Kartikeya's Consecration as Commander

Verse 1 (skanda.1.65.1)

॥नारद उवाच॥ ततः स्कन्दः सुरैः सार्धं श्वेतपर्वत मस्तकात्॥ उत्तीर्य तारकं हन्तुं दक्षिणां स दिशं ययौ

nārada uvāca tataḥ skandaḥ suraiḥ sārdhaṁ śvetaparvata mastakāt uttīrya tārakaṁ hantuṁ dakṣiṇāṁ sa diśaṁ yayau

Narada said: Then Skanda, together with the gods, descended from the summit of the White Mountain and set out toward the southern direction to slay Taraka.

Verse 2 (skanda.1.65.2)

ततः सरस्वतीतीरे यानि भूतानि नारद॥ ग्रहाश्चोपग्रहाश्चैव वेतालाः शाकिनी गणाः

tataḥ sarasvatītīre yāni bhūtāni nārada grahāścopagrahāścaiva vetālāḥ śākinī gaṇāḥ

Then, on the bank of the Sarasvati, O Narada, whatever beings there were — planets and sub-planets, vetalas, bands of shakinis,

Verse 3 (skanda.1.65.3)

उन्मादा ये ह्यपस्माराः पलादाश्च पिशाचकाः॥ देवैस्तेषामाधिपत्ये सोऽभ्यषिच्यत पावकिः

unmādā ye hyapasmārāḥ palādāśca piśācakāḥ devaisteṣāmādhipatye so'bhyaṣicyata pāvakiḥ

those causing madness, seizures, ghouls, and pishachas — over all of these the son of Fire was consecrated as lord by the gods,

Verse 4 (skanda.1.65.4)

यथा ते नैव मर्यादां संत्यजंति दुराशयाः॥ एतैस्तस्मात्समाक्रांतः शरण्यं पावकिं व्रजेत्

yathā te naiva maryādāṁ saṁtyajaṁti durāśayāḥ etaistasmātsamākrāṁtaḥ śaraṇyaṁ pāvakiṁ vrajet

so that these evil-minded ones would never transgress their bounds. Hence, one afflicted by them should go for refuge to the son of Fire.

Verse 5 (skanda.1.65.5)

अप्रकीर्णेन्द्रियं दांतं शुचिं नित्यमतंद्रितम्॥ आस्तिकं स्कन्दभक्तं च वर्जयंति ग्रहादिकाः

aprakīrṇendriyaṁ dāṁtaṁ śuciṁ nityamataṁdritam āstikaṁ skandabhaktaṁ ca varjayaṁti grahādikāḥ

One whose senses are not scattered, who is self-controlled, pure, ever vigilant, faithful, and devoted to Skanda — such a one the planets and other spirits avoid.

Verse 6 (skanda.1.65.6)

महेश्वरं च ये भक्ता भक्ता नारायणं च ये॥ तेषां दर्शनमात्रेण नश्यंते ते विदूरतः

maheśvaraṁ ca ye bhaktā bhaktā nārāyaṇaṁ ca ye teṣāṁ darśanamātreṇa naśyaṁte te vidūrataḥ

And those who are devotees of Maheshvara, and those who are devotees of Narayana — merely by the sight of them, these evil spirits flee far away and perish.

Verse 7 (skanda.1.65.7)

ततः सर्वैः सुरैः सार्धं महीतीरं ययौ गुहः॥ तत्र देवैः प्रकथितं महीमाहात्म्यमुत्तमम्

tataḥ sarvaiḥ suraiḥ sārdhaṁ mahītīraṁ yayau guhaḥ tatra devaiḥ prakathitaṁ mahīmāhātmyamuttamam

Then Guha, together with all the gods, went to the bank of the Mahi; there the gods recounted to him the supreme greatness of the Mahi.

Verse 8 (skanda.1.65.8)

श्रृण्वन्विसिष्मिये स्कन्दः प्रणनाम च तां नदीम्॥ ततो महीदक्षिणतस्तीरमाश्रित्य धिष्ठितम्

śrṛṇvanvisiṣmiye skandaḥ praṇanāma ca tāṁ nadīm tato mahīdakṣiṇatastīramāśritya dhiṣṭhitam

Hearing it, Skanda was astonished and bowed to that river. Then, on the southern bank of the Mahi, he took up his station,

Verse 9 (skanda.1.65.9)

प्रणम्य शक्रप्रमुखा गुहं वचनमब्रुवन्॥ अभिषिक्तं विना स्कन्द सेनापतिमकल्मषम्

praṇamya śakrapramukhā guhaṁ vacanamabruvan abhiṣiktaṁ vinā skanda senāpatimakalmaṣam

and Indra and the other chief gods, bowing to Guha, spoke these words: "O Skanda, without a stainless commander duly consecrated,"

Verse 10 (skanda.1.65.10)

न शर्म लभते सेना तस्मात्त्वमभिषेचय॥ महीसागरसंभूतैः पुण्यैश्चापि शिवैर्जलैः

na śarma labhate senā tasmāttvamabhiṣecaya mahīsāgarasaṁbhūtaiḥ puṇyaiścāpi śivairjalaiḥ

"— the army does not attain well-being; therefore let yourself be consecrated with the sacred and auspicious waters born of the Mahi and the ocean's confluence."

Verse 11 (skanda.1.65.11)

अभिषेक्ष्यामहे त्वां च तत्र नो द्रष्टुमर्हसि॥ यथा हस्तिपदे सर्वपदांतर्भाव इष्यते

abhiṣekṣyāmahe tvāṁ ca tatra no draṣṭumarhasi yathā hastipade sarvapadāṁtarbhāva iṣyate

"We shall consecrate you there; you should grant us this sight. Just as within the elephant's footprint all other footprints are said to be contained,"

Verse 12 (skanda.1.65.12)

सर्वतीर्थान्तरस्थानं तथार्णवमहीजले॥ सर्वभूतमयो यद्वत्र्यंबकः परिकीर्त्यते

sarvatīrthāntarasthānaṁ tathārṇavamahījale sarvabhūtamayo yadvatryaṁbakaḥ parikīrtyate

"— so in the waters of the ocean and the Mahi, all other sacred fords are contained. Just as Tryambaka is proclaimed to consist of all beings,"

Verse 13 (skanda.1.65.13)

सर्वतीर्थमयस्तद्वन्महीसागरसंगमः॥ अर्धनारीश्वरं रूपं यथा रुद्रस्य सर्वदम्

sarvatīrthamayastadvanmahīsāgarasaṁgamaḥ ardhanārīśvaraṁ rūpaṁ yathā rudrasya sarvadam

"— so is the confluence of the Mahi and the ocean the essence of all sacred fords. Just as Rudra's form as Ardhanarishvara bestows everything,"

Verse 14 (skanda.1.65.14)

तथा महीसमुद्रस्य स्नानं सर्वफलप्रदम्॥ येनात्र पितरः स्कन्द तर्पिता भक्तिभावतः

tathā mahīsamudrasya snānaṁ sarvaphalapradam yenātra pitaraḥ skanda tarpitā bhaktibhāvataḥ

"— so too is bathing at the confluence of the Mahi and ocean the giver of every fruit. O Skanda, by whatever ancestors are here devotedly satisfied with offerings —"

Verse 15 (skanda.1.65.15)

तेन सर्वेषु तीर्थेषु तर्पिता नात्र संशयः॥ न चैतद्धृदि मंतव्यं क्षारमेतज्जलं हि यत्

tena sarveṣu tīrtheṣu tarpitā nātra saṁśayaḥ na caitaddhṛdi maṁtavyaṁ kṣārametajjalaṁ hi yat

"— by that, they are satisfied in all sacred fords, without doubt. Nor should this be held in your heart — that this water is merely saline,"

Verse 16 (skanda.1.65.16)

यथा हि कटुतिक्तादि गवा ग्रस्तं हि क्षीरदम्॥ एवमेतत्त्विदं तोयं पितॄणां तृप्ति दायकम्

yathā hi kaṭutiktādi gavā grastaṁ hi kṣīradam evametattvidaṁ toyaṁ pitṝṇāṁ tṛpti dāyakam

"— for just as bitter and acrid grasses, once consumed by a cow, become milk-giving, so too this water becomes the giver of satisfaction to the ancestors."

Verse 17 (skanda.1.65.17)

एवं ब्रुवत्सु देवेषु कपिलोऽपि मुनिर्जगौ॥ सत्यमेतदुमापुत्र सर्वतीर्थमयी मही

evaṁ bruvatsu deveṣu kapilo'pi munirjagau satyametadumāputra sarvatīrthamayī mahī

While the gods were speaking thus, the sage Kapila too declared: "This is true, O son of Uma — the Mahi is the essence of all sacred fords."

Verse 18 (skanda.1.65.18)

कर्दमो यस्त्वहमपि ज्ञात्वा तीर्थमहा गुणान्॥ सर्वां भुवं परित्यज्य कृत्वा ह्यश्रममास्तितः

kardamo yastvahamapi jñātvā tīrthamahā guṇān sarvāṁ bhuvaṁ parityajya kṛtvā hyaśramamāstitaḥ

"I too, Kardama, having known the great qualities of this sacred ford, abandoned the whole earth and, having built a hermitage, settled here."

Verse 19 (skanda.1.65.19)

ततो महेश्वरः प्राह सत्यमेतत्सुरोदितम्॥ ब्रह्माद्यास्तं तथा प्राहुरत्र भूयोऽप्यथो गुरुः

tato maheśvaraḥ prāha satyametatsuroditam brahmādyāstaṁ tathā prāhuratra bhūyo'pyatho guruḥ

Then Maheshvara said: "This spoken by the gods is true." Brahma and the others likewise affirmed it; and then the Guru spoke again:

Verse 20 (skanda.1.65.20)

अत्राभिषेकं ते वीर करिष्यामः समादिश॥ ततः सुविस्मितस्तत्र स्नात्वा स्कन्दो महामनाः

atrābhiṣekaṁ te vīra kariṣyāmaḥ samādiśa tataḥ suvismitastatra snātvā skando mahāmanāḥ

"O hero, we shall perform your consecration here — give the command." Then Skanda, greatly amazed, the great-minded one, bathed there,

Verse 21 (skanda.1.65.21)

अभिषिञ्चन्तु मां देवा इति तानब्रवीद्वचः॥ ततोऽभिषेकसंभारान्सर्वान्संभृत्य शास्त्रतः

abhiṣiñcantu māṁ devā iti tānabravīdvacaḥ tato'bhiṣekasaṁbhārānsarvānsaṁbhṛtya śāstrataḥ

and spoke these words to them: "Let the gods consecrate me." Then, having gathered all the materials for the consecration according to scripture,

Verse 22 (skanda.1.65.22)

जुहुवुर्मंत्रपूतेऽग्नौ चत्वारो मुख्यऋत्विजः॥ ब्रह्मा च कपिलो जीवो विश्वामित्रश्चतुर्थकः

juhuvurmaṁtrapūte'gnau catvāro mukhyaṛtvijaḥ brahmā ca kapilo jīvo viśvāmitraścaturthakaḥ

four principal priests made oblations into the mantra-purified fire: Brahma, Kapila, Jiva, and, fourth, Vishvamitra.

Verse 23 (skanda.1.65.23)

अन्ये च शतशस्तत्र मुनयो वेदपारगाः॥ तत्राद्भुतं महादेवो दर्शयामास भारत

anye ca śataśastatra munayo vedapāragāḥ tatrādbhutaṁ mahādevo darśayāmāsa bhārata

And hundreds of other sages, versed in the Vedas, were there. There, O Bharata, Mahadeva revealed a wonder:

Verse 24 (skanda.1.65.24)

यदग्निकुण्डमध्यस्थो लिंगमूर्तिर्व्यदृश्यत॥ अहमेवाग्निमध्यस्थो हविर्गृह्णामि नित्यशः

yadagnikuṇḍamadhyastho liṁgamūrtirvyadṛśyata ahamevāgnimadhyastho havirgṛhṇāmi nityaśaḥ

in the midst of the fire-pit was seen a form of the linga, and Shiva declared: "I myself, present in the midst of the fire, ever receive the oblation."

Verse 25 (skanda.1.65.25)

एतत्संदर्शनार्थाय लिंगमूर्तिरभूद्विभुः॥ तल्लिंगमतुलं देवा नमश्चक्रुर्मुदान्विताः

etatsaṁdarśanārthāya liṁgamūrtirabhūdvibhuḥ talliṁgamatulaṁ devā namaścakrurmudānvitāḥ

"For the sake of showing this, the all-pervading Lord took on the form of the linga." The gods, filled with joy, bowed to that incomparable linga,

Verse 26 (skanda.1.65.26)

सर्वपापापहं पार्थ सर्वकामफलप्रदम्॥ तत्र होमावसाने च दत्ते हिमवता शुभे

sarvapāpāpahaṁ pārtha sarvakāmaphalapradam tatra homāvasāne ca datte himavatā śubhe

which, O Partha, removes all sin and grants the fruit of every desire. Then, at the conclusion of the oblation, when the auspicious seat was given by Himavat,

Verse 27 (skanda.1.65.27)

दिव्यरत्नान्विते स्कन्दो निषण्णः परमासने॥ सर्वमंगलसंभारैर्विधिमंत्रपुरस्कृतम्

divyaratnānvite skando niṣaṇṇaḥ paramāsane sarvamaṁgalasaṁbhārairvidhimaṁtrapuraskṛtam

divine, jewel-studded supreme seat, Skanda sat down, honored with all auspicious materials and preceded by ritual mantras.

Verse 28 (skanda.1.65.28)

अभ्यषिंचंस्ततो देवाः कुमारं शंकरात्मजम्॥ इंद्रो विष्णुर्महावीर्यो ब्रह्मरुद्रौ च फाल्गुन

abhyaṣiṁcaṁstato devāḥ kumāraṁ śaṁkarātmajam iṁdro viṣṇurmahāvīryo brahmarudrau ca phālguna

Then the gods consecrated the Kumara, the son of Shankara — Indra, the mighty Vishnu, Brahma and Rudra, O Phalguna,

Verse 29 (skanda.1.65.29)

आदित्याद्य ग्रहाः सर्वे तथोभावनिलानलौ॥ आदित्या वसवो रुद्राः साध्याश्चैवाश्विनावुभौ

ādityādya grahāḥ sarve tathobhāvanilānalau ādityā vasavo rudrāḥ sādhyāścaivāśvināvubhau

the sun and all the other planets, both Wind and Fire, the Adityas, Vasus, Rudras, the Sadhyas, and both Ashvins,

Verse 30 (skanda.1.65.30)

विश्वेदेवाश्च मरुतो गंधर्वाप्सरसस्तथा॥ देवब्रह्मर्षयश्चैव वालखिल्या मरीचिपाः

viśvedevāśca maruto gaṁdharvāpsarasastathā devabrahmarṣayaścaiva vālakhilyā marīcipāḥ

the Vishvedevas, the Maruts, the gandharvas and apsarases, the divine brahmarishis, the Valakhilyas, and the Marichipas,

Verse 31 (skanda.1.65.31)

विद्याधरा योगसिद्धाः पुलस्त्यपुलहादयः॥ पितरः कश्यपोऽत्रिश्च मरीचिर्भृगुरंगिराः

vidyādharā yogasiddhāḥ pulastyapulahādayaḥ pitaraḥ kaśyapo'triśca marīcirbhṛguraṁgirāḥ

the Vidyadharas, the perfected yogis, Pulastya, Pulaha and the others, the ancestors, Kashyapa, Atri, Marichi, Bhrigu, and Angiras,

Verse 32 (skanda.1.65.32)

दक्षोऽथ मनवो ये च ज्योतींषि ऋतवस्तथा॥ मूर्तिमत्यश्च सरितो महीप्रभृतिकास्तथा

dakṣo'tha manavo ye ca jyotīṁṣi ṛtavastathā mūrtimatyaśca sarito mahīprabhṛtikāstathā

Daksha, the Manus, the celestial lights, the seasons, and the rivers in embodied form, headed by the Mahi,

Verse 33 (skanda.1.65.33)

लवणाद्याः समुद्राश्च प्रभासाद्याश्च तीर्थकाः॥ पृथिवी द्यौर्दिशश्चैव पादपाः पार्वतास्तथा

lavaṇādyāḥ samudrāśca prabhāsādyāśca tīrthakāḥ pṛthivī dyaurdiśaścaiva pādapāḥ pārvatāstathā

the oceans headed by the salt sea, the sacred fords headed by Prabhasa, Earth, Heaven, the directions, the trees, and the mountain-spirits,

Verse 34 (skanda.1.65.34)

आदित्याद्या मातरश्च कुर्वंत्यो गुहमंगलम्॥ वासुकिप्रमुखा नागास्थथोभौ गरुडारुणौ

ādityādyā mātaraśca kurvaṁtyo guhamaṁgalam vāsukipramukhā nāgāsthathobhau garuḍāruṇau

and the mother-goddesses headed by the Adityas, all performing the auspicious rites for Guha; the serpents headed by Vasuki, and both Garuda and Aruna,

Verse 35 (skanda.1.65.35)

वरुणो धनदश्चैव यमः सानुचरस्तथा॥ राक्षसो निर्ऋतिश्चैव भूतानि च पलाशनाः

varuṇo dhanadaścaiva yamaḥ sānucarastathā rākṣaso nirṛtiścaiva bhūtāni ca palāśanāḥ

Varuna, Dhanada, Yama with his attendants, the rakshasa lord Nirriti, and the flesh-eating spirits,

Verse 36 (skanda.1.65.36)

धर्मो बृहस्पतिश्चैव कपिलो गाधिनंदनः॥ बहुलत्वाच्च ये नोक्ता विविधा देवतागणाः

dharmo bṛhaspatiścaiva kapilo gādhinaṁdanaḥ bahulatvācca ye noktā vividhā devatāgaṇāḥ

Dharma, Brihaspati, Kapila, and the son of Gadhi — and the many various hosts of deities not named here on account of their sheer number —

Verse 37 (skanda.1.65.37)

ते च सर्वे महीकूले ह्यभ्यषिंचन्मुदा गुहम्॥ ततो महास्वनामुग्रां देवदैत्यादिदर्पहाम्

te ca sarve mahīkūle hyabhyaṣiṁcanmudā guham tato mahāsvanāmugrāṁ devadaityādidarpahām

— all of them, on the bank of the Mahi, joyfully consecrated Guha. Then Pashupati gave him a great, fierce army of all beings, mighty in sound, that crushes the pride of gods and demons alike,

Verse 38 (skanda.1.65.38)

ददौ पशुपतिस्तस्मै सर्वभूतमहाचमूम्॥ विष्णुर्ददौ वैजयंतीं मालां बलविवर्धिनीम्

dadau paśupatistasmai sarvabhūtamahācamūm viṣṇurdadau vaijayaṁtīṁ mālāṁ balavivardhinīm

which Pashupati gave to him. Vishnu gave the Vaijayanti garland, which increases strength.

Verse 39 (skanda.1.65.39)

उमा ददौ चारजसी वाससी सूर्यसप्रभा॥ गंगा कमंडलुं दिव्यममृतोद्भवमुत्तमम्

umā dadau cārajasī vāsasī sūryasaprabhā gaṁgā kamaṁḍaluṁ divyamamṛtodbhavamuttamam

Uma gave two beautiful, dustless garments, radiant as the sun. Ganga gave a divine, excellent water-pot, born from nectar.

Verse 40 (skanda.1.65.40)

मही महानदी तस्य चाक्षमालां ससागरा॥ ददौ मुदा कुमाराय दंडं चैव बृहस्पतिः

mahī mahānadī tasya cākṣamālāṁ sasāgarā dadau mudā kumārāya daṁḍaṁ caiva bṛhaspatiḥ

The great river Mahi, together with the ocean, joyfully gave him a rosary; and Brihaspati gave the Kumara a staff.

Verse 41 (skanda.1.65.41)

गरुडो दयितं पुत्रं मयूरं चित्रबर्हिणम्॥ अरुणस्ताम्रचूडं च प्रददौ चरणायुधम्

garuḍo dayitaṁ putraṁ mayūraṁ citrabarhiṇam aruṇastāmracūḍaṁ ca pradadau caraṇāyudham

Garuda gave his own beloved son, the peacock with its brilliant plumage; Aruna gave the red-crested cock, whose feet are its weapon.

Verse 42 (skanda.1.65.42)

छागं च वरुणो राजा बलवीर्यसमन्वितम्॥ कृष्णाजिनं तथा ब्रह्मा ब्रह्मण्याय ददौ जयम्

chāgaṁ ca varuṇo rājā balavīryasamanvitam kṛṣṇājinaṁ tathā brahmā brahmaṇyāya dadau jayam

King Varuna gave a ram endowed with strength and vigor; and Brahma gave the brahmin-loving one a black antelope-skin, called Jaya.

Verse 43 (skanda.1.65.43)

चतुरोऽनुचरांश्चैव महावीर्यान्बलोत्कटान्॥ नंदिसेनं लोहिताक्षं घण्टाकर्णं च मानसान्

caturo'nucarāṁścaiva mahāvīryānbalotkaṭān naṁdisenaṁ lohitākṣaṁ ghaṇṭākarṇaṁ ca mānasān

And Shiva gave four attendants of great valor, immense in strength, born of his mind: Nandisena, Lohitaksha, Ghantakarna,

Verse 44 (skanda.1.65.44)

चतुर्थं चाप्यतिबलं ख्यातं कुसुममालिनम्॥ ततः स्थाणुर्ददौ देवो महापारिषदं क्रतुम्

caturthaṁ cāpyatibalaṁ khyātaṁ kusumamālinam tataḥ sthāṇurdadau devo mahāpāriṣadaṁ kratum

and, fourth, the famed and exceedingly powerful Kusumamalin. Then the god Sthanu also gave his great attendant Kratu,

Verse 45 (skanda.1.65.45)

स हि देवासुरे युद्धे दैत्यानां भीमकर्मणाम्॥ जघान दोर्भ्यां संक्रुद्धः प्रयुतानि चतुर्दश

sa hi devāsure yuddhe daityānāṁ bhīmakarmaṇām jaghāna dorbhyāṁ saṁkruddhaḥ prayutāni caturdaśa

who, in the war between gods and demons, enraged, slew fourteen hundred thousand of the fearsome-acting demons with his own two arms.

Verse 46 (skanda.1.65.46)

यमः प्रादादनुचरौ यमकालोपमौ तदा॥ उन्माथं च प्रमाथं च महावीर्यौ महाद्युती

yamaḥ prādādanucarau yamakālopamau tadā unmāthaṁ ca pramāthaṁ ca mahāvīryau mahādyutī

Yama then gave two attendants resembling Yama and Kala themselves — Unmatha and Pramatha, both of great valor and great splendor,

Verse 47 (skanda.1.65.47)

सुभ्राजौ भास्करस्यैव यौ सदा चानुयायिनौ॥ तौ सूर्यः कार्तिकेयाय ददौ पार्थ मुदान्वितः

subhrājau bhāskarasyaiva yau sadā cānuyāyinau tau sūryaḥ kārtikeyāya dadau pārtha mudānvitaḥ

the two radiant ones who are the sun's own perpetual attendants — those two the Sun gave to Kartikeya, O Partha, filled with joy.

Verse 48 (skanda.1.65.48)

कैलासश्रृङ्गसंकाशौ श्वेतमाल्यानुलेपनौ॥ सोमोऽप्यनुचरौ प्रादान्मणिं सुमणिमेव च

kailāsaśrṛṅgasaṁkāśau śvetamālyānulepanau somo'pyanucarau prādānmaṇiṁ sumaṇimeva ca

resembling the peaks of Kailasa, adorned with white garlands and unguents. The Moon too gave two attendants, Mani and Sumani,

Verse 49 (skanda.1.65.49)

ज्वालजिह्वं ज्योतिषं च ददावग्निर्महाबलौ॥ परिघं च बलं चैव भीमं च सुमहाबलम्

jvālajihvaṁ jyotiṣaṁ ca dadāvagnirmahābalau parighaṁ ca balaṁ caiva bhīmaṁ ca sumahābalam

Fire gave the two mighty ones, Jvalajihva and Jyotisha. Vishnu gave Parigha, Bala, and the exceedingly powerful Bhima —

Verse 50 (skanda.1.65.50)

स्कंदाय त्रीननुचरान्ददौ विष्णुरुरुक्रमः॥ उत्क्रोशं पंचजं चैव वज्रदण्डधरावुभौ

skaṁdāya trīnanucarāndadau viṣṇururukramaḥ utkrośaṁ paṁcajaṁ caiva vajradaṇḍadharāvubhau

these three attendants the wide-striding Vishnu gave to Skanda. Indra gave Utkrosha and Panchaja, both bearing the vajra and staff —

Verse 51 (skanda.1.65.51)

ददौ महेशपुत्राय वासवः परवीरहा॥ तौ हि शत्रून्महेन्द्रस्य जघ्नतुः समरे बहून्

dadau maheśaputrāya vāsavaḥ paravīrahā tau hi śatrūnmahendrasya jaghnatuḥ samare bahūn

these Vasava, the slayer of enemy heroes, gave to Mahesha's son; for these two had slain many enemies of Mahendra in battle.

Verse 52 (skanda.1.65.52)

वर्धनं बंधनं चैव आयुर्वेदविशारदौ॥ स्कन्दाय ददतुः प्रीतावश्विनौ भरतर्षभ

vardhanaṁ baṁdhanaṁ caiva āyurvedaviśāradau skandāya dadatuḥ prītāvaśvinau bharatarṣabha

Vardhana and Bandhana, both skilled in the science of medicine — these the two Ashvins, pleased, gave to Skanda, O bull of the Bharatas.

Verse 53 (skanda.1.65.53)

बलं चातिबलं चैव महावक्त्रौ महाबलौ॥ प्रददौ कार्तिकेयाय वायुश्चानुचरावुभौ

balaṁ cātibalaṁ caiva mahāvaktrau mahābalau pradadau kārtikeyāya vāyuścānucarāvubhau

Bala and Atibala, both great of mouth and great of strength — Vayu gave these two attendants to Kartikeya.

Verse 54 (skanda.1.65.54)

घसं चातिघसं वीरौ वरुणश्च ददौ प्रभुः॥ सुवर्चसं महात्मानं तथैवाप्यतिवर्चसम्

ghasaṁ cātighasaṁ vīrau varuṇaśca dadau prabhuḥ suvarcasaṁ mahātmānaṁ tathaivāpyativarcasam

Lord Varuna gave the two heroes Ghasa and Atighasa; and likewise the great-souled Suvarchasa and Ativarchasa —

Verse 55 (skanda.1.65.55)

हिमवान्प्रददौ पार्थ साक्षाद्दौहित्रकाय वै॥ कांचनं च ददौ मेरुर्मेघमालिनमेव च

himavānpradadau pārtha sākṣāddauhitrakāya vai kāṁcanaṁ ca dadau merurmeghamālinameva ca

these Himavat gave, O Partha, directly to his own grandson. Meru gave Kanchana and also Meghamalin,

Verse 56 (skanda.1.65.56)

उच्छ्रितं चातिशृंगं च महापाषाणयोधिनौ॥ स्वाहेयाय ददौ प्रीतः स विंध्यः पार्षदौ शुभौ

ucchritaṁ cātiśṛṁgaṁ ca mahāpāṣāṇayodhinau svāheyāya dadau prītaḥ sa viṁdhyaḥ pārṣadau śubhau

Ucchrita and Atishringa, both great fighters with boulders — these two auspicious attendants Vindhya, pleased, gave to the son of Svaha.

Verse 57 (skanda.1.65.57)

संग्रहं विग्रहं चैव समुद्रोऽपि गधाधरौ॥ प्रददौ पार्षदौ विरौ महीनद्या समन्वितः

saṁgrahaṁ vigrahaṁ caiva samudro'pi gadhādharau pradadau pārṣadau virau mahīnadyā samanvitaḥ

The Ocean too, together with the river Mahi, gave Sangraha and Vigraha, both club-bearing heroic attendants.

Verse 58 (skanda.1.65.58)

उन्मादं पुष्पदंतं च शंकुकर्णं तथैव च॥ प्रददावग्निपुत्राय पार्वती शुभदर्शना

unmādaṁ puṣpadaṁtaṁ ca śaṁkukarṇaṁ tathaiva ca pradadāvagniputrāya pārvatī śubhadarśanā

The lovely-eyed Parvati gave Unmada, Pushpadanta, and likewise Shankukarna to the son of Fire.

Verse 59 (skanda.1.65.59)

जयं महाजयं चैव नागौ ज्वलनसूनवे॥ प्रददुर्बलिनां श्रेष्ठौ सुपर्णः पार्षदावुभौ

jayaṁ mahājayaṁ caiva nāgau jvalanasūnave pradadurbalināṁ śreṣṭhau suparṇaḥ pārṣadāvubhau

Suparna gave two serpents, Jaya and Mahajaya, the foremost among the mighty, as attendants to the son of Fire.

Verse 60 (skanda.1.65.60)

एवं साध्याश्च रुद्राश्च वसवः पितरस्तथा॥ सर्वे जगति ये मुख्या ददुः स्कंदाय पार्षदान्

evaṁ sādhyāśca rudrāśca vasavaḥ pitarastathā sarve jagati ye mukhyā daduḥ skaṁdāya pārṣadān

Thus the Sadhyas, the Rudras, the Vasus, and the ancestors — all the chief beings in the world — gave attendants to Skanda,

Verse 61 (skanda.1.65.61)

नानावीर्यान्महावीर्यान्नानायुधविभूषणान्॥ बहुलत्वान्न शक्यंते संख्यातुं ते च फाल्गुन

nānāvīryānmahāvīryānnānāyudhavibhūṣaṇān bahulatvānna śakyaṁte saṁkhyātuṁ te ca phālguna

of manifold valor, of great valor, adorned with manifold weapons — so numerous, O Phalguna, that they cannot be counted.

Verse 62 (skanda.1.65.62)

मातश्च ददुस्तस्मै तदा मातृगणान्प्रभो॥ याभिर्व्याप्तास्त्रयो लोकाः कल्याणीभिश्चराचराः

mātaśca dadustasmai tadā mātṛgaṇānprabho yābhirvyāptāstrayo lokāḥ kalyāṇībhiścarācarāḥ

And, O lord, the Mothers then gave him the hosts of mother-goddesses, by whom, auspicious as they are, the three worlds, moving and unmoving, are pervaded —

Verse 63 (skanda.1.65.63)

प्रभावती विशालाक्षी गोपाला गोनसा तथा॥ अप्सुजाता बृहद्दंडी कालिका बहुपुत्रका

prabhāvatī viśālākṣī gopālā gonasā tathā apsujātā bṛhaddaṁḍī kālikā bahuputrakā

Prabhavati, Vishalakshi, Gopala, Gonasa, Apsujata, Brihaddandi, Kalika, Bahuputraka,

Verse 64 (skanda.1.65.64)

भयंकरी च चक्रांगी तीर्थनेमिश्च माधवी॥ गीतप्रिया अलाताक्षी चटुला शलभामुखी

bhayaṁkarī ca cakrāṁgī tīrthanemiśca mādhavī gītapriyā alātākṣī caṭulā śalabhāmukhī

Bhayankari, Chakrangi, Tirthanemi, Madhavi, Gitapriya, Alatakshi, Chatula, Shalabhamukhi,

Verse 65 (skanda.1.65.65)

विद्युज्जिह्वा रुद्रकाली शतोलूखलमेखला॥ शतघंटाकिंकिणिका चक्राक्षी चत्वरालया

vidyujjihvā rudrakālī śatolūkhalamekhalā śataghaṁṭākiṁkiṇikā cakrākṣī catvarālayā

Vidyujjihva, Rudrakali, Shatolukhalamekhala, Shataghantakinkinika, Chakrakshi, Chatvaralaya,

Verse 66 (skanda.1.65.66)

पूतना रोदना त्वामा कोटरा मेघवाहिनी॥ ऊर्ध्ववेणीधरा चैव जरायुर्जर्जरानना

pūtanā rodanā tvāmā koṭarā meghavāhinī ūrdhvaveṇīdharā caiva jarāyurjarjarānanā

Putana, Rodana, Tvama, Kotara, Meghavahini, Urdhvavenidhara, Jarayu, Jarjaranana,

Verse 67 (skanda.1.65.67)

खटखेटी दहदहा तथा धमधमा जया॥ बहुवेणी बहुशीरा बहुपादा बहुस्तनी

khaṭakheṭī dahadahā tathā dhamadhamā jayā bahuveṇī bahuśīrā bahupādā bahustanī

Khatakheti, Dahadaha, Dhamadhama, Jaya, Bahuveni, Bahushira, Bahupada, Bahustani,

Verse 68 (skanda.1.65.68)

शतोलूकमुखी कृष्णा कर्णप्रावरणा तथा॥ शून्यालया धान्यवासा पशुदा धान्यदा सदा

śatolūkamukhī kṛṣṇā karṇaprāvaraṇā tathā śūnyālayā dhānyavāsā paśudā dhānyadā sadā

Shatolukamukhi, Krishna, Karnapravarana, Shunyalaya, Dhanyavasa — ever bestowing cattle and grain.

Verse 69 (skanda.1.65.69)

एताश्चान्याश्च बह्व्यश्च मातरो भरतर्षभ॥ बहुलत्वादहं तासां न संख्यातुमिहोत्सहे

etāścānyāśca bahvyaśca mātaro bharatarṣabha bahulatvādahaṁ tāsāṁ na saṁkhyātumihotsahe

These and many other Mothers, O bull of the Bharatas — because of their sheer number, I am unable to enumerate them all here.

Verse 70 (skanda.1.65.70)

वृक्षचत्वरवासिन्यश्चतुष्पथनिवेशनाः॥ गुहास्मशानवासिन्यः शैलप्रस्रवणालयाः

vṛkṣacatvaravāsinyaścatuṣpathaniveśanāḥ guhāsmaśānavāsinyaḥ śailaprasravaṇālayāḥ

Dwelling in trees and public squares, residing at crossroads, dwelling in caves and cremation grounds, having their abode in mountains and springs,

Verse 71 (skanda.1.65.71)

नानाभरणवेषास्ता नानामूर्तिधरास्तथा॥ नानाभाषायुधधराः परिवव्रुस्तदा गुहम्

nānābharaṇaveṣāstā nānāmūrtidharāstathā nānābhāṣāyudhadharāḥ parivavrustadā guham

adorned with various ornaments and attire, bearing various forms, speaking various tongues and bearing various weapons, they then surrounded Guha.

Verse 72 (skanda.1.65.72)

ततः स शुशुभे श्रीमान्गुहो गुह इवापरः॥ सैनापत्ये चाभिषिक्तो देवैर्नानामुनीश्वरैः

tataḥ sa śuśubhe śrīmānguho guha ivāparaḥ saināpatye cābhiṣikto devairnānāmunīśvaraiḥ

Then that glorious Guha shone forth like another Guha, consecrated in the office of commander by the gods and the various lords of sages.

Verse 73 (skanda.1.65.73)

ततः प्रणम्य सर्वांस्ता नेकैकत्वेन पावकिः॥ व्रियतां वर इत्याह भवब्रह्मपुरोगमान्

tataḥ praṇamya sarvāṁstā nekaikatvena pāvakiḥ vriyatāṁ vara ityāha bhavabrahmapurogamān

Then the son of Fire, bowing to all of them one by one, said to those led by Bhava and Brahma: "Choose your boon."