The Fourteen Treasures from the Churning of the Nectar

Verse 1 (skanda.2.201.1)

स्कन्द उवाच । ततो हृष्टाः काश्यपेया मन्थस्थानमुपेत्य ते । पुनर्वर्षसहस्रं च मन्थन्ति स्म पयोनिधिम्

skanda uvāca tato hṛṣṭāḥ kāśyapeyā manthasthānamupetya te punarvarṣasahasraṁ ca manthanti sma payonidhim

Skanda said: Then the delighted sons of Kashyapa, returning to the place of churning, churned the ocean of milk again for a thousand years.

Verse 2 (skanda.2.201.2)

मथ्यमानात्तथा सिन्धोः सर्वेस्तैरपि किञ्चन । नासीच्च शिथिला आसन्मंथितारः श्वसन्मुखाः

mathyamānāttathā sindhoḥ sarvestairapi kiñcana nāsīcca śithilā āsanmaṁthitāraḥ śvasanmukhāḥ

Yet, though the ocean was thus churned by all of them, nothing at all emerged; the churners, panting from their mouths, grew weary.

Verse 3 (skanda.2.201.3)

वासुकिश्च महासर्पः प्राणवैक्लव्यमाप्तवान् । मन्थकाले मन्दरोपि नैकत्रासीत्स्थिरस्थितिः

vāsukiśca mahāsarpaḥ prāṇavaiklavyamāptavān manthakāle mandaropi naikatrāsītsthirasthitiḥ

And the great serpent Vasuki suffered a failing of his vital breath; at the time of churning, even Mandara had no steady position in one place.

Verse 4 (skanda.2.201.4)

सर्वान्दृष्ट्वा निरुत्साहान्प्रद्युम्नो विण्वनुज्ञया । देवासुराहिराजेषु प्रविश्य बलमादधौ

sarvāndṛṣṭvā nirutsāhānpradyumno viṇvanujñayā devāsurāhirājeṣu praviśya balamādadhau

Seeing all of them without vigor, Pradyumna, by Vishnu's sanction, entered into the gods, the asuras, and the king of serpents, and infused them with strength.

Verse 5 (skanda.2.201.5)

अनिरुद्धोपि तर्ह्येव तमाक्रम्य नगाधिपम् । सहस्रबाहुभिस्तस्थौ महाचल इवाऽपरः

aniruddhopi tarhyeva tamākramya nagādhipam sahasrabāhubhistasthau mahācala ivā'paraḥ

Aniruddha too, at that very moment, taking hold of the lord of mountains, stood there with a thousand arms, like a second great mountain.

Verse 6 (skanda.2.201.6)

ततो ममन्थुस्तरसा संप्राप्तपरमोजसः । सविस्मया महाब्धिं ते सुरासुरगणा मुदा

tato mamanthustarasā saṁprāptaparamojasaḥ savismayā mahābdhiṁ te surāsuragaṇā mudā

Then those hosts of gods and asuras, having attained supreme vigor, filled with wonder and joy, churned the great ocean vigorously.

Verse 7 (skanda.2.201.7)

नारायणानुभावेन नापुर्द्देवादयः श्रमम् । शुशुभे मन्थनं तच्च सममाकर्षणात्तदा

nārāyaṇānubhāvena nāpurddevādayaḥ śramam śuśubhe manthanaṁ tacca samamākarṣaṇāttadā

Through the power of Narayana, the gods and the rest felt no fatigue; and that churning appeared beautiful, because the pulling was even on both sides.

Verse 8 (skanda.2.201.8)

मथ्यमाने महाम्भोधौ सुस्रुवुः परितस्तदा । महाद्रुमाणां निर्यासा बहवश्चौषधीरसाः

mathyamāne mahāmbhodhau susruvuḥ paritastadā mahādrumāṇāṁ niryāsā bahavaścauṣadhīrasāḥ

As the great ocean was being churned, all around, many resins of great trees and essences of herbs flowed out.

Verse 9 (skanda.2.201.9)

तथाभूतादम्बुनिधेराविरासीत्कलानिधिः । कान्त्यौषधीनामध्यक्षः सर्वासां य उदीर्यते

tathābhūtādambunidherāvirāsītkalānidhiḥ kāntyauṣadhīnāmadhyakṣaḥ sarvāsāṁ ya udīryate

From that ocean, thus formed, arose the Moon, the overseer, through his splendor, of all herbs — celebrated among them all.

Verse 10 (skanda.2.201.10)

ततो गवामधिष्ठात्री सर्वासामपि कामधुक् । हविर्द्धान्यभवद्धेनुः शीतांशुसदृशद्युतिः

tato gavāmadhiṣṭhātrī sarvāsāmapi kāmadhuk havirddhānyabhavaddhenuḥ śītāṁśusadṛśadyutiḥ

Then arose the presiding cow of all cows, the wish-fulfilling Kamadhenu, named Havirdhani, of a splendor like the moon.

Verse 11 (skanda.2.201.11)

अश्वः श्वेतोऽथाविरासीद्धयानामधिदेवता । ऐरावतश्च नागेन्द्रश्चतुर्द्दन्तः शशिप्रभः

aśvaḥ śveto'thāvirāsīddhayānāmadhidevatā airāvataśca nāgendraścaturddantaḥ śaśiprabhaḥ

Then appeared the white horse, the presiding deity of all horses, and Airavata, the lord of elephants, four-tusked, of moon-like splendor.

Verse 12 (skanda.2.201.12)

पारिजातो दिव्यतरुस्तरुराजस्ततोऽभवत् । मणिरत्नं कौस्तुभाख्यं पद्मरागमभूत्ततः

pārijāto divyatarustarurājastato'bhavat maṇiratnaṁ kaustubhākhyaṁ padmarāgamabhūttataḥ

Then arose the Parijata, the divine tree, king of trees; then arose the ruby gem called Kaustubha.

Verse 13 (skanda.2.201.13)

ततोऽभवन्नप्सरसो रूपलावण्यभूमयः । सुरा देवी ततो जज्ञे सर्वमादकदेवता

tato'bhavannapsaraso rūpalāvaṇyabhūmayaḥ surā devī tato jajñe sarvamādakadevatā

Then arose the apsaras, the very ground of beauty and grace; then was born the goddess Sura, presiding deity of all intoxicants.

Verse 14 (skanda.2.201.14)

आसीदथ धनुः शार्ङ्गं सर्वशस्त्राधिदैवतम् । वाद्याधिदैवतं शंखः पाञ्चजन्यस्ततोऽभवत्

āsīdatha dhanuḥ śārṅgaṁ sarvaśastrādhidaivatam vādyādhidaivataṁ śaṁkhaḥ pāñcajanyastato'bhavat

Then appeared the bow Sharnga, presiding deity of all weapons; then arose the conch Panchajanya, presiding deity of musical instruments.

Verse 15 (skanda.2.201.15)

तत्र चन्द्रः पारिजातस्तथैवाप्सरसां गणः । आदित्यपथमाश्रित्य तस्थुरेते तु तत्क्षणम्

tatra candraḥ pārijātastathaivāpsarasāṁ gaṇaḥ ādityapathamāśritya tasthurete tu tatkṣaṇam

There, the Moon, the Parijata tree, and likewise the host of apsaras, taking refuge in the path of the sun, stood there at that very moment.

Verse 16 (skanda.2.201.16)

वारुणीमश्वराजं च दैत्येशा जगृहुर्द्रुतम् । ऐरावतं देवराजो जग्राहानुमताद्धरेः

vāruṇīmaśvarājaṁ ca daityeśā jagṛhurdrutam airāvataṁ devarājo jagrāhānumatāddhareḥ

The lords of the daityas quickly seized Varuni and the king of horses; the king of the gods took Airavata, by the sanction of Hari.

Verse 17 (skanda.2.201.17)

कौस्तुभश्च धनुः शंखो विष्णुमेव प्रपेदिरे । हविर्द्धानीं तु ते सर्वे तापसेभ्यो ददुस्तदा

kaustubhaśca dhanuḥ śaṁkho viṣṇumeva prapedire havirddhānīṁ tu te sarve tāpasebhyo dadustadā

The Kaustubha jewel, the bow, and the conch went to Vishnu alone; the cow Havirdhani, all of them then gave to the ascetics.

Verse 18 (skanda.2.201.18)

मथ्यमानात्पुनः सिन्धोः साक्षाच्छ्रीरभवत्स्वयम् । आनन्दयन्ती स्वदृशा त्रिलोकीं हतवर्चसम्

mathyamānātpunaḥ sindhoḥ sākṣācchrīrabhavatsvayam ānandayantī svadṛśā trilokīṁ hatavarcasam

Then, from the ocean thus churned again, Shri herself appeared directly, gladdening with her own glance the three worlds that had lost their splendor.

Verse 19 (skanda.2.201.19)

तां ग्रहीतुं तु सर्वेपि सुरासुरनरादयः । ऐच्छंस्तस्याः प्रतापात्तु शेकेन्त्येतुं न कश्चन

tāṁ grahītuṁ tu sarvepi surāsuranarādayaḥ aicchaṁstasyāḥ pratāpāttu śekentyetuṁ na kaścana

Gods, asuras, men, and others all desired to take hold of her; but because of her majesty, none of them was able to approach her.

Verse 20 (skanda.2.201.20)

ततस्तां पद्महस्तत्वाच्छ्रीं विदित्वैव वासवः । आनन्दं परमं प्राप ब्रह्माद्या ये च तद्विदः

tatastāṁ padmahastatvācchrīṁ viditvaiva vāsavaḥ ānandaṁ paramaṁ prāpa brahmādyā ye ca tadvidaḥ

Then Indra, recognizing her as Shri by the lotus in her hand, attained supreme joy, as did Brahma and the others who knew her.

Verse 21 (skanda.2.201.21)

तावत्तत्राम्बुधिः साक्षादेत्य तां हैम आसने । कन्या ममेयमित्युक्त्वा गृहीत्वाङ्क उपाविशत्

tāvattatrāmbudhiḥ sākṣādetya tāṁ haima āsane kanyā mameyamityuktvā gṛhītvāṅka upāviśat

At that moment the Ocean itself came there in person, and, saying, 'She is my daughter,' took her upon a golden seat and set her upon his lap.

Verse 22 (skanda.2.201.22)

पुनरब्धेर्मथ्यमानादधिकं बलिभिश्च तैः । सुधार्थिभिर्द्धैर्यवद्भिरपि नैवाभवत्सुधा

punarabdhermathyamānādadhikaṁ balibhiśca taiḥ sudhārthibhirddhairyavadbhirapi naivābhavatsudhā

Yet, though the ocean was churned even more vigorously by those mighty, patient ones desiring the nectar, still no nectar appeared.

Verse 23 (skanda.2.201.23)

तदा शिथिलयत्नास्ते निराशा अमृतोद्भवे । प्रम्लानवक्त्राः खिन्नाश्च बभूवुः काश्यपा मुने

tadā śithilayatnāste nirāśā amṛtodbhave pramlānavaktrāḥ khinnāśca babhūvuḥ kāśyapā mune

O sage, then the sons of Kashyapa, their efforts slackened, despairing of the nectar's appearance, became downcast of face and weary.

Verse 24 (skanda.2.201.24)

दृष्ट्वा तथाविधांस्तांश्च भगवान्करुणानिधिः । उद्युक्तोभूत्स्वयं ब्रह्मन्मन्थनाय हसन्विभुः

dṛṣṭvā tathāvidhāṁstāṁśca bhagavānkaruṇānidhiḥ udyuktobhūtsvayaṁ brahmanmanthanāya hasanvibhuḥ

O brahmin, seeing them in this state, the Blessed Lord, the treasury of compassion, himself, smiling, took up the effort of churning.

Verse 25 (skanda.2.201.25)

रत्नकाञ्चीदृढाबद्धकक्षपीताम्बरद्युतिः । द्वाभ्यां द्वाभ्यामहिं मध्ये दोर्भ्यामुभयतोग्रहीत्

ratnakāñcīdṛḍhābaddhakakṣapītāmbaradyutiḥ dvābhyāṁ dvābhyāmahiṁ madhye dorbhyāmubhayatograhīt

With a jeweled girdle firmly bound at his waist, radiant in his yellow garment, he took hold of the serpent from the middle, with two arms on each side.

Verse 26 (skanda.2.201.26)

धृताहिवदना दैत्यास्तस्थुरेकत एव ते । एकतो धृततत्पुच्छा देवास्तस्थुस्तदाखिलाः

dhṛtāhivadanā daityāstasthurekata eva te ekato dhṛtatatpucchā devāstasthustadākhilāḥ

On one side stood the daityas, holding the serpent's mouth-end; on the other side stood all the gods, holding its tail-end.

Verse 27 (skanda.2.201.27)

तन्मध्यगश्च भगवान्ममन्थाब्धिं स लीलया । ददानो नयनानन्द चञ्चत्करविभूषणः

tanmadhyagaśca bhagavānmamanthābdhiṁ sa līlayā dadāno nayanānanda cañcatkaravibhūṣaṇaḥ

And the Blessed Lord, standing in the midst of them, churned the ocean with mere play, his moving hand-ornaments giving delight to the eyes.

Verse 28 (skanda.2.201.28)

ब्रह्मा सहर्षिप्रवरैरन्तरिक्षस्थितस्तदा । अवाकिरत्तं कुसुमैः कुर्वञ्जयजयध्वनिम्

brahmā saharṣipravarairantarikṣasthitastadā avākirattaṁ kusumaiḥ kurvañjayajayadhvanim

Brahma, together with the foremost sages, standing in the sky, then showered him with flowers, raising the cry, 'Victory, victory!'

Verse 29 (skanda.2.201.29)

मथ्यमानात्ततः सिन्धोर्ज्जज्ञे धन्वन्तरिः पुमान् । विष्णोरंशेन गौरांगः सुधाकुम्भं करे दधत्

mathyamānāttataḥ sindhorjjajñe dhanvantariḥ pumān viṣṇoraṁśena gaurāṁgaḥ sudhākumbhaṁ kare dadhat

Then, from the ocean thus churned, was born the man Dhanvantari, of fair complexion, a partial incarnation of Vishnu, holding in his hand a pot of nectar.

Verse 30 (skanda.2.201.30)

घृतादीनां हि सर्वेषां रसानां सारमुत्तमम् । अमृतं तद्गृहीत्वाऽसौ श्रियोन्तिकमुपाययौ

ghṛtādīnāṁ hi sarveṣāṁ rasānāṁ sāramuttamam amṛtaṁ tadgṛhītvā'sau śriyontikamupāyayau

He, having taken up that nectar, the supreme essence of all essences beginning with ghee, approached the presence of Shri.