The Beginning of Arjuna's Tirtha-Pilgrimage

Verse 1 (skanda.2.29.1)

ऋषय ऊचुः । तीर्थानामिह सर्वेषां प्रभावः कथितस्त्वया । नदीनां पर्वतानां च क्षेत्राणां सरसामपि ।

ṛṣaya ūcuḥ tīrthānāmiha sarveṣāṁ prabhāvaḥ kathitastvayā nadīnāṁ parvatānāṁ ca kṣetrāṇāṁ sarasāmapi

The sages said: You have told us here the power of all the tirthas, the rivers, the mountains, the sacred fields, and the lakes as well.

Verse 2 (skanda.2.29.2)

निदेशात्पद्मगर्भस्य सुवर्णमुखरी नदी । नीता भुवमगस्त्येन व्याख्याता भवतानघ ।

nideśātpadmagarbhasya suvarṇamukharī nadī nītā bhuvamagastyena vyākhyātā bhavatānagha

By the command of Padmagarbha (Brahma), the river Suvarnamukhari was brought down to earth by Agastya — this you, O sinless one, have explained to us.

Verse 3 (skanda.2.29.3)

तदुत्पत्तिप्रभावं च तीर्थौघांस्तत्समाश्रयान् । श्रोतुं संप्रीतिरुत्पन्ना तन्नो वक्तुं त्वमर्हसि ।

tadutpattiprabhāvaṁ ca tīrthaughāṁstatsamāśrayān śrotuṁ saṁprītirutpannā tanno vaktuṁ tvamarhasi

But as to the origin and power of that river, and the multitude of tirthas that rest upon it, a great longing has arisen in us to hear of them; you should tell us this.

Verse 4 (skanda.2.29.4)

प्रणम्य शम्भुं नन्दीशं षडास्यं व्यासमेव च । मुनिभिः प्रार्थितः सूतस्तदा वक्तुं प्रचक्रमे ।

praṇamya śambhuṁ nandīśaṁ ṣaḍāsyaṁ vyāsameva ca munibhiḥ prārthitaḥ sūtastadā vaktuṁ pracakrame

Having bowed to Shambhu, to Nandisha, to the six-faced one (Kartikeya), and to Vyasa himself, Suta, thus entreated by the sages, then began to speak.

Verse 5 (skanda.2.29.5)

श्रीसूत उवाच । साधु पृष्टं महाभाग भवद्भिर्मंगलावहम् । आख्यानमेतदाम्नाय श्रवणोद्भूतसिद्धिदम् ।

śrīsūta uvāca sādhu pṛṣṭaṁ mahābhāga bhavadbhirmaṁgalāvaham ākhyānametadāmnāya śravaṇodbhūtasiddhidam

Shri Suta said: Well have you asked, O greatly blessed ones, a question that brings auspiciousness; this traditional tale bestows accomplishment merely by its hearing.

Verse 6 (skanda.2.29.6)

शृणुतावहिता दिव्यां कथां कल्मषनाशिनीम् । भरद्वाजेन कथितां पार्थाय कथयामि वः ।

śṛṇutāvahitā divyāṁ kathāṁ kalmaṣanāśinīm bharadvājena kathitāṁ pārthāya kathayāmi vaḥ

Listen attentively to this divine tale, the destroyer of impurity, told by Bharadvaja to Partha (Arjuna); I shall tell it to you.

Verse 7 (skanda.2.29.7)

अवाप्य द्रुपदात्प्राज्ञाद्याज्ञसेनीं पृथासुताः । धृतराष्ट्रनिदेशेन जग्मुः करिपुरं शुभम् ।

avāpya drupadātprājñādyājñasenīṁ pṛthāsutāḥ dhṛtarāṣṭranideśena jagmuḥ karipuraṁ śubham

Having obtained Yajnaseni (Draupadi) from the wise Drupada, the sons of Pritha, by the command of Dhritarashtra, went to the auspicious city of the elephant (Hastinapura, Karipura).

Verse 8 (skanda.2.29.8)

भीष्मेण चांबिकेयेन तत्र संमानितास्तदा । दुर्योधनादिभिः सार्द्धं न्यवसन्पञ्चवत्सरान् ।

bhīṣmeṇa cāṁbikeyena tatra saṁmānitāstadā duryodhanādibhiḥ sārddhaṁ nyavasanpañcavatsarān

Honoured there by Bhishma and by the son of Ambika (Dhritarashtra), they dwelt together with Duryodhana and the rest for five years.

Verse 9 (skanda.2.29.9)

ततोऽनुशिष्टो भीष्माद्यैर्धृतराष्ट्रो महायशाः । सर्वेषां कुलवृद्धानां वासुदेवस्य चाग्रतः ।

tato'nuśiṣṭo bhīṣmādyairdhṛtarāṣṭro mahāyaśāḥ sarveṣāṁ kulavṛddhānāṁ vāsudevasya cāgrataḥ

Then Dhritarashtra, of great fame, instructed by Bhishma and the others, in the presence of all the elders of the family and of Vasudeva,

Verse 10 (skanda.2.29.10)

प्रददौ पांडुपुत्रेभ्यस्तत्सेवाहृष्टमानसः । सार्धराज्यं पुरवरं खाण्डवप्रस्थसंज्ञिकम् ।

pradadau pāṁḍuputrebhyastatsevāhṛṣṭamānasaḥ sārdharājyaṁ puravaraṁ khāṇḍavaprasthasaṁjñikam

his mind delighted by their service, granted to the sons of Pandu half the kingdom, the excellent city named Khandavaprastha.

Verse 11 (skanda.2.29.11)

आमंत्र्य पाण्डुतनया धृतराष्ट्रादिकान्कुरून् । जग्मुस्तत्खाण्डवप्रस्थं पुरं कृष्णसमन्विताः ।

āmaṁtrya pāṇḍutanayā dhṛtarāṣṭrādikānkurūn jagmustatkhāṇḍavaprasthaṁ puraṁ kṛṣṇasamanvitāḥ

Having taken leave of Dhritarashtra and the other Kurus, the sons of Pandu, together with Krishna, went to that city of Khandavaprastha.

Verse 12 (skanda.2.29.12)

इन्द्रप्रस्थाह्वये तत्र रक्षिते विश्वकर्मणा । वसन्पुरेऽशिषत्पृथ्वीं सानुजो धर्मनंदनः ।

indraprasthāhvaye tatra rakṣite viśvakarmaṇā vasanpure'śiṣatpṛthvīṁ sānujo dharmanaṁdanaḥ

There, in the city called Indraprastha, protected by Vishvakarma, dwelling in that city, Dharma's son (Yudhishthira), together with his younger brothers, ruled the earth.

Verse 13 (skanda.2.29.13)

गते कृष्णे निजपुरं नारदस्यानुशासनात् । प्रतिज्ञां चक्रिरे पार्था धर्मज्ञा द्रौपदीं प्रति ।

gate kṛṣṇe nijapuraṁ nāradasyānuśāsanāt pratijñāṁ cakrire pārthā dharmajñā draupadīṁ prati

When Krishna had gone to his own city, by the instruction of Narada, the sons of Pritha, knowers of dharma, made a vow concerning Draupadi:

Verse 14 (skanda.2.29.14)

यथाक्रमेण सा कृष्णा वर्षमेकैकमादरात् । एकैकस्य गृहे तिष्ठेत्प्रतिनिर्णयपूर्वकम् ।

yathākrameṇa sā kṛṣṇā varṣamekaikamādarāt ekaikasya gṛhe tiṣṭhetpratinirṇayapūrvakam

that in due order, that Krishna (Draupadi) should reverently dwell for one year each, by fixed determination, in the house of each one of them,

Verse 15 (skanda.2.29.15)

यः पश्येत्तां परगृहे स्थितां पांचालनंदिनीम् । तेनैकहायनमितं विधेयं तीर्थसेवनम् ।

yaḥ paśyettāṁ paragṛhe sthitāṁ pāṁcālanaṁdinīm tenaikahāyanamitaṁ vidheyaṁ tīrthasevanam

and whoever should see her present in the house of another, seated as the delight of the Panchalas — he must undertake a year's residence in pilgrimage to sacred tirthas as penance.

Verse 16 (skanda.2.29.16)

एवं कृतप्रतिज्ञास्ते पाण्डुभूपालनंदनाः । व्यापारैर्लोंकसामान्यैर्निन्युः कालमतंद्रिताः ।

evaṁ kṛtapratijñāste pāṇḍubhūpālanaṁdanāḥ vyāpārairloṁkasāmānyairninyuḥ kālamataṁdritāḥ

Thus having made this vow, those sons of the King of Pandu passed their time untiringly in the ordinary occupations of the world.

Verse 17 (skanda.2.29.17)

अथ जानपदो विप्रो राजगेहांगणे स्थितः । चुक्रोश बहुधा धेनुर्हृता मे तस्करैरिति ।

atha jānapado vipro rājagehāṁgaṇe sthitaḥ cukrośa bahudhā dhenurhṛtā me taskarairiti

Then a village Brahmin, standing in the courtyard of the king's house, cried out again and again: 'My cow has been stolen by thieves!'

Verse 18 (skanda.2.29.18)

समाश्वास्य च तं विप्रं प्रविवेश धनंजयः । आयुधानि समानेतुं त्वरया शस्त्रमंदिरम् ।

samāśvāsya ca taṁ vipraṁ praviveśa dhanaṁjayaḥ āyudhāni samānetuṁ tvarayā śastramaṁdiram

Having consoled that Brahmin, Dhananjaya (Arjuna) entered the armoury in haste to fetch his weapons.

Verse 19 (skanda.2.29.19)

तत्रापश्यत्समासीनौ पांचालीधर्मनन्दनौ । जानन्नपि प्रतिज्ञां स धनुर्जग्राह सेषुधि ।

tatrāpaśyatsamāsīnau pāṁcālīdharmanandanau jānannapi pratijñāṁ sa dhanurjagrāha seṣudhi

There he saw Panchali (Draupadi) and Dharma's son (Yudhishthira) seated together; even though he knew of the vow, he took up his bow and quiver.

Verse 20 (skanda.2.29.20)

स गत्वा तस्करानाजौ निहत्य नृपनन्दनः । निवर्त्य धेनुं तां तस्मै ददौ विप्राय सादरम् ।

sa gatvā taskarānājau nihatya nṛpanandanaḥ nivartya dhenuṁ tāṁ tasmai dadau viprāya sādaram

That son of the king, having gone and slain the thieves in battle, brought back the cow and gave it reverently to that Brahmin.

Verse 21 (skanda.2.29.21)

अथ विज्ञापयामास फाल्गुनो धर्मनन्दनम् । तीर्थयात्रा मया कार्या समयोल्लंघनादिति ।

atha vijñāpayāmāsa phālguno dharmanandanam tīrthayātrā mayā kāryā samayollaṁghanāditi

Then Phalguna (Arjuna) informed Dharma's son that he must undertake a pilgrimage to sacred tirthas, since he had transgressed their agreed rule.

Verse 22 (skanda.2.29.22)

अनुजस्य वचः श्रुत्वा सर्वधर्मविदां वरः । उवाच वचनं धीरः सादरं धर्मनंदनः ।

anujasya vacaḥ śrutvā sarvadharmavidāṁ varaḥ uvāca vacanaṁ dhīraḥ sādaraṁ dharmanaṁdanaḥ

Having heard his younger brother's words, Dharma's son, the foremost of all the knowers of dharma, being steadfast, spoke reverently these words:

Verse 23 (skanda.2.29.23)

युधिष्ठिर उवाच । गवार्थं ब्राह्मणार्थं च यद्वदेदनृतं वचः । यदाचरेदसत्कर्म तत्सत्यं तत्समंजसम् ।

yudhiṣṭhira uvāca gavārthaṁ brāhmaṇārthaṁ ca yadvadedanṛtaṁ vacaḥ yadācaredasatkarma tatsatyaṁ tatsamaṁjasam

Yudhishthira said: 'Whatever untrue word is spoken for the sake of a cow or a Brahmin, and whatever act otherwise improper is performed for their sake — that is truth, that is proper.

Verse 24 (skanda.2.29.24)

ब्राह्मणार्थं गवार्थं च त्वया कर्मेदृशं कृतम् । तदसद्भावमाप्नोति कथं कथय सुव्रत ।

brāhmaṇārthaṁ gavārthaṁ ca tvayā karmedṛśaṁ kṛtam tadasadbhāvamāpnoti kathaṁ kathaya suvrata

You performed such an act for the sake of a Brahmin and a cow — how, tell me, O keeper of good vows, could that incur any wrongdoing?

Verse 25 (skanda.2.29.25)

प्रजापालनकृत्यस्य चोरोपेक्षणशिक्षणैः । नूनं फलं भवेद्राज्ञो ब्रह्महत्याश्वमेधजम् ।

prajāpālanakṛtyasya coropekṣaṇaśikṣaṇaiḥ nūnaṁ phalaṁ bhavedrājño brahmahatyāśvamedhajam

By overlooking and failing to check thieves in the duty of protecting his subjects, a king would surely reap the fruit of killing a Brahmin, even from performing the Ashvamedha sacrifice.

Verse 26 (skanda.2.29.26)

असाध्यान्वैरिणो ज्ञात्वाऽप्यवनीशो न भद्रभाक् । स्वदेशोपप्लवकरास्तस्करा यद्यशिक्षिताः ।

asādhyānvairiṇo jñātvā'pyavanīśo na bhadrabhāk svadeśopaplavakarāstaskarā yadyaśikṣitāḥ

A king who, knowing his enemies to be unassailable, does not attain good fortune, and if thieves who disturb his own country go unchecked and untrained —

Verse 27 (skanda.2.29.27)

अस्माकं भूभुजां लोकजालस्य च हितं हि यत् । त्वयेदृशं कृतं कर्म नास्ति दोषो ह्यतस्तव ।

asmākaṁ bhūbhujāṁ lokajālasya ca hitaṁ hi yat tvayedṛśaṁ kṛtaṁ karma nāsti doṣo hyatastava

it is for the good of us kings and of the whole web of the people that you have performed such an act; therefore there is no fault in you on this account.'

Verse 28 (skanda.2.29.28)

श्रीसूत उवाच । धर्मपुत्रस्य वचनमाकर्ण्य रचितांजलिः । पुनर्विज्ञापयामास धर्मनित्यो धनंजयः ।

śrīsūta uvāca dharmaputrasya vacanamākarṇya racitāṁjaliḥ punarvijñāpayāmāsa dharmanityo dhanaṁjayaḥ

Shri Suta said: Having heard the words of Dharma's son, Dhananjaya, ever devoted to dharma, with joined palms, again submitted his request:

Verse 29 (skanda.2.29.29)

अर्जुन उवाच । मैवं भूपाल वादीस्त्वं स्वप्रतिज्ञातिलंघनम् । जानता धर्मसर्वस्वमुल्लसद्धर्ममूर्तिना ।

arjuna uvāca maivaṁ bhūpāla vādīstvaṁ svapratijñātilaṁghanam jānatā dharmasarvasvamullasaddharmamūrtinā

Arjuna said: 'Do not speak thus, O king — [saying there was no transgression] — of the violation of one's own vow, when it is you yourself who know the whole substance of dharma, the very embodiment of shining dharma,

Verse 30 (skanda.2.29.30)

कृत्याकृत्यविदा दक्षेणात्मना प्राक्समीरिता । नोल्लंघनीया सततं प्रतिज्ञा पुरुषेण हि ।

kṛtyākṛtyavidā dakṣeṇātmanā prāksamīritā nollaṁghanīyā satataṁ pratijñā puruṣeṇa hi

skilled and knowing what should and should not be done, who long ago declared that a man should never at any time transgress a vow he has himself proclaimed.

Verse 31 (skanda.2.29.31)

अशक्तानां गतिः सेयं यद्बंधुगुरुवाक्यतः । धर्मं त्यजंति समयं त्यक्ताः प्राक्स्वं समीरितम् ।

aśaktānāṁ gatiḥ seyaṁ yadbaṁdhuguruvākyataḥ dharmaṁ tyajaṁti samayaṁ tyaktāḥ prāksvaṁ samīritam

This is indeed the recourse of the weak — that at the word of kinsmen or elders they abandon dharma, having earlier abandoned the agreement they themselves declared.

Verse 32 (skanda.2.29.32)

कृपया तीर्थगमनादार्यो यदि निवर्तयेत् । हतप्रतिज्ञं मां लोकाञ्जल्पतः को निवारयेत् ।

kṛpayā tīrthagamanādāryo yadi nivartayet hatapratijñaṁ māṁ lokāñjalpataḥ ko nivārayet

If, out of compassion, you, being noble, should turn me back from going on this pilgrimage, who could then restrain the people from saying that my vow has been broken?

Verse 33 (skanda.2.29.33)

ममापि तीर्थयात्रायां कौतुकोत्तरलं मनः । कर्तव्यं च स्मृतं राजन्नारदादिष्टशासनम् ।

mamāpi tīrthayātrāyāṁ kautukottaralaṁ manaḥ kartavyaṁ ca smṛtaṁ rājannāradādiṣṭaśāsanam

My own mind, too, is filled with eagerness for the pilgrimage to sacred tirthas; and, O king, remember it is a duty enjoined by Narada's own instruction.

Verse 34 (skanda.2.29.34)

तत्प्रसीद महाराज यत्तीर्थगमनोद्यमे । संमाननीयः प्रभुभिः समयो ह्यनुजीविनाम् ।

tatprasīda mahārāja yattīrthagamanodyame saṁmānanīyaḥ prabhubhiḥ samayo hyanujīvinām

Therefore be gracious, O great king, in this undertaking of pilgrimage — for the agreement of dependents deserves to be honoured by their masters.'

Verse 35 (skanda.2.29.35)

तथेति भ्रातृभिः सार्द्धं कृतानुमतिरर्जुनः । अग्रजं तोषयामास प्रणामप्रश्रयादिभिः ।

tatheti bhrātṛbhiḥ sārddhaṁ kṛtānumatirarjunaḥ agrajaṁ toṣayāmāsa praṇāmapraśrayādibhiḥ

'So be it,' said Arjuna, and having obtained the consent of his brothers, he pleased his elder brother with prostrations and deference.

Verse 36 (skanda.2.29.36)

यथार्हं भीमसेनादीन्भ्रातॄनामन्त्र्य पाण्डवः । कृतस्वस्त्ययनो भव्यैर्निर्ययौ धरणीसुरैः ।

yathārhaṁ bhīmasenādīnbhrātṝnāmantrya pāṇḍavaḥ kṛtasvastyayano bhavyairniryayau dharaṇīsuraiḥ

Having duly taken leave of Bhimasena and his other brothers, the Pandava, blessed with auspicious rites by the excellent Brahmins, set out.

Verse 37 (skanda.2.29.37)

पौराणिका ज्यौतिषिका भिषजो धरणीसुराः । अनुजग्मुर्भृत्यगणाः शिल्पिनः सूतमागधाः ।

paurāṇikā jyautiṣikā bhiṣajo dharaṇīsurāḥ anujagmurbhṛtyagaṇāḥ śilpinaḥ sūtamāgadhāḥ

Reciters of the Puranas, astrologers, physicians, and Brahmins followed after him, along with his retinue of servants, craftsmen, bards, and chroniclers.

Verse 38 (skanda.2.29.38)

युधिष्ठिराज्ञया तस्य भोगत्यागक्षमं धनम् । गृहीत्वानुययुः स्निग्धाः सभ्याः कोशाधिकारिणः ।

yudhiṣṭhirājñayā tasya bhogatyāgakṣamaṁ dhanam gṛhītvānuyayuḥ snigdhāḥ sabhyāḥ kośādhikāriṇaḥ

By Yudhishthira's command, affectionate courtiers, assembly-members, and treasury officials, having taken wealth sufficient for both enjoyment and giving away, accompanied him.

Verse 39 (skanda.2.29.39)

स राजपुत्रः प्रथमं प्राप्य भागीरथीं नदीम् । गंगाद्वारं प्रयागं च सिषेवे काशिकामपि ।

sa rājaputraḥ prathamaṁ prāpya bhāgīrathīṁ nadīm gaṁgādvāraṁ prayāgaṁ ca siṣeve kāśikāmapi

That prince, having first reached the river Bhagirathi (Ganga), resorted to Gangadwar, to Prayaga, and also to Kashi,

Verse 40 (skanda.2.29.40)

पश्यंस्तीर्थानि जाह्नव्यास्तत्तीरोपान्तवर्त्मना । आससाद समुत्तुङ्गकल्लोलं दक्षिणोदधिम् ।

paśyaṁstīrthāni jāhnavyāstattīropāntavartmanā āsasāda samuttuṅgakallolaṁ dakṣiṇodadhim

beholding the tirthas along the path near the bank of the Jahnavi (Ganga), he reached the southern ocean with its towering waves,

Verse 41 (skanda.2.29.41)

महानदीं महापुण्यां प्रसिद्धं पुरुषोत्तमम् । सिंहाचलं च संवीक्ष्य प्राप्तवान्कृतकृत्यताम् ।

mahānadīṁ mahāpuṇyāṁ prasiddhaṁ puruṣottamam siṁhācalaṁ ca saṁvīkṣya prāptavānkṛtakṛtyatām

and having beheld the great and greatly meritorious river, and the famed Purushottama (Puri/Jagannath), and Simhachalam, he attained a sense of fulfilment.

Verse 42 (skanda.2.29.42)

ततो ददर्श कौन्तेयः पुण्यां गोदावरीं नदीम् । समस्तदुरितव्रातशातनोत्तीर्णगौरवाम् ।

tato dadarśa kaunteyaḥ puṇyāṁ godāvarīṁ nadīm samastaduritavrātaśātanottīrṇagauravām

Then the son of Kunti beheld the meritorious river Godavari, whose glory surpasses the destruction of the whole mass of sin.

Verse 43 (skanda.2.29.43)

कृताभिषेकस्तत्तोयैर्विधिवत्पाण्डुनन्दनः । प्रमोदं विविधैर्दानैरकरोद्भूसुवर्णकैः ।

kṛtābhiṣekastattoyairvidhivatpāṇḍunandanaḥ pramodaṁ vividhairdānairakarodbhūsuvarṇakaiḥ

The son of Pandu, having duly performed ablution in its waters according to rule, brought about great joy through various gifts of land and gold.

Verse 44 (skanda.2.29.44)

नदीं मलापहाख्यां च दृष्ट्वा मोदं ययौ शुभम् । ततः समाससादासौ कृष्णवेणीं सरिद्वराम् ।

nadīṁ malāpahākhyāṁ ca dṛṣṭvā modaṁ yayau śubham tataḥ samāsasādāsau kṛṣṇaveṇīṁ saridvarām

Having beheld the river named Malapaha (remover of impurity), he went away in auspicious joy; then he came to the excellent river Krishnaveni,

Verse 45 (skanda.2.29.45)

शिवस्य नियतावासं चतुर्द्वारसमन्वितम् । नानातीर्थगणाकीर्णं श्रीपर्वतमवैक्षत ।

śivasya niyatāvāsaṁ caturdvārasamanvitam nānātīrthagaṇākīrṇaṁ śrīparvatamavaikṣata

and beheld Shri Parvata, the fixed abode of Shiva, furnished with four gateways, thronged with hosts of various tirthas.

Verse 46 (skanda.2.29.46)

नदीं पिनाकिनीं तीर्त्वा गत्वा देवर्षिसेवितम् । नारायणप्रियावासमपश्यद्वेंकटाचलम् ।

nadīṁ pinākinīṁ tīrtvā gatvā devarṣisevitam nārāyaṇapriyāvāsamapaśyadveṁkaṭācalam

Having crossed the river Pinakini, and having gone on, he beheld Venkatachala, served by gods and sages, the beloved abode of Narayana.

Verse 47 (skanda.2.29.47)

शृङ्गेऽस्य भूभृतस्तुंगे स्थितं लोकैकनायकम् । अपूजयद्धरिं भक्त्या प्रसिद्धं शुभसिद्धये ।

śṛṅge'sya bhūbhṛtastuṁge sthitaṁ lokaikanāyakam apūjayaddhariṁ bhaktyā prasiddhaṁ śubhasiddhaye

On the lofty peak of that mountain he worshipped with devotion Hari, the sole lord of the worlds, renowned there, for the sake of auspicious accomplishment.

Verse 48 (skanda.2.29.48)

अवरुह्य वेंकटमहाद्रिशृङ्गतः स ददर्श सिद्धमुनिसंघसेविताम् । कलशोद्भवेन मुनिना समाहृतां तटिनीं सुवर्णमुखरीसमाह्वयाम् ।

avaruhya veṁkaṭamahādriśṛṅgataḥ sa dadarśa siddhamunisaṁghasevitām kalaśodbhavena muninā samāhṛtāṁ taṭinīṁ suvarṇamukharīsamāhvayām

Descending from the peak of the great mountain of Venkata, he beheld the river served by hosts of Siddhas and sages, called by the name Suvarnamukhari, brought there by the sage born of a pot (Agastya).