Rites Performed for the Fulfilment of Desires

Verse 1 (skanda.1.121.1)

नंदिकेश्वर उवाच । रक्तोत्पलैरर्कवारे यः शोणाद्रीशमर्चयेत् । अवश्यं तस्य सिध्यंति सार्वभौममहर्द्धयः

naṁdikeśvara uvāca raktotpalairarkavāre yaḥ śoṇādrīśamarcayet avaśyaṁ tasya sidhyaṁti sārvabhaumamaharddhayaḥ

Nandikeshvara said: One who worships Shonadrisha with red lotuses on Sunday certainly attains the great fortunes of universal sovereignty.

Verse 2 (skanda.1.121.2)

सौम्यवारेऽरुणाद्रीशं कस्तूरीकरवीरकैः । यः पूजयति तस्य स्यात्सत्यलोके सुखासिका

saumyavāre'ruṇādrīśaṁ kastūrīkaravīrakaiḥ yaḥ pūjayati tasya syātsatyaloke sukhāsikā

One who worships Arunadrisha on Wednesday with musk and oleander flowers gains a blissful abode in Satyaloka.

Verse 3 (skanda.1.121.3)

गुरुवारे सितांभोजैः शोणेशं वरिवस्यतः । जनलोके चिरं वासः सिद्धैः सह भविष्यति

guruvāre sitāṁbhojaiḥ śoṇeśaṁ varivasyataḥ janaloke ciraṁ vāsaḥ siddhaiḥ saha bhaviṣyati

One who venerates Shonesha on Thursday with white lotuses is granted a long sojourn in Janaloka in the company of the Siddhas.

Verse 4 (skanda.1.121.4)

चंपकैर्मल्लिकाभिश्च शुक्रवारे समर्चयेत् । तपोलोकं प्रपद्येत ब्रह्मर्षिभिरभिष्टुतः

caṁpakairmallikābhiśca śukravāre samarcayet tapolokaṁ prapadyeta brahmarṣibhirabhiṣṭutaḥ

One who worships with champaka and jasmine flowers on Friday attains Tapoloka, where he is extolled by the brahmarshis.

Verse 5 (skanda.1.121.5)

सौरिवारे च जातीभिस्समाराध्यारुणेश्वरम् । न जातु यमलोकानां पापीयानपि कल्पते

saurivāre ca jātībhissamārādhyāruṇeśvaram na jātu yamalokānāṁ pāpīyānapi kalpate

By worshipping Aruneshvara with jasmine flowers on Saturday, even a sinful man never again becomes fit to enter the realm of Yama.

Verse 6 (skanda.1.121.6)

प्रथमायां तिथौ देवस्योपहारं समर्पयेत् । यः पायसेन स भवेद्धनधान्यसमृद्धिमान्

prathamāyāṁ tithau devasyopahāraṁ samarpayet yaḥ pāyasena sa bhaveddhanadhānyasamṛddhimān

One who offers an oblation of sweet rice pudding to the Lord on the first lunar day becomes rich in wealth and grain.

Verse 7 (skanda.1.121.7)

द्वितीयस्यां तिथौ भक्त्या यो दध्यन्नं निवेदयेत् । स भवेद्भाग्यवाञ्छ्रेष्ठः सोमपाश्च भवेद्ध्रुवम्

dvitīyasyāṁ tithau bhaktyā yo dadhyannaṁ nivedayet sa bhavedbhāgyavāñchreṣṭhaḥ somapāśca bhaveddhruvam

One who devotedly offers curd-rice on the second lunar day becomes eminently fortunate and surely attains the rank of a soma-drinker.

Verse 8 (skanda.1.121.8)

तृतीयायां च योऽपूपैः शोणेशं परितर्पयेत् । तस्या व्याहतमारोग्यमाशरीरं भविष्यति

tṛtīyāyāṁ ca yo'pūpaiḥ śoṇeśaṁ paritarpayet tasyā vyāhatamārogyamāśarīraṁ bhaviṣyati

One who satisfies Shonesha with sweet cakes on the third lunar day is blessed with unbroken health for as long as he lives.

Verse 9 (skanda.1.121.9)

चतुर्थ्यामरुणेशाय पूर्णकुम्भोत्करादिकम् । निवेदयति यस्तस्य भवेत्पूर्णमनोरथः

caturthyāmaruṇeśāya pūrṇakumbhotkarādikam nivedayati yastasya bhavetpūrṇamanorathaḥ

One who presents Aruneshvara with a full pot of offerings and the like on the fourth lunar day has all his desires fulfilled.

Verse 10 (skanda.1.121.10)

मुद्गौदनं च पंचम्यामुपहारं प्रकल्पयेत । शोणेश्वराय भक्त्या यः स स्यादक्षय्यवैभवः

mudgaudanaṁ ca paṁcamyāmupahāraṁ prakalpayeta śoṇeśvarāya bhaktyā yaḥ sa syādakṣayyavaibhavaḥ

One who devotedly prepares and offers an oblation of moong-rice to Shoneshvara on the fifth lunar day gains imperishable prosperity.

Verse 11 (skanda.1.121.11)

षष्ठ्यां गुडौदनं दद्यादरुणाचलशम्भवे । भक्त्या यस्तस्य सन्तानो न कदाचित्प्रहीयते

ṣaṣṭhyāṁ guḍaudanaṁ dadyādaruṇācalaśambhave bhaktyā yastasya santāno na kadācitprahīyate

One who devotedly offers jaggery-rice to Arunachala-Shambhu on the sixth lunar day never sees his line of descendants diminish.

Verse 12 (skanda.1.121.12)

तिलौदनं यस्सप्तम्यां शोणेशाय समर्पयेत् । स दीनोऽप्यधमर्णत्वमयत्नेन व्यपोहति

tilaudanaṁ yassaptamyāṁ śoṇeśāya samarpayet sa dīno'pyadhamarṇatvamayatnena vyapohati

One who offers sesame-rice to Shonesha on the seventh lunar day, even if destitute, effortlessly rids himself of indebtedness.

Verse 13 (skanda.1.121.13)

अष्टम्यां राजशाल्यन्नं यो दद्याच्छोणशम्भवे । तस्य सेवां विनापि स्याद्राजलोको वशीकृतः

aṣṭamyāṁ rājaśālyannaṁ yo dadyācchoṇaśambhave tasya sevāṁ vināpi syādrājaloko vaśīkṛtaḥ

One who offers fine rice-food to Shona-Shambhu on the eighth lunar day gains the favour of kings and rulers without even serving them.

Verse 14 (skanda.1.121.14)

गोधूमान्नं नवम्यां च शोणाद्रीशाय योऽर्पयेत् । राजयक्ष्मादयस्तस्य न भविष्यंति जातु च

godhūmānnaṁ navamyāṁ ca śoṇādrīśāya yo'rpayet rājayakṣmādayastasya na bhaviṣyaṁti jātu ca

One who offers wheat-food to Shonadrisha on the ninth lunar day is never afflicted by consumption or similar diseases.

Verse 15 (skanda.1.121.15)

दशम्यां शोणनाथाय यः करंभं निवेदयेत् । स भवेत्सर्वलोकानां सदैव प्रीतिभाजनम्

daśamyāṁ śoṇanāthāya yaḥ karaṁbhaṁ nivedayet sa bhavetsarvalokānāṁ sadaiva prītibhājanam

One who offers a preparation of curd and parched grain to Shonanatha on the tenth lunar day forever remains beloved by all people.

Verse 16 (skanda.1.121.16)

पृथुकैरुपहारान्य एकादश्यां प्रकल्पयेत् । अरुणाचलनाथस्य स भवेदकुतोभयः

pṛthukairupahārānya ekādaśyāṁ prakalpayet aruṇācalanāthasya sa bhavedakutobhayaḥ

One who prepares an offering of flattened rice for Arunachalanatha on the eleventh lunar day becomes fearless from every quarter.

Verse 17 (skanda.1.121.17)

द्वादश्यां शोणनाथाय सूपौदननिवेदनम् । यः करोति भवेत्तस्य निर्विघातो मनोरथः

dvādaśyāṁ śoṇanāthāya sūpaudananivedanam yaḥ karoti bhavettasya nirvighāto manorathaḥ

One who offers a meal of lentils and rice to Shonanatha on the twelfth lunar day has his every wish accomplished without obstruction.

Verse 18 (skanda.1.121.18)

यः सक्तूनरुणेशाय त्रयोदश्यां समर्पयेत् । तस्या व्याकुलचित्त्वमश्रांतमपि जायते

yaḥ saktūnaruṇeśāya trayodaśyāṁ samarpayet tasyā vyākulacittvamaśrāṁtamapi jāyate

One who offers roasted-grain flour to Aruneshvara on the thirteenth lunar day never finds his mind troubled by agitation, however great his toil.

Verse 19 (skanda.1.121.19)

अर्पयेच्छोणनाथाय फलानि विविधानि यः । चतुर्दश्यां स मूढोऽपि सिद्धसारस्वतो भवेत्

arpayecchoṇanāthāya phalāni vividhāni yaḥ caturdaśyāṁ sa mūḍho'pi siddhasārasvato bhavet

One who offers various fruits to Shonanatha on the fourteenth lunar day, even if dull-witted, becomes accomplished in learning and eloquence.

Verse 20 (skanda.1.121.20)

यः पौर्णमास्यां शोणाद्रिनाथाय विनिवेदयेत् । पनसस्य फलं तस्य चक्षूरोगो न जायते

yaḥ paurṇamāsyāṁ śoṇādrināthāya vinivedayet panasasya phalaṁ tasya cakṣūrogo na jāyate

One who offers a jackfruit to Shonadrinatha on the full-moon day never suffers from any disease of the eyes.

Verse 21 (skanda.1.121.21)

कुह्वां च संगमे भक्त्या कंदमूलादि योऽर्पयेत् । शोणाचलेश्वरायास्य तुष्यंति पितरः किल

kuhvāṁ ca saṁgame bhaktyā kaṁdamūlādi yo'rpayet śoṇācaleśvarāyāsya tuṣyaṁti pitaraḥ kila

One who devotedly offers roots and tubers to Shonachaleshvara at a river confluence on the new-moon day surely gladdens his departed ancestors.

Verse 22 (skanda.1.121.22)

अश्विन्यामरुणेशाय दद्याद्वासांसि भक्तिमान् । भरण्यामरुणेशाय दद्यादाभरणान्यपि

aśvinyāmaruṇeśāya dadyādvāsāṁsi bhaktimān bharaṇyāmaruṇeśāya dadyādābharaṇānyapi

A devoted man should offer garments to Aruneshvara under the Ashvini asterism, and ornaments to Aruneshvara under Bharani.

Verse 23 (skanda.1.121.23)

कृत्तिकासु प्रदीपांश्च रोहिण्यां रौप्यमर्पयेत् । मृगशीर्षे मलयजमार्द्रायां हरिचंदनम्

kṛttikāsu pradīpāṁśca rohiṇyāṁ raupyamarpayet mṛgaśīrṣe malayajamārdrāyāṁ haricaṁdanam

Let him offer lamps under Krittika, silver under Rohini, sandalwood of Malaya under Mrigashira, and yellow sandal under Ardra.

Verse 24 (skanda.1.121.24)

पुनर्वसौ मृगमदं पुष्ये कर्पूरमर्पयेत् । काश्मीरोद्भवमाश्लेषे मघायां तुहिनोदकम्

punarvasau mṛgamadaṁ puṣye karpūramarpayet kāśmīrodbhavamāśleṣe maghāyāṁ tuhinodakam

Let him offer musk under Punarvasu, camphor under Pushya, saffron born of Kashmir under Ashlesha, and cool water under Magha.

Verse 25 (skanda.1.121.25)

तांबूलं पूर्वफाल्गुन्यां धूपमुत्तरफाल्गुने । कालागुरूंश्च हस्तर्क्षे चित्रायां यक्षकर्दमम्

tāṁbūlaṁ pūrvaphālgunyāṁ dhūpamuttaraphālgune kālāgurūṁśca hastarkṣe citrāyāṁ yakṣakardamam

Let him offer betel under Purva Phalguni, incense under Uttara Phalguni, black aloewood under Hasta, and fragrant yakshakardama paste under Chitra.

Verse 26 (skanda.1.121.26)

स्वात्यां सुवासिनीवृंदं विशाखायां प्रकीर्णकम् । मैत्रे मुक्तातपत्रं च ज्येष्ठायां धैनुकान्यपि

svātyāṁ suvāsinīvṛṁdaṁ viśākhāyāṁ prakīrṇakam maitre muktātapatraṁ ca jyeṣṭhāyāṁ dhainukānyapi

Under Svati let him bring together married women, under Vishakha a fly-whisk, under Anuradha a canopy of pearls, and under Jyeshtha the gift of milch-cows.

Verse 27 (skanda.1.121.27)

मूले मुक्तासरान्पूर्वाषाढे मुकुटमर्पयेत् । रत्नानि चोत्तराषाढे श्रवणे भद्रपीठिकाम्

mūle muktāsarānpūrvāṣāḍhe mukuṭamarpayet ratnāni cottarāṣāḍhe śravaṇe bhadrapīṭhikām

Under Mula let him offer strings of pearls, under Purva Ashadha a crown, under Uttara Ashadha jewels, and under Shravana an ornate seat.

Verse 28 (skanda.1.121.28)

अष्टापदं धनिष्ठायां वासः शतभिषज्यपि । पूर्वाभाद्रपदे भोगानुत्तरायां तुरंगमान्

aṣṭāpadaṁ dhaniṣṭhāyāṁ vāsaḥ śatabhiṣajyapi pūrvābhādrapade bhogānuttarāyāṁ turaṁgamān

Under Dhanishtha let him offer cloth wrought with gold, under Shatabhisha garments too, under Purva Bhadrapada articles of enjoyment, and under Uttara Bhadrapada horses.

Verse 29 (skanda.1.121.29)

रेवत्यां च रथं हैमं प्रदद्याच्छोणशंभवे । दद्यात्कृत्वा महापूजां तत एवार्पयेन्नरः

revatyāṁ ca rathaṁ haimaṁ pradadyācchoṇaśaṁbhave dadyātkṛtvā mahāpūjāṁ tata evārpayennaraḥ

Under Revati let him present a golden chariot to Shona-Shambhu; a man should make each such offering only after performing the great worship rite.

Verse 30 (skanda.1.121.30)

पूज्यो राशिषु मेषादिष्वरुणेथो विशेषतः । सिंदुवारैः कुरबकैः ककुभैः पाटलैः क्रमात्

pūjyo rāśiṣu meṣādiṣvaruṇetho viśeṣataḥ siṁduvāraiḥ kurabakaiḥ kakubhaiḥ pāṭalaiḥ kramāt

In the zodiac signs beginning with Aries, Aruneshvara should be specially worshipped, in order, with the flowers of the five-leaved chaste tree, red amaranth, the Arjuna tree, and the trumpet-flower.

Verse 31 (skanda.1.121.31)

कुटजैर्नीपकुसुमैर्जीवंतीमल्लिकादिभिः । सरोरुहैर्दमनकैर्नद्यावर्तसरोरुहैः

kuṭajairnīpakusumairjīvaṁtīmallikādibhiḥ saroruhairdamanakairnadyāvartasaroruhaiḥ

and, in turn, with kutaja blossoms, kadamba flowers, jivanti and jasmine, lotuses, damanaka, and nadyavarta lotuses.

Verse 32 (skanda.1.121.32)

पंचामृतेन स्नपयन्नुभयोरुपरागयोः । पंचाक्षरेण कुर्वीत शोणनाथस्य भक्तितः

paṁcāmṛtena snapayannubhayoruparāgayoḥ paṁcākṣareṇa kurvīta śoṇanāthasya bhaktitaḥ

On the occasion of either kind of eclipse, one should devotedly bathe Shonanatha in the five nectars while reciting the five-syllabled mantra.

Verse 33 (skanda.1.121.33)

स्नपनं पञ्चगव्येन द्वयोरयनयोरपि । षडक्षरेण कुर्वीत गव्येन स्नपनक्रियाम्

snapanaṁ pañcagavyena dvayorayanayorapi ṣaḍakṣareṇa kurvīta gavyena snapanakriyām

At both solstices too, the bathing rite should be performed with the five products of the cow, reciting the six-syllabled mantra.

Verse 34 (skanda.1.121.34)

प्रणवेनैव कुर्वीत क्षीरेण स्नपनक्रियाम् । अरुणाचलनाथस्य भक्त्या विषुवयोर्द्वयोः

praṇavenaiva kurvīta kṣīreṇa snapanakriyām aruṇācalanāthasya bhaktyā viṣuvayordvayoḥ

At both equinoxes, the milk-bathing rite for Arunachalanatha should be performed devotedly with the pranava alone.

Verse 35 (skanda.1.121.35)

प्राह्णे स्याद्रुद्रतुलसी मध्याह्ने कृतमालकम् । अपराह्णे मल्लिका च शोणाद्रीशस्य शस्यते

prāhṇe syādrudratulasī madhyāhne kṛtamālakam aparāhṇe mallikā ca śoṇādrīśasya śasyate

For Shonadrisha it is prescribed that Rudra-tulasi be offered in the forenoon, amaltas flowers at midday, and jasmine in the afternoon.

Verse 36 (skanda.1.121.36)

अद्धोदये च स्नपयेत्सहस्रकलशोदकैः । शतरुद्रीयमुच्चार्य श्रीशोणाचलशंभवे

addhodaye ca snapayetsahasrakalaśodakaiḥ śatarudrīyamuccārya śrīśoṇācalaśaṁbhave

On the rising of the waters, Shri Shonachala-Shambhu should be bathed with a thousand pots of water while the Shatarudriya hymn is recited.

Verse 37 (skanda.1.121.37)

शिवरात्रौ विशेषेण त्रिशिखैर्बिल्वपत्रकैः । कमलैः कर्णिकारैश्च जागरूको यतेंद्रियः

śivarātrau viśeṣeṇa triśikhairbilvapatrakaiḥ kamalaiḥ karṇikāraiśca jāgarūko yateṁdriyaḥ

On Shivaratri especially, keeping vigil through the night with senses restrained, using triple-leafed bilva leaves, lotuses, and karnikara blossoms...

Verse 38 (skanda.1.121.38)

गीतवादित्रनृत्यैश्च दिव्यागमविधानतः । पूजयेदपवर्गार्थं शोणशैले महेश्वरम्

gītavāditranṛtyaiśca divyāgamavidhānataḥ pūjayedapavargārthaṁ śoṇaśaile maheśvaram

...and with song, instrumental music, and dance, according to the rite laid down in the divine Agamas, one should worship Maheshvara on the Shona hill for the sake of liberation.

Verse 39 (skanda.1.121.39)

मासि पौषे च देवस्य कुर्यादाग्नेयमुत्सवम् । नवान्नैरुपदंशाद्यैर्व्याहृतीरुच्चरन्बुधः

māsi pauṣe ca devasya kuryādāgneyamutsavam navānnairupadaṁśādyairvyāhṛtīruccaranbudhaḥ

In the month of Pausha the fire-festival of the Lord should be celebrated; the wise, reciting the vyahritis, should perform it with the new harvest grain and various accompaniments.

Verse 40 (skanda.1.121.40)

वैशाखे च विशाखायां शिवतंत्रानुसारतः । शोणाचलेश्वरस्यास्य कुर्याद्दमनकोत्सवम्

vaiśākhe ca viśākhāyāṁ śivataṁtrānusārataḥ śoṇācaleśvarasyāsya kuryāddamanakotsavam

In the month of Vaishakha, under the Vishakha asterism, the Damanaka festival of Shonachaleshvara should be celebrated in accordance with the Shiva-tantra.

Verse 41 (skanda.1.121.41)

प्राबोधिक मार्गशीर्षे प्रातर्निर्माय सामभिः । महापूजां प्रकुर्वीत शोणशैलस्य भक्तिमान्

prābodhika mārgaśīrṣe prātarnirmāya sāmabhiḥ mahāpūjāṁ prakurvīta śoṇaśailasya bhaktimān

A devoted man, in the month of Margashirsha on the Prabodhini day, should rise in the morning and, with the chanting of Sama hymns, perform the great worship of the Shona hill.

Verse 42 (skanda.1.121.42)

शनिप्रदोषेष्वार्द्रासु व्यतीपातेषु पर्वसु । सोमार्कवारयोश्चार्चेच्छोणाद्रीशं यथागमम

śanipradoṣeṣvārdrāsu vyatīpāteṣu parvasu somārkavārayoścārcecchoṇādrīśaṁ yathāgamama

On Shani-pradosha occasions, under Ardra, during the vyatipata conjunction, on festival days, and on Mondays and Sundays, Shonadrisha should be worshipped according to the Agamic rite.

Verse 43 (skanda.1.121.43)

दीक्षोपनयनोद्वाहपुत्रजन्मादिकेष्वपि । विशेषपूजां कुर्वीत शोणनाथस्य भक्तिमान्

dīkṣopanayanodvāhaputrajanmādikeṣvapi viśeṣapūjāṁ kurvīta śoṇanāthasya bhaktimān

On occasions such as initiation, the sacred-thread ceremony, marriage, and the birth of a son too, a devoted man should perform special worship of Shonanatha.

Verse 44 (skanda.1.121.44)

अपि स्वजन्मनक्षत्रे संपत्स्वापत्सु भीतिषु । प्रवेशनिर्गमनयोश्चार्चनीयोऽरुणेश्वरः

api svajanmanakṣatre saṁpatsvāpatsu bhītiṣu praveśanirgamanayoścārcanīyo'ruṇeśvaraḥ

On the day of one's birth asterism, in times of prosperity, in adversity, in fear, and when entering or setting out on a journey, Aruneshvara should likewise be worshipped.

Verse 45 (skanda.1.121.45)

व्रतिचक्रागमे पादबंधने नववैभवे । अरुणेशार्चनं कुर्यादभियानेषु च द्विषाम्

vraticakrāgame pādabaṁdhane navavaibhave aruṇeśārcanaṁ kuryādabhiyāneṣu ca dviṣām

At the onset of a votive cycle, in captivity, on gaining new prosperity, and when enemies march to attack, worship of Aruneshvara should be performed.

Verse 46 (skanda.1.121.46)

स्मरेदतिदवीयांश्चेत्पश्येत्पर्यंतगो यदि । स्थितश्चेदरुणक्षेत्रे त्रिकालं पूजयेच्छिवम्

smaredatidavīyāṁścetpaśyetparyaṁtago yadi sthitaścedaruṇakṣetre trikālaṁ pūjayecchivam

If one is very far away, let him simply remember the Lord; if he is near the boundary, let him behold Him; and if he actually dwells within Arunakshetra, let him worship Shiva three times a day.

Verse 47 (skanda.1.121.47)

किमन्यद्वद वत्सेति उद्धृत्य भुजमुच्यते । अरुणक्षेत्रतो नान्यदलं स्वर्गापवर्गयोः

kimanyadvada vatseti uddhṛtya bhujamucyate aruṇakṣetrato nānyadalaṁ svargāpavargayoḥ

"What more shall I say, O child?" — with these words and arm upraised it is proclaimed that nothing else suffices, for either heaven or liberation, as does Arunakshetra.

Verse 48 (skanda.1.121.48)

स्मरणेन मनःश्रोत्रे श्रवणाद्दर्शनादृशौः । जिह्वां च कीर्त्तनाच्छोणक्षेत्रं सद्यः पुनात्यलम्

smaraṇena manaḥśrotre śravaṇāddarśanādṛśauḥ jihvāṁ ca kīrttanācchoṇakṣetraṁ sadyaḥ punātyalam

Shonakshetra instantly and fully purifies the mind by mere remembrance, the ears by hearing of it, the eyes by beholding it, and the tongue by singing its praise.

Verse 49 (skanda.1.121.49)

अरुणेस्मिन्महाक्षेत्रे देहिभिर्लब्धजन्मभिः । जीवद्भिर्लभ्यते भोगो मोक्षश्चोन्मुक्तजीवितैः

aruṇesminmahākṣetre dehibhirlabdhajanmabhiḥ jīvadbhirlabhyate bhogo mokṣaśconmuktajīvitaiḥ

Beings born in this great field of Arunachala obtain enjoyment while yet living, and, once their life is relinquished, attain liberation.

Verse 50 (skanda.1.121.50)

अन्यत्र मुक्तदेहानामप्यत्र श्राद्धकर्मणा । अपि पापात्मनां पुंसामपवर्गो भविष्यति

anyatra muktadehānāmapyatra śrāddhakarmaṇā api pāpātmanāṁ puṁsāmapavargo bhaviṣyati

Even for those whose bodies were relinquished elsewhere, the performance of shraddha rites here brings liberation — even for men who were sinful.

Verse 51 (skanda.1.121.51)

अयोध्यां मथुरां मायां काशीं कांचीमवंतिकाम् । द्वारकां चारुणक्षेत्रमतिशेते न संशयः

ayodhyāṁ mathurāṁ māyāṁ kāśīṁ kāṁcīmavaṁtikām dvārakāṁ cāruṇakṣetramatiśete na saṁśayaḥ

Ayodhya, Mathura, Maya, Kashi, Kanchi, Avantika, and Dvaraka — Arunakshetra undoubtedly surpasses them all.

Verse 52 (skanda.1.121.52)

इत्युक्तवंतं च शिलादपुत्रं मृकण्डुसूनुः पुनरप्युवाच । माहात्म्यमेतन्महनीयकीर्ते भूयोपि पृच्छामि वदस्व मह्यम्

ityuktavaṁtaṁ ca śilādaputraṁ mṛkaṇḍusūnuḥ punarapyuvāca māhātmyametanmahanīyakīrte bhūyopi pṛcchāmi vadasva mahyam

To Shiladaputra, who had spoken thus, the son of Mrikandu spoke again: "O one of glorious renown, I ask you once more about this greatness — pray, tell it to me."