The Glory of Chakra-tirtha

Verse 1 (skanda.2.23.1)

श्रीसूत उवाच । अथाहं संप्रवक्ष्यामि द्विजेन्द्राः सत्यवादिनः । चक्रतीर्थस्य माहात्म्यं सर्वपापप्रणाशनम् ।

śrīsūta uvāca athāhaṁ saṁpravakṣyāmi dvijendrāḥ satyavādinaḥ cakratīrthasya māhātmyaṁ sarvapāpapraṇāśanam

Shri Suta said: O truthful lords among the twice-born! Now I shall relate the glory of Chakra-tirtha, which destroys all sins.

Verse 2 (skanda.2.23.2)

ये शृण्वन्ति महापुण्यं चक्रतीर्थस्य वैभवम् । ते यांति विष्णुभवनं पुनरावृत्तिवर्जितम् ।

ye śṛṇvaṁti mahāpuṇyaṁ cakratīrthasya vaibhavam te yāṁti viṣṇubhavanaṁ punarāvṛttivarjitam

Those who hear of this immensely meritorious splendor of Chakra-tirtha attain the abode of Vishnu from which there is no return.

Verse 3 (skanda.2.23.3)

अन्नदाने च विमुखा जलदाने तथैव च । गोदानविमुखा ये च शुद्धास्तेऽत्र निमज्जनात् ।

annadāne ca vimukhā jaladāne tathaiva ca godānavimukhā ye ca śuddhāste'tra nimajjanāt

Even those who have been averse to giving food, water, or cows are purified simply by immersing themselves here.

Verse 4 (skanda.2.23.4)

तस्मात्पुण्यतमं तीर्थं चक्रतीर्थमनुत्तमम् ।

tasmātpuṇyatamaṁ tīrthaṁ cakratīrthamanuttamam

Therefore Chakra-tirtha is the most meritorious and unsurpassed of all sacred fords.

Verse 5 (skanda.2.23.5)

श्रीसूत उवाच । पुरा श्रीवत्सगोत्रीयः पद्मनाभो जितेन्द्रियः । चक्रपुष्करिणीतीरे सोऽतप्यत महत्तपः ।

śrīsūta uvāca purā śrīvatsagotrīyaḥ padmanābho jitendriyaḥ cakrapuṣkariṇītīre so'tapyata mahattapaḥ

Shri Suta said: In ancient times, a brahmin named Padmanabha, born in the Shrivatsa lineage and master of his senses, performed great austerity on the bank of the Chakra-Pushkarini.

Verse 6 (skanda.2.23.6)

दयायुक्तो निराहारः सत्यवादी जितेन्द्रियः । आत्मवत्सर्वभूतानि पश्यन्विषयनिःस्पृहः ।

dayāyukto nirāhāraḥ satyavādī jitendriyaḥ ātmavatsarvabhūtāni paśyanviṣayaniḥspṛhaḥ

He was compassionate, fasting, truthful, master of his senses, seeing all beings as his own self, and free of desire for sensory objects.

Verse 7 (skanda.2.23.7)

सर्वभूतहितो दान्तः सर्वद्वन्द्वविवर्जितः । वर्षाणि कतिचित्सोऽयं जीर्णपर्णाशनोऽभवत् ।

sarvabhūtahito dāntaḥ sarvadvaṁdvavivarjitaḥ varṣāṇi katicitso'yaṁ jīrṇaparṇāśano'bhavat

He was benevolent to all beings, self-controlled, free from every pair of opposites; for some years he subsisted only on withered fallen leaves.

Verse 8 (skanda.2.23.8)

कञ्चित्कालं जलाहारो वायुभक्षः कियत्समाः । एवं द्वादश वर्षाणि पद्मनाभो महामुनिः ।

kaṁcitkālaṁ jalāhāro vāyubhakṣaḥ kiyatsamāḥ evaṁ dvādaśa varṣāṇi padmanābho mahāmuniḥ

For a time he lived on water alone, and for some years on air alone; thus for twelve years the great sage Padmanabha —

Verse 9 (skanda.2.23.9)

अतप्यत तपो घोरं देवैरपि सुदुष्करम् । अथ तत्तपसा तुष्टो भगवान्कमलापतिः ।

atapyata tapo ghoraṁ devairapi suduṣkaram atha tattapasā tuṣṭo bhagavānkamalāpatiḥ

— practiced such fierce austerity as would be exceedingly difficult even for the gods; then, pleased by that austerity, the Blessed Lord, consort of Kamala (Lakshmi) —

Verse 10 (skanda.2.23.10)

प्रत्यक्षतामगात्तस्य शङ्खचक्रगदाधरः । विकचाम्बुजपत्राक्षः सूर्यकोटिसमप्रभः ।

pratyakṣatāmagāttasya śaṁkhacakragadādharaḥ vikacāṁbujapatrākṣaḥ sūryakoṭisamaprabhaḥ

— became manifest directly before him, bearing conch, discus, and mace, his eyes like fully-blossomed lotus petals, his radiance equal to a million suns.

Verse 11 (skanda.2.23.11)

उन्मील्य चक्षुषी तत्र दृष्टवान्वेंकटेश्वरम् । शंखचक्रधरं शांतं श्रीनिवासं कृपानिधिम् । दृष्ट्वा देवं महात्मानं स्तोतुं समुपचक्रमे ।

unmīlya cakṣuṣī tatra dṛṣṭavānveṁkaṭeśvaram śaṁkhacakradharaṁ śāṁtaṁ śrīnivāsaṁ kṛpānidhim dṛṣṭvā devaṁ mahātmānaṁ stotuṁ samupacakrame

Opening his eyes there, he beheld Venkateshvara — the serene Shrinivasa, ocean of grace, bearing conch and discus; and seeing that great divine being, he began to offer praise.

Verse 12 (skanda.2.23.12)

नमो देवाधिदेवाय वेंकटेशाय शार्ङ्गिणे । नारायणाद्रिवासाय श्रीनिवासाय ते नमः ।

namo devādhidevāya veṁkaṭeśāya śārṁgiṇe nārāyaṇādrivāsāya śrīnivāsāya te namaḥ

Salutation to you, God of gods, Venkatesha, wielder of the Sharnga bow! Salutation to you, Shrinivasa, who dwell on the Narayana hill.

Verse 13 (skanda.2.23.13)

नमः कल्मषनाशाय वासुदेवाय विष्णवे । शेषाचलनिवासाय श्रीनिवासाय ते नमः ।

namaḥ kalmaṣanāśāya vāsudevāya viṣṇave śeṣācalanivāsāya śrīnivāsāya te namaḥ

Salutation to you who destroy sin, Vasudeva, Vishnu! Salutation to you, Shrinivasa, who dwell on Sheshachala.

Verse 14 (skanda.2.23.14)

नमस्त्रैलोक्यनाथाय विश्वरूपाय साक्षिणे । शिवब्रह्मादिवंद्याय श्रीनिवासाय ते नमः ।

namastrailokyanāthāya viśvarūpāya sākṣiṇe śivabrahmādivaṁdyāya śrīnivāsāya te namaḥ

Salutation to the lord of the three worlds, the universal form, the witness of all, honored by Shiva and Brahma — salutation to you, Shrinivasa.

Verse 15 (skanda.2.23.15)

नमः कमलनेत्राय क्षीराब्धिशयनाय ते । दुष्टराक्षससंहर्त्रे श्रीनिवासाय ते नमः ।

namaḥ kamalanetrāya kṣīrābdhiśayanāya te duṣṭarākṣasasaṁhartre śrīnivāsāya te namaḥ

Salutation to you, lotus-eyed one, who rest upon the ocean of milk; salutation to you, Shrinivasa, destroyer of wicked demons.

Verse 16 (skanda.2.23.16)

भक्तप्रियाय देवाय देवानां पतये नमः ।

bhaktapriyāya devāya devānāṁ pataye namaḥ

Salutation to the god beloved of his devotees, the lord of the gods.

Verse 17 (skanda.2.23.17)

प्रणतार्तिविनाशाय श्रीनिवासाय ते नमः ।

praṇatārtivināśāya śrīnivāsāya te namaḥ

Salutation to you, Shrinivasa, who destroy the suffering of those who bow before you.

Verse 18 (skanda.2.23.18)

योगिनां पतये नित्यं वेदवेद्याय विष्णवे । भक्तानां पापसंहर्त्रे श्रीनिवासाय ते नमः ।

yogināṁ pataye nityaṁ vedavedyāya viṣṇave bhaktānāṁ pāpasaṁhartre śrīnivāsāya te namaḥ

Salutation to you, eternal lord of yogis, Vishnu who is known through the Vedas; salutation to you, Shrinivasa, destroyer of your devotees' sins.

Verse 19 (skanda.2.23.19)

एवं स्तुतो महाभागः श्रीनिवासो जगन्मयः । पद्मनाभाख्यऋषिणा चक्रतीर्थनिवासिना ।

evaṁ stuto mahābhāgaḥ śrīnivāso jagaṁmayaḥ padmanābhākhyaṛṣiṇā cakratīrthanivāsinā

Thus was the fortunate Shrinivasa, who pervades the universe, praised by the sage named Padmanabha, dweller by the Chakra-tirtha.

Verse 20 (skanda.2.23.20)

संतोषं परमं प्राप्य वेंकटेशो दयानिधिः ।

saṁtoṣaṁ paramaṁ prāpya veṁkaṭeśo dayānidhiḥ

Having attained supreme delight, Venkatesha, the ocean of compassion —

Verse 21 (skanda.2.23.21)

पद्मनाभं द्विजवरं शांतं धर्मपरायणम् । सुधाधारोपमं वाक्यमब्रवीत्पुरुषोत्तमः ।

padmanābhaṁ dvijavaraṁ śāṁtaṁ dharmaparāyaṇam sudhādhāropamaṁ vākyamabravītpuruṣottamaḥ

— spoke to the serene and dharma-devoted excellent brahmin Padmanabha words like a stream of nectar, that Supreme Person.

Verse 22 (skanda.2.23.22)

श्रीनिवास उवाच । द्विजवर्य महाभाग मत्पादकमलार्चक । चक्रतीर्थस्य तीरे त्वमाकल्पं पूजयन्वस ।

śrīnivāsa uvāca dvijavarya mahābhāga matpādakamalārcaka cakratīrthasya tīre tvamākalpaṁ pūjayanvasa

Shrinivasa said: O excellent brahmin, O fortunate one, worshipper of my lotus feet, dwell on the bank of Chakra-tirtha, worshipping me, until the end of the cosmic age.

Verse 23 (skanda.2.23.23)

इत्युक्त्वा भगवान्विष्णुस्तत्रैवांतरधीयत । अन्तर्धानं गते देवे श्रीनिवासे जगद्गुरौ ।

ityuktvā bhagavānviṣṇustatraivāṁtaradhīyata aṁtardhānaṁ gate deve śrīnivāse jagadgurau

Having said this, the Blessed Vishnu vanished then and there; when the divine teacher of the universe, Shrinivasa, had disappeared —

Verse 24 (skanda.2.23.24)

चक्रतीर्थस्य तीरे तु वासं चक्रे महामतिः । ततः कालांतरे कश्चिद्राक्षसो भीमदर्शनः ।

cakratīrthasya tīre tu vāsaṁ cakre mahāmatiḥ tataḥ kālāṁtare kaścidrākṣaso bhīmadarśanaḥ

— that wise man made his dwelling on the bank of Chakra-tirtha; then, after some time, a demon of terrifying appearance —

Verse 25 (skanda.2.23.25)

मुनिं तं पद्मनाभाख्यं नारायणपरायणम् । आययौ भक्षितुं क्रूरः क्षुधया परिपीडतः ।

muniṁ taṁ padmanābhākhyaṁ nārāyaṇaparāyaṇam āyayau bhakṣituṁ krūraḥ kṣudhayā paripīḍataḥ

— that cruel demon, tormented by hunger, came there to devour the sage Padmanabha, who was wholly devoted to Narayana.

Verse 26 (skanda.2.23.26)

ब्राह्मणं तरसा सोऽयं राक्षसो जगृहे तदा । गृहीतस्तरसा तेन विप्रो वेदांगपारगः ।

brāhmaṇaṁ tarasā so'yaṁ rākṣaso jagṛhe tadā gṛhītastarasā tena vipro vedāṁgapāragaḥ

That demon at once seized the brahmin with great force; seized forcibly by him, the brahmin, learned in the auxiliary Vedic sciences —

Verse 27 (skanda.2.23.27)

प्रचुक्रोश दयाम्भोधिमापन्नानां परायणम् । नारायणं चक्रपाणिं पक्ष रक्षेति वै मुहुः ।

pracukrośa dayāmbhodhimāpannānāṁ parāyaṇam nārāyaṇaṁ cakrapāṇiṁ pakṣa rakṣeti vai muhuḥ

— cried out again and again: "O Narayana, wielder of the discus, ocean of compassion, refuge of those in distress! Take my side, protect me, protect me!"

Verse 28 (skanda.2.23.28)

वेंकटेश दयासिन्धो शरणागतपालक । त्राहि मां पुरुषव्याघ्र रक्षोवशमुपागतम् ।

veṁkaṭeśa dayāsiṁdho śaraṇāgatapālaka trāhi māṁ puruṣavyāghra rakṣovaśamupāgatam

"O Venkatesha, ocean of compassion, protector of those who take refuge! O tiger among men, save me, fallen into the demon's power!"

Verse 29 (skanda.2.23.29)

लक्ष्मीकांत हरे विष्णो वैकुण्ठ गरुडध्वज । मां रक्ष राक्षसाक्रांतं ग्राहाक्रांतं गजं यथा ।

lakṣmīkāṁta hare viṣṇo vaikuṇṭha garuḍadhvaja māṁ rakṣa rākṣasākrāṁtaṁ grāhākrāṁtaṁ gajaṁ yathā

"O beloved of Lakshmi, O Hari, O Vishnu, O dweller of Vaikuntha, O bearer of the Garuda banner! Protect me, seized by this demon, as you once protected the elephant seized by the crocodile."

Verse 30 (skanda.2.23.30)

दामोदर जगन्नाथ हिरण्यासुरमर्दन । प्रह्लादमिव मां रक्ष राक्षसेनातिपीडितम् ।

dāmodara jagannātha hiraṇyāsuramardana prahlādamiva māṁ rakṣa rākṣasenātipīḍitam

"O Damodara, O lord of the universe, O crusher of the demon Hiranya! Protect me, sorely afflicted by this demon, as you once protected Prahlada."

Verse 31 (skanda.2.23.31)

इत्येवं स्तुवततस्तस्य पद्मनाभस्य हे द्विजाः । स्वभक्तस्य भयं ज्ञात्वा चक्रपाणिर्दयानिधिः ।

ityevaṁ stuvatatastasya padmanābhasya he dvijāḥ svabhaktasya bhayaṁ jñātvā cakrapāṇirdayānidhiḥ

O brahmins, thus while Padmanabha was praising him, the discus-bearing ocean of compassion, knowing the fear of his devotee —

Verse 32 (skanda.2.23.32)

स्वचक्रं प्रेषयामास भक्तरक्षणकारणात् । प्रेरितं विष्णुचक्रं तद्विष्णुना प्रभविष्णुना ।

svacakraṁ preṣayāmāsa bhaktarakṣaṇakāraṇāt preritaṁ viṣṇucakraṁ tadviṣṇunā prabhaviṣṇunā

— sent forth his own discus for the protection of his devotee; that discus of Vishnu, hurled by the all-powerful Vishnu —

Verse 33 (skanda.2.23.33)

आजगामाथ वेगेन चक्रपुष्करिणीतटम् । अनन्तादित्यसंकाशमनन्ताग्निसमप्रभम् ।

ājagāmātha vegena cakrapuṣkariṇītaṭam anaṁtādityasaṁkāśamanaṁtāgnisamaprabham

— came swiftly to the bank of the Chakra-Pushkarini, resembling countless suns, radiant like countless fires.

Verse 34 (skanda.2.23.34)

महाज्वालं महानाद महासुरविमर्दनम् । दृष्ट्वा सुदर्शनं विष्णो राक्षसोऽथ प्रदुद्रुवे ।

mahājvālaṁ mahānāda mahāsuravimardanam dṛṣṭvā sudarśanaṁ viṣṇo rākṣaso'tha pradudruve

Beholding that Sudarshana discus of Vishnu — blazing with great flame, roaring with a mighty sound, crusher of great demons — the demon fled in terror.

Verse 35 (skanda.2.23.35)

द्रवमाणस्य तस्याशु राक्षसस्य सुदर्शनम् । शिरश्चकर्त सहसा ज्वालामालादुरासदम् ।

dravamāṇasya tasyāśu rākṣasasya sudarśanam śiraścakarta sahasā jvālāmālādurāsadam

The Sudarshana discus, unapproachable in its garland of flames, at once severed the head of that fleeing demon.

Verse 36 (skanda.2.23.36)

ततो विप्रवरो दृष्ट्वा राक्षसं पतितं भुवि । मुदा परमया युक्तस्तुष्टाव च सुदर्शनम् ।

tato vipravaro dṛṣṭvā rākṣasaṁ patitaṁ bhuvi mudā paramayā yuktastuṣṭāva ca sudarśanam

Then the excellent brahmin, seeing the demon fallen to the ground, filled with supreme joy, began to praise Sudarshana.

Verse 37 (skanda.2.23.37)

पद्मनाभ उवाच । विष्णुचक्र नमस्तेऽस्तु विश्वरक्षणदीक्षित । नारायणकराम्भोज भूषणाय नमोऽस्तु ते ।

padmanābha uvāca viṣṇucakra namaste'stu viśvarakṣaṇadīkṣita nārāyaṇakarāṁbhoja bhūṣaṇāya namo'stu te

Padmanabha said: Salutation to you, O discus of Vishnu, dedicated to the protection of the whole universe! Salutation to you, ornament of Narayana's lotus hand!

Verse 38 (skanda.2.23.38)

युद्धेष्वसुरसंहारकुशलाय महारव । सुदर्शन नमस्तुभ्यं भक्तानामार्तिनाशन ।

yuddheṣvasurasaṁhārakuśalāya mahārava sudarśana namastubhyaṁ bhaktānāmārtināśana

O you of mighty roar, skilled in the destruction of demons in battle! Salutation to you, O Sudarshana, destroyer of your devotees' suffering!

Verse 39 (skanda.2.23.39)

रक्ष मां भयसंविग्नं सर्वस्मादपि कल्मषात् । स्वामिन्सुदर्शन विभो चक्रतीर्थे सदा भवान् ।

rakṣa māṁ bhayasaṁvignaṁ sarvasmādapi kalmaṣāt svāminsudarśana vibho cakratīrthe sadā bhavān

Protect me, terrified as I am, from every taint of sin as well; O lord Sudarshana, O mighty one, may you always in Chakra-tirtha —

Verse 40 (skanda.2.23.40)

सन्निधेहि हिताय त्वं जगतो मुक्तिकांक्षिणः । ब्राह्मणेनैवमुक्तं तद्विष्णुचक्रं मुनीश्वराः ।

sannidhehi hitāya tvaṁ jagato muktikāṁkṣiṇaḥ brāhmaṇenaivamuktaṁ tadviṣṇucakraṁ munīśvarāḥ

— abide, for the good of the people of the world who yearn for liberation. O lords of sages, when the brahmin had spoken thus, that discus of Vishnu —

Verse 41 (skanda.2.23.41)

तं प्राह पद्मनाभाख्यं प्रीणयन्निव सौहृदात् ।

taṁ prāha padmanābhākhyaṁ prīṇayanniva sauhṛdāt

— spoke to that brahmin named Padmanabha, as if pleasing him out of friendship.

Verse 42 (skanda.2.23.42)

सुदर्शन उवाच । पद्मनाभ महापुण्यं चक्रतीर्थमनुत्तमम् । अस्मिन्वसामि सततं लोकानां हितकाम्यया ।

sudarśana uvāca padmanābha mahāpuṇyaṁ cakratīrthamanuttamam asminvasāmi satataṁ lokānāṁ hitakāmyayā

Sudarshana said: O Padmanabha, this Chakra-tirtha is immensely meritorious and unsurpassed; I dwell here always, wishing for the welfare of the people.

Verse 43 (skanda.2.23.43)

त्वत्पीडां परिचिन्त्याहं राक्षसेन दुरात्मना ।

tvatpīḍāṁ paricintyāhaṁ rākṣasena durātmanā

Knowing your distress at the hands of this evil-souled demon, I —

Verse 44 (skanda.2.23.44)

प्रेरितो विष्णुना विप्र त्वरया समुपागतः । त्वत्पीडकोऽपि निहतो मयाऽयं राक्षसाधमः ।

prerito viṣṇunā vipra tvarayā samupāgataḥ tvatpīḍako'pi nihato mayā'yaṁ rākṣasādhamaḥ

— impelled by Vishnu, O brahmin, came here swiftly; this vile demon who tormented you has been slain by me.

Verse 45 (skanda.2.23.45)

मोचितस्त्वं भयादस्मात्त्वं हि भक्तो हरेः सदा । चक्रतीर्थे महापुण्ये सर्वपापहरे द्विज ।

mocitastvaṁ bhayādasmāttvaṁ hi bhakto hareḥ sadā cakratīrthe mahāpuṇye sarvapāpahare dvija

You are released from this fear, for you are ever a devotee of Hari; O brahmin, in this immensely meritorious Chakra-tirtha, which removes all sins —

Verse 46 (skanda.2.23.46)

सततं लोकरक्षार्थं सन्निधानं करोमि ते । अस्मिन्मत्सन्निधानात्ते तथान्येषामपि द्विज ।

satataṁ lokarakṣārthaṁ sannidhānaṁ karomi te asminmatsannidhānātte tathānyeṣāmapi dvija

— I shall remain constantly present here for you, for the protection of the people; because of my presence here, to you and to others too, O brahmin —

Verse 47 (skanda.2.23.47)

इतः परं न पीडा स्याद्भूतराक्षससम्भवा । अस्मिन्मत्सन्निधानात्स्याच्चक्रतीर्थमिति प्रथा ।

itaḥ paraṁ na pīḍā syādbhūtarākṣasasaṁbhavā asminmatsannidhānātsyāccakratīrthamiti prathā

— no further affliction from spirits or demons shall arise; because of my presence here, this tirtha shall become renowned by the name Chakra-tirtha.

Verse 48 (skanda.2.23.48)

स्नानं येऽत्र प्रकुर्वन्ति चक्रतीर्थे विमुक्तिदे । तेषां पुत्राश्च पौत्राश्च वंशजाः सर्व एव हि ।

snānaṁ ye'tra prakurvaṁti cakratīrthe vimuktide teṣāṁ putrāśca pautrāśca vaṁśajāḥ sarva eva hi

Those who bathe here in this liberation-granting Chakra-tirtha — their sons, grandsons, and all their descendants as well —

Verse 49 (skanda.2.23.49)

विधूतपापा यास्यन्ति तद्विष्णोः परमं पदम् । इत्युक्त्वा विष्णुचक्रं तत्पद्मनाभस्य पश्यतः ।

vidhūtapāpā yāsyaṁti tadviṣṇoḥ paramaṁ padam ityuktvā viṣṇucakraṁ tatpadmanābhasya paśyataḥ

— freed from sin, shall attain the supreme abode of Vishnu. Having said this, that discus of Vishnu, before the very eyes of Padmanabha —

Verse 50 (skanda.2.23.50)

अन्येषामपि विप्राणां पश्यतां सहसा द्विजाः । चक्रपुष्करिणीं तां तु प्राविशत्पापनाशिनीम् ।

anyeṣāmapi viprāṇāṁ paśyatāṁ sahasā dvijāḥ cakrapuṣkariṇīṁ tāṁ tu prāviśatpāpanāśinīm

— and before the eyes of other brahmins too, O twice-born, at once entered that sin-destroying Chakra-Pushkarini.

Verse 51 (skanda.2.23.51)

श्रीसूत उवाच । चक्रतीर्थस्य माहात्म्यं विप्रेन्द्राः पापनाशनम् । युष्माकं कथितं सर्वं शौनकाद्या महौजसः ।

śrīsūta uvāca cakratīrthasya māhātmyaṁ viprendrāḥ pāpanāśanam yuṣmākaṁ kathitaṁ sarvaṁ śaunakādyā mahaujasaḥ

Shri Suta said: O lords among brahmins headed by Shaunaka, mighty in splendor, I have told you the entire sin-destroying glory of Chakra-tirtha.

Verse 52 (skanda.2.23.52)

चक्रतीर्थसमं तीर्थं न भूतं न भविष्यति । अत्र स्नात्वा नरा विप्रा मोक्षभाजो न संशयः ।

cakratīrthasamaṁ tīrthaṁ na bhūtaṁ na bhaviṣyati atra snātvā narā viprā mokṣabhājo na saṁśayaḥ

There has never been, nor shall there ever be, a tirtha equal to Chakra-tirtha; by bathing here, O brahmins, men undoubtedly become sharers in liberation.

Verse 53 (skanda.2.23.53)

कीर्तयेदिममध्यायं शृणुयाद्वा समाहितः । चक्रतीर्थाभिषेकस्य प्राप्नोति फलमुत्तमम् ।

kīrtayedimamadhyāyaṁ śṛṇuyādvā samāhitaḥ cakratīrthābhiṣekasya prāpnoti phalamuttamam

Whoever recites this chapter, or listens to it with attentive mind, obtains the excellent fruit of bathing in Chakra-tirtha.