The Glory of the Supremacy of the Bhagavata

Verse 1 (skanda.2.149.1)

।।श्रीभगवानुवाच।। ।। शृणु ध्यानं चतुर्वक्त्र वक्ष्यामि प्रीतमानसः ।। श्रुतेनैव च सौभाग्यं लभते मानवो भुवि

śrībhagavānuvāca śṛṇu dhyānaṁ caturvaktra vakṣyāmi prītamānasaḥ śrutenaiva ca saubhāgyaṁ labhate mānavo bhuvi

The Blessed Lord said: Listen, O four-faced one, to the meditation; I shall declare it with a pleased mind. By merely hearing it, a man obtains good fortune on this earth.

Verse 2 (skanda.2.149.2)

अथ श्रीमदुद्यानसंवीतहैमस्थलोद्भासिरत्नस्फुरन्मंडपांतः ।। लसत्कल्पवृक्षोदितोद्दीप्तरत्नस्थलाधिष्ठितांभोजपीठाऽधिरूढम्

atha śrīmadudyānasaṁvītahaimasthalodbhāsiratnasphuranmaṁḍapāṁtaḥ lasatkalpavṛkṣoditoddīptaratnasthalādhiṣṭhitāṁbhojapīṭhā'dhirūḍham

Then, seated upon a lotus-throne set within a gem-lit pavilion on a golden floor surrounded by a garden, upon a jewel-bright ground beneath rising wish-fulfilling trees—

Verse 3 (skanda.2.149.3)

महानीलनीलाभमत्यंतबालं गुडस्निग्धवक्त्रांतविस्रस्तकेशम् ।। अलिव्रातपर्याकुलोत्फुल्लपद्मप्रमुग्धाननं श्रीमदिंदीवराक्षम्

mahānīlanīlābhamatyaṁtabālaṁ guḍasnigdhavaktrāṁtavisrastakeśam alivrātaparyākulotphullapadmapramugdhānanaṁ śrīmadiṁdīvarākṣam

—dark as a great sapphire, exceedingly young, his hair loosened about a face glossy as jaggery, his enchanting face like a lotus surrounded by bees, lotus-eyed, radiant with beauty—

Verse 4 (skanda.2.149.4)

चलत्कुंडलोल्लासितोत्फुल्लगल्लं सुघोणं सुशोणाधरं सुस्मितास्यम् ।। अनेकोल्लसत्कंठभूषालसंतं वहंतं नखं पौंडरीकं सुनेत्रम्

calatkuṁḍalollāsitotphullagallaṁ sughoṇaṁ suśoṇādharaṁ susmitāsyam anekollasatkaṁṭhabhūṣālasaṁtaṁ vahaṁtaṁ nakhaṁ pauṁḍarīkaṁ sunetram

—his cheeks bright with swaying earrings, fine-nosed, red-lipped, gently smiling, wearing many gleaming ornaments at the throat, bearing nails white as the pundarika lotus, and fine-eyed—

Verse 5 (skanda.2.149.5)

समुद्धूसरोरःस्थलं धेनुधूल्या सुपुष्टांगमष्टापदाकल्पदीप्तम् ।। कटीरस्थले चारुजंघोरुयुग्मे पिनद्धं क्वणत्किंकिणीजालदाम्ना

samuddhūsaroraḥsthalaṁ dhenudhūlyā supuṣṭāṁgamaṣṭāpadākalpadīptam kaṭīrasthale cārujaṁghoruyugme pinaddhaṁ kvaṇatkiṁkiṇījāladāmnā

—his broad chest dusted with the dust raised by cows, his well-formed limbs radiant with an eightfold ornament, at his waist and on his lovely calves and thighs bound with a string of tinkling bells—

Verse 6 (skanda.2.149.6)

हसंतं लसद्बंधुजीवप्रसूनप्रभापाणिपादांबुजोदारकांत्या ।। करे दक्षिणे पायसं वामहस्ते दधानं नवं शुद्धहैयंगवीनम्

hasaṁtaṁ lasadbaṁdhujīvaprasūnaprabhāpāṇipādāṁbujodārakāṁtyā kare dakṣiṇe pāyasaṁ vāmahaste dadhānaṁ navaṁ śuddhahaiyaṁgavīnam

—smiling, his lotus-like hands and feet radiant with the splendor of the bandhujiva flower, holding in his right hand payasa, and in his left hand fresh, pure butter—

Verse 7 (skanda.2.149.7)

महीभारभूताऽमरारातियूथाऽनलं पूतनादीन्निहंतुं प्रवृत्तम् ।। प्रभुं गोपिकागोपवृंदेन वीतं सुरेन्द्रादिभिर्वंदितं देवदेवम्

mahībhārabhūtā'marārātiyūthā'nalaṁ pūtanādīnnihaṁtuṁ pravṛttam prabhuṁ gopikāgopavṛṁdena vītaṁ surendrādibhirvaṁditaṁ devadevam

—the Lord, come forth as a fire to consume the hordes of the gods' enemies who burden the earth, engaged in the slaying of Putana and the rest, surrounded by the cowherd women and cowherds, the God of gods worshipped by Indra and the other deities—

Verse 8 (skanda.2.149.8)

प्रगे पूजयित्वा त्वनुस्मृत्य कृष्णं भुजंगेंद्रवज्रादिभिर्भक्तिनम्रः ।। सितांभोजहैयंगवीनैश्च दध्ना विमिश्रेण दुग्धेन संप्रीणयेत्तम्

prage pūjayitvā tvanusmṛtya kṛṣṇaṁ bhujaṁgeṁdravajrādibhirbhaktinamraḥ sitāṁbhojahaiyaṁgavīnaiśca dadhnā vimiśreṇa dugdhena saṁprīṇayettam

—having worshipped in the morning, bowed with devotion, remembering Krishna together with the mantras of Bhujangendra, Vajra and the rest, one should please him with white lotus-colored fresh butter mixed with curd and milk.

Verse 9 (skanda.2.149.9)

इति प्रातरेवाऽर्चयेदत्युतं यो नरः प्रत्यहं शश्वदास्तिक्ययुक्तः ।। लभेत्सोऽचिरेणैव लक्ष्मीं समग्रामिह प्रेत्य शुद्धं परं धाम भूयात्

iti prātarevā'rcayedatyutaṁ yo naraḥ pratyahaṁ śaśvadāstikyayuktaḥ labhetso'cireṇaiva lakṣmīṁ samagrāmiha pretya śuddhaṁ paraṁ dhāma bhūyāt

Thus whoever worships Achyuta every morning in this way, ever filled with faith, swiftly obtains complete prosperity here, and after death attains the pure, supreme abode.

Verse 10 (skanda.2.149.10)

मन्त्रश्चोक्तः पुरा पुत्र आदौ लोकमनोहरः ।। श्रीमद्दामोदराख्यो हि शृणु तस्याधिकारिणः

mantraścoktaḥ purā putra ādau lokamanoharaḥ śrīmaddāmodarākhyo hi śṛṇu tasyādhikāriṇaḥ

My son, the world-enchanting mantra called 'Shrimad-Damodara' was declared before, at the very outset; now hear who is fit to receive it.

Verse 11 (skanda.2.149.11)

अयोग्याय न दातव्यो मंत्रराजस्त्वया सुत ।। यत्नेन गोपनीयं च रहस्यं शीघ्रसिद्धिदम्

ayogyāya na dātavyo maṁtrarājastvayā suta yatnena gopanīyaṁ ca rahasyaṁ śīghrasiddhidam

This king of mantras should not be given to one unworthy, my son; it should be carefully guarded — a secret that grants swift accomplishment.

Verse 12 (skanda.2.149.12)

अलसं मलिनं क्लिष्टं दंभमोहसमन्वितम् ।। दरिद्रं रोगिणं क्रुद्धं रागिणं भोगलालसम्

alasaṁ malinaṁ kliṣṭaṁ daṁbhamohasamanvitam daridraṁ rogiṇaṁ kruddhaṁ rāgiṇaṁ bhogalālasam

The lazy, the impure, the afflicted, one full of hypocrisy and delusion, the destitute, the diseased, the wrathful, the passionate, and one eager for pleasures—

Verse 13 (skanda.2.149.13)

असूयामत्सरग्रस्तं शठं परुषवादिनम् ।। अन्यायेनाऽर्जितधनं परदाररतं सदा

asūyāmatsaragrastaṁ śaṭhaṁ paruṣavādinam anyāyenā'rjitadhanaṁ paradārarataṁ sadā

—one consumed by envy and malice, the deceitful, the harsh-spoken, one whose wealth is unjustly earned, ever devoted to another's wife—

Verse 14 (skanda.2.149.14)

विदुषां वैरिणं नित्यमज्ञं पंडितमानिनम् ।। भ्रष्टव्रतं क्लिष्टवृत्तिं पिशुनं दुष्टमानसम्

viduṣāṁ vairiṇaṁ nityamajñaṁ paṁḍitamāninam bhraṣṭavrataṁ kliṣṭavṛttiṁ piśunaṁ duṣṭamānasam

—an enemy of the learned, ever ignorant yet conceited of his own scholarship, one fallen from his vows, of corrupt livelihood, a backbiter, of wicked mind—

Verse 15 (skanda.2.149.15)

बह्वाशिनं क्रूरचेष्टमग्रगण्यं दुरात्मनाम् ।। कृपणं पापिनं रौद्रमाश्रितानां भयंकरम्

bahvāśinaṁ krūraceṣṭamagragaṇyaṁ durātmanām kṛpaṇaṁ pāpinaṁ raudramāśritānāṁ bhayaṁkaram

—a glutton, of cruel conduct, foremost among the wicked-souled, miserly, sinful, fierce, and terrifying to those who take refuge with him—

Verse 16 (skanda.2.149.16)

एवमादिगुणैर्युक्तं शिष्यं नैव परिग्रहेत् ।। गृह्णीयाद्यदि तद्दोषः प्रायो गुरुमुपस्पृशेत्

evamādiguṇairyuktaṁ śiṣyaṁ naiva parigrahet gṛhṇīyādyadi taddoṣaḥ prāyo gurumupaspṛśet

—a disciple endowed with such faults should never be accepted; if one does accept him, that fault generally touches the guru himself.

Verse 17 (skanda.2.149.17)

अमात्यदोषो राजानं जायादोषः पतिं यथा ।। तथा शिष्यकृतो दोषो गुरुं प्राप्नोत्यसंशयम्

amātyadoṣo rājānaṁ jāyādoṣaḥ patiṁ yathā tathā śiṣyakṛto doṣo guruṁ prāpnotyasaṁśayam

As the fault of a minister touches the king, and the fault of a wife touches the husband, so does the fault caused by a disciple reach the guru, without doubt.

Verse 18 (skanda.2.149.18)

तस्माच्छिष्यं गुरुर्नित्यं परीक्ष्यैव परिग्रहेत् ।। कायेन मनसा वाचा गुरुशुश्रूषणे रतम्

tasmācchiṣyaṁ gururnityaṁ parīkṣyaiva parigrahet kāyena manasā vācā guruśuśrūṣaṇe ratam

Therefore a guru should always examine a disciple carefully before accepting him — one devoted to serving the guru in body, mind, and speech;

Verse 19 (skanda.2.149.19)

अस्तेयवृत्तिमास्तिक्ययुक्तं मोक्षकृतोद्यमम् ।। ब्रह्मचर्यरतं नित्यं दृढव्रतमकल्मषम्

asteyavṛttimāstikyayuktaṁ mokṣakṛtodyamam brahmacaryarataṁ nityaṁ dṛḍhavratamakalmaṣam

—one of non-stealing conduct, endowed with faith, striving toward liberation, ever devoted to celibacy, of firm vows, and unblemished;

Verse 20 (skanda.2.149.20)

प्रसन्नहृदयं शुद्धमशठं विमलाशयम् ।। परोपकारनिरतं स्वार्थे च विगतस्पृहम्

prasannahṛdayaṁ śuddhamaśaṭhaṁ vimalāśayam paropakāranirataṁ svārthe ca vigataspṛham

—of a gracious heart, pure, without deceit, of a clear disposition, devoted to helping others, and free of self-interest;

Verse 21 (skanda.2.149.21)

स्वचित्तवित्तदेहैस्तु परितोषकरं गुरोः ।। आश्रितानां तथा पुत्र परितोषकरं शुचिम्

svacittavittadehaistu paritoṣakaraṁ guroḥ āśritānāṁ tathā putra paritoṣakaraṁ śucim

—one who, with his own mind, wealth, and body, brings satisfaction to the guru, and likewise, my son, brings satisfaction to those under his care, and is pure.

Verse 22 (skanda.2.149.22)

ईदृग्विधाय शिष्याय मंत्रं दद्याच्च नान्यथा ।। यद्यन्यथा वदेत्तस्मिन्देवताशाप आपतेत्

īdṛgvidhāya śiṣyāya maṁtraṁ dadyācca nānyathā yadyanyathā vadettasmindevatāśāpa āpatet

—only to a disciple of this kind should the mantra be given, and not otherwise; if one gives it otherwise, a divine curse falls upon him.

Verse 23 (skanda.2.149.23)

शृणु पुत्र प्रवक्ष्यामि गुरोरपि च लक्षणम् ।। एभिस्तु लक्षणैर्युक्तो गुरुरेव भवेन्नृणाम्

śṛṇu putra pravakṣyāmi gurorapi ca lakṣaṇam ebhistu lakṣaṇairyukto gurureva bhavennṛṇām

Listen, son, I shall now declare the characteristics of the guru too; only one endowed with these characteristics can truly become the guru of men—

Verse 24 (skanda.2.149.24)

समचेताः प्रशांतात्मा विमन्युश्च सुहृन्नृणाम् ।। साधुर्महान्समो लोके स गुरुः परिकीर्तितः

samacetāḥ praśāṁtātmā vimanyuśca suhṛnnṛṇām sādhurmahānsamo loke sa guruḥ parikīrtitaḥ

—even-minded, of tranquil soul, free of anger, a well-wisher to all people, virtuous, great, and equanimous in the world — such a one is proclaimed a true guru.

Verse 25 (skanda.2.149.25)

मम व्रतधरो नित्यं वैष्णवानां सुसंमतः ।। मदाश्रयकथासक्तो ममोत्सवरतः सदा

mama vratadharo nityaṁ vaiṣṇavānāṁ susaṁmataḥ madāśrayakathāsakto mamotsavarataḥ sadā

Ever holding to my vows, well regarded among Vaishnavas, devoted to stories about me, ever fond of my festivals—

Verse 26 (skanda.2.149.26)

कृपासिन्धुः सुपूर्णार्थः सर्वसत्त्वोपकारकः ।। निःस्पृहः सर्वतः सिद्धः सर्वविद्याविशारदः

kṛpāsindhuḥ supūrṇārthaḥ sarvasattvopakārakaḥ niḥspṛhaḥ sarvataḥ siddhaḥ sarvavidyāviśāradaḥ

—an ocean of compassion, fully accomplished in purpose, a benefactor of all beings, free of craving in every way, accomplished, and expert in every branch of learning—

Verse 27 (skanda.2.149.27)

सर्वसंशयसंछेत्ताऽनलसो गुरुरादृतः ।। ब्राह्मणः सर्वकालज्ञः कुर्यात्सर्वेष्वनुग्रहम्

sarvasaṁśayasaṁchettā'nalaso gururādṛtaḥ brāhmaṇaḥ sarvakālajñaḥ kuryātsarveṣvanugraham

—a resolver of all doubts, never lazy, a respected teacher, a brahmin who knows the right time for everything — such a guru shows grace to all.

Verse 28 (skanda.2.149.28)

पूर्वोक्तलक्षणैर्युक्तः शिष्य ईदृग्विधाद्गुरोः ।। गृह्णीयात्पुत्र तन्मंत्रं मार्गशीर्षे मदायने

pūrvoktalakṣaṇairyuktaḥ śiṣya īdṛgvidhādguroḥ gṛhṇīyātputra tanmaṁtraṁ mārgaśīrṣe madāyane

O son, a disciple endowed with the aforementioned qualities should receive that mantra from a guru of this kind, in Margashirsha, my own dear season.

Verse 29 (skanda.2.149.29)

वैष्णवानां व्रतानां च कुर्यात्स्वीकरणं बुधः ।। मत्प्रियं शृणुयाच्छश्वच्छ्रीमद्भागवतं परम्

vaiṣṇavānāṁ vratānāṁ ca kuryātsvīkaraṇaṁ budhaḥ matpriyaṁ śṛṇuyācchaśvacchrīmadbhāgavataṁ param

The wise one should undertake the vows of the Vaishnavas, and should constantly listen to the Shrimad Bhagavatam, most dear to me.

Verse 30 (skanda.2.149.30)

श्रीमद्भागवतंनाम पुराणं लोकविश्रुतम् ।। शृणुयाच्छ्रद्धया युक्तो मम सन्तोषकारणम्

śrīmadbhāgavataṁnāma purāṇaṁ lokaviśrutam śṛṇuyācchraddhayā yukto mama santoṣakāraṇam

One should, filled with faith, listen to the world-renowned Purana called Shrimad Bhagavatam — the cause of my contentment.

Verse 31 (skanda.2.149.31)

नित्यं भागवतं यस्तु पुराणं पठते नरः ।। प्रत्यक्षरं भवेत्तस्य कपिलादानजं फलम्

nityaṁ bhāgavataṁ yastu purāṇaṁ paṭhate naraḥ pratyakṣaraṁ bhavettasya kapilādānajaṁ phalam

Whoever daily recites the Bhagavata Purana obtains, for every single syllable, the fruit of the gift of a kapila cow.

Verse 32 (skanda.2.149.32)

श्लोकार्धं श्लोकपादं वा नित्यं भागवतोद्भवम् ।। पठते शृणुयाद्यस्तु गोसहस्रफलं लभेत्

ślokārdhaṁ ślokapādaṁ vā nityaṁ bhāgavatodbhavam paṭhate śṛṇuyādyastu gosahasraphalaṁ labhet

Whoever daily recites or hears even half a verse, or a single quarter-verse, arising from the Bhagavata, obtains the fruit of a thousand cows.

Verse 33 (skanda.2.149.33)

यः पठेत्प्रयतो नित्यं श्लोकं भागवतं सुत ।। अष्टादशपुराणानां फलमाप्नोति मानवः

yaḥ paṭhetprayato nityaṁ ślokaṁ bhāgavataṁ suta aṣṭādaśapurāṇānāṁ phalamāpnoti mānavaḥ

O son, whoever, controlled, daily recites one verse of the Bhagavata, obtains the fruit of the eighteen Puranas.

Verse 34 (skanda.2.149.34)

नित्यं मम कथा यत्र तत्र तिष्ठन्ति वैष्णवाः ।। कलिबाह्या नरास्ते वै येऽर्चयन्ति सदा मम

nityaṁ mama kathā yatra tatra tiṣṭhanti vaiṣṇavāḥ kalibāhyā narāste vai ye'rcayanti sadā mama

Wherever my stories are constantly told, there the Vaishnavas abide; those men who worship me always are beyond the reach of Kali.

Verse 35 (skanda.2.149.35)

वैष्णवानां तु शास्त्राणि येऽर्चयन्ति गृहे नराः ।। सर्वपापविनिर्मुक्ता भवंति सुरवन्दिताः

vaiṣṇavānāṁ tu śāstrāṇi ye'rcayanti gṛhe narāḥ sarvapāpavinirmuktā bhavaṁti suravanditāḥ

Those men who worship the scriptures of the Vaishnavas in their homes become freed of all sin, and are honored by the gods.

Verse 36 (skanda.2.149.36)

येऽर्चयन्ति गृहे नित्यं शास्त्रं भागवतं कलौ ।। आस्फोटयंति वल्गन्ति तेषां प्रीतो भवाम्यहम्

ye'rcayanti gṛhe nityaṁ śāstraṁ bhāgavataṁ kalau āsphoṭayaṁti valganti teṣāṁ prīto bhavāmyaham

Those who daily worship the Bhagavata scripture at home in the Kali age leap and dance for joy; I become pleased with them.

Verse 37 (skanda.2.149.37)

यावद्दिनानि हे पुत्र शास्त्रं भागवतं गृहे ।। तावत्पिबंति पितरः क्षीरं सर्पिर्मधूदकम्

yāvaddināni he putra śāstraṁ bhāgavataṁ gṛhe tāvatpibaṁti pitaraḥ kṣīraṁ sarpirmadhūdakam

O son, for as many days as the Bhagavata scripture remains in the home, for that long the ancestors drink milk, ghee, and honeyed water.

Verse 38 (skanda.2.149.38)

यच्छंति वैष्णवे भक्त्या शास्त्रं भागवतं हि ये ।। कल्पकोटिसहस्राणि मम लोके वसंति ते

yacchaṁti vaiṣṇave bhaktyā śāstraṁ bhāgavataṁ hi ye kalpakoṭisahasrāṇi mama loke vasaṁti te

Whoever gives the Bhagavata scripture with devotion to a Vaishnava dwells in my world for a thousand crore kalpas.

Verse 39 (skanda.2.149.39)

येऽर्चयन्ति सदा गेहे शास्त्रं भागवतं नराः ।। प्रीणितास्तैश्च विबुधा यावदाऽऽभूतसंप्लवम्

ye'rcayanti sadā gehe śāstraṁ bhāgavataṁ narāḥ prīṇitāstaiśca vibudhā yāvadā''bhūtasaṁplavam

Those men who always worship the Bhagavata scripture at home keep the gods pleased with them until the dissolution of all beings.

Verse 40 (skanda.2.149.40)

श्लोकार्धं श्लोकपादं वा वरं भागवतं गृहे ।। शतशोऽथ सहस्रैश्च किमन्यैः शास्त्रसंग्रहैः

ślokārdhaṁ ślokapādaṁ vā varaṁ bhāgavataṁ gṛhe śataśo'tha sahasraiśca kimanyaiḥ śāstrasaṁgrahaiḥ

Better half a verse, or even a single quarter-verse, of the Bhagavata at home, than hundreds and thousands of other collections of scripture — what use are the others?

Verse 41 (skanda.2.149.41)

न यस्य तिष्ठते शास्त्रं गृहे भागवतं कलौ ।। न तस्य पुनरावृत्तिर्याम्यपाशात्कदाचन

na yasya tiṣṭhate śāstraṁ gṛhe bhāgavataṁ kalau na tasya punarāvṛttiryāmyapāśātkadācana

He in whose house the Bhagavata scripture does not remain, in the Kali age, has no release ever from the noose of Yama.

Verse 42 (skanda.2.149.42)

कथं स वैष्णवो ज्ञेयः शास्त्रं भागवतं कलौ ।। गृहे न तिष्ठते यस्य श्वपचादधिको हि सः

kathaṁ sa vaiṣṇavo jñeyaḥ śāstraṁ bhāgavataṁ kalau gṛhe na tiṣṭhate yasya śvapacādadhiko hi saḥ

How is he to be known as a Vaishnava, in whose house the Bhagavata scripture does not remain, in the Kali age? He is indeed lower than an outcaste.

Verse 43 (skanda.2.149.43)

सर्वस्वेनाऽपि लोकेश कर्तव्यः शास्त्रसंग्रहः ।। वैष्णवस्तु सदा भक्त्या तुष्ट्यर्थं मम पुत्रक

sarvasvenā'pi lokeśa kartavyaḥ śāstrasaṁgrahaḥ vaiṣṇavastu sadā bhaktyā tuṣṭyarthaṁ mama putraka

O Lord of the worlds, even at the cost of everything, a Vaishnava should always assemble a collection of scriptures with devotion, for my satisfaction, my son.

Verse 44 (skanda.2.149.44)

यत्र यत्र भवेत्पुण्यं शास्त्रं भागवतं कलौ ।। तत्र तत्र सदैवाऽहं भवामि त्रिदशैः सह

yatra yatra bhavetpuṇyaṁ śāstraṁ bhāgavataṁ kalau tatra tatra sadaivā'haṁ bhavāmi tridaśaiḥ saha

Wherever the meritorious Bhagavata scripture is found, in the Kali age, there I am ever present, together with the gods.

Verse 45 (skanda.2.149.45)

तत्र सर्वाणि तीर्थानि नदीनदसरांसि च ।। यज्ञाः सप्तपुरी नित्यं पुण्याः सर्वे शिलोच्चयाः

tatra sarvāṇi tīrthāni nadīnadasarāṁsi ca yajñāḥ saptapurī nityaṁ puṇyāḥ sarve śiloccayāḥ

There all tirthas, rivers, streams and lakes, sacrifices, the seven sacred cities, and all holy mountains are ever present.

Verse 46 (skanda.2.149.46)

श्रोतव्यं मम शास्त्रं हि यशोधर्मजयार्थिना ।। पापक्षयार्थं लोकेश मोक्षार्थं धर्मबुद्धिना

śrotavyaṁ mama śāstraṁ hi yaśodharmajayārthinā pāpakṣayārthaṁ lokeśa mokṣārthaṁ dharmabuddhinā

O Lord of the worlds, my scripture should be heard by one desiring fame, dharma, and victory, for the destruction of sin, for liberation, by one of righteous mind.

Verse 47 (skanda.2.149.47)

श्रीमद्भागवतं पुण्यमायुरारोग्यपुष्टिदम् ।। पठनाच्छ्रवणाद्वाऽपि सर्वपापैः प्रमुच्यते

śrīmadbhāgavataṁ puṇyamāyurārogyapuṣṭidam paṭhanācchravaṇādvā'pi sarvapāpaiḥ pramucyate

The Shrimad Bhagavatam is meritorious, granting long life, health, and nourishment; by reading it, or even by hearing it, one is freed from all sin.

Verse 48 (skanda.2.149.48)

न शृण्वंति न हृष्यंति श्रीमद्भागवतं परम् ।। सत्यंसत्यं हि लोकेश तेषां स्वामी सदा यमः

na śṛṇvaṁti na hṛṣyaṁti śrīmadbhāgavataṁ param satyaṁsatyaṁ hi lokeśa teṣāṁ svāmī sadā yamaḥ

O Lord of the worlds, those who neither hear nor rejoice in the supreme Shrimad Bhagavatam — truly, truly, their master is ever Yama.

Verse 49 (skanda.2.149.49)

न गच्छति यदा मर्त्यः श्रोतुं भागवतं सुत ।। एकादश्यां विशेषेण नाऽस्ति पापरतस्ततः

na gacchati yadā martyaḥ śrotuṁ bhāgavataṁ suta ekādaśyāṁ viśeṣeṇa nā'sti pāparatastataḥ

O son, when a mortal does not go to hear the Bhagavata, especially on Ekadashi, there is none more devoted to sin than he.

Verse 50 (skanda.2.149.50)

श्लोकं भागवतं चाऽपि श्लोकार्धं पादमेव वा ।। लिखितं तिष्ठते यस्य गृहे तस्य वसाम्यहम्

ślokaṁ bhāgavataṁ cā'pi ślokārdhaṁ pādameva vā likhitaṁ tiṣṭhate yasya gṛhe tasya vasāmyaham

He in whose house a verse of the Bhagavata, or half a verse, or even a quarter, remains written — in his house I dwell.

Verse 51 (skanda.2.149.51)

सर्वाऽऽश्रमाऽभिगमनं सर्वतीर्थाऽवगाहनम् ।। न तथा पावनं नॄणां श्रीमद्भागवतं यथा

sarvā''śramā'bhigamanaṁ sarvatīrthā'vagāhanam na tathā pāvanaṁ nṝṇāṁ śrīmadbhāgavataṁ yathā

Neither visiting all the ashramas, nor bathing at all the tirthas, purifies men as much as the Shrimad Bhagavatam does.

Verse 52 (skanda.2.149.52)

यत्र यत्र चतुर्वक्त्र श्रीमद्भागवतं भवेत् ।। गच्छामि तत्रतत्राऽहं गौर्यथा सुतवत्सला

yatra yatra caturvaktra śrīmadbhāgavataṁ bhavet gacchāmi tatratatrā'haṁ gauryathā sutavatsalā

O four-faced one, wherever the Shrimad Bhagavatam is found, there I go, like a cow devoted to her calf.

Verse 53 (skanda.2.149.53)

मत्कथावाचकं नित्यं मत्कथाश्रवणे रतम् ।। मत्कथाप्रीतमनसं नाऽहं त्यक्ष्यामि तं नरम्

matkathāvācakaṁ nityaṁ matkathāśravaṇe ratam matkathāprītamanasaṁ nā'haṁ tyakṣyāmi taṁ naram

That man who constantly recites my stories, is devoted to hearing my stories, and whose mind delights in my stories — I never abandon him.

Verse 54 (skanda.2.149.54)

श्रीमद्भागवतं पुण्यं दृष्ट्वा नोत्तिष्ठते हि यः ।। सांवत्सरं तस्य पुण्यं विलयं याति पुत्रक

śrīmadbhāgavataṁ puṇyaṁ dṛṣṭvā nottiṣṭhate hi yaḥ sāṁvatsaraṁ tasya puṇyaṁ vilayaṁ yāti putraka

O son, whoever, seeing the meritorious Shrimad Bhagavatam, does not rise up — his merit for the whole year is destroyed.

Verse 55 (skanda.2.149.55)

श्रीमद्भागवतं दृष्ट्वा प्रत्युत्थानाभिवादनैः ।। सन्मानयेत तं दृष्ट्वा भवेत्प्रीतिर्ममाऽतुला

śrīmadbhāgavataṁ dṛṣṭvā pratyutthānābhivādanaiḥ sanmānayeta taṁ dṛṣṭvā bhavetprītirmamā'tulā

Seeing the Shrimad Bhagavatam, one should honor it by rising and bowing; seeing this, my affection becomes incomparable.

Verse 56 (skanda.2.149.56)

दृष्ट्वा भागवतं दूरात्प्रक्रमेत्संमुखं हि यः ।। पदेपदेऽश्वमेधस्य फलं प्राप्नोत्यसंशयम्

dṛṣṭvā bhāgavataṁ dūrātprakrametsaṁmukhaṁ hi yaḥ padepade'śvamedhasya phalaṁ prāpnotyasaṁśayam

Whoever, seeing the Bhagavata from afar, advances to meet it face to face, obtains, at every single step, without doubt, the fruit of an Ashvamedha.

Verse 57 (skanda.2.149.57)

उत्थाय प्रणमेद्यो वै श्रीमद्भागवतं नरः ।। धनं पुत्रांस्तथा दारान्भक्तिं च प्रददाम्यहम्

utthāya praṇamedyo vai śrīmadbhāgavataṁ naraḥ dhanaṁ putrāṁstathā dārānbhaktiṁ ca pradadāmyaham

Whoever, rising, bows to the Shrimad Bhagavatam — to him I grant wealth, sons, wife, and devotion too.

Verse 58 (skanda.2.149.58)

महाराजोपचारैस्तु श्रीमद्भागवतं सुत ।। शृण्वंति ये नरा भक्त्या तेषां वश्यो भवाम्यहम्

mahārājopacāraistu śrīmadbhāgavataṁ suta śṛṇvaṁti ye narā bhaktyā teṣāṁ vaśyo bhavāmyaham

O son, those men who, with great royal honors, listen with devotion to the Shrimad Bhagavatam — I become subject to their will.

Verse 59 (skanda.2.149.59)

ममोत्सवेषु सर्वेपु श्रीमद्भागवतं परम् ।। शृण्वंति ये नरा भक्त्या मम प्रीत्यै च सुव्रत

mamotsaveṣu sarvepu śrīmadbhāgavataṁ param śṛṇvaṁti ye narā bhaktyā mama prītyai ca suvrata

O well-vowed one, those men who, at all my festivals, listen with devotion to the supreme Shrimad Bhagavatam, for my pleasure—

Verse 60 (skanda.2.149.60)

वस्त्रालंकरणैः पुष्पैर्धूपदीपोपहारकैः ।। वशीकृतो ह्यहं तैश्च सत्स्त्रिया सत्पतिर्यथा

vastrālaṁkaraṇaiḥ puṣpairdhūpadīpopahārakaiḥ vaśīkṛto hyahaṁ taiśca satstriyā satpatiryathā

—with garments, ornaments, flowers, incense, lamps and other offerings, I too am brought under their sway, as a good husband is by a virtuous wife.