The Turning of the Lord's Side, His Awakening, and the Damodara Vow

Verse 1 (skanda.2.79.1)

मुनय ऊचुः। मुने त्वत्तः श्रुतं सम्यङ्माहात्म्यं जगदीशितुः। निर्माल्यप्रभृतीनां च यथावदनुपूर्वशः

munaya ūcuḥ mune tvattaḥ śrutaṁ samyaṅmāhātmyaṁ jagadīśituḥ nirmālyaprabhṛtīnāṁ ca yathāvadanupūrvaśaḥ

The sages said: O sage, we have duly and fully heard from you, in proper order, the glory of the Lord of the world and of his sacred remnant and the rest.

Verse 2 (skanda.2.79.2)

श्रोतुमिच्छामहे ब्रह्मन्यात्रां तरफलानि वै। शृण्वतां तत्त्वतो ब्रूहि यथोद्देशः कृतः पुरा

śrotumicchāmahe brahmanyātrāṁ taraphalāni vai śṛṇvatāṁ tattvato brūhi yathoddeśaḥ kṛtaḥ purā

We now wish to hear, O brahmin, of the pilgrimage and its fruits; tell us truly, as it was first declared of old, for we are listening.

Verse 3 (skanda.2.79.3)

जैमिनिरुवाच। सर्वथा वर्त्तते लोकहिताय पुरुषोत्तमः। नानागुणविकासैश्च नानारूपविचेष्टितैः

jaiminiruvāca sarvathā varttate lokahitāya puruṣottamaḥ nānāguṇavikāsaiśca nānārūpaviceṣṭitaiḥ

Jaimini said: Purushottama ever acts for the welfare of the world, through the unfolding of manifold qualities and manifold forms of activity,

Verse 4 (skanda.2.79.4)

नानारूपविलासेन नानात्मा च जगन्मयः। अहंकारं विना कर्मफलं नो द्विजसत्तमाः

nānārūpavilāsena nānātmā ca jaganmayaḥ ahaṁkāraṁ vinā karmaphalaṁ no dvijasattamāḥ

through manifold sportive forms, being of manifold nature and made of the universe itself; without egoism, O best of brahmins, there is no fruit of action.

Verse 5 (skanda.2.79.5)

अहंकारेण बध्यन्ते कारागारे भवाभिधे। बुद्ध्यहंकारयुक्तस्तु यत्कर्मारभते नरः

ahaṁkāreṇa badhyante kārāgāre bhavābhidhe buddhyahaṁkārayuktastu yatkarmārabhate naraḥ

Men are bound by egoism in the prison called worldly existence; whatever action a man undertakes joined with intellect and egoism,

Verse 6 (skanda.2.79.6)

तस्य सद्गुणमाप्नोति फलं शुभमथापरम्। बुद्धिस्तु त्रिविधा तेषां गुणभेदेन भाविता

tasya sadguṇamāpnoti phalaṁ śubhamathāparam buddhistu trividhā teṣāṁ guṇabhedena bhāvitā

obtains its fruit, whether good or otherwise; the intellect that prompts it is threefold, shaped by the distinction of the three qualities.

Verse 7 (skanda.2.79.7)

तत्र ये सात्त्विकाः संतः फलावाप्तिपराङ्मुखाः। भगवत्प्रीतये कर्म कुर्वते ते मुमुक्षवः

tatra ye sāttvikāḥ saṁtaḥ phalāvāptiparāṅmukhāḥ bhagavatprītaye karma kurvate te mumukṣavaḥ

Among these, those who are sattvic, indifferent to obtaining fruit, perform action for the pleasure of the Lord alone — they are the seekers of liberation.

Verse 8 (skanda.2.79.8)

परस्य स्पर्द्धया कीर्त्यै फलमुद्दिश्य वा पुनः। बहुवित्तव्ययायासै राजसं कर्म तन्वते

parasya sparddhayā kīrtyai phalamuddiśya vā punaḥ bahuvittavyayāyāsai rājasaṁ karma tanvate

Others, out of rivalry or for fame, or aiming at some worldly fruit, undertake rajasic action, with great expenditure of wealth and effort.

Verse 9 (skanda.2.79.9)

गतानुगतिका ये च दृष्टार्थैकपरायणाः। प्रसंगात्फलमिच्छंतस्तामसं कर्म कुर्वते

gatānugatikā ye ca dṛṣṭārthaikaparāyaṇāḥ prasaṁgātphalamicchaṁtastāmasaṁ karma kurvate

Those who merely follow custom, intent solely on visible ends, desiring fruit out of mere habit, perform tamasic action.

Verse 10 (skanda.2.79.10)

सात्त्विकानां जगन्नाथः सर्वदा सर्वभावनः। ध्यातो दृष्टः स्मृतो वापि मुक्तिदाता न संशयः

sāttvikānāṁ jagannāthaḥ sarvadā sarvabhāvanaḥ dhyāto dṛṣṭaḥ smṛto vāpi muktidātā na saṁśayaḥ

For the sattvic, Jagannatha, who dwells in every heart forever, whether meditated upon, seen, or even remembered, is the giver of liberation, without doubt.

Verse 11 (skanda.2.79.11)

राजसास्तामसा ये वै मूढात्मानः फलैषिणः। उत्सवादिकृतं कर्म मन्यंते फलदायि ते

rājasāstāmasā ye vai mūḍhātmānaḥ phalaiṣiṇaḥ utsavādikṛtaṁ karma manyaṁte phaladāyi te

The rajasic and the tamasic, deluded souls seeking fruit, consider acts such as festivals to be the source of reward.

Verse 12 (skanda.2.79.12)

संभूय बहवो विप्रा आरभंतेऽल्पकं विधिम्। बहुलायासदुःखं यत्कर्म तेषां फलप्रदम्

saṁbhūya bahavo viprā ārabhaṁte'lpakaṁ vidhim bahulāyāsaduḥkhaṁ yatkarma teṣāṁ phalapradam

Many brahmins join together and undertake even a small rite; whatever act involves much toil and hardship becomes, for them, fruit-bearing.

Verse 13 (skanda.2.79.13)

तेषामुद्धरणार्थाय विश्वासाय दुरात्मनाम्। यात्रा नानाविधा विप्रा वर्षे वर्षे प्रवर्तयेत्

teṣāmuddharaṇārthāya viśvāsāya durātmanām yātrā nānāvidhā viprā varṣe varṣe pravartayet

For their deliverance, and to instill faith in the wicked, one should institute various pilgrimages year after year, O brahmins.

Verse 14 (skanda.2.79.14)

जन्मस्नानं महावेद्या उत्सवश्च प्रकीर्तितः। महायात्राद्वयं पुंसां कीर्तनात्पापनाशनम्

janmasnānaṁ mahāvedyā utsavaśca prakīrtitaḥ mahāyātrādvayaṁ puṁsāṁ kīrtanātpāpanāśanam

The Birth-Bathing at the Mahavedi and the car-festival are proclaimed; these are the two great pilgrimages for men, whose mere recitation destroys sin.

Verse 15 (skanda.2.79.15)

दर्शनं दक्षिणामूर्तेस्तथा च शयनोत्सवः। सर्वपापहरश्चैषामुत्सवो दक्षिणायने

darśanaṁ dakṣiṇāmūrtestathā ca śayanotsavaḥ sarvapāpaharaścaiṣāmutsavo dakṣiṇāyane

The sight of the southward-facing form, and the festival of the Lord's repose, and the festival of the Dakshinayana — all these remove every sin.

Verse 16 (skanda.2.79.16)

अतः परं प्रवक्ष्यामि पार्श्वस्य परिवर्तनम्। शयितस्य जगद्भर्तुः परिवर्तयितुर्युगम्

ataḥ paraṁ pravakṣyāmi pārśvasya parivartanam śayitasya jagadbhartuḥ parivartayituryugam

Now I shall further declare the turning of the side, the rite of turning the World-Lord, who lies in repose.

Verse 17 (skanda.2.79.17)

नभस्य विमले पक्षे संप्राप्ते हरिवासरे। विष्णोः स्वापगृहद्वारि शनैर्गत्वा प्रविश्य च

nabhasya vimale pakṣe saṁprāpte harivāsare viṣṇoḥ svāpagṛhadvāri śanairgatvā praviśya ca

In the bright fortnight of Bhadrapada, on the day sacred to Hari, going slowly to the door of Vishnu's sleeping-chamber and entering it,

Verse 18 (skanda.2.79.18)

नमस्कृत्वा जगन्नाथं पर्यंके शयितं मुदा। अवच्छाद्य शनैर्गत्वा पूजयेदुपचारकैः

namaskṛtvā jagannāthaṁ paryaṁke śayitaṁ mudā avacchādya śanairgatvā pūjayedupacārakaiḥ

having bowed with joy to Jagannatha lying upon his couch, one should uncover him and go slowly, worshipping him with ritual honours.

Verse 19 (skanda.2.79.19)

प्रणम्य भक्त्या तत्पादौ गुह्योपनिषदैः स्तुवन्। मन्त्रं चेमं पठन्देवं स्वापयेदुत्तरामुखम्

praṇamya bhaktyā tatpādau guhyopaniṣadaiḥ stuvan mantraṁ cemaṁ paṭhandevaṁ svāpayeduttarāmukham

Bowing with devotion at his feet, praising him with the secret Upanishadic hymns, reciting this mantra, one should turn the deity, lying facing north, upon his side:

Verse 20 (skanda.2.79.20)

देवदेव जगन्नाथ कल्पानां परिवर्तक। परिवृत्तमिदं सर्वं येन स्थावरजंगमम्

devadeva jagannātha kalpānāṁ parivartaka parivṛttamidaṁ sarvaṁ yena sthāvarajaṁgamam

'O God of gods, Jagannatha, turner of the kalpas, by whom all this, moving and unmoving, is turned about —

Verse 21 (skanda.2.79.21)

यदिच्छाचेष्टितैरेव जाग्रत्स्वप्नसुषुप्तिभिः। जगद्धिताय सुप्तोऽसि पार्श्वेन परिवर्त्तय

yadicchāceṣṭitaireva jāgratsvapnasuṣuptibhiḥ jagaddhitāya supto'si pārśvena parivarttaya

who, by your very will and activity, through waking, dream, and deep sleep, have lain asleep for the world's good, now turn upon your side.

Verse 22 (skanda.2.79.22)

परिवर्त्तनकालोऽयं जगतः पालनाय ते। तवाज्ञयाऽयं शक्रोऽपि ध्वजे तिष्ठन्समुत्सुकः

parivarttanakālo'yaṁ jagataḥ pālanāya te tavājñayā'yaṁ śakro'pi dhvaje tiṣṭhansamutsukaḥ

This is the time of your turning, for the protection of the world; at your command even Indra stands eager upon the banner,

Verse 23 (skanda.2.79.23)

द्रष्टुं त्वत्पादकमलं विमुचञ्जलदैर्जलम्। महीतलं प्लावयति प्रजापालनहेतुकम्

draṣṭuṁ tvatpādakamalaṁ vimucañjaladairjalam mahītalaṁ plāvayati prajāpālanahetukam

to behold the lotus of your feet, releasing water from the clouds, flooding the surface of the earth for the sake of protecting the people.'

Verse 24 (skanda.2.79.24)

इति संप्रार्थ्य देवेशं वीप्सया तोषयेत्ततः। व्यजनैश्चामरैश्चैव वीजयेदनुकल्पकृत्

iti saṁprārthya deveśaṁ vīpsayā toṣayettataḥ vyajanaiścāmaraiścaiva vījayedanukalpakṛt

Having thus prayed to the Lord of gods, one should please him again and again with such entreaty, and fan him with fans and chowries, in the appropriate manner,

Verse 25 (skanda.2.79.25)

सुगन्धचन्दनैरस्य सर्वांगं परिलेपयेत्। स्वादूनिक्षुविकारांश्च विकृतैः पायसैस्तथा

sugandhacandanairasya sarvāṁgaṁ parilepayet svādūnikṣuvikārāṁśca vikṛtaiḥ pāyasaistathā

anoint his whole body with fragrant sandal, and offer sweet preparations of sugarcane and various sweetmeats mixed into payasam,

Verse 26 (skanda.2.79.26)

यावकानि च हृद्यानि फलानि विविधानि वै। स्वादूपदंशानन्यांश्च घृतपूपान्सपायसान्

yāvakāni ca hṛdyāni phalāni vividhāni vai svādūpadaṁśānanyāṁśca ghṛtapūpānsapāyasān

delightful cakes and various fruits, delicious relishes, ghee-fried cakes with payasam,

Verse 27 (skanda.2.79.27)

पक्वतांबूल पत्राणि सोपस्काराणि च द्विजाः। शय्यागृहद्वारि विभोः शनैर्भक्त्या निवेदयेत्

pakvatāṁbūla patrāṇi sopaskārāṇi ca dvijāḥ śayyāgṛhadvāri vibhoḥ śanairbhaktyā nivedayet

ripe betel-leaves with their condiments, O brahmins — these should be offered slowly, with devotion, at the door of the Lord's sleeping-chamber.

Verse 28 (skanda.2.79.28)

तस्मिन्दिने हरे रूपं भवेद्यदि महाफलम्। देवमुद्दिश्य यः कुर्यात्सर्वमक्षयतां व्रजेत्

tasmindine hare rūpaṁ bhavedyadi mahāphalam devamuddiśya yaḥ kuryātsarvamakṣayatāṁ vrajet

If on that day any special form of Hari should arise, it bears great fruit; whatever, dedicated to the deity, one performs, becomes imperishable.

Verse 29 (skanda.2.79.29)

स्नानं दानं जपो होमस्तपो जागरणं तथा। उपवासश्च नियमो व्रतांते द्विजतर्पणम्

snānaṁ dānaṁ japo homastapo jāgaraṇaṁ tathā upavāsaśca niyamo vratāṁte dvijatarpaṇam

Bathing, giving, recitation, fire-oblation, austerity, and keeping vigil likewise, and fasting and observance, and at the vow's end the satisfaction of brahmins —

Verse 30 (skanda.2.79.30)

सांगं व्रतमिदं कृत्वा विष्णुलोकमवाप्नुयात्। यं यं कामयते चित्ते तं तमाप्नोत्यसंशयम्

sāṁgaṁ vratamidaṁ kṛtvā viṣṇulokamavāpnuyāt yaṁ yaṁ kāmayate citte taṁ tamāpnotyasaṁśayam

having performed this vow with all its parts, one attains Vishnuloka; whatever one desires in the heart, that one obtains, without doubt.

Verse 31 (skanda.2.79.31)

अयं वः कथितो विप्राः पार्श्वपर्यायणोत्सवः। अनायासेन लोकानामक्षयः सुखदायकः

ayaṁ vaḥ kathito viprāḥ pārśvaparyāyaṇotsavaḥ anāyāsena lokānāmakṣayaḥ sukhadāyakaḥ

This festival of the turning of the side has been declared to you, O brahmins; it bestows imperishable happiness upon people without effort.

Verse 32 (skanda.2.79.32)

अतः परं वै शृणुत उत्थापनमहोत्सवम्। पूजयित्वा जगन्नाथं कौमुद्याख्ये महोत्सवे

ataḥ paraṁ vai śṛṇuta utthāpanamahotsavam pūjayitvā jagannāthaṁ kaumudyākhye mahotsave

Now further, hear of the great festival of the Awakening; having worshipped Jagannatha at the great festival called Kaumudi,

Verse 33 (skanda.2.79.33)

अक्षक्रीडादिभिः पुष्पवस्त्रमाल्यानुलेपनैः। ततोस्मिन्पौर्णमास्यायां रात्रावुत्सवसंयुतम्

akṣakrīḍādibhiḥ puṣpavastramālyānulepanaiḥ tatosminpaurṇamāsyāyāṁ rātrāvutsavasaṁyutam

with games of dice and the like, with flowers, cloth, garlands, and unguents; then, on that full-moon night, joined with festivity,

Verse 34 (skanda.2.79.34)

नारिकेलादिभिर्द्रव्यैः पिष्टकैरर्चयेद्धरिम्। ततः प्रभाते संकल्प्य कार्त्तिके व्रतमुत्तमम्

nārikelādibhirdravyaiḥ piṣṭakairarcayeddharim tataḥ prabhāte saṁkalpya kārttike vratamuttamam

one should worship Hari with coconut and other substances, and with rice-cakes; then, in the morning, having made resolve, one should undertake the excellent vow of Kartika.

Verse 35 (skanda.2.79.35)

व्रतेन तेनैव नयेद्यावदेकादशी सिता। तस्यामुत्थापयेद्देवं सुसुप्तं जगदीश्वरम्

vratena tenaiva nayedyāvadekādaśī sitā tasyāmutthāpayeddevaṁ susuptaṁ jagadīśvaram

One should continue that same vow until the bright eleventh day; on that day one should awaken the God of gods, who lies deep asleep.

Verse 36 (skanda.2.79.36)

पूर्ववत्पूजयित्वा तु निशामध्ये जगद्गुरुम्। उत्थापयेदिमं मंत्रमाह्वयञ्छनकैर्मुदा

pūrvavatpūjayitvā tu niśāmadhye jagadgurum utthāpayedimaṁ maṁtramāhvayañchanakairmudā

Having worshipped the World-Teacher as before, in the middle of the night, one should awaken him, calling him gently and joyfully with this mantra:

Verse 37 (skanda.2.79.37)

उत्तिष्ठ देवदेवेश तेजोराशे जगत्पते। वीक्षस्व सकलं देव प्रसुप्तं तव मायया

uttiṣṭha devadeveśa tejorāśe jagatpate vīkṣasva sakalaṁ deva prasuptaṁ tava māyayā

'Arise, O Lord of gods, mass of splendour, Lord of the world; behold, O God, all that lies asleep by your own maya.

Verse 38 (skanda.2.79.38)

प्रफुल्लपुंडरीकश्रीहारिणा नयनेन वै। त्वया दृष्टं जगदिदं पावित्र्यं परमेष्यति

praphullapuṁḍarīkaśrīhāriṇā nayanena vai tvayā dṛṣṭaṁ jagadidaṁ pāvitryaṁ parameṣyati

By your eye that steals the glory of the full-blown lotus, once this world is seen by you, it shall attain supreme purity.

Verse 39 (skanda.2.79.39)

श्रौतस्मार्त्ताः क्रियाः सर्वाः प्रवर्तंते ततो ध्रुवम्। इत्युत्थाप्य जगन्नाथं वेणुवीणादिकस्वनैः

śrautasmārttāḥ kriyāḥ sarvāḥ pravartaṁte tato dhruvam ityutthāpya jagannāthaṁ veṇuvīṇādikasvanaiḥ

All Shrauta and Smarta rites shall assuredly proceed thereafter.' Having thus awakened Jagannatha, amid the sounds of flutes and vinas,

Verse 40 (skanda.2.79.40)

बंदिमागधसूतानां स्तुतिभिर्मंगलस्वनैः। शंखकाहालमुरजवादनैर्नृत्यगीतकैः

baṁdimāgadhasūtānāṁ stutibhirmaṁgalasvanaiḥ śaṁkhakāhālamurajavādanairnṛtyagītakaiḥ

amid the auspicious hymns of bards, panegyrists, and heralds, amid the playing of conch, kahala, and drum, and dance and song,

Verse 41 (skanda.2.79.41)

जयशब्दैस्तथा स्तोत्रैर्नयंत्तं नृत्यमण्डपम्। सुगन्धतैलेनाभ्यज्य स्नापयेत्पुरुषोत्तमम्

jayaśabdaistathā stotrairnayaṁttaṁ nṛtyamaṇḍapam sugandhatailenābhyajya snāpayetpuruṣottamam

amid cries of 'Victory!' and hymns of praise, one should lead him to the dance-pavilion; having anointed him with fragrant oil, one should bathe Purushottama

Verse 42 (skanda.2.79.42)

पञ्चामृतैर्नारिकेलरसैः फलरसैस्तथा। सुगन्धामलकेनाथ यवकल्केन लेपयेत्

pañcāmṛtairnārikelarasaiḥ phalarasaistathā sugandhāmalakenātha yavakalkena lepayet

with the five nectars, with coconut-juice and fruit-juices, and anoint him with fragrant amalaki and barley-paste,

Verse 43 (skanda.2.79.43)

घर्षयेत्तुलसीचूर्णैर्लेपयेद्गन्धचन्दनैः। पुष्पाधिवासितैस्तोयैस्तथा कर्पूरवासितैः

gharṣayettulasīcūrṇairlepayedgandhacandanaiḥ puṣpādhivāsitaistoyaistathā karpūravāsitaiḥ

rub him with tulsi powder, and anoint him with fragrant sandal, with waters steeped in flowers and scented with camphor,

Verse 44 (skanda.2.79.44)

कुशोदकै रत्नतोयैस्तथा गंधोदकैस्तथा। स्नाप्यमानं तथा देवं ये पश्यंति मुदान्विताः

kuśodakai ratnatoyaistathā gaṁdhodakaistathā snāpyamānaṁ tathā devaṁ ye paśyaṁti mudānvitāḥ

with kusha-water, with jewel-water, and with fragrant waters likewise. Those who behold that deity being thus bathed, filled with joy,

Verse 45 (skanda.2.79.45)

क्षालयन्ति दृढं पंकं बहुजन्मोपपादितम्। ततः श्रीजगदीशस्य क्रोडे संवासयेद्द्विजाः

kṣālayanti dṛḍhaṁ paṁkaṁ bahujanmopapāditam tataḥ śrījagadīśasya kroḍe saṁvāsayeddvijāḥ

wash away the firmly-lodged mire accumulated over many births; then, O brahmins, one should seat him in the lap of glorious Jagadisha,

Verse 46 (skanda.2.79.46)

आपादान्मूर्धपर्यंतं सर्वागं परिलेपयेत्। कुंकुमागुरुकस्तूरीकर्पूरैश्चंदनान्वितैः

āpādānmūrdhaparyaṁtaṁ sarvāgaṁ parilepayet kuṁkumāgurukastūrīkarpūraiścaṁdanānvitaiḥ

and anoint his entire body from foot to crown with saffron, aloe-wood, musk, and camphor mixed with sandal,

Verse 47 (skanda.2.79.47)

पाटलोदकसंपिष्टैः कालागुरुरसाप्लुतैः। दत्त्वा च मालतीमाला चन्द्रचूर्णेन संयुताम्

pāṭalodakasaṁpiṣṭaiḥ kālāgururasāplutaiḥ dattvā ca mālatīmālā candracūrṇena saṁyutām

ground with rose-water and steeped in the essence of black aloe-wood, and offer him a garland of jasmine mixed with camphor-powder;

Verse 48 (skanda.2.79.48)

महोपचारैः संपूज्य विष्णुं नीराजयेत्ततः। कृतांजलिपुटो भूत्वा प्रार्थयेत्परया मुदा

mahopacāraiḥ saṁpūjya viṣṇuṁ nīrājayettataḥ kṛtāṁjalipuṭo bhūtvā prārthayetparayā mudā

having worshipped Vishnu with great ritual honours, one should then wave the lamp before him, and with hands folded in reverence, pray with supreme joy:

Verse 49 (skanda.2.79.49)

चराचरमिदं सर्वं त्वदेकशरणं विभो। अनुग्रहामृतालोकैः पावयस्व जगद्गुरो

carācaramidaṁ sarvaṁ tvadekaśaraṇaṁ vibho anugrahāmṛtālokaiḥ pāvayasva jagadguro

'All this, moving and unmoving, has you alone as its refuge, O Lord; purify it, O World-Teacher, with the nectar-light of your grace.'

Verse 50 (skanda.2.79.50)

नृत्यगीतैः प्रेक्षणकै रात्रिशेषं समापयेत्। शयनादुत्थितं देवं यः पश्यति गदाधरम्

nṛtyagītaiḥ prekṣaṇakai rātriśeṣaṁ samāpayet śayanādutthitaṁ devaṁ yaḥ paśyati gadādharam

One should pass the remainder of the night with dance, song, and spectacles. He who beholds the Mace-bearer, risen from his repose,

Verse 51 (skanda.2.79.51)

निद्रां मोहमयीं भित्त्वा ज्योतिः शांतं व्रजंति ते। सर्वान्कामानवाप्नोति यान्यान्कामयते हृदि

nidrāṁ mohamayīṁ bhittvā jyotiḥ śāṁtaṁ vrajaṁti te sarvānkāmānavāpnoti yānyānkāmayate hṛdi

having pierced the delusion of sleep, attains a serene radiance; he obtains all the desires he cherishes in his heart.

Verse 52 (skanda.2.79.52)

अश्वमेधसहस्रस्य फलं साग्रं लभेत वै। कपिलालंकृताधेनुकोटिदानफलं तथा

aśvamedhasahasrasya phalaṁ sāgraṁ labheta vai kapilālaṁkṛtādhenukoṭidānaphalaṁ tathā

He obtains the full fruit of a thousand horse-sacrifices, and likewise the fruit of gifting ten million cows adorned like Kapila's;

Verse 53 (skanda.2.79.53)

पुण्यं चाप्नोति परमं सर्वतीर्थाभिषेकजम्। कार्त्तिक्यां पारणं कुर्याच्चातुर्मास्यव्रतस्य वै

puṇyaṁ cāpnoti paramaṁ sarvatīrthābhiṣekajam kārttikyāṁ pāraṇaṁ kuryāccāturmāsyavratasya vai

he obtains the supreme merit that arises from bathing in every sacred water. On the bright eleventh of Kartika one should break the fast of the Chaturmasya vow.

Verse 54 (skanda.2.79.54)

दामोदरस्य प्रतिमां स्वर्णनिष्केण निर्मिताम्। यथाशक्तिकृतां वापि शालग्रामशिलास्थिताम्

dāmodarasya pratimāṁ svarṇaniṣkeṇa nirmitām yathāśaktikṛtāṁ vāpi śālagrāmaśilāsthitām

One should worship an image of Damodara made of a gold coin, or made according to one's means, set upon a Shalagrama stone,

Verse 55 (skanda.2.79.55)

चक्रमूर्तिं भगवतः पूजयेत्प्रयतात्मवान्। रचयेन्मण्डपं शुभ्रमेकदेशं गृहस्य वा

cakramūrtiṁ bhagavataḥ pūjayetprayatātmavān racayenmaṇḍapaṁ śubhramekadeśaṁ gṛhasya vā

worshipping the discus-form of the Lord with a controlled mind; one should build a pure pavilion, in part of the house or elsewhere,

Verse 56 (skanda.2.79.56)

अलंकुर्यात्पुष्पदामचामरैः सवितानकैः। भूमिभित्तीः सुधालेपैः स्तंभैश्चित्रदुकूलकैः

alaṁkuryātpuṣpadāmacāmaraiḥ savitānakaiḥ bhūmibhittīḥ sudhālepaiḥ staṁbhaiścitradukūlakaiḥ

adorn it with strings of flowers and chowries and a canopy, its floor and walls with lime-plaster and pillars covered with painted silks,

Verse 57 (skanda.2.79.57)

कालागुरूणां धूपैश्च धूपयेत्तद्गृहं शुभम्। तन्मध्ये मण्डलं कुर्यात्स्वस्तिकं वर्णकैः शुभैः

kālāgurūṇāṁ dhūpaiśca dhūpayettadgṛhaṁ śubham tanmadhye maṇḍalaṁ kuryātsvastikaṁ varṇakaiḥ śubhaiḥ

and perfume that auspicious house with incense of black aloe-wood; in its midst one should make a diagram, a svastika, with auspicious colours.

Verse 58 (skanda.2.79.58)

तदन्तः स्थापयेत्खट्वां करिदन्तमयीं शुभाम्। पट्टतूलीं तदुपरि वासयेत्पुरुषोत्तमम्

tadantaḥ sthāpayetkhaṭvāṁ karidantamayīṁ śubhām paṭṭatūlīṁ tadupari vāsayetpuruṣottamam

Within it one should set up a fine couch fashioned of ivory, and upon it, on a silken cushion, one should seat Purushottama,

Verse 59 (skanda.2.79.59)

दामोदराकृतिं शंखपद्मपाणिं चतुर्भुजम्। लक्ष्मीमालिंग्य पद्मस्थां क्रोडस्थां वामपाणिना

dāmodarākṛtiṁ śaṁkhapadmapāṇiṁ caturbhujam lakṣmīmāliṁgya padmasthāṁ kroḍasthāṁ vāmapāṇinā

in the form of Damodara, four-armed, holding conch and lotus, embracing with his left hand Lakshmi, seated on a lotus, upon his lap,

Verse 60 (skanda.2.79.60)

भक्तेभ्यो दातुमुद्यंतं वरं दक्षिणपाणिना। सुनासं सुललाटं च सुनेत्रं सुश्रुतिद्वयम्

bhaktebhyo dātumudyaṁtaṁ varaṁ dakṣiṇapāṇinā sunāsaṁ sulalāṭaṁ ca sunetraṁ suśrutidvayam

extending with his right hand a boon to his devotees, of fine nose, fine forehead, fine eyes, and fine ears,

Verse 61 (skanda.2.79.61)

विशालवक्षसं देवं सर्वलावण्यसंयुतम्। सर्वालंकाररुचिरं दिव्यपीतनिचोलिनम्

viśālavakṣasaṁ devaṁ sarvalāvaṇyasaṁyutam sarvālaṁkāraruciraṁ divyapītanicolinam

of broad chest, endowed with every beauty, resplendent with every ornament, clad in divine yellow silk,

Verse 62 (skanda.2.79.62)

लक्ष्मीं पद्मकरां वापि तांबूलं ददतीं तथा। पञ्चामृतैः स्नापयित्वा वासोयुग्मेन वेष्टयेत्

lakṣmīṁ padmakarāṁ vāpi tāṁbūlaṁ dadatīṁ tathā pañcāmṛtaiḥ snāpayitvā vāsoyugmena veṣṭayet

and Lakshmi with a lotus in her hand, offering him betel — having bathed them with the five nectars, one should wrap them in a pair of garments,

Verse 63 (skanda.2.79.63)

पूजयेदुपचारैस्तं यथाविभवविस्तरैः। ताम्रदीपान्मृन्मयान्वा ज्वालयेद्गव्यसर्पिषा

pūjayedupacāraistaṁ yathāvibhavavistaraiḥ tāmradīpānmṛnmayānvā jvālayedgavyasarpiṣā

and worship them with ritual honours as lavish as one's means allow; one should light copper or clay lamps with cow's ghee,

Verse 64 (skanda.2.79.64)

तैलेन वा शतं दीपवृक्षांश्चैव प्रदापयेत्। ब्रह्माणं नारदादींश्च देवर्षींस्तत्र पूजयेत्

tailena vā śataṁ dīpavṛkṣāṁścaiva pradāpayet brahmāṇaṁ nāradādīṁśca devarṣīṁstatra pūjayet

or with oil, and offer a hundred lamp-trees as well; there one should worship Brahma, Narada, and the other divine sages,

Verse 65 (skanda.2.79.65)

दामोदरस्वरूपान्वै ब्राह्मणानपि पूजयेत्। वस्त्रयुग्मैर्माल्यगन्धैर्भक्ष्यभोज्यफलैस्तथा

dāmodarasvarūpānvai brāhmaṇānapi pūjayet vastrayugmairmālyagandhairbhakṣyabhojyaphalaistathā

and worship brahmins as forms of Damodara himself, with pairs of garments, garlands, fragrances, and foods and fruits.

Verse 66 (skanda.2.79.66)

तीर्थराजाभिषेकांगं पूजाकर्म यथोचितम्। दामोदरस्य तेनैव विधिनेहार्चनं भवेत्

tīrtharājābhiṣekāṁgaṁ pūjākarma yathocitam dāmodarasya tenaiva vidhinehārcanaṁ bhavet

The rite of worship befitting an abhisheka at the king of sacred places should be duly performed; by that very rite, the worship of Damodara is accomplished here.

Verse 67 (skanda.2.79.67)

तद्विष्णोरिति मन्त्रेण ब्रह्मादीनपि पूजयेत्। वेणुवीणादिकैर्गीतैः पुराणपठनेन च

tadviṣṇoriti mantreṇa brahmādīnapi pūjayet veṇuvīṇādikairgītaiḥ purāṇapaṭhanena ca

With the mantra 'tad viṣṇoḥ,' one should worship Brahma and the others as well, with songs to flute and vina, and with the reading of the Puranas.

Verse 68 (skanda.2.79.68)

महोत्सवं प्रकुर्वीत ततो जागरणेन च। ततः प्रभाते विमलेऽग्निकार्यं च समाचरेत्

mahotsavaṁ prakurvīta tato jāgaraṇena ca tataḥ prabhāte vimale'gnikāryaṁ ca samācaret

One should hold a great festival, and then keep vigil; then, in the pure morning, perform the fire-rite,

Verse 69 (skanda.2.79.69)

अष्टाक्षरेण मंत्रेण समिदाज्यचरूनपि। लाजान्मधुसमिन्मिश्राञ्जुहुयाच्च ततः श्रिये

aṣṭākṣareṇa maṁtreṇa samidājyacarūnapi lājānmadhusaminmiśrāñjuhuyācca tataḥ śriye

with the eight-syllable mantra, offering fuel-sticks, ghee, and cooked oblations, and parched grain mixed with honey, for the sake of prosperity.

Verse 70 (skanda.2.79.70)

सूक्तेनाष्टोत्तरशतं ब्रह्मादीनां तदन्ततः। अष्टाहुतीर्वै जुहुयात्क्रमादेकैकशस्तिलैः

sūktenāṣṭottaraśataṁ brahmādīnāṁ tadantataḥ aṣṭāhutīrvai juhuyātkramādekaikaśastilaiḥ

With the sukta, one hundred and eight times, then finally, in turn, to Brahma and the others, one should offer eight oblations, one for each, with sesame seeds:

Verse 71 (skanda.2.79.71)

ब्रह्माणं नारदं दक्षं वसिष्ठं गौतमं तथा। सनत्कुमारमत्रिं च भरद्वाजं च कश्यपम्

brahmāṇaṁ nāradaṁ dakṣaṁ vasiṣṭhaṁ gautamaṁ tathā sanatkumāramatriṁ ca bharadvājaṁ ca kaśyapam

to Brahma, Narada, Daksha, Vasishtha, Gautama likewise, to Sanatkumara, Atri, Bharadvaja, and Kashyapa,

Verse 72 (skanda.2.79.72)

दुर्वाससमगस्त्यं च महादेवं ततः परम्। विख्याता वैष्णवा ह्येते विष्णुरूपा न संशयः

durvāsasamagastyaṁ ca mahādevaṁ tataḥ param vikhyātā vaiṣṇavā hyete viṣṇurūpā na saṁśayaḥ

to Durvasas and Agastya, and finally to Mahadeva — these are renowned as Vaishnavas, forms of Vishnu himself, without doubt.

Verse 73 (skanda.2.79.73)

एतान्संपूजयन्विप्रान्विष्णुः प्रीणाति तत्क्षणात्। होमांते प्राशनं कृत्वा दद्यादाचार्यदक्षिणाम्

etānsaṁpūjayanviprānviṣṇuḥ prīṇāti tatkṣaṇāt homāṁte prāśanaṁ kṛtvā dadyādācāryadakṣiṇām

By worshipping these brahmins, Vishnu is pleased instantly; at the end of the fire-rite, having partaken of the offering, one should give the acharya his sacrificial fee,

Verse 74 (skanda.2.79.74)

सुवर्णभूषितां धेनुं वस्त्रं धान्यं च भक्तितः। प्रीतये वासुदेवस्य भोजयेद्द्विजपुंगवान्

suvarṇabhūṣitāṁ dhenuṁ vastraṁ dhānyaṁ ca bhaktitaḥ prītaye vāsudevasya bhojayeddvijapuṁgavān

a cow adorned with gold, cloth, and grain, with devotion, and for the pleasure of Vasudeva, feed the foremost brahmins.

Verse 75 (skanda.2.79.75)

सर्वोपचारसहितं दद्याद्दामोदरं ततः

sarvopacārasahitaṁ dadyāddāmodaraṁ tataḥ

Then one should give Damodara, together with every ritual honour,

Verse 76 (skanda.2.79.76)

ॐ दामोदर जगन्नाथ त्वन्मयं विश्वमेव हि। त्वदाधारमिदं सर्वं त्वं धर्मः सर्वभावनः। त्वत्प्रसादाद्व्रतं चीर्णं सुसंपूर्णं तदस्तु मे

ॐ dāmodara jagannātha tvanmayaṁ viśvameva hi tvadādhāramidaṁ sarvaṁ tvaṁ dharmaḥ sarvabhāvanaḥ tvatprasādādvrataṁ cīrṇaṁ susaṁpūrṇaṁ tadastu me

'Om, Damodara, Jagannatha, the whole universe is made of you alone; all this rests upon you; you are dharma, the very nature of all being; by your grace may this vow, thus performed, be made fully complete for me.'

Verse 77 (skanda.2.79.77)

दामोदरः प्रदाता च गृहीता च वृषध्वजः। प्रदीयते जगन्नाथः प्रीयतां मे जगद्गुरुः

dāmodaraḥ pradātā ca gṛhītā ca vṛṣadhvajaḥ pradīyate jagannāthaḥ prīyatāṁ me jagadguruḥ

'Damodara is the giver, and the bull-bannered one is the receiver; Jagannatha is given; may my World-Teacher be pleased.'

Verse 78 (skanda.2.79.78)

इति मंत्रं जपन्दद्यादाचार्याय सुरोत्तमम्। समाप्य पूजयेद्भक्त्या स्तूयात्तं च प्रसादयेत्

iti maṁtraṁ japandadyādācāryāya surottamam samāpya pūjayedbhaktyā stūyāttaṁ ca prasādayet

Reciting this mantra, one should give the excellent image to the acharya; having concluded, one should worship him with devotion, praise him, and seek his favour.

Verse 79 (skanda.2.79.79)

आचार्ये परितुष्टे तु तुष्टो भवति माधवः। तत्तद्द्रव्याणि च ततो दद्याद्विप्रेभ्य एव हि

ācārye parituṣṭe tu tuṣṭo bhavati mādhavaḥ tattaddravyāṇi ca tato dadyādviprebhya eva hi

When the acharya is satisfied, Madhava too becomes satisfied; one should then give the various articles to the brahmins.

Verse 80 (skanda.2.79.80)

ततः स्वयं वै भुंजीत इष्टैः शिष्टैः स्वबंधुभिः। चातुर्मास्यव्रतं चेदं प्रतिष्ठाप्य विधानतः

tataḥ svayaṁ vai bhuṁjīta iṣṭaiḥ śiṣṭaiḥ svabaṁdhubhiḥ cāturmāsyavrataṁ cedaṁ pratiṣṭhāpya vidhānataḥ

Then one should himself partake of food, together with dear ones and the learned, one's own kinsmen — having thus established this vow of Chaturmasya according to rite,

Verse 81 (skanda.2.79.81)

यथोक्तफलसंपन्नो विष्णुलोकमवाप्नुयात्। श्रुतिस्मृतिपुराणेषु नातः परतरं व्रतम्

yathoktaphalasaṁpanno viṣṇulokamavāpnuyāt śrutismṛtipurāṇeṣu nātaḥ parataraṁ vratam

endowed with the fruit as declared, one attains Vishnuloka; among the Shruti, Smriti, and Puranas, there is no vow higher than this,

Verse 82 (skanda.2.79.82)

येनानुष्ठितमात्रेण कृतकृत्यो भवेन्नरः। विष्णोः प्रीतिकरं यादृङ्न तथान्यद्व्रतं द्विजाः

yenānuṣṭhitamātreṇa kṛtakṛtyo bhavennaraḥ viṣṇoḥ prītikaraṁ yādṛṅna tathānyadvrataṁ dvijāḥ

by the mere performance of which a man becomes fulfilled; there is no other vow, O brahmins, so pleasing to Vishnu as this one.

Verse 83 (skanda.2.79.83)

तिलपात्रसहस्रैस्तु गवां चैवायुतायुतैः। कृष्णाजिनशतेनापि कन्यानामयुतेन च

tilapātrasahasraistu gavāṁ caivāyutāyutaiḥ kṛṣṇājinaśatenāpi kanyānāmayutena ca

The fruit that one obtains by giving a thousand vessels of sesame, and by ten thousand times ten thousand cows,

Verse 84 (skanda.2.79.84)

दत्त्वा यत्फलमाप्नोति कृत्वैतद्व्रतमुत्तमम्। सार्द्धत्रिकोटितीर्थानामभिषेकफलं तथा

dattvā yatphalamāpnoti kṛtvaitadvratamuttamam sārddhatrikoṭitīrthānāmabhiṣekaphalaṁ tathā

and by a hundred black-antelope skins, and by ten thousand maidens — that very fruit is obtained by performing this excellent vow; and likewise the fruit of bathing at three and a half crore sacred places —

Verse 85 (skanda.2.79.85)

प्राप्नोति तत्फलं विप्रा यं यं कामयते नरः

prāpnoti tatphalaṁ viprā yaṁ yaṁ kāmayate naraḥ

that fruit, O brahmins, a man obtains, whatever he may desire.