The Southward-Facing Darshan and the Vow of Jyeshtha-Panchaka

Verse 1 (skanda.2.72.1)

जैमिनिरुवाच । अतः परं प्रवक्ष्यामि दक्षिणामूर्तिदर्शनम् । पदे पदे अश्वमेधस्य फलं यत्रोपलभ्यते

jaiminiruvāca ataḥ paraṁ pravakṣyāmi dakṣiṇāmūrtidarśanam pade pade aśvamedhasya phalaṁ yatropalabhyate

Jaimini said: Now I shall further describe the sight of the deities' southward-facing form, wherein at every step one obtains the fruit of an ashvamedha sacrifice.

Verse 2 (skanda.2.72.2)

ततो नानाविधैर्दिव्यैर्भक्ष्यभोज्यादिकैस्तथा । यथाशक्त्युपचारैस्तु गंधैर्माल्यैश्च पूजयेत्

tato nānāvidhairdivyairbhakṣyabhojyādikaistathā yathāśaktyupacāraistu gaṁdhairmālyaiśca pūjayet

Then one should worship with various divine foods and delicacies, and according to one's means, with fragrances and garlands offered as ritual honors.

Verse 3 (skanda.2.72.3)

रामं कृष्णं सुभद्रां च गीतनृत्यादिकैस्तथा । प्रेक्षणीयैश्च विविधैः श्रद्धया चोपपादितैः

rāmaṁ kṛṣṇaṁ subhadrāṁ ca gītanṛtyādikaistathā prekṣaṇīyaiśca vividhaiḥ śraddhayā copapāditaiḥ

Balarama, Krishna, and Subhadra should be honored with songs, dances, and various spectacles offered with reverence.

Verse 4 (skanda.2.72.4)

वस्त्रचंदनमाल्याद्यैः पूजयित्वा द्विजोत्तमान् । भगवद्ब्राह्मणांश्चैतान्महाभागवतांस्तथा

vastracaṁdanamālyādyaiḥ pūjayitvā dvijottamān bhagavadbrāhmaṇāṁścaitānmahābhāgavatāṁstathā

Having worshipped the finest brahmins, the devout brahmins of the Lord, and the great Bhagavatas with cloth, sandal-paste, and garlands,

Verse 5 (skanda.2.72.5)

ततो नयेद्दक्षिणाभिमुखांस्तांस्त्रिदशेश्वरान् । उत्सवं च महत्कृत्वा पूर्वानयनवद्धरेः

tato nayeddakṣiṇābhimukhāṁstāṁstridaśeśvarān utsavaṁ ca mahatkṛtvā pūrvānayanavaddhareḥ

Then one should lead those lords of the gods facing toward the south, holding a great festival just as when Hari was first brought forth.

Verse 6 (skanda.2.72.6)

तस्मिन्काले हरिं पश्येद्व्रजंतं दक्षिणामुखम् । समं सुभद्रां यो मर्त्यो न स प्राकृतमानुषः

tasmiṁkāle hariṁ paśyedvrajaṁtaṁ dakṣiṇāmukham samaṁ subhadrāṁ yo martyo na sa prākṛtamānuṣaḥ

Whatever mortal beholds Hari at that time, moving with his face turned south together with Subhadra, is no ordinary human being.

Verse 7 (skanda.2.72.7)

स्नानार्थमागता देवाः स्नापयित्वा जगद्गुरुम् । आकाशेऽपि ससंबाधास्तावत्कालं स्थिता हरिम् । द्रष्टुं व्रजंतं याम्याशावदनं भवनाशनम्

snānārthamāgatā devāḥ snāpayitvā jagadgurum ākāśe'pi sasaṁbādhāstāvatkālaṁ sthitā harim draṣṭuṁ vrajaṁtaṁ yāmyāśāvadanaṁ bhavanāśanam

The gods who had come for the bathing rite, having bathed the world's guru, remained crowded together even in the sky for that whole time, so as to behold Hari, the destroyer of worldly bondage, moving with his face turned toward the south.

Verse 8 (skanda.2.72.8)

धर्मशास्त्रेषु यावंति धर्मकर्माणि संति वै । तानि सर्वाणि संद्रष्टुं व्रजंतं दक्षिणामुखम्

dharmaśāstreṣu yāvaṁti dharmakarmāṇi saṁti vai tāni sarvāṇi saṁdraṣṭuṁ vrajaṁtaṁ dakṣiṇāmukham

Whatever meritorious rites are enumerated in the scriptures of dharma — all of them are witnessed at once by one who beholds him moving with face turned south.

Verse 9 (skanda.2.72.9)

स्नानदर्शनजं पुण्यं समग्रं लभते तु सः । स्नातं मुरारिं यः पश्येद्व्रजंतं दक्षिणामुखम्

snānadarśanajaṁ puṇyaṁ samagraṁ labhate tu saḥ snātaṁ murāriṁ yaḥ paśyedvrajaṁtaṁ dakṣiṇāmukham

Whoever beholds Murari, having been bathed, moving with his face turned south, obtains the entire merit born of witnessing that bath.

Verse 10 (skanda.2.72.10)

नीराजयित्वा देवेशं रामेण सह भद्रया । प्रासादांतः प्रवेश्याथ न पश्येद्वै कथंचन

nīrājayitvā deveśaṁ rāmeṇa saha bhadrayā prāsādāṁtaḥ praveśyātha na paśyedvai kathaṁcana

Having performed the lamp-waving to the Lord of gods together with Rama and Bhadra, and then having led him inside the temple, thereafter no one should see him at all.

Verse 11 (skanda.2.72.11)

एतत्तु विस्तरेणोक्तं पूर्वमेव मया द्विजाः

etattu vistareṇoktaṁ pūrvameva mayā dvijāḥ

This, O twice-born ones, I have already related to you in detail before.

Verse 12 (skanda.2.72.12)

मुनय ऊचुः । भगवन्यत्त्वया प्रोक्तं ज्येष्ठास्नानप्रदर्शनात् । फलं प्राप्नोति नियतं तन्नो बूहि विदांवर

munaya ūcuḥ bhagavanyattvayā proktaṁ jyeṣṭhāsnānapradarśanāt phalaṁ prāpnoti niyataṁ tanno brūhi vidāṁvara

The sages said: O Lord, you said that by witnessing the Jyeshtha bathing one certainly obtains a fruit — tell us of that, O best among the learned.

Verse 13 (skanda.2.72.13)

जैमिनिरुवाच । हंत वः कथयिष्यामि तद्व्रतं ज्येष्ठपंचकम् । नातः परतरं प्रोक्तमृषिभिः शास्त्रपारगैः

jaiminiruvāca haṁta vaḥ kathayiṣyāmi tadvrataṁ jyeṣṭhapaṁcakam nātaḥ parataraṁ proktamṛṣibhiḥ śāstrapāragaiḥ

Jaimini said: Well then, I shall tell you of that vow, the Jyeshtha-Panchaka, than which no greater vow has been declared by the sages versed in the scriptures.

Verse 14 (skanda.2.72.14)

श्रौतस्मार्तपुराणोक्तव्रतानामिदमुत्तमम् । इदं प्रथमतः प्रोक्तं ब्रह्मणा परमेष्ठिना

śrautasmārtapurāṇoktavratānāmidamuttamam idaṁ prathamataḥ proktaṁ brahmaṇā parameṣṭhinā

This is the foremost among the vows declared in the shruti, smriti, and puranas; it was first proclaimed by Brahma, the Supreme Lord of Creation.

Verse 15 (skanda.2.72.15)

ज्येष्ठत्वाद्व्रतमुख्यानां ख्यातं तज्ज्येष्ठपंचकम् । समुद्रो ज्येष्ठफलदः प्रभुर्ज्येष्ठफलप्रदः

jyeṣṭhatvādvratamukhyānāṁ khyātaṁ tajjyeṣṭhapaṁcakam samudro jyeṣṭhaphaladaḥ prabhurjyeṣṭhaphalapradaḥ

Because it is the foremost among principal vows, it is renowned as the Jyeshtha-Panchaka; the ocean bestows the fruit of Jyeshtha, and the Lord too grants the fruit of Jyeshtha.

Verse 16 (skanda.2.72.16)

वर्षसंदर्शनात्पुण्यं मञ्चकेनैव लभ्यते । मंचकेन तु यल्लभ्यं महाज्यैष्ठ्यां तु तल्लभेत्

varṣasaṁdarśanātpuṇyaṁ maṁcakenaiva labhyate maṁcakena tu yallabhyaṁ mahājyaiṣṭhyāṁ tu tallabhet

The merit obtained by a year's beholding through the observance called Manchaka — that same merit is obtained on the day of Maha-Jyeshthi.

Verse 17 (skanda.2.72.17)

यन्मयोक्तं पुरा विप्राः स्नानदर्शनजं फलम् । समग्रं तदवाप्नोति महाज्यैष्ठ्यां न संशयः

yanmayoktaṁ purā viprāḥ snānadarśanajaṁ phalam samagraṁ tadavāpnoti mahājyaiṣṭhyāṁ na saṁśayaḥ

O brahmins, whatever fruit born of witnessing the bath I described before — that entire fruit is obtained on Maha-Jyeshthi, without doubt.

Verse 18 (skanda.2.72.18)

मुनय ऊचुः । महाज्यैष्ठीं समाचक्ष्व यत्र स्नानं महाफलम् । तत्र नः कौतुकं ब्रह्मन्महद्वै संप्रवर्त्तते

munaya ūcuḥ mahājyaiṣṭhīṁ samācakṣva yatra snānaṁ mahāphalam tatra naḥ kautukaṁ brahmanmahadvai saṁpravarttate

The sages said: Describe to us Maha-Jyeshthi, O Brahmin, wherein the bathing bears great fruit — great curiosity has arisen in us about it.

Verse 19 (skanda.2.72.19)

जैमिनिरुवाच । ज्येष्ठस्य विमले पक्षे या वै पंचदशी भवेत् । शक्रर्क्षैकांशगौ चन्द्रगुरू च गुरुवासरे

jaiminiruvāca jyeṣṭhasya vimale pakṣe yā vai paṁcadaśī bhavet śakrarkṣaikāṁśagau candragurū ca guruvāsare

Jaimini said: When the full moon falls in the bright fortnight of Jyeshtha month, and on a Thursday the moon and Jupiter both stand together in a single portion of the constellation Jyeshtha (Indra's asterism),

Verse 20 (skanda.2.72.20)

शुभे योगे महाज्यैष्ठी सर्वपापप्रणाशिनी । सर्वक्षेत्रं सर्वतीर्थं सप्त वै सागरास्तथा

śubhe yoge mahājyaiṣṭhī sarvapāpapraṇāśinī sarvakṣetraṁ sarvatīrthaṁ sapta vai sāgarāstathā

in such an auspicious conjunction occurs Maha-Jyeshthi, the destroyer of all sins. Then all sacred fields, all holy places, and all seven oceans,

Verse 21 (skanda.2.72.21)

क्रतवश्च महादानसमूहश्च तपांसि च । विद्याश्चाष्टादशविधा व्रतानि विविधानि च

kratavaśca mahādānasamūhaśca tapāṁsi ca vidyāścāṣṭādaśavidhā vratāni vividhāni ca

along with all sacrificial rites, the assemblies of great gifts, austerities, the eighteen branches of learning, and various vows,

Verse 22 (skanda.2.72.22)

शांतिपौष्टिककर्माणि सांख्ययोगस्तथैव च । सर्वे संभूय गच्छंति क्षेत्रं श्रीपुरुषोत्तमम्

śāṁtipauṣṭikakarmāṇi sāṁkhyayogastathaiva ca sarve saṁbhūya gacchaṁti kṣetraṁ śrīpuruṣottamam

and the rites for peace and prosperity, and Sankhya and Yoga as well — all of these together come to the sacred field of Shri Purushottama.

Verse 23 (skanda.2.72.23)

वृन्दशः प्रविभक्तास्त एकैकं क्षेत्रगं प्रति । कस्मै वयं भाग्यवते ज्येष्ठस्नानावलोकने

vṛndaśaḥ pravibhaktāsta ekaikaṁ kṣetragaṁ prati kasmai vayaṁ bhāgyavate jyeṣṭhasnānāvalokane

Divided into groups, they turn each toward some fortunate person dwelling in that field, saying: 'To which blessed one shall we go, for the sight of the Jyeshtha bathing?'

Verse 24 (skanda.2.72.24)

महाज्यैष्ठ्यां प्रवेक्ष्यामः परस्परमहंमया । तत्र यांति महायोगे भगवत्क्षेत्रमुत्तमम्

mahājyaiṣṭhyāṁ pravekṣyāmaḥ parasparamahaṁmayā tatra yāṁti mahāyoge bhagavatkṣetramuttamam

'We shall enter upon Maha-Jyeshthi' — thus, each vying with the other, they go at that time of great conjunction to the Lord's supreme sacred field.

Verse 25 (skanda.2.72.25)

महाज्यैष्ठी महापुण्या भगवत्प्रीतिवर्द्धनी । तस्यां संपूज्य देवेशं जगन्नाथं कृपार्णवम् । दृष्ट्वा च स्नाप्यमानं तं पापकोशाद्विमुच्यते

mahājyaiṣṭhī mahāpuṇyā bhagavatprītivarddhanī tasyāṁ saṁpūjya deveśaṁ jagannāthaṁ kṛpārṇavam dṛṣṭvā ca snāpyamānaṁ taṁ pāpakośādvimucyate

Maha-Jyeshthi is of great merit, increasing the Lord's affection. On that day, having worshipped Jagannatha, the Lord of gods, the ocean of compassion, and having beheld him being bathed, one is freed from the sheath of sin.

Verse 26 (skanda.2.72.26)

अत ऊर्ध्वं प्रवक्ष्यामि व्रतं तज्ज्येष्ठपञ्चकम् । व्रतेनानेन लभ्यं यत्तत्तदेव ब्रवीमि वः

ata ūrdhvaṁ pravakṣyāmi vrataṁ tajjyeṣṭhapañcakam vratenānena labhyaṁ yattattadeva bravīmi vaḥ

Now further I shall describe that vow, the Jyeshtha-Panchaka; whatever is obtained through this vow, that I shall tell you.

Verse 27 (skanda.2.72.27)

दशम्यां नियमं कुर्यात्प्रातः स्नात्वा यथाविधि । आचार्यं वृणुयात्तत्र वैष्णवं द्विजपुंगवम्

daśamyāṁ niyamaṁ kuryātprātaḥ snātvā yathāvidhi ācāryaṁ vṛṇuyāttatra vaiṣṇavaṁ dvijapuṁgavam

On the tenth day, having bathed at dawn according to rule, one should undertake the observance and there choose as preceptor an excellent Vaishnava brahmin.

Verse 28 (skanda.2.72.28)

इत्थं संकल्पममलं गृह्णीयाद्व्रतमुत्तमम्

itthaṁ saṁkalpamamalaṁ gṛhṇīyādvratamuttamam

Thus, having made a pure resolve, one should undertake this excellent vow.

Verse 29 (skanda.2.72.29)

देवदेव जगन्नाथ संसारार्णवतारक । अद्यारभ्य व्रतं देव यावज्ज्यैष्ठी च सा तिथिः । तावद्व्रतं करिष्यामि प्रीतये तव केशव

devadeva jagannātha saṁsārārṇavatāraka adyārabhya vrataṁ deva yāvajjyaiṣṭhī ca sā tithiḥ tāvadvrataṁ kariṣyāmi prītaye tava keśava

'O God of gods, Jagannatha, ferryman across the ocean of transmigration! O Lord, from today until that Jyeshtha day arrives, I shall keep this vow for your pleasure, O Keshava.'

Verse 30 (skanda.2.72.30)

सर्वतीर्थाभिषेकं च प्रत्यहं व्रतभोजनम् । मूर्तीनां तव पंचानामेकस्यापि प्रपूजनम्

sarvatīrthābhiṣekaṁ ca pratyahaṁ vratabhojanam mūrtīnāṁ tava paṁcānāmekasyāpi prapūjanam

'The merit of bathing in all sacred waters each day, the vow's proper meal, and the worship of even one of your five forms —'

Verse 31 (skanda.2.72.31)

एकस्मिन्दिवसे देव त्रिसंध्यं त्वत्प्रसादतः । समाप्यतां व्रतमिदं सफलं चास्तु ते प्रभो

ekasmindivase deva trisaṁdhyaṁ tvatprasādataḥ samāpyatāṁ vratamidaṁ saphalaṁ cāstu te prabho

'In a single day, O Lord, through your grace at all three twilight hours, may this vow be completed and become fruitful, O Master.'

Verse 32 (skanda.2.72.32)

ततः पंचसु तीर्थेषु स्नात्वा च गृहमेत्य च । स्थंडिले विलिखेत्पद्ममष्टपत्रं सकर्णिकम्

tataḥ paṁcasu tīrtheṣu snātvā ca gṛhametya ca sthaṁḍile vilikhetpadmamaṣṭapatraṁ sakarṇikam

Then, having bathed in five sacred waters and returned home, one should draw upon the altar an eight-petaled lotus with its central whorl.

Verse 33 (skanda.2.72.33)

तन्मध्ये स्थापयेत्कुंभं तीर्थांभोभिः प्रपूरितम् । सचंदनफलैर्युक्तं तन्मुखे ताम्रभाजनम्

tanmadhye sthāpayetkuṁbhaṁ tīrthāṁbhobhiḥ prapūritam sacaṁdanaphalairyuktaṁ tanmukhe tāmrabhājanam

In its center, one should place a pot filled with waters from sacred fords, and upon its mouth a copper vessel furnished with sandalwood and fruits.

Verse 34 (skanda.2.72.34)

वाससा वेष्टितं कण्ठे पात्रं चाक्षतपूरितम् । तन्मध्ये स्थापयेद्देवं सौवर्णं मधुसूदनम्

vāsasā veṣṭitaṁ kaṇṭhe pātraṁ cākṣatapūritam tanmadhye sthāpayeddevaṁ sauvarṇaṁ madhusūdanam

Around its neck, wrapped in cloth, a vessel filled with unbroken rice should be set, and in the midst of it a golden image of Madhusudana should be established.

Verse 35 (skanda.2.72.35)

शुभांगावयवं शांतं वामे श्रीयुतमीश्वरम्

śubhāṁgāvayavaṁ śāṁtaṁ vāme śrīyutamīśvaram

the Lord whose limbs are all auspicious, who is serene, and who bears Shri seated at his left side,

Verse 36 (skanda.2.72.36)

दक्षिणे च गरुत्मंतं स्पृशंतं पृष्ठदेशतः । शंखचक्रधरं चोर्ध्वे पद्मासनगतं विभुम्

dakṣiṇe ca garutmaṁtaṁ spṛśaṁtaṁ pṛṣṭhadeśataḥ śaṁkhacakradharaṁ cordhve padmāsanagataṁ vibhum

with Garuda at his right touching him from behind, holding the conch and discus above, that all-pervading Lord seated upon a lotus seat.

Verse 37 (skanda.2.72.37)

पूजयेदुपचारैस्तमाचार्यो वापि भो द्विजाः । नीलोत्पलानां मालां तु भक्त्या देवाय दापयेत्

pūjayedupacāraistamācāryo vāpi bho dvijāḥ nīlotpalānāṁ mālāṁ tu bhaktyā devāya dāpayet

O brahmins, one should worship him with due honors, whether oneself or through the preceptor, and offer a garland of blue lotuses to the god with devotion.

Verse 38 (skanda.2.72.38)

दशम्यां पूजयित्वैवं दशकोट्यघनाशनम् । प्रार्थयेत्प्रांजलिर्भूत्वा मन्त्रमेतं समुच्चरन्

daśamyāṁ pūjayitvaivaṁ daśakoṭyaghanāśanam prārthayetprāṁjalirbhūtvā mantrametaṁ samuccaran

Having thus worshipped on the tenth day the destroyer of ten million sins, one should pray with folded hands, uttering this mantra:

Verse 39 (skanda.2.72.39)

मधुसूदन देवेश नमस्ते माधवीप्रिय । कृपावारांनिधे पाहि पतितं मां भवार्णवे

madhusūdana deveśa namaste mādhavīpriya kṛpāvārāṁnidhe pāhi patitaṁ māṁ bhavārṇave

'O Madhusudana, Lord of gods, salutation to you, O beloved of Madhavi (Lakshmi)! O ocean of compassion, save me who has fallen into the sea of worldly existence.'

Verse 40 (skanda.2.72.40)

एकादश्यां चतुर्बाहुं शंखचक्रगदाधरम् । नारायणं पद्मसंस्थं पंचनिष्कविनिर्मितम् । तदर्द्धं निर्मितं वापि पूजयेत्पद्ममालया

ekādaśyāṁ caturbāhuṁ śaṁkhacakragadādharam nārāyaṇaṁ padmasaṁsthaṁ paṁcaniṣkavinirmitam tadarddhaṁ nirmitaṁ vāpi pūjayetpadmamālayā

On the eleventh day, one should worship, with a garland of lotuses, the four-armed Narayana bearing conch, discus, and mace, seated upon a lotus, his image fashioned of five nishkas of gold, or even of half that weight.

Verse 41 (skanda.2.72.41)

नैवेद्यं पायसं दद्यात्सितां रंभाफलानि च । नानाविधं च नैवेद्यं दत्त्वा संप्रार्थयेन्मुदा

naivedyaṁ pāyasaṁ dadyātsitāṁ raṁbhāphalāni ca nānāvidhaṁ ca naivedyaṁ dattvā saṁprārthayenmudā

As offering one should present sweet rice-pudding, sugar, and plantains, and having offered various kinds of food, pray joyfully:

Verse 42 (skanda.2.72.42)

नारायण नमस्तेऽस्तु भवसागरतारण । त्राहि मां पुंडरीकाक्ष शरणागतवत्सल

nārāyaṇa namaste'stu bhavasāgaratāraṇa trāhi māṁ puṁḍarīkākṣa śaraṇāgatavatsala

'O Narayana, salutation to you, ferryman across the ocean of existence! O lotus-eyed one, fond of those who take refuge in you, protect me.'

Verse 43 (skanda.2.72.43)

एकादशेंद्रियकृतं पापराशिमनुत्तमम् । अनादिभवनिर्व्यूढं नाशयेत्पूजितः प्रभुः

ekādaśeṁdriyakṛtaṁ pāparāśimanuttamam anādibhavanirvyūḍhaṁ nāśayetpūjitaḥ prabhuḥ

The Lord, thus worshipped, destroys that unsurpassed heap of sins wrought by the eleven senses and accumulated through beginningless worldly existence.

Verse 44 (skanda.2.72.44)

द्वादश्यां यज्ञवाराहं पूजयेत्स्वर्णनिर्मितम् । चंदनागुरुकर्पूरलेपनैश्चंपकस्रजा

dvādaśyāṁ yajñavārāhaṁ pūjayetsvarṇanirmitam caṁdanāgurukarpūralepanaiścaṁpakasrajā

On the twelfth day, one should worship the sacrificial Boar-form (Yajna-Varaha), fashioned of gold, with anointing of sandal, aloewood, and camphor, and with a garland of champaka flowers.

Verse 45 (skanda.2.72.45)

नानाविधापूपसारा भक्ष्यभोज्यफलान्विताः । निवेद्य प्रार्थयेद्देवं स्तुतिमेतां समुच्चरन्

nānāvidhāpūpasārā bhakṣyabhojyaphalānvitāḥ nivedya prārthayeddevaṁ stutimetāṁ samuccaran

Having offered various excellent cakes, foods, and fruits, one should pray to the Lord, reciting this hymn of praise:

Verse 46 (skanda.2.72.46)

प्रलयार्णवसंमग्नां धरणीं धृतवानसि । किन्न शक्तो ममोद्धारे पतितस्यांघ्रिपंकजे । तन्मामुद्धर गोविंद निमग्नं शोकसागरे

pralayārṇavasaṁmagnāṁ dharaṇīṁ dhṛtavānasi kinna śakto mamoddhāre patitasyāṁghripaṁkaje tanmāmuddhara goviṁda nimagnaṁ śokasāgare

'You upheld the earth when it was submerged in the ocean of deluge; are you then unable to lift me up, who have fallen at your lotus feet? Therefore raise me up, O Govinda, sunk as I am in the ocean of grief.'

Verse 47 (skanda.2.72.47)

अब्दो द्वादशमासो वै यावदब्दकृतानि तु । पापानि महदल्पानि इतः पूर्वेषु जन्मसु । तद्विनाशयते देवो द्वादश्यामर्चितो नृणाम्

abdo dvādaśamāso vai yāvadabdakṛtāni tu pāpāni mahadalpāni itaḥ pūrveṣu janmasu tadvināśayate devo dvādaśyāmarcito nṛṇām

A year consists of twelve months; whatever sins, great or small, have accrued in the course of a year in this life and in previous births, all of those the Lord, worshipped on the twelfth day, destroys for men.

Verse 48 (skanda.2.72.48)

त्रयोदश्यां तु प्रद्युम्नं शंखचक्रवराभयान् । धारयन्तं पद्मगतं चतुर्निष्कविनिर्मितम्

trayodaśyāṁ tu pradyumnaṁ śaṁkhacakravarābhayān dhārayaṁtaṁ padmagataṁ caturniṣkavinirmitam

On the thirteenth day, one should worship Pradyumna, seated upon a lotus and bearing the conch, discus, and gestures of boon-giving and reassurance, his image fashioned of four nishkas of gold.

Verse 49 (skanda.2.72.49)

उपचारैर्यथाप्रोक्तैः पूजयेद्भक्तितो नरः । अशोकपाटलीमालां चंद्रपूर्णां समुज्ज्वलाम्

upacārairyathāproktaiḥ pūjayedbhaktito naraḥ aśokapāṭalīmālāṁ caṁdrapūrṇāṁ samujjvalām

With the honors already described, a person should worship devoutly, and offer a radiant garland of ashoka and patali flowers, full and bright as the moon.

Verse 50 (skanda.2.72.50)

नैवेद्यं चैव पक्वान्नं फलं पक्वं मनोहरम् । दत्त्वा नमस्कृतिं कुर्वन्प्रार्थयेत्प्रांजलिः शुचिः

naivedyaṁ caiva pakvānnaṁ phalaṁ pakvaṁ manoharam dattvā namaskṛtiṁ kurvanprārthayetprāṁjaliḥ śuciḥ

Having offered cooked food and lovely ripe fruits, bowing down, purified, one should pray with folded hands:

Verse 51 (skanda.2.72.51)

देव प्रद्युम्न कामानां पूरक कामरूपधृक् । कामाश्च सफलाः संतु कामपाल नमोऽस्तु ते

deva pradyumna kāmānāṁ pūraka kāmarūpadhṛk kāmāśca saphalāḥ saṁtu kāmapāla namo'stu te

'O Lord Pradyumna, fulfiller of desires, taker of whatever form is desired! May my desires bear fruit; salutation to you, O guardian of desires.'

Verse 52 (skanda.2.72.52)

चतुर्दश्यां नरहरिं पूजयेत्कनकाकृतिम् । वक्षःस्थलस्थया लक्ष्म्या प्रीयमाणं सटोज्ज्वलम्

caturdaśyāṁ narahariṁ pūjayetkanakākṛtim vakṣaḥsthalasthayā lakṣmyā prīyamāṇaṁ saṭojjvalam

On the fourteenth day, one should worship Narahari (the Man-Lion) in golden form, delighted by Lakshmi seated upon his breast, his mane blazing bright.

Verse 53 (skanda.2.72.53)

व्यात्ताननं साट्टहासं योगपट्टाब्जसंस्थितम् । सुतीक्ष्णनखरं देवं सर्वापद्विनिवारणम्

vyāttānanaṁ sāṭṭahāsaṁ yogapaṭṭābjasaṁsthitam sutīkṣṇanakharaṁ devaṁ sarvāpadvinivāraṇam

With mouth agape in a mighty roar of laughter, seated upon a lotus with the yoga-band, his claws exceedingly sharp — that god averts every calamity.

Verse 54 (skanda.2.72.54)

चतुर्भिर्हेमनिष्कैश्च घटितं शुभलक्षणम् । पूजयेत्पूर्ववद्देवं सोपहारं सुभक्तितः

caturbhirhemaniṣkaiśca ghaṭitaṁ śubhalakṣaṇam pūjayetpūrvavaddevaṁ sopahāraṁ subhaktitaḥ

Fashioned of four nishkas of gold, marked with auspicious signs, that image should be worshipped as before, with offerings, in deepest devotion.

Verse 55 (skanda.2.72.55)

जपाकुसुममालां च जातीपुष्पस्रजं तथा । दत्त्वा पुष्पांजलीन्पादे प्रणम्य सप्रदक्षिणम्

japākusumamālāṁ ca jātīpuṣpasrajaṁ tathā dattvā puṣpāṁjalīnpāde praṇamya sapradakṣiṇam

Having offered a garland of hibiscus flowers and one of jasmine, having scattered handfuls of flowers at his feet, and having bowed while circumambulating,

Verse 56 (skanda.2.72.56)

यथा हिरण्यकशिपुं लोकानां हितकाम्यया । व्यदारयस्तथा पापसंघं नाशय पूजितः

yathā hiraṇyakaśipuṁ lokānāṁ hitakāmyayā vyadārayastathā pāpasaṁghaṁ nāśaya pūjitaḥ

(one should pray:) 'Just as, for the welfare of the worlds, you tore apart Hiranyakashipu, so too, being now worshipped, destroy this mass of sins.'

Verse 57 (skanda.2.72.57)

एवं संप्रार्थ्य नृहरिं प्रणम्य दण्डवत्क्षितौ । निर्वर्त्य व्रतमेवं तद्व्रती पंचदिनात्मकम् । पंच पंच प्रदीपांस्तु दिवारात्रौ प्रदापयेत्

evaṁ saṁprārthya nṛhariṁ praṇamya daṁḍavatkṣitau nirvartya vratamevaṁ tadvratī paṁcadinātmakam paṁca paṁca pradīpāṁstu divārātrau pradāpayet

Having thus prayed to Nrihari and prostrated flat upon the ground, and having thus completed this five-day vow, the observant should light five lamps by day and five by night.

Verse 58 (skanda.2.72.58)

वस्त्रयुग्मान्पंच पञ्च च्छत्रोपानद्युगं तथा । सयज्ञसूत्रान्कलशान्पञ्च पञ्च फलान्वितान्

vastrayugmānpaṁca pañca cchatropānadyugaṁ tathā sayajñasūtrānkalaśānpañca pañca phalānvitān

Five pairs of garments, a pair of umbrella and sandals, and five vessels furnished with fruits and sacred threads,

Verse 59 (skanda.2.72.59)

भोजनांते द्विजेभ्यश्च प्रदद्याच्छ्रद्धयान्वितः

bhojanāṁte dvijebhyaśca pradadyācchraddhayānvitaḥ

should be given, after the meal, to the brahmins with due reverence.

Verse 60 (skanda.2.72.60)

रात्रौ जागरगीताद्यैस्तथा नानोपहारकैः । तोषयेद्वासुदेवं तु पुराणपठनेन तु

rātrau jāgaragītādyaistathā nānopahārakaiḥ toṣayedvāsudevaṁ tu purāṇapaṭhanena tu

By night, one should please Vasudeva with vigil-keeping, singing, various offerings, and the recitation of Puranic texts.

Verse 61 (skanda.2.72.61)

पौर्णमास्युषसि स्नात्वा श्रीकृष्णस्यांतिकं व्रजेत्

paurṇamāsyuṣasi snātvā śrīkṛṣṇasyāṁtikaṁ vrajet

At dawn on the full-moon day, having bathed, one should go into the presence of Shri Krishna.

Verse 62 (skanda.2.72.62)

रामं कृष्णं सुभद्रां च पूजयित्वा यथाविधि । स्नपनं कारयित्वाथ दृष्ट्वा वा शास्त्रचोदितम्

rāmaṁ kṛṣṇaṁ subhadrāṁ ca pūjayitvā yathāvidhi snapanaṁ kārayitvātha dṛṣṭvā vā śāstracoditam

Having duly worshipped Rama, Krishna, and Subhadra, and having then either caused the scripturally-ordained bathing to be performed or witnessed it,

Verse 63 (skanda.2.72.63)

स्नानं कृत्वा पुनः सिंधौ गृहमागत्य तत्र वै । यत्र विष्णोर्मूर्त्तयस्ताः कुम्भस्था मन्त्रपूजिताः

snānaṁ kṛtvā punaḥ siṁdhau gṛhamāgatya tatra vai yatra viṣṇormūrttayastāḥ kuṁbhasthā mantrapūjitāḥ

one should then bathe again in the sea and return home, to the place where those images of Vishnu stand established in the pot, worshipped with mantras.

Verse 64 (skanda.2.72.64)

तासां पश्चिमतो वह्निं समाधाय यथाविधि । अग्निकार्यं प्रकुर्वीत स्वैः स्वैर्मंत्रैः पुरोहितः

tāsāṁ paścimato vahniṁ samādhāya yathāvidhi agnikāryaṁ prakurvīta svaiḥ svairmaṁtraiḥ purohitaḥ

Having established fire to their west according to rule, the officiating priest should perform the fire ritual, each with his own appropriate mantras.

Verse 65 (skanda.2.72.65)

प्रणवादिचतुर्थ्यंतं नमोंतं नाम ईरयेत् । देवानां मूलमंत्रस्तु स्वाहांतो होमकर्मणि

praṇavādicaturthyaṁtaṁ namoṁtaṁ nāma īrayet devānāṁ mūlamaṁtrastu svāhāṁto homakarmaṇi

Beginning with the syllable Om, one should utter each deity's name in the dative case ending with 'namaḥ'; the root mantra of the gods for the fire-offering should end with 'svāhā'.

Verse 66 (skanda.2.72.66)

चरोराज्यस्य समिधां पलाशानां पृथक्पृथक् । एकैकं देवमुद्दिश्य जुहुयाच्च शतं शतम्

carorājyasya samidhāṁ palāśānāṁ pṛthakpṛthak ekaikaṁ devamuddiśya juhuyācca śataṁ śatam

With oblation-rice, clarified butter, and separate offerings of palasha kindling-sticks, one should offer a hundred oblations each, addressed to each deity in turn.

Verse 67 (skanda.2.72.67)

तस्य पुष्पशतं चैव जुहुयात्तदनंतरम् । पूर्णाहुतिं ततो हुत्वा ब्रह्मणे दक्षिणां ददेत्

tasya puṣpaśataṁ caiva juhuyāttadanaṁtaram pūrṇāhutiṁ tato hutvā brahmaṇe dakṣiṇāṁ dadet

After that, one should offer a hundred flowers into the fire, and then, having offered the final oblation, give the sacrificial fee to the presiding Brahmin priest.

Verse 68 (skanda.2.72.68)

आचार्ये दक्षिणां दद्यात्सुवर्णं धेनुमेव च । स्वर्णशृंगीं रौप्यखुरां नानोपकरणैर्युताम्

ācārye dakṣiṇāṁ dadyātsuvarṇaṁ dhenumeva ca svarṇaśṛṁgīṁ raupyakhurāṁ nānopakaraṇairyutām

One should give to the preceptor gold as sacrificial fee, and also a cow with horns of gold and hooves of silver, furnished with various accessories.

Verse 69 (skanda.2.72.69)

महार्घ्यवस्त्रदानानि येन तुष्यति वा गुरुः । सर्वोपकरणैर्युक्ताः प्रतिमाश्च निवेदयेत्

mahārghyavastradānāni yena tuṣyati vā guruḥ sarvopakaraṇairyuktāḥ pratimāśca nivedayet

One should give gifts of costly garments by which the preceptor becomes pleased, and offer the images together with all their accessories.

Verse 70 (skanda.2.72.70)

ब्राह्मणान्भोजयेत्सर्पिः खण्डयुक्तैश्च पायसैः । एतद्व्रतं समाख्यातं ज्येष्ठपंचकमुत्तमम्

brāhmaṇānbhojayetsarpiḥ khaṇḍayuktaiśca pāyasaiḥ etadvrataṁ samākhyātaṁ jyeṣṭhapaṁcakamuttamam

One should feed the brahmins with sweet rice-pudding mixed with clarified butter and sugar. Thus has been described this excellent vow of Jyeshtha-Panchaka.

Verse 71 (skanda.2.72.71)

अनुष्ठाय नरो भक्त्या स्नानदर्शनजं फलम् । समग्रं लभते विप्रास्तदा नैवात्र संशयः

anuṣṭhāya naro bhaktyā snānadarśanajaṁ phalam samagraṁ labhate viprāstadā naivātra saṁśayaḥ

Having performed this with devotion, a person obtains the entire fruit born of the bathing and its sight, O brahmins — of this there is no doubt.

Verse 72 (skanda.2.72.72)

एकादशी या तु मध्ये निर्जला सा प्रकीर्तिता । एकां तां भक्तियुक्ता ये यथाविधि उपासते

ekādaśī yā tu madhye nirjalā sā prakīrtitā ekāṁ tāṁ bhaktiyuktā ye yathāvidhi upāsate

The eleventh day falling within this period is proclaimed as Nirjala (the waterless fast); those who, filled with devotion, duly observe that single eleventh day,

Verse 73 (skanda.2.72.73)

यावज्जीवकृताः सर्वा एकादश्यो न संशयः । व्रतराजमिमं कृत्वा सर्वव्रतफलं लभेत्

yāvajjīvakṛtāḥ sarvā ekādaśyo na saṁśayaḥ vratarājamimaṁ kṛtvā sarvavrataphalaṁ labhet

obtain without doubt the fruit of every eleventh-day fast kept throughout a lifetime; having performed this king of vows, one obtains the fruit of every vow.

Verse 74 (skanda.2.72.74)

यान्यान्समीहते कामांस्तांस्तानाप्नोत्यसंशयः

yānyānsamīhate kāmāṁstāṁstānāpnotyasaṁśayaḥ

Whatever desires he cherishes, all of those he undoubtedly obtains.