The Boon to Indradyumna and the Festival Calendar

Verse 1 (skanda.2.69.1)

जैमिनिरुवाच । इत्युक्त्वा नृपशार्दूलं लोकसंग्रहणाय वै । सिंहाकृति स हृदये उद्वास्य कमलासनः

jaiminiruvāca ityuktvā nṛpaśārdūlaṁ lokasaṁgrahaṇāya vai siṁhākṛti sa hṛdaye udvāsya kamalāsanaḥ

Jaimini said: Having spoken thus to the tiger among kings, for the sake of gathering the worlds together, the Lotus-seated one, having withdrawn the Lion-form into his heart,

Verse 2 (skanda.2.69.2)

पूर्वं प्रकाशरूपं यद्विष्णोस्तु प्रकटीकृतम् । रथावरोहणे दृष्टाश्चतस्रो मूर्त्तयः पुरा

pūrvaṁ prakāśarūpaṁ yadviṣṇostu prakaṭīkṛtam rathāvarohaṇe dṛṣṭāścatasro mūrttayaḥ purā

revealed again the earlier luminous form of Vishnu that had once been shown — the four forms that had earlier been seen at the descent from the chariot —

Verse 3 (skanda.2.69.3)

ता एव सिंहासनगाः सर्वे ते ददृशुः पुनः । द्विषडक्षरमन्त्रेण बलभद्रमपूजयत्

tā eva siṁhāsanagāḥ sarve te dadṛśuḥ punaḥ dviṣaḍakṣaramantreṇa balabhadramapūjayat

were all seen again by everyone, seated upon the throne. With the twelve-syllabled mantra he worshipped Balabhadra;

Verse 4 (skanda.2.69.4)

सूक्तेन पौरुषेणैनं नारायणमनामयम् । देवीसूक्तेन चक्रं च द्वादशाक्षरकेण च । पूजयित्वानुग्रहाय पार्थिवस्य न्यवेदयत्

sūktena pauruṣeṇainaṁ nārāyaṇamanāmayam devīsūktena cakraṁ ca dvādaśākṣarakeṇa ca pūjayitvānugrahāya pārthivasya nyavedayat

with the Purusha-sukta he worshipped this unailing Narayana; and worshipping the Discus with the Devi-sukta and the twelve-syllabled mantra as well, he made entreaty for the sake of the king's grace.

Verse 5 (skanda.2.69.5)

ब्रह्मोवाच । भगवन्देवदेवेश भक्तानुग्रहकारक । इन्द्रद्युम्नस्य जन्मानि त्वयि भक्तिं प्रकुर्वतः । सहस्रं समतीतानि तदन्ते त्वामलोकयत्

brahmovāca bhagavandevadeveśa bhaktānugrahakāraka indradyumnasya janmāni tvayi bhaktiṁ prakurvataḥ sahasraṁ samatītāni tadante tvāmalokayat

Brahma said: 'O Lord, God of gods, bestower of grace upon your devotees! A thousand births of Indradyumna, ever practicing devotion to you, have passed; at their end he now beholds you.

Verse 6 (skanda.2.69.6)

त्वद्दर्शनं हि भगवंस्त्वयि सायुज्यकारणम् । यद्यप्ययं भक्तियोगेनेच्छति त्वां समर्चितुम्

tvaddarśanaṁ hi bhagavaṁstvayi sāyujyakāraṇam yadyapyayaṁ bhaktiyogenecchati tvāṁ samarcitum

The sight of you, O Lord, is indeed the cause of union with you. Since this king wishes, through the yoga of devotion, to worship you fully,

Verse 7 (skanda.2.69.7)

तदाज्ञापय येन त्वां भक्तियोगेन भावयेत् । देशकालव्रताद्यैस्तु तथा नानोपचारकैः

tadājñāpaya yena tvāṁ bhaktiyogena bhāvayet deśakālavratādyaistu tathā nānopacārakaiḥ

instruct him, therefore, as to how he may contemplate you through the yoga of devotion — by the proper places, times, and vows, and by the many forms of service.

Verse 8 (skanda.2.69.8)

त्वन्मुखांभोजगलितमाज्ञामृतरसं नृपः । पिपासुस्त्वां जगन्नाथ पश्यत्येषोऽनिमेषकम्

tvanmukhāṁbhojagalitamājñāmṛtarasaṁ nṛpaḥ pipāsustvāṁ jagannātha paśyatyeṣo'nimeṣakam

Thirsting for the nectar of command flowing from your lotus mouth, this king, O Jagannatha, gazes upon you without blinking.'

Verse 9 (skanda.2.69.9)

जैमिनिरुवाच । इति विज्ञापितो देवः साक्षात्कमलयोनिना । दारुदेहोऽपि विहसन्प्राह गंभीरया गिरा

jaiminiruvāca iti vijñāpito devaḥ sākṣātkamalayoninā dārudeho'pi vihasanprāha gaṁbhīrayā girā

Jaimini said: Thus petitioned directly by the Lotus-born, the god, though of wooden body, smiled and spoke in a deep voice.

Verse 10 (skanda.2.69.10)

श्रीप्रतिमोवाच । इन्द्रद्युम्न प्रसन्नस्ते भक्त्या निष्कामकर्मभिः । त्वदन्येनेदृशी संपन्न केनाप्यपवर्जिता

śrīpratimovāca indradyumna prasannaste bhaktyā niṣkāmakarmabhiḥ tvadanyenedṛśī saṁpanna kenāpyapavarjitā

The Sacred Image said: 'O Indradyumna, I am pleased with your devotion and your desireless deeds. Such fortune as this has been granted, complete, to no one else but you.

Verse 11 (skanda.2.69.11)

वरं ददामि ते भूप मयि भक्तिः स्थिराऽस्तु ते । उत्सृज्य वित्तकोटीस्तु यन्ममायतनं कृतम्

varaṁ dadāmi te bhūpa mayi bhaktiḥ sthirā'stu te utsṛjya vittakoṭīstu yanmamāyatanaṁ kṛtam

I grant you a boon, O king: may your devotion to me remain firm. Having spent crores of wealth to build this, my abode —

Verse 12 (skanda.2.69.12)

भंगेप्येतस्य राजेंद्र स्थानं न त्यज्यते मया । कालांतरेऽपि योऽप्यन्यः प्रासादं कारयिष्यति

bhaṁgepyetasya rājeṁdra sthānaṁ na tyajyate mayā kālāṁtare'pi yo'pyanyaḥ prāsādaṁ kārayiṣyati

even should it fall into ruin, O king of kings, I shall not abandon this place. Even at a later time, whoever else may have a temple built here,

Verse 13 (skanda.2.69.13)

तवैव कीर्त्तिः सा नूनं त्वत्प्रीत्या तत्र मे स्थितिः । सत्यं सत्यं पुनः सत्यं सत्यमेव ब्रवीमि ते

tavaiva kīrttiḥ sā nūnaṁ tvatprītyā tatra me sthitiḥ satyaṁ satyaṁ punaḥ satyaṁ satyameva bravīmi te

that fame will surely still be yours; it is for love of you that I abide there. Truly, truly, and again truly, I speak nothing but the truth to you:

Verse 14 (skanda.2.69.14)

प्रासाद भंगे तत्स्थानं न त्यक्ष्यामि कदाचन । अनेन दारुवपुषा स्थास्याम्यत्र परार्द्धकम्

prāsāda bhaṁge tatsthānaṁ na tyakṣyāmi kadācana anena dāruvapuṣā sthāsyāmyatra parārddhakam

even should the temple fall into ruin, I will never abandon this place. In this very wooden body I shall abide here for half of Brahma's lifespan,

Verse 15 (skanda.2.69.15)

द्वितीयं पद्मयोनेस्तु यावत्परिसमाप्यते । मनोः स्वायंभुवस्यास्य द्वितीये च चतुर्युगे

dvitīyaṁ padmayonestu yāvatparisamāpyate manoḥ svāyaṁbhuvasyāsya dvitīye ca caturyuge

that is, until the second half of the Lotus-born's life is complete — and within the second cycle of four ages of this Svayambhuva Manu,

Verse 16 (skanda.2.69.16)

कृतस्य प्रथमे ज्येष्ठे दशेति क्रतुसंस्थितिः । ज्यैष्ठ्यामहं चावतीर्णस्तत्पुण्यजन्मवासरम्

kṛtasya prathame jyeṣṭhe daśeti kratusaṁsthitiḥ jyaiṣṭhyāmahaṁ cāvatīrṇastatpuṇyajanmavāsaram

in the first, Krita age, on the tenth of Jyeshtha, the sacrificial rite was established. I descended in Jyeshtha; that is my own sacred birthday.

Verse 17 (skanda.2.69.17)

तस्यां मे स्नपनं कुर्यान्महास्नानविधानतः । प्रत्यर्चायां महाराज साधिवासं समृद्धिमत्

tasyāṁ me snapanaṁ kuryānmahāsnānavidhānataḥ pratyarcāyāṁ mahārāja sādhivāsaṁ samṛddhimat

On that day my bathing should be performed according to the great bathing rite; and at the re-consecration, O great king, with the vigil-rite, rich with prosperity,

Verse 18 (skanda.2.69.18)

पापं विनाशयिष्यामि कोटिजन्मभिरर्जितम् । सर्वतीर्थक्रतुफलं सर्वदानफलं तथा

pāpaṁ vināśayiṣyāmi koṭijanmabhirarjitam sarvatīrthakratuphalaṁ sarvadānaphalaṁ tathā

I shall destroy sins accumulated over a crore of births, and grant the fruit of every sacred ford, every sacrifice, and every gift as well,

Verse 19 (skanda.2.69.19)

पश्यतां चापि राजेंद्र फलं तावत्प्रपद्यते । न्यग्रोधादुत्तरे कूपः सर्वतीर्थमयोऽस्ति हि

paśyatāṁ cāpi rājeṁdra phalaṁ tāvatprapadyate nyagrodhāduttare kūpaḥ sarvatīrthamayo'sti hi

and even for those who merely watch, O king of kings, that same fruit is obtained. North of the banyan tree there is indeed a well containing the essence of every sacred ford;

Verse 20 (skanda.2.69.20)

स्नानाय पूर्वं निर्माय किंचिदाच्छादितं भुवा । अवतीर्णस्त्वहं पश्चात्तं विविच्य प्रकाशय

snānāya pūrvaṁ nirmāya kiṁcidācchāditaṁ bhuvā avatīrṇastvahaṁ paścāttaṁ vivicya prakāśaya

made earlier for bathing, it has since become somewhat covered over by earth. Now that I have descended, uncover it and bring it to light again.

Verse 21 (skanda.2.69.21)

संस्कार्यः स चतुर्दश्यां बलिं दत्त्वा विधानतः । रक्षकक्षेत्रपालाय दिशांपालेभ्य एव च

saṁskāryaḥ sa caturdaśyāṁ baliṁ dattvā vidhānataḥ rakṣakakṣetrapālāya diśāṁpālebhya eva ca

It should be ritually purified on the fourteenth day, offering oblations according to rule to the guardian Kshetrapala and to the guardians of the directions,

Verse 22 (skanda.2.69.22)

कम्बुकाहालमुरजध्वनिषु सुस्वरेषु च । द्विजातयः स्वर्णकुम्भैरुद्धरेयुस्ततो जलम्

kambukāhālamurajadhvaniṣu susvareṣu ca dvijātayaḥ svarṇakumbhairuddhareyustato jalam

amid the sweet sounds of conch, kahala-horn, and drum; then the twice-born should draw its water up with golden pitchers.

Verse 23 (skanda.2.69.23)

ज्यैष्ठ्यां प्रातस्तने काले ब्रह्मणा सहितं च माम् । रामं सुभद्रां संस्नाप्य मम लोकमवाप्नुयात्

jyaiṣṭhyāṁ prātastane kāle brahmaṇā sahitaṁ ca mām rāmaṁ subhadrāṁ saṁsnāpya mama lokamavāpnuyāt

On the day of Jyeshtha, in the morning hour, having bathed me together with Brahma, Rama, and Subhadra, one attains my world.

Verse 24 (skanda.2.69.24)

स्नाप्यमानं तु यः पश्येन्मां तदा नृपसत्तम । देहबन्धं च नाप्नोति स पुनर्न तु पूरुषः

snāpyamānaṁ tu yaḥ paśyenmāṁ tadā nṛpasattama dehabandhaṁ ca nāpnoti sa punarna tu pūruṣaḥ

Whoever, O best of kings, beholds me while I am being bathed at that time attains no further bondage to a body; he is not born again as a mortal.

Verse 25 (skanda.2.69.25)

कारयित्वा दृढं मंचमैशान्यां दिशि मंडितम् । वितानशोभारचितं चंदनांभः समुक्षितम्

kārayitvā dṛḍhaṁ maṁcamaiśānyāṁ diśi maṁḍitam vitānaśobhāracitaṁ caṁdanāṁbhaḥ samukṣitam

Having had a sturdy platform built and adorned in the northeast, decorated with a beautiful canopy, sprinkled with sandal-water,

Verse 26 (skanda.2.69.26)

तत्र मां रामभद्राभ्यां स्नापयित्वा पुनर्नयेत्

tatra māṁ rāmabhadrābhyāṁ snāpayitvā punarnayet

one should there bathe me together with Rama and Bhadra, and then lead us back.

Verse 27 (skanda.2.69.27)

दक्षिणाभिमुखं यांतं यो मां पश्यति भक्तितः । तत्तद्ध्रुवमवाप्नोति मनसा यद्यदिच्छति

dakṣiṇābhimukhaṁ yāṁtaṁ yo māṁ paśyati bhaktitaḥ tattaddhruvamavāpnoti manasā yadyadicchati

Whoever with devotion beholds me as I proceed facing southward — whatever he desires in his mind, that he surely obtains.

Verse 28 (skanda.2.69.28)

ततः पंचदशाहानि स्थापयित्वा तु मां नृप । विरूपमभिरूपं वा न पश्येत्तु कदाचन

tataḥ paṁcadaśāhāni sthāpayitvā tu māṁ nṛpa virūpamabhirūpaṁ vā na paśyettu kadācana

Then, O king, having installed me for fifteen days, one should never look upon me in that time, whether I appear disfigured or beautiful.

Verse 29 (skanda.2.69.29)

ज्येष्ठस्नानमिदं कृत्वा सर्वपापैः प्रमुच्यते

jyeṣṭhasnānamidaṁ kṛtvā sarvapāpaiḥ pramucyate

Having performed this bathing festival of Jyeshtha, one is freed from every sin.

Verse 30 (skanda.2.69.30)

गुंडिचाख्यां महायात्रां प्रकुर्वीथाः क्षितीश्वर । यस्याः संकीर्तनादेव नरः पापाद्विमुच्यते

guṁḍicākhyāṁ mahāyātrāṁ prakurvīthāḥ kṣitīśvara yasyāḥ saṁkīrtanādeva naraḥ pāpādvimucyate

You should hold the great pilgrimage-festival called Gundicha, O lord of the earth, by the mere glorifying of which a man is freed from sin.

Verse 31 (skanda.2.69.31)

माघमासस्य पंचम्यामष्टम्यां चैत्रशुक्लके । एते कालाः प्रशस्ता हि गुंडिचाख्यमहोत्सवे

māghamāsasya paṁcamyāmaṣṭamyāṁ caitraśuklake ete kālāḥ praśastā hi guṁḍicākhyamahotsave

On the fifth of the month of Magha, and on the eighth of the bright fortnight of Chaitra — these are the times declared excellent for the great festival called Gundicha.

Verse 32 (skanda.2.69.32)

विशेषान्मोक्षदाषाढद्वितीया पुष्यसंयुता । ऋक्षाभावे तिथौ कार्या सदा सा प्रीतये मम

viśeṣānmokṣadāṣāḍhadvitīyā puṣyasaṁyutā ṛkṣābhāve tithau kāryā sadā sā prītaye mama

Especially liberating is the second day of Ashadha joined with the Pushya nakshatra; in that asterism's absence it should always be held on that same tithi, for it pleases me.

Verse 33 (skanda.2.69.33)

आषाढस्य सिते पक्षे द्वितीया पुष्यसंयुता । तस्यां रथे समारोप्य रामं मां भद्रया सह

āṣāḍhasya site pakṣe dvitīyā puṣyasaṁyutā tasyāṁ rathe samāropya rāmaṁ māṁ bhadrayā saha

On the second day of the bright fortnight of Ashadha, joined with Pushya — on that day, having mounted Rama, myself, and Bhadra together upon the chariot,

Verse 34 (skanda.2.69.34)

महोत्सवप्रवृत्त्यर्थं प्रीणयित्वा द्विजान्बहून् । गुंडिचामण्डपंनाम यत्राहमजनं पुरा

mahotsavapravṛttyarthaṁ prīṇayitvā dvijānbahūn guṁḍicāmaṇḍapaṁnāma yatrāhamajanaṁ purā

and, to set the great festival in motion, having gratified many brahmins, proceed to the pavilion named Gundicha, where I was born of old.

Verse 35 (skanda.2.69.35)

अश्वमेधसहस्रस्य महावेदी तदाभवत् । तस्याः पुण्यतमं स्थानं पृथिव्यां नेह विद्यते

aśvamedhasahasrasya mahāvedī tadābhavat tasyāḥ puṇyatamaṁ sthānaṁ pṛthivyāṁ neha vidyate

There once stood the great sacrificial altar of a thousand horse-sacrifices; there exists on this earth no place more meritorious than that.

Verse 36 (skanda.2.69.36)

यत्राजुहोः पंचशतवर्षाणि प्रीतये मम । मम प्रीतिकरं स्थानं तस्मान्नान्यद्धरागतम्

yatrājuhoḥ paṁcaśatavarṣāṇi prītaye mama mama prītikaraṁ sthānaṁ tasmānnānyaddharāgatam

There, for five hundred years, oblations were offered for my pleasure; there is no place on earth, other than that one, which so delights me —

Verse 37 (skanda.2.69.37)

यथेयं नीलशिखरा प्रासादेन तवाधुना । चतुर्मुखानुरोधेन महाप्रीतिकरी मम

yatheyaṁ nīlaśikharā prāsādena tavādhunā caturmukhānurodhena mahāprītikarī mama

except this peak of Nila, now made greatly pleasing to me by your temple, built at the request of the four-faced one.

Verse 38 (skanda.2.69.38)

तथा नृसिंहक्षेत्रे वै महावेदी तव क्रतोः । ममोत्पत्तेश्च निलयं प्रीतिकृन्मम शाश्वतम्

tathā nṛsiṁhakṣetre vai mahāvedī tava kratoḥ mamotpatteśca nilayaṁ prītikṛnmama śāśvatam

Likewise, in that field there stands the great altar of your sacrifice and the very dwelling of my origin — it is eternally pleasing to me.

Verse 39 (skanda.2.69.39)

बहुकालं स्थितश्चाहं तस्यां मे प्रीतिरुत्तमा । आत्मा मे पद्मभूरेष प्रासादे स्थापितोऽमुना

bahukālaṁ sthitaścāhaṁ tasyāṁ me prītiruttamā ātmā me padmabhūreṣa prāsāde sthāpito'munā

For a long time I dwelt there, and my supreme delight lies in that place. My very self has been established in this temple by this one, Brahma —

Verse 40 (skanda.2.69.40)

अस्यानुरोधात्त्वद्भक्त्या ह्यवतिष्ठेऽत्र नित्यदा । दिनानि नव यास्यामि तथा तस्मादिहागतः

asyānurodhāttvadbhaktyā hyavatiṣṭhe'tra nityadā dināni nava yāsyāmi tathā tasmādihāgataḥ

at his request, and through your devotion, I dwell here forever; yet for nine days I shall go there, since it was from there that I came here.

Verse 41 (skanda.2.69.41)

तत्रास्ति ते महाराज सर्वतीर्थमयं सरः । तत्तीरे सप्तदिवसान्स्थास्याम्यनुजिघृक्षया

tatrāsti te mahārāja sarvatīrthamayaṁ saraḥ tattīre saptadivasānsthāsyāmyanujighṛkṣayā

There, O great king, there is for you a lake containing the essence of every sacred ford; on its shore I shall remain seven days, wishing to bestow my grace.

Verse 42 (skanda.2.69.42)

तत्र स्थितं मां पश्यंतो यांति मर्त्या ममालयम् । तिस्रः कोट्योऽर्द्धकोटी च तीर्थानां भुवनत्रये

tatra sthitaṁ māṁ paśyaṁto yāṁti martyā mamālayam tisraḥ koṭyo'rddhakoṭī ca tīrthānāṁ bhuvanatraye

Mortals who behold me residing there attain my own abode. Three and a half crores of sacred fords exist across the three worlds;

Verse 43 (skanda.2.69.43)

तानि सर्वाणि सरसि मत्सान्निध्याद्व्रजंति ते । तत्र स्नात्वा च विधिवद्दृष्ट्वा मां भक्तिभावतः

tāni sarvāṇi sarasi matsānnidhyādvrajaṁti te tatra snātvā ca vidhivaddṛṣṭvā māṁ bhaktibhāvataḥ

all of them, through my presence, come to gather in that lake. Bathing there according to rule, and beholding me with devotion,

Verse 44 (skanda.2.69.44)

जननीजठरे क्लेशं पुनर्नानुभवंति हि । नवमेऽह्नि समायातं दक्षिणाशामुखं तदा

jananījaṭhare kleśaṁ punarnānubhavaṁti hi navame'hni samāyātaṁ dakṣiṇāśāmukhaṁ tadā

one never again undergoes the suffering of the mother's womb. On the ninth day, when I have returned, facing the southern direction,

Verse 45 (skanda.2.69.45)

ये पश्यन्ति प्रतिपदमश्वमेधक्रतोः फलम् । प्राप्य भोगानिंद्रसमान्भुक्त्वान्ते मां विशंति ते

ye paśyanti pratipadamaśvamedhakratoḥ phalam prāpya bhogāniṁdrasamānbhuktvānte māṁ viśaṁti te

those who behold me at each such stage obtain the fruit of the horse-sacrifice; having enjoyed pleasures equal to Indra's, they at last enter into me.

Verse 46 (skanda.2.69.46)

ममोत्थानं मम स्वापं मत्पार्श्वपरिवर्त्तनम् । मार्गप्रावरणं चैव पुष्यस्नानमहोत्सवम्

mamotthānaṁ mama svāpaṁ matpārśvaparivarttanam mārgaprāvaraṇaṁ caiva puṣyasnānamahotsavam

My rising, my lying down to rest, my turning upon my side, and also my being covered along the road, and the great bathing-festival of Pushya —

Verse 47 (skanda.2.69.47)

फाल्गुन्यां क्रीडनं कुर्याद्दोलायां मम भूमिप । दोलायां येऽपि पश्यंति दक्षिणामुखपूजितम्

phālgunyāṁ krīḍanaṁ kuryāddolāyāṁ mama bhūmipa dolāyāṁ ye'pi paśyaṁti dakṣiṇāmukhapūjitam

in the month of Phalguna you should hold the swing-festival for me, O lord of the earth. Whoever beholds me upon the swing, worshipped there facing south,

Verse 48 (skanda.2.69.48)

ब्रह्महत्यादिभिः पापैर्मुच्यते नात्र संशयः

brahmahatyādibhiḥ pāpairmucyate nātra saṁśayaḥ

is freed from sins such as the killing of a brahmin — of this there is no doubt.

Verse 49 (skanda.2.69.49)

अनयोर्मां समभ्यर्च्य दृष्ट्वा मां प्रणिपत्य च । प्रत्येकमष्टसाहस्रं वाजिमेधफलं लभेत्

anayormāṁ samabhyarcya dṛṣṭvā māṁ praṇipatya ca pratyekamaṣṭasāhasraṁ vājimedhaphalaṁ labhet

Worshipping me at both of these occasions, beholding me, and bowing before me, one obtains, for each, the fruit of eight thousand horse-sacrifices.

Verse 50 (skanda.2.69.50)

चैत्रे सितत्रयोदश्यां कुर्यात्कर्मप्रपूरणम् । चैत्रे मासि चतुर्दश्यां दमनैर्मे प्रपूजनम् । शुक्लपक्षे तु ये लोकाः सर्वपापक्षयो भवेत्

caitre sitatrayodaśyāṁ kuryātkarmaprapūraṇam caitre māsi caturdaśyāṁ damanairme prapūjanam śuklapakṣe tu ye lokāḥ sarvapāpakṣayo bhavet

On the thirteenth of the bright fortnight of Chaitra, one should complete the rite; on the fourteenth of Chaitra, my worship should be done with damana leaves; whoever does so in the bright fortnight has all their sins destroyed.

Verse 51 (skanda.2.69.51)

वैशाखस्य सिते पक्षे तृतीयाऽक्षयसंज्ञिता । तत्र मां लेपयेद्गन्धलेपनैरतिशोभनैः

vaiśākhasya site pakṣe tṛtīyā'kṣayasaṁjñitā tatra māṁ lepayedgandhalepanairatiśobhanaiḥ

On the bright fortnight of Vaishakha, the third day is called the Imperishable (Akshaya); on that day one should anoint me with the most beautiful fragrant unguents.

Verse 52 (skanda.2.69.52)

प्रीतये मम ये कुर्युरुत्सवान्मम शाश्वतान् । चतुर्वर्गप्रदा ह्येते प्रत्येकं परिकीर्तिताः

prītaye mama ye kuryurutsavānmama śāśvatān caturvargapradā hyete pratyekaṁ parikīrtitāḥ

Whoever, for my pleasure, keeps these my eternal festivals — each of them is declared to bestow the four aims of life.'

Verse 53 (skanda.2.69.53)

जैमिनिरुवाच । इति दत्त्वा वरं तस्मा इन्द्रद्युम्नाय भो द्विजाः । ब्रह्माणमाह भगवान्स्मेरांभोरुहसन्मुखः

jaiminiruvāca iti dattvā varaṁ tasmā indradyumnāya bho dvijāḥ brahmāṇamāha bhagavānsmerāṁbhoruhasanmukhaḥ

Jaimini said: Having thus granted this boon to Indradyumna, O brahmins, the Lord, his lotus-like face smiling, spoke to Brahma:

Verse 54 (skanda.2.69.54)

चतुर्मुख तव प्रीत्यै सर्वं संपादितं मया । त्वदिच्छा हि ममैवेच्छा न भेदो ह्यावयोर्ध्रुवम्

caturmukha tava prītyai sarvaṁ saṁpāditaṁ mayā tvadicchā hi mamaivecchā na bhedo hyāvayordhruvam

'O four-faced one, all this has been accomplished by me for your pleasure. Your wish is indeed my own wish; there is truly no difference between the two of us.

Verse 55 (skanda.2.69.55)

यन्मां माधवमूर्तिं त्वं पुरा प्रार्थितवानसि । तस्यैव परिपाकोऽयमवतारः कृतो मया

yanmāṁ mādhavamūrtiṁ tvaṁ purā prārthitavānasi tasyaiva paripāko'yamavatāraḥ kṛto mayā

That form of Madhava which you long ago prayed I might take — this very incarnation is the ripening of that prayer, brought about by me.

Verse 56 (skanda.2.69.56)

मामत्र दृष्ट्वा त्वभ्यर्च्य प्राणान्संत्यज्य मुच्यते । क्रमात्सर्वे त्वया सार्द्धं भूयः सायुज्यमेव च

māmatra dṛṣṭvā tvabhyarcya prāṇānsaṁtyajya mucyate kramātsarve tvayā sārddhaṁ bhūyaḥ sāyujyameva ca

Whoever, having beheld and worshipped me here, gives up his last breath is liberated; and, in due course, all shall attain, together with you, union with me once more.

Verse 57 (skanda.2.69.57)

यद्वाचाभिलपन्मर्त्यो मामत्र हि निषेवते । अवश्यं तदवाप्नोति संगत्या चात्र भूपतिः

yadvācābhilapanmartyo māmatra hi niṣevate avaśyaṁ tadavāpnoti saṁgatyā cātra bhūpatiḥ

Whatever a mortal, speaking it aloud, seeks from me by serving me here, that he surely obtains — and by such good company, the king too obtains it.

Verse 58 (skanda.2.69.58)

व्रजेदानीं सत्यलोकं त्रिदिवं यांतु देवताः । तवायुःपूर्णिपर्यंतमहमत्र स्थितो ध्रुवम्

vrajedānīṁ satyalokaṁ tridivaṁ yāṁtu devatāḥ tavāyuḥpūrṇiparyaṁtamahamatra sthito dhruvam

Now go to Satyaloka; let the gods go to their own heaven. Until the end of your allotted lifespan, I shall remain here firmly and without fail.'

Verse 59 (skanda.2.69.59)

ततस्ते हर्षिताः सर्वे ब्रह्मर्षिसुरसत्तमाः । प्रणम्य शिरसा देवं जग्मुस्ते निलयं स्वकम्

tataste harṣitāḥ sarve brahmarṣisurasattamāḥ praṇamya śirasā devaṁ jagmuste nilayaṁ svakam

Then all those best of the brahmarshis and gods, filled with joy, bowed their heads to the Lord and went each to his own abode.

Verse 60 (skanda.2.69.60)

देवोऽपि च जगन्नाथः प्रतिमारूपधृक्तदा । तूष्णीं तिष्ठति सर्वेषां हर्षमापादयन्नृणाम्

devo'pi ca jagannāthaḥ pratimārūpadhṛktadā tūṣṇīṁ tiṣṭhati sarveṣāṁ harṣamāpādayannṛṇām

And the god Jagannatha too, bearing the form of the sacred image, then remained silent, bestowing joy upon all people.

Verse 61 (skanda.2.69.61)

इन्द्रद्युम्नोऽपि धर्मात्मा विष्णुभक्तो दृढव्रतः । अनुव्रजन्पद्मयोनिं तेनादिष्टो न्यवर्तत

indradyumno'pi dharmātmā viṣṇubhakto dṛḍhavrataḥ anuvrajanpadmayoniṁ tenādiṣṭo nyavartata

Indradyumna too, righteous of soul, a devotee of Vishnu firm in his vows, followed the Lotus-born for a while, and then, instructed by him, turned back.

Verse 62 (skanda.2.69.62)

यात्राः सर्वा भगवता आज्ञप्ताः साधु कारय । अस्मिंस्तुष्टे जगन्नाथे सन्तुष्टं वै चराचरम्

yātrāḥ sarvā bhagavatā ājñaptāḥ sādhu kāraya asmiṁstuṣṭe jagannāthe santuṣṭaṁ vai carācaram

'Faithfully perform all the pilgrimage-festivals commanded by the Lord. When Jagannatha is pleased, all that moves and moves not becomes truly content.'

Verse 63 (skanda.2.69.63)

इत्याज्ञां पद्मयोनेस्तु मूर्ध्न्याधाय क्षितीश्वरः । नारदेन सह श्रीमान्निधिना च समृद्धिमत् । ज्येष्ठस्नानादिकं सर्वमुत्सवं निरवर्तयत्

ityājñāṁ padmayonestu mūrdhnyādhāya kṣitīśvaraḥ nāradena saha śrīmānnidhinā ca samṛddhimat jyeṣṭhasnānādikaṁ sarvamutsavaṁ niravartayat

Having thus placed the command of the Lotus-born upon his head in reverence, the glorious lord of the earth, together with Narada and with his minister Nidhi, richly performed the entire festival, beginning with the Jyeshtha bathing rite.