Dharmahari-svarṇakhani-māhātmya-varṇanam — The Glory of Dharma-Hari and the Gold Mine

Verse 1 (skanda.2.183.1)

अगस्त्य उवाच तस्माच्चंद्रहरिस्थानादाग्नेय्यां दिशि संस्थितः देवो धर्महरिर्न्नाम कलिकल्मषनाशकः

agastya uvāca tasmāccaṁdraharisthānādāgneyyāṁ diśi saṁsthitaḥ devo dharmaharirnnāma kalikalmaṣanāśakaḥ

Agastya said: From that place of Chandra-Hari, situated in the south-east direction, is the god named Dharma-Hari, destroyer of the sins of the Kali age.

Verse 2 (skanda.2.183.2)

वेदवेदाङ्गतत्त्वज्ञः स्वकर्मपरिनिष्ठितः पुरा समागतो धर्मस्तीर्थयात्राचिकीर्षया

vedavedāṅgatattvajñaḥ svakarmapariniṣṭhitaḥ purā samāgato dharmastīrthayātrācikīrṣayā

Of old, Dharma, knower of the truth of the Vedas and Vedangas, devoted to his own proper duties, came here desiring to make a pilgrimage.

Verse 3 (skanda.2.183.3)

आगत्य च चकारोच्चैर्यात्रां तत्रादरेण सः दृष्ट्वा माहात्म्यमतुलमयोध्यायाः सविस्मयः

āgatya ca cakāroccairyātrāṁ tatrādareṇa saḥ dṛṣṭvā māhātmyamatulamayodhyāyāḥ savismayaḥ

Having come, he performed the pilgrimage there with great reverence; and, beholding the incomparable greatness of Ayodhya, filled with wonder,

Verse 4 (skanda.2.183.4)

विधाय स्वभुजावूर्ध्वौ विप्रोऽवोचन्मुदान्वितः अहो रम्यमिदं तीर्थमहो माहात्म्यमुत्तमम्

vidhāya svabhujāvūrdhvau vipro’vocanmudānvitaḥ aho ramyamidaṁ tīrthamaho māhātmyamuttamam

raising both his arms upward, that brahmin said, filled with joy: 'Ah, how delightful is this ford! Ah, how excellent is this greatness!'

Verse 5 (skanda.2.183.5)

अयोध्यासदृशी कापि दृश्यते नापरा पुरी या न स्पृशति वसुधां विष्णुचक्रस्थिताऽनिशम्

ayodhyāsadṛśī kāpi dṛśyate nāparā purī yā na spṛśati vasudhāṁ viṣṇucakrasthitā’niśam

'No other city is ever seen equal to Ayodhya, which, standing ceaselessly upon Vishnu's discus, never touches the earth.'

Verse 6 (skanda.2.183.6)

यस्यां स्थितो हरिः साक्षात्सेयं केनोपमीयते अहो तीर्थानि सर्वाणि विष्णुलोकप्रदानि वै

yasyāṁ sthito hariḥ sākṣātseyaṁ kenopamīyate aho tīrthāni sarvāṇi viṣṇulokapradāni vai

'In which Hari himself dwells visibly — to what can this be compared? Ah, all its sacred fords indeed bestow the world of Vishnu!'

Verse 7 (skanda.2.183.7)

अहो विष्णुरहो तीर्थमयोध्याऽहो महापुरी अहो माहात्म्यमतुलं किं न श्लाघ्यमिहास्थितम्

aho viṣṇuraho tīrthamayodhyā’ho mahāpurī aho māhātmyamatulaṁ kiṁ na ślāghyamihāsthitam

'Ah, Vishnu! Ah, this ford! Ah, Ayodhya, this great city! Ah, this incomparable greatness! What here is not worthy of praise?'

Verse 8 (skanda.2.183.8)

इत्युक्त्वा तत्र बहुशो ननर्त प्रमदाकुलः धर्मो माहात्म्यमालोक्य अयोध्याया विशेषतः

ityuktvā tatra bahuśo nanarta pramadākulaḥ dharmo māhātmyamālokya ayodhyāyā viśeṣataḥ

Having said this, Dharma, overwhelmed with joy, danced there again and again, beholding especially the greatness of Ayodhya.

Verse 9 (skanda.2.183.9)

तं तथा नर्तमानं वै धर्मं दृष्ट्वा कृपान्वितः आविर्बभूव भगवान्पीतवासा हरिः स्वयम् तं प्रणम्य च धर्मोऽथ तुष्टाव हरिमादरात्

taṁ tathā nartamānaṁ vai dharmaṁ dṛṣṭvā kṛpānvitaḥ āvirbabhūva bhagavānpītavāsā hariḥ svayam taṁ praṇamya ca dharmo’tha tuṣṭāva harimādarāt

Seeing Dharma dancing thus, the Blessed Lord, clad in yellow, Hari himself, filled with compassion, became manifest; and Dharma, having bowed to him, then reverently extolled Hari.

Verse 10 (skanda.2.183.10)

धर्म उवाच नमः क्षीराब्धिवासाय नमः पर्यंकशायिने नमः शंकरसंस्पृष्टदिव्यपादाय विष्णवे

dharma uvāca namaḥ kṣīrābdhivāsāya namaḥ paryaṁkaśāyine namaḥ śaṁkarasaṁspṛṣṭadivyapādāya viṣṇave

Dharma said: Salutation to the dweller in the ocean of milk, salutation to him who reclines on the serpent-couch; salutation to Vishnu, whose divine foot was touched by Shankara,

Verse 11 (skanda.2.183.11)

भक्त्यार्च्चितसुपादाय नमोऽजादिप्रियाय ते शुभांगाय सुनेत्राय माधवाय नमो नमः

bhaktyārccitasupādāya namo’jādipriyāya te śubhāṁgāya sunetrāya mādhavāya namo namaḥ

salutation to you, whose excellent foot is worshipped with devotion, who are dear to Brahma and the other gods; salutation, salutation to the beautiful-limbed, fair-eyed Madhava,

Verse 12 (skanda.2.183.12)

नमोऽरविन्दपादाय पद्मनाभाय वै नमः नमः क्षीराब्धिकल्लोलस्पृष्टगात्राय शार्ङ्गिणे

namo’ravindapādāya padmanābhāya vai namaḥ namaḥ kṣīrābdhikallolaspṛṣṭagātrāya śārṅgiṇe

salutation to the lotus-footed one, salutation indeed to the lotus-naveled one; salutation to the bearer of the Sharnga bow, whose limbs are touched by the billows of the ocean of milk,

Verse 13 (skanda.2.183.13)

ॐ नमो योगनिद्राय योगर्क्षैर्भावितात्मने तार्क्ष्यासनाय देवाय गोविन्दाय नमोनमः

oṁ namo yoganidrāya yogarkṣairbhāvitātmane tārkṣyāsanāya devāya govindāya namonamaḥ

Om, salutation to him whose sleep is yogic trance, whose self is meditated upon through the constellations of yoga; salutation, salutation to the god seated upon Garuda, to Govinda,

Verse 14 (skanda.2.183.14)

सुकेशाय सुनासाय सुललाटाय चक्रिणे सुवस्त्राय सुवर्णाय श्रीधराय नमोनमः

sukeśāya sunāsāya sulalāṭāya cakriṇe suvastrāya suvarṇāya śrīdharāya namonamaḥ

salutation, salutation to the beautiful-haired, beautiful-nosed, beautiful-browed discus-bearer, of beautiful raiment and beautiful hue, the bearer of Shri,

Verse 15 (skanda.2.183.15)

सुबाहवे नमस्तुभ्यं चारुजंघाय ते नमः सुवासाय सुदिव्याय सुविद्याय गदाभृते

subāhave namastubhyaṁ cārujaṁghāya te namaḥ suvāsāya sudivyāya suvidyāya gadābhṛte

salutation to you of beautiful arms, salutation to you of graceful legs; to the beautifully robed, divine, and truly wise mace-bearer,

Verse 16 (skanda.2.183.16)

केशवाय च शांताय वामनाय नमोनमः धर्मप्रियाय देवाय नमस्ते पीतवाससे

keśavāya ca śāṁtāya vāmanāya namonamaḥ dharmapriyāya devāya namaste pītavāsase

salutation, salutation to Keshava, the tranquil one, to Vamana; salutation to you, O god dear to Dharma, clad in yellow garments.

Verse 17 (skanda.2.183.17)

अगस्त्य उवाच इति स्तुतो जगन्नाथो धर्मेण श्रीपतिर्मुदा उवाच स हृषीकेशः प्रीतो धर्ममुदारधीः

agastya uvāca iti stuto jagannātho dharmeṇa śrīpatirmudā uvāca sa hṛṣīkeśaḥ prīto dharmamudāradhīḥ

Agastya said: Thus praised joyfully by Dharma, the Lord of the universe, the husband of Shri, that Hrishikesha, pleased and of noble mind, spoke to Dharma.

Verse 18 (skanda.2.183.18)

श्रीभगवानुवाच तुष्टोऽहं भवतो धर्म स्तोत्रेणानेन सुव्रत वरं वरय धर्मज्ञ यस्ते स्यान्मनसः प्रियः

śrībhagavānuvāca tuṣṭo’haṁ bhavato dharma stotreṇānena suvrata varaṁ varaya dharmajña yaste syānmanasaḥ priyaḥ

The Blessed Lord said: I am pleased with you, O Dharma, by this hymn, O you of good vows; choose a boon, knower of righteousness, whatever is dear to your heart.

Verse 19 (skanda.2.183.19)

स्तोत्रेणानेन यः स्तौति मानवो मामतन्द्रितः सर्वान्कामानवाप्नोति पूजितः श्रीयुतःसदा

stotreṇānena yaḥ stauti mānavo māmatandritaḥ sarvānkāmānavāpnoti pūjitaḥ śrīyutaḥsadā

Whatever man untiringly praises me with this hymn obtains all his desires, and, being honored, is ever endowed with prosperity.

Verse 20 (skanda.2.183.20)

धर्म उवाच यदि तुष्टोसि भगवन्देवदेव जगत्पते त्वामहं स्थापयाम्यत्र निजनाम्ना जगद्गुरो

dharma uvāca yadi tuṣṭosi bhagavandevadeva jagatpate tvāmahaṁ sthāpayāmyatra nijanāmnā jagadguro

Dharma said: If you are pleased, Lord, god of gods, Lord of the universe, then I shall install you here, O guru of the world, under my own name.

Verse 21 (skanda.2.183.21)

अगस्त्य उवाच एवमस्त्विति संप्रोच्याभवद्धर्महरिर्विभुः स्मरणादेव मुच्येत नरो धर्महरेर्विभोः

agastya uvāca evamastviti saṁprocyābhavaddharmaharirvibhuḥ smaraṇādeva mucyeta naro dharmaharervibhoḥ

Agastya said: Having said 'so be it,' the mighty Lord became Dharma-Hari; a man is freed merely by remembering the mighty Dharma-Hari.

Verse 22 (skanda.2.183.22)

सरयूसलिले स्नात्वा सुचिंताकुलमानसः देवं धर्महरिं पश्येत्सर्वपापैः प्रमुच्यते

sarayūsalile snātvā suciṁtākulamānasaḥ devaṁ dharmahariṁ paśyetsarvapāpaiḥ pramucyate

One whose mind is troubled with anxious thought, having bathed in the water of the Sarayu, should behold the god Dharma-Hari — he is freed from all sins.

Verse 23 (skanda.2.183.23)

अत्र दानं तथा होमं जपो ब्राह्मणभोजनम् सर्वमक्षयतां याति विष्णुलोके निवासकृत्

atra dānaṁ tathā homaṁ japo brāhmaṇabhojanam sarvamakṣayatāṁ yāti viṣṇuloke nivāsakṛt

Charity, fire-oblation, japa, and the feeding of brahmins here — all become imperishable, and bring about dwelling in the world of Vishnu.

Verse 24 (skanda.2.183.24)

अज्ञानाज्ज्ञानतो वापि यत्किंचिद्दुष्कृतं भवेत् प्रायश्चित्तं विधातव्यं तन्नाशाय प्रयत्नतः

ajñānājjñānato vāpi yatkiṁcidduṣkṛtaṁ bhavet prāyaścittaṁ vidhātavyaṁ tannāśāya prayatnataḥ

Whatever wrongdoing occurs, whether through ignorance or knowingly, expiation should be diligently performed for its destruction.

Verse 25 (skanda.2.183.25)

प्रायश्चित्तेन विधिना पापं तस्य प्रणश्यति तस्मादत्र प्रकर्त्तव्यं प्रायश्चित्तं विधानतः

prāyaścittena vidhinā pāpaṁ tasya praṇaśyati tasmādatra prakarttavyaṁ prāyaścittaṁ vidhānataḥ

By the proper rite of expiation, one's sin is destroyed; therefore expiation should be duly performed here.

Verse 26 (skanda.2.183.26)

अज्ञानाज्ज्ञानतो वापि राजादेर्निग्रहात्तथा नित्यकर्मनिवृत्तिः स्याद्यस्य पुंसोऽवशात्मनः तेनाप्यत्र विधातव्यं प्रायश्चित्तं प्रयत्नतः

ajñānājjñānato vāpi rājādernigrahāttathā nityakarmanivṛttiḥ syādyasya puṁso’vaśātmanaḥ tenāpyatra vidhātavyaṁ prāyaścittaṁ prayatnataḥ

Whether through ignorance or knowingly, or through restraint imposed by a king or the like, whatever man, not master of himself, has ceased from his obligatory daily rites, should too diligently perform expiation here.

Verse 27 (skanda.2.183.27)

अत्र साक्षात्स्वयं देवो विष्णुर्वसति सादरः तस्माद्वर्णयितुं शक्यो महिमा न हि मानवैः

atra sākṣātsvayaṁ devo viṣṇurvasati sādaraḥ tasmādvarṇayituṁ śakyo mahimā na hi mānavaiḥ

Here the god Vishnu himself dwells visibly, with reverence; therefore its greatness cannot be described by mere mortals.

Verse 28 (skanda.2.183.28)

आषाढे शुक्ल पक्षस्य एकादश्यां द्विजोत्तम तस्य सांवत्सरी यात्रा कर्तव्या तु विधानतः

āṣāḍhe śukla pakṣasya ekādaśyāṁ dvijottama tasya sāṁvatsarī yātrā kartavyā tu vidhānataḥ

O best of brahmins, on the eleventh of the bright fortnight of Ashadha, its annual festival should be duly observed.

Verse 29 (skanda.2.183.29)

स्वर्गद्वारे नरः स्नात्वा दृष्ट्वा धर्महरिं विभुम् सर्वपापविशुद्धात्मा विष्णुलोके वसेत्सदा

svargadvāre naraḥ snātvā dṛṣṭvā dharmahariṁ vibhum sarvapāpaviśuddhātmā viṣṇuloke vasetsadā

A man, having bathed at Svargadvara and beheld the mighty Dharma-Hari, his soul purified of all sin, dwells forever in the world of Vishnu.

Verse 30 (skanda.2.183.30)

तस्माद्दक्षिणदिग्भागे स्वर्णस्य खनिरुत्तमा यत्र चक्रे स्वर्णवृष्टिं कुबेरो रघुजाद्भयात्

tasmāddakṣiṇadigbhāge svarṇasya khaniruttamā yatra cakre svarṇavṛṣṭiṁ kubero raghujādbhayāt

To the south of that place is an excellent gold mine, where Kubera, out of fear of the son of Raghu, caused a rain of gold.

Verse 31 (skanda.2.183.31)

व्यास उवाच भगवन्ब्रूहि तत्त्वज्ञ स्वर्णवृष्टिरभूत्कथम् कुबेरस्य कथं भीतिरुत्पन्ना रघुभूपतेः

vyāsa uvāca bhagavanbrūhi tattvajña svarṇavṛṣṭirabhūtkatham kuberasya kathaṁ bhītirutpannā raghubhūpateḥ

Vyasa said: Lord, knower of truth, tell me how the rain of gold came about, and how Kubera's fear of King Raghu arose.

Verse 32 (skanda.2.183.32)

एतत्सर्वं समाचक्ष्व विस्तरान्मम सुव्रत श्रुत्वा कथारहस्यानि न तृप्यति मनो मम

etatsarvaṁ samācakṣva vistarānmama suvrata śrutvā kathārahasyāni na tṛpyati mano mama

Declare all this to me at length, O you of good vows; hearing the secrets of these tales, my mind is not satisfied.

Verse 33 (skanda.2.183.33)

अगस्त्य उवाच शृणु विप्र प्रवक्ष्यामि स्वर्णस्योत्पत्तिमुत्तमाम् यस्य श्रवणतो नृणां जायते विस्मयो महान्

agastya uvāca śṛṇu vipra pravakṣyāmi svarṇasyotpattimuttamām yasya śravaṇato nṛṇāṁ jāyate vismayo mahān

Agastya said: Listen, O brahmin, I shall tell the excellent origin of the gold, hearing which great wonder arises in men.

Verse 34 (skanda.2.183.34)

आसीत्पुरा रघुपतिरिक्ष्वाकुकुलवर्द्धनः रघुर्निजभुजोदारवीर्यशासितभूतलः

āsītpurā raghupatirikṣvākukulavarddhanaḥ raghurnijabhujodāravīryaśāsitabhūtalaḥ

There was formerly a lord of the Raghus, an increaser of the Ikshvaku lineage, Raghu, who ruled the earth by the noble valor of his own arms,

Verse 35 (skanda.2.183.35)

प्रतापतापितारातिवर्गव्याख्यातसद्यशाः प्रजाः पालयता सम्यक्तेननीतिमता सता

pratāpatāpitārātivargavyākhyātasadyaśāḥ prajāḥ pālayatā samyaktenanītimatā satā

whose true fame was proclaimed by the ranks of enemies scorched by his prowess, he being a righteous and politic king who well protected his subjects.

Verse 36 (skanda.2.183.36)

यशःपूरेण समलिप्ता दिशो दश सितत्विषा स चक्रे प्रौढविभवसाधनां विजयक्रमात्

yaśaḥpūreṇa samaliptā diśo daśa sitatviṣā sa cakre prauḍhavibhavasādhanāṁ vijayakramāt

The ten directions were smeared white with the flood of his fame; he brought about the accomplishment of great splendor through his course of conquest.

Verse 37 (skanda.2.183.37)

नानादेशान्समाक्रम्य चतुरंगबलान्वितः भूतानि वशमानीय वसु जग्राह दण्डतः

nānādeśānsamākramya caturaṁgabalānvitaḥ bhūtāni vaśamānīya vasu jagrāha daṇḍataḥ

Endowed with a fourfold army, having invaded many countries and brought all beings under his sway, he took wealth from them as tribute.

Verse 38 (skanda.2.183.38)

उत्कृष्टान्नृपतीन्वीरो दंडयित्वा बलाधिकान् रत्नानि विविधान्याशु जग्राहातिबलस्तदा

utkṛṣṭānnṛpatīnvīro daṁḍayitvā balādhikān ratnāni vividhānyāśu jagrāhātibalastadā

That hero, of surpassing strength, having subdued eminent and powerful kings, quickly seized their manifold jewels.

Verse 39 (skanda.2.183.39)

स विजित्य दिशः सर्वा गृहीत्वा रत्नसंचयम् अयोध्यामागतो राजा राजधानीं च तां शुभाम्

sa vijitya diśaḥ sarvā gṛhītvā ratnasaṁcayam ayodhyāmāgato rājā rājadhānīṁ ca tāṁ śubhām

Having conquered all directions and taken a great hoard of jewels, that king returned to Ayodhya, his own auspicious capital.

Verse 40 (skanda.2.183.40)

तत्रागत्य च काकुत्स्थो यज्ञायोत्सुकमानसः चकार निर्मलां बुद्धिं निजवंशोचितक्रियाम

tatrāgatya ca kākutstho yajñāyotsukamānasaḥ cakāra nirmalāṁ buddhiṁ nijavaṁśocitakriyāma

Having come there, Kakutstha, his mind eager for a sacrifice, formed a pure resolve to perform the rite fitting for his lineage.

Verse 41 (skanda.2.183.41)

वसिष्ठं मुनिमाज्ञाय वामदेवं च कश्यपम्

vasiṣṭhaṁ munimājñāya vāmadevaṁ ca kaśyapam

Having summoned the sage Vasishtha, and Vamadeva, and Kashyapa,

Verse 42 (skanda.2.183.42)

अन्यानपि मुनिश्रेष्ठान्नानातीर्थसमाश्रितान् समानयद्विनीतेन द्विजवर्येण भूपतिः

anyānapi muniśreṣṭhānnānātīrthasamāśritān samānayadvinītena dvijavaryeṇa bhūpatiḥ

and other eminent sages too, who dwelt at various sacred fords, the king had them brought through an eminent, humble brahmin.

Verse 43 (skanda.2.183.43)

दृष्ट्वा स्थितान्स तान्सर्वान्प्रदीप्तानिव पावकान् तानागतान्विदित्वाथ रघुः परपुरंजयः निश्चक्राम यथान्यायं स्वयमेव महायशाः

dṛṣṭvā sthitānsa tānsarvānpradīptāniva pāvakān tānāgatānviditvātha raghuḥ parapuraṁjayaḥ niścakrāma yathānyāyaṁ svayameva mahāyaśāḥ

Seeing all of them seated there, blazing like fires, and knowing that they had arrived, Raghu, the conqueror of enemy cities, of great fame, himself duly came forth.

Verse 44 (skanda.2.183.44)

ततो विनीतवत्सर्वान्काकुत्स्थो द्विजसत्तमान् उवाच धर्मयुक्तं च वचनं यज्ञसिद्धये

tato vinītavatsarvānkākutstho dvijasattamān uvāca dharmayuktaṁ ca vacanaṁ yajñasiddhaye

Then Kakutstha, humbly to all those excellent brahmins, spoke a righteous word for the accomplishment of the sacrifice.

Verse 45 (skanda.2.183.45)

रविरुवाच मुनयः सर्व एवैते यूयं शृणुत मद्वचः यज्ञं विधातुमिच्छामि तत्राज्ञां दातुमर्हथ

raviruvāca munayaḥ sarva evaite yūyaṁ śṛṇuta madvacaḥ yajñaṁ vidhātumicchāmi tatrājñāṁ dātumarhatha

Raghu said: All you sages here, listen to my word; I wish to perform a sacrifice — you are fit to grant permission for it.

Verse 46 (skanda.2.183.46)

सांप्रतं मामको यज्ञो युक्तः स्यान्मुनिसत्तमाः एतद्विचार्य्य तत्त्वेन ब्रूत यूयं मुनीश्वराः

sāṁprataṁ māmako yajño yuktaḥ syānmunisattamāḥ etadvicāryya tattvena brūta yūyaṁ munīśvarāḥ

O best of sages, consider truly whether my sacrifice is now fitting, and tell me, O lords of sages.

Verse 47 (skanda.2.183.47)

मुनय ऊचुः राजन्विश्वजिदाख्यातो यज्ञानां यज्ञ उत्तमः सांप्रतं कुरु तं यत्नान्मा विलंबं वृथा कृथाः

munaya ūcuḥ rājanviśvajidākhyāto yajñānāṁ yajña uttamaḥ sāṁprataṁ kuru taṁ yatnānmā vilaṁbaṁ vṛthā kṛthāḥ

The sages said: O king, the sacrifice called Vishvajit is the best of sacrifices; perform it now with diligence, and make no vain delay.

Verse 48 (skanda.2.183.48)

अगस्त्य उवाच नृपश्चक्रे ततो यज्ञं विश्वदिग्जयसंज्ञितम् नानासंभारमधुरं कृतसर्वस्वदक्षिणम्

agastya uvāca nṛpaścakre tato yajñaṁ viśvadigjayasaṁjñitam nānāsaṁbhāramadhuraṁ kṛtasarvasvadakṣiṇam

Agastya said: The king then performed the sacrifice named Vishva-dig-jaya, delightful with manifold requisites, in which all his wealth was given as the sacrificial fee.

Verse 49 (skanda.2.183.49)

नानाविधेन दानेन मुनिसंतोषहर्षकृत् सर्वस्वमेव प्रददौ द्विजेभ्यो बहुमानतः

nānāvidhena dānena munisaṁtoṣaharṣakṛt sarvasvameva pradadau dvijebhyo bahumānataḥ

Bringing satisfaction and joy to the sages through manifold gifts, he gave away his very all to the brahmins with great honor.

Verse 50 (skanda.2.183.50)

तेषु विश्वेषु यातेषु पूजितेषु गृहान्स्वकान् बन्धुष्वपि च तुष्टेषु मुनिषु प्रणतेषु च

teṣu viśveṣu yāteṣu pūjiteṣu gṛhānsvakān bandhuṣvapi ca tuṣṭeṣu muniṣu praṇateṣu ca

When all the guests, duly honored, had gone to their own homes, and his kinsmen too were satisfied, and the sages had been bowed to,

Verse 51 (skanda.2.183.51)

तेन यज्ञेन विधिवद्विहितेन नरेश्वरः शुशुभे शोभनाचारः स्वर्गे देवेंद्रवत्क्षणात्

tena yajñena vidhivadvihitena nareśvaraḥ śuśubhe śobhanācāraḥ svarge deveṁdravatkṣaṇāt

by that sacrifice, duly performed, the king, of excellent conduct, shone in an instant like Indra, lord of the gods, in heaven.

Verse 52 (skanda.2.183.52)

तत्रांतरे समभ्यायान्मुनिर्यमवतां वरः विश्वामित्रमुनेरंतेवासी कौत्स इति स्मृतः

tatrāṁtare samabhyāyānmuniryamavatāṁ varaḥ viśvāmitramuneraṁtevāsī kautsa iti smṛtaḥ

Meanwhile, there arrived a sage, foremost among the self-controlled, a disciple of the sage Vishvamitra, remembered by the name Kautsa.

Verse 53 (skanda.2.183.53)

दक्षिणार्थं गुरोर्द्धीमान्पावितुं तं नरेश्वरम् चतुर्दशसुवर्णानां कोटीराहर सत्वरम्

dakṣiṇārthaṁ gurorddhīmānpāvituṁ taṁ nareśvaram caturdaśasuvarṇānāṁ koṭīrāhara satvaram

For his guru's fee, pressed insistently by his guru — 'bring quickly fourteen crores of gold pieces,' thus in anger he had been asked —

Verse 54 (skanda.2.183.54)

मद्दक्षिणेति गुरुणा निर्बन्धाद्याचितो रुषा आगतः स मुनिः कौत्सस्ततो याचितुमादरात् रघुं भूपालतिलकं दत्तसर्वस्वदक्षिणम्

maddakṣiṇeti guruṇā nirbandhādyācito ruṣā āgataḥ sa muniḥ kautsastato yācitumādarāt raghuṁ bhūpālatilakaṁ dattasarvasvadakṣiṇam

that sage Kautsa then came, to make his request respectfully, to Raghu, the crest-jewel among kings, who had given away all his wealth as sacrificial fee.

Verse 55 (skanda.2.183.55)

तमागतमभिप्रेत्य रघुरादरतस्तदा उत्थाय पूजयामास विधिवत्स परंतपः सपर्य्यासीत्तस्य सर्वा मृत्पात्रविहितक्रिया

tamāgatamabhipretya raghurādaratastadā utthāya pūjayāmāsa vidhivatsa paraṁtapaḥ saparyyāsīttasya sarvā mṛtpātravihitakriyā

Recognizing him as he arrived, Raghu, that scorcher of foes, rising respectfully, duly honored him; but all the rites of hospitality for him had to be performed with clay vessels.

Verse 56 (skanda.2.183.56)

पूजासंभारमालोक्य तादृशं तं मुनीश्वरः विस्मितोऽभून्निरानन्दो दक्षिणाऽऽशां परित्यजन् उवाच मधुरं वाक्यं वाक्यज्ञानविशारदः

pūjāsaṁbhāramālokya tādṛśaṁ taṁ munīśvaraḥ vismito’bhūnnirānando dakṣiṇā’’śāṁ parityajan uvāca madhuraṁ vākyaṁ vākyajñānaviśāradaḥ

Seeing such meager materials of hospitality, that lord of sages was astonished and joyless, and, abandoning hope of receiving his fee, spoke a gentle word, being skilled in the knowledge of speech.

Verse 57 (skanda.2.183.57)

कौत्स उवाच राजन्नभ्युदयस्तेऽस्तु गच्छाम्यन्यत्र सांप्रतम्

kautsa uvāca rājannabhyudayaste’stu gacchāmyanyatra sāṁpratam

Kautsa said: O king, may prosperity be yours; I shall now go elsewhere.

Verse 58 (skanda.2.183.58)

गुर्वर्थाहरणायैव दत्तसर्वस्वदक्षिणम् त्वां न याचे धनाभावादतोऽन्यत्र व्रजाम्यहम्

gurvarthāharaṇāyaiva dattasarvasvadakṣiṇam tvāṁ na yāce dhanābhāvādato’nyatra vrajāmyaham

Since it was only to obtain wealth for my guru's fee that I came, and you have already given away all your wealth as sacrificial fee, I shall not ask you, for want of means; therefore I go elsewhere.

Verse 59 (skanda.2.183.59)

अगस्त्य उवाच इत्युक्तस्तेन मुनिना रघुः परपुरंजयः क्षणं ध्यात्वाऽब्रवीदेनं विनयाद्विहितांजलिः

agastya uvāca ityuktastena muninā raghuḥ parapuraṁjayaḥ kṣaṇaṁ dhyātvā’bravīdenaṁ vinayādvihitāṁjaliḥ

Agastya said: Thus addressed by that sage, Raghu, the conqueror of enemy cities, having reflected for a moment, spoke to him humbly, with joined palms.

Verse 60 (skanda.2.183.60)

रघुरुवाच भगवंस्तिष्ठ मे हर्म्ये दिनमेकं मुनिव्रत यावद्यतिष्ये भगवन्भवदर्थार्थमुच्चकैः

raghuruvāca bhagavaṁstiṣṭha me harmye dinamekaṁ munivrata yāvadyatiṣye bhagavanbhavadarthārthamuccakaiḥ

Raghu said: Lord, O sage of strict vows, stay in my palace for a single day, while I strive to the utmost for the sake of your purpose.

Verse 61 (skanda.2.183.61)

अगस्त्य उवाच इत्युक्त्वा परमोदारवचो मुनिमुदारधीः प्रतस्थे च रघुस्तत्र कुबेरविजिगीषया

agastya uvāca ityuktvā paramodāravaco munimudāradhīḥ pratasthe ca raghustatra kuberavijigīṣayā

Having spoken this most generous word to the sage, that noble-minded Raghu then set out with the intention of conquering Kubera.

Verse 62 (skanda.2.183.62)

तमायांतं कुबेरोऽथ विज्ञाप्य वचनोदितैः प्रसन्नमनसं चक्रे वृष्टिं स्वर्णस्य चाक्षयाम्

tamāyāṁtaṁ kubero’tha vijñāpya vacanoditaiḥ prasannamanasaṁ cakre vṛṣṭiṁ svarṇasya cākṣayām

Kubera, being informed by words of his approach, made his mind gracious and caused an inexhaustible rain of gold.

Verse 63 (skanda.2.183.63)

स्वर्णवृष्टिरभूद्यत्र सा स्वर्णखनिरुत्तमा स मुनिं दर्शयामास खनिं तेन निवेदिताम्

svarṇavṛṣṭirabhūdyatra sā svarṇakhaniruttamā sa muniṁ darśayāmāsa khaniṁ tena niveditām

The place where the rain of gold occurred became an excellent gold mine; Raghu showed the sage that mine which had been made known to him by Kubera.

Verse 64 (skanda.2.183.64)

तस्मै समर्पयामास तां रघुः खनिमुत्तमाम् मुनीन्द्रोऽपि गृहीत्वाशु ततो गुर्वर्थमादरात्

tasmai samarpayāmāsa tāṁ raghuḥ khanimuttamām munīndro’pi gṛhītvāśu tato gurvarthamādarāt

Raghu presented that excellent mine to him; and the lord of sages, having quickly taken it respectfully for his guru's fee,

Verse 65 (skanda.2.183.65)

राज्ञे निवेदयामास सर्वमन्यद्गुणाधिकः वरानथ ददौ तुष्टः कौत्सो मतिमतां वरः

rājñe nivedayāmāsa sarvamanyadguṇādhikaḥ varānatha dadau tuṣṭaḥ kautso matimatāṁ varaḥ

and, of surpassing virtue, reported the rest of it back to the king; then Kautsa, best among the wise, satisfied, gave boons.

Verse 66 (skanda.2.183.66)

कौत्स उवाच राजँल्लभस्व सत्पुत्रं निजवंशगुणान्वितम् इयं स्वर्णखनिस्तूर्णं मनोभीष्टफलप्रदा

kautsa uvāca rāja~llabhasva satputraṁ nijavaṁśaguṇānvitam iyaṁ svarṇakhanistūrṇaṁ manobhīṣṭaphalapradā

Kautsa said: O king, may you obtain a virtuous son endowed with the qualities of your lineage; may this gold mine swiftly grant the fruit desired in the heart.

Verse 67 (skanda.2.183.67)

भूयादत्र परं तीर्थं सर्वपापहरं सदा अत्र स्नानेन दानेन नृणां लक्ष्मीः प्रजायते

bhūyādatra paraṁ tīrthaṁ sarvapāpaharaṁ sadā atra snānena dānena nṛṇāṁ lakṣmīḥ prajāyate

May there be here henceforth a supreme sacred ford, ever a remover of all sin; by bathing and giving charity here, prosperity arises for men.

Verse 68 (skanda.2.183.68)

वैशाखे शुक्लद्वादश्यां यात्रा सांवत्सरी स्मृता नानाभीष्टफलप्राप्तिर्भूयान्मद्वचसा नृणाम्

vaiśākhe śukladvādaśyāṁ yātrā sāṁvatsarī smṛtā nānābhīṣṭaphalaprāptirbhūyānmadvacasā nṛṇām

On the twelfth of the bright fortnight of Vaishakha, the annual festival is remembered; by my word, may men obtain manifold desired fruits.

Verse 69 (skanda.2.183.69)

अगस्त्य उवाच इति दत्त्वा वरान्राज्ञे कौत्सः संतुष्टमानसः प्रतस्थे निजकार्यार्थे गुरोराश्रममुत्सुकः

agastya uvāca iti dattvā varānrājñe kautsaḥ saṁtuṣṭamānasaḥ pratasthe nijakāryārthe gurorāśramamutsukaḥ

Agastya said: Having thus given boons to the king, Kautsa, his mind satisfied, set out for his own purpose, eager for his guru's hermitage.

Verse 70 (skanda.2.183.70)

राजा स कृतकृत्योऽथ शेषं संगृह्य तद्धनम् द्विजेभ्यो विधिवद्दत्त्वा पालयामास वै प्रजाः

rājā sa kṛtakṛtyo’tha śeṣaṁ saṁgṛhya taddhanam dvijebhyo vidhivaddattvā pālayāmāsa vai prajāḥ

That king, his purpose now fulfilled, having gathered the remainder of that wealth and duly given it to brahmins, then ruled his subjects.

Verse 71 (skanda.2.183.71)

एवं स्वर्णखनेर्जातं माहात्म्यं च मुनीश्वरात्

evaṁ svarṇakhanerjātaṁ māhātmyaṁ ca munīśvarāt

Thus arose, from the lord of sages, the greatness of the gold mine.