The Glory of Bhimeshvara

Verse 1 (skanda.1.99.1)

एवं तत्र स्थिते तीरे देव्याराधनतत्परे ॥ सप्तलिंगार्चनरते भीमनन्दननन्दने

evaṁ tatra sthite tīre devyārādhanatatpare || saptaliṁgārcanarate bhīmanandananandane

Thus, while Barbarika, the son of Bhima's grandson, remained there on that riverbank, devoted to worshipping the Goddess and delighting in the worship of the seven lingas,

Verse 2 (skanda.1.99.2)

ततः कालेन केनापि पांडवा द्यूतनिर्जिताः ॥ तत्राजग्मुश्च क्रमतस्तीर्थस्नानकृते भुवम्

tataḥ kālena kenāpi pāṁḍavā dyūtanirjitāḥ || tatrājagmuśca kramatastīrthasnānakṛte bhuvam

then, after some time, the Pandavas, defeated at dice, came in due course to that land, for the sake of bathing at the sacred fords.

Verse 3 (skanda.1.99.3)

प्रागेव चंडिकां देवीं क्षेत्रादीशानतः स्थिताम् ॥ आसेदुर्मार्गखिन्नास्ते द्रौपदीपंचमास्तदा

prāgeva caṁḍikāṁ devīṁ kṣetrādīśānataḥ sthitām || āsedurmārgakhinnāste draupadīpaṁcamāstadā

Weary from their journey, they, the five together with Draupadi, first of all approached the Goddess Chandika, who stood to the northeast of the sacred field.

Verse 4 (skanda.1.99.4)

तत्रैव चोपविष्टोऽभूत्तदानीं चंडिकागणः ॥ बर्बरीकश्च तान्वीरान्समायातानपश्यत

tatraiva copaviṣṭo'bhūttadānīṁ caṁḍikāgaṇaḥ || barbarīkaśca tānvīrānsamāyātānapaśyata

There, at that very time, the attendant of Chandika was seated; and Barbarika saw those heroes arriving.

Verse 5 (skanda.1.99.5)

परं नासौ वेद पाण्डून्पाण्डवास्तं च नो विदुः ॥ आजन्म यस्मान्नैवाभूत्पाण्डूनां चास्य संगमः

paraṁ nāsau veda pāṇḍūnpāṇḍavāstaṁ ca no viduḥ || ājanma yasmānnaivābhūtpāṇḍūnāṁ cāsya saṁgamaḥ

But he did not know the Pandavas, nor did the Pandavas know him — for from his very birth he had never once met with the sons of Pandu.

Verse 6 (skanda.1.99.6)

ततः प्रविश्य वै तस्मिन्देवीमासाद्य पांडवाः ॥ पिंडकाद्यं तत्र मुक्त्वा तृषा प्रैक्षि जलं तदा

tataḥ praviśya vai tasmindevīmāsādya pāṁḍavāḥ || piṁḍakādyaṁ tatra muktvā tṛṣā praikṣi jalaṁ tadā

Then the Pandavas, entering there and approaching the Goddess, having offered rice-balls and the like, then, overcome with thirst, looked upon the water.

Verse 7 (skanda.1.99.7)

ततो भीमः कुण्डमध्यं जलं पातुं विवेश ह ॥ प्रविशंतं च तं प्राह युधिष्ठिर इदं वचः

tato bhīmaḥ kuṇḍamadhyaṁ jalaṁ pātuṁ viveśa ha || praviśaṁtaṁ ca taṁ prāha yudhiṣṭhira idaṁ vacaḥ

Then Bhima went into the middle of the sacred pool to drink the water; and, as he was entering, Yudhishthira spoke this word to him:

Verse 8 (skanda.1.99.8)

उद्धृत्य भीम तोयं त्वं पादौ प्रक्षाल्य भो बहिः ॥ ततः पिबाऽन्यथा दोषो महांस्त्वामुपपत्स्यते

uddhṛtya bhīma toyaṁ tvaṁ pādau prakṣālya bho bahiḥ || tataḥ pibā'nyathā doṣo mahāṁstvāmupapatsyate

"O Bhima, first draw out the water, wash your feet outside, and only then drink; otherwise a great fault shall befall you."

Verse 9 (skanda.1.99.9)

एतद्राज्ञो वचो भीमस्तृषा व्याकुललोचनः ॥ अश्रुत्वैव विवेशासौ कुण्डमध्ये जलेच्छया

etadrājño vaco bhīmastṛṣā vyākulalocanaḥ || aśrutvaiva viveśāsau kuṇḍamadhye jalecchayā

But Bhima, his eyes wild with thirst, without even hearing this word of the king, entered into the middle of the pool, driven by his desire for water.

Verse 10 (skanda.1.99.10)

स च दृष्ट्वा जलं पातुं तत्रैव कृतनिश्चयः ॥ मुखं हस्तौ च चरणौ क्षालयामास शुद्धये

sa ca dṛṣṭvā jalaṁ pātuṁ tatraiva kṛtaniścayaḥ || mukhaṁ hastau ca caraṇau kṣālayāmāsa śuddhaye

Seeing the water, resolved right there to drink it, he washed his face, hands, and feet for purification.

Verse 11 (skanda.1.99.11)

यतः पीतं जलं पुंसामप्रक्षाल्य च यद्भवेत् ॥ प्रेताः पिशाचास्तद्रूपं संक्रम्य प्रपिबंति तत्

yataḥ pītaṁ jalaṁ puṁsāmaprakṣālya ca yadbhavet || pretāḥ piśācāstadrūpaṁ saṁkramya prapibaṁti tat

For whatever water a man drinks without such washing — ghosts and pishachas, taking on that very form left by his impurity, come and drink it in his place.

Verse 12 (skanda.1.99.12)

एवं प्रक्षालयाने च पादौ तत्र वृकोदरे ॥ उपरिस्थस्तदा प्राह सत्यं सुहृदयो वचः

evaṁ prakṣālayāne ca pādau tatra vṛkodare || uparisthastadā prāha satyaṁ suhṛdayo vacaḥ

While Vrikodara was thus washing his feet there, Suhrdaya, standing above nearby, then spoke this truthful word:

Verse 13 (skanda.1.99.13)

दुर्मते भोः किमेतत्त्वं कुरुषे पापनिश्चयः ॥ देवीकुण्डे क्षालयसि मुखं पादौ करौ च यत्

durmate bhoḥ kimetattvaṁ kuruṣe pāpaniścayaḥ || devīkuṇḍe kṣālayasi mukhaṁ pādau karau ca yat

"O evil-minded one, what is this you are doing, resolved on sin — that you wash your face, feet, and hands in the Goddess's own pool?

Verse 14 (skanda.1.99.14)

यतो देवी सदानेन जलेन स्नाप्यते मया ॥ दत्र प्रक्षिपंस्तोयं मलपापान्न बिभ्यसि

yato devī sadānena jalena snāpyate mayā || datra prakṣipaṁstoyaṁ malapāpānna bibhyasi

"For with this very water the Goddess is always bathed by me — yet, casting your washing-water into it, you show no fear of that impurity and sin!

Verse 15 (skanda.1.99.15)

मलाक्ततोयं यन्नाम अस्पृश्यं तन्नरैरपि ॥ कुतो देवैश्च तत्पापं स्पृश्यते तत्त्वतो वद

malāktatoyaṁ yannāma aspṛśyaṁ tannarairapi || kuto devaiśca tatpāpaṁ spṛśyate tattvato vada

"Water tainted with such impurity is untouchable even for ordinary men — how then could gods touch it? Tell me truly, is this not sinful?

Verse 16 (skanda.1.99.16)

शीघ्रं च त्वं निःसरास्मात्कुण्डाद्भूत्वा बहिः पिब ॥ यद्येवं पाप मूढोऽसि तीर्थेषु भ्रमसे कुतः

śīghraṁ ca tvaṁ niḥsarāsmātkuṇḍādbhūtvā bahiḥ piba || yadyevaṁ pāpa mūḍho'si tīrtheṣu bhramase kutaḥ

"Get out of this pool at once, and drink outside it. If you are so foolish and sinful as this, why do you even wander among the sacred tirthas?"

Verse 17 (skanda.1.99.17)

॥भीम उवाच॥ किमेतद्भाषसे क्रूर परुषं राक्षसाधम ॥ यतस्तोयानि जंतूनामुपभो गार्थमेव हि

||bhīma uvāca|| kimetadbhāṣase krūra paruṣaṁ rākṣasādhama || yatastoyāni jaṁtūnāmupabho gārthameva hi

Bhima said: "What is this harsh thing you say, O cruel, base rakshasa? Waters exist, after all, precisely for the use of living beings.

Verse 18 (skanda.1.99.18)

तीर्थेषु कार्यं स्नानं चेत्युक्तं मुनिवरैरपि ॥ अंगप्रक्षालनं स्नानमुक्तं मां निंदसे कुतः

tīrtheṣu kāryaṁ snānaṁ cetyuktaṁ munivarairapi || aṁgaprakṣālanaṁ snānamuktaṁ māṁ niṁdase kutaḥ

"That bathing is to be done in sacred tirthas — this too has been declared by the best of sages. The washing of the limbs is itself called bathing — why then do you rebuke me?"

Verse 19 (skanda.1.99.19)

यदि न क्रियते पानमंगप्रक्षालनं तथा ॥ तत्किमर्थं पूर्तधर्माः क्रियन्ते धर्मशालिभिः

yadi na kriyate pānamaṁgaprakṣālanaṁ tathā || tatkimarthaṁ pūrtadharmāḥ kriyante dharmaśālibhiḥ

"If drinking and the washing of one's limbs were not to be done at such places, then for what purpose do the pious perform such public works of merit?"

Verse 20 (skanda.1.99.20)

॥सुहृदय उवाच॥ स्नातव्यं तीर्थमुख्येषु सत्यमेतन्न संशयः ॥ चरेषु किं तु संविश्य स्थावरेषु बहिः स्थितः

||suhṛdaya uvāca|| snātavyaṁ tīrthamukhyeṣu satyametanna saṁśayaḥ || careṣu kiṁ tu saṁviśya sthāvareṣu bahiḥ sthitaḥ

Suhrdaya said: "That one should bathe at the great tirthas is true, without doubt; but this applies to flowing waters, entered directly — whereas for still waters, one must remain outside them.

Verse 21 (skanda.1.99.21)

स्थावरेष्वपि संविश्य तन्न स्नानं विधीयते ॥ न यत्र देवस्नानार्थं भक्तैः संगृह्यते जलम्

sthāvareṣvapi saṁviśya tanna snānaṁ vidhīyate || na yatra devasnānārthaṁ bhaktaiḥ saṁgṛhyate jalam

"Even for still waters, entering them and bathing within is not prescribed — except where the water is not gathered by devotees for the purpose of bathing the deity.

Verse 22 (skanda.1.99.22)

यच्च हस्तशतादूर्ध्वं सरस्तत्र विधीयते ॥ संवेशेऽपि क्रमश्चायं पादौ प्रक्षाल्य यद्बहिः

yacca hastaśatādūrdhvaṁ sarastatra vidhīyate || saṁveśe'pi kramaścāyaṁ pādau prakṣālya yadbahiḥ

"And where a pool extends beyond a hundred hands in size, entering it is also prescribed there — but the proper order, even for entering, is to first wash the feet outside it,

Verse 23 (skanda.1.99.23)

ततः स्नानं प्रकर्तव्यमन्यथा दोष उच्यते ॥ किं न श्रुतस्त्वया प्रोक्तः श्लोकः पद्मभुवा पुरा

tataḥ snānaṁ prakartavyamanyathā doṣa ucyate || kiṁ na śrutastvayā proktaḥ ślokaḥ padmabhuvā purā

"and only then to bathe — otherwise a fault is incurred. Have you not heard the verse once spoken by the Lotus-born one himself?

Verse 24 (skanda.1.99.24)

मलं मूत्रं पुरीषं च श्लेष्म निष्ठीनाश्रु च ॥ गंडूषाश्चैव मुञ्चति ये ते ब्रह्महणैः समाः

malaṁ mūtraṁ purīṣaṁ ca śleṣma niṣṭhīnāśru ca || gaṁḍūṣāścaiva muñcati ye te brahmahaṇaiḥ samāḥ

"'Those who release into it their dirt, urine, excrement, phlegm, spittle, tears, or the water rinsed from their mouth — they are equal to the slayers of a brahmin.'

Verse 25 (skanda.1.99.25)

तस्मान्निःसर शीघ्रं त्वं यद्येवमजितेन्द्रियः ॥ तत्किमर्थं दुराचार तीर्थेष्वटसि बालिश

tasmānniḥsara śīghraṁ tvaṁ yadyevamajitendriyaḥ || tatkimarthaṁ durācāra tīrtheṣvaṭasi bāliśa

"Therefore get out at once. If you are so unrestrained in your senses, then why, O ill-behaved and foolish one, do you wander among the tirthas at all?"

Verse 26 (skanda.1.99.26)

यस्य हस्तौ च पादौ च मनश्चैव सुसंयतम्॥ निर्विकाराः क्रियाः सर्वाः स हि तीर्थफलं लभेत्

yasya hastau ca pādau ca manaścaiva susaṁyatam|| nirvikārāḥ kriyāḥ sarvāḥ sa hi tīrthaphalaṁ labhet

"He alone obtains the fruit of the tirtha whose hands, feet, and mind are all well-restrained, and whose every act is free of disturbance."

Verse 27 (skanda.1.99.27)

॥भीम उवाच॥ अधर्मो वापि धर्मोऽस्तु निर्गंतुं नैव शक्नुयाम् ॥ क्षुधा तृषा मया नित्यं वारितुं नैव शक्यते

||bhīma uvāca|| adharmo vāpi dharmo'stu nirgaṁtuṁ naiva śaknuyām || kṣudhā tṛṣā mayā nityaṁ vārituṁ naiva śakyate

Bhima said: "Whether it be sin or virtue, I simply cannot bring myself to leave. Hunger and thirst can never be restrained by me at all."

Verse 28 (skanda.1.99.28)

॥सुहृदय उवाच॥ जीवितार्थे भवान्कस्मात्पापं प्रकुरुते वद ॥ किं न श्रुतस्त्वया श्लोकः शिबिना यः समीरितः

||suhṛdaya uvāca|| jīvitārthe bhavānkasmātpāpaṁ prakurute vada || kiṁ na śrutastvayā ślokaḥ śibinā yaḥ samīritaḥ

Suhrdaya said: "Why, tell me, do you commit sin for the sake of mere life? Have you not heard the verse once uttered by King Shibi?

Verse 29 (skanda.1.99.29)

मुहूर्तमपि जीवेत नरः शुक्लेन कर्मणा ॥ न कल्पमपि जीवेत लोकद्वयविरोधिना

muhūrtamapi jīveta naraḥ śuklena karmaṇā || na kalpamapi jīveta lokadvayavirodhinā

"'Better that a man live but a single moment through pure conduct, than live even for an entire aeon through conduct that opposes both this world and the next.'"

Verse 30 (skanda.1.99.30)

॥भीम उवाच॥ काकारवेण ते मह्यं कर्णौ बधिरतां गतौ ॥ पास्याम्येव जलं चात्र कामं विलप शुष्य वा

||bhīma uvāca|| kākāraveṇa te mahyaṁ karṇau badhiratāṁ gatau || pāsyāmyeva jalaṁ cātra kāmaṁ vilapa śuṣya vā

Bhima said: "My ears have gone deaf from your crow-like cawing! I shall drink this water regardless — wail as you please, or dry up for all I care."

Verse 31 (skanda.1.99.31)

॥सुहृदय उवाच॥ क्षत्रियाणां कुले जातस्त्वहं धर्माभिरक्षिणाम् ॥ तस्मात्ते पातकं कर्तुं न दास्यामि कथंचन

||suhṛdaya uvāca|| kṣatriyāṇāṁ kule jātastvahaṁ dharmābhirakṣiṇām || tasmātte pātakaṁ kartuṁ na dāsyāmi kathaṁcana

Suhrdaya said: "I was born in a line of kshatriyas, protectors of dharma. Therefore I shall by no means allow you to commit this sin.

Verse 32 (skanda.1.99.32)

तद्वराकाथ शीघ्रं त्वमस्मात्कुंडाद्विनिःसर

tadvarākātha śīghraṁ tvamasmātkuṁḍādviniḥsara

"Therefore, wretch, get out of this pool at once—

Verse 33 (skanda.1.99.33)

इष्टकाशकलैः शीघ्रं चूर्णयिष्येऽन्यथा शिरः ॥ इत्युक्त्वा चेष्टकां गृह्य मुमोच शिरसः प्रति

iṣṭakāśakalaiḥ śīghraṁ cūrṇayiṣye'nyathā śiraḥ || ityuktvā ceṣṭakāṁ gṛhya mumoca śirasaḥ prati

"—or else I shall shatter your head at once with pieces of brick!" Having said this, seizing a brick, he hurled it at his head.

Verse 34 (skanda.1.99.34)

भीमश्च वंचयित्वा तामुत्प्लुत्य बहिराव्रजत् ॥ भर्त्सयंतौ ततश्चोभावन्योन्यं भीमविक्रमौ

bhīmaśca vaṁcayitvā tāmutplutya bahirāvrajat || bhartsayaṁtau tataścobhāvanyonyaṁ bhīmavikramau

Bhima, dodging it, leapt up and came out; and then the two of them, both terrible in valor, began to hurl abuses at one another.

Verse 35 (skanda.1.99.35)

युयुधाते प्रलंबाभ्यां बाहुभ्यां युद्धपारगौ ॥ व्यूढोरस्कौ दीर्घभुजौ नियुद्धकुशलावुभौ

yuyudhāte pralaṁbābhyāṁ bāhubhyāṁ yuddhapāragau || vyūḍhoraskau dīrghabhujau niyuddhakuśalāvubhau

They fought with their long arms, both masters of combat, both broad-chested, long-armed, and skilled in wrestling.

Verse 36 (skanda.1.99.36)

मुष्टिभिः पार्ष्णिघातैश्च जानुभिश्चाभिजघ्नतुः ॥ ततो मुहूर्तात्कौरव्यः पर्यहीयत पांडवः

muṣṭibhiḥ pārṣṇighātaiśca jānubhiścābhijaghnatuḥ || tato muhūrtātkauravyaḥ paryahīyata pāṁḍavaḥ

They struck each other with fists, heel-blows, and knees; and then, within a moment, the Pandava, that son of the Kuru line, began to weaken.

Verse 37 (skanda.1.99.37)

हीयमानस्ततो भीम उद्यतोऽभूत्पुनः पुनः ॥ अहीयत ततोऽप्यंग ववृधे बर्बरीककः

hīyamānastato bhīma udyato'bhūtpunaḥ punaḥ || ahīyata tato'pyaṁga vavṛdhe barbarīkakaḥ

As Bhima weakened, he strove again and again with renewed effort; but even so he kept weakening, and Barbarika, meanwhile, grew ever stronger.

Verse 38 (skanda.1.99.38)

ततो भीमं समुत्पाट्य बर्बरीको बलादिव ॥ निष्पिपेष ततः क्रुद्धस्तदद्भुतमिवाभवत्

tato bhīmaṁ samutpāṭya barbarīko balādiva || niṣpipeṣa tataḥ kruddhastadadbhutamivābhavat

Then Barbarika, lifting Bhima up by force, crushed him in his enraged grip — and this became a most wondrous sight.

Verse 39 (skanda.1.99.39)

मूर्छितं चैवमादाय विस्फुरन्तं पुनःपुनः ॥ सागराय प्रचलितः क्षेप्तुं तत्र महांभसि

mūrchitaṁ caivamādāya visphurantaṁ punaḥpunaḥ || sāgarāya pracalitaḥ kṣeptuṁ tatra mahāṁbhasi

Taking him up thus, unconscious, though he still twitched and struggled again and again, he set off toward the sea, meaning to cast him into that great expanse of water.

Verse 40 (skanda.1.99.40)

ददृशुः पांडवा नैतद्देव्या नयनयंत्रिताः

dadṛśuḥ pāṁḍavā naitaddevyā nayanayaṁtritāḥ

The other Pandavas did not see this at all, their eyes being held bound by the power of the Goddess.

Verse 41 (skanda.1.99.41)

तथा गृहीते कुरुवीरमुख्ये वीरेण तेनाद्भुतविक्रमेण ॥ आश्चर्यमासीद्दिवि देवतानां देवीभिराकाशतले निरीक्ष्य तम्

tathā gṛhīte kuruvīramukhye vīreṇa tenādbhutavikrameṇa || āścaryamāsīddivi devatānāṁ devībhirākāśatale nirīkṣya tam

When the foremost hero of the Kurus had thus been seized by that hero of wondrous valor, great astonishment arose among the gods in heaven, as they, together with the Goddesses, watched him from the vault of the sky.

Verse 42 (skanda.1.99.42)

सागरस्य ततस्तीरे बर्बरीकं गतं तदा ॥ निरीक्ष्य भगवान्रुद्रो वियत्स्थः समभाषत

sāgarasya tatastīre barbarīkaṁ gataṁ tadā || nirīkṣya bhagavānrudro viyatsthaḥ samabhāṣata

Then, seeing Barbarika arrived at the shore of the sea, the Blessed Rudra, stationed in the sky, spoke to him:

Verse 43 (skanda.1.99.43)

भोभो राक्षसशार्दूल बर्बरीक महाबल ॥ मुंचैनं भरतश्रेष्ठं भीमं तव पितामहम्

bhobho rākṣasaśārdūla barbarīka mahābala || muṁcainaṁ bharataśreṣṭhaṁ bhīmaṁ tava pitāmaham

"O tiger among rakshasas, mighty Barbarika! Release him — this best of the Bharatas, Bhima, who is your own grandfather!

Verse 44 (skanda.1.99.44)

अयं हि तीर्थयात्रायां विचरन्भ्रातृभिर्युतः ॥ कृष्णया चाप्यदस्तीर्थं स्नातुमेवाभ्युपाययौ

ayaṁ hi tīrthayātrāyāṁ vicaranbhrātṛbhiryutaḥ || kṛṣṇayā cāpyadastīrthaṁ snātumevābhyupāyayau

"He, wandering on a tirtha-pilgrimage together with his brothers and with Krishna, has come here today only to bathe at this sacred ford.

Verse 45 (skanda.1.99.45)

सम्मानं सर्वथा तस्मादर्हः कौरवनंदनः ॥ अपापो वा सपापो वा पूज्य एव पितामहः

sammānaṁ sarvathā tasmādarhaḥ kauravanaṁdanaḥ || apāpo vā sapāpo vā pūjya eva pitāmahaḥ

"For this reason he, the delight of the Kaurava line, deserves in every way to be honored. Whether without fault or with fault, a grandfather is ever worthy of worship."

Verse 46 (skanda.1.99.46)

॥सूत उवाच॥ इति रुद्रवचः श्रुत्वा सहसा तं विमुच्य सः ॥ न्यपतत्पादयोर्हा धिक्कष्टं कष्टं च प्राह सः

||sūta uvāca|| iti rudravacaḥ śrutvā sahasā taṁ vimucya saḥ || nyapatatpādayorhā dhikkaṣṭaṁ kaṣṭaṁ ca prāha saḥ

Suta said: Hearing these words of Rudra, he at once released him, and fell at his feet, crying, "Alas! Shame on me! How grievous, how grievous!" he cried,

Verse 47 (skanda.1.99.47)

क्षम्यतां क्षम्यतां चेति पुनः पुनरवोचत ॥ शिरश्च ताडयन्स्वीयं रुरोद च मुहुर्मुहुः

kṣamyatāṁ kṣamyatāṁ ceti punaḥ punaravocata || śiraśca tāḍayansvīyaṁ ruroda ca muhurmuhuḥ

saying again and again, "Forgive me, forgive me!" and, beating his own head, he wept over and over.

Verse 48 (skanda.1.99.48)

तं तथा परिशोचंतं मुह्यमानं मुहुर्मुहुः ॥ भीमसेनः समालिंग्य आघ्राय च वचोऽब्रवीत्

taṁ tathā pariśocaṁtaṁ muhyamānaṁ muhurmuhuḥ || bhīmasenaḥ samāliṁgya āghrāya ca vaco'bravīt

Seeing him thus grieving, again and again losing his senses, Bhimasena embraced him, kissed his head, and spoke these words:

Verse 49 (skanda.1.99.49)

वयं त्वां नैव जानीमस्त्वं चास्माञ्जन्मकालतः ॥ अत्र वासश्च ते पुत्र भैमेः कृष्णाच्च संश्रुतः

vayaṁ tvāṁ naiva jānīmastvaṁ cāsmāñjanmakālataḥ || atra vāsaśca te putra bhaimeḥ kṛṣṇācca saṁśrutaḥ

"We never knew you, nor have you known us, from the time of your birth. Yet, my son, your dwelling here, born of Bhima's grandson and heard of through Krishna—

Verse 50 (skanda.1.99.50)

परं नो विस्मृतं सर्वं नानादुःखैः प्रमुह्यताम् ॥ दुःखितानां यतः सर्वा स्मृतिर्लुप्ता भवेत्स्फुटम्

paraṁ no vismṛtaṁ sarvaṁ nānāduḥkhaiḥ pramuhyatām || duḥkhitānāṁ yataḥ sarvā smṛtirluptā bhavetsphuṭam

"—all of this we had entirely forgotten, bewildered as we were by manifold sorrows; for the memory of those in sorrow is truly always lost.

Verse 51 (skanda.1.99.51)

तदस्माकमिदं दुःखं सर्वकालविधानतः ॥ मा शोचस्त्वं च तनय न ते दोषोऽस्ति चाण्वपि

tadasmākamidaṁ duḥkhaṁ sarvakālavidhānataḥ || mā śocastvaṁ ca tanaya na te doṣo'sti cāṇvapi

"This misfortune of ours, then, came about entirely through the ordinance of time. Do not grieve, my child — there is not the slightest fault in you.

Verse 52 (skanda.1.99.52)

यतः सर्वः क्षत्रियस्य दंड्यो विपथिसंस्थि तः ॥ आत्मापिदंड्यः साधूनां प्रवृत्तः कुपथाद्यदि

yataḥ sarvaḥ kṣatriyasya daṁḍyo vipathisaṁsthi taḥ || ātmāpidaṁḍyaḥ sādhūnāṁ pravṛttaḥ kupathādyadi

"For it is proper for a kshatriya to punish anyone found upon a wrong path — even, for the virtuous, oneself, should one turn toward a wicked course.

Verse 53 (skanda.1.99.53)

पितृमातृसुहृद्भ्रातृपुत्रादीनां किमुच्यते ॥ अतीव मम हर्षोऽयं धन्योहं पूर्वजाश्च मे

pitṛmātṛsuhṛdbhrātṛputrādīnāṁ kimucyate || atīva mama harṣo'yaṁ dhanyohaṁ pūrvajāśca me

"What need to speak of father, mother, friends, brothers, sons, and the rest? This is a matter of the greatest joy to me — blessed am I, and blessed are my ancestors,

Verse 54 (skanda.1.99.54)

यस्य त्वीदृशकः पौत्रो धर्मज्ञो धर्मपालकः ॥ वरार्हस्त्वं प्रशंसार्हो भवान्येषां सतां तथा

yasya tvīdṛśakaḥ pautro dharmajño dharmapālakaḥ || varārhastvaṁ praśaṁsārho bhavānyeṣāṁ satāṁ tathā

"in having a grandson such as you, knower and upholder of dharma. You are worthy of the highest boon, worthy of praise, as are all such virtuous ones.

Verse 55 (skanda.1.99.55)

तस्माच्छोकं विहायेमं स्वस्थो भवि तुमर्हसि

tasmācchokaṁ vihāyemaṁ svastho bhavi tumarhasi

"Therefore, setting aside this grief, you ought now to become calm again."

Verse 56 (skanda.1.99.56)

बर्बरीक उवाच ॥ पापं मां ताततात त्वं ब्रह्मघ्नादपि कुत्सितम् ॥ अप्रशस्यं नार्हसीह द्रष्टुं स्प्रष्टुमपि प्रभो

barbarīka uvāca || pāpaṁ māṁ tātatāta tvaṁ brahmaghnādapi kutsitam || apraśasyaṁ nārhasīha draṣṭuṁ spraṣṭumapi prabho

Barbarika said: "O father of my father! You should not, O Lord, even look upon me or touch me — sinful as I am, more despicable and unworthy even than the slayer of a brahmin."

Verse 57 (skanda.1.99.57)

सर्वेषामेव पापानां निष्कृतिः प्रोच्यते बुधैः ॥ पित्रोरभक्तस्य पुनर्निष्कृतिर्नैव विद्यते

sarveṣāmeva pāpānāṁ niṣkṛtiḥ procyate budhaiḥ || pitrorabhaktasya punarniṣkṛtirnaiva vidyate

"For every sin whatsoever, the wise declare there is an atonement — but for one who lacks devotion to his parents, there is indeed no atonement at all.

Verse 58 (skanda.1.99.58)

तद्येन देहेन मया ताततातोऽभिपीडितः ॥ तत्त्वमेव समुत्स्रक्ष्ये महीसागरसंगमे

tadyena dehena mayā tātatāto'bhipīḍitaḥ || tattvameva samutsrakṣye mahīsāgarasaṁgame

"Therefore, this very body, by which I have oppressed the father of my father, I shall cast away at this confluence of Mahi and Sagara.

Verse 59 (skanda.1.99.59)

मैवं भवेयमन्येषु अपि जन्मसु पातकी ॥ न मामस्मादभिप्रायादर्हः कोऽपि निवर्तितुम्

maivaṁ bhaveyamanyeṣu api janmasu pātakī || na māmasmādabhiprāyādarhaḥ ko'pi nivartitum

"Let me not become such a sinner again in other births as well. No one has the right to turn me away from this resolve.

Verse 60 (skanda.1.99.60)

यतोंऽशेन विलुप्येत प्रायश्चित्तान्निवारकः ॥ एवमुक्त्वा समुत्प्लुत्य ययौ चैवार्णवं बली

yatoṁ'śena vilupyeta prāyaścittānnivārakaḥ || evamuktvā samutplutya yayau caivārṇavaṁ balī

"—for whoever obstructs an act of atonement thereby loses a portion of merit himself." Having said this, the mighty one leapt up and made for the ocean.

Verse 61 (skanda.1.99.61)

समुद्रोऽपि चकंपे च कथमेनं निहन्म्यहम् ॥ ततः सिद्धांबिकायाश्च देव्यस्तत्र चतुर्दश

samudro'pi cakaṁpe ca kathamenaṁ nihanmyaham || tataḥ siddhāṁbikāyāśca devyastatra caturdaśa

Even the ocean trembled, thinking, "How am I to destroy him?" Then the fourteen Goddesses of Siddhambika,

Verse 62 (skanda.1.99.62)

समालिंग्य च संस्थाप्य रुद्रेण सहिता जगुः ॥ अज्ञातविहिते पापे नास्ति वीरेंद्र कल्मषम्

samāliṁgya ca saṁsthāpya rudreṇa sahitā jaguḥ || ajñātavihite pāpe nāsti vīreṁdra kalmaṣam

together with Rudra, embraced him and made him stand still, and said: "O lord of heroes, there is no stain of sin in a wrong committed unknowingly.

Verse 63 (skanda.1.99.63)

शास्त्रेषूक्तमिदं वाक्यं नान्यथा कर्तुमर्हसि ॥ अमुं च पृष्ठलग्नं त्वं पश्य भोः स्वं पितामहम्

śāstreṣūktamidaṁ vākyaṁ nānyathā kartumarhasi || amuṁ ca pṛṣṭhalagnaṁ tvaṁ paśya bhoḥ svaṁ pitāmaham

"This is a statement declared in the scriptures — you should not act otherwise. Look, here, at your own grandfather, clinging close behind you—

Verse 64 (skanda.1.99.64)

पुत्रपुत्रेति भाषंतमनु त्वा मरणोन्मुखम् ॥ अधुना चेत्स्वकं देहं वीर त्वं परित्यक्ष्यसि

putraputreti bhāṣaṁtamanu tvā maraṇonmukham || adhunā cetsvakaṁ dehaṁ vīra tvaṁ parityakṣyasi

"—calling out 'My son! My son!' as he follows you toward death. O hero, if you now abandon your own body,

Verse 65 (skanda.1.99.65)

ततस्त्यक्ष्यति भीमोऽपि पातकं तन्महत्तव ॥ एवं ज्ञात्वा धारय त्वं स्वशरीरं महामते

tatastyakṣyati bhīmo'pi pātakaṁ tanmahattava || evaṁ jñātvā dhāraya tvaṁ svaśarīraṁ mahāmate

"then Bhima too will thereby abandon his life on account of your great sin. Knowing this, O great-minded one, preserve your own body.

Verse 66 (skanda.1.99.66)

अथ चेत्त्यक्तुकामस्त्वं तत्रापि वचनं शृणु ॥ स्वल्पेनैव च कालेन कृष्णाद्देवकिनंदनात्

atha cettyaktukāmastvaṁ tatrāpi vacanaṁ śṛṇu || svalpenaiva ca kālena kṛṣṇāddevakinaṁdanāt

"But if still you wish to give it up, hear this word too on that matter: within a very short time, at the hand of Krishna, the son of Devaki—

Verse 67 (skanda.1.99.67)

देहपातस्तव प्रोक्तस्तं प्रतीक्ष यदीच्छ सि ॥ यतो विष्णुकराद्वत्स देहपातो विशिष्यते

dehapātastava proktastaṁ pratīkṣa yadīccha si || yato viṣṇukarādvatsa dehapāto viśiṣyate

"—your body's fall has been foretold; if you truly wish it, wait for that time. For, my child, to fall by the hand of Vishnu himself is a far more distinguished end.

Verse 68 (skanda.1.99.68)

तस्मात्प्रतीक्ष तं कालमस्माकं प्रार्थितेन च ॥ एवमुक्तो निववृते बर्बरीकोऽपि दुर्मनाः

tasmātpratīkṣa taṁ kālamasmākaṁ prārthitena ca || evamukto nivavṛte barbarīko'pi durmanāḥ

"Therefore, at our request, wait for that time." Thus addressed, Barbarika, though still troubled in mind, turned back;

Verse 69 (skanda.1.99.69)

रुद्रं देवीश्च चामुंडां सोपालंभं वचोऽब्रवीत् ॥ त्वमेव देवि जानासि रक्ष्यते शार्ङ्गधन्विना

rudraṁ devīśca cāmuṁḍāṁ sopālaṁbhaṁ vaco'bravīt || tvameva devi jānāsi rakṣyate śārṅgadhanvinā

and he spoke a word of reproach to Rudra, to the Goddesses, and to Chamunda: "You yourself, O Goddess, know that Krishna is protected by the wielder of the Sharnga bow —

Verse 70 (skanda.1.99.70)

पांडवा भूमिलाभार्थे तत्ते कस्मादुपेक्षितम् ॥ त्वया च समुपागत्य रक्षितोऽयं वृकोदरः

pāṁḍavā bhūmilābhārthe tatte kasmādupekṣitam || tvayā ca samupāgatya rakṣito'yaṁ vṛkodaraḥ

"—yet why, for the sake of the Pandavas' regaining their land, did you neglect them thus? You yourself should have come and protected this Vrikodara."

Verse 71 (skanda.1.99.71)

॥देव्युवाच॥ अहं च रक्षयिष्यामि स्वभक्तं कृष्णमृत्युतः ॥ यस्माच्च चंडिकाकृत्ये कृतोऽनेन महारणः ॥ तस्माच्चंडिलनाम्नायं विश्वपूज्यो भविष्यति

||devyuvāca|| ahaṁ ca rakṣayiṣyāmi svabhaktaṁ kṛṣṇamṛtyutaḥ || yasmācca caṁḍikākṛtye kṛto'nena mahāraṇaḥ || tasmāccaṁḍilanāmnāyaṁ viśvapūjyo bhaviṣyati

The Goddess said: "I myself shall protect my own devotee, Krishna, from death. And since this great battle was waged by him in the very cause of Chandika, he shall henceforth be worshipped by the whole world under the name Chandila."

Verse 72 (skanda.1.99.72)

एवमुक्त्वा गताः सर्वे देवा देव्यस्त्वदृश्यताम् ॥ भीमोऽपि तं समादाय पांडुभ्यः सर्वमूचिवान्

evamuktvā gatāḥ sarve devā devyastvadṛśyatām || bhīmo'pi taṁ samādāya pāṁḍubhyaḥ sarvamūcivān

Having said this, all the gods departed, and the Goddesses vanished from sight. Bhima too, taking him along, told the whole matter to the sons of Pandu.

Verse 73 (skanda.1.99.73)

विस्मिताः पांडवास्तं च पूजयित्वा पुनः पुनः ॥ यथोक्तविधिना चक्रुस्तीर्थस्नानमतंद्रिताः

vismitāḥ pāṁḍavāstaṁ ca pūjayitvā punaḥ punaḥ || yathoktavidhinā cakrustīrthasnānamataṁdritāḥ

The Pandavas, astonished, worshipped him again and again, and then, without further delay, performed their bathing at the tirtha according to the prescribed rite.

Verse 74 (skanda.1.99.74)

भीमोपि यत्र रुद्रेण मोक्षितस्तत्र सुप्रभम् ॥ लिंगं संस्थापयामास भीमेश्वरमिति श्रुतम्

bhīmopi yatra rudreṇa mokṣitastatra suprabham || liṁgaṁ saṁsthāpayāmāsa bhīmeśvaramiti śrutam

And at the very place where Bhima had been released by Rudra, Barbarika established a most splendid linga, known as Bhimeshvara.

Verse 75 (skanda.1.99.75)

ज्येष्ठमासे कृष्णपक्षे चतुर्दश्यामुपोषितः ॥ रात्रौ संपूज्य भीमेशं जन्मपापाद्विमुच्यते

jyeṣṭhamāse kṛṣṇapakṣe caturdaśyāmupoṣitaḥ || rātrau saṁpūjya bhīmeśaṁ janmapāpādvimucyate

Whoever fasts on the fourteenth day of the dark fortnight of the month of Jyeshtha, and worships Bhimesha that night, is freed from the sins of his birth.

Verse 76 (skanda.1.99.76)

यथैव लिंगानि सुपूजितानि सप्तात्र मुख्यानि महाफलानि ॥ भीमेश्वरं लिंगमिदं तथैव समस्तपापापहरं सुपूज्यम्

yathaiva liṁgāni supūjitāni saptātra mukhyāni mahāphalāni || bhīmeśvaraṁ liṁgamidaṁ tathaiva samastapāpāpaharaṁ supūjyam

Just as the seven principal lingas here, when well worshipped, bear great fruit, so too this linga of Bhimeshvara, the remover of all sins, is most worthy of worship.