The Fruit of Keeping Vigil on the Ekadashi Vow

Verse 1 (skanda.2.146.1)

।। श्रीभगवानुवाच ।। ।। शृणु पुत्र प्रवक्ष्यामि जागरस्य च लक्षणम् ।। येन विज्ञातमात्रेण सुलभोऽहं सदा कलौ

śrībhagavānuvāca śṛṇu putra pravakṣyāmi jāgarasya ca lakṣaṇam yena vijñātamātreṇa sulabho'haṁ sadā kalau

The Blessed Lord said: Listen, son, I shall declare the characteristics of the night-vigil, by merely knowing which I become ever easily attainable, even in the Kali age.

Verse 2 (skanda.2.146.2)

गीतं वाद्यं च नृत्यं च पुराणपठनं तथा ।। धूपं दीपं च नैवेद्यं पुष्पं गन्धानुलेपनम्

gītaṁ vādyaṁ ca nṛtyaṁ ca purāṇapaṭhanaṁ tathā dhūpaṁ dīpaṁ ca naivedyaṁ puṣpaṁ gandhānulepanam

Song, instrumental music, and dance, and likewise the reading of Puranas; incense, lamp, naivedya, flowers, and the anointing with fragrant paste—

Verse 3 (skanda.2.146.3)

फलार्पणं च श्रद्धां च दानमिंद्रियसंयमम् ।। सत्यान्वितं विनिद्रं च मुदा मद्यजनान्वितम्

phalārpaṇaṁ ca śraddhāṁ ca dānamiṁdriyasaṁyamam satyānvitaṁ vinidraṁ ca mudā madyajanānvitam

—the offering of fruit, faith, giving, and control of the senses; joined with truthfulness, free of sleep, joyfully, together with one's fellow devotees—

Verse 4 (skanda.2.146.4)

साश्चर्यं चैव सोत्साहं पापालस्यादिवर्जनम् ।। प्रदक्षिणासमायुक्तं नमस्कारपुरःसरम्

sāścaryaṁ caiva sotsāhaṁ pāpālasyādivarjanam pradakṣiṇāsamāyuktaṁ namaskārapuraḥsaram

—together with wonder and enthusiasm, abandoning sin, laziness and the like; joined with circumambulation, preceded by obeisance—

Verse 5 (skanda.2.146.5)

नीराजनसमायुक्तमतिहृष्टेन चेतसा ।। यामेयामे महाभाग कुर्यादारार्तिकं मम

nīrājanasamāyuktamatihṛṣṭena cetasā yāmeyāme mahābhāga kuryādārārtikaṁ mama

—joined with the arati, with an exceedingly joyful heart — O greatly fortunate one, my arati should be performed at every watch of the night.

Verse 6 (skanda.2.146.6)

षड्विंशद्गुणसंयुक्तमेकादश्यां च जागरम् ।। यः करोति नरो भक्त्या न पुनर्जायते भुवि

ṣaḍviṁśadguṇasaṁyuktamekādaśyāṁ ca jāgaram yaḥ karoti naro bhaktyā na punarjāyate bhuvi

Whoever performs the night-vigil on Ekadashi, joined with these twenty-six qualities, with devotion — that man is never born again on earth.

Verse 7 (skanda.2.146.7)

य एवं कुरुते भक्त्या वित्तशाठ्यविवर्जितः ।। जागरं परया भक्त्या स लीनो जायते मयि

ya evaṁ kurute bhaktyā vittaśāṭhyavivarjitaḥ jāgaraṁ parayā bhaktyā sa līno jāyate mayi

Whoever does this with devotion, free of stinginess with wealth, performing the vigil with supreme devotion, becomes absorbed in me.

Verse 8 (skanda.2.146.8)

दष्टाः कलिभुजंगेन स्वपन्ते ये दिने मम ।। कुर्वंति जागरं नैव मायापाशविमोहिताः

daṣṭāḥ kalibhujaṁgena svapante ye dine mama kurvaṁti jāgaraṁ naiva māyāpāśavimohitāḥ

Those bitten by the serpent of Kali, who sleep on my day and do not perform the night-vigil, are deluded by the noose of maya.

Verse 9 (skanda.2.146.9)

प्राप्ताप्येकादशी येषां कलौ जागरणं विना ।। ते विनष्टा न संदेहो यस्माज्जीवितमध्रुवम्

prāptāpyekādaśī yeṣāṁ kalau jāgaraṇaṁ vinā te vinaṣṭā na saṁdeho yasmājjīvitamadhruvam

Those for whom Ekadashi arrives in the Kali age without the night-vigil are ruined, without doubt, since life itself is impermanent.

Verse 10 (skanda.2.146.10)

उद्धृतं नेत्रयुग्मं च दत्त्वा वै हृदये पदम् ।। कृतं ये नैव पश्यंति पापिनो मम जागरम्

uddhṛtaṁ netrayugmaṁ ca dattvā vai hṛdaye padam kṛtaṁ ye naiva paśyaṁti pāpino mama jāgaram

Better for such sinners to have their two eyes plucked out than never to behold my vigil when it is performed.

Verse 11 (skanda.2.146.11)

अभावे वाचकस्याऽथ गीतं नृत्यं च कारयेत् ।। वाचके सति देवेश पुराणं प्रथमं पठेत्

abhāve vācakasyā'tha gītaṁ nṛtyaṁ ca kārayet vācake sati deveśa purāṇaṁ prathamaṁ paṭhet

In the absence of a reciter, one should arrange for song and dance; but when a reciter is present, O Lord of gods, the Purana should be read first.

Verse 12 (skanda.2.146.12)

अश्वमेधसहस्रस्य वाजपेयशतस्य च ।। पुण्यं कोटिगुणं पुत्र मम जागरणे कृते

aśvamedhasahasrasya vājapeyaśatasya ca puṇyaṁ koṭiguṇaṁ putra mama jāgaraṇe kṛte

O son, the merit of a thousand Ashvamedhas and a hundred Vajapeya sacrifices becomes a crore-fold when my night-vigil is performed.

Verse 13 (skanda.2.146.13)

पितृपक्षे मातृपक्षे भार्यापक्षे च मानद ।। कुलान्युद्धरते चैतन्मम जागरणे कृते ।।

pitṛpakṣe mātṛpakṣe bhāryāpakṣe ca mānada kulānyuddharate caitanmama jāgaraṇe kṛte

O giver of honor, the lineages of the father's side, the mother's side, and the wife's side are delivered, when my night-vigil is performed.

Verse 14 (skanda.2.146.14)

उपोषणदिने विघ्ने प्रारब्धे जागरे सति ।। विहाय स्थानं तत्राहं शापं दत्त्वा व्रजाम्यहम्

upoṣaṇadine vighne prārabdhe jāgare sati vihāya sthānaṁ tatrāhaṁ śāpaṁ dattvā vrajāmyaham

If an obstacle arises on the fasting day once the vigil has begun, I depart from that place, leaving it under a curse.

Verse 15 (skanda.2.146.15)

अविद्धवासरे ये मे प्रकुर्वंति हि जागरम् ।। तेषां मध्ये प्रहृष्टः सन्नृत्यं वै प्रकरोम्यहम्

aviddhavāsare ye me prakurvaṁti hi jāgaram teṣāṁ madhye prahṛṣṭaḥ sannṛtyaṁ vai prakaromyaham

Among those who perform my vigil at the proper, unblemished time, I, exceedingly delighted, myself dance.

Verse 16 (skanda.2.146.16)

यावद्दिनानि कुरुते जागरं मम सन्निधौ ।। युगाऽयुतानि तावंति वसते मम वेश्मनि ।।

yāvaddināni kurute jāgaraṁ mama sannidhau yugā'yutāni tāvaṁti vasate mama veśmani

For as many days as one performs the vigil in my presence, for that many tens of thousands of yugas one dwells in my own house.

Verse 17 (skanda.2.146.17)

न गयापिंडदानेन न तीर्थैर्बहुभिर्मखैः ।। पूर्वजा मुक्तिमायांति विनैकादशिजागरात्

na gayāpiṁḍadānena na tīrthairbahubhirmakhaiḥ pūrvajā muktimāyāṁti vinaikādaśijāgarāt

Not by the offering of pinda at Gaya, nor by many tirthas and sacrifices, do the ancestors attain liberation, except through the Ekadashi vigil.

Verse 18 (skanda.2.146.18)

यः कुर्याज्जागरे पूजां कुसुमैर्मम वासरे । पुष्पेपुष्पेऽश्वमेधस्य फलमाप्नोति मानवः

yaḥ kuryājjāgare pūjāṁ kusumairmama vāsare puṣpepuṣpe'śvamedhasya phalamāpnoti mānavaḥ

Whoever performs worship with flowers in my vigil on my day obtains, for every single flower, the fruit of an Ashvamedha sacrifice.

Verse 19 (skanda.2.146.19)

यः कुर्याद्दीपदानं च रात्रौ जागरणे मम ।। निमिषे निमिषे पुत्र लभते गोऽयुतं फलम्

yaḥ kuryāddīpadānaṁ ca rātrau jāgaraṇe mama nimiṣe nimiṣe putra labhate go'yutaṁ phalam

Whoever offers the gift of a lamp at night in my vigil obtains, my son, for every instant, the fruit of ten thousand cows.

Verse 20 (skanda.2.146.20)

यो दद्याज्जागरे पुत्र हविष्यान्नसमुद्भवम् ।। नैवेद्यं लभते पुण्यं शालिशैलसमुद्भवम्

yo dadyājjāgare putra haviṣyānnasamudbhavam naivedyaṁ labhate puṇyaṁ śāliśailasamudbhavam

Whoever, my son, gives in the vigil food born of havishya obtains the merit of a naivedya offering made of the finest rice grown on a sacred mountain.

Verse 21 (skanda.2.146.21)

पक्वान्नानि च यो दद्यात्फलानि विविधनि च ।। जागरे मे चतुर्वक्त्र लभते गोशतं फलम्

pakvānnāni ca yo dadyātphalāni vividhani ca jāgare me caturvaktra labhate gośataṁ phalam

O four-faced one, whoever gives cooked dishes and various fruits in my vigil obtains the fruit of a hundred cows.

Verse 22 (skanda.2.146.22)

कर्पूरेण च तांबूलं ददाति मम जागरे ।। मद्भक्तो मत्प्रसादेन सप्तद्वीपाऽधिपो भवेत्

karpūreṇa ca tāṁbūlaṁ dadāti mama jāgare madbhakto matprasādena saptadvīpā'dhipo bhavet

Whoever gives betel with camphor in my vigil, that devotee of mine, by my grace, becomes lord of the seven continents.

Verse 23 (skanda.2.146.23)

जागरे मम देवेश यः कुर्यात्पुष्पमण्डपम् ।। स पुष्पकविमानेन क्रीडते मम सद्मनि

jāgare mama deveśa yaḥ kuryātpuṣpamaṇḍapam sa puṣpakavimānena krīḍate mama sadmani

O Lord of gods, whoever makes a pavilion of flowers in my vigil sports in my abode in the Pushpaka celestial car.

Verse 24 (skanda.2.146.24)

जागरे मे तु यो धूपं सकर्पूरं सगुग्गुलम्।। ददाति दहते पापं जन्मलक्षसमुद्भवम्

jāgare me tu yo dhūpaṁ sakarpūraṁ saguggulam dadāti dahate pāpaṁ janmalakṣasamudbhavam

Whoever gives incense with camphor and guggulu in my vigil burns away sin accumulated over a hundred thousand births.

Verse 25 (skanda.2.146.25)

स्नापयेज्जागरे यो मां दधिक्षीरघृतांबुकैः ।। भोगानिह लभेद्वै स ह्यन्ते च परमां गतिम्

snāpayejjāgare yo māṁ dadhikṣīraghṛtāṁbukaiḥ bhogāniha labhedvai sa hyante ca paramāṁ gatim

Whoever bathes me in the vigil with curd, milk, ghee and water obtains enjoyments here, and at the end, the supreme goal.

Verse 26 (skanda.2.146.26)

दिव्यांऽबराणि यो दद्यात्फलानि विविधानि च ।। स चिरं वसते स्वर्गे तं तु संख्यासमानि वै

divyāṁ'barāṇi yo dadyātphalāni vividhāni ca sa ciraṁ vasate svarge taṁ tu saṁkhyāsamāni vai

Whoever gives divine garments and various fruits dwells long in heaven, for as many years as their number.

Verse 27 (skanda.2.146.27)

दद्यादाभरणं यो मे हेमजं रत्नसंभवम् ।। सप्तकल्पानि वसते सोत्संगे मत्प्रियो मम

dadyādābharaṇaṁ yo me hemajaṁ ratnasaṁbhavam saptakalpāni vasate sotsaṁge matpriyo mama

Whoever gives me an ornament made of gold and set with gems, dear to me, dwells for seven kalpas in my very lap.

Verse 28 (skanda.2.146.28)

घृतेन दीपकं यो मे गव्येन च विशेषतः ।। ज्वालयेज्जागरे रात्रौ निमिषे गोयुतं फलम्

ghṛtena dīpakaṁ yo me gavyena ca viśeṣataḥ jvālayejjāgare rātrau nimiṣe goyutaṁ phalam

Whoever kindles a lamp for me with ghee, and especially with cow's ghee, at night in the vigil, obtains, for every instant, the fruit of ten thousand cows.

Verse 29 (skanda.2.146.29)

जागरे मे चतुर्वक्त्र कर्पूरेण च दीपकम् ।। यो ज्वालयेत नीराजं कपिलादानजं फलम्

jāgare me caturvaktra karpūreṇa ca dīpakam yo jvālayeta nīrājaṁ kapilādānajaṁ phalam

O four-faced one, whoever kindles the arati-lamp with camphor for me in the vigil obtains the fruit of the gift of a tawny cow.

Verse 30 (skanda.2.146.30)

यः पुनः कुरुते दीपं गीतं नृत्यं च पूजनम् ।। शतक्रतुसमं पुण्यं व्रतैर्दानशतैरपि

yaḥ punaḥ kurute dīpaṁ gītaṁ nṛtyaṁ ca pūjanam śatakratusamaṁ puṇyaṁ vratairdānaśatairapi

Whoever, moreover, performs the lamp-offering, song, dance, and worship obtains merit equal to a hundred sacrifices, a hundred vows, and a hundred gifts.

Verse 31 (skanda.2.146.31)

स्वयं यः कुरुते गीतं विलज्जो नृत्यते यदि ।। स लभेन्निमिषार्धेन कोटियज्ञकृतं फलम्

svayaṁ yaḥ kurute gītaṁ vilajjo nṛtyate yadi sa labhennimiṣārdhena koṭiyajñakṛtaṁ phalam

Whoever himself sings, or, if bashful, merely dances, obtains in half an instant the fruit equal to a crore sacrifices.

Verse 32 (skanda.2.146.32)

निवारयति यो गीतं नृत्यं जागरणे मम ।। षष्टियुगसहस्राणि पच्यते रौरवादिषु

nivārayati yo gītaṁ nṛtyaṁ jāgaraṇe mama ṣaṣṭiyugasahasrāṇi pacyate rauravādiṣu

Whoever prevents song or dance in my vigil is cooked for sixty thousand yugas in Raurava and the other hells.

Verse 33 (skanda.2.146.33)

नृत्यमानस्य मर्त्यस्य ये केचिन्निकटे गताः ।। विमुक्ता धर्मराजेन मुक्ता यांति च मत्पदम्

nṛtyamānasya martyasya ye kecinnikaṭe gatāḥ vimuktā dharmarājena muktā yāṁti ca matpadam

Whatever creatures come near a mortal who is dancing are freed by Dharmaraja, and go to my very abode.

Verse 34 (skanda.2.146.34)

नृत्यमानस्य मर्त्यस्य उपहासं करोति यः ।। जागरे यांति निरयं यावदिंद्राश्चतुर्दश ।।

nṛtyamānasya martyasya upahāsaṁ karoti yaḥ jāgare yāṁti nirayaṁ yāvadiṁdrāścaturdaśa

Whoever mocks a mortal who is dancing in the vigil goes to hell for as long as the reign of fourteen Indras.

Verse 35 (skanda.2.146.35)

जागरे मम यः कुर्याद्भक्त्या पुस्तकवाचनम् ।। श्लोकसंख्यायुगान्येव स वसेन्मम सन्निधौ

jāgare mama yaḥ kuryādbhaktyā pustakavācanam ślokasaṁkhyāyugānyeva sa vasenmama sannidhau

Whoever, with devotion, reads sacred texts aloud in my vigil dwells in my presence for as many pairs of yugas as there are verses recited.

Verse 36 (skanda.2.146.36)

प्रदक्षिणाप्रदानेन यत्फलं कथितं बुधैः ।। न तत्कोटिमखैः पुण्यं युगसंख्यैरवाप्यते

pradakṣiṇāpradānena yatphalaṁ kathitaṁ budhaiḥ na tatkoṭimakhaiḥ puṇyaṁ yugasaṁkhyairavāpyate

What fruit the wise have declared for the gift of circumambulation is not obtained even by a crore sacrifices measured across ages.

Verse 37 (skanda.2.146.37)

दीपमाला ममाग्रे वै यः कुर्याज्जागरे सुत ।। विमानकोटिसंयुक्त आकल्पं वसते दिवि ।।

dīpamālā mamāgre vai yaḥ kuryājjāgare suta vimānakoṭisaṁyukta ākalpaṁ vasate divi

O son, whoever makes a garland of lamps before me in the vigil dwells in heaven until the end of the kalpa, joined with a crore celestial cars.

Verse 38 (skanda.2.146.38)

मम बालचरित्राणि जागरे पठते हि यः।। युगकोटिसहस्राणि श्वेतद्वीपे वसेन्नरः

mama bālacaritrāṇi jāgare paṭhate hi yaḥ yugakoṭisahasrāṇi śvetadvīpe vasennaraḥ

Whoever recites my childhood exploits in the vigil dwells in Shvetadvipa for a thousand crore yugas.

Verse 39 (skanda.2.146.39)

तस्माज्जागरणं कार्यं पक्षयोः शुक्लकृष्णयोः

tasmājjāgaraṇaṁ kāryaṁ pakṣayoḥ śuklakṛṣṇayoḥ

Therefore the night-vigil should be performed in both the bright and dark fortnights.

Verse 40 (skanda.2.146.40)

यो गीतां पठते रात्रौ मम नामसहस्रकम्।। वेदोक्तानां पुराणानां जागरात्पुण्यमाप्नुयात्

yo gītāṁ paṭhate rātrau mama nāmasahasrakam vedoktānāṁ purāṇānāṁ jāgarātpuṇyamāpnuyāt

Whoever recites at night my thousand names, or the Gita, obtains from the vigil the merit of the Vedic scriptures and the Puranas.

Verse 41 (skanda.2.146.41)

धेनुदानं तु यः कुर्याज्जागरे मम पु्त्रक।। लभते नात्र संदेहः सप्तद्वीपवतीफलम्

dhenudānaṁ tu yaḥ kuryājjāgare mama putraka labhate nātra saṁdehaḥ saptadvīpavatīphalam

O son, whoever gives the gift of a cow in the vigil obtains, without doubt, the fruit of the seven-continented earth.

Verse 42 (skanda.2.146.42)

सर्वेषामेव पुण्यानां महत्पुण्यं महीतले ।। द्वादशीजागरं पुत्र प्रसिद्धं भुवनत्रये

sarveṣāmeva puṇyānāṁ mahatpuṇyaṁ mahītale dvādaśījāgaraṁ putra prasiddhaṁ bhuvanatraye

O son, of all merits whatsoever on this earth, the greatest merit, renowned in the three worlds, is the Dvadashi vigil.

Verse 43 (skanda.2.146.43)

जागरं ये च कुर्वंति कर्मणा मनसा गिरा ।। न तेषां पुनरावृत्तिर्मम लोकात्कथंचन

jāgaraṁ ye ca kurvaṁti karmaṇā manasā girā na teṣāṁ punarāvṛttirmama lokātkathaṁcana

Those who perform the vigil in deed, mind, and speech have, in no way whatsoever, any return from my world.

Verse 44 (skanda.2.146.44)

प्रोत्साहयित्वा लोकान्यः कुरुते जागरं निशि ।। प्राप्नोति चक्रवर्तित्वं सत्यं मे व्याहृतं सुत

protsāhayitvā lokānyaḥ kurute jāgaraṁ niśi prāpnoti cakravartitvaṁ satyaṁ me vyāhṛtaṁ suta

O son, whoever, having encouraged others, performs the vigil at night, attains sovereignty as a universal emperor — this I have truly declared.

Verse 45 (skanda.2.146.45)

संमानिताः ककुत्स्थेन रात्रौ जागरकारिणः।। स्वशक्त्या चैव दानेन प्राप्तं राज्यं सुदुर्लभम्

saṁmānitāḥ kakutsthena rātrau jāgarakāriṇaḥ svaśaktyā caiva dānena prāptaṁ rājyaṁ sudurlabham

Those who perform the night-vigil are honored even by kings of the Kakutstha lineage; by their own capacity and by giving, a most rare kingdom is attained.

Verse 46 (skanda.2.146.46)

ये केचिद्गायका विप्रा वादका नर्तकाश्च ये ।। नर्तकीसहिता यांति मम लोके सनातने

ye kecidgāyakā viprā vādakā nartakāśca ye nartakīsahitā yāṁti mama loke sanātane

Whatever singers, brahmins, musicians and dancers there be, together with their female dancers, go to my eternal world.

Verse 47 (skanda.2.146.47)

दुर्योनिषु गतैः सर्वैः कृत्वा जागरणं मम।। संप्राप्तं पृथिवीशत्वं कामुकैर्मुनिसत्तम

duryoniṣu gataiḥ sarvaiḥ kṛtvā jāgaraṇaṁ mama saṁprāptaṁ pṛthivīśatvaṁ kāmukairmunisattama

O best of sages, even those who had fallen into evil births attained, through my night-vigil, sovereignty over the earth, though given to worldly desire.

Verse 48 (skanda.2.146.48)

निष्कामा मुक्तिमापन्नाः श्वपचाद्याश्च जागरात्।। विवेको नास्ति वर्णानां मम जागरकारिणाम्।।

niṣkāmā muktimāpannāḥ śvapacādyāśca jāgarāt viveko nāsti varṇānāṁ mama jāgarakāriṇām

Those free of desire attain liberation through the vigil, even outcastes and the like; there is no distinction of caste among those who perform my night-vigil.

Verse 49 (skanda.2.146.49)

न कलौ पावनं ध्यानं न कलौ जाह्नवीजलम् ।। न कलौ पावनं जाप्यं मुक्त्वैकं जागरं मम

na kalau pāvanaṁ dhyānaṁ na kalau jāhnavījalam na kalau pāvanaṁ jāpyaṁ muktvaikaṁ jāgaraṁ mama

There is no purifying meditation in the Kali age, no purifying Ganga-water in the Kali age, no purifying recitation in the Kali age, except my one night-vigil alone.

Verse 50 (skanda.2.146.50)

द्वादशीदिवसे प्राप्ते ये कुर्वंति हि जागरम् ।। ते धन्यास्ते कृतार्था वै कलिकाले न संशयः

dvādaśīdivase prāpte ye kurvaṁti hi jāgaram te dhanyāste kṛtārthā vai kalikāle na saṁśayaḥ

Those who, when the day of Dvadashi arrives, perform the night-vigil are blessed and, without doubt, have their purpose fulfilled in the Kali age.

Verse 51 (skanda.2.146.51)

न भूयान्मानुषे लोके द्वादशीविमुखो नरः ।। अतीतानागतान्वाऽपि पातयेन्नरके हि सः

na bhūyānmānuṣe loke dvādaśīvimukho naraḥ atītānāgatānvā'pi pātayennarake hi saḥ

A man who turns away from the Dvadashi should not be born again in the human world; he casts even his ancestors, past and future, into hell.

Verse 52 (skanda.2.146.52)

वरमेको गुणैर्युक्तः किं जातैर्बहुभिः सुतैः ।। द्वादशीजागरात्सर्वांस्तारयेद्यो हि पूर्वजान्

varameko guṇairyuktaḥ kiṁ jātairbahubhiḥ sutaiḥ dvādaśījāgarātsarvāṁstārayedyo hi pūrvajān

Better a single son endowed with virtues than many sons — for by the Dvadashi vigil, he ferries across all his ancestors.

Verse 53 (skanda.2.146.53)

माहात्म्यं पठते भक्त्या मयोक्तं जागरोद्भवम् ।। द्वादशीसंभवः पुत्रः कुलानां तारयेच्छतम्

māhātmyaṁ paṭhate bhaktyā mayoktaṁ jāgarodbhavam dvādaśīsaṁbhavaḥ putraḥ kulānāṁ tārayecchatam

Whoever recites with devotion this glory declared by me, born of the vigil; and a son born on the Dvadashi ferries across a hundred generations of his family.

Verse 54 (skanda.2.146.54)

अगम्यागमने पापमभक्ष्यस्यापि भक्षणे ।। पापं विलयमायाति कृते जागरणे सुत

agamyāgamane pāpamabhakṣyasyāpi bhakṣaṇe pāpaṁ vilayamāyāti kṛte jāgaraṇe suta

The sin of going where one should not go, and even of eating what should not be eaten — such sin, my son, is dissolved when the night-vigil is performed.

Verse 55 (skanda.2.146.55)

अज्ञानाद्यत्कृतं पापं ज्ञात्वा यत्पातकं कृतम् ।। पूर्वजन्मार्जितं पापमिह जन्मनि यत्कृतम् ।।

ajñānādyatkṛtaṁ pāpaṁ jñātvā yatpātakaṁ kṛtam pūrvajanmārjitaṁ pāpamiha janmani yatkṛtam

Sin done unknowingly, sin done knowingly, sin accumulated in former births, and sin done in this present birth—

Verse 56 (skanda.2.146.56)

सिद्ध्यंति सर्वकार्याणि मनसा चिंतितान्यपि ।। द्वादश्यां वै चतुर्वक्त्र रात्रौ जागरणे कृते

siddhyaṁti sarvakāryāṇi manasā ciṁtitānyapi dvādaśyāṁ vai caturvaktra rātrau jāgaraṇe kṛte

—O four-faced one, all undertakings succeed, even those merely thought of in the mind, when the night-vigil is performed on the Dvadashi at night.

Verse 57 (skanda.2.146.57)

द्वादशीजागरेणैव मुक्तिं गच्छंति मानवाः

dvādaśījāgareṇaiva muktiṁ gacchaṁti mānavāḥ

By the Dvadashi vigil alone do men attain liberation.

Verse 58 (skanda.2.146.58)

न तत्पुण्यं कुरुक्षेत्रे प्रयागे वसतां कलौ ।। माहात्म्यं वसतां पुंसां यत्फलं द्वादशीषु च

na tatpuṇyaṁ kurukṣetre prayāge vasatāṁ kalau māhātmyaṁ vasatāṁ puṁsāṁ yatphalaṁ dvādaśīṣu ca

Whatever merit lies in dwelling at Kurukshetra or at Prayaga in the Kali age is not equal to the glory of those who observe the Dvadashi.

Verse 59 (skanda.2.146.59)

नाऽश्वमेधसहस्रैस्तु तीर्थकोट्यवगाहनात् ।। तत्फलं प्राप्यते पुत्र द्वादशीजागरे कृते

nā'śvamedhasahasraistu tīrthakoṭyavagāhanāt tatphalaṁ prāpyate putra dvādaśījāgare kṛte

O son, not even by a thousand Ashvamedha sacrifices, nor by bathing at a crore tirthas, is that fruit obtained which is obtained by the Dvadashi vigil.

Verse 60 (skanda.2.146.60)

पठेद्वा शृणुयाद्वाऽपि माहात्म्यं द्वादशीभवम् ।। सर्वपापविशुद्धात्मा स लभेच्छाश्वतीं गतिम्

paṭhedvā śṛṇuyādvā'pi māhātmyaṁ dvādaśībhavam sarvapāpaviśuddhātmā sa labhecchāśvatīṁ gatim

Whoever recites or even merely hears this glory arising from the Dvadashi, his soul purified of all sin, attains the eternal state.

Verse 61 (skanda.2.146.61)

सर्वे दुष्टाः समस्ताश्च सौम्यास्तस्य सदा ग्रहाः ।। संततेर्न वियोगस्तु द्वादशी यस्य कारणम्

sarve duṣṭāḥ samastāśca saumyāstasya sadā grahāḥ saṁtaterna viyogastu dvādaśī yasya kāraṇam

For him whose cause is the Dvadashi, all planets, even the malefic ones, become ever benign; there is never any separation from his offspring.

Verse 62 (skanda.2.146.62)

मम कीर्तिरुचिर्नित्यं न विपद्येत कर्हिचित् ।। रणे राजकुले चैव सर्वदा विजयी भवेत्

mama kīrtirucirnityaṁ na vipadyeta karhicit raṇe rājakule caiva sarvadā vijayī bhavet

My fame and radiance ever remain his, never perishing; in battle and in the royal court, he is always victorious.

Verse 63 (skanda.2.146.63)

धर्मोपरि मतिर्नित्यं भक्तिर्मयि सुनिर्मला ।। पातकं नैव लिप्येत द्वादशीभक्तितो नरम्

dharmopari matirnityaṁ bhaktirmayi sunirmalā pātakaṁ naiva lipyeta dvādaśībhaktito naram

His mind is ever fixed on dharma, his devotion to me utterly pure; sin never clings to a man through his devotion to the Dvadashi.

Verse 64 (skanda.2.146.64)

प्रेतत्वं नैव तस्याऽस्ति कृते जागरणे मम ।। एकादश्या विहीनस्य परलोकगतिर्नहि ।। तस्मात्सर्वप्रयत्नेन कलौ कार्यं हि तद्दिनम्

pretatvaṁ naiva tasyā'sti kṛte jāgaraṇe mama ekādaśyā vihīnasya paralokagatirnahi tasmātsarvaprayatnena kalau kāryaṁ hi taddinam

When my night-vigil is performed, he never suffers the state of a ghost; one devoid of Ekadashi has no path to the world beyond. Therefore, with every effort, that day should be observed in the Kali age.