The Rule for Worship of the Conch

Verse 1 (skanda.2.137.1)

।। ब्रह्मोवाच ।। ।। तप्तचकांकितं कृत्वा ह्यात्मानमथ दीक्षितम् ।। पद्माक्षतुलसीमालं किं फलं ब्रूहि केशव

brahmovāca taptacakāṁkitaṁ kṛtvā hyātmānamatha dīkṣitam padmākṣatulasīmālaṁ kiṁ phalaṁ brūhi keśava

Brahma said: For one who, marked with the heated discus, has been initiated — what is the fruit of wearing a garland of padmaksha beads or of tulasi? Tell me, O Keshava.

Verse 2 (skanda.2.137.2)

।। श्रीभगवानुवाच ।। ।। तुलसीकाष्ठसंभूतां यो मालां वहते द्विजः ।। अप्यऽशौचोऽप्यनाचारो मामेवैति न संशयः

śrībhagavānuvāca tulasīkāṣṭhasaṁbhūtāṁ yo mālāṁ vahate dvijaḥ apya'śauco'pyanācāro māmevaiti na saṁśayaḥ

The Blessed Lord said: The twice-born who wears a garland made of tulasi wood — even if impure or of bad conduct — attains to me alone, without doubt.

Verse 3 (skanda.2.137.3)

धात्रीफलकृता माला तुलसीकाष्ठसंभवा ।। दृश्यते यस्य देहे तु स वै भागवतो नरः

dhātrīphalakṛtā mālā tulasīkāṣṭhasaṁbhavā dṛśyate yasya dehe tu sa vai bhāgavato naraḥ

He on whose body is seen a garland of dhatri fruits made from tulasi wood is truly a Bhagavata, a devotee.

Verse 4 (skanda.2.137.4)

तुलसीदलजां मालां कण्ठस्थां वहते तु यः ।। ममोत्तीर्णां विशेषेण स नमस्यो दिवौकसाम्

tulasīdalajāṁ mālāṁ kaṇṭhasthāṁ vahate tu yaḥ mamottīrṇāṁ viśeṣeṇa sa namasyo divaukasām

Whoever wears round the neck a garland of tulasi leaves, especially one offered to and returned from me, is worthy of homage even from the dwellers of heaven.

Verse 5 (skanda.2.137.5)

तुलसीदलजां मालां धात्रीफलकृतामपि ।। ददाति पापिनां मुक्तिं किं पुनर्मम सेविनाम्

tulasīdalajāṁ mālāṁ dhātrīphalakṛtāmapi dadāti pāpināṁ muktiṁ kiṁ punarmama sevinām

A garland of tulasi leaves, or one made of dhatri fruits, grants liberation even to sinners — how much more, then, to my own devotees!

Verse 6 (skanda.2.137.6)

तुलसीदलजां मालां ममोत्तीर्णां वहेत्तु यः ।। पत्रेपत्रेऽश्वमेधानां दशानां लभते फलम्

tulasīdalajāṁ mālāṁ mamottīrṇāṁ vahettu yaḥ patrepatre'śvamedhānāṁ daśānāṁ labhate phalam

Whoever wears a garland of tulasi leaves that has been offered to me — for every single leaf he obtains the fruit of ten Ashvamedha sacrifices.

Verse 7 (skanda.2.137.7)

तुलसीकाष्ठसंभूतां यो मालां वहते नरः।। फलं यच्छाम्यहं वत्स प्रत्यहं द्वारकोद्भवम्

tulasīkāṣṭhasaṁbhūtāṁ yo mālāṁ vahate naraḥ phalaṁ yacchāmyahaṁ vatsa pratyahaṁ dvārakodbhavam

O son, whoever wears a garland made of tulasi wood — I grant him daily the fruit born at Dvaraka.

Verse 8 (skanda.2.137.8)

निवेद्य भक्त्या मां मालां तुलसीकाष्ठसंभवाम् ।। वहते यो नरो भक्त्या तस्य वै नास्ति पातकम्

nivedya bhaktyā māṁ mālāṁ tulasīkāṣṭhasaṁbhavām vahate yo naro bhaktyā tasya vai nāsti pātakam

Whoever offers to me with devotion a garland made of tulasi wood, and wears it with devotion — for him there is no sin left whatsoever.

Verse 9 (skanda.2.137.9)

सदा प्रीतमनास्तस्य अहं प्राणवरो हि सः ।। तुलसीकाष्ठसंभूतां यो मालां वहते नरः ।। प्रायश्चित्तं न तस्याऽस्ति नाऽशौचं तस्य विग्रहे

sadā prītamanāstasya ahaṁ prāṇavaro hi saḥ tulasīkāṣṭhasaṁbhūtāṁ yo mālāṁ vahate naraḥ prāyaścittaṁ na tasyā'sti nā'śaucaṁ tasya vigrahe

My mind is ever pleased with him; he is dearer to me than life itself. Whoever wears a garland of tulasi wood has no need of expiation, nor is there ever impurity in his body.

Verse 10 (skanda.2.137.10)

तुलसीकाष्ठसंभूतं शिरसः काष्ठभूषणम् ।। बाहौ करे च मर्त्यस्य देहे यस्य स मे प्रियः

tulasīkāṣṭhasaṁbhūtaṁ śirasaḥ kāṣṭhabhūṣaṇam bāhau kare ca martyasya dehe yasya sa me priyaḥ

Whoever bears on his body — on the head as a wooden ornament, on the arm, or in the hand — something made of tulasi wood, is dear to me.

Verse 11 (skanda.2.137.11)

तुलसीकाष्ठमालाभिर्भूषितः पुण्यमाचरेत् ।। पितॄणां देवतानां च पुण्यं कोटिगुणं भवेत्

tulasīkāṣṭhamālābhirbhūṣitaḥ puṇyamācaret pitṝṇāṁ devatānāṁ ca puṇyaṁ koṭiguṇaṁ bhavet

Adorned with garlands of tulasi wood, one who performs meritorious acts obtains, for both ancestors and gods, a crore-fold merit.

Verse 12 (skanda.2.137.12)

तुलसीकाष्ठमालां तु प्रेतराजस्य दूतकाः ।। दृष्ट्वा नश्यंति दूरेण वातोद्धूतं यथा दलम्

tulasīkāṣṭhamālāṁ tu pretarājasya dūtakāḥ dṛṣṭvā naśyaṁti dūreṇa vātoddhūtaṁ yathā dalam

Seeing the garland of tulasi wood, even the messengers of the king of the dead flee far away, like a leaf scattered by the wind.

Verse 13 (skanda.2.137.13)

यद्गृहे तुलसीकाष्ठं पत्रं शुष्कमथाऽऽर्द्रकम् ।। भवंति तद्गृहे नैव पापं संक्रमते कलौ

yadgṛhe tulasīkāṣṭhaṁ patraṁ śuṣkamathā''rdrakam bhavaṁti tadgṛhe naiva pāpaṁ saṁkramate kalau

In whatever house there is tulasi wood or leaf, whether dry or moist, sin never enters that house, even in the Kali age.

Verse 14 (skanda.2.137.14)

तुलसी काष्ठमालाभिर्भूषितो र्भ्रमते भुवि ।। दुःस्वप्नं दुर्निमित्तं च न भयं शात्रवं क्वचित्

tulasī kāṣṭhamālābhirbhūṣito rbhramate bhuvi duḥsvapnaṁ durnimittaṁ ca na bhayaṁ śātravaṁ kvacit

One adorned with garlands of tulasi wood who wanders the earth is never touched by bad dreams, ill omens, or fear of enemies.

Verse 15 (skanda.2.137.15)

धारयंति न ये मालां हैतुकाः पापबुद्धयः ।। नरकान्न निवर्तंते दग्धाः कोपाग्निना मम

dhārayaṁti na ye mālāṁ haitukāḥ pāpabuddhayaḥ narakānna nivartaṁte dagdhāḥ kopāgninā mama

Those wicked-minded skeptics who do not wear the garland, burnt by the fire of my wrath, never return from hell.

Verse 16 (skanda.2.137.16)

तस्माद्धार्या प्रयत्नेन माला तुलसिसंभवा ।। पद्माक्षनिर्मिता भक्त्या फलैर्धात्र्या सुपुण्यदा

tasmāddhāryā prayatnena mālā tulasisaṁbhavā padmākṣanirmitā bhaktyā phalairdhātryā supuṇyadā

Therefore one should wear, with effort, a garland born of tulasi, or one made with devotion of padmaksha beads or dhatri fruits — a most meritorious garland.

Verse 17 (skanda.2.137.17)

तदूर्ध्वपुंड्रशंखाद्यैर्युक्तस्तुलसिमूलके ।। सन्ध्योपास्त्यादिकं कुर्यात्कुशपाणिर्हिं मां स्मरन्

tadūrdhvapuṁḍraśaṁkhādyairyuktastulasimūlake sandhyopāstyādikaṁ kuryātkuśapāṇirhiṁ māṁ smaran

Joined with the upward mark, the conch and the rest, at the root of the tulasi, kusha grass in hand, one should perform the sandhya rites and the rest, remembering me.

Verse 18 (skanda.2.137.18)

कृतसन्ध्यादिको भक्तस्ततः संपूजयेच्च माम् ।। गुरुश्चेत्तत्र वर्तेत आदौ गत्वा नमेद्गुरुम्

kṛtasandhyādiko bhaktastataḥ saṁpūjayecca mām guruścettatra varteta ādau gatvā namedgurum

Having performed the sandhya rites, the devotee should then worship me. If a guru is present there, he should first go and bow to him.

Verse 19 (skanda.2.137.19)

किंचिद्दत्त्वोपायनं च दण्डवत्प्रणमेन्मुदा ।। आचम्यैकाग्रमनसा पूजामण्डपमाविशेत्

kiṁciddattvopāyanaṁ ca daṇḍavatpraṇamenmudā ācamyaikāgramanasā pūjāmaṇḍapamāviśet

Having offered some small gift, he should prostrate joyfully like a rod; then, with one-pointed mind, having sipped water, he should enter the pavilion of worship.

Verse 20 (skanda.2.137.20)

उपविश्याऽऽसने रम्ये कृष्णाजिनकुशोत्तरे ।। सम्यक्पद्मासनासीनो भूतशुद्धिं समाचरेत्

upaviśyā''sane ramye kṛṣṇājinakuśottare samyakpadmāsanāsīno bhūtaśuddhiṁ samācaret

Seated on a lovely seat of black antelope-skin spread with kusha grass, sitting well in the lotus posture, he should perform the purification of the elements.

Verse 21 (skanda.2.137.21)

प्राणायामत्रयं कृत्वा मन्त्रेण च जितेंद्रियः ।। उदङ्मुखस्ततः कृत्वा हृत्पंकजमनुत्तमम्।। विकासं तस्य कुर्वीत विज्ञानरविणा हृदि

prāṇāyāmatrayaṁ kṛtvā mantreṇa ca jiteṁdriyaḥ udaṅmukhastataḥ kṛtvā hṛtpaṁkajamanuttamam vikāsaṁ tasya kurvīta vijñānaraviṇā hṛdi

Having performed the threefold pranayama with the mantra, senses conquered, facing north, he should then cause his most excellent heart-lotus to bloom in the heart, by the sun of knowledge.

Verse 22 (skanda.2.137.22)

कर्णिकायां न्यसेच्चार्कं शशिनं चाग्निमेव च ।। त्रयं त्रयात्मके तस्मिश्चिंतयेद्वैष्णवो नरः ।। नानारत्नमयं पीठं तेषामुपरि विन्यसेत्

karṇikāyāṁ nyaseccārkaṁ śaśinaṁ cāgnimeva ca trayaṁ trayātmake tasmiściṁtayedvaiṣṇavo naraḥ nānāratnamayaṁ pīṭhaṁ teṣāmupari vinyaset

In its pericarp he should place the sun, the moon, and fire; the Vaishnava should contemplate these three within that threefold seat, and above them set a throne made of various gems.

Verse 23 (skanda.2.137.23)

तस्मिन्मृदुश्लक्ष्णतरं बालार्कसदृशद्युति ।। अष्टैश्वर्यदलं पद्मं मन्त्राक्षरमयं न्यसेत्

tasminmṛduślakṣṇataraṁ bālārkasadṛśadyuti aṣṭaiśvaryadalaṁ padmaṁ mantrākṣaramayaṁ nyaset

On it he should place a lotus, exceedingly soft and smooth, radiant like the rising sun, with eight petals of divine prosperity, formed of the letters of the mantra.

Verse 24 (skanda.2.137.24)

तस्मिन्देवं समासीनं कोटिशीतांशुसन्निभम् ।। चतुर्भुजं महापद्मशंखचक्रगदाधरम्

tasmindevaṁ samāsīnaṁ koṭiśītāṁśusannibham caturbhujaṁ mahāpadmaśaṁkhacakragadādharam

On it he should visualize the Lord seated, resembling a crore moons, four-armed, bearing the great lotus, conch, discus and mace—

Verse 25 (skanda.2.137.25)

पद्मपत्रविशालाक्षं सर्वलक्षणलक्षितम् ।। श्रीवत्सकौस्तुभोरस्कं पीतवस्त्रान्वितं च माम्

padmapatraviśālākṣaṁ sarvalakṣaṇalakṣitam śrīvatsakaustubhoraskaṁ pītavastrānvitaṁ ca mām

—with large eyes like lotus petals, marked with every auspicious sign, the Shrivatsa mark and Kaustubha jewel upon his chest, clad in yellow garments — that is, myself—

Verse 26 (skanda.2.137.26)

विचित्राभरणैर्युक्तं दिव्यमंडनमंडितम् ।। दिव्यचन्दनलिप्तांगं दिव्यपुष्पोपशोभितम्

vicitrābharaṇairyuktaṁ divyamaṁḍanamaṁḍitam divyacandanaliptāṁgaṁ divyapuṣpopaśobhitam

—adorned with wondrous ornaments, decked with divine adornments, limbs anointed with divine sandal, resplendent with divine flowers—

Verse 27 (skanda.2.137.27)

तुलसीकोमलदलवनमालाविभूषितम् ।। कोटिबालार्कसदृशं कान्तं दिव्यश्रिया सह

tulasīkomaladalavanamālāvibhūṣitam koṭibālārkasadṛśaṁ kāntaṁ divyaśriyā saha

—adorned with a garland of soft tulasi leaves, resplendent like a crore rising suns, beautiful together with divine Shri—

Verse 28 (skanda.2.137.28)

सर्वलक्षणलक्षिण्या समाश्लिष्टतनुं शिवम् ।। एवं ध्यात्वा जपेन्मंत्रं समाहितमनाः शुचिः

sarvalakṣaṇalakṣiṇyā samāśliṣṭatanuṁ śivam evaṁ dhyātvā japenmaṁtraṁ samāhitamanāḥ śuciḥ

—and his auspicious form embraced by her who bears every auspicious sign. Having thus meditated, one should recite the mantra, composed in mind and pure.

Verse 29 (skanda.2.137.29)

सहस्रं शतवारं वा यथाशक्ति जपेन्मनुम् ।। मनसैवाऽर्चनं कृत्वा ततो विधिवदाचरेत्

sahasraṁ śatavāraṁ vā yathāśakti japenmanum manasaivā'rcanaṁ kṛtvā tato vidhivadācaret

One should recite the mantra a thousand times or a hundred times, as far as one's strength allows; having thus performed mental worship, he should then proceed with the outer rite according to rule.

Verse 30 (skanda.2.137.30)

संप्रदायाऽनुरोधेन शंखं स्थाप्य ममाग्रतः ।। दूर्वांकुरैश्च पुष्पैश्च गंधोदेन च पूरितम्

saṁpradāyā'nurodhena śaṁkhaṁ sthāpya mamāgrataḥ dūrvāṁkuraiśca puṣpaiśca gaṁdhodena ca pūritam

In accordance with tradition, he should set before me a conch filled with sprouts of durva grass, flowers, and scented water.

Verse 31 (skanda.2.137.31)

दक्षिणे गंधपुष्पाणां पात्रं स्थाप्य च देशिकैः ।। वामभागे न्यसेत्कुंभं वस्त्रपूतं सुवासितम्

dakṣiṇe gaṁdhapuṣpāṇāṁ pātraṁ sthāpya ca deśikaiḥ vāmabhāge nyasetkuṁbhaṁ vastrapūtaṁ suvāsitam

On the right, the teacher should place a vessel of scent and flowers; on the left he should set a water-pot, strained through cloth and well-scented.

Verse 32 (skanda.2.137.32)

पुरतो मम घंटां च दिक्षु दीपान्नियोजयेत् ।। अन्यत्सर्वं साधनं च यथास्थानेषु विन्यसेत्

purato mama ghaṁṭāṁ ca dikṣu dīpānniyojayet anyatsarvaṁ sādhanaṁ ca yathāsthāneṣu vinyaset

Before me he should place a bell, and set lamps in the several directions; all the other requisites of worship should be arranged in their proper places.

Verse 33 (skanda.2.137.33)

अर्घ्यपाद्याऽऽचमनीयमधुपर्कस्य कारणात् ।। विन्यसेत्पुरतो मह्यं चत्वार्यमत्रकाणि वै

arghyapādyā''camanīyamadhuparkasya kāraṇāt vinyasetpurato mahyaṁ catvāryamatrakāṇi vai

For the arghya, padya, achamaniya, and madhuparka, he should place before me four small vessels.

Verse 34 (skanda.2.137.34)

सिद्धार्थाऽक्षतपुष्पाणि कुशाग्रं तिलचंदनम् ।। फलं यवाश्चतुर्वक्त्र अर्घ्यपात्रे विनिःक्षिपेत्

siddhārthā'kṣatapuṣpāṇi kuśāgraṁ tilacaṁdanam phalaṁ yavāścaturvaktra arghyapātre viniḥkṣipet

O four-faced one, white mustard seed, unbroken rice, flowers, kusha-tips, sesame, sandal, fruit and barley — these should be placed in the arghya vessel.

Verse 35 (skanda.2.137.35)

दूर्वा विष्णुपदी श्यामा पद्मं चैव चतुर्थकम् ।। पाद्यपात्रे न्यसेत्पुत्र देशिको मम तुष्टये

dūrvā viṣṇupadī śyāmā padmaṁ caiva caturthakam pādyapātre nyasetputra deśiko mama tuṣṭaye

Durva grass, the Vishnu-foot flower, a dark flower, and the lotus as fourth — the priest should place these, O son, in the padya vessel, for my satisfaction.

Verse 36 (skanda.2.137.36)

कंकोलं च लवंगं च फलं मालतिसंभवम् ।। कुर्याद्वै श्रद्धया पुत्र पात्र आचमनीयके

kaṁkolaṁ ca lavaṁgaṁ ca phalaṁ mālatisaṁbhavam kuryādvai śraddhayā putra pātra ācamanīyake

Kankola, cloves, and the fruit born of the malati creeper — one should, with faith, O son, place these in the vessel for achamaniya.

Verse 37 (skanda.2.137.37)

गव्यं पयो दधि मधु घृतं खंड समन्वितम् ।। मधुपर्कस्य पात्रे वै दद्याद्वै श्रद्धयाऽर्चकः

gavyaṁ payo dadhi madhu ghṛtaṁ khaṁḍa samanvitam madhuparkasya pātre vai dadyādvai śraddhayā'rcakaḥ

Cow's milk, curd, honey, and ghee, together with sugar — the faithful worshipper should offer these in the vessel of madhuparka.

Verse 38 (skanda.2.137.38)

उक्तानां द्रव्यजातीनामलाभे पत्रपुष्पयोः ।। तत्तद्भावनया कुर्यात्सर्वदा विधिकोविदः

uktānāṁ dravyajātīnāmalābhe patrapuṣpayoḥ tattadbhāvanayā kuryātsarvadā vidhikovidaḥ

If the aforesaid substances, or the leaves and flowers, cannot be obtained, the one skilled in ritual should always substitute them through mental visualization alone.

Verse 39 (skanda.2.137.39)

करन्यासं ततः कुर्यादंगन्यासं तथैव च ।। पंचांगं वा षडंगं वा विन्यसेत्संप्रदायतः

karanyāsaṁ tataḥ kuryādaṁganyāsaṁ tathaiva ca paṁcāṁgaṁ vā ṣaḍaṁgaṁ vā vinyasetsaṁpradāyataḥ

Then he should perform the placing of hands and likewise the placing on the limbs; he should perform the five-limbed or six-limbed nyasa according to tradition.

Verse 40 (skanda.2.137.40)

ममाऽनुस्मरणं कार्यमात्मानं मत्समं स्मरेत् ।। पूजारंभे चतुर्वक्त्रं मंगलं तु पठेन्नरः

mamā'nusmaraṇaṁ kāryamātmānaṁ matsamaṁ smaret pūjāraṁbhe caturvaktraṁ maṁgalaṁ tu paṭhennaraḥ

One should call me constantly to mind, and should meditate on oneself as one with me. At the start of the worship, O four-faced one, a person should recite an auspicious verse.

Verse 41 (skanda.2.137.41)

अथ संपूजयेच्छंखं पांचजन्यं मम प्रियम् ।। यस्य संपूजनाद्वत्स आनंदः परमो मम ।। शंखस्य पूजने वत्स मंत्रानेतानुदीरयेत्

atha saṁpūjayecchaṁkhaṁ pāṁcajanyaṁ mama priyam yasya saṁpūjanādvatsa ānaṁdaḥ paramo mama śaṁkhasya pūjane vatsa maṁtrānetānudīrayet

He should then worship my beloved conch, Panchajanya — O son, from whose worship arises my supreme joy. In worshipping the conch, O son, one should utter these mantras—

Verse 42 (skanda.2.137.42)

त्वं पुरा सागरोत्पन्नो विष्णुना विधृतः करे ।। निर्मितः सर्वदेवैश्च पांचजन्य नमोऽस्तु ते

tvaṁ purā sāgarotpanno viṣṇunā vidhṛtaḥ kare nirmitaḥ sarvadevaiśca pāṁcajanya namo'stu te

'You were born of old from the ocean, held in hand by Vishnu, fashioned by all the gods — O Panchajanya, salutation to you.'

Verse 43 (skanda.2.137.43)

तव नादेन जीमूता वित्रसंति सुराऽसुराः ।। शशांकाऽयुतदीप्ताभ पांचजन्य नमोऽस्तु ते

tava nādena jīmūtā vitrasaṁti surā'surāḥ śaśāṁkā'yutadīptābha pāṁcajanya namo'stu te

'By your sound the clouds tremble, and gods and demons alike are struck with fear; radiant as ten thousand moons — O Panchajanya, salutation to you.'

Verse 44 (skanda.2.137.44)

गर्भा देवारिनारीणां विलीयंते सहस्रधा ।। तव नादेन पाताले पांचजन्य नमोऽस्तु ते

garbhā devārinārīṇāṁ vilīyaṁte sahasradhā tava nādena pātāle pāṁcajanya namo'stu te

'The wombs of the enemies-of-the-gods' wives dissolve a thousandfold, even in the netherworld, at your sound — O Panchajanya, salutation to you.'

Verse 45 (skanda.2.137.45)

दर्शनेनैव शंखस्य किं पुनः स्पर्शने कृते ।। विलयं यांति पापानि हिमवद्भास्करोदये

darśanenaiva śaṁkhasya kiṁ punaḥ sparśane kṛte vilayaṁ yāṁti pāpāni himavadbhāskarodaye

By the mere sight of the conch — how much more, then, when touched — sins melt away, just as frost melts away at the rising of the sun.

Verse 46 (skanda.2.137.46)

नत्वा शंखं करे धृत्वा मंत्रैरेभिस्तु वैष्णवः ।। यः स्नापयति मां भक्त्या तस्य पुण्यमनंतकम्

natvā śaṁkhaṁ kare dhṛtvā maṁtrairebhistu vaiṣṇavaḥ yaḥ snāpayati māṁ bhaktyā tasya puṇyamanaṁtakam

Bowing, and holding the conch in hand with these very mantras, the Vaishnava who bathes me with devotion — his merit becomes endless.

Verse 47 (skanda.2.137.47)

सुवासितेन तैलेन कुर्यादभ्यंजनं ततः ।। कस्तूर्या चंदनेनैव कुर्यादुद्वर्तनादिकम्

suvāsitena tailena kuryādabhyaṁjanaṁ tataḥ kastūryā caṁdanenaiva kuryādudvartanādikam

He should then anoint the image with scented oil, and perform the massage-anointing with musk and sandal.

Verse 48 (skanda.2.137.48)

सुगंधवासितैस्तोयैः स्नाप्य मंत्रयुतैः शुभैः ।। अर्घ्यं दत्त्वा ततो वत्स पाद्यमाचमनीयकम् ।। मधुपर्कं ततो दद्यादथ सर्वोपचारकान्

sugaṁdhavāsitaistoyaiḥ snāpya maṁtrayutaiḥ śubhaiḥ arghyaṁ dattvā tato vatsa pādyamācamanīyakam madhuparkaṁ tato dadyādatha sarvopacārakān

Having bathed the image with fragrant, mantra-accompanied waters, O son, he should then offer arghya, padya, achamaniya, then madhuparka, and thereafter all the other rites of hospitality.

Verse 49 (skanda.2.137.49)

वस्त्रैराभरणैर्दिव्यैरलंकृत्य यथाविधि ।। पुष्पैः संपूजयेत्पीठं तत्र देवं निधाय च

vastrairābharaṇairdivyairalaṁkṛtya yathāvidhi puṣpaiḥ saṁpūjayetpīṭhaṁ tatra devaṁ nidhāya ca

Having adorned the deity with garments and divine ornaments according to rule, he should worship the throne with flowers, and, having placed the deity there—

Verse 50 (skanda.2.137.50)

वस्त्राऽलंकारगंधादीनर्पयेच्छ्रद्धया मम ।। नैवेद्यं विविधं दद्यात्पायसाऽपूपमिश्रितम् ।। सकर्पूरं च तांबूलं भक्त्या चैव निवेदयेत्

vastrā'laṁkāragaṁdhādīnarpayecchraddhayā mama naivedyaṁ vividhaṁ dadyātpāyasā'pūpamiśritam sakarpūraṁ ca tāṁbūlaṁ bhaktyā caiva nivedayet

—he should offer garments, ornaments, scent and the rest to me with faith. He should offer various naivedya mixed with payasa and cakes, and offer betel with camphor, with devotion.

Verse 51 (skanda.2.137.51)

सुरभीणि च पुष्पाणि भक्त्या सम्यङ्निवेदयेत्।। धूपं दशांगमष्टांगं दीपं च सुमनोहरम्

surabhīṇi ca puṣpāṇi bhaktyā samyaṅnivedayet dhūpaṁ daśāṁgamaṣṭāṁgaṁ dīpaṁ ca sumanoharam

He should duly offer fragrant flowers with devotion, and offer incense of ten or eight ingredients, and a most lovely lamp.

Verse 52 (skanda.2.137.52)

परिणीय प्रणम्याथ स्तुत्वा स्तुतिभिरादरात् ।। शाययित्वा तु पर्यंके मगलार्घ्यं निवेदयेत्

pariṇīya praṇamyātha stutvā stutibhirādarāt śāyayitvā tu paryaṁke magalārghyaṁ nivedayet

Having circumambulated, bowed, and then praised with hymns respectfully, having laid the deity to rest upon a couch, he should finally offer the concluding auspicious arghya.