The Completion of the Worship, its Udyapana, and the Fruit Thereof

Verse 1 (skanda.2.143.1)

।। ब्रह्मोवाच ।। ।। नैवेद्यानंतरं तात किं कर्तव्यं नृभिः प्रभो ।। यत्कर्तव्यं सहोमासे तत्सर्वं ब्रूहि तत्त्वतः

brahmovāca naivedyānaṁtaraṁ tāta kiṁ kartavyaṁ nṛbhiḥ prabho yatkartavyaṁ sahomāse tatsarvaṁ brūhi tattvataḥ

Brahma said: O father, O Lord! After the naivedya, what should men do? Whatever should be done in the month of Sahoma, tell me all of that truly.

Verse 2 (skanda.2.143.2)

श्रीभगवानुवाच ।। ।। अथ भुक्तवते दत्त्वा जलैः कर्पूरवासितैः ।। आचमनं च तांबूलं चंदनं करमार्जनम्

śrībhagavānuvāca atha bhuktavate dattvā jalaiḥ karpūravāsitaiḥ ācamanaṁ ca tāṁbūlaṁ caṁdanaṁ karamārjanam

The Blessed Lord said: Then, to the one who has partaken of the meal, one should offer achamana with camphor-scented water, betel, sandal, and the wiping of the hands.

Verse 3 (skanda.2.143.3)

पुष्पांजलिं ततः कुर्याद्भक्त्याऽऽदर्शं प्रदर्शयेत् ।। नीराजनं ततः कार्यं कार्पूरं विभवे सति

puṣpāṁjaliṁ tataḥ kuryādbhaktyā''darśaṁ pradarśayet nīrājanaṁ tataḥ kāryaṁ kārpūraṁ vibhave sati

Then one should offer a handful of flowers with devotion and show him a mirror; then, if means allow, arati should be performed with camphor.

Verse 4 (skanda.2.143.4)

समर्प्य मुकुटादीनि भूषणानि विचक्षणः ।। ततः पश्चान्महाभाग प्रकल्प्य च्छत्रचामरे

samarpya mukuṭādīni bhūṣaṇāni vicakṣaṇaḥ tataḥ paścānmahābhāga prakalpya cchatracāmare

O greatly fortunate one, the discerning one, having offered the crown and other ornaments, should then arrange the umbrella and the chowries.

Verse 5 (skanda.2.143.5)

प्रसादसुमुखं ध्यात्वा श्यामसुंदरविग्रहम् ।। जपेदष्टोत्तरशतं स्तुवीत स्तुतिभिः प्रभुम्

prasādasumukhaṁ dhyātvā śyāmasuṁdaravigraham japedaṣṭottaraśataṁ stuvīta stutibhiḥ prabhum

Meditating on his gracious face and his dark, beautiful form, one should recite the mantra one hundred and eight times, and praise the Lord with hymns.

Verse 6 (skanda.2.143.6)

शंखरौप्यमयी माला कांचनी च विशेषतः ।। पद्माक्षैश्चैव सुभगैर्विद्रुमैर्मणिमौक्तिकैः

śaṁkharaupyamayī mālā kāṁcanī ca viśeṣataḥ padmākṣaiścaiva subhagairvidrumairmaṇimauktikaiḥ

A garland of conch-shell or silver, and especially of gold; a fine garland of padmaksha beads, of coral, gems and pearls—

Verse 7 (skanda.2.143.7)

रचितेंद्राक्षकैर्माला तथैवांगुलिपर्वभिः ।। पुत्रजीवमयी माला शस्ता वै जपकर्मणि

raciteṁdrākṣakairmālā tathaivāṁguliparvabhiḥ putrajīvamayī mālā śastā vai japakarmaṇi

—a garland made of indraksha beads, and likewise counting by the joints of the fingers; a garland of putrajiva seeds is praised for the act of japa.

Verse 8 (skanda.2.143.8)

न च क्रमन्न च हसन्न पार्श्वमवलोकयन् ।। न पदा पदमाक्राम्य करप्राप्तशिरास्तथा

na ca kramanna ca hasanna pārśvamavalokayan na padā padamākrāmya karaprāptaśirāstathā

Without walking, without laughing, without glancing sideways; without stepping foot over foot, and without letting the hand carry the mala up to the head—

Verse 9 (skanda.2.143.9)

नोत्तिष्ठन्मन्मनुं विद्वान्न जपेद्व्यग्रमानसः ।। जपकाले न भाषेत व्रतहोमार्चनादिषु

nottiṣṭhanmanmanuṁ vidvānna japedvyagramānasaḥ japakāle na bhāṣeta vratahomārcanādiṣu

—the wise one should not rise while reciting my mantra, nor recite with a distracted mind; one should not speak during japa, nor during vows, homa, and worship.

Verse 10 (skanda.2.143.10)

गृहेष्वेकगुणंजाप्यं गोष्ठे दशगुणं भवेत् ।। नदीतीरे शतं विद्यादग्न्यगारे दशाऽधिकम्

gṛheṣvekaguṇaṁjāpyaṁ goṣṭhe daśaguṇaṁ bhavet nadītīre śataṁ vidyādagnyagāre daśā'dhikam

At home, japa yields one measure of merit; in a cowshed, ten times that; on a riverbank, know it to be a hundred times; in the fire-sanctuary, ten times more still.

Verse 11 (skanda.2.143.11)

तीर्थादिषु सहस्रं स्यादनंतं मम सन्निधौ ।। एवं कृत्वा सहोमासे यः कुर्याच्च प्रदक्षिणाम्

tīrthādiṣu sahasraṁ syādanaṁtaṁ mama sannidhau evaṁ kṛtvā sahomāse yaḥ kuryācca pradakṣiṇām

At tirthas it becomes a thousand-fold, and in my very presence, endless. Having done this in the month of Sahoma, whoever performs circumambulation—

Verse 12 (skanda.2.143.12)

सप्तद्वीपवतीपुण्यं लभते स पदेपदे ।। पठन्नामसहस्रं तु अथवा नाम केवलम्

saptadvīpavatīpuṇyaṁ labhate sa padepade paṭhannāmasahasraṁ tu athavā nāma kevalam

—obtains, at every single step, the merit of the seven-continented earth, whether reciting the thousand names or merely the name alone.

Verse 13 (skanda.2.143.13)

एका प्रदक्षिणा भक्त्या दहेत्पापं सदाऽऽह्निकम् ।। प्रदक्षिणीकृता तेन सप्तद्वीपा वसुन्धरा

ekā pradakṣiṇā bhaktyā dahetpāpaṁ sadā''hnikam pradakṣiṇīkṛtā tena saptadvīpā vasundharā

A single circumambulation, done with devotion, burns away the sin accumulated day by day; by it, the seven-continented earth is circumambulated.

Verse 14 (skanda.2.143.14)

दिनसप्तोद्भवं पापं मम तिस्रः प्रदक्षिणाः ।। तत्क्षणान्नाशयंत्येव पापं देहे दशाऽऽह्निकम्

dinasaptodbhavaṁ pāpaṁ mama tisraḥ pradakṣiṇāḥ tatkṣaṇānnāśayaṁtyeva pāpaṁ dehe daśā''hnikam

Three circumambulations of me instantly destroy sin arisen over seven days, and also destroy sin accumulated in the body over ten days.

Verse 15 (skanda.2.143.15)

कृताः प्रदक्षिणा येन एकविंशति भक्तितः ।। भ्रूणहत्यादिपापानि नाशमायांति तत्क्षणात्

kṛtāḥ pradakṣiṇā yena ekaviṁśati bhaktitaḥ bhrūṇahatyādipāpāni nāśamāyāṁti tatkṣaṇāt

Whoever performs twenty-one circumambulations with devotion — sins such as the killing of an embryo are destroyed that very instant.

Verse 16 (skanda.2.143.16)

अष्टोत्तरशतं येन कृता भक्त्या प्रदक्षिणाः ।। तेनेष्टं क्रतुभिः सर्वैः समाप्तवरदक्षिणैः

aṣṭottaraśataṁ yena kṛtā bhaktyā pradakṣiṇāḥ teneṣṭaṁ kratubhiḥ sarvaiḥ samāptavaradakṣiṇaiḥ

Whoever performs one hundred and eight circumambulations with devotion — by him is accomplished the merit equal to all sacrifices completed with their proper fees.

Verse 17 (skanda.2.143.17)

प्रदक्षिणीकृता तेन तावद्वारं वसुन्धरा ।। मातुः प्रदक्षिणास्तद्वद्भूतधात्रीप्रदक्षिणाः

pradakṣiṇīkṛtā tena tāvadvāraṁ vasundharā mātuḥ pradakṣiṇāstadvadbhūtadhātrīpradakṣiṇāḥ

By him the earth is deemed circumambulated that same number of times; the circumambulation of one's mother, and likewise of Mother Earth, is equal to it.

Verse 18 (skanda.2.143.18)

शालिग्रामशिलायाश्च सममेतत्त्रयं स्मृतम् ।। एको दंडप्रपातश्च सहे सप्तप्रदक्षिणाः

śāligrāmaśilāyāśca samametattrayaṁ smṛtam eko daṁḍaprapātaśca sahe saptapradakṣiṇāḥ

And the circumambulation of the Shaligrama stone too — these three are remembered as equal. In the month of Saha, one full prostration equals seven circumambulations.

Verse 19 (skanda.2.143.19)

सममेतद्द्वयं नो वा दंडपातो विशिष्यते ।। प्रदक्षिणे दंडपातं यः करोति सदा मम

samametaddvayaṁ no vā daṁḍapāto viśiṣyate pradakṣiṇe daṁḍapātaṁ yaḥ karoti sadā mama

These two are not truly equal — the full prostration is superior. Whoever always performs the full prostration together with circumambulation for me—

Verse 20 (skanda.2.143.20)

सहोमासे विशेषेण आकल्पं स वसेद्दिवि ।। कल्पादनंतरं तात चक्रवर्ती प्रजायते

sahomāse viśeṣeṇa ākalpaṁ sa vaseddivi kalpādanaṁtaraṁ tāta cakravartī prajāyate

—especially in the month of Sahoma, he dwells in heaven until the end of the kalpa; and after the kalpa, O father, he is born a universal emperor.

Verse 21 (skanda.2.143.21)

चिरायुर्धनवान्भोगी दानवान्धर्मवत्सलः ।। सहस्रनामपठनात्पापं नश्येत्त्रिधा कृतम्

cirāyurdhanavānbhogī dānavāndharmavatsalaḥ sahasranāmapaṭhanātpāpaṁ naśyettridhā kṛtam

He becomes long-lived, wealthy, enjoying good things, generous, and devoted to dharma; by the recitation of the thousand names, sin done in the threefold way (by body, speech, and mind) is destroyed.

Verse 22 (skanda.2.143.22)

अथ किं बहुनोक्तेन शृणु गुह्यं च मे सुत ।। दामोदरेति नाम्ना वै भवेत्प्रीतिर्ममाऽतुला

atha kiṁ bahunoktena śṛṇu guhyaṁ ca me suta dāmodareti nāmnā vai bhavetprītirmamā'tulā

Now, what use is there in saying more — hear, my son, this secret of mine: by the name 'Damodara,' my affection becomes without compare.

Verse 23 (skanda.2.143.23)

गुणसंबंधि मन्नाम कृतं मात्रा यशोदया ।। यदा मे दधिभांडस्य स्फोटनं गोकुले कृतम्

guṇasaṁbaṁdhi mannāma kṛtaṁ mātrā yaśodayā yadā me dadhibhāṁḍasya sphoṭanaṁ gokule kṛtam

This name of mine, connected to a deed, was given by mother Yashoda when, in Gokula, the pot of curd was broken by me—

Verse 24 (skanda.2.143.24)

तदा यशोदया गाढं बद्धो दाम्ना ह्युलूखले ।। ततः प्रभृति मे नाम ख्यातं दामोदरेति च

tadā yaśodayā gāḍhaṁ baddho dāmnā hyulūkhale tataḥ prabhṛti me nāma khyātaṁ dāmodareti ca

—then Yashoda bound me tightly to the mortar with a rope; from that time my name became famed as 'Damodara.'

Verse 25 (skanda.2.143.25)

नमो दामोदरायेति जपेद्यः सुसमाहितः ।। सूर्योदये शुचिर्भूत्वा त्रिसहस्रं दिनेदिने

namo dāmodarāyeti japedyaḥ susamāhitaḥ sūryodaye śucirbhūtvā trisahasraṁ dinedine

Whoever, composed and pure, recites 'Namo Damodaraya' three thousand times each day at sunrise—

Verse 26 (skanda.2.143.26)

सार्द्धलक्षत्रयं यावत्तत उद्यापयेद्बुधः ।। तर्पणं हवनं चैव ब्रह्मभोज्यं दशांशतः

sārddhalakṣatrayaṁ yāvattata udyāpayedbudhaḥ tarpaṇaṁ havanaṁ caiva brahmabhojyaṁ daśāṁśataḥ

—until three and a half lakh is reached, the wise one should then perform its udyapana, with tarpana, homa, and the feeding of brahmins with a tenth part of the total.

Verse 27 (skanda.2.143.27)

एवं यः कुरुते भक्त्या तस्य यच्छामि वांछितम् ।। धनं धान्यं तथा दारान्पुत्रांश्चान्यच्च वांछितम्

evaṁ yaḥ kurute bhaktyā tasya yacchāmi vāṁchitam dhanaṁ dhānyaṁ tathā dārānputrāṁścānyacca vāṁchitam

Whoever does this with devotion — to him I grant his heart's desire: wealth, grain, wife, sons, and whatever else is desired.

Verse 28 (skanda.2.143.28)

त्रिसत्येन मया चोक्तं श्रद्धत्स्व त्वं महामते ।। मंत्रराजमिमं पुत्र कृपया मे प्रकाशितम्

trisatyena mayā coktaṁ śraddhatsva tvaṁ mahāmate maṁtrarājamimaṁ putra kṛpayā me prakāśitam

O great-minded one, I have spoken this under a threefold oath of truth — believe it; my son, this king of mantras has been revealed only by my grace.

Verse 29 (skanda.2.143.29)

दामोदरायेति पठन्नित्यं कुर्यात्प्रदक्षिणम्।। दंडपातं तथा पुत्र अष्टांगेन समन्वितम्

dāmodarāyeti paṭhannityaṁ kuryātpradakṣiṇam daṁḍapātaṁ tathā putra aṣṭāṁgena samanvitam

Reciting 'Damodaraya' always, one should perform circumambulation, and, my son, likewise the full prostration joined with its eight limbs.

Verse 30 (skanda.2.143.30)

पद्भ्यां कराभ्यां जानुभ्यामुरसा शिरसा तथा ।। मनसा वचसा दृष्टवा प्रणामोष्टांग उच्यते

padbhyāṁ karābhyāṁ jānubhyāmurasā śirasā tathā manasā vacasā dṛṣṭavā praṇāmoṣṭāṁga ucyate

With the two feet, the two hands, the two knees, the chest and the head — and with mind, speech, and sight — this is called the eight-limbed prostration.

Verse 31 (skanda.2.143.31)

शिरो मत्पादयोः कृत्वा बाहुभ्यां च परस्परम्।। प्रपन्नं पाहि मामीश भीतं मृत्युग्रहाऽर्णवात्

śiro matpādayoḥ kṛtvā bāhubhyāṁ ca parasparam prapannaṁ pāhi māmīśa bhītaṁ mṛtyugrahā'rṇavāt

Having placed the head at my feet, with both arms outstretched — 'Save me, O Lord, surrendered and afraid, from this ocean of death and the seizing grip of the planets.'

Verse 32 (skanda.2.143.32)

पश्चाच्छेषां मया दत्तां शिरस्याधाय सादरम् ।। एवं ब्रूयात्ततो वत्स मम पूजाप्रपूर्त्तये

paścāccheṣāṁ mayā dattāṁ śirasyādhāya sādaram evaṁ brūyāttato vatsa mama pūjāprapūrttaye

Thereafter, having reverently placed upon the head the remnant given by me, one should then say thus, O son, for the completion of my worship—

Verse 33 (skanda.2.143.33)

मंत्रहीनं क्रियाहीनं भक्तिहीनं जनार्दन ।। यत्पूजितं मया देव परिपूर्णं तदस्तु मे

maṁtrahīnaṁ kriyāhīnaṁ bhaktihīnaṁ janārdana yatpūjitaṁ mayā deva paripūrṇaṁ tadastu me

'O Janardana, whatever worship of you, O God, has been performed by me, devoid of mantra, devoid of proper ritual, devoid of devotion — may that be complete for me.'

Verse 34 (skanda.2.143.34)

मृदंगवाद्येन समं प्रणवेन सुसंयुतम् ।। एवं कार्यं सहोमासे नृत्यं पुण्यप्रदं नृणाम्

mṛdaṁgavādyena samaṁ praṇavena susaṁyutam evaṁ kāryaṁ sahomāse nṛtyaṁ puṇyapradaṁ nṛṇām

Together with the mridanga drum, well joined with the pranava, dance should thus be performed in the month of Sahoma — it bestows merit upon men.

Verse 35 (skanda.2.143.35)

गीतं वाद्यं च नृत्यं च तथा पुस्तकवाचनम् ।। पूजाकाले चतुर्वक्त्र सर्वदा मम च प्रियम्

gītaṁ vādyaṁ ca nṛtyaṁ ca tathā pustakavācanam pūjākāle caturvaktra sarvadā mama ca priyam

O four-faced one, song, instrumental music, and dance, and likewise the reading of sacred texts — these are always dear to me at the time of worship.

Verse 36 (skanda.2.143.36)

गीतवाद्याद्यभावे च मम नामसहस्रकम् ।। स्तवराजं तथा पुत्र गजेंद्रस्य च मोक्षणम्

gītavādyādyabhāve ca mama nāmasahasrakam stavarājaṁ tathā putra gajeṁdrasya ca mokṣaṇam

In the absence of song and music, one should recite my thousand names, and, my son, the Stavaraja and the 'Liberation of Gajendra.'

Verse 37 (skanda.2.143.37)

अनुस्मृतिश्च गीता च स्तवनं पंचधा मतम् ।। पंचस्तवं महाभाग मम प्रीतिकरं परम्

anusmṛtiśca gītā ca stavanaṁ paṁcadhā matam paṁcastavaṁ mahābhāga mama prītikaraṁ param

Remembrance, the recitation of the Gita, and praise — these are considered fivefold together. O greatly fortunate one, this fivefold hymn is exceedingly pleasing to me.

Verse 38 (skanda.2.143.38)

पादोदकं पिबेद्यो वै शालिग्रामसमुद्भवम् ।। पंचगव्यसहस्रैस्तु प्राशितैः किं प्रयोजनम्

pādodakaṁ pibedyo vai śāligrāmasamudbhavam paṁcagavyasahasraistu prāśitaiḥ kiṁ prayojanam

Whoever drinks the foot-water that has arisen from the Shaligrama — what need has he of drinking a thousand portions of panchagavya?

Verse 39 (skanda.2.143.39)

शालिग्रामशिलातोयं यः पिबेद्बिंदुना समम् ।। मातुः स्तन्यं पुनर्नैव स पिबेन्मुक्तिभाग्नरः

śāligrāmaśilātoyaṁ yaḥ pibedbiṁdunā samam mātuḥ stanyaṁ punarnaiva sa pibenmuktibhāgnaraḥ

Whoever drinks the water of the Shaligrama stone, even equal to a single drop, that man, a partaker of liberation, never again drinks his mother's milk.

Verse 40 (skanda.2.143.40)

आशौचं नैव विद्येत सूतके मृतकेऽपि च ।। येषां पादोदकं मूर्ध्नि प्राशनं ये प्रकुर्वते

āśaucaṁ naiva vidyeta sūtake mṛtake'pi ca yeṣāṁ pādodakaṁ mūrdhni prāśanaṁ ye prakurvate

For those who bear the foot-water upon the head and partake of it, there is no impurity even at the birth-taint or the death-taint.

Verse 41 (skanda.2.143.41)

अंतकालेऽपि यस्येदं दीयते पादयोर्जलम् ।। सोऽपि सद्गतिमाप्नोति सदाचारबहिष्कृतः

aṁtakāle'pi yasyedaṁ dīyate pādayorjalam so'pi sadgatimāpnoti sadācārabahiṣkṛtaḥ

Whoever is given this water of the feet even at the time of death attains a good end, even if he has been excluded from proper conduct.

Verse 42 (skanda.2.143.42)

अपेयं पिबते यस्तु भुंक्ते यद्यप्यभोजनम् ।। अगम्यागमनो यो वै पापाचारश्च यो नरः

apeyaṁ pibate yastu bhuṁkte yadyapyabhojanam agamyāgamano yo vai pāpācāraśca yo naraḥ

Whoever drinks what should not be drunk, whoever eats what should not be eaten, whoever goes where he should not, and whoever is a man of sinful conduct—

Verse 43 (skanda.2.143.43)

सोऽपि पूतो भवत्याशु सद्यः पादांबुधारणात् ।। चांद्रायणात्पादकृच्छ्रादधिकं पादयोर्जलम्

so'pi pūto bhavatyāśu sadyaḥ pādāṁbudhāraṇāt cāṁdrāyaṇātpādakṛcchrādadhikaṁ pādayorjalam

—even he becomes instantly purified merely by holding the foot-water upon his head; this foot-water surpasses even the Chandrayana and Padakrichchhra penances.

Verse 44 (skanda.2.143.44)

अगुरुं कुंकुमं वाऽपि कर्पूरं चाऽनुलेपनम् ।। मम पादांबुसंस्पृष्टं तद्वै पावनपावनम्

aguruṁ kuṁkumaṁ vā'pi karpūraṁ cā'nulepanam mama pādāṁbusaṁspṛṣṭaṁ tadvai pāvanapāvanam

Agaru, saffron, or camphor-paste, when touched by the water of my feet, become the purifier of even the purified.

Verse 45 (skanda.2.143.45)

दृष्टिपूतं तु यत्तोयं भवेद्वै विप्रसत्तम ।। तद्वै पापहरं नृणां किं पुनः पादयोर्जलम्

dṛṣṭipūtaṁ tu yattoyaṁ bhavedvai viprasattama tadvai pāpaharaṁ nṛṇāṁ kiṁ punaḥ pādayorjalam

O best of brahmins, water that becomes purified even by the mere sight of devotion removes the sins of men — how much more, then, the water of the feet!

Verse 46 (skanda.2.143.46)

प्रियस्त्वं मेऽग्रजः पुत्रो विशेषेण च मत्प्रियः ।। तदर्थं कथितं सर्वं रहस्यं यच्च मे स्थितम्

priyastvaṁ me'grajaḥ putro viśeṣeṇa ca matpriyaḥ tadarthaṁ kathitaṁ sarvaṁ rahasyaṁ yacca me sthitam

You are my dear, firstborn son, and especially dear to me; for your sake I have told you this entire secret that abides within me.