Gifts of Bedding, Betel, and Cooling Draughts

Verse 1 (skanda.2.157.1)

नारद उवाच । यो मर्त्यो द्विजवर्याय पर्यंकं तु ददाति हि । यत्र स्वस्थः सुखं शेते शीतानिलनिषेवितः

nārada uvāca yo martyo dvijavaryāya paryaṁkaṁ tu dadāti hi yatra svasthaḥ sukhaṁ śete śītānilaniṣevitaḥ

Narada said: Whatever mortal gives an excellent Brahmin a couch upon which he lies at ease and in comfort, cooled by gentle breezes,

Verse 2 (skanda.2.157.2)

धर्मसाधनभूते हि देहे नैरुज्यमाप्नुते । तं दत्त्वा सकलं तापं निरस्य गतकल्मषः

dharmasādhanabhūte hi dehe nairujyamāpnute taṁ dattvā sakalaṁ tāpaṁ nirasya gatakalmaṣaḥ

—that Brahmin's body, the very instrument of dharma, attains freedom from disease. The giver, having thus cast off all torment and become free of sin,

Verse 3 (skanda.2.157.3)

अखण्डपदवीं याति योगिनामपि दुर्लभाम् । वैशाखे घर्मतप्तानां श्रान्तानां तु द्विजन्मनाम्

akhaṇḍapadavīṁ yāti yogināmapi durlabhām vaiśākhe gharmataptānāṁ śrāntānāṁ tu dvijanmanām

—attains the unbroken state, hard to reach even for yogis. For twice-borns scorched and wearied by the heat in Vaishakha,

Verse 4 (skanda.2.157.4)

दत्त्वा श्रमापहं दिव्यं पर्यंकं मनुजेश्वर । न जातु सीदते लोके जन्ममृत्युजरादिभिः

dattvā śramāpahaṁ divyaṁ paryaṁkaṁ manujeśvara na jātu sīdate loke janmamṛtyujarādibhiḥ

—O lord of men, having given a divine, fatigue-relieving couch, one never suffers in this world from birth, death, old age, and the like.

Verse 5 (skanda.2.157.5)

गृहीत्वा ब्राह्मणो यत्र शेते चाजीवमास्थितः । आसीने सकलं पापं ज्ञानतोऽज्ञानतः कृतम्

gṛhītvā brāhmaṇo yatra śete cājīvamāsthitaḥ āsīne sakalaṁ pāpaṁ jñānato'jñānataḥ kṛtam

Wherever a Brahmin, having received it, lies down and settles for the rest of his life — while he remains there, all sin committed, knowingly or unknowingly,

Verse 6 (skanda.2.157.6)

विलयं याति राजेंद्र कर्पूर इव चाग्निना । शयने ब्रह्मनिर्वाणं स नरो याति निश्चितम्

vilayaṁ yāti rājeṁdra karpūra iva cāgninā śayane brahmanirvāṇaṁ sa naro yāti niścitam

—O king of kings, dissolves away like camphor in fire. That man certainly attains brahma-nirvana upon that very bed.

Verse 7 (skanda.2.157.7)

यो दद्यात्कशिपुं मासे वैशाखे स्नानवल्लभे । सर्वभोगसमायुक्तस्तस्मिन्नेव हि जन्मनि

yo dadyātkaśipuṁ māse vaiśākhe snānavallabhe sarvabhogasamāyuktastasminneva hi janmani

Whoever gives a cushion or mattress in the month of Vaishakha, dear for its bathing — endowed with every enjoyment in that very birth,

Verse 8 (skanda.2.157.8)

सान्वयो वर्तते नूनं रोगादिभिरनाहतः । आयुष्यं परमारोग्यं यशो धैर्यं च विंदति

sānvayo vartate nūnaṁ rogādibhiranāhataḥ āyuṣyaṁ paramārogyaṁ yaśo dhairyaṁ ca viṁdati

—continues on, untouched by disease and its like, together with his family. He obtains long life, supreme health, fame, and fortitude.

Verse 9 (skanda.2.157.9)

नाधार्मिकः कुले तस्य जायते शतपौरुषम् । भुक्त्वा तु सकलान्भोगांस्ततः पञ्चत्वमेष्यति

nādhārmikaḥ kule tasya jāyate śatapauruṣam bhuktvā tu sakalānbhogāṁstataḥ pañcatvameṣyati

In his family, for a hundred generations, no unrighteous person is born. Having enjoyed all pleasures, he then attains death,

Verse 10 (skanda.2.157.10)

निर्धूताखिलपापस्तु ब्रह्मनिर्वाणमृच्छति । श्रोत्रियाय द्विजेंद्राय यो दद्यादुपबर्हणम्

nirdhūtākhilapāpastu brahmanirvāṇamṛcchati śrotriyāya dvijeṁdrāya yo dadyādupabarhaṇam

—and, having shaken off all sin, attains brahma-nirvana. Whoever gives a pillow to a Vedic scholar, a lord among the twice-born,

Verse 11 (skanda.2.157.11)

सुखं निद्रा विना येन न नृणां जायते क्वचित् । सर्वेषामाश्रयो भूत्वा भुवि साम्राज्यमश्नुते

sukhaṁ nidrā vinā yena na nṛṇāṁ jāyate kvacit sarveṣāmāśrayo bhūtvā bhuvi sāmrājyamaśnute

—without which people never obtain comfortable sleep — becomes a refuge for all and enjoys sovereignty upon this earth.

Verse 12 (skanda.2.157.12)

पुनः सुखी पुनर्भोगी पुनर्धर्मपरायणः । आसप्तजन्म राजेंद्र जायते सर्वतो जयी

punaḥ sukhī punarbhogī punardharmaparāyaṇaḥ āsaptajanma rājeṁdra jāyate sarvato jayī

O king of kings, again happy, again prosperous, again devoted to dharma, he is born victorious in every way for seven births.

Verse 13 (skanda.2.157.13)

पश्चात्सप्तकुलैर्युक्तो ब्रह्मभूयाय कल्पते । तार्णं कटं तु यो दद्यात्कटमन्यदथापि वा

paścātsaptakulairyukto brahmabhūyāya kalpate tārṇaṁ kaṭaṁ tu yo dadyātkaṭamanyadathāpi vā

Afterward, together with seven generations of his family, he becomes fit for the state of Brahman. Whoever gives a mat of grass, or any other kind of mat,

Verse 14 (skanda.2.157.14)

तत्र शेते स्वयं विष्णुर्यत्रस्थः परमेश्वरः । यथा जलगता चोर्णा न जलैर्भिद्यते क्वचित्

tatra śete svayaṁ viṣṇuryatrasthaḥ parameśvaraḥ yathā jalagatā corṇā na jalairbhidyate kvacit

—there Vishnu himself, the Supreme Lord, lies, wherever he is. Just as a tuft of wool in water is never soaked through by that water,

Verse 15 (skanda.2.157.15)

तथा संसारगो जन्तुः संसारे न च बध्यते । आसने शयने सक्तः कटदः सर्वतः सुखी

tathā saṁsārago jantuḥ saṁsāre na ca badhyate āsane śayane saktaḥ kaṭadaḥ sarvataḥ sukhī

—so a creature moving through samsara is not bound by it. One devoted to giving seats and mats is happy in every way.

Verse 16 (skanda.2.157.16)

प्रश्रये शयनार्थाय यो दद्यात्कटकंबलम् । तावन्मात्रेण मुक्तः स्यान्नात्र कार्या विचारणा

praśraye śayanārthāya yo dadyātkaṭakaṁbalam tāvanmātreṇa muktaḥ syānnātra kāryā vicāraṇā

Whoever, out of hospitality, gives a mat and blanket for another's rest, becomes liberated by that much alone; there is no need to deliberate on this.

Verse 17 (skanda.2.157.17)

निद्रया हीयते दुःखं निद्रया हीयते श्रमः । सा निद्रा कटसंस्थस्य सुखं संजायते धुवम्

nidrayā hīyate duḥkhaṁ nidrayā hīyate śramaḥ sā nidrā kaṭasaṁsthasya sukhaṁ saṁjāyate dhuvam

By sleep, suffering diminishes; by sleep, fatigue diminishes. That very sleep of one resting on a mat surely becomes a source of happiness for its giver.

Verse 18 (skanda.2.157.18)

यो दयात्कंबलं राजन्वैशाखे माधवाऽऽगमे । अपमृत्योः कालमृत्योर्मुक्तो जीवति वै शतम्

yo dayātkaṁbalaṁ rājanvaiśākhe mādhavā''game apamṛtyoḥ kālamṛtyormukto jīvati vai śatam

O king, whoever gives a blanket in Vaishakha at the coming of Madhava, freed from untimely death and from death by time, truly lives a hundred years.

Verse 19 (skanda.2.157.19)

दद्याद्वस्त्रं सूक्ष्मतरं द्विजेंद्रे घर्मकर्शिते । पूर्णमायुः समाप्नोति परत्र च परां गतिम्

dadyādvastraṁ sūkṣmataraṁ dvijeṁdre gharmakarśite pūrṇamāyuḥ samāpnoti paratra ca parāṁ gatim

One should give very fine cloth to a foremost Brahmin wasted by heat; he obtains a full lifespan and, in the hereafter, the supreme state.

Verse 20 (skanda.2.157.20)

अतस्तापहरं दिव्यं कर्पूरं तु द्विजातये । दत्त्वा मोक्षमवाप्नोति दुःखशांतिं च विंदति

atastāpaharaṁ divyaṁ karpūraṁ tu dvijātaye dattvā mokṣamavāpnoti duḥkhaśāṁtiṁ ca viṁdati

Therefore, having given divine, heat-removing camphor to a twice-born, one attains liberation and finds the pacification of suffering.

Verse 21 (skanda.2.157.21)

कुसुमानि च यो दद्यात्कुकुमं च द्विजातये । सार्वभौमो भवेद्राजा सर्वलोकवशंकरः

kusumāni ca yo dadyātkukumaṁ ca dvijātaye sārvabhaumo bhavedrājā sarvalokavaśaṁkaraḥ

Whoever gives flowers and saffron to a twice-born becomes a universal sovereign, holding sway over every world.

Verse 22 (skanda.2.157.22)

पुत्रपौत्रादिभोगांश्च भुक्त्वा मोक्षमवाप्नुयात् । त्वगस्थिगतसंतापं सद्यो हरति चन्दनम्

putrapautrādibhogāṁśca bhuktvā mokṣamavāpnuyāt tvagasthigatasaṁtāpaṁ sadyo harati candanam

He enjoys the pleasures of sons, grandsons and the like, and attains liberation. Sandalwood instantly removes the burning fever reaching skin and bone;

Verse 23 (skanda.2.157.23)

तापत्रयविनिर्मुक्तस्तद्दत्त्वा मोक्षमाप्नुयात् । औशीरं चाषकं कौशं यो दद्याज्जलवासितम्

tāpatrayavinirmuktastaddattvā mokṣamāpnuyāt auśīraṁ cāṣakaṁ kauśaṁ yo dadyājjalavāsitam

—by giving it, one is freed from the three kinds of affliction and attains liberation. Whoever gives a vetiver-root fan or a silk fan, scented with water,

Verse 24 (skanda.2.157.24)

सर्वभोगेषु राजेंद्र स तु देवसहायवान् । पापहानिं दुःखहानिं प्राप्य निर्वृतिमाप्नुयात्

sarvabhogeṣu rājeṁdra sa tu devasahāyavān pāpahāniṁ duḥkhahāniṁ prāpya nirvṛtimāpnuyāt

—O king of kings, amid every enjoyment he becomes a companion of the gods; having destroyed both sin and sorrow, he attains bliss.

Verse 25 (skanda.2.157.25)

गोरोचं मृगनाभिं च दद्याद्वैशाखधर्मवित् । तापत्रयविनिर्मुक्तः परं निर्वाणमृच्छति

gorocaṁ mṛganābhiṁ ca dadyādvaiśākhadharmavit tāpatrayavinirmuktaḥ paraṁ nirvāṇamṛcchati

One who knows the Vaishakha observances should give gorochana and musk; freed from the three afflictions, he attains supreme liberation.

Verse 26 (skanda.2.157.26)

तांबूलं च सकर्पूरं यो दद्यान्मेषगे रवौ । सार्वभौमसुखं भुक्त्वा परं निर्वाणमृच्छति

tāṁbūlaṁ ca sakarpūraṁ yo dadyānmeṣage ravau sārvabhaumasukhaṁ bhuktvā paraṁ nirvāṇamṛcchati

Whoever gives betel with camphor while the sun is in Aries enjoys the happiness of a universal sovereign and thereafter attains supreme liberation.

Verse 27 (skanda.2.157.27)

शतपत्रीं च यूथीं च मेषमासे ददन्नरः । स सार्वभौमो भवति पश्चान्मोक्षं च विंदति

śatapatrīṁ ca yūthīṁ ca meṣamāse dadannaraḥ sa sārvabhaumo bhavati paścānmokṣaṁ ca viṁdati

The man who, in the month when the sun is in Aries, gives shatapatri and jasmine flowers becomes a universal sovereign and thereafter obtains liberation as well.

Verse 28 (skanda.2.157.28)

केतकीं मल्लिकां वाऽपि यो दद्यान्माधवाऽऽगमे । स तु मोक्षमवाप्नोति मधुशासनशासनात्

ketakīṁ mallikāṁ vā'pi yo dadyānmādhavā''game sa tu mokṣamavāpnoti madhuśāsanaśāsanāt

Whoever gives ketaki or jasmine flowers at Madhava's coming attains liberation by the command of the Lord of Madhu.

Verse 29 (skanda.2.157.29)

पूगीफलं तु यो दद्यात्सुगन्धं तु द्विजातये । नारिकेलफलं राजंस्तस्य पुण्यफलं शृणु

pūgīphalaṁ tu yo dadyātsugandhaṁ tu dvijātaye nārikelaphalaṁ rājaṁstasya puṇyaphalaṁ śṛṇu

Whoever gives betel-nut, fragrant substances, or coconut to a twice-born — O king, hear the fruit of his merit.

Verse 30 (skanda.2.157.30)

सप्त जन्म भवेद्विप्रो धनाढ्यो वेदपारगः । पश्चात्सप्तकुलैर्युक्तो विष्णुलोकं स गच्छति

sapta janma bhavedvipro dhanāḍhyo vedapāragaḥ paścātsaptakulairyukto viṣṇulokaṁ sa gacchati

For seven births he becomes a wealthy Brahmin, master of the Vedas; afterward, together with seven generations of his family, he goes to Vishnu's world.

Verse 31 (skanda.2.157.31)

विश्राममण्डपं यस्तु कृत्वा दद्याद्द्विजन्मने । तस्य पुण्यफलं वक्तुं नाहं शक्नोमि भूपते

viśrāmamaṇḍapaṁ yastu kṛtvā dadyāddvijanmane tasya puṇyaphalaṁ vaktuṁ nāhaṁ śaknomi bhūpate

O lord of the earth, whoever builds a resting pavilion and gives it for a twice-born — I am unable to describe the fruit of his merit.

Verse 32 (skanda.2.157.32)

सुच्छायामण्डपं यस्तु सिकताऽऽकीर्णमञ्जसा । सप्रपं कारयेद्यस्तु स तु लोकाधिपो भवेत्

succhāyāmaṇḍapaṁ yastu sikatā''kīrṇamañjasā saprapaṁ kārayedyastu sa tu lokādhipo bhavet

Whoever truly builds a well-shaded pavilion, strewn with sand, together with a water-booth, becomes a lord of the world.

Verse 33 (skanda.2.157.33)

मार्गोद्यानं तडागं वा कूपं मण्डपमेव च । यः करोति स धर्मात्मा तस्य पुत्रैस्तु किं फलम्

mārgodyānaṁ taḍāgaṁ vā kūpaṁ maṇḍapameva ca yaḥ karoti sa dharmātmā tasya putraistu kiṁ phalam

Whoever makes a roadside garden, a pond, a well, or a pavilion is a righteous soul — what further benefit would even sons bring him?

Verse 34 (skanda.2.157.34)

कूपस्तडागमुद्यानं मण्डपं च प्रपा तथा । सद्धर्मकरणं पुत्रः संतानं सप्तधोच्यते

kūpastaḍāgamudyānaṁ maṇḍapaṁ ca prapā tathā saddharmakaraṇaṁ putraḥ saṁtānaṁ saptadhocyate

A well, a pond, a garden, a pavilion, and a water-booth, the practice of true dharma, and a son — progeny is declared to be of seven kinds.

Verse 35 (skanda.2.157.35)

एतेष्वन्यतमाभावे नोर्ध्वं गच्छंति मानवाः । सच्छास्त्र श्रवणं तीर्थयात्रा सजनसंगतिः

eteṣvanyatamābhāve nordhvaṁ gacchaṁti mānavāḥ sacchāstra śravaṇaṁ tīrthayātrā sajanasaṁgatiḥ

In the absence of even one of these, men do not go to the higher worlds. The hearing of true scriptures, pilgrimage to sacred fords, association with good people,

Verse 36 (skanda.2.157.36)

जलदानं चान्नदानमश्वत्थारोपणं तथा । पुत्रश्चेति च संतानं सप्तेमेऽतिविदो विदुः

jaladānaṁ cānnadānamaśvatthāropaṇaṁ tathā putraśceti ca saṁtānaṁ sapteme'tivido viduḥ

—the gift of water, the gift of food, and the planting of an ashvattha tree, together with a son — the truly wise know these seven as 'progeny'.

Verse 37 (skanda.2.157.37)

नासंततिर्लभेल्लोकान्कृत्वा धर्मशतान्यपि । तस्मात्संतानमन्विच्छेत्संतानेष्वेकतो व्रजेत्

nāsaṁtatirlabhellokānkṛtvā dharmaśatānyapi tasmātsaṁtānamanvicchetsaṁtāneṣvekato vrajet

One devoid of such progeny does not obtain the higher worlds, even after performing hundreds of righteous acts. Therefore one should seek progeny, or at least take up one of these forms of it.

Verse 38 (skanda.2.157.38)

पशूनां पक्षिणां चैव मृगाणां चैव भूरुहाम् । नोर्ध्वलोकं सुखं याति मनुष्याणां तु का कथा

paśūnāṁ pakṣiṇāṁ caiva mṛgāṇāṁ caiva bhūruhām nordhvalokaṁ sukhaṁ yāti manuṣyāṇāṁ tu kā kathā

Even beasts, birds, wild creatures, and trees do not happily reach the higher worlds without this — what then to say of human beings?

Verse 39 (skanda.2.157.39)

पूगीफलसमायुक्तं नागवल्लीदलैर्युतम् । कपूरागुरुसंयुक्तं ददत्तांबूलमुत्तमम्

pūgīphalasamāyuktaṁ nāgavallīdalairyutam kapūrāgurusaṁyuktaṁ dadattāṁbūlamuttamam

Whoever gives excellent betel, joined with areca nut and betel leaves, blended with camphor and agaru,

Verse 40 (skanda.2.157.40)

शारीरैः सकलैः पापैर्मुच्यते नात्र संशयः । तांबूलदो यशो धैर्यं श्रियमाप्नोति निश्चितम्

śārīraiḥ sakalaiḥ pāpairmucyate nātra saṁśayaḥ tāṁbūlado yaśo dhairyaṁ śriyamāpnoti niścitam

—is freed from all bodily sins, without doubt. The giver of betel certainly obtains fame, fortitude, and prosperity.

Verse 41 (skanda.2.157.41)

रोगी दत्त्वा विरोगः स्यादरोगी मोक्षमाप्नुयात् । वैशाखे मासि यो दद्यात्तक्रं तापविनाशनम्

rogī dattvā virogaḥ syādarogī mokṣamāpnuyāt vaiśākhe māsi yo dadyāttakraṁ tāpavināśanam

By giving this, the sick become free of illness and the healthy attain liberation. Whoever, in the month of Vaishakha, gives buttermilk that destroys the summer heat,

Verse 42 (skanda.2.157.42)

विद्यावान्धनवान्भूमौ जायते नात्र संशयः । न तक्रसदृशं दानं घर्मकालेषु विद्यते

vidyāvāndhanavānbhūmau jāyate nātra saṁśayaḥ na takrasadṛśaṁ dānaṁ gharmakāleṣu vidyate

—is born on earth learned and wealthy, without doubt. No gift equals buttermilk during the season of heat.

Verse 43 (skanda.2.157.43)

तस्मात्तक्रं प्रदातव्यमध्वश्रांतद्विजातये । जंबीरसुरसोपेतं लसल्लवणमिश्रितम्

tasmāttakraṁ pradātavyamadhvaśrāṁtadvijātaye jaṁbīrasurasopetaṁ lasallavaṇamiśritam

Therefore buttermilk should be given to a twice-born wearied from the road, mixed with lemon and fragrant herbs, blended with a touch of salt.

Verse 44 (skanda.2.157.44)

यस्तक्रमरुचिघ्नं तु दत्त्वा मोक्षमवाप्नुयात् । यो दद्याद्दधिखंडं तु वैशाखे घर्मशांतये

yastakramarucighnaṁ tu dattvā mokṣamavāpnuyāt yo dadyāddadhikhaṁḍaṁ tu vaiśākhe gharmaśāṁtaye

Whoever gives this appetite-restoring buttermilk attains liberation. Whoever, in Vaishakha, gives a preparation of curds to pacify the heat,

Verse 45 (skanda.2.157.45)

तस्य पुण्यफलं वक्तुं नाहं शक्नोमि भूमिप । यो दद्यात्तंडुलान्दिव्यान्मधुसूदनवल्लभे

tasya puṇyaphalaṁ vaktuṁ nāhaṁ śaknomi bhūmipa yo dadyāttaṁḍulāndivyānmadhusūdanavallabhe

—O lord of the earth, I am unable to describe the fruit of his merit. Whoever gives fine rice-grains in this month beloved of Madhusudana,

Verse 46 (skanda.2.157.46)

स लभेत्पूर्णमायुष्यं सर्वयज्ञफलं लभेत् । यो घृतं तेजसो रूपं गव्यं दद्याद्द्विजातये । सोऽश्वमेधफलं प्राप्य मोदते विष्णुमंदिरे

sa labhetpūrṇamāyuṣyaṁ sarvayajñaphalaṁ labhet yo ghṛtaṁ tejaso rūpaṁ gavyaṁ dadyāddvijātaye so'śvamedhaphalaṁ prāpya modate viṣṇumaṁdire

—obtains a full lifespan and the fruit of every sacrifice. Whoever gives cow's ghee, the very form of radiance, to a twice-born, obtains the fruit of the Ashvamedha sacrifice and rejoices in the abode of Vishnu.

Verse 47 (skanda.2.157.47)

उर्वारुगुडसंमिश्रं वैशाखे मेषगे रवौ । सर्वपापविनिर्मुक्तः श्वेतद्वीपे वसेद्ध्रुवम्

urvāruguḍasaṁmiśraṁ vaiśākhe meṣage ravau sarvapāpavinirmuktaḥ śvetadvīpe vaseddhruvam

Whoever, in Vaishakha while the sun is in Aries, gives cucumber mixed with jaggery, is freed from all sin and surely dwells in Shvetadvipa.

Verse 48 (skanda.2.157.48)

यश्चेक्षुदंडं सायाह्ने दिवा तापोपशान्तये । ब्राह्मणाय च यो दद्यात्तस्य पुण्यमनंतकम्

yaścekṣudaṁḍaṁ sāyāhne divā tāpopaśāntaye brāhmaṇāya ca yo dadyāttasya puṇyamanaṁtakam

Whoever gives a stalk of sugarcane to a Brahmin in the evening, to pacify the day's heat, earns endless merit.

Verse 49 (skanda.2.157.49)

वैशाखे पानकं दत्त्वा सायाह्ने श्रमशान्तये । सर्वपापविनिर्मुक्तो विष्णोः सायुज्यमाप्नुयात्

vaiśākhe pānakaṁ dattvā sāyāhne śramaśāntaye sarvapāpavinirmukto viṣṇoḥ sāyujyamāpnuyāt

Having given a cooling drink in Vaishakha in the evening to relieve fatigue, freed from all sin, one attains union with Vishnu.

Verse 50 (skanda.2.157.50)

सफलं पानकं मेषमासे सायं द्विजातये । दद्यात्तेन पितॄणां तु सुधापानं न संशयः

saphalaṁ pānakaṁ meṣamāse sāyaṁ dvijātaye dadyāttena pitṝṇāṁ tu sudhāpānaṁ na saṁśayaḥ

Whoever gives, in the evening during the month when the sun is in Aries, a fruit-flavoured cooling drink to a twice-born, thereby grants his ancestors, without doubt, a draught of nectar.

Verse 51 (skanda.2.157.51)

वैशाखे पानकं चूतसुपक्वफलसंयुतम् । तस्य सर्वाणि पापानि विनाशं यांति निश्चितम्

vaiśākhe pānakaṁ cūtasupakvaphalasaṁyutam tasya sarvāṇi pāpāni vināśaṁ yāṁti niścitam

For one who gives, in Vaishakha, a cooling drink combined with well-ripened mango, all his sins certainly go to destruction.

Verse 52 (skanda.2.157.52)

यो दद्याच्चैत्रदर्शे तु कुम्भं पूर्णं तु पानकैः । गयाश्राद्धशतं तेन कृतमेव न संशयः

yo dadyāccaitradarśe tu kumbhaṁ pūrṇaṁ tu pānakaiḥ gayāśrāddhaśataṁ tena kṛtameva na saṁśayaḥ

Whoever, on the new-moon of Chaitra, gives a pot full of the cooling drink has thereby, without doubt, performed a hundred shraddhas at Gaya.

Verse 53 (skanda.2.157.53)

कस्तूरी कर्पुरोपेतं मल्लिकोशीरसंयुतम् । कलशं पानकैः पूर्णं चैत्रदर्शे तु मानवः । दद्यात्पितॄन्समुद्दिश्य स षण्णवतिदो भवेत्

kastūrī karpuropetaṁ mallikośīrasaṁyutam kalaśaṁ pānakaiḥ pūrṇaṁ caitradarśe tu mānavaḥ dadyātpitṝnsamuddiśya sa ṣaṇṇavatido bhavet

The man who, on the new-moon of Chaitra, dedicates to his ancestors a pitcher full of the cooling drink, scented with musk and camphor and combined with jasmine and vetiver root, becomes the giver of the merit of ninety-six generations.