The Narrative of the Fourteen Goddesses

Verse 1 (skanda.1.82.1)

।। नारद उवाच ।। ।। ततो मयास्य तीर्थस्य रक्षणाय पुनर्जय ।। समाराध्य यथा देव्यः स्थापितास्तच्छृणुष्व भोः॥

|| nārada uvāca || || tato mayāsya tīrthasya rakṣaṇāya punarjaya || samārādhya yathā devyaḥ sthāpitāstacchṛṇuṣva bhoḥ||

Narada said: O Punarjaya, after this, for the protection of this tirtha, hear now how I worshipped and established the goddesses here.

Verse 2 (skanda.1.82.2)

यथात्मा सर्वभूतेषु व्यापकः परमेश्वरः ।। तथैव प्रकृतिर्नित्या व्यापका परमेश्वरी॥

yathātmā sarvabhūteṣu vyāpakaḥ parameśvaraḥ || tathaiva prakṛtirnityā vyāpakā parameśvarī||

Just as the Supreme Lord, as the Self, pervades all beings, so too does eternal Prakriti, as the Supreme Goddess, pervade all things equally.

Verse 3 (skanda.1.82.3)

शक्ति प्रसादादाप्नोति वीर्यं सर्वाश्च संपदः ।। ईश्वरी सर्वभूतेषु सा चैवं पार्थ संस्थिता॥

śakti prasādādāpnoti vīryaṁ sarvāśca saṁpadaḥ || īśvarī sarvabhūteṣu sā caivaṁ pārtha saṁsthitā||

It is through the grace of Shakti that potency and every kind of prosperity is obtained. O Partha, that Goddess dwells, in this very manner, within all beings.

Verse 4 (skanda.1.82.4)

बुद्धिह्रीपुष्टिलज्जेति तुष्टिः शांतिः क्षमा स्पृहा ।। श्रद्धा च चेतना शक्तिर्मंत्रोत्साहप्रभूद्भवा॥

buddhihrīpuṣṭilajjeti tuṣṭiḥ śāṁtiḥ kṣamā spṛhā || śraddhā ca cetanā śaktirmaṁtrotsāhaprabhūdbhavā||

Intellect, modesty, nourishment, shame, contentment, peace, forgiveness, longing, faith, consciousness, power, mantra, and enthusiasm — all of these arise from her alone.

Verse 5 (skanda.1.82.5)

इयमेव च बंधाय मोक्षायेयं च सर्वदा ।। एनामाराध्य चैश्वर्यमिन्द्राद्याः समवाप्नुयुः॥

iyameva ca baṁdhāya mokṣāyeyaṁ ca sarvadā || enāmārādhya caiśvaryamindrādyāḥ samavāpnuyuḥ||

This same Goddess is the cause of bondage, and she is also, forever, the cause of liberation. By worshipping her, Indra and the other gods obtained their divine glory.

Verse 6 (skanda.1.82.6)

ये च शक्तिं न मन्यंते तिरस्कुर्वंति चाधमाः ।। योगीन्द्रा अपि ते व्यक्तं भ्रश्यंते काशिजा यथा॥

ye ca śaktiṁ na manyaṁte tiraskurvaṁti cādhamāḥ || yogīndrā api te vyaktaṁ bhraśyaṁte kāśijā yathā||

Those base people who do not honor Shakti, and who scorn her, plainly fall from their state, even if they be masters of yoga themselves — just as happened at Kashi.

Verse 7 (skanda.1.82.7)

वाराणस्यां किल पुरा सिद्धयोगीश्वराः पुनः ।। अवमन्य च ते शक्तिं पुनर्भ्रंशमुपागताः॥

vārāṇasyāṁ kila purā siddhayogīśvarāḥ punaḥ || avamanya ca te śaktiṁ punarbhraṁśamupāgatāḥ||

In Varanasi, long ago, even accomplished masters of yoga, having disrespected Shakti, once again fell from their attainment.

Verse 8 (skanda.1.82.8)

तस्मात्सदा देहिनेयं शक्तिः पूज्यैव नित्यदा ।। तुष्टा ददाति सा कामान्रुष्टा संहरते क्षणात्॥

tasmātsadā dehineyaṁ śaktiḥ pūjyaiva nityadā || tuṣṭā dadāti sā kāmānruṣṭā saṁharate kṣaṇāt||

Therefore every embodied being should always, without fail, worship this Shakti. When pleased, she grants every desire; when angered, she destroys in an instant.

Verse 9 (skanda.1.82.9)

परमा प्रकृतिः सा च बहुभेदैर्व्यवस्थिता ।। तासां मध्ये महादेव्यो ह्यत्र संस्थापिताः शृणु॥

paramā prakṛtiḥ sā ca bahubhedairvyavasthitā || tāsāṁ madhye mahādevyo hyatra saṁsthāpitāḥ śṛṇu||

That Supreme Prakriti exists in many differentiated forms. Hear now of the great goddesses among them who have been established here.

Verse 10 (skanda.1.82.10)

चतस्रस्तु महाशक्त्यश्चतुर्दिक्षु व्यवस्थिताः ।। सिद्धांबिका तु पूर्वस्यां स्थापिता सा गुहेन च॥

catasrastu mahāśaktyaścaturdikṣu vyavasthitāḥ || siddhāṁbikā tu pūrvasyāṁ sthāpitā sā guhena ca||

Four great powers stand established in the four directions. In the east, Siddhambika was established by Guha, Kartikeya.

Verse 11 (skanda.1.82.11)

जगदादौ मूलूप्रकृतेरुत्पन्ना सा प्रकीर्त्यते ।। आराधिता यतः सिद्धैस्तस्मात्सिद्धांबिका च सा॥

jagadādau mūlūprakṛterutpannā sā prakīrtyate || ārādhitā yataḥ siddhaistasmātsiddhāṁbikā ca sā||

She is said to have arisen from the primordial Prakriti at the very beginning of the universe. Since she was worshipped by the accomplished sages, she came to be called Siddhambika.

Verse 12 (skanda.1.82.12)

दक्षिणस्यां तथा तारा संस्थिता स्थापिता मया ।। तारणार्थाय देवानां यस्मात्कूर्मं समाश्रिता॥

dakṣiṇasyāṁ tathā tārā saṁsthitā sthāpitā mayā || tāraṇārthāya devānāṁ yasmātkūrmaṁ samāśritā||

In the south stands the goddess Tara, established by me. For the deliverance of the gods, she it was who took refuge in the form of the tortoise.

Verse 13 (skanda.1.82.13)

ययाविष्टः समुज्जह्रे वेदान्कूर्मो जगद्गुरुः ।। अनयाविष्टदेहश्च बुधो बौद्धान्हनिष्यति॥

yayāviṣṭaḥ samujjahre vedānkūrmo jagadguruḥ || anayāviṣṭadehaśca budho bauddhānhaniṣyati||

Infused by her power, the tortoise, teacher of the world, retrieved the Vedas. And, entered into his body by her, Budha, the future incarnation, shall destroy the Buddhists.

Verse 14 (skanda.1.82.14)

कोटिशो वेदमार्गस्य ध्वंसकान्पापकर्मिणः।। इयं मया समाराध्य समानीता गिरेः सुता॥

koṭiśo vedamārgasya dhvaṁsakānpāpakarmiṇaḥ|| iyaṁ mayā samārādhya samānītā gireḥ sutā||

— those sinful destroyers of the Vedic path, numbering in the tens of millions. It was this very daughter of the mountain, Tara, whom I brought here through my own worship of her.

Verse 15 (skanda.1.82.15)

कोटिसंख्याभिरत्युग्रदेवीभिः संवृता च सा ।। दक्षिणां दिशमाश्रित्य संस्थिता मम गौरवात्॥

koṭisaṁkhyābhiratyugradevībhiḥ saṁvṛtā ca sā || dakṣiṇāṁ diśamāśritya saṁsthitā mama gauravāt||

Surrounded by tens of millions of exceedingly fierce goddesses, she stands established, taking her place in the southern direction, out of regard for me.

Verse 16 (skanda.1.82.16)

पश्चिमायां तथा देवी संस्थिता भास्करा शुभा ।। ययाविष्टानि भासंते भास्करप्रमुखानि च॥

paścimāyāṁ tathā devī saṁsthitā bhāskarā śubhā || yayāviṣṭāni bhāsaṁte bhāskarapramukhāni ca||

In the west stands the auspicious goddess Bhaskara, infused by whose power the Sun and other luminaries shine forth.

Verse 17 (skanda.1.82.17)

बिंबानि सर्वताराणां गच्छन्त्यायांति च द्रुतम् ।। सैषा महाबला शक्तिर्भास्वरा कुरुनन्दन॥

biṁbāni sarvatārāṇāṁ gacchantyāyāṁti ca drutam || saiṣā mahābalā śaktirbhāsvarā kurunandana||

The very orbs of all the stars move to and fro swiftly through her power. O scion of Kuru, this is that mighty, radiant power.

Verse 18 (skanda.1.82.18)

मयाराध्य समानीता कटाहादत्र संस्थिता ।। कोटिकोटिवृता नित्यं त्रायते पश्चिमां दिशम्॥

mayārādhya samānītā kaṭāhādatra saṁsthitā || koṭikoṭivṛtā nityaṁ trāyate paścimāṁ diśam||

I worshipped her and brought her here from Kataha, and established her here. Surrounded by tens of millions upon tens of millions of goddesses, she ever protects the western direction.

Verse 19 (skanda.1.82.19)

उत्तरस्यां तथा देवी संस्थिता योगनंदिनी ।। परमप्रकृतेर्देहात्पूर्वं निःसृतया यया॥

uttarasyāṁ tathā devī saṁsthitā yoganaṁdinī || paramaprakṛterdehātpūrvaṁ niḥsṛtayā yayā||

In the north stands the goddess Yoganandini, who in ancient times emerged from the very body of the Supreme Prakriti.

Verse 20 (skanda.1.82.20)

दृष्ट्या दृष्टा निर्मलया योगमापुश्चतुःसनाः ।। योगीश्वरी च सा देवी सनकाद्यैः सुतोषिता॥

dṛṣṭyā dṛṣṭā nirmalayā yogamāpuścatuḥsanāḥ || yogīśvarī ca sā devī sanakādyaiḥ sutoṣitā||

Beheld by her stainless gaze, the four Kumaras, Sanaka and the rest, attained yoga. She is the goddess Yogishvari, well pleased by Sanaka and his brothers.

Verse 21 (skanda.1.82.21)

सैव चांडकटाहान्मे समाराध्यात्र प्रापिता ।। योगिनीभिः परिवृता संस्थिता चोत्तरां दिशम्॥

saiva cāṁḍakaṭāhānme samārādhyātra prāpitā || yoginībhiḥ parivṛtā saṁsthitā cottarāṁ diśam||

This same goddess I too brought here, worshipping her from the very shell of the cosmic egg. Surrounded by yoginis, she stands established in the northern direction.

Verse 22 (skanda.1.82.22)

एवमेता महाशक्त्यश्चतस्रः संस्थिताः सदा ।। पूजिताः कामदा नित्यं रुष्टाः संहरणक्षमाः॥

evametā mahāśaktyaścatasraḥ saṁsthitāḥ sadā || pūjitāḥ kāmadā nityaṁ ruṣṭāḥ saṁharaṇakṣamāḥ||

Thus do these four great powers stand established forever. When worshipped, they ever fulfill desires; when angered, they are capable of utter destruction.

Verse 23 (skanda.1.82.23)

ततश्च नव मे दुर्गाः समानीताः शृणुध्व ताः॥

tataśca nava me durgāḥ samānītāḥ śṛṇudhva tāḥ||

After this, hear of the nine forms of Durga that I brought here.

Verse 24 (skanda.1.82.24)

त्रिपुरानाम परमा देवी स्थाणुर्यया पुरा ।। आविष्टस्त्रिपुरं निन्ये भस्मत्वं जगदीश्वरः॥

tripurānāma paramā devī sthāṇuryayā purā || āviṣṭastripuraṁ ninye bhasmatvaṁ jagadīśvaraḥ||

There is the supreme goddess named Tripura, infused with whose power Sthanu, Shiva, the Lord of the universe, once reduced the triple city to ashes.

Verse 25 (skanda.1.82.25)

त्रिपुरेति ततस्तां तु प्रोक्तवान्भगवान्हरः ।। तुष्टाव च स्वयं तस्मात्पूज्या सा जगतामपि॥

tripureti tatastāṁ tu proktavānbhagavānharaḥ || tuṣṭāva ca svayaṁ tasmātpūjyā sā jagatāmapi||

Then Lord Hara called her by the name Tripura, and himself sang her praises. For this reason she is worthy of worship by the entire universe as well.

Verse 26 (skanda.1.82.26)

सा चाराध्य समानीता मयामरेश्वरपर्वतात् ।। भक्तानां कामदा सास्ति भट्टादित्यसमीपतः॥

sā cārādhya samānītā mayāmareśvaraparvatāt || bhaktānāṁ kāmadā sāsti bhaṭṭādityasamīpataḥ||

Worshipping her, I brought her here from Mount Amareshvara. She dwells near Bhattaditya, fulfilling the desires of her devotees.

Verse 27 (skanda.1.82.27)

अपरा चापि कोलंबा महाशक्तिः सनातनी ।। कोलरूपी ययाविष्टः केशवश्चोज्जहार गाम्॥

aparā cāpi kolaṁbā mahāśaktiḥ sanātanī || kolarūpī yayāviṣṭaḥ keśavaścojjahāra gām||

There is another eternal great power named Kolamba, infused with whose power Keshava, taking the form of a boar, once rescued the earth.

Verse 28 (skanda.1.82.28)

तस्मात्सा विष्णुना चोक्ता कोलंबेति स्तुतार्चिता ।। सा च देवी मया पार्थ भक्तियोगेन तोषिता॥

tasmātsā viṣṇunā coktā kolaṁbeti stutārcitā || sā ca devī mayā pārtha bhaktiyogena toṣitā||

For this reason, Vishnu called her by the name Kolamba and offered her praise and worship. O Partha, I too pleased that goddess through the discipline of devotion.

Verse 29 (skanda.1.82.29)

वाराहगिरिसंस्था मां समानीता च साब्रवीत् ।। यत्राहं नारद सदा तिष्ठामि कृपयार्थिनाम् ।।॥

vārāhagirisaṁsthā māṁ samānītā ca sābravīt || yatrāhaṁ nārada sadā tiṣṭhāmi kṛpayārthinām ||||

That goddess, residing on Mount Varaha, brought me there and said: "O Narada, where I dwell always, out of compassion for those who seek me,"

Verse 30 (skanda.1.82.30)

तत्र कूपेन संस्थेयं रुद्राणीसंस्थितेन वै ।। तं हि कूपं विना मह्यं न रतिर्जायते क्वचित्॥

tatra kūpena saṁstheyaṁ rudrāṇīsaṁsthitena vai || taṁ hi kūpaṁ vinā mahyaṁ na ratirjāyate kvacit||

"— there I remain, established together with a well infused with Rudrani herself. Without that well, I find contentment nowhere at all."

Verse 31 (skanda.1.82.31)

तस्माद्भवान्कूपवरं स्वयमत्र खन द्विज ।। एवमुक्ते पार्थ देव्या दर्भमूलेन मे तदा॥

tasmādbhavānkūpavaraṁ svayamatra khana dvija || evamukte pārtha devyā darbhamūlena me tadā||

"Therefore, O brahmin, you yourself should dig an excellent well here." O Partha, when the goddess had spoken thus, I then, with a blade of kusha grass —

Verse 32 (skanda.1.82.32)

कूपोऽखनि यत्र साक्षाद्रुद्राणी कूप आबभौ ।। ततो मया तत्र देवाः स्नात्वा जप्त्वा च तर्पिताः॥

kūpo'khani yatra sākṣādrudrāṇī kūpa ābabhau || tato mayā tatra devāḥ snātvā japtvā ca tarpitāḥ||

— dug a well, in which Rudrani herself manifested in the very form of that well. Then, bathing there and reciting mantras, I satisfied the gods with offerings.

Verse 33 (skanda.1.82.33)

पूजिता च ततो दैवी कोलंबा जगदीश्वरी ।। परितुष्टा तदा देवी प्रणतं मा ततोऽब्रवीत्॥

pūjitā ca tato daivī kolaṁbā jagadīśvarī || parituṣṭā tadā devī praṇataṁ mā tato'bravīt||

Then the divine Kolamba, Lord of the universe, was worshipped. Then that goddess, thoroughly pleased, spoke to me, bowed as I was before her:

Verse 34 (skanda.1.82.34)

सदात्र चाहं स्थास्यामि प्रसादं प्रापिता त्वया ।। ये च कूपेत्र संस्नात्वा माघाष्टम्यां विशेषतः॥

sadātra cāhaṁ sthāsyāmi prasādaṁ prāpitā tvayā || ye ca kūpetra saṁsnātvā māghāṣṭamyāṁ viśeṣataḥ||

"I shall remain here forever; you have won my favor. Whoever, especially on the eighth day of Magha, bathes in this well,"

Verse 35 (skanda.1.82.35)

पूजयिष्यंति मां मर्त्यास्तेषां छेत्स्यामि दुष्कृतम् ।। सर्वतीर्थमयी यश्च सर्वर्तुकवनेस्थितः॥

pūjayiṣyaṁti māṁ martyāsteṣāṁ chetsyāmi duṣkṛtam || sarvatīrthamayī yaśca sarvartukavanesthitaḥ||

"— and worships me, of such mortals I shall utterly sever every misdeed. This place, situated within a grove of trees of every season, embodying every sacred tirtha,"

Verse 36 (skanda.1.82.36)

मेरोः समीपे रुद्राण्याः कूप एष स एव च॥

meroḥ samīpe rudrāṇyāḥ kūpa eṣa sa eva ca||

"— is that very well of Rudrani that stands near Mount Meru."

Verse 37 (skanda.1.82.37)

प्रयागादपि गंगाया गयायाश्च विशेषतः ।। कूपेस्मिन्नधिकं स्नानं मया नारद कीर्तितम्॥

prayāgādapi gaṁgāyā gayāyāśca viśeṣataḥ || kūpesminnadhikaṁ snānaṁ mayā nārada kīrtitam||

"O Narada, I have declared that bathing in this well is even more meritorious than bathing at Prayaga, at the Ganga, or especially at Gaya."

Verse 38 (skanda.1.82.38)

तदहं तव वाक्येन संस्थितात्र तपोधन ।। गुहेनाथ सरः पुण्यं पालयिष्याम्यतंद्रिता॥

tadahaṁ tava vākyena saṁsthitātra tapodhana || guhenātha saraḥ puṇyaṁ pālayiṣyāmyataṁdritā||

"Therefore, O rich in penance, I have taken my place here at your word. I shall tirelessly guard this sacred lake, made known through Guha."

Verse 39 (skanda.1.82.39)

कुमारेशं पूजयित्वा पूजयिष्यंति ये च माम् ।। देवीभिः षष्टिकोटीभिर्युता तेषामभीष्टदा॥

kumāreśaṁ pūjayitvā pūjayiṣyaṁti ye ca mām || devībhiḥ ṣaṣṭikoṭībhiryutā teṣāmabhīṣṭadā||

Whoever, having worshipped Kumara, worships me as well — I, accompanied by sixty million goddesses, shall grant them their heart's desires.

Verse 40 (skanda.1.82.40)

।। नारद उवाच ।। ।। इत्युक्तोऽहं पार्थ देव्या तदानीं प्रीयमाणया ।। प्रत्यब्रवं प्रमुदितः कोलंबां विश्वमातरम्॥

|| nārada uvāca || || ityukto'haṁ pārtha devyā tadānīṁ prīyamāṇayā || pratyabravaṁ pramuditaḥ kolaṁbāṁ viśvamātaram||

Narada said: O Partha, when the goddess, greatly pleased, had spoken thus to me, I too, filled with joy, replied to Kolamba, the mother of the universe:

Verse 41 (skanda.1.82.41)

अत्रास्य माता त्वं देवि गुप्तक्षेत्रस्यकारणम् ।। तीर्थयात्रा वृथा तेषां नार्च्चयंतीह त्वां च ये॥

atrāsya mātā tvaṁ devi guptakṣetrasyakāraṇam || tīrthayātrā vṛthā teṣāṁ nārccayaṁtīha tvāṁ ca ye||

"O Goddess, you are indeed the mother and the very cause of this hidden field. For those who do not worship you here, their pilgrimage is entirely in vain."

Verse 42 (skanda.1.82.42)

इदं च यत्सरः पुण्यं त्वन्नाम्ना ख्यातिमेष्यति ।। ईश्वरी सरसोऽस्य त्वं तीर्थस्यास्य तथेश्वरी॥

idaṁ ca yatsaraḥ puṇyaṁ tvannāmnā khyātimeṣyati || īśvarī saraso'sya tvaṁ tīrthasyāsya tatheśvarī||

"This sacred lake shall become renowned by your very name. You are the sovereign mistress both of this lake and of this tirtha."

Verse 43 (skanda.1.82.43)

एवं दीर्घं तपस्तप्त्वा स्थापिता मयका शुभा ।। महादुर्गा नरैस्तस्मात्पूज्येयं सततं बुधैः॥

evaṁ dīrghaṁ tapastaptvā sthāpitā mayakā śubhā || mahādurgā naraistasmātpūjyeyaṁ satataṁ budhaiḥ||

Thus, through prolonged penance, I established that auspicious Mahadurga here. Therefore the wise among men should worship her continually.

Verse 44 (skanda.1.82.44)

तृतीया च दिशि तस्यां स्थिता संस्थापिता मया ।। गुहेन च कपालेश्याः प्रभावोस्याः पुरेरितः॥

tṛtīyā ca diśi tasyāṁ sthitā saṁsthāpitā mayā || guhena ca kapāleśyāḥ prabhāvosyāḥ pureritaḥ||

A third goddess stands established in that same direction, set there by me. The power of this Kapaleshvari has already been declared by Guha.

Verse 45 (skanda.1.82.45)

धन्यास्ते ये प्रपश्यंति नित्यमेनां नरोत्तमाः ।। कपालेश्वरमभ्यर्च्य विश्वशक्तिरियं यतः॥

dhanyāste ye prapaśyaṁti nityamenāṁ narottamāḥ || kapāleśvaramabhyarcya viśvaśaktiriyaṁ yataḥ||

Blessed indeed are those foremost of men who behold this goddess daily, for she, this power of the universe, is worshipped together with Kapaleshvara.

Verse 46 (skanda.1.82.46)

एवमेतास्तिस्रो दुर्गाः पूर्वस्यां दिशि संस्थिताः ।। पश्चिमायां प्रवक्ष्यामि तिस्रो दुर्गा महोत्तमा॥

evametāstisro durgāḥ pūrvasyāṁ diśi saṁsthitāḥ || paścimāyāṁ pravakṣyāmi tisro durgā mahottamā||

Thus do these three forms of Durga stand established in the eastern direction. Now I shall describe the three most excellent forms of Durga in the western direction.

Verse 47 (skanda.1.82.47)

सुवर्णाक्षी तु या देवी ब्रह्मांडपरिपालिनी ।। सा मयात्र समाराध्य तीर्थे देवी निवेशिता ।।॥

suvarṇākṣī tu yā devī brahmāṁḍaparipālinī || sā mayātra samārādhya tīrthe devī niveśitā ||||

The goddess named Suvarnakshi, the protectress of the entire universe, I worshipped and established here at this tirtha.

Verse 48 (skanda.1.82.48)

ये चैनां प्रणमिष्यंति पूजयिष्यंति भक्तितः ।। त्रयस्त्रिंशद्भिः कोटीभिर्देवीभिः पूजिता च तैः॥

ye caināṁ praṇamiṣyaṁti pūjayiṣyaṁti bhaktitaḥ || trayastriṁśadbhiḥ koṭībhirdevībhiḥ pūjitā ca taiḥ||

Whoever bows to her and worships her with devotion is deemed thereby to have worshipped even the three hundred and thirty million goddesses.

Verse 49 (skanda.1.82.49)

अपरा च महादुर्गा चर्चिता चेति संस्थिता । रसातलतलात्तत्र मयानीता सुभक्तितः॥

aparā ca mahādurgā carcitā ceti saṁsthitā | rasātalatalāttatra mayānītā subhaktitaḥ||

There is another Mahadurga, known by the name Charchita, established here, whom I brought, with the greatest devotion, up from the very depths of the netherworld.

Verse 50 (skanda.1.82.50)

इयमर्च्या च चिंत्या च वीरत्वं समभीप्सुभिः ।। बहुभिर्देवदैतेयैर्ददौ तेभ्यश्च वीरताम्॥

iyamarcyā ca ciṁtyā ca vīratvaṁ samabhīpsubhiḥ || bahubhirdevadaiteyairdadau tebhyaśca vīratām||

Those who desire heroism should worship and meditate upon her. She has bestowed heroic valor upon many gods and daityas alike.

Verse 51 (skanda.1.82.51)

इयमेव महादुर्गा शूद्रकं वीरसत्तमम् । चौरैर्बद्धं कलौ चाग्रे मोक्षयिष्यति विक्रमात्॥

iyameva mahādurgā śūdrakaṁ vīrasattamam | caurairbaddhaṁ kalau cāgre mokṣayiṣyati vikramāt||

This very Mahadurga shall, in the future Kali age, through her own might, deliver the noblest of heroes, Shudraka, when he is bound by thieves.

Verse 52 (skanda.1.82.52)

ततस्त्वेतां स चाराध्य वीरेंद्रत्वमवाप्स्यति ।। निहनिष्यति चाक्रम्य कालसेनमुखान्रिपून्॥

tatastvetāṁ sa cārādhya vīreṁdratvamavāpsyati || nihaniṣyati cākramya kālasenamukhānripūn||

Then, worshipping her, he shall attain the very sovereignty of heroes, and, launching his attack, shall slay his enemies, led by Kalasena.

Verse 53 (skanda.1.82.53)

तस्मादियं समाराध्या वीर्यकामैर्नरैः सदा ।। चर्चिता या महादुर्गा पश्चिमायां दिशि स्थिता॥

tasmādiyaṁ samārādhyā vīryakāmairnaraiḥ sadā || carcitā yā mahādurgā paścimāyāṁ diśi sthitā||

Therefore men who desire strength and valor should always worship this Mahadurga Charchita, who stands established in the western direction.

Verse 54 (skanda.1.82.54)

तथा त्रैलोक्यविजया तृतीयस्यां दिशि स्थिता । यामाराध्य जयं प्राप्तस्त्रिलोक्यां रोहिणीपतिः ।। सोमलोकान्मयानीता पूजिता जयदा सदा॥

tathā trailokyavijayā tṛtīyasyāṁ diśi sthitā | yāmārādhya jayaṁ prāptastrilokyāṁ rohiṇīpatiḥ || somalokānmayānītā pūjitā jayadā sadā||

The third goddess is Trailokyavijaya, established in that same direction, by worshipping whom Rohini's lord, the Moon, attained victory throughout the three worlds. I brought her here from the world of the Moon, and, ever worshipped, she grants victory.

Verse 55 (skanda.1.82.55)

एवमेताः पश्चिमायामुत्तरस्यामतः शृणु ।। तिस्रो देव्यश्चोत्तरस्यामेकवीरामुखाः स्थिताः॥

evametāḥ paścimāyāmuttarasyāmataḥ śṛṇu || tisro devyaścottarasyāmekavīrāmukhāḥ sthitāḥ||

Thus are the goddesses of the west. Now hear of those of the north. Three goddesses, led by Ekavira, stand established in the northern direction.

Verse 56 (skanda.1.82.56)

एकवीरेति या देवी साक्षात्सा शिवपूजिता ।। ययाविष्टो जगत्सर्वं संहरत्येष भूतराट्॥

ekavīreti yā devī sākṣātsā śivapūjitā || yayāviṣṭo jagatsarvaṁ saṁharatyeṣa bhūtarāṭ||

The goddess known as Ekavira is worshipped by Shiva himself. Infused with her power, this lord of the ghostly hosts brings about the destruction of the entire universe.

Verse 57 (skanda.1.82.57)

वीर्येणाद्येकवीरायाः कृत्वा लोकांश्च भस्मसात् ।। युगैकादशपूर्णत्वे विलक्षोऽभूत्स भस्मनि॥

vīryeṇādyekavīrāyāḥ kṛtvā lokāṁśca bhasmasāt || yugaikādaśapūrṇatve vilakṣo'bhūtsa bhasmani||

With the might of Ekavira, having reduced all the worlds to ashes, at the completion of eleven ages he himself, too, dissolved into that very ash.

Verse 58 (skanda.1.82.58)

एवंविधा त्वेकवीरा शक्तिरेषा सनातनी ।। पूजिताराधिता चैव सर्वाभीप्सितदा नृणाम् ।।॥

evaṁvidhā tvekavīrā śaktireṣā sanātanī || pūjitārādhitā caiva sarvābhīpsitadā nṛṇām ||||

Such is Ekavira, this eternal power. When worshipped and propitiated, she grants men every desire of their hearts.

Verse 59 (skanda.1.82.59)

ब्रह्मलोकात्समानीता मयाराध्यात्र भारत ।। नामकीर्तनमप्यस्या दुष्टानां घातनं विदुः॥

brahmalokātsamānītā mayārādhyātra bhārata || nāmakīrtanamapyasyā duṣṭānāṁ ghātanaṁ viduḥ||

O Bharata, I worshipped her and brought her here from the world of Brahma. Even the mere chanting of her name is known to destroy the wicked.

Verse 60 (skanda.1.82.60)

द्वितीया हरसिद्ध्याख्या देवी दुर्गा महाबला ।। शीकोत्तरात्समाराध्य मयानीतात्र पांडव॥

dvitīyā harasiddhyākhyā devī durgā mahābalā || śīkottarātsamārādhya mayānītātra pāṁḍava||

The second goddess is the mighty Durga known as Harasiddhi. O Pandava, I worshipped her and brought her here from the land of Shikottara.

Verse 61 (skanda.1.82.61)

यदा शीकोत्तरस्थेन पार्वत्या प्रार्थितेन च ।। रुद्रेण डाकिनीमंत्रः प्रोक्तो देव्याः कृपालुना॥

yadā śīkottarasthena pārvatyā prārthitena ca || rudreṇa ḍākinīmaṁtraḥ prokto devyāḥ kṛpālunā||

When Rudra, residing in Shikottara, being entreated by Parvati, compassionately taught the Dakini-mantra to the Goddess,

Verse 62 (skanda.1.82.62)

तदा मंत्रप्रभावेण मोहिता गिरिजा सती ।। तमेवाक्रम्य मांसं च शोणितं च भवं पपौ॥

tadā maṁtraprabhāveṇa mohitā girijā satī || tamevākramya māṁsaṁ ca śoṇitaṁ ca bhavaṁ papau||

— then, deluded by the power of that very mantra, the chaste Girija attacked Bhava, Shiva, himself, and drank his flesh and blood.

Verse 63 (skanda.1.82.63)

ततो रुद्रशरीरात्तु विनिष्क्रांतार्तिनाशिनी ।। हरसिद्धिर्महादुर्गा महामंत्रविशारदा॥

tato rudraśarīrāttu viniṣkrāṁtārtināśinī || harasiddhirmahādurgā mahāmaṁtraviśāradā||

Then, from Rudra's own body, there emerged the sorrow-destroying Mahadurga Harasiddhi, skilled in the great mantras.

Verse 64 (skanda.1.82.64)

सा सहस्रभुजा देवी समाक्रम्याभिपीड्य च ।। मोक्षयामास गिरिशमशापयत तां तथा॥

sā sahasrabhujā devī samākramyābhipīḍya ca || mokṣayāmāsa giriśamaśāpayata tāṁ tathā||

That thousand-armed goddess overpowered and subdued Parvati, thereby freeing Girisha, Shiva, and thereupon also pronounced a curse upon her.

Verse 65 (skanda.1.82.65)

ततः प्रभृति सा लोके हरसिद्धिः प्रकीर्त्यते ।। देवीनां षष्टिकोटीभिरावृता पूज्यते सुरैः॥

tataḥ prabhṛti sā loke harasiddhiḥ prakīrtyate || devīnāṁ ṣaṣṭikoṭībhirāvṛtā pūjyate suraiḥ||

From that time on, she became renowned in the world by the name Harasiddhi. Surrounded by sixty million goddesses, she is worshipped even by the gods.

Verse 66 (skanda.1.82.66)

एतामाराध्य सुग्रीवप्रमुखा दोषनाशिनीम्।।। अभूवन्त्सुमहावीर्या डाकिनीसंघनाशनाः॥

etāmārādhya sugrīvapramukhā doṣanāśinīm||| abhūvantsumahāvīryā ḍākinīsaṁghanāśanāḥ||

By worshipping this very fault-destroying goddess, Sugriva and others became of the greatest valor and destroyers of hosts of dakinis.

Verse 67 (skanda.1.82.67)

तस्मादेतां पूजयेत्तु मनोवाक्कायकर्मभिः ।। डाकिन्याद्या न सर्पंति हरसिद्धेरनंतरम्॥

tasmādetāṁ pūjayettu manovākkāyakarmabhiḥ || ḍākinyādyā na sarpaṁti harasiddheranaṁtaram||

Therefore she should be worshipped in mind, speech, and body. After the worship of Harasiddhi, dakinis and the like never approach.

Verse 68 (skanda.1.82.68)

तृतीयेशानकोणस्था चंडिका नवमी स्थिता ।। वागीशोऽपि लभेत्पारं नैव यस्याः प्रवर्णने॥

tṛtīyeśānakoṇasthā caṁḍikā navamī sthitā || vāgīśo'pi labhetpāraṁ naiva yasyāḥ pravarṇane||

The third goddess, situated in the northeast corner, is Chandika, standing as the ninth. Even Brihaspati, lord of speech himself, could not reach the end of describing her.

Verse 69 (skanda.1.82.69)

या पुरा पार्वतीदेहाद्विनिःसृत्य महासुरौ ।। चंडमुंडौ निहत्यैव भक्षयामास क्रोधतः॥

yā purā pārvatīdehādviniḥsṛtya mahāsurau || caṁḍamuṁḍau nihatyaiva bhakṣayāmāsa krodhataḥ||

She who, in ancient times, emerged from Parvati's own body, and, having slain the great demons Chanda and Munda, devoured them in her fury,

Verse 70 (skanda.1.82.70)

अक्षौहिणीशतं त्वेकं चंडमुंडौ च तावुभौ ।। नापूर्यतैकग्रासोऽस्याः किंलक्ष्या यात्वियं हि सा॥

akṣauhiṇīśataṁ tvekaṁ caṁḍamuṁḍau ca tāvubhau || nāpūryataikagrāso'syāḥ kiṁlakṣyā yātviyaṁ hi sā||

A single hundred akshauhinis of army, together with both Chanda and Munda, could not even fill a single mouthful for her — such is she, whose power is beyond all measure!

Verse 71 (skanda.1.82.71)

इयमेवांधकानां च तृषिता शोणितं पुनः ।। पपौ ततो निजग्राह चांधकं भगवान्भवः॥

iyamevāṁdhakānāṁ ca tṛṣitā śoṇitaṁ punaḥ || papau tato nijagrāha cāṁdhakaṁ bhagavānbhavaḥ||

This same goddess, thirsting for the blood of the demon Andhaka, drank it again and again, until Lord Bhava himself finally seized Andhaka.

Verse 72 (skanda.1.82.72)

इयं च रक्तबीजानां कृत्वा पानं च रक्तजम् ।। अर्पयामास तं देव्याश्चामुण्डापीतशोणितम्॥

iyaṁ ca raktabījānāṁ kṛtvā pānaṁ ca raktajam || arpayāmāsa taṁ devyāścāmuṇḍāpītaśoṇitam||

It was she who drank the blood-born demons arising from the blood of Raktabija, and, through that very drinking of blood, that same goddess became renowned as Chamunda.

Verse 73 (skanda.1.82.73)

एषा तृप्यति भक्तानां प्रणामेनापि भारत ।। अर्बुदानां च कोटीभिर्दैत्यानां पापकर्मिणाम्॥

eṣā tṛpyati bhaktānāṁ praṇāmenāpi bhārata || arbudānāṁ ca koṭībhirdaityānāṁ pāpakarmiṇām||

O Bharata, this goddess, though she has consumed billions upon billions of sinful demons, is satisfied by the mere prostration of her devotees.

Verse 74 (skanda.1.82.74)

कुण्डं चास्या मया देव्याः पुण्यं निष्पादितं शुभम् ।। यत्र वै स्पर्शमात्रेण सर्वतीर्थफलं लभेत्॥

kuṇḍaṁ cāsyā mayā devyāḥ puṇyaṁ niṣpāditaṁ śubham || yatra vai sparśamātreṇa sarvatīrthaphalaṁ labhet||

I have caused a sacred and auspicious tank to be made for this goddess, where merely by touching its waters one obtains the merit of every sacred tirtha.

Verse 75 (skanda.1.82.75)

हरसिद्धिर्देवसिद्धिर्धर्मसिद्धिश्च भारत ।। विविधा प्राप्यते सिद्धिस्तीर्थेऽस्मिंश्चंडिकारतैः॥

harasiddhirdevasiddhirdharmasiddhiśca bhārata || vividhā prāpyate siddhistīrthe'smiṁścaṁḍikārataiḥ||

O Bharata, at this tirtha, those devoted to Chandika obtain manifold kinds of accomplishment — the power of Hara, the power of the gods, the power of dharma, and more.

Verse 76 (skanda.1.82.76)

यश्च पूजयते देवीं स्वल्पेन बहुनापि वा ।। कात्यायनी कोटिशतैर्वृता तस्य विभूतिदा॥

yaśca pūjayate devīṁ svalpena bahunāpi vā || kātyāyanī koṭiśatairvṛtā tasya vibhūtidā||

Whoever worships this goddess, whether with little or with much, wins from Katyayani, surrounded by countless millions, the gift of prosperity.

Verse 77 (skanda.1.82.77)

एवमेता महादुर्गा नवतीर्थेऽत्र संस्थिताः ।। चतस्रश्चापि दिग्देव्यो नित्यमर्च्याः शुभेप्सुभिः॥

evametā mahādurgā navatīrthe'tra saṁsthitāḥ || catasraścāpi digdevyo nityamarcyāḥ śubhepsubhiḥ||

Thus do these nine forms of Mahadurga stand established at this tirtha, together with the four directional goddesses — those who desire good fortune should worship all of them daily.

Verse 78 (skanda.1.82.78)

आश्विनस्य च मासस्य नवरात्रे विशेषतः ।। उपोष्य चैकभक्तैर्वा देवीस्त्वेताः प्रपूजयेत्॥

āśvinasya ca māsasya navarātre viśeṣataḥ || upoṣya caikabhaktairvā devīstvetāḥ prapūjayet||

Especially during the nine nights of the month of Ashvina, one should worship these goddesses while fasting or eating only a single meal a day.

Verse 79 (skanda.1.82.79)

बलिपूपकनैवेद्यैस्तर्पणैर्धूपगंधिभिः ।। तस्य रक्षां चरंत्येता रथ्यासु त्रिकचत्वरे॥

balipūpakanaivedyaistarpaṇairdhūpagaṁdhibhiḥ || tasya rakṣāṁ caraṁtyetā rathyāsu trikacatvare||

With offerings, cakes, food, libations, incense, and fragrance — for one who thus worships, these goddesses protect him on the roads, at crossings, and in the marketplace.

Verse 80 (skanda.1.82.80)

भूतप्रेतपिशाचाद्या नोपकुर्युः प्रपीडनम् ।। आपदो विद्रवंत्याशु योगिन्यो नंदयंति तम्॥

bhūtapretapiśācādyā nopakuryuḥ prapīḍanam || āpado vidravaṁtyāśu yoginyo naṁdayaṁti tam||

Ghosts, spirits, demons, and the like do not torment him. Calamities flee swiftly away, and the yoginis fill him with joy.

Verse 81 (skanda.1.82.81)

पुत्रार्थी लभते पुत्रान्धनार्थी धनमाप्नुयात् ।। रोगार्तो मुच्यते रोगाद्बद्धो मुच्येत बन्धनात्॥

putrārthī labhate putrāndhanārthī dhanamāpnuyāt || rogārto mucyate rogādbaddho mucyeta bandhanāt||

One desiring sons obtains sons, one desiring wealth obtains wealth, the sick is freed from disease, and the captive is freed from bondage.

Verse 82 (skanda.1.82.82)

आसां यः कुरुते भक्तिं नरो नारी च श्रद्धया ।। सर्वान्कामानवाप्नोति यांश्चिंतयति चेतसि॥

āsāṁ yaḥ kurute bhaktiṁ naro nārī ca śraddhayā || sarvānkāmānavāpnoti yāṁściṁtayati cetasi||

Whatever man or woman devotedly worships these goddesses with faith obtains every desire that he cherishes in his mind.

Verse 83 (skanda.1.82.83)

कामगव्य इमा देव्यश्चिन्तामणिनिभास्तथा ।। कल्पवल्ल्योऽऽथ भक्तानां प्रतिच्छन्दोऽत्र नव हि॥

kāmagavya imā devyaścintāmaṇinibhāstathā || kalpavallyo''tha bhaktānāṁ praticchando'tra nava hi||

These goddesses are like the wish-fulfilling cow, like the wish-granting jewel, and like the wish-fulfilling creeper for their devotees — here these nine goddesses are the very embodiment of that boon-granting power.

Verse 84 (skanda.1.82.84)

तथात्र भूतमातास्ति हरसिद्धेस्तु दक्षिणे ।। तस्या माहात्म्यमतुलं संक्षेपात्प्रब्रवीमि ते॥

tathātra bhūtamātāsti harasiddhestu dakṣiṇe || tasyā māhātmyamatulaṁ saṁkṣepātprabravīmi te||

Here, to the south of Harasiddhi, dwells also Bhutamata, the mother of spirits. I shall now describe to you, in brief, her incomparable glory.

Verse 85 (skanda.1.82.85)

पूर्वं किल गुहो विद्वान्पुण्ये सारस्वते तटे।। भूतप्रेतपिशाचानामाधिराज्येऽभ्यषिच्यत॥

pūrvaṁ kila guho vidvānpuṇye sārasvate taṭe|| bhūtapretapiśācānāmādhirājye'bhyaṣicyata||

Long ago, the learned Guha was consecrated, on the sacred bank of the Sarasvati, as sovereign lord over the ghosts, spirits, and demons.

Verse 86 (skanda.1.82.86)

स च सर्वाणि भूतानि मर्यादायामधारयत् ।। एतदन्नं प्रदायैव कृपया भगवान्गुहः॥

sa ca sarvāṇi bhūtāni maryādāyāmadhārayat || etadannaṁ pradāyaiva kṛpayā bhagavānguhaḥ||

He kept all the spirits within due bounds. Lord Guha, out of compassion, granted them this food —

Verse 87 (skanda.1.82.87)

यदमंत्रहुतं किंचिद्वेदबाह्यं च यत्कृतम् ।। अश्रद्धया च क्रोधेन तद्वस्तृप्त्यै भविष्यति॥

yadamaṁtrahutaṁ kiṁcidvedabāhyaṁ ca yatkṛtam || aśraddhayā ca krodhena tadvastṛptyai bhaviṣyati||

— "Whatever is offered in a fire-oblation without mantras, whatever is performed contrary to Vedic rule, and whatever is done with disrespect or in anger — all of this shall serve for your nourishment."

Verse 88 (skanda.1.82.88)

ततस्त्वनेन भोगेन तानि नंदंति कृत्स्नशः ।। ततः केनापि कालेन श्रद्धयाऽश्रद्धया कृतम्॥

tatastvanena bhogena tāni naṁdaṁti kṛtsnaśaḥ || tataḥ kenāpi kālena śraddhayā'śraddhayā kṛtam||

Through this allotted portion, all those spirits remained content. After this, at some point, offerings made with faith or without faith —

Verse 89 (skanda.1.82.89)

पुण्यं तान्येव भूतानि ग्रसंत्याक्रम्य देवताः ।। ततो देवाः क्षुधार्त्तास्ते गुहायैतन्न्यवेदयन्॥

puṇyaṁ tānyeva bhūtāni grasaṁtyākramya devatāḥ || tato devāḥ kṣudhārttāste guhāyaitannyavedayan||

— whatever merit belonged rightly to the gods was seized and devoured by those very spirits. Then the gods, tormented by hunger, reported this matter to Guha.

Verse 90 (skanda.1.82.90)

स वै तदाकर्ण्य क्रुद्धो गुहः काल इवाभवत् ।। तस्य क्रुद्धस्य भ्रूपद्ममध्यात्काचिद्विनिर्गता॥

sa vai tadākarṇya kruddho guhaḥ kāla ivābhavat || tasya kruddhasya bhrūpadmamadhyātkācidvinirgatā||

Hearing this, Guha grew wrathful and became like Time itself, the destroyer. From between his furrowed brows, in his anger, there emerged a certain being,

Verse 91 (skanda.1.82.91)

ज्वालामाला सुदुर्दर्शा नारी द्वादशलोचना ।। सा च प्रणम्य तं प्राह तव शक्तिरहं प्रभो ।। शीघ्रमादिश मां कृत्ये किं करोमि तवेप्सितम्॥

jvālāmālā sudurdarśā nārī dvādaśalocanā || sā ca praṇamya taṁ prāha tava śaktirahaṁ prabho || śīghramādiśa māṁ kṛtye kiṁ karomi tavepsitam||

— a woman garlanded with flames, terrible to behold, possessed of twelve eyes. She bowed to him and said: "O Lord, I am your very own power. Command me quickly — what shall I do? What is your desire?"

Verse 92 (skanda.1.82.92)

।। स्कन्द उवाच ।। ।। एतैर्भूतगणैः पापैरुल्लंघ्य मम शासनम्॥

|| skanda uvāca || || etairbhūtagaṇaiḥ pāpairullaṁghya mama śāsanam||

Skanda said: "These sinful hosts of spirits have transgressed my own command."

Verse 93 (skanda.1.82.93)

मनुष्यदत्तं सकलं भुज्यते स्वेच्छयाधमैः ।। शीघ्रमेतानि त्वं तस्मान्मर्यादायामुपानय॥

manuṣyadattaṁ sakalaṁ bhujyate svecchayādhamaiḥ || śīghrametāni tvaṁ tasmānmaryādāyāmupānaya||

"These base beings consume, as they please, everything given by human beings. Therefore, quickly bring them back within due bounds."

Verse 94 (skanda.1.82.94)

एतास्त्वानुव्रजिष्यंति देव्यः कोटिशतं शुभे ।। ततस्तथेति सा चोक्ता देवीभिः संवृता तदा॥

etāstvānuvrajiṣyaṁti devyaḥ koṭiśataṁ śubhe || tatastatheti sā coktā devībhiḥ saṁvṛtā tadā||

"O gracious one, a hundred million goddesses shall accompany you." Then that goddess, saying "So be it," surrounded by many goddesses,

Verse 95 (skanda.1.82.95)

मयूरं समुपास्थाय गुहशक्तिः समागता ।। सरोजवनमासाद्य भूतसंघानपश्यत॥

mayūraṁ samupāsthāya guhaśaktiḥ samāgatā || sarojavanamāsādya bhūtasaṁghānapaśyata||

— mounting a peacock, that power of Guha arrived, and reaching a grove of lotuses, she beheld the assembled hosts of spirits.

Verse 96 (skanda.1.82.96)

जघान च समासाद्य देवी नानाविधायुधैः ।। ततः प्रेतपिशाचाद्या हन्यमाना महारणे॥

jaghāna ca samāsādya devī nānāvidhāyudhaiḥ || tataḥ pretapiśācādyā hanyamānā mahāraṇe||

Reaching them, the goddess began to strike them down with weapons of every kind. Then, being slain in that great battle, the ghosts, demons, and the like —

Verse 97 (skanda.1.82.97)

प्रसादयंति तां देवीं नानावेषैः सुदीनवत् ।। केचिद्ब्राह्मणवेषैश्च तापसानां तथो क्तिभिः॥

prasādayaṁti tāṁ devīṁ nānāveṣaiḥ sudīnavat || kecidbrāhmaṇaveṣaiśca tāpasānāṁ tatho ktibhiḥ||

— began, in manifold disguises, most piteously, to try to appease that goddess. Some, taking the guise of brahmins, speaking words like those of ascetics,

Verse 98 (skanda.1.82.98)

नृत्यंति देवि पद्माक्षि प्रसीदेति पुनःपुनः ।। ततः प्रसन्ना सा देवी व्रियतां स्वेच्छयाऽऽह तान्॥

nṛtyaṁti devi padmākṣi prasīdeti punaḥpunaḥ || tataḥ prasannā sā devī vriyatāṁ svecchayā''ha tān||

— danced about, crying again and again, "O lotus-eyed Goddess, be gracious!" Then, becoming pleased, the goddess said to them: "Ask for a boon, whatever you wish."

Verse 99 (skanda.1.82.99)

तां ते प्रोचुस्त्राहि नस्त्वं भूतमाता भवेश्वरि ।। मर्यादां नैव त्यक्ष्यामो वयं स्कन्दविनिर्मिताम्॥

tāṁ te procustrāhi nastvaṁ bhūtamātā bhaveśvari || maryādāṁ naiva tyakṣyāmo vayaṁ skandavinirmitām||

They said to her: "O sovereign consort of Bhava, protect us; become our very mother, mother of spirits. We shall never again transgress the bounds set by Skanda."

Verse 100 (skanda.1.82.100)

ये चैवं त्वां तोषयन्ति तेषां देहि वरान्सदा॥

ye caivaṁ tvāṁ toṣayanti teṣāṁ dehi varānsadā||

"Whoever pleases you in this manner, grant them boons forever."

Verse 101 (skanda.1.82.101)

।। श्रीदेव्युवाच ।। ।। वैशाखे दर्शदिवसे ये चैवं तोषयंति माम् ।। अरिष्टाभरणैः पुष्पैर्दधिभक्तैश्च पूजनैः ।। तेषां सर्वोपसर्गा वै यास्यंति विलयं स्फुटम्॥

|| śrīdevyuvāca || || vaiśākhe darśadivase ye caivaṁ toṣayaṁti mām || ariṣṭābharaṇaiḥ puṣpairdadhibhaktaiśca pūjanaiḥ || teṣāṁ sarvopasargā vai yāsyaṁti vilayaṁ sphuṭam||

The Goddess said: "On the new-moon day of the month of Vaishakha, whoever pleases me thus, with ornaments of nimba leaves, flowers, and offerings of curd and rice, their every affliction shall assuredly be dissolved."

Verse 102 (skanda.1.82.102)

एवं दत्त्वा वरं देवी मुमुदे भूतसंवृता ।। एवंप्रभावा सा देवी मयानीतात्र भारत॥

evaṁ dattvā varaṁ devī mumude bhūtasaṁvṛtā || evaṁprabhāvā sā devī mayānītātra bhārata||

Having thus granted the boon, the goddess, surrounded by the hosts of spirits, rejoiced. O Bharata, it was that very goddess, of such great power, whom I brought here.

Verse 103 (skanda.1.82.103)

य एनां प्रणमेन्मर्त्यः सर्वारिष्टैर्विमुच्यते॥

ya enāṁ praṇamenmartyaḥ sarvāriṣṭairvimucyate||

Whatever mortal bows to her is freed from every affliction.

Verse 104 (skanda.1.82.104)

एवं प्रभावाः परिकीर्तिता मया समासतस्तीर्थवरेऽत्र देव्यः ।। चतुर्दशैवार्जुन पूजिता याश्चतुर्दशस्थानवरैर्नृमुख्यैः॥

evaṁ prabhāvāḥ parikīrtitā mayā samāsatastīrthavare'tra devyaḥ || caturdaśaivārjuna pūjitā yāścaturdaśasthānavarairnṛmukhyaiḥ||

O Arjuna, thus have I briefly recounted the powers of these fourteen goddesses established at this supreme tirtha, worshipped by the foremost of men in their fourteen sacred stations.