Indra's Sin and the Curse of Nahusha

Verse 1 (skanda.1.15.1)

॥ ऋषय ऊचुः॥ राज्यं प्राप्तो हि देवेंद्रः कथितस्ते गुरुं विना॥ गुरोरवज्ञया जातो राज्यभ्रंशो हि तस्य तु

|| ṛṣaya ūcuḥ|| rājyaṃ prāpto hi deveṃdraḥ kathitaste guruṃ vinā|| guroravajñayā jāto rājyabhraṃśo hi tasya tu

The sages said: You told us that Devendra obtained his kingdom without a guru; and that it was through disrespect of his guru that he lost his kingdom.

Verse 2 (skanda.1.15.2)

केन प्रणोदितश्चेंद्रो बभूव चिरमासने॥ तत्सर्वं कथयाशु त्वं परं कौतूहलं हि नः

kena praṇoditaśceṃdro babhūva ciramāsane|| tatsarvaṃ kathayāśu tvaṃ paraṃ kautūhalaṃ hi naḥ

By whom was he driven from that throne, and for how long did he remain deprived of it? Tell us all this quickly, for we are filled with the greatest curiosity.

Verse 3 (skanda.1.15.3)

॥लोमश उवाच॥ गुरुणापि विना राज्यं कृतवान्स शचीपतिः॥ विश्वरूपोक्तविधिना इंद्रो राज्ये स्थितो महान्

||lomaśa uvāca|| guruṇāpi vinā rājyaṃ kṛtavānsa śacīpatiḥ|| viśvarūpoktavidhinā iṃdro rājye sthito mahān

Lomasha said: Without a guru, Shachi's lord ruled his kingdom; the great Indra remained established in his rule following the rites laid down by Vishvarupa.

Verse 4 (skanda.1.15.4)

विश्वकर्मसुतो विप्रा विश्वरूपो महानृपः॥ पुरोहितोऽथ शक्रस्य याजकश्चाभवत्तदा

viśvakarmasuto viprā viśvarūpo mahānṛpaḥ|| purohito'tha śakrasya yājakaścābhavattadā

O brahmins, Vishvarupa, son of Vishvakarma, a great and noble being, had at that time become Indra's priest and officiant.

Verse 5 (skanda.1.15.5)

तस्मिन्यज्ञेऽवदानैश्च यजने असुरान्सुरान्॥ मनुष्यांश्चैव त्रिशिरा अपरोक्षं शचीपतेः

tasminyajñe'vadānaiśca yajane asurānsurān|| manuṣyāṃścaiva triśirā aparokṣaṃ śacīpateḥ

In that sacrifice, offering oblations to the asuras, the gods and men through the shares of the offerings, the three-headed Vishvarupa, unseen by Shachi's lord —

Verse 6 (skanda.1.15.6)

देवान्ददाति साक्रोशं दैत्यांस्तूष्णीमथाददात्॥ मनुष्यान्मध्यपातेन प्रत्यहं स ग्रहान्द्विजः

devāndadāti sākrośaṃ daityāṃstūṣṇīmathādadāt|| manuṣyānmadhyapātena pratyahaṃ sa grahāndvijaḥ

gave open shares to the gods, but gave to the daityas in secret; and that brahmin, day after day, granted a hidden middle portion to men as well.

Verse 7 (skanda.1.15.7)

एकदा तु महेंद्रेण सूचितो गुरुलाघवात्॥ अलक्ष्यमाणेन तदा ज्ञातं तस्य चिकीर्षितम्

ekadā tu maheṃdreṇa sūcito gurulāghavāt|| alakṣyamāṇena tadā jñātaṃ tasya cikīrṣitam

Once, by mere chance, Mahendra came to notice this cleverness of his guru, and understood what he intended.

Verse 8 (skanda.1.15.8)

दैत्यानां कार्यसिद्ध्यर्थमवदानं प्रयच्छति॥ असौ पुरोहितोऽस्माकं परेषां च फलप्रदः

daityānāṃ kāryasiddhyarthamavadānaṃ prayacchati|| asau purohito'smākaṃ pareṣāṃ ca phalapradaḥ

"He gives this share for the fulfilment of the daityas' purpose alone; though our own priest, he is truly a bestower of fruit upon others."

Verse 9 (skanda.1.15.9)

इति मत्वा तदा शक्रो वज्रेण शतपर्वणा॥ चिच्छेद तच्छिरांस्येव तत्क्षणादभवद्वधः

iti matvā tadā śakro vajreṇa śataparvaṇā|| ciccheda tacchirāṃsyeva tatkṣaṇādabhavadvadhaḥ

Thinking thus, the enraged Indra severed all three of his heads with his hundred-jointed thunderbolt — and at that very instant he was slain.

Verse 10 (skanda.1.15.10)

येनाकरोत्सोमपानमजायंत कपिंजलाः॥ ततोन्येन सुरापानात्कलविंका भवन्मुखात्

yenākarotsomapānamajāyaṃta kapiṃjalāḥ|| tatonyena surāpānātkalaviṃkā bhavanmukhāt

From the head with which he had drunk the soma, kapinjala birds sprang forth; and from the other mouth, with which he had drunk wine, sparrows were born.

Verse 11 (skanda.1.15.11)

अन्याननादजायंत तित्तिरा विश्वरूपिणः॥ एवं हतो विश्वरूपः शक्रेण मंदभागिना

anyānanādajāyaṃta tittirā viśvarūpiṇaḥ|| evaṃ hato viśvarūpaḥ śakreṇa maṃdabhāginā

And from the food eaten by his third, all-embracing mouth, partridges came into being. Thus was Vishvarupa slain at the hands of the ill-fated Indra.

Verse 12 (skanda.1.15.12)

ब्रह्महत्या तदोद्भूता दुर्धर्षा च भयावहा॥ दुर्धर्षा दुर्मुखा दुष्टा चण्डालरजसान्विता

brahmahatyā tadodbhūtā durdharṣā ca bhayāvahā|| durdharṣā durmukhā duṣṭā caṇḍālarajasānvitā

From this, at once, a most formidable and dreadful Brahmahatya, the sin of killing a brahmin, sprang forth — unassailable, hideous of face, wicked, covered with the dust of the outcaste.

Verse 13 (skanda.1.15.13)

ब्रह्महत्या सुरापानं स्तेयं गुर्वंगनागमः॥ इत्येषामप्यघवतामिदमेव च निष्कृतिः

brahmahatyā surāpānaṃ steyaṃ gurvaṃganāgamaḥ|| ityeṣāmapyaghavatāmidameva ca niṣkṛtiḥ

For the killing of a brahmin, the drinking of liquor, theft, and violation of the guru's wife — for those guilty of even these sins, this alone is declared as their atonement —

Verse 14 (skanda.1.15.14)

नामव्याहरणं विष्णोर्यतस्तद्विषया मतिः॥ त्रिशिरा धूम्रहस्ता सा शक्रं ग्रस्तुमुपाययौ

nāmavyāharaṇaṃ viṣṇoryatastadviṣayā matiḥ|| triśirā dhūmrahastā sā śakraṃ grastumupāyayau

namely, the utterance of Vishnu's name, for the mind of the sinner remains fixed there. That three-headed, smoke-handed Brahmahatya rushed forth to devour Indra.

Verse 15 (skanda.1.15.15)

ततो भयेन महता पलायनपरोऽभवत्॥ पलायमानं तं दृष्ट्वा ह्यनुयाता भयावहा

tato bhayena mahatā palāyanaparo'bhavat|| palāyamānaṃ taṃ dṛṣṭvā hyanuyātā bhayāvahā

Then, in great terror, he took to flight; and seeing him flee, that terrible Brahmahatya pursued him close behind.

Verse 16 (skanda.1.15.16)

यतो धावति साऽधावत्तिष्ठंतमनुतिष्ठति॥ अंगकृता यथा छाया शक्रस्यपरिवेष्टितुम्॥ आयाति तावत्सहसा इंद्रोऽप्यप्सु न्यमज्जत

yato dhāvati sā'dhāvattiṣṭhaṃtamanutiṣṭhati|| aṃgakṛtā yathā chāyā śakrasyapariveṣṭitum|| āyāti tāvatsahasā iṃdro'pyapsu nyamajjata

Wherever he ran, she ran; wherever he stood still, she too stood still — like a shadow cast upon his own body, coming to seize him; then Indra suddenly plunged into the waters.

Verse 17 (skanda.1.15.17)

शीघ्रत्वेन यथा विप्राश्चिरंतनजलेचरः

śīghratvena yathā viprāściraṃtanajalecaraḥ

O brahmins, with great speed he hid himself in the waters, taking the form of an ancient creature of the water.

Verse 18 (skanda.1.15.18)

एवं दिव्यशतं पूर्णं वर्षाणां च शचीपतेः॥ वसतस्तस्य दुःखेन तथा चैव शतद्वयम्॥ अराजकं तदा जातं नाकपृष्ठे भयावहम्

evaṃ divyaśataṃ pūrṇaṃ varṣāṇāṃ ca śacīpateḥ|| vasatastasya duḥkhena tathā caiva śatadvayam|| arājakaṃ tadā jātaṃ nākapṛṣṭhe bhayāvaham

Thus, as Shachi's lord dwelt there in misery, a full hundred divine years passed, and then two hundred more; and then a most fearful state of anarchy arose in heaven.

Verse 19 (skanda.1.15.19)

तदा चिंतान्विता देवा ऋषयोऽपि तपस्विनः॥ त्रैलोक्यं चाऽपदा ग्रस्तं बभूव च तदा द्विजाः

tadā ciṃtānvitā devā ṛṣayo'pi tapasvinaḥ|| trailokyaṃ cā'padā grastaṃ babhūva ca tadā dvijāḥ

O brahmins, then the gods and the ascetic sages too fell into deep anxiety; the three worlds were then engulfed in calamity.

Verse 20 (skanda.1.15.20)

एकोऽपि ब्रह्महा यत्र राष्ट्रे वसति निर्भयः॥ अकालमरणं तत्र साधूनामुपजायते

eko'pi brahmahā yatra rāṣṭre vasati nirbhayaḥ|| akālamaraṇaṃ tatra sādhūnāmupajāyate

In whatever realm even a single killer of a brahmin dwells unafraid, there even the virtuous meet untimely death.

Verse 21 (skanda.1.15.21)

राजा पापयुतो यस्मिन्राष्ट्रे वसति तत्र वै॥ दुर्भिक्षं चैव मरणं तथैवोपद्रवा द्विजाः

rājā pāpayuto yasminrāṣṭre vasati tatra vai|| durbhikṣaṃ caiva maraṇaṃ tathaivopadravā dvijāḥ

O brahmins, in whatever kingdom a sinful king dwells, there famine, death, and manifold calamities —

Verse 22 (skanda.1.15.22)

भवंति बहवोऽनर्थाः प्रजानां नाशहेतवे॥ तस्माद्राज्ञा तु कर्तव्यो धर्म्मः श्रद्धापरेण हि

bhavaṃti bahavo'narthāḥ prajānāṃ nāśahetave|| tasmādrājñā tu kartavyo dharmmaḥ śraddhāpareṇa hi

become many causes for the destruction of the people. Therefore a king must observe dharma with utmost devotion.

Verse 23 (skanda.1.15.23)

तथा प्रकृतयो राज्ञः शुचजित्वेन प्रतिष्ठिताः॥ इन्द्रेण च कृतं पापं तेन पापेन वै द्विजाः॥ नानाविधैर्महातापैः सोपद्रवमभूज्जगत्

tathā prakṛtayo rājñaḥ śucajitvena pratiṣṭhitāḥ|| indreṇa ca kṛtaṃ pāpaṃ tena pāpena vai dvijāḥ|| nānāvidhairmahātāpaiḥ sopadravamabhūjjagat

The king's subjects too remain bound by his own sorrow and his own triumph. O brahmins, it was through Indra's very sin that the world, afflicted by manifold great torments, fell into disorder.

Verse 24 (skanda.1.15.24)

॥शौनक उवाच॥ अश्वमेधशतेनैव प्राप्तं राज्यं महत्तरम्॥ देवानामखिलं सूत कस्माद्विघ्रमजायत॥ शक्रस्य च महाभाग यथावत्कथयस्व न

||śaunaka uvāca|| aśvamedhaśatenaiva prāptaṃ rājyaṃ mahattaram|| devānāmakhilaṃ sūta kasmādvighramajāyata|| śakrasya ca mahābhāga yathāvatkathayasva na

Shaunaka said: The gods had won that great kingdom through a hundred horse-sacrifices; O Suta, how then did such calamity fall upon Indra's entire realm? Tell us truly, O most fortunate one.

Verse 25 (skanda.1.15.25)

॥सूत उवाच॥ देवानां दानवानां च मनुष्याणां विशेषतः॥ कर्म्मैव सुखदुःखानां हेतुभूतं न संशयः

||sūta uvāca|| devānāṃ dānavānāṃ ca manuṣyāṇāṃ viśeṣataḥ|| karmmaiva sukhaduḥkhānāṃ hetubhūtaṃ na saṃśayaḥ

Suta said: For gods, for demons, and especially for men, action, karma, alone is the cause of joy and sorrow — of this there is no doubt.

Verse 26 (skanda.1.15.26)

इन्द्रेण च कृतं विप्रा महद्भूतं जुगुप्सितम्॥ गुरोरवज्ञा च कृता विश्वरूपवधः कृतः

indreṇa ca kṛtaṃ viprā mahadbhūtaṃ jugupsitam|| guroravajñā ca kṛtā viśvarūpavadhaḥ kṛtaḥ

O brahmins, Indra committed one great and detestable act — he showed contempt for his guru and slew Vishvarupa.

Verse 27 (skanda.1.15.27)

गौतमस्य गुरोः पत्नी सेविता तस्य तत्फलम्॥ प्राप्तं महेंद्रेण चिरं यस्य नास्ति प्रतिक्रिया

gautamasya guroḥ patnī sevitā tasya tatphalam|| prāptaṃ maheṃdreṇa ciraṃ yasya nāsti pratikriyā

He had also enjoyed the wife of his guru Gautama, and the fruit of that too he bore for a long time — for it there was no remedy.

Verse 28 (skanda.1.15.28)

ये हि दृष्कटतकर्म्माणो न कुर्वंति च निष्कृतिम्॥ दुर्दशां प्रप्नुवन्त्येते यथैवेन्द्रः शतक्रतुः

ye hi dṛṣkaṭatakarmmāṇo na kurvaṃti ca niṣkṛtim|| durdaśāṃ prapnuvantyete yathaivendraḥ śatakratuḥ

Those who commit evil deeds and perform no atonement for them meet with the same misfortune as Indra of the hundred sacrifices.

Verse 29 (skanda.1.15.29)

दुष्कृतोपार्जितस्या तः प्रायाश्चित्तं हि तत्क्षणात्॥ कर्तव्यं विधिवद्विप्राः सर्वपापोपशांतये

duṣkṛtopārjitasyā taḥ prāyāścittaṃ hi tatkṣaṇāt|| kartavyaṃ vidhivadviprāḥ sarvapāpopaśāṃtaye

O brahmins, atonement for sin acquired through wrongdoing should be performed at once, according to rule, so that all sin may be pacified.

Verse 30 (skanda.1.15.30)

उपपातकमध्यस्तं महापातकतां व्रजेत्

upapātakamadhyastaṃ mahāpātakatāṃ vrajet

Even a minor sin, if left without atonement, becomes equal to a great sin.

Verse 31 (skanda.1.15.31)

ततः स्वधर्मनिष्ठां च ये कुर्वंति सदा नराः॥ प्रातर्मध्याह्नसायाह्ने तेषां पापं विनश्यति

tataḥ svadharmaniṣṭhāṃ ca ye kurvaṃti sadā narāḥ|| prātarmadhyāhnasāyāhne teṣāṃ pāpaṃ vinaśyati

Those men who remain ever steadfast in their own dharma, morning, noon and evening, see their sins destroyed.

Verse 32 (skanda.1.15.32)

प्राप्नुवंत्युत्तमं लोकं नात्र कार्या विचारणा॥ तस्मादसौ दुराचारः प्राप्ते वै कर्मणः फलम्

prāpnuvaṃtyuttamaṃ lokaṃ nātra kāryā vicāraṇā|| tasmādasau durācāraḥ prāpte vai karmaṇaḥ phalam

They attain the highest world, and there is no need to question this; therefore that ill-conducted Indra too, having received the fruit of his own deed —

Verse 33 (skanda.1.15.33)

स प्रधार्य तदा सर्वे लोकपालास्त्वरान्विताः॥ बृहस्पतिमुपागम्य सर्वमात्मनि धिष्ठितम्॥ कथयामासुरव्यग्रा इंद्रस्य च गुरुं प्रति

sa pradhārya tadā sarve lokapālāstvarānvitāḥ|| bṛhaspatimupāgamya sarvamātmani dhiṣṭhitam|| kathayāmāsuravyagrā iṃdrasya ca guruṃ prati

having ascertained this, all the guardians of the quarters went swiftly to Brihaspati and, in their agitation, told the guru of Indra everything they themselves knew.

Verse 34 (skanda.1.15.34)

देवैरुक्तं वचो विप्रा निशम्य च बृहस्पतिः॥ अराजकं च संप्राप्तं चिंतयामास बुद्धिमान्

devairuktaṃ vaco viprā niśamya ca bṛhaspatiḥ|| arājakaṃ ca saṃprāptaṃ ciṃtayāmāsa buddhimān

O brahmins, hearing these words of the gods, the wise Brihaspati began to reflect deeply on the anarchy that had befallen heaven.

Verse 35 (skanda.1.15.35)

किं कार्यं चाद्य कर्तव्यं कथं श्रेयो भविष्यति॥ देवानां चाद्य लोकानामृषीणां भावितात्मनाम्

kiṃ kāryaṃ cādya kartavyaṃ kathaṃ śreyo bhaviṣyati|| devānāṃ cādya lokānāmṛṣīṇāṃ bhāvitātmanām

"What should now be done? By what means will good come to the gods, the worlds, and the sages of purified soul?"

Verse 36 (skanda.1.15.36)

मनसैव च तत्सर्वं कार्याकार्यं विचार्य च॥ जगाम शक्रं त्वरितो देवैः सह महायशाः

manasaiva ca tatsarvaṃ kāryākāryaṃ vicārya ca|| jagāma śakraṃ tvarito devaiḥ saha mahāyaśāḥ

Having weighed in his own mind all that should and should not be done, that most renowned Brihaspati set out at once, together with the gods, toward Indra.

Verse 37 (skanda.1.15.37)

प्राप्तो जलाशयं तं च यत्रास्ते हि पुरंदरः॥ यस्य तीरे स्थिता हत्या चंडालीव भयावहा

prāpto jalāśayaṃ taṃ ca yatrāste hi puraṃdaraḥ|| yasya tīre sthitā hatyā caṃḍālīva bhayāvahā

He arrived at that pool where Purandara dwelt, on whose bank that terrible Brahmahatya sat like an outcaste woman.

Verse 38 (skanda.1.15.38)

तत्रोविष्टास्ते सर्वे देवा ऋषिगणान्विताः॥ आह्वानं च कृतं तस्य शक्रस्य गुरुणा स्वयम्

tatroviṣṭāste sarve devā ṛṣigaṇānvitāḥ|| āhvānaṃ ca kṛtaṃ tasya śakrasya guruṇā svayam

There all the gods, together with the hosts of sages, sat down; and the guru himself called out to Indra.

Verse 39 (skanda.1.15.39)

समुत्थितस्ततः शक्रो ददर्श स्वगुरुं तदा॥ बाष्पपूरितवक्त्रो हि बृहस्पतिमभाषत

samutthitastataḥ śakro dadarśa svaguruṃ tadā|| bāṣpapūritavaktro hi bṛhaspatimabhāṣata

Then Shakra rose and beheld his guru there; and with a face filled with tears, he spoke to Brihaspati —

Verse 40 (skanda.1.15.40)

प्रणिपत्य च तत्रत्यान्कृताञ्जलिरभाषत॥ तदा दीनमुखो भूत्वा मनसा संविमृश्य च

praṇipatya ca tatratyānkṛtāñjalirabhāṣata|| tadā dīnamukho bhūtvā manasā saṃvimṛśya ca

Bowing to all who were present, with joined palms, his face downcast, reflecting deeply within himself, he said —

Verse 41 (skanda.1.15.41)

स्वयमेव कृतं पूर्वमज्ञानलक्षणं महत्॥ अधुनैव मया कार्यं किं कर्तव्यं वद प्रभो

svayameva kṛtaṃ pūrvamajñānalakṣaṇaṃ mahat|| adhunaiva mayā kāryaṃ kiṃ kartavyaṃ vada prabho

"Once, out of my own ignorance, I myself committed this great deed; now tell me, O lord, what I should do."

Verse 42 (skanda.1.15.42)

प्रहस्योवाच भगवान्बृहस्पति रुदारधीः॥ पुरा त्वया कृतं यच्च तस्येदं कर्मणः फलम्

prahasyovāca bhagavānbṛhaspati rudāradhīḥ|| purā tvayā kṛtaṃ yacca tasyedaṃ karmaṇaḥ phalam

Hearing this, the noble-minded, blessed Brihaspati smiled and said: "This is the fruit of that very deed which you did before."

Verse 43 (skanda.1.15.43)

मां च उद्दिश्य भो इंद्र तद्भोगादेव संक्षयः॥ प्रायश्चितं हि हत्याया न दृष्टं स्मृतिकारिभिः

māṃ ca uddiśya bho iṃdra tadbhogādeva saṃkṣayaḥ|| prāyaścitaṃ hi hatyāyā na dṛṣṭaṃ smṛtikāribhiḥ

"O Indra, that which you did with me as its object has led to this decline through its own consequence; the writers of the Smritis have found no atonement at all for the killing of a brahmin."

Verse 44 (skanda.1.15.44)

अज्ञानतो हि यज्जातं पापं तस्य प्रतिक्रिया॥ कथिता धर्म्मशास्त्रज्ञैः सकामस्य न विद्यते

ajñānato hi yajjātaṃ pāpaṃ tasya pratikriyā|| kathitā dharmmaśāstrajñaiḥ sakāmasya na vidyate

"For sin born of ignorance, the knowers of dharma-shastra have declared a remedy; but for sin committed with full intent, no such remedy exists."

Verse 45 (skanda.1.15.45)

सकामेन कृतं पापमकामं नैव जायते॥ ताभ्यां विषयभेदेन प्रायश्चित्तं विधीयते

sakāmena kṛtaṃ pāpamakāmaṃ naiva jāyate|| tābhyāṃ viṣayabhedena prāyaścittaṃ vidhīyate

"A sin committed intentionally can never be equal to one committed unintentionally; and so atonement is prescribed according to this very distinction between the two."

Verse 46 (skanda.1.15.46)

मरणांतो विधिः कार्यो कामेन हि कृतेन हि॥ अज्ञानजनिते पापे प्रायश्चित्तं विधीयते

maraṇāṃto vidhiḥ kāryo kāmena hi kṛtena hi|| ajñānajanite pāpe prāyaścittaṃ vidhīyate

"For an intentional sin, the rite must be observed unto death itself; only for sin arising from ignorance is atonement prescribed."

Verse 47 (skanda.1.15.47)

तस्मात्त्वया कृतं यच्च स्वयमेव हतो द्विजः॥ पुरोहितश्च विद्वांश्च तस्मान्नास्ति प्रतिक्रिया

tasmāttvayā kṛtaṃ yacca svayameva hato dvijaḥ|| purohitaśca vidvāṃśca tasmānnāsti pratikriyā

"Therefore what you have done — slaying, with your own hand, a learned brahmin who was your own priest — has for it no remedy."

Verse 48 (skanda.1.15.48)

यावन्मरणमप्येति तावदप्सु स्थिरो भव

yāvanmaraṇamapyeti tāvadapsu sthiro bhava

"Until death itself comes, remain steadfast here in these very waters."

Verse 49 (skanda.1.15.49)

शताश्वमेधसंज्ञं च यत्फलं तव दुर्मते॥ तन्नष्टं तत्क्षणादेव घातितो हि द्विजो यदा

śatāśvamedhasaṃjñaṃ ca yatphalaṃ tava durmate|| tannaṣṭaṃ tatkṣaṇādeva ghātito hi dvijo yadā

"O ill-counselled one, the merit you gained, called the fruit of a hundred horse-sacrifices, was destroyed at that very instant when that brahmin was slain."

Verse 50 (skanda.1.15.50)

सच्छिद्रे च यथा तोयं न तिष्ठति घटेऽण्वपि॥ तथैव सुकृतं पापे हीयते च प्रदक्षिणम्

sacchidre ca yathā toyaṃ na tiṣṭhati ghaṭe'ṇvapi|| tathaiva sukṛtaṃ pāpe hīyate ca pradakṣiṇam

"As water does not remain even a moment in a cracked pot, so too, once sin has entered, merit dwindles and flows away, however great it was."

Verse 51 (skanda.1.15.51)

तस्माच्च दैवसंयोगात्प्राप्तं स्वर्गादिकं च यैः॥ यथोक्तं तद्भवेत्तेषां धर्मिष्ठानां न संशयः

tasmācca daivasaṃyogātprāptaṃ svargādikaṃ ca yaiḥ|| yathoktaṃ tadbhavetteṣāṃ dharmiṣṭhānāṃ na saṃśayaḥ

"Therefore for the truly righteous, who by the working of fate attain heaven and the like, the fruit remains exactly as scripture declares — of this there is no doubt."

Verse 52 (skanda.1.15.52)

एतच्छ्रुत्वा वचस्तस्य शक्रो वचनमब्रवीत्॥ कुकर्मणा मदीयेन प्राप्तमेतन्न संशयः

etacchrutvā vacastasya śakro vacanamabravīt|| kukarmaṇā madīyena prāptametanna saṃśayaḥ

Hearing these words, Shakra said: "It is through my own evil deed alone that all this has come upon me — of this there is no doubt."

Verse 53 (skanda.1.15.53)

अमरावती माशु त्वं गच्छ देवर्षिबिः सह॥ लोकानां कार्यसिद्ध्यर्थे देवानां च बृहस्पते॥ इंद्रं कुरु महाभाग यस्ते मनसि रोचते

amarāvatī māśu tvaṃ gaccha devarṣibiḥ saha|| lokānāṃ kāryasiddhyarthe devānāṃ ca bṛhaspate|| iṃdraṃ kuru mahābhāga yaste manasi rocate

"O Brihaspati, go at once to Amaravati with the divine sages; for the fulfilment of the purpose of the worlds and the gods, O most fortunate one, make whoever pleases your own mind into Indra."

Verse 54 (skanda.1.15.54)

यथा मृतस्तथा हं वै ब्रह्महत्यावृतो महान्॥ रागद्वेषसमुत्थेन पापेनास्मि परिप्लुतः

yathā mṛtastathā haṃ vai brahmahatyāvṛto mahān|| rāgadveṣasamutthena pāpenāsmi pariplutaḥ

"I am now as good as dead, wrapped in this great sin of killing a brahmin; I am submerged in this sin, born of passion and hatred."

Verse 55 (skanda.1.15.55)

तस्मात्त्वरान्विता यूयं देवराजानमाशुः वै॥ कुर्वतु मदनुज्ञाताः सत्यं प्रतिवदामि वः

tasmāttvarānvitā yūyaṃ devarājānamāśuḥ vai|| kurvatu madanujñātāḥ satyaṃ prativadāmi vaḥ

"Therefore let all of you, without delay, at once make someone the king of the gods, with my leave — I speak this to you in truth."

Verse 56 (skanda.1.15.56)

एवमुक्तास्तदा सर्वे बृहस्पतिपुरोगमाः॥ एत्यामरावतीं तूर्णं पुरंदरविचेष्टितम्॥ कथयामासुरव्यग्रा शचीं प्रति यथा तथा

evamuktāstadā sarve bṛhaspatipurogamāḥ|| etyāmarāvatīṃ tūrṇaṃ puraṃdaraviceṣṭitam|| kathayāmāsuravyagrā śacīṃ prati yathā tathā

Hearing this, all of them, led by Brihaspati, returned swiftly to Amaravati, and told Shachi, in their agitation, the true account of Purandara's plight.

Verse 57 (skanda.1.15.57)

राज्यस्य हेतोः किं कार्यं विमृशंतः परस्परम्

rājyasya hetoḥ kiṃ kāryaṃ vimṛśaṃtaḥ parasparam

They began to deliberate among themselves as to what should be done for the sake of the kingdom.

Verse 58 (skanda.1.15.58)

एवं विमृश्यमानानां देवानां तत्र नारदः॥ यदृच्छयागतस्तत्र देवर्षिरमितद्युतिः

evaṃ vimṛśyamānānāṃ devānāṃ tatra nāradaḥ|| yadṛcchayāgatastatra devarṣiramitadyutiḥ

While the gods were thus lost in deliberation, the boundlessly radiant divine sage Narada happened to arrive there.

Verse 59 (skanda.1.15.59)

उवाच पूजितो देवान्कस्माद्यूयं विचेतसः॥ तेनोक्ताः कथयामासुः सर्वं शक्रस्य चेष्टितम्

uvāca pūjito devānkasmādyūyaṃ vicetasaḥ|| tenoktāḥ kathayāmāsuḥ sarvaṃ śakrasya ceṣṭitam

Honoured by them, he asked the gods: "Why are you all so troubled?" And they told him the entire story of Indra's deed.

Verse 60 (skanda.1.15.60)

गतमिंद्रस्य चेंद्रत्वमेनसा परमेण तु॥ ततः प्रोवाच तान्देवान्देवर्षिर्नारदो वचः

gatamiṃdrasya ceṃdratvamenasā parameṇa tu|| tataḥ provāca tāndevāndevarṣirnārado vacaḥ

Because of that great sin, Indra had lost his very Indra-hood — hearing this, the divine sage Narada spoke these words to the gods —

Verse 61 (skanda.1.15.61)

यूयं देवाश्च सर्वज्ञास्तपसा विक्रमेण च॥ तस्मादिंद्रो हि कर्तव्यो नहुषः सोमवंशजः

yūyaṃ devāśca sarvajñāstapasā vikrameṇa ca|| tasmādiṃdro hi kartavyo nahuṣaḥ somavaṃśajaḥ

"You gods are all-knowing, endowed with austerity and valour; therefore Nahusha, born of the lunar dynasty, should be made Indra."

Verse 62 (skanda.1.15.62)

सोऽस्मिन्राष्ट्रे प्रतिष्ठाप्यस्त्वरितेनैव निर्जराः॥ एकोनमश्वमेधानां शतं तेन महात्मना॥ कृतमस्ति महाभागा नहुषेण च यज्वना

so'sminrāṣṭre pratiṣṭhāpyastvaritenaiva nirjarāḥ|| ekonamaśvamedhānāṃ śataṃ tena mahātmanā|| kṛtamasti mahābhāgā nahuṣeṇa ca yajvanā

"O undying gods, quickly establish him in this kingdom; O most fortunate ones, that great-souled sacrificer Nahusha has already performed ninety-nine horse-sacrifices."

Verse 63 (skanda.1.15.63)

शच्या श्रुतं च तद्वाक्यं नारदस्य मुखोद्गतम्॥ गतांतःपुरमव्यग्रा बाष्पपूरितलोचना

śacyā śrutaṃ ca tadvākyaṃ nāradasya mukhodgatam|| gatāṃtaḥpuramavyagrā bāṣpapūritalocanā

Hearing these words from Narada's own lips, Shachi, greatly distressed, her eyes filled with tears, went to her private chambers.

Verse 64 (skanda.1.15.64)

नारदस्य वचः श्रुत्वा सर्वे देवान्वमोदयन्

nāradasya vacaḥ śrutvā sarve devānvamodayan

Hearing Narada's words, all the gods rejoiced.

Verse 65 (skanda.1.15.65)

नहुषं राज्यमारोढुमैकपद्येन ते यदा॥ आनीतो हि तदा राजा नहुषो ह्यमरावतीम्

nahuṣaṃ rājyamāroḍhumaikapadyena te yadā|| ānīto hi tadā rājā nahuṣo hyamarāvatīm

When they set out, with one accord, to install Nahusha upon the throne, King Nahusha was brought to Amaravati.

Verse 66 (skanda.1.15.66)

राज्यं दत्तं महेंद्रस्य सुरैः सर्वैर्महर्षिभिः॥ तदागस्त्यादयः सर्वे नहुषं पर्युपासत

rājyaṃ dattaṃ maheṃdrasya suraiḥ sarvairmaharṣibhiḥ|| tadāgastyādayaḥ sarve nahuṣaṃ paryupāsata

All the gods and great sages bestowed upon him Mahendra's kingdom; then Agastya and all the other sages attended upon Nahusha.

Verse 67 (skanda.1.15.67)

गंधर्वाप्सरसो यक्षा विद्याधरमहोरगाः॥ यक्षाः सुपर्णाः पतगा ये चान्ये स्वर्गवासिनः

gaṃdharvāpsaraso yakṣā vidyādharamahoragāḥ|| yakṣāḥ suparṇāḥ patagā ye cānye svargavāsinaḥ

Gandharvas, apsaras, yakshas, vidyadharas, great serpents, yakshas, suparnas, birds, and all others who dwell in heaven —

Verse 68 (skanda.1.15.68)

तदा महोत्सवो जातो देवपुर्यां निरंतरः॥ शंखतूर्यमृदंगानि नेदुर्दुंदुभयः समम्

tadā mahotsavo jāto devapuryāṃ niraṃtaraḥ|| śaṃkhatūryamṛdaṃgāni nedurduṃdubhayaḥ samam

in the city of the gods, a great, unceasing festival then began; conches, trumpets and mridangas resounded together with the dundubhis.

Verse 69 (skanda.1.15.69)

गायकाश्च जगुस्तत्र तथा वाद्यानि वादकाः॥ नर्तका ननृतुस्तत्र तथा राज्यमहोत्सवे

gāyakāśca jagustatra tathā vādyāni vādakāḥ|| nartakā nanṛtustatra tathā rājyamahotsave

Singers sang there, musicians played their instruments, and dancers danced at that great coronation festival.

Verse 70 (skanda.1.15.70)

अभिषिक्तस्तदा तत्र बृहस्पतिपुरोगमैः

abhiṣiktastadā tatra bṛhaspatipurogamaiḥ

There, led by Brihaspati, he was anointed.

Verse 71 (skanda.1.15.71)

अर्चितो देवसूक्तैश्च यथा वद्ग्रहपूजनम्॥ कृतवांश्चैव ऋषिभिर्विद्वद्भिर्भावितात्मभिः

arcito devasūktaiśca yathā vadgrahapūjanam|| kṛtavāṃścaiva ṛṣibhirvidvadbhirbhāvitātmabhiḥ

He was worshipped with the divine hymns, and the learned sages, of purified heart, duly performed the propitiation of the planets for him as well.

Verse 72 (skanda.1.15.72)

तथा च सर्वैः परिपूजितो महान्राजा सुराणां नहुषस्तदानीम्॥ इंद्रासने चेंद् समानरूपः संस्तूयमानः परमेण वर्चसा

tathā ca sarvaiḥ paripūjito mahānrājā surāṇāṃ nahuṣastadānīm|| iṃdrāsane ceṃd samānarūpaḥ saṃstūyamānaḥ parameṇa varcasā

Thus honoured by all, the great king of the gods, Nahusha, seated upon Indra's own throne, resembling Indra himself in form, and praised with the highest splendour —

Verse 73 (skanda.1.15.73)

सुगंधदीपैश्च सुवाससा युतोऽलंकारभोगैः सुविराजितांगः॥ बभौ तदानीं नहुषो मुनीद्रैः संस्तूयमानो हि तथाऽमरेंद्रैः

sugaṃdhadīpaiśca suvāsasā yuto'laṃkārabhogaiḥ suvirājitāṃgaḥ|| babhau tadānīṃ nahuṣo munīdraiḥ saṃstūyamāno hi tathā'mareṃdraiḥ

adorned with fragrant lamps and fine garments, his limbs resplendent with ornaments and comforts, Nahusha shone forth then, praised by the foremost of sages and the lords of the gods alike.

Verse 74 (skanda.1.15.74)

इति परमकलान्वितोऽसौ सुरमुनिवरगणैश्च पूज्यमानः॥ नहुषनृपवरोऽभवत्तदानीं हृदि महता हृच्छयेनतप्तः

iti paramakalānvito'sau suramunivaragaṇaiśca pūjyamānaḥ|| nahuṣanṛpavaro'bhavattadānīṃ hṛdi mahatā hṛcchayenataptaḥ

Thus, though endowed with the greatest splendour and honoured by hosts of gods and sages, that excellent king Nahusha was then, in his heart, consumed by a great and burning desire.

Verse 75 (skanda.1.15.75)

॥नहुष उवाच॥ इंद्राणी कथमद्यैव नायाति मम सन्निधौ॥ तां चाह्वयत शीघ्रं भो मा विलंबितुमर्हथ

||nahuṣa uvāca|| iṃdrāṇī kathamadyaiva nāyāti mama sannidhau|| tāṃ cāhvayata śīghraṃ bho mā vilaṃbitumarhatha

Nahusha said: "Why has Indrani not yet come into my presence? Summon her at once — it is not right to delay."

Verse 76 (skanda.1.15.76)

नहुपस्य वचः श्रुत्वा बृहस्पतिरुदारधीः॥ शचीभवनमासाद्य उवाच च सविस्तरम्

nahupasya vacaḥ śrutvā bṛhaspatirudāradhīḥ|| śacībhavanamāsādya uvāca ca savistaram

Hearing Nahusha's words, the noble-minded Brihaspati went to Shachi's palace and told her the whole matter in detail.

Verse 77 (skanda.1.15.77)

शक्रस्य दुर्निमित्तेन ह्यनीतो नहुषोऽत्र वै॥ राज्यार्ते भामिनि त्वं च अर्द्धासनगता भव

śakrasya durnimittena hyanīto nahuṣo'tra vai|| rājyārte bhāmini tvaṃ ca arddhāsanagatā bhava

"It is because of Shakra's own ill deed that Nahusha has been brought here; O lady, for the sake of the kingdom, take your place beside him upon half his throne."

Verse 78 (skanda.1.15.78)

शची प्रहस्य चोवाच बृहस्पतिमकल्मषम्॥ असौ न परिपूर्णो हि यज्ञैः शक्रासने स्थितः॥ एकोनमश्वमेधानां शतं कृतमनेन वै

śacī prahasya covāca bṛhaspatimakalmaṣam|| asau na paripūrṇo hi yajñaiḥ śakrāsane sthitaḥ|| ekonamaśvamedhānāṃ śataṃ kṛtamanena vai

Shachi smiled and said to the blameless Brihaspati: "This king seated upon Indra's throne is not yet complete in his sacrifices; he has performed only ninety-nine horse-sacrifices."

Verse 79 (skanda.1.15.79)

तस्मान्न योग्यो प्रहस्य चोवाच बृहस्पतिमकल्पणषम्॥ असौ न परिपूर्णो हि यज्ञैः शक्रासने स्थितः॥ अवाह्यवाहनेनैव अत्रागत्य लभेत माम्

tasmānna yogyo prahasya covāca bṛhaspatimakalpaṇaṣam|| asau na paripūrṇo hi yajñaiḥ śakrāsane sthitaḥ|| avāhyavāhanenaiva atrāgatya labheta mām

"Therefore he is not fit for me" — so she said, half smiling; "only if he comes here mounted upon a vehicle that ought never to be mounted, and thus obtains me, could I become his."

Verse 80 (skanda.1.15.80)

तथेति गत्वा त्वरितो बृहस्पतिरुवाच तम्॥ नहुषं कामसंतप्तं शच्योक्तं च यथातथम्

tatheti gatvā tvarito bṛhaspatiruvāca tam|| nahuṣaṃ kāmasaṃtaptaṃ śacyoktaṃ ca yathātatham

"So be it," said Brihaspati, and he went there swiftly, and told the desire-tormented Nahusha exactly what Shachi had said.

Verse 81 (skanda.1.15.81)

तथेति मत्वा राजासौ नहुषः काममोहितः॥ विमृश्य परया बुद्ध्या अवाह्यं किं प्रशस्यते

tatheti matvā rājāsau nahuṣaḥ kāmamohitaḥ|| vimṛśya parayā buddhyā avāhyaṃ kiṃ praśasyate

"So be it," thought that desire-deluded king Nahusha, and he began to consider, with the greatest care, what vehicle it might be that was deemed unfit to ride.

Verse 82 (skanda.1.15.82)

स बुद्ध्या च चिरं स्मृत्वा ब्राह्मणाश्चतपस्विनः॥ अवाह्याश्च भवंत्यस्मादात्मानं वाहयाम्यहम्

sa buddhyā ca ciraṃ smṛtvā brāhmaṇāścatapasvinaḥ|| avāhyāśca bhavaṃtyasmādātmānaṃ vāhayāmyaham

Reflecting long, he recalled: "Ascetic brahmins alone are held unfit to be used as a vehicle; therefore I shall have myself carried by them."

Verse 83 (skanda.1.15.83)

द्वाभ्यां च तस्याः प्राप्त्यर्थमिति मे हृदि वर्तते॥ शिबिकां च ददौ ताभ्यां द्विजाभ्यां काममोहितः

dvābhyāṃ ca tasyāḥ prāptyarthamiti me hṛdi vartate|| śibikāṃ ca dadau tābhyāṃ dvijābhyāṃ kāmamohitaḥ

"Thus, borne by two brahmins, I shall win her" — this thought settled in his heart; and the desire-deluded Nahusha gave those two brahmins a palanquin to bear.

Verse 84 (skanda.1.15.84)

उपविश्य तदा तस्यां शिवबिकायां समाहितः॥ सर्पसर्पेति वचनान्नोदयामास तौ तदा

upaviśya tadā tasyāṃ śivabikāyāṃ samāhitaḥ|| sarpasarpeti vacanānnodayāmāsa tau tadā

Seated carefully in that palanquin, he began to urge the two of them on, crying "sarpa, sarpa" — "move, move quickly."

Verse 85 (skanda.1.15.85)

अगस्त्यः शिबिकावाही ततः क्रुद्धोऽशपन्नृपम्॥ विप्राणामवमंता त्वमुन्मत्तोऽजगरो भव

agastyaḥ śibikāvāhī tataḥ kruddho'śapannṛpam|| viprāṇāmavamaṃtā tvamunmatto'jagaro bhava

Among those bearing the palanquin was the sage Agastya himself; enraged, he cursed the king: "You who insult brahmins — become a maddened python!"

Verse 86 (skanda.1.15.86)

शापोक्तिमात्रतो राजा पतितो ब्राह्मणस्य हि॥ तत्रैवाजगरो भूत्वा विप्रशापो दुरत्ययः

śāpoktimātrato rājā patito brāhmaṇasya hi|| tatraivājagaro bhūtvā vipraśāpo duratyayaḥ

By the mere utterance of that curse, the king fell, struck down by the brahmin's word; at that very instant he became a python — for a brahmin's curse cannot be averted.

Verse 87 (skanda.1.15.87)

यथा हि नहुषो जातस्तथा सर्वेऽपि तादृशाः॥ विप्राणामवमानेन पतिन्ति निरयेऽशुचौ

yathā hi nahuṣo jātastathā sarve'pi tādṛśāḥ|| viprāṇāmavamānena patinti niraye'śucau

As Nahusha met this fate, so too do all such men, through contempt for brahmins, fall into the impure hell.

Verse 88 (skanda.1.15.88)

तस्मासर्वप्रयत्नेन पदं प्राप्य विचक्षणैः॥ अप्रमत्तैर्नरैर्भाव्यमिहामुत्र च लब्धये

tasmāsarvaprayatnena padaṃ prāpya vicakṣaṇaiḥ|| apramattairnarairbhāvyamihāmutra ca labdhaye

Therefore discerning and vigilant men should, by every effort, attain their proper place and hold to it, both in this world and the next.

Verse 89 (skanda.1.15.89)

तथैव नहुषः सर्प्पो जातोरण्ये महाभये॥ एवं चैवाभवत्तत्र देवलोके ह्यराजकम्

tathaiva nahuṣaḥ sarppo jātoraṇye mahābhaye|| evaṃ caivābhavattatra devaloke hyarājakam

Thus Nahusha, become a serpent, dwelt in that most terrible forest; and once again the world of the gods fell into anarchy.

Verse 90 (skanda.1.15.90)

तथैव ते सुराः सर्वे विस्मयाविष्टचेतसः॥ अहो बत महत्कष्टं प्राप्तं राज्ञा ह्यनेन वै

tathaiva te surāḥ sarve vismayāviṣṭacetasaḥ|| aho bata mahatkaṣṭaṃ prāptaṃ rājñā hyanena vai

All the gods, their hearts filled with astonishment, said: "Ah, what great misfortune has befallen this king!"

Verse 91 (skanda.1.15.91)

न मर्त्य लोको न स्वर्गो जातो ह्यस्य दुरात्मनः॥ सतामवज्ञया सद्यः सुकृतं दग्धमेव हि

na martya loko na svargo jāto hyasya durātmanaḥ|| satāmavajñayā sadyaḥ sukṛtaṃ dagdhameva hi

"That evil-souled one attained neither the world of mortals nor heaven; through his contempt for the righteous, all his merit was instantly consumed."

Verse 92 (skanda.1.15.92)

याज्ञिको ह्यपरो लोके कथ्यतां च महामुने॥ तदोवाच महातेजा नारदो मुनिसत्तमः

yājñiko hyaparo loke kathyatāṃ ca mahāmune|| tadovāca mahātejā nārado munisattamaḥ

"O great sage, tell us now of some other sacrificer in this world" — then the most radiant of sages, Narada, said —

Verse 93 (skanda.1.15.93)

ययातिं च महाभागा आनयध्वं त्वरान्विताः॥ देवदूतास्तु वै तूर्णं ययातिं द्रुतमानयन्

yayātiṃ ca mahābhāgā ānayadhvaṃ tvarānvitāḥ|| devadūtāstu vai tūrṇaṃ yayātiṃ drutamānayan

"O most fortunate ones, go at once and bring Yayati here" — then the messengers of the gods swiftly brought Yayati.

Verse 94 (skanda.1.15.94)

विमानमारुह्य तदा महात्मा ययौ दिवं देवदूतैः समेतः॥ पुरस्कृतो देववरैस्तदानीं तथोरगैर्यक्षगंधर्वसिद्धैः

vimānamāruhya tadā mahātmā yayau divaṃ devadūtaiḥ sametaḥ|| puraskṛto devavaraistadānīṃ tathoragairyakṣagaṃdharvasiddhaiḥ

That great-souled one, mounting a celestial car, went to heaven together with the messengers of the gods, led forward by the foremost deities, together with serpents, yakshas, gandharvas and siddhas.

Verse 95 (skanda.1.15.95)

आयातः सोऽमरावत्यां त्रिदशैरभितोषितः॥ इंद्रासने चोपविष्टो बभाषे च स सत्वरम्

āyātaḥ so'marāvatyāṃ tridaśairabhitoṣitaḥ|| iṃdrāsane copaviṣṭo babhāṣe ca sa satvaram

He arrived in Amaravati and was honoured by the gods; and, seated upon Indra's throne, he spoke at once —

Verse 96 (skanda.1.15.96)

नारदेनैवमुक्तस्तु त्वं राजा याज्ञिको ह्यसि॥ सतामवज्ञया प्राप्तो नहुषो दंदशूकताम्

nāradenaivamuktastu tvaṃ rājā yājñiko hyasi|| satāmavajñayā prāpto nahuṣo daṃdaśūkatām

Narada said to him: "You are a king who has performed many sacrifices; it was through contempt for the righteous that Nahusha attained the state of a serpent."

Verse 97 (skanda.1.15.97)

ये प्राप्नुवंति धर्मिष्ठा दैवेन परमं पदम्॥ प्राक्तनेनैव मूढास्ते न पश्यंति शुभाशुभम्

ye prāpnuvaṃti dharmiṣṭhā daivena paramaṃ padam|| prāktanenaiva mūḍhāste na paśyaṃti śubhāśubham

"Those righteous men who by the working of fate attain the supreme state — even among them, some remain so deluded by their past impressions that they cannot distinguish good from evil —"

Verse 98 (skanda.1.15.98)

पतंति नरके घोरे स्तब्धा वै नात्र संशयः

pataṃti narake ghore stabdhā vai nātra saṃśayaḥ

"and, stupefied by pride, they fall into terrible hell — of this there is no doubt."

Verse 99 (skanda.1.15.99)

॥ययातिरुवाच॥ यैः कृतं पुण्यं तेषां विघ्नः प्रजायते॥ अल्पकत्वेन देवर्षे विद्धि सर्वं परं मम

||yayātiruvāca|| yaiḥ kṛtaṃ puṇyaṃ teṣāṃ vighnaḥ prajāyate|| alpakatvena devarṣe viddhi sarvaṃ paraṃ mama

Yayati said: "It is precisely for those who have earned merit that obstacles also arise; O divine sage, know that all of mine is but the smallest measure — this alone is the highest truth."

Verse 100 (skanda.1.15.100)

महादानानि दत्तानि अन्नदानयुतानि च॥ गोदानानि बहून्येव भूमिदानयुतानि च

mahādānāni dattāni annadānayutāni ca|| godānāni bahūnyeva bhūmidānayutāni ca

"Great gifts have I given, together with gifts of food; many gifts of cows and of land have I also given —"

Verse 101 (skanda.1.15.101)

तथैव सर्वाण्यपि चोत्तमानि दानानि चोक्तानि मनीषिभिर्यदा॥ एतानि सर्वाणि मया तदैव दत्तानि काले च महाविधानतः

tathaiva sarvāṇyapi cottamāni dānāni coktāni manīṣibhiryadā|| etāni sarvāṇi mayā tadaiva dattāni kāle ca mahāvidhānataḥ

"and likewise all the excellent gifts spoken of by the wise, all of these have I given, each in its proper time, with the greatest ceremony."

Verse 102 (skanda.1.15.102)

यज्ञैरिष्टं वाजपेयातिरात्रैर्ज्योतिष्टोमै राजसूयादिभिश्च॥ शास्त्रप्रोक्तैरश्वमेधादिभिश्च यूपैरेषालंकृता भूः समंतात्

yajñairiṣṭaṃ vājapeyātirātrairjyotiṣṭomai rājasūyādibhiśca|| śāstraproktairaśvamedhādibhiśca yūpaireṣālaṃkṛtā bhūḥ samaṃtāt

"With Vajapeya, Atiratra, Jyotishtoma, Rajasuya and other sacrifices have I worshipped; and with the sacrificial posts of Ashvamedha and other rites enjoined by scripture, this whole earth stands adorned on every side."

Verse 103 (skanda.1.15.103)

देवदेवो जगन्नाथ इष्टो यज्ञैरनेकशः॥ गालवाय पुरे दत्ता कन्या त्वेषा च माधवी

devadevo jagannātha iṣṭo yajñairanekaśaḥ|| gālavāya pure dattā kanyā tveṣā ca mādhavī

"The god of gods, the Lord of the universe, have I worshipped through many sacrifices; and this maiden Madhavi I gave in gift to Galava, in the city."

Verse 104 (skanda.1.15.104)

पत्नीत्वेन चतुर्भ्यश्च दत्ताः कन्या मुने तदा॥ गालवस्य गुरोरर्थे विश्वामित्रस्य धीमतः

patnītvena caturbhyaśca dattāḥ kanyā mune tadā|| gālavasya gurorarthe viśvāmitrasya dhīmataḥ

"O sage, this maiden was given as wife to four men in turn, for the sake of Galava, the disciple of the wise Vishvamitra, his guru."

Verse 105 (skanda.1.15.105)

एवं भूतान्यनेकानि सुकृतानि मया पुरा॥ महांति च बहून्येव तानि वक्तुं न पार्यते

evaṃ bhūtānyanekāni sukṛtāni mayā purā|| mahāṃti ca bahūnyeva tāni vaktuṃ na pāryate

"Thus have I performed many such great and meritorious deeds in times past; they are so numerous that they cannot all be told."

Verse 106 (skanda.1.15.106)

भूयः पृष्टः सर्वदेवैः स राजा कृतं सर्वं गुप्तमेव यथार्थम्॥ विज्ञातुमिच्छाम यथार्थतोपि सर्वे वयं श्रोतुकामा ययाते

bhūyaḥ pṛṣṭaḥ sarvadevaiḥ sa rājā kṛtaṃ sarvaṃ guptameva yathārtham|| vijñātumicchāma yathārthatopi sarve vayaṃ śrotukāmā yayāte

All the gods asked the king once more: "Whatever you have done in truth, even that which was done in secret — this too we wish to know; O Yayati, all of us are eager to hear it."

Verse 107 (skanda.1.15.107)

वचो निशम्य देवानां ययातिरमितद्युतिः॥ कथयामास तत्सर्वं पुण्यशेषं यथार्थतः

vaco niśamya devānāṃ yayātiramitadyutiḥ|| kathayāmāsa tatsarvaṃ puṇyaśeṣaṃ yathārthataḥ

Hearing these words of the gods, the boundlessly radiant Yayati then told them, in all truth, of the merit that yet remained to him.

Verse 108 (skanda.1.15.108)

कथितं सर्वमेतच्च निःशेषं व्यासवत्तदा॥ स्वपुण्यकथनेनैव ययातिरपतद्भुवि

kathitaṃ sarvametacca niḥśeṣaṃ vyāsavattadā|| svapuṇyakathanenaiva yayātirapatadbhuvi

He recounted all of this in full, at length, as fully as Vyasa himself might have; and by thus boasting of his own merit, Yayati fell down to the earth.

Verse 109 (skanda.1.15.109)

तत्क्षणादेव सर्वेषां सुराणां तत्र पश्यताम्॥ एवमेव तथा जातमराजकमतंद्रितम्

tatkṣaṇādeva sarveṣāṃ surāṇāṃ tatra paśyatām|| evameva tathā jātamarājakamataṃdritam

Before the eyes of all the gods present there, at that very instant, heaven once again fell into that same state of anarchy.

Verse 110 (skanda.1.15.110)

अन्यो न दृश्यते लोके याज्ञिको यो हि तत्र वै॥ शक्रासनेऽभिषे कार्यं श्रूयतां हि द्विजोत्तमाः

anyo na dṛśyate loke yājñiko yo hi tatra vai|| śakrāsane'bhiṣe kāryaṃ śrūyatāṃ hi dvijottamāḥ

No other sacrificer could be found anywhere in the world; hear now, O best of brahmins, how the consecration of Indra's throne was at last accomplished.

Verse 111 (skanda.1.15.111)

सर्वे सुराश्च ऋषयोऽथ महाफणींद्रा गन्धर्वयक्षखगचारणकिंनराश्च॥ विद्याधराः सुरगणाप्सरसां गणाश्च चिंतापराः समभवन्मनुजास्तथैव

sarve surāśca ṛṣayo'tha mahāphaṇīṃdrā gandharvayakṣakhagacāraṇakiṃnarāśca|| vidyādharāḥ suragaṇāpsarasāṃ gaṇāśca ciṃtāparāḥ samabhavanmanujāstathaiva

All the gods and sages, the great lords of the serpents, the gandharvas, yakshas, birds, charanas and kinnaras, the vidyadharas, the hosts of gods and troupes of apsaras — all of them fell into deep anxiety, and mortal men likewise.