The Rite of Worship of Sri Vasudeva

Verse 1 (skanda.2.218.1)

श्रीनारायण उवाच । उपचारैर्बहुविधैर्मानसैस्तं प्रपूज्य सः । आवाह्य स्थापयेद्भक्तो मूर्तौ स्थापनमुद्रया

śrīnārāyaṇa uvāca | upacārairbahuvidhairmānasaistaṁ prapūjya saḥ | āvāhya sthāpayedbhakto mūrtau sthāpanamudrayā

Sri Narayana said: Having worshipped Him with many kinds of mental offerings, the devotee should invoke Him and establish Him in the image with the gesture of establishment.

Verse 2 (skanda.2.218.2)

ततस्तदंगदेवांश्च तत्तन्मन्त्रैः पृथक्पृथक् । आवाह्य नाममन्त्रैर्वा सुप्रतिष्ठापयेच्च सः

tatastadaṁgadevāṁśca tattanmantraiḥ pṛthakpṛthak | āvāhya nāmamantrairvā supratiṣṭhāpayecca saḥ

Then he should invoke the attendant deities, each separately with their respective mantras, or with mantras of their names, and duly establish them.

Verse 3 (skanda.2.218.3)

घण्टादि वादयेद्वाद्यं कुर्याद्वा तालिकाध्वनिम् । सुप्तोत्थितमिवाऽथैनं कारयेद्दन्तधावनम्

ghaṇṭādi vādayedvādyaṁ kuryādvā tālikādhvanim | suptotthitamivā'thainaṁ kārayeddantadhāvanam

He should ring the bell and other instruments, or clap his hands, and then, as if He had just risen from sleep, cause Him to clean His teeth.

Verse 4 (skanda.2.218.4)

श्यामाकविष्णुकान्ताभ्यां दूर्वाब्जाभ्यां सहोदकम् । पाद्यमेतत्प्रभोर्दद्यात्ततोर्घ्याचमनीयके

śyāmākaviṣṇukāntābhyāṁ dūrvābjābhyāṁ sahodakam | pādyametatprabhordadyāttatorghyācamanīyake

With shyamaka grass, vishnukranta flower, durva grass, and lotus, together with water, he should offer this foot-water to the Lord; then the arghya and achamaniya waters.

Verse 5 (skanda.2.218.5)

चन्दनाक्षतपुष्पाणि दर्भाग्रतिलसर्षपान् । यवान्दूर्वा चार्घ्यपात्रे निक्षिपेदम्बुना भृते

candanākṣatapuṣpāṇi darbhāgratilasarṣapān | yavāndūrvā cārghyapātre nikṣipedambunā bhṛte

Into the arghya vessel filled with water, he should place sandal-paste, unbroken rice, flowers, the tips of kusha grass, sesame, mustard seeds, barley, and durva grass.

Verse 6 (skanda.2.218.6)

जातीफललवंगैलाकङ्कोलोशीरवासितम् । दद्यादाचमनीयाम्बु ततः संस्नपयेद्धरिम्

jātīphalalavaṁgailākaṅkolośīravāsitam | dadyādācamanīyāmbu tataḥ saṁsnapayeddharim

He should offer the achamaniya water, scented with nutmeg, cloves, cardamom, kankola, and vetiver root; then he should bathe Hari.

Verse 7 (skanda.2.218.7)

सुगन्धिपुष्पतैलेन कुर्यादभ्यंगमादितः । सुरभिद्रव्यकल्केन कुर्याच्चोद्वर्तनं ततः

sugandhipuṣpatailena kuryādabhyaṁgamāditaḥ | surabhidravyakalkena kuryāccodvartanaṁ tataḥ

First he should anoint Him with fragrant flower-oil, then perform the unguent-rubbing with a paste of fragrant substances.

Verse 8 (skanda.2.218.8)

क्षीरेण दध्ना चाज्येन मधुना सितया तथा । स्नपयेद्धरिमव्यग्रस्तत्तन्मन्त्रैः पृथक्पृथक्

kṣīreṇa dadhnā cājyena madhunā sitayā tathā | snapayeddharimavyagrastattanmantraiḥ pṛthakpṛthak

With an undistracted mind, he should bathe Hari with milk, curd, ghee, honey, and sugar, each with its own separate mantra.

Verse 9 (skanda.2.218.9)

सुगन्धिना च शुद्धेन स्नानमुष्णेन चाम्बुना । तं कारयित्वा गन्धाद्यैः स्नानपीठेऽर्चयेल्लघु

sugandhinā ca śuddhena snānamuṣṇena cāmbunā | taṁ kārayitvā gandhādyaiḥ snānapīṭhe'rcayellaghu

Having then bathed Him with pure, fragrant, warm water, he should briefly worship Him upon the bathing-seat with sandal-paste and the rest.

Verse 10 (skanda.2.218.10)

निर्माल्यपुष्पादि ततो विसृज्योत्तरतो द्विजः । राजनाद्यैः सामभिर्वा महापुरुषविद्यया । श्रीसूक्तविष्णुसूक्तक्ताभ्यामभिषेकं समाचरेत्

nirmālyapuṣpādi tato visṛjyottarato dvijaḥ | rājanādyaiḥ sāmabhirvā mahāpuruṣavidyayā | śrīsūktaviṣṇusūktaktābhyāmabhiṣekaṁ samācaret

Then, having removed the withered flowers to the north, the twice-born should perform the consecratory bathing with the Rajana and other Sama hymns, or with the Mahapurusha-vidya, or the Shri-sukta and Vishnu-sukta.

Verse 11 (skanda.2.218.11)

नाम्नां सहस्रेण हरेरष्टोत्तरशतेन वा । अभिषेकं तु कुर्वीरन्स्त्रियः शूद्राश्च दीक्षिताः

nāmnāṁ sahasreṇa hareraṣṭottaraśatena vā | abhiṣekaṁ tu kurvīranstriyaḥ śūdrāśca dīkṣitāḥ

Initiated women and Shudras should perform the consecratory bathing with the thousand names of Hari, or with the hundred and eight.

Verse 12 (skanda.2.218.12)

ततः प्रमार्ज्य वस्त्रेण तमनर्घ्यांशुकानि च । परिधापयेदतिप्रेम्णा राधां चान्यांश्च शक्तितः

tataḥ pramārjya vastreṇa tamanarghyāṁśukāni ca | paridhāpayedatipremṇā rādhāṁ cānyāṁśca śaktitaḥ

Then, having wiped Him with a cloth, he should, with great love, clothe Him in priceless garments, and likewise Radha and the others, according to his means.

Verse 13 (skanda.2.218.13)

उपवीतं भगवते दद्यात्सूक्ष्मं सितं शुभम् । रत्नहेमाद्यलंकारान्सांगायास्मै च धारयेत्

upavītaṁ bhagavate dadyātsūkṣmaṁ sitaṁ śubham | ratnahemādyalaṁkārānsāṁgāyāsmai ca dhārayet

He should give the Lord a fine, white, auspicious sacred thread, and adorn Him, together with His attendant deities, with ornaments of jewels and gold.

Verse 14 (skanda.2.218.14)

यथाऋतु यथास्थानं चन्दनेन यथोचितम् । तिलकानुलेपनं कुर्यात्सकेशरघनादिना

yathāṛtu yathāsthānaṁ candanena yathocitam | tilakānulepanaṁ kuryātsakeśaraghanādinā

According to the season and the place, he should apply the tilaka and unguent of sandal-paste as is fitting, mixed with saffron and other substances.

Verse 15 (skanda.2.218.15)

यथोचितमलंकारान्धारयित्वा च राधिकाम् । पत्रलेखां च तिलकं विदध्यात्कुङ्कुमाक्षतैः

yathocitamalaṁkārāndhārayitvā ca rādhikām | patralekhāṁ ca tilakaṁ vidadhyātkuṅkumākṣataiḥ

Having adorned Radhika with fitting ornaments, he should also draw leaf-patterns and apply the tilaka with vermilion and unbroken rice.

Verse 16 (skanda.2.218.16)

आदर्शं दर्शयित्वाऽथ पुष्पस्रक्छेखरादिभिः । पूजयेत्तं सहस्रेण तुलसीमञ्जरीदलैः

ādarśaṁ darśayitvā'tha puṣpasrakchekharādibhiḥ | pūjayettaṁ sahasreṇa tulasīmañjarīdalaiḥ

Having then shown Him a mirror, he should worship Him with a thousand flower-garlands, crests, and tulasi-manjari leaves.

Verse 17 (skanda.2.218.17)

तुलस्या वाऽथ पुष्पेण प्रत्येकं नाम वैष्णवम् । नमः प्रान्तचतुर्थ्यन्तं कीर्त्तयन्नर्चयेत्प्रभुम्

tulasyā vā'tha puṣpeṇa pratyekaṁ nāma vaiṣṇavam | namaḥ prāntacaturthyantaṁ kīrttayannarcayetprabhum

Or, with a tulasi leaf or a flower for each, he should worship the Lord, reciting each Vaishnava name in the dative case ending with 'namah'.

Verse 18 (skanda.2.218.18)

सुगन्धिद्रव्यचूर्णानि ततः सौभाग्यवन्ति च । समर्प्य धूपं कुर्वीत दशांगं वामृतादिकम्

sugandhidravyacūrṇāni tataḥ saubhāgyavanti ca | samarpya dhūpaṁ kurvīta daśāṁgaṁ vāmṛtādikam

Then, having offered fragrant powders that bring good fortune, he should offer incense, either of the ten ingredients or the amrita type.

Verse 19 (skanda.2.218.19)

दीपं घृतेन कुर्वीत वर्त्तिकाद्वयदीपितम् । कृतं स्वशक्तितः शुद्धं महानैवेद्यमर्पयेत्

dīpaṁ ghṛtena kurvīta varttikādvayadīpitam | kṛtaṁ svaśaktitaḥ śuddhaṁ mahānaivedyamarpayet

He should offer a lamp of ghee lit with a pair of wicks; and he should offer a great food-offering, pure and prepared according to his means.

Verse 20 (skanda.2.218.20)

संयावपायसापूपशष्कुलीखण्डलड्डकान् । पूरिकाः पोलिका मौद्गमोदनं व्यञ्जनानि च । दधिदुग्धघृतादीनि चतुष्पद्यां निधारयेत्

saṁyāvapāyasāpūpaśaṣkulīkhaṇḍalaḍḍakān | pūrikāḥ polikā maudgamodanaṁ vyañjanāni ca | dadhidugdhaghṛtādīni catuṣpadyāṁ nidhārayet

He should set out sweet cakes, rice-pudding, cakes, fried sweets, sugar-candy sweets, and laddus; puris, polikas, mung-rice, and vegetable dishes; and curd, milk, ghee, and the like on a four-legged stand.

Verse 21 (skanda.2.218.21)

भोजयेत्तं ततः प्रेम्णा मध्ये पानीयमर्पयन् । मुहूर्त्तार्द्धे गते दद्याद्धस्तप्रक्षालनांबु च

bhojayettaṁ tataḥ premṇā madhye pānīyamarpayan | muhūrttārddhe gate dadyāddhastaprakṣālanāṁbu ca

Then he should feed Him lovingly, offering water in the midst; when half a muhurta has passed, he should offer water for washing the hands.

Verse 22 (skanda.2.218.22)

उच्छेषणं भगवतो विष्वक्सेनादिदेवताः । उपकल्प्यान्यतः स्थाप्य स्वार्थं तद्भुवमामृजेत्

uccheṣaṇaṁ bhagavato viṣvaksenādidevatāḥ | upakalpyānyataḥ sthāpya svārthaṁ tadbhuvamāmṛjet

He should offer the remnants of the Lord's food to Vishvaksena and the other deities, place them elsewhere, and then clean that spot for his own purpose.

Verse 23 (skanda.2.218.23)

मुखवासं ततो दद्यात्कृतां ताम्बूलवीटिकाम् । पूगचूर्णलवङ्गैलाजातीजादिसमन्विताम्

mukhavāsaṁ tato dadyātkṛtāṁ tāmbūlavīṭikām | pūgacūrṇalavaṅgailājātījādisamanvitām

Then he should offer a mouth-freshener, a prepared betel roll, containing areca-nut powder, cloves, cardamom, nutmeg, and the like.

Verse 24 (skanda.2.218.24)

फलं च नालिकेरादि दत्त्वा शक्त्या च दक्षिणाम् । महानीराजनं कुर्याद्गीतवादित्रपूर्वकम्

phalaṁ ca nālikerādi dattvā śaktyā ca dakṣiṇām | mahānīrājanaṁ kuryādgītavāditrapūrvakam

Having offered fruit such as coconut and a monetary gift according to his means, he should perform the great waving of lamps, accompanied by song and instrumental music.

Verse 25 (skanda.2.218.25)

स्तुयात्पुष्पाञ्जलीन्दत्त्वा तत्स्तोत्रेणैव तं ततः । नामसंकीर्तनं कुर्याद्गायन्नृत्यंश्च तत्पुरः

stuyātpuṣpāñjalīndattvā tatstotreṇaiva taṁ tataḥ | nāmasaṁkīrtanaṁ kuryādgāyannṛtyaṁśca tatpuraḥ

Then, offering handfuls of flowers, he should praise Him with hymns of praise; he should perform the chanting of His names, singing and dancing before Him.

Verse 26 (skanda.2.218.26)

मुहूर्त्तं स विधायेत्थं कृत्वा चैव प्रदक्षिणाम् । प्रणामं दण्डवत्कुर्यात्तिर्यक्तद्दक्षिणे भुवि

muhūrttaṁ sa vidhāyetthaṁ kṛtvā caiva pradakṣiṇām | praṇāmaṁ daṇḍavatkuryāttiryaktaddakṣiṇe bhuvi

Having thus performed these rites for a muhurta and circumambulated Him, he should make prostration like a fallen staff, lying crosswise on the ground to His right.

Verse 27 (skanda.2.218.27)

अष्टांगं वापि पञ्चागं प्रणामं पुरुषश्चरेत् । पञ्चांगमेव नारी तु नान्यथा मुनिसत्तम

aṣṭāṁgaṁ vāpi pañcāgaṁ praṇāmaṁ puruṣaścaret | pañcāṁgameva nārī tu nānyathā munisattama

A man should perform prostration with eight limbs, or with five; but O best of sages, a woman should perform only the five-limbed prostration, and no other.

Verse 28 (skanda.2.218.28)

पद्भ्यां कराभ्यां जानुभ्यामुरसा शिरसा दृशा । वचसा मनसा चेति प्रणामोऽष्टांग ईरितः

padbhyāṁ karābhyāṁ jānubhyāmurasā śirasā dṛśā | vacasā manasā ceti praṇāmo'ṣṭāṁga īritaḥ

With the two feet, the two hands, the two knees, the chest, the head, the eyes, the speech, and the mind — such is declared to be the eight-limbed prostration.

Verse 29 (skanda.2.218.29)

बाहुभ्यां चैव मनसा शिरसा वचसा दृशा । पञ्चांगोयं प्रणामः स्यात्पूजासु प्रवराविमौ

bāhubhyāṁ caiva manasā śirasā vacasā dṛśā | pañcāṁgoyaṁ praṇāmaḥ syātpūjāsu pravarāvimau

With the two arms, the mind, the head, the speech, and the eyes — this is the five-limbed prostration. These two are the foremost forms in worship.

Verse 30 (skanda.2.218.30)

भीतं मां संसृतेः पाहि प्रपन्नं त्वां प्रभो इति । ततः संप्रार्थ स्वाध्यायं शक्त्या कुर्वीत नैत्यकम्

bhītaṁ māṁ saṁsṛteḥ pāhi prapannaṁ tvāṁ prabho iti | tataḥ saṁprārtha svādhyāyaṁ śaktyā kurvīta naityakam

'O Lord, protect me, who am afraid of worldly existence and who have taken refuge in You' — having thus prayed, he should then perform his daily study of scripture, according to his ability.

Verse 31 (skanda.2.218.31)

ध्यात्वा शेषां च तद्दत्तां गृहीत्वा शिरसादरात् । आवाहितं यथापूर्वं राधाकृष्णं हृदम्बुजे । संस्थापयेच्चांगदेवान्स्वस्वस्थानं विसर्जयेत्

dhyātvā śeṣāṁ ca taddattāṁ gṛhītvā śirasādarāt | āvāhitaṁ yathāpūrvaṁ rādhākṛṣṇaṁ hṛdambuje | saṁsthāpayeccāṁgadevānsvasvasthānaṁ visarjayet

Meditating once more, and reverently taking the remnant given by Him upon his head, he should establish the invoked Radha-Krishna, as before, within the lotus of his heart, and dismiss the attendant deities each to his own place.

Verse 32 (skanda.2.218.32)

करण्डके वा शय्यायां मन्दिरे प्रतिमां हरेः । शाययित्वा पिधाय द्वार्वैश्वदेवं समाचरेत्

karaṇḍake vā śayyāyāṁ mandire pratimāṁ hareḥ | śāyayitvā pidhāya dvārvaiśvadevaṁ samācaret

Having laid the image of Hari to rest, either in a casket or upon a couch in the shrine, and closed the door, he should perform the Vaishvadeva rite.

Verse 33 (skanda.2.218.33)

प्रासादिकं हरेरन्नं स्वपोष्येभ्यो विभज्य सः । स्वयं भुक्त्वा तत्कथाद्यैर्दिनशेषमतिक्रमेत्

prāsādikaṁ harerannaṁ svapoṣyebhyo vibhajya saḥ | svayaṁ bhuktvā tatkathādyairdinaśeṣamatikramet

Having distributed the sanctified food of Hari among his dependents, and having eaten himself, he should pass the rest of the day in narrating His stories and the like.

Verse 34 (skanda.2.218.34)

महापूजाविधानेन प्रोक्तेनानेन योन्वहम् । भक्त्या समर्चयेद्विष्णुं स भवेत्तस्य पार्षदः

mahāpūjāvidhānena proktenānena yonvaham | bhaktyā samarcayedviṣṇuṁ sa bhavettasya pārṣadaḥ

Whoever daily worships Vishnu with devotion, according to this declared rite of great worship, becomes one of His attendants.

Verse 35 (skanda.2.218.35)

दिव्यं विमानमारुह्य भास्वरं देवतेप्सितम् । गोलोकाख्यं हरेर्द्धाम दिव्याङ्गो याति पूजकः

divyaṁ vimānamāruhya bhāsvaraṁ devatepsitam | golokākhyaṁ harerddhāma divyāṅgo yāti pūjakaḥ

Mounting a divine, radiant aerial chariot desired even by the gods, the worshipper, his body made divine, goes to the abode of Hari called Goloka.

Verse 36 (skanda.2.218.36)

फलाभिसंधिना वापि यस्तमर्चेद्दिनेदिने । सोपि धर्मं काममर्थं मोक्षं चाप्नोत्यभीप्सितम्

phalābhisaṁdhinā vāpi yastamarceddinedine | sopi dharmaṁ kāmamarthaṁ mokṣaṁ cāpnotyabhīpsitam

And even he who worships Him day after day with an eye to reward attains the dharma, desire, wealth, and liberation that he seeks.

Verse 37 (skanda.2.218.37)

इत्थं पूजाविधिं कर्त्तुमशक्तो राधया सह । हरिमेकं यथा लब्धैरर्चेद्भक्त्योपचारकैः

itthaṁ pūjāvidhiṁ karttumaśakto rādhayā saha | harimekaṁ yathā labdhairarcedbhaktyopacārakaiḥ

One who is unable to perform this rite of worship together with Radha should worship Hari alone with whatever offerings he can obtain, with devotion.

Verse 38 (skanda.2.218.38)

द्वादशाक्षरमन्त्रेण द्विजोऽन्यो नाममन्त्रतः । श्रीराधाकृष्णमभ्यर्चेद्भक्तिरेवाऽत्र सिद्धिदा

dvādaśākṣaramantreṇa dvijo'nyo nāmamantrataḥ | śrīrādhākṛṣṇamabhyarcedbhaktirevā'tra siddhidā

A twice-born should worship Sri Radha-Krishna with the twelve-syllabled mantra, another with the mantra of His name; here it is devotion alone that grants accomplishment.

Verse 39 (skanda.2.218.39)

एकादश्यां हरेर्जन्मोत्सवादौ तु विशेषतः । महापूजैव कर्त्तव्या स्वशक्त्याऽखिलवैष्णवैः

ekādaśyāṁ harerjanmotsavādau tu viśeṣataḥ | mahāpūjaiva karttavyā svaśaktyā'khilavaiṣṇavaiḥ

On Ekadashi, and especially on the festival of Hari's birth and similar occasions, great worship alone should be performed by all Vaishnavas, according to their capacity.

Verse 40 (skanda.2.218.40)

प्रतिष्ठामात्रमपि यः कुर्यादन्यकृतालये । स सार्वभौम राज्यं वै प्राप्नुयान्नष्टकिल्विषः

pratiṣṭhāmātramapi yaḥ kuryādanyakṛtālaye | sa sārvabhauma rājyaṁ vai prāpnuyānnaṣṭakilviṣaḥ

Whoever performs even the mere consecration of an image in a temple built by another, his sins destroyed, attains sovereignty over the whole earth.

Verse 41 (skanda.2.218.41)

कारयेन्मन्दिरं रम्यं धनाढ्यश्च हरेर्दृढम् । यः स तु प्राप्नुयाद्राज्यं त्रैलोक्यस्याप्यकण्टकम्

kārayenmandiraṁ ramyaṁ dhanāḍhyaśca harerdṛḍham | yaḥ sa tu prāpnuyādrājyaṁ trailokyasyāpyakaṇṭakam

He who, being wealthy, has a beautiful and sturdy temple of Hari built, attains unchallenged sovereignty over even the three worlds.

Verse 42 (skanda.2.218.42)

वृत्तिदानेन पूजायाः प्रवाहं वर्द्धयेत्तु यः । स पुमान्प्राप्नुयान्नूनं विष्णुलोके महत्सुखम्

vṛttidānena pūjāyāḥ pravāhaṁ varddhayettu yaḥ | sa pumānprāpnuyānnūnaṁ viṣṇuloke mahatsukham

He who, by endowing a livelihood for the priests, increases the continuity of the worship, that man certainly attains great happiness in the world of Vishnu.

Verse 43 (skanda.2.218.43)

प्रतिष्ठां मन्दिरं पूजां कारये त्त्रीण्यपीह यः । समानैश्वर्यमाप्नोति वासुदेवस्य स धुवम्

pratiṣṭhāṁ mandiraṁ pūjāṁ kāraye ttrīṇyapīha yaḥ | samānaiśvaryamāpnoti vāsudevasya sa dhuvam

He who arranges for all three — consecration, temple, and worship — certainly attains a glory equal to that of Vasudeva.

Verse 44 (skanda.2.218.44)

हरेर्वृर्त्तिं हरेद्यस्तु कृतां स्वेन परेण वा । कल्पमेकं स वै भुंक्ते नरके यमयातनाः

harervṛrttiṁ haredyastu kṛtāṁ svena pareṇa vā | kalpamekaṁ sa vai bhuṁkte narake yamayātanāḥ

But whoever seizes the endowment made for Hari's worship, whether established by himself or by another, suffers the torments of Yama in hell for a full kalpa.

Verse 45 (skanda.2.218.45)

कर्त्ता कारयिता यश्च सहायश्चानुमोदकः । चतुर्णां हि फले भागः सुकृतस्येतरस्य च

karttā kārayitā yaśca sahāyaścānumodakaḥ | caturṇāṁ hi phale bhāgaḥ sukṛtasyetarasya ca

The doer, the one who causes it to be done, the helper, and the one who approves — these four share alike in the fruit, whether of good deeds or of the opposite.

Verse 46 (skanda.2.218.46)

इति क्रियायोगविधिर्मया नारद कीर्त्तितः । येनैकान्तिकधर्मोऽत्र सिद्ध्येत्तत्प्रवणात्मनाम्

iti kriyāyogavidhirmayā nārada kīrttitaḥ | yenaikāntikadharmo'tra siddhyettatpravaṇātmanām

Thus, O Narada, I have declared the rite of ritual discipline, by which the exclusive dharma is accomplished for those whose minds are devoted to it.

Verse 47 (skanda.2.218.47)

विषयांश्चिन्तयंश्चित्ते बहिः पूजां हरेश्चरन् । संभारेणापि महता न यथोक्तं फलं लभेत्

viṣayāṁścintayaṁścitte bahiḥ pūjāṁ hareścaran | saṁbhāreṇāpi mahatā na yathoktaṁ phalaṁ labhet

One who, while thinking of sense-objects in his heart, outwardly performs the worship of Hari, does not obtain the declared fruit even with a great abundance of offerings.

Verse 48 (skanda.2.218.48)

इतस्ततो ग्राम्यसुखे भ्रमत्स्वीयं मनस्ततः । नियम्य विष्णुपूजायां मुमुक्षुः प्रयतो भवेत्

itastato grāmyasukhe bhramatsvīyaṁ manastataḥ | niyamya viṣṇupūjāyāṁ mumukṣuḥ prayato bhavet

Therefore, one who seeks liberation should restrain his mind, which wanders here and there after worldly pleasures, and apply it with effort to the worship of Vishnu.

Verse 49 (skanda.2.218.49)

महाव्रता भूरितपस्विनोपि स्वधीतवेदा अपि बुद्धिमन्तः । सांख्यं च योगं परिशीलयन्तः सिद्धिं न यान्त्येव विनार्चनं हरेः

mahāvratā bhūritapasvinopi svadhītavedā api buddhimantaḥ | sāṁkhyaṁ ca yogaṁ pariśīlayantaḥ siddhiṁ na yāntyeva vinārcanaṁ hareḥ

Even those of great vows, of abundant austerity, learned in the Vedas, and intelligent, who study Sankhya and Yoga, do not attain perfection at all without the worship of Hari.