoever, this form of Shambhu, established in the very form of Arunadri —

Verse 37 (skanda.1.114.37)

संपश्यंति नमस्यंति कृतार्थाः सर्व एव ते । अरुणाचलमाहात्म्यमेतच्छ्रण्वंति ये भुवि

saṁpaśyaṁti namasyaṁti kṛtārthāḥ sarva eva te aruṇācalamāhātmyametacchraṇvaṁti ye bhuvi

— beholds and bows to it, all such become fulfilled. Whoever on this earth hears this Arunachala Mahatmya,

Verse 38 (skanda.1.114.38)

भवंति सततं तेषां समग्राः सर्वसंपदः । श्रीमत्त्वं वाक्पतित्वं च रूपमव्याहतं बलम्

bhavaṁti satataṁ teṣāṁ samagrāḥ sarvasaṁpadaḥ śrīmattvaṁ vākpatitvaṁ ca rūpamavyāhataṁ balam

for them, constantly, every prosperity comes in full measure — glory, mastery of speech, unimpeded beauty and strength.

Verse 39 (skanda.1.114.39)

लभंते पापनाशं च माहात्म्यस्यास्य धारणात् । सर्वतीर्थाभिषवणं सर्वयज्ञक्रियाफलम्

labhaṁte pāpanāśaṁ ca māhātmyasyāsya dhāraṇāt sarvatīrthābhiṣavaṇaṁ sarvayajñakriyāphalam

By holding fast to this greatness, they obtain also the destruction of sin; the fruit of bathing in every sacred ford, of every sacrificial rite —

Verse 40 (skanda.1.114.40)

सदाशिवप्रसादं च दत्ते शोणाद्रिदर्शनम्

sadāśivaprasādaṁ ca datte śoṇādridarśanam

— and the very grace of Sadashiva, all are granted by the mere sight of Shonadri.

Verse 41 (skanda.1.114.41)

इति कैलासशिखरात्प्राप्ता देवी शिवाज्ञया । शापमोक्षगतवती शोणाचलनिरीक्षणात्

iti kailāsaśikharātprāptā devī śivājñayā śāpamokṣagatavatī śoṇācalanirīkṣaṇāt

Thus the Goddess, who had come from the peak of Kailasa by Shiva's command, attained release from the curse through the mere sight of Shonachala.

Verse 42 (skanda.1.114.42)

स्थानेष्वन्येषु देवस्य विद्यमानेषु च क्षितौ । दिवि चात्यंतपुण्येषु शंभुरत्र प्रसेदिवान्

sthāneṣvanyeṣu devasya vidyamāneṣu ca kṣitau divi cātyaṁtapuṇyeṣu śaṁbhuratra prasedivān

Among the other abodes of the God existing upon this earth, and even amidst the most sacred realms of heaven, it is here that Shambhu has become most gracious.

Verse 43 (skanda.1.114.43)

अयं सदाशिवः साक्षादरुणाचलरूपतः । दृश्यते परमं तेजः सर्गस्थित्यंतकारणम्

ayaṁ sadāśivaḥ sākṣādaruṇācalarūpataḥ dṛśyate paramaṁ tejaḥ sargasthityaṁtakāraṇam

This Sadashiva is seen, directly in the very form of Arunachala, as the supreme radiance, the very cause of creation, preservation, and dissolution.

Verse 44 (skanda.1.114.44)

एतत्तु तैजसं लिगं सर्वदेवनमस्कृतम् । दृश्यते कर्मभूरेषा तेन धर्माधिका मता

etattu taijasaṁ ligaṁ sarvadevanamaskṛtam dṛśyate karmabhūreṣā tena dharmādhikā matā

This linga of light, bowed to by every god, is seen here — for this reason, this land of action is held to be supreme in dharma.

Verse 45 (skanda.1.114.45)

अरुणाचलनाथस्य तेजसा धूतकल्मषाः । भक्तिमंतो नरा लोके सुखमाप्स्यंति सर्वतः

aruṇācalanāthasya tejasā dhūtakalmaṣāḥ bhaktimaṁto narā loke sukhamāpsyaṁti sarvataḥ

Men of devotion, their impurities washed away by the radiance of the Lord of Arunachala, shall obtain happiness everywhere in this world.

Verse 46 (skanda.1.114.46)

प्रदक्षिणैर्नमस्कारैस्तपोभिर्नियमैरपि । येऽर्चयंत्यरुणाद्रीशं तेषां शंभुर्वशंगतः

pradakṣiṇairnamaskāraistapobhirniyamairapi ye'rcayaṁtyaruṇādrīśaṁ teṣāṁ śaṁbhurvaśaṁgataḥ

Those who worship the Lord of the red mountain with circumambulation, prostration, austerities, and observances too — Shambhu comes under their very sway.

Verse 47 (skanda.1.114.47)

न तथा तपसा योगैर्दानैः प्रीणाति शंकरः । यथा सकृदपि प्राप्तादरुणाचलदर्शनात्

na tathā tapasā yogairdānaiḥ prīṇāti śaṁkaraḥ yathā sakṛdapi prāptādaruṇācaladarśanāt

Shankara is not pleased so much by austerity, by yoga, or by gifts, as he is by even a single sight of Arunachala, however it may be obtained.

Verse 48 (skanda.1.114.48)

स्वयंभुवः सदा वेदाः सेतिहासा दिवि स्थिताः । परितो गिरिरूपास्ते स्तुवंत्यरुणपर्वतम्

svayaṁbhuvaḥ sadā vedāḥ setihāsā divi sthitāḥ parito girirūpāste stuvaṁtyaruṇaparvatam

The self-born Vedas, together with the Itihasas, dwell forever in heaven; taking the very form of mountains all around, they praise the mountain Aruna.

Verse 49 (skanda.1.114.49)

एतस्य वैभवं सर्वं न मया न च शार्ङ्गिणा । वचसा शक्यते वक्तुं वर्षकोटिशतैरपि

etasya vaibhavaṁ sarvaṁ na mayā na ca śārṅgiṇā vacasā śakyate vaktuṁ varṣakoṭiśatairapi

This mountain's entire majesty neither I nor Vishnu, bearer of the bow Sharnga, could tell in words, even across hundreds of millions of years.

Verse 50 (skanda.1.114.50)

देवाश्च हरिमुख्यास्ते कल्पकाद्याः सुरद्रुमाः । प्रच्छन्नरूपाः सेवंते सर्वदैवारुणाचलम्

devāśca harimukhyāste kalpakādyāḥ suradrumāḥ pracchannarūpāḥ sevaṁte sarvadaivāruṇācalam

The gods, headed by Hari, and the celestial trees headed by the wish-fulfilling one too, in hidden forms, ever serve Arunachala always.

Verse 51 (skanda.1.114.51)

न तस्य कलिदोषः स्यान्नाधिव्याधिविजृंभणा । यत्र संपूज्यते लिंगमरुणाचलसंज्ञितम्

na tasya kalidoṣaḥ syānnādhivyādhivijṛṁbhaṇā yatra saṁpūjyate liṁgamaruṇācalasaṁjñitam

There is no fault of the Kali age there, nor any outbreak of mental or bodily affliction, wherever the linga called Arunachala is worshipped.

Verse 52 (skanda.1.114.52)

इत्येतत्कथितं सर्वं तव शंभुपदाश्रयम् । चरितं ह्यरुणस्यास्य कल्पपुण्यदुरासदम्

ityetatkathitaṁ sarvaṁ tava śaṁbhupadāśrayam caritaṁ hyaruṇasyāsya kalpapuṇyadurāsadam

Thus has all this been told to you — this deed of Aruna, itself the very refuge at Shambhu's feet, is hard to attain even by the merit of an entire cosmic age.

Verse 53 (skanda.1.114.53)

सूत उवाच । इति विधिमुखनिःसृतामुदारामरुणगिरीशकथासुधापगां हि । श्रुतिपुटयुगलात्पिबन्मनोज्ञां सनकमुनिस्तपसां फलं स लेभे

sūta uvāca iti vidhimukhaniḥsṛtāmudārāmaruṇagirīśakathāsudhāpagāṁ hi śrutipuṭayugalātpibanmanojñāṁ sanakamunistapasāṁ phalaṁ sa lebhe

Suta said: Thus, drinking in through the twin vessels of his ears this generous river of nectar — the tale of the Lord of the mountain Aruna, flowing forth from the mouth of Vidhi, so delightful — sage Sanaka obtained the very fruit of his own austerities.